*

laugardagur, 4. júlí 2020
Flýtival:
Innlent
|
Fólk
|
Erlent
|
Frjáls verslun
|
Sjónvarp
|
Neðanmáls
|
Staðreyndavogin
Tímabil:
|
|
|
|
|
|
|
|
|
|
|
|
|
|
|
|


febrúar, 2005

 

136 milljarða aukning frá ársbyrjun


 

Samskip hafa keypt hollenska flutningafyrirtækið Geest North Sea Line og verður rekstur þess sameinaður gámaflutningastarfsemi Samskipa í Evrópu undir nafni Geest. Kaupverð er ekki gefið upp en nærri lætur að velta Samskipa tvöfaldist milli ára og verði um 45 milljarðar íslenskra króna á þessu ári. Geest North Sea Line verður rekið sem dótturyfirtæki Samskipa og verður eitt stærsta gámflutningafélag í siglingum innan Evrópu. Um 60% af heildarveltu Samskipa verður vegna starfsemi utan Íslands og Ásbjörn Gíslason, forstjóri Samskipa erlendis, verður stjórnarformaður Geest.


 

Gengi krónunnar hækkaði í dag um 0,05%. Gengisvísitalan sveiflaðist á bilinu 109,20 til 109,75.Evrópski seðlabankinn hélt stýrivöxtum óbreyttum í 2% í dag eins og búist var við. Á morgun verða birtar vinnumarkaðstölur frá Bandaríkjunum. Búist er við að atvinnuleysi hafi mælst 5,2% í febrúar og að nýjum störfum hafi fjölgað um 225þús.Gengisvísitalan byrjaði í 109,35 og endaði í 109,30. Viðskipti á millibankamarkaði með gjaldeyri í dag voru 5,9 milljarðar.


 

Rætt verður við Grím Garðarsson framkvæmdastjóra Skagans á Akranesi. Fyrirtækið er leiðandi fyrirtæki í þróun búnaðar fyrir matvælavinnslu og hefur verið allt frá því að það var stofnað árið 1998. Nú starfa um 50 manns hjá fyrirtækinu á Akranesi. Fyrirtækið hefur á að skipa 10 manna tæknideild sem gerir fyrirtækinu það kleift að vera í stöðugri þróunarvinnu og getur jafnframt tekið við mjög stórum verkefnum.


 

SA mótmæla Aðfangaeftirlitinu


 

Sú tillaga verður lögð fyrir aðalfund Flugleiða hf., sem haldin verður 10.mars nk., að nafni félagsins verði breytt og frá og með 10.mars í FL Group hf.. Samþykktum félagsins verði breytt þessu til samræmis.


 

segir fjármálaráðuneytið


 

Elísabet Englandsdrottning sló Bill Gates til riddara í gær í Buckingham höll. Drottningin viðurkenndi fyrir stofnanda Microsoft, sem jafnframt hefur mikið látið að sér kveða í mannúðarmálum, að hún væri ekki mikið tölvuséní. "Hún sagði að allir krakkir notuðu tölvur og þær hefðu mikið notagildi... en innsláttur á lyklaborð væri henni ekki jafn eðlilegur og ungu fólki," sagði Gates við fréttamenn þar sem hann stóð undir svartri regnhlíf í hellidembu í London, að því er segir í Reutersfrétt.


 

Þegar frestur til framboðs til stjórnar Burðaráss hf. var runnin út höfðu eftirtaldir aðilar gefið kost á sér til stjórnarsetu í félaginu á aðalfundi Burðaráss hf. sem haldinn verður þann á morgun. Björgólfur Thor Björgólfsson, Eggert Magnússon, Kristín Jóhannesdóttir, Sigurjón Þ. Árnason og Þórunn Guðmundsdóttir.


 

Bjarni Már Gylfason hóf störf sem hagfræðingur SI nú í byrjun mars en fyrrum hagfræðingur Samtakanna, Þorsteinn Þorgeirsson, hefur látið af störfum til að taka við embætti skrifstofustjóra efnahagsskrifstofu fjármálaráðuneytisins.


 

Steinn Logi Björnsson núverandi framkvæmdastjóri Markaðs-og Sölusviðs Icelandair og stjórnarformaður Loftleiða Icelandic, hefur verið ráðinn nýr forstjóri Húsasmiðjunnar h.f.. Steinn Logi hefur störf 11. mars n.k. Húsasmiðjan er með eitt af 25 stærstu fyrirtækjum landsins og stæsta fyrirtækið í sölu byggingarvara. Veltan er um 14 milljarðar og starfsmenn um 600 talsins.


 

Steinn Logi Björnsson, framkvæmdastjóri sölu- og markaðssviðs Flugleiða, hefur verið ráðinn forstjóri Húsasmiðjunar. Er gert ráð fyrir að hann hefji störf þar sem fyrst. Steinn Logi er fæddur á Höfn í Hornafirði 1. september 1959. Stúdent frá VÍ og lauk hagfræðiprófi frá Drew University í New Jersey, síðan MBA prófi við Columbia University í New York 1985.


