*

föstudagur, 24. maí 2019
Týr
12. maí 2019 09:01

Heilög Greta

Prestar þjóðkirkjunnar hrífast af opinberunum heilagrar Gretu af Thunberg þó ættu að þekkja dómsdagsspádóma.

Greta Thunberg er stúlka frá Svíþjóð.
epa

Týr heyrði að prestastefna krefðist þess að stjórnvöld lýstu yfir neyðarástandi vegna loftslagsmála. Það er auðvitað vel við hæfi að umboðsmenn himnaföðurins hafi áhyggjur af loftslaginu, en er ekki fullmikið að þeir krefjist neyðarástands, sem leysa á með fjárútlátum úr vösum skattgreiðenda til þess að endurheimta votlendi á kirkjujörðum, efla þar skógrækt og rafbílavæða Þjóðkirkjuna!

                                                                                               * * *

Það er ekkert erfitt að rekja hvaðan þessi klerklega mærð um að nú dugi ekkert minna en neyðarástand er komin. Prestar þjóðkirkjunnar hafa ljóslega hrifist af opinberunum heilagrar Gretu af Thunberg og vilja þrátt fyrir aldurinn slást með í barnakrossferðina nýju. Þó hefði mátt ætla að þeir hafi meiri sögulega yfirsýn en flestir um áreiðanleika dómsdagsspádóma og speki barnamessíasa.

                                                                                               * * *

Það er ástæðulaust að gera lítið úr þeim vanda sem loftslagsbreytingar geta valdið, en ætli menn sér að bregðast skynsamlega við, þá þurfa þeir líka að taka á þeim af skynsemi og huga að staðreyndum, ekki hræðsluáróðri og rugli. Því það er ekki svo að málflutningur Gretu Thunberg sé óyggjandi og óbrigðull. Þvert á móti fer hún afar frjálslega með og talar um það sem kannski gæti gerst og vikmörkin slík, að augljóst er að þar að baki er engin tölfræði heldur óskhyggja og áróður.

                                                                                               * * *

En það var snilldarbragð hjá umhverfisöfgahópum á vinstri kantinum að fá Gretu til þess að vera í fararbroddi, því hver fær af sér að þjarma að 16 ára barni með ágengum spurningum, hvað þá 16 ára, einhverfu barni? Fullyrðingar hennar um útdauða stórs hluta dýrategunda Jarðar, endalok siðmenningar og tímatakmörk aðgerða eru ekki vel grundvallaðar (og raunar mikið til sömu spádómar sem hvað eftir annað hafa ekki ræst á undanförnum 40 árum). Lausnir eins og að stöðva alla kolefnislosun fyrir 2025, eru aðeins öruggar um að valda stórfenglegasta efnahagshruni mannkynssögunnar.

                                                                                               * * *

Greta segist vegna þess hvernig hún er gerð aðeins horfa á málin í svarthvítu, en við blasir að þessi viðfangsefni eru flókin og í öllum regnbogans litum, þar sem á vegast þarfir umhverfis og efnahags, sem þurfa að geta farið saman. Og þau leysa menn með vísindum og lýðræðislegum aðferðum, ekki nýjum trúarkreddum.

Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim