*

laugardagur, 25. nóvember 2017
Huginn og muninn
17. apríl 2017 10:04

Frjálslyndur byltingarflokkur

Munurinn á Sósíalistaflokknum og Alþýðufylkingunni vefst fyrir mörgum vinstrimanninum.

Aðrir ljósmyndarar

Hreyfingar í átt að stofnun flokks Gunnars Smára hafa sætt nokkurri gagnrýni – og vakið nokkra kátínu – hægrimanna. En gagnrýnin hefur einnig komið frá andlegum frændum Gunnars Smára.

Á Facebook síðu flokksins – áður síðu áhugafólks um að gera Ísland að fylki í Noregi – hefur þeirri spurningu verið varpað fram af hverju verið sé að stofna hér Sósíalistaflokk, þegar fyrir sé nú þegar slíkur flokkur, Alþýðufylkingin.

Svörin, sem stuðningsmenn Gunnars Smára gefa, eru áhugaverð. Þau snúast einkum um að Alþýðufylkingin sé „lenínískur og bolshevískur kommúnistaflokkur af gamla skólanum,“ á meðan flokkur Gunnars Smára sé „frjálslyndur sósíalistaflokkur.“

Það er gott að vita, en væntanlegur formaður hins frjálslynda flokks hvetur engu að síður til byltingar á sömu Facebook síðu. Það á væntanlega að vera frjálslynd bylting.

Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.