 

Hafnarfjarðarbær auglýsti fyrir skömmu lausar til umsóknar 60 lóðir í 4. áfanga Valla. Umsóknarfresturinn rann út í gær og var mikill áhugi fyrir lóðunum. Um var að ræða 60 lóðir fyrir einbýlis- og raðhús og sóttu 1.309 um lóðirnar. 46 lóðum verður úthlutað til einstaklinga en 1.151 umsókn barst um þær lóðir, 25 manns um hverja lóð. 5 lóðareiningum verður úthlutað til lögaðila en 158 verktakar skiluðu inn umsóknum eða nær 32 verktakar um hverja einingu.


 

Meint verðstríð á matvörumarkaði hefur ýtt við fleirum söluaðilum og nú hefur Samkaup, fyrir hönd Nettó sent frá sér tilkynningu sem minnir á að þeir hafa verið í samkeppni í 15 ár. "Á matvælamarkaðnum hefur í mörg ár verið háð verðstríð um lægsta verðið. Það er ekki hægt að láta líta svo út sem núna fyrst sé að skella á samkeppni, þótt ein verslun til viðbótar tilkynni sig inn í verðstríðið," segir í tilkynningu þeirra.


 

Viðskiptaþáttur Viðskiptablaðsins hefur verið gerð aðgengileg á netinu og verður í framtíðinni hægt að hlusta á þættina nokkra mánuði aftur í tímann. Viðskiptaþáttur Viðskiptablaðsins er sendur út daglega á Útvarpi Sögu (99,4) á milli kl. 16 og 17. Þátturinn er síðan endurfluttur kl. 01 á næturnar.


 

Greiningardeild Landsbankans hefur gefið frá sér nýtt verðmat á Straumi Fjárfestingarbanka. Niðurstaða verðmatsins er að Landsbankinn metur verðmæti Straums á 45,5 ma.kr. Endurmetið eigið fé er áætlað 32,8 ma.kr., framtíðarvirði eignasafnsins er metið á 4,3 ma.kr. og fjárfestingarbankastarfsemin á 8,4 ma.kr. Útistandandi hlutafé er 5.375 m.kr. og þar af leiðandi fæst verðmatsgengið 8,5. Lokagengi Straums í gær var 9,9 og því mælum þeir með að fjárfestar selji bréf sín í félaginu en markaðsvogi þau í vel dreifðu eignasafni.


 

Lækkun mat- og drykkjarvara vegur gegn hækkun annara liða í vísitölunni og gæti þannig unnið gegn hækkun hennar á næstunni segir greiningardeild Landsbankans. Styrking krónunnar er nú þegar farin að hafa áhrif á verð innfluttra mat- og drykkjarvara. Áhrif styrkingar krónunnar koma þó með nokkurri töf inn í verðlag mat- og drykkjarvara, en ef miðað við þróunina að undanförnu má gera ráð fyrir að innflutt matvæli lækki um 4% í mars segir í Vegvísi Landsbankans.


 

Steinþór Skúlason, forstjóri Sláturfélags Suðurlands, verður gestur Viðskiptaþáttarins á Útvarpi Sögu (99,4) í dag. Nokkur umskipti urðu á rekstri félagsins sem skilaði ríflega 100 milljóna kr. hagnaði á síðasta ári. Velta félagsins óx einnig verulega enda sterfsemi félagsins verið að breytast.


 

Aðalfundur Fjárfestingarfélagsins Atorku sem haldinn var 15. febrúar sl. samþykkti að breyta nafni félagsins í Atorka Group hf. Hið nýja heiti félagsins er nú þegar orðið virkt í viðskiptakerfi Kauphallarinnar.


 

Niðurstöður skýrslu starfshóps um umfang skattsvika hér á landi eru því miður á veikum grunni byggðar og geta því með engu móti myndað grundvöll að svo róttækum breytingum sem hópurinn leggur til, segir í umsögn Samtaka atvinnulífsins um skýrsluna. Í umsögninni kemur fram að SA hafa bent á að skattsvik eru alvarlegt vandamál í tilteknum atvinnugreinum, t.d. veitingastarfsemi og byggingariðnaði, þar sem svört starfsemi hamlar vexti alvöru fyrirtækja.


 

Stjórn Verðbréfaþjónustu Sparisjóðsins hf. og Már Wolfgang Mixa, framkvæmdastjóri, hafa komist að samkomulagi um að Már láti af starfi framkvæmdastjóra félagsins frá og með deginum í dag.


 

Þorsteinn M. Jónsson, er orðinn starfandi stjórnarformaður Vífilfells og segir í samtali við Viðskiptablaðið í dag eð nú sé svigrúm til að sinna viðskiptaþróun fyrirtækisins. Þorsteinn hefur starfað sem forstjóri félagins í níu ár og á hann 74% hlut í fyrirtækinu. "Við erum búnir að vera í stefnumörkunarvinnu og fyrirtækið er í góðum málum," sagði hann.


 

Afkoma Sparisjóðs Hafnarfjarðar batnaði verulega á árinu 2004, jókst hagnaður eftir skatta um 72,4%, sem er með því besta í sögu Sparisjóðsins, þrátt fyrir hátt framlag í afskriftarreikning útlána. Fjárfestingar Sparisjóðsins í hlutabréfum er sá liður sem mestri ávöxtun skilar, en hlutabréfaverð hækkaði mikið á árinu.


 

Fyrirtæki Skaginn hf. á Akranesi hefur verið að ryðja sér til rúms á kjúklingamarkaðnum í Bandaríkjunum á síðustu misserum. Á síðsta ári var þróaður mjög afkastamikill lausfrystir sem afkastar 3.000 kílóum á klst. en í Viðskiptablaðinu í dag er haft eftir Grími Garðarssyni að hann henti einstaklega vel í kjúklingaiðnaðinum þar sem hann er bæði ódýrari í rekstri og skilar betri vöru en áður hefur þekkst. Á síðasta ári voru seldir 5 lausfrystar og nú er verið að setja upp 2 til viðbótar. Áætlað er að selja um 10-12 frysta af þessari stærðargráðu á árinu 2005.


 

Sigurbjörn Svavarsson hefur verið ráðinn framkvæmdastjóri landvinnslu Brims hf. og hefur hann nú þegar hafið störf. Starfsstöð hans er á Akureyri. Sigurbjörn, sem er 55 ára gamall, er vel kunnugur sjávarútveginum, sem hefur verið hans starfsvettvangur meira og minna í á þriðja áratug. Hann var m.a. útgerðarstjóri hjá Granda hf. í Reykjavík í fimmtán ár, en síðustu þrjú ár hefur hann gegnt starfi framkvæmdastjóra Scanmar á Íslandi, sem er þjónustufyrirtæki á hátæknibúnaði fyrir sjávarútveg.Ráðning Sigurbjörns er liður í því að styrkja samkeppnishæfni landvinnslu Brims hf., en hérlend fiskvinnsla á í harðri og vaxandi samkeppni við fiskvinnslu erlendis.


 

Samkvæmt áreiðanlegum heimildum Viðskiptablaðsins hefur Kristinn Björnsson keypt 10% hlut í Árvakri útgáfufélagi Morgunblaðsins. Hlutabréfin voru keypt af Johnson-fjölskyldunni og var samnefnt eignarhaldsfélag keypt. Þar með hefur Kristinn Björnsson og fjölskylda tryggt sér liðlega 16% hlut í útgáfufélaginu.


 

Orðréttar fréttir ljósvakamiðlanna eru aðgengilegar á vefsetri Lánstrausts hf, www.LT.is. Miðlun upplýsinganna hófst fyrir helgi og byggir á samstarfi við Fjölmiðlavaktina ehf, systurfyrirtæki Lánstrausts. "Fyrir viðskiptavini fyrirtækisins er þetta góð viðbót við aðrar upplýsingar sem notaðar eru við mat á væntum eða núverandi viðskiptavinum sem og við mat á birgjum og samstarfsaðilum," segir í fréttinni.


 

Húsnæðisverð fer hækkandi á fleiri stöðum en á Íslandi. Í Bretlandi hefur meðalverð húsnæðis hækkað síðustu tvo mánuði eða um 0,5% í febrúar og 0,4% í janúar samkvæmt tölum frá Nationwide Building Society, stærsta veðlánafyrirtæki Bretlands. þetta kemur fram í Vegvísi Landsbankans. Þessar niðurstöður eru því til marks um aukinn hita á breska fasteignamarkaðnum.


 

Raunávöxtun Lífeyrissjóðsins Framsýnar nam 13,6% árið 2004 og var ein sú besta í sögu sjóðsins. Hrein eign sjóðsins jókst um 12,8 milljarða króna eða 20% og nam alls rúmum 76 milljörðum króna í árslok. Góð ávöxtun skýrist aðallega af hagstæðri þróun á innlendum hlutabréfamarkaði á síðasta ári. Raunávöxtun sjóðsins síðustu fimm ár nemur alls 4,39%.Góður árangur hefur náðst við að lækka rekstrarkostnað sjóðsins en hann nam aðeins 0,14% af heildareignum árið 2004 og lækkaði um 0,02% frá fyrra ári.


 

Kauphöll Íslands hefur ákveðið að áminna Íbúðalánasjóð opinberlega fyrir brot á reglum Kauphallarinnar. Kauphöllin álítur að Íbúðalánasjóður hafi gerst brotlegur við ákvæði 4.2.1., 4.1.5 og 4.1.4 útgefendareglna.


 

Gengi krónunnar hækkaði í dag um 0,05% í litlum viðskiptum. Gengisvísitalan sveiflaðist á bilinu 109,60 til 110. Vísitala innkaupastjóra í Bandaríkjunum lækkaði en búist var við lítilsháttar hækkun. Vísitalan, sem kemur út fyrsta hvers mánaðar, er talin gefa vísbendingu um framleiðsluþróun í Bandaríkjunum. Ef vísitalan er yfir 50 bendir það til vaxtar í bandarísku efnahagslífi. Vísitalan mældist 55,3 í febrúar en búist var við 56,8. Gengi USD hreyfðist lítið við tíðindin.


 

Rætt verður við Þórð Friðjónsson, forstjóra Kauphallarinnar, í Viðskiptaþættinum á Útvarpi Sögu (99,4) í dag. Þátturinn hefst kl. 16. Farið verður yfir helstu breytingar á sterfsemi og umfangi Kauphallarinnar en Árbók hennar er nú komin út þar sem finna má helstu upplýsingar um reksturinn.


 

Meðalverð fasteigna á Vestfjörðum lækkaði á milli áranna 1998 og 2004 um 9,4%. Á sama tíma hefur vísitala neysluverðs hækkað um 27,9%. Má því ætla að eignir Vestfirðinga í húseignum hafi rýrnað um nokkra milljarða króna á undanförnum árum segir í frétt Bæjarins besta um málið.


 

Nokkuð líf hefur færst í skuldabréfamarkaðinn undanfarna daga eftir rólegheit síðustu vikna. Í Morgunkorni Íslandsbanka er bent á að velta með íbúðabréf í gær alls 13,3 mö.kr. Athygli vekur að ríflega helmingur veltunnar var vegna einna viðskipta með stysta íbúðabréfaflokkinn HFF14. Markaðsvirði þess flokks er einungis um 20 ma.kr. og var því velt um þriðjungi flokksins í þessum einu viðskiptum. Ávöxtunarkrafa flokksins hélst hins vegar óbreytt í 3,3%. Töluverð velta var einnig með lengri flokkana og lækkaði ávöxtunarkrafa þeirra um 1-3 punkta.


 

Atvinnuleysi í Þýskalandi nam 12,6% í febrúar en var 11,1% í sama mánuði í fyrra. Þetta þýðir að um 5,2 milljónir manna voru án atvinnu eða 575 þúsund fleiri en á sama tíma í fyrra og er þetta mesta atvinnuleysi í landinu frá stríðslokum. Aukningin er þó í reynd ekki eins mikil og virðist í fyrstu þar sem nýlega var byrjað að telja bótaþega í félagslega kerfinu sem atvinnulausa. Vandi Þýskalands felst fyrst og fremst í ósveigjanlegum vinnumarkaði, hlutfallslega dýru vinnuafli og bágstöddu lífeyriskerfi. Ofan á það bætist svo óhagstæð ytri skilyrði þar sem að olíuverð er hátt og sama er að segja um gengi evrunnar gagnvart dollar segir í Morgunkorni Íslandsbanka.


 

Um síðustu helgi opnaði Olíufélagið nýja sjálfsafgreiðslustöð fyrir bensín og olíu á Drangsnesi. Nýju dælurnar taka öll kort. Þar með er endi bundinn á algjört vandræðaástand frá því síðasta vor þegar Skeljungur lokaði bensínafgreiðslu sinni á Drangsnesi. Og nú geta ekki bara Drangsnesingar sem eiga sérstök viðskiptakort dælt á bílana sína, heldur líka allir þeir sem leið eiga um og vantar eldsneyti.


 

Í janúar batnaði herbergjanýting fjögurra stjörnu hótela í Reykjavík úr 34% í fyrra í rúm 37%. Þriggja stjörnu hótelin í Reykjavík lækkuðu hinsvegar um þrjú prósentustig í nýtingu frá janúar í fyrra. Þar sem herbergjaverð hefur hækkað lítillega eru tekjur á framboðið herbergi á hótelunum í Reykjavík á dag aðeins betri en í fyrra eða kr. 2.107,- í stað kr. 1.943,- Landsbyggðinni hefur ekki tekist að halda þeirri nýtingu sem var í fyrra og lækkar hún lítillega.


 

Heimsmarkaðsverð á olíu hefur farið hækkandi síðustu daga og er nú svo komið að Brent hráolíuverð á markaði í London er komið yfir 50 dollara, en á markaði í New York er verðið hins vegar komið yfir 52 dollara. Olíuverð hefur ekki verið hærra síðan í lok október á síðasta ári. Hækkunin er rakin til þess að búist er við slæmu veðri á norðausturströnd Bandaríkjanna. Slæmt veðurfar eykur eftirspurn eftir olíu til húshitunar en að mati sérfræðinga er olíumarkaðurinn sérstaklega viðkvæmur fyrir breytingum í eftirspurn um þessar mundir segir í Vegvísi Landsbankans.


 

afkoma fram úr væntingum


 

Gengi krónunnar stóð í stað í dag. Gengisvísitalan sveiflaðist á bilinu 109,45 til 109,90. Gengisvísitalan byrjaði í 109,75 og endaði á sama stað. Viðskipti á millibankamarkaði með gjaldeyri í dag voru 6,9 milljarðar.EURUSD 1,3260USDJPY 104,35GBPUSD 1,9240USDISK 60,55EURISK 80,25GBPISK 116,45JPYISK 0,5800Brent olía $50,25Nasdaq -0,05%S&P -0,15%Dow Jones -0,15%


 

Í Viðskiptaþættinum á Útvarpi Sögu (99,4) í dag verður fjallað um fasteignamarkaðinn en gestur þáttarins er Ásgeir Jónsson sérfræðingur hjá greiningardeild KB banka og lektor við HÍ. Greiningardeild KB banka rakti í sérstakri skýrslu orsakir hækkana á fasteignamarkaði. Þar var farið yfir þróun fasteigna- og lóðaverðs á síðustu árum og lagt mat á hve fasteignamarkaðurinn geti hækkað mikið þegar til lengri tíma er litið, aðteknu tilliti til nýrra lána á lægri vöxtum.


 

mun segja af sér þingmennsku hinn 1. ágúst nk.


 

KB banki hefur ákveðið að hækka vexti óverðtryggðra inn- og útlána frá og með 1. mars. Vaxtabreytingin er gerð í kjölfar tilkynningar Seðlabankans um hækkun stýrivaxta um 0,50 prósentustig.


 

Héraðsfréttablaðið Feykir segir frá því að undanfarið hafi viðræður staðið yfir við aðila sem hyggjast hefja rekstur í rækjuvinnslunni á Blönduósi að nýju og er gert ráð fyrir að það skýrist á næstu dögum hvort af opnum verði eða ekki. Útlitið í atvinnumálum á Blönduósi hefur ekki verið bjart að undanförnu og munar þar mest um lokun rækjuvinnslunnar Særúnu þar sem 25 manns höfðu vinnu.


 

"Hvernig náum við bestum árangri í fjárfestingum?" er yfirskrift árlegs vorfundar Eignastýringar Íslandsbanka sem haldinn er kl. 20 þriðjudaginn 1. mars á Nordica hótel. Sérstakur gestur fundarins er Dr. Burton G. Malkiel, höfundur metsölubókinnar A Random Walk Down Wall Street sem kennd er við háskóla um allan heim.


 

spyr greiningardeild MP Fjárfestingabanka


 

Íbúðaverð í fjölbýli í Reykjavík hefur hækkað um 10% það sem af er ári. Staðgreiðsluverðið var að meðaltali 158 þús. kr. á fermetra í kaupsamningum í desember í fyrra en var komið upp í 174 þús. kr. í febrúar í ár. Fyrir 100 fermetra íbúð merkir þetta hækkun upp á tæplega 1,6 m.kr. segir í Morgunkorni Íslandsbanka.


 

EFTA-dómstóllinn gaf á föstudaginn dag út ráðgefandi álit þar sem fram kemur að í banni við áfengisauglýsingum felist hindrun í vegi viðskipta með vörur og þjónustu á Evrópska efnahagssvæðinu en með hliðsjón af heilsuverndarsjónarmiðum kunni slíkt bann eigi að síður að vera réttlætanlegt.


 

Hagnaður samstæðu Sláturfélags Suðurlands á árinu 2004 var 101,5 milljónir, en 37,5 milljón króna tap var árið áður. Ársreikningurinn samanstendur af ársreikningi Sláturfélags Suðurlands svf. og dótturfélags þess Reykjagarðs hf. Samanburðarfjárhæðir ársins 2003 í ársreikningnum eiga eingöngu við rekstur og efnahag Sláturfélags Suðurlands svf. Eigið fé Sláturfélagsins er um 1.263 milljónir og eiginfjárhlutfall samstæðunnar er 34%. Lækkun eiginfjárhlutfalls samstæðu milli ára skýrist af innkomu dótturfélags í uppgjörið.


 

Flugleiðir undirrituðu á föstudag samning við Boeing flugvélaverksmiðjuna um framleiðslu á tveimur Boeing 787 Dreamliner breiðþotum fyrir áætlunarflug Icelandair, og kauprétt á fimm slíkum vélum til viðbótar. Nemur heildarverðmæti samningsins 840 milljónum dollara, verði kauprétturinn nýttur, eða rúmlega 50 milljörðum króna. Þar af nemur verðmæti flugvélanna tveggja um 15 milljörðum króna en afhending vélanna er áætluð eftir 5 ár eða í apríl og maí árið 2010.


 

Stjórnendur Samskipa veittu viðtöku nýju 11 þúsund tonna skipi félagsins við hátíðlega athöfn í Hamborg á föstudag að viðstöddum Ólafi Davíðssyni sendiherra og fleiri góðum gestum. Hlaut skipið nafnið Helgafell og leysir af hólmi gamla Helgafellið á siglingaleiðinni milli Íslands og Evrópu.


 

Að loknum aðalfundi VISA Íslands - Greiðslumiðlunar hf. voru fyrstu íslensku virku snjallkortin afhent stjórnarmönnum og framkvæmdastjórn fyrirtækisins. VISA EU hefur vottað notkun örgjörva í VISA-kort og í því ljósi heimilað útgáfu þeirra til almennings hérlendis. Fáein snjallkort hafa þegar verið gefin út og handhafar þeir beðnir um að prófa þau á ferðum sínum erlendis. Þar sem ekki eru snjall-kortalesarar fyrir hendi er hægt að nota segulröndina.


 

Þrátt fyrir áætlun um áframhaldandi uppgreiðslur gerir Íbúðalánasjóður enn ráð fyrir að bjóða út íbúðabréf að andvirði 10 ma.kr. á þessum ársfjórðungi. Ávöxtunarkrafa íbúðabréfa lækkaði lítillega í gær í töluverðum viðskiptum og hefur lækkað enn frekar það sem af er morgni. Ávöxtunarkrafa lengri flokkanna er nú á bilinu 3,47%-3,48% og krafan á stysta flokkinum, HFF14 er 3,30%.


 

kynning á samning um áætlunaflug


 

Í janúarmánuði voru fluttar út vörur fyrir 14,0 milljarða króna og inn fyrir 17,3 milljarða króna fob. Vöruskiptin í janúar voru því óhagstæð um 3,3 milljarða en í janúar 2004 voru þau hagstæð um 0,3 milljarða á föstu gengi1. Verðmæti vöruútflutnings var 10,6% minna á föstu gengi en á sama tíma árið áður og verðmæti vöruinnflutnings var 12,2% meira á föstu gengi en á sama tíma árið áður.


 

2.390 m.kr. tap varð af rekstri Burðaráss á fjórða ársfjórðungi en það er undir okkar spá sem hljóðaði upp á 1.670 m.kr. tap. Um helmingur spáskekkjunar er tæknilegs eðlis og skýrist af því að reikningshaldslegur samruni Burðaráss og Kaldsbaks miðast við 18. október, en ekki 1. október eins og við reiknuðum með.


 

Alls afgreiddi Íbúðalánasjóður tæpar 11.000 umsóknir um almenn íbúðalán á síðasta ári en afgreiddum umsóknum fækkaði um 11,2% á milli ára. Heildarfjárhæð almennra íbúðalána nam 54,6 milljörðum kr. og hækkaði um 9,4% á milli ára. Meðalfjárhæð almennra lána var því um 5 milljónir króna. Til samanburðar hefur meðalfjárhæð verðtryggðra íbúðalána bankanna verið í kringum 11 milljónir frá því þeir hófu að bjóða slík lán í samkeppni við Íbúðalánasjóð í lok ágúst.


 

Actavis Group hefur undirritað viljayfirlýsingu um sölu á dótturfélagi sínu í Búlgaríu, Balkanpharma Razgrad AD. Viljayfirlýsingin var gerð við búlgarska lyfjafyrirtækið Biovet AD Peshtera og um er að ræða framleiðslu á virkum lyfjaefnum (API), að stærstum hluta fyrir dýralyf. Fjárhagsupplýsingar varðandi fyrirhugaða sölu á verksmiðjunni eru ekki gefnar upp en búast má við að salan hafi óveruleg áhrif á starfsemi og rekstrarniðurstöðu Actavis á árinu 2005. Fyrirhuguð sala er með fyrirvara um áreiðanleikakönnun.


 

Greiningardeild KB banka spáir því að fasteignaverð muni koma til með að hækka um 20% í ár á höfuðborgarsvæðinu og því er ljóst að viðvarandi hiti verður á fasteignamarkaði í ár.


 

Hagnaður Sparisjóðs Vélstjóra árið 2004 nam 792,4 m.kr., fyrir tekju- og eignarskatt en nam 738,8 m.kr. árið 2003 og nemur aukningin 7,3%. Að teknu tilliti til skatta var hagnaður tímabilsins 682,6 m.kr. í samanburði við 582,6 m.kr. fyrir árið 2003. Hagnaður eftir skatta jókst um 17,2% milli ára. Vaxtatekjur ársins 2004 námu alls 2.221,2 m.kr. og jukust um 16,9% frá fyrra ári.


 

Eimskip hyggst opna tvær nýjar skrifstofur á árinu. Annars vegar í Seattle í Bandaríkjunum og hins vegar í Vigo á Spáni. Þetta kom fram á fundi Baldurs Guðnasonar, forstjóra Eimskipa, með greiningaraðilum í morgun. Þar kom fram að félagið gerir einnig ráð fyrir áframhaldandi háu olíuverði og sterkri krónu á þessu ári.


 

Hagnaður Flugleiða á árinu 2004 nam 3.419 m.kr., og hefur aldrei verið meiri í sögu félagsins, en er í takt við spá Greiningardeildar KB banka um 3.417 milljóna hagnað. Tekjur félagsins voru nokkru lægri en þeir gerðu ráð fyrir eða 8.570 m.kr. á móti 8.744 m.kr. spá þeirra og framlegð félagsins er einnig lakari en Greiningardeild KB banka reiknaði með. Það sem helst olli skekkjunni í spá þeirra var launa- og eldsneytiskostnaður en vöxtur þeirra liða var meiri en þeir gerðum ráð fyrir.


 

Nordea og Svenska Handelsbanken (SHB) skiluðu uppgjörum sínum fyrr í vikunni og gaf Greiningardeild Kaupthing Bank í Svíþjóð út viðbrögð sín við þeim í gær. Bæði uppgjörin voru yfir væntingum. Hagnaður Nordea á árinu nam 1.914 milljónum evra eftir skatta (um 154 ma.ISK) en SHB skilaði milljónum sænskra króna í hagnað (um 82 ma. ISK).


 

velta Avion Group 130 milljarðar


 

Uppsagnir á síðustu dögum í upplýsinga- og fjarskiptatækni í Danmörku leiða til þess að fólk í greininni óttast framtíðina, segir í fréttPolitiken. Ekkert bendir til þess að blómatíminn komi aftur, segir blaðið. Á dögunum var 630 starfsmönnum fjarskiptafyrirtækisins TDC sagt upp störfum og samtals hafa hartnær tíu þúsund störf horfið úr greininni á síðustu tveimur árum.


 

Sölumiðstöð hraðfrystihúsanna birti í dag uppgjör sitt fyrir árið 2004. Þrátt fyrir mikinn tekjuvöxt var afkoma félagsins á síðasta ársfjórðungi undir væntingum Greiningardeildar. Tekjur SH á fjórða ársfjórðungi námu 19,3 milljörðum króna, sem var um 900 milljónum yfir okkar spá, en EBITDA nam aðeins um 626 milljónum króna miðað við spá okkar um 727 milljónir. Þá nam hagnaður fjórðungsins 127 milljónum sem er nokkuð undir spá KB banka um 284 milljóna króna hagnað.


 

Stjórn Somerfield hefur ákveðið að halda ekki áfram viðræðum við Baug um kaup Baugs á félaginu. Í frétt frá Somerfield segir að eftir að hafa óskað frekari upplýsinga frá Baugi hafi félagið komist að þeirri niðurstöðu að engin vissa væri fyrir að tilboð fengist á viðunandi verði segir í Hálffimm fréttum KB banka.


 

Ryanair, stærsta lágfargjaldaflugfélagið í Evrópu, tilkynnti í dag um samning við flugvélaframleiðandann Boeing um kaup á 70 flugvélum og rétt til þess að kaupa aðrar 70 til viðbótar en flugvélarnar koma til afhendingar á árunum 2008-2012. Gera má ráð fyrir að virði samningsins sé um 4 ma.USD (250 ma.kr.) miðað við listaverð flugvélanna. Forsvarsmenn félagsins vildu þó ekki gefa upp nákvæmt virði samningsins en sögðu verð vélanna þó vera hagstæðara en í síðasta samningi félagsins við Boeing.


 

2.390 milljóna kr. tap varð af rekstri Burðaráss á fjórða ársfjórðungi sem er langt undir væntingum greiningardeilda bankanan en greiningardeild Landsbankans spáði að tap fjórðungsins myndi nema 1.670 m.kr. Frávikið skýrist nær eingöngu af verri afkomu fjárfestingarstarfseminnar en tap af þeirri starfsemi nam 2.663 m.kr.


 

Gengi krónunnar hækkaði um 0,29% í dag. Gengisvísitala krónunnar byrjaði í 110,10 og endaði í 109,80 vísitölustigum. Rólegt var á millibankamarkaði með gjaldeyri í dag. Viðskipti á millibankamarkaði með gjaldeyri í dag voru 3,5 milljarðar.EURUSD 1,3195USDJPY 105,45GBPUSD 1,9070USDISK 60,85EURISK 80,35GBPISK 116,10JPYISK 0,5770Brent olía $48,50Nasdaq -0,25%S&P -0,10%Dow Jones -0,10%


 

Skrifstofuhótel tekur til starfa á Selfossi í dag en það er samvinnuverkefni Sunnan3 ? rafræns samfélags, Verkfræðistofu Suðurlands og Tölvu- og radíóþjónustu Suðurlands (TRS). Skrifstofuhótelið verður staðsett í húsnæði Verkfræðistofu Suðurlands á annari hæð í "Kjarnanum" á Selfossi þar sem áður voru skrifstofur KÁ og þar verður einnig áðurnefnd opnunarathöfn.


 

Yfirtökutilboð Símatúns ehf. sem birt var í Kauphöll Íslands hf. þann 21. janúar 2005 rann út kl. 17.00 í gær, eða þann 23. febrúar 2005. Við lokun markaða þann dag höfðu 97,69% hluthafa í Hraðfrystistöð Þórshafnar hf. samþykkt tilboðið. Uppgjör samkvæmt yfirtökutilboði hefur farið fram innan tveggja virkra daga frá því að undirritað samþykki tilboðs ásamt frumriti hlutabréfs árituðu um framsal til tilboðsgjafa barst Símatúni ehf.


 

Stjórn Flugleiða samþykkti á fundi sínum í dag að leggja til við hluthafa á aðalfundi að greiddur verði 1,5 milljarður króna í arð til hluthafa. Þetta er um 44% af hagnaði félagsins eftir skatta árið 2004. Á aðalfundinum verður einnig tekin til afgreiðslu tillaga um breytingu á samþykktum sem felur í sér að nafni félagsins verði breytt.


 

afkoma Flugleiða sú besta í sögu félagsins


 

Nú liggur fyrir Alþingi stjórnarfrumvarp um breytingu á lögum um ársreikninga. Með frumvarpinu er verið að innleiða ákvæði reglugerðar ESB nr. 1606/2002, um beitingu alþjóðlegra reikningsskilastaðla. Með innleiðingunni verða tiltekin félög skylduð til að haga reikningsskilum sínum í samræmi við alþjóðlega reikningsskilastaðla. Skyldan nær aðallega til samstæðureikninga félaga sem hafa verðbréf sín skráð á skipulegum verðbréfamörkuðum innan EES.


 

Greiningardeild KB banka boðar til morgunverðarfundar á morgun um fasteignamarkaðinn og verður fundurinn kl. 8.15 - 9.00 í Sunnusal Hótel Sögu.


 

Ríkiskaup, fyrir hönd Vestmannaeyjabæjar hafa auglýst eftir tilboðum í sorpeyðingu og sorphreinsun fyrir Vestmannaeyjabæ. Um tvö útboð er að ræða. Annars vegar er rekstur flokkunarstöðvar, sorpbrennslustöðvar, rekstur tækjabúnaðar og urðun úrgangs í Búastaðagryfju. Hins vegar skal boðið í sorphreinsun frá heimilum og rekstur tækja og tóla til verksins, þar með talið allra flutningstækja.


 

Viðskiptavinum í Internetþjónustu fjölgaði, mest í Interneti um ADSL eða um 50%. Um 62% tenginga á Íslandi eru ADSL tengingar sem er um 16 prósentustiga hækkun frá árinu 2003. Snemma á árinu lækkaði verð á ADSL áskriftarleiðum. Síðar á árinu var tengihraði aukinn án þess að verð hækkaði segir í tilkynningu Símans.


 

segir Brynjólfur Bjarnason


 

Verð hráolíu lækkaði í gær eftir að hafa náð fjögurra mánaða hámarki í yfir 51 dollurum á olíutunnuna á þriðjudaginn. Í New York hélst verðið yfir 51 dollurum sem væntalega má rekja til veikingar dollarans. Olíuverðslækkunin átti sér stað í kjölfar útgáfu á skýrslu sem greindi frá því að olíumálaráðherra Kuwait telji að hækkandi olíuverð geti leitt til aukinnar olíuframleiðslu OPEC ríkjanna.


 

Chile og Noregur hafa vísað þeirri ákvörðun Evrópusambandsins að beita verndarráðstöfunum gegn innflutningi á eldislaxi til Alþjóðaviðskiptastofnunarinnar (WTO). Samkvæmt samningi WTO um lausn deilumála skal í fyrstu leitast við að leysa úr deilumálum af þessu tagi með viðræðum milli deiluaðila. Leiði slíkar viðræður ekki til þess að lausn finnistá málinu kann því að verða skotið til kærunefndar. Þar sem verndarráðstafanir ESB taka einnig til útflutnings á eldislaxi fráÍslandi munu íslensk stjórnvöld fylgjast grannt með meðferð málsins hjá WTO segir í Stiklum, vefriti viðskiptaskrifstofu utanríkisráðuneytisins.


 

Stjórnir Lífeyrissjóðsins Framsýnar og Lífeyrissjóðs sjómanna hafa undirritað samning um samruna sjóðanna frá og með 1. júní 2005. Samrunasamningurinn verður lagður fyrir ársfundi sjóðanna 27. apríl nk. til staðfestingar. Viðræðunefnd sem skipuð var af stjórnum sjóðanna hefur unnið að málinu frá því í apríl á síðasta ári.


 

Í lok janúar námu heildarskuldir íslenskra heimila við innlánsstofnanir 325 mö.kr. og hafa því aukist um 144 ma.kr. eða sem nemur um 80% frá sama tíma í fyrra. Mesta aukningin er í verðtryggðum skuldabréfum en undir þennan flokk falla meðal annars íbúðalán bankanna. Verðtryggð skuldabréf einstaklinga við innlánsstofnanir námu 214 mö.kr. í lok janúar og höfðu aukist um tæpa 125 ma.kr. frá fyrra ári. Heildarútlán íbúðalána bankanna eru nú kominn í um 140 ma.kr segir í Vegvísi Landsbankans.


 

Raunávöxtun Lífeyrissjóðs sjómanna var 16,4% á árinu 2004 eða 21,3% nafnávöxtun. Er það besta ávöxtun í sögu sjóðsins, en árið 2003 var raunávöxtun sjóðsins 15,3%. Ef allar eignir sjóðsins eru metnar á markaðsverði er raunávöxtunin árið 2004 19,8%. Meðaltal hreinnar raunávöxtunar sl. 5 ár er 5,7%.


 

Farþegum í áætlunarflugi Icelandair fjölgaði um 11,7% í janúar 2005 í samanburði við sama mánuð 2004. Þeir voru rúm 72 þúsund, en tæp 65 þúsund í fyrra. Sætanýting var nánast sú sama og í janúar í fyrra eða 59,1%. Farþegum Flugfélags Íslands í innanlandsflugi fjölgaði um 9,3% í janúar og voru tæp 23 þúsund.


 

Fjárfestingar Símans í dóttur- og hlutdeildarfélögum námu 586 m.kr. á síðasta ári þar af nam fjárfesting í Carrera Global Investment Ltd. 348 m.kr. Einnig keypti Síminn Íslenskt sjónvarp ehf. sem á hlut í Íslenska sjónvarpsfélaginu hf. sem á og rekur sjónvarpsstöðina Skjá Einn. Kaupverð var 94 m.kr. eins og kemur fram í ársskýrslu Símans.


 

Eins og fram hefur komið hafa stjórnir Mjólkursamsölunnar - MS - og Mjólkurbús Flóamanna - MBF - lagt til að félögin verði sameinuð. Undirbúningur gengur samkvæmt áætlun og má gera ráð fyrir að sameining geti átt sér stað um mánaðamótin apríl, maí næstkomandi verði hún samþykkt á deildarfundum og aðalfundum félaganna. Stjórnir MS og MBF hafa ráðið Guðbrand Sigurðsson sem sérstakan ráðgjafa í því sameiningarferli sem framundan er.


 

Mat bandarískra neytenda á efnahagsmálum þar í landi versnaði í febrúar ef marka má væntingavísitölu Conference Board sem lækkaði um 1,1 stig á milli mánaða og stendur nú í 104 stigum. Tiltrú neytenda á núverandi efnahagsástandi þar í landi batnaði að vísu en á móti kom að það dró úr væntingum þeirra til efnahagsástandsins hálft ár fram í tímann. Einkaneysla er í miklum vexti í Bandaríkjunum um þessar mundir og hefur ekki vaxið hraðar í fjögur ár eins og bent er á í Morgunkorni Íslandsbanka.


 

hyggur þó á niðurskurð


 

Svo virðist sem fleiri geti hugsað sér að gera tilboð í Somerfield verslunarkeðjuna sem Baugur hefur þegar gert tilboð í. Í frétt í netútgáfuThis is Londonkemur fram að bræðurnir Robert og Vincent Tchenguiz séu að ganga frá tilboði upp á um 1,2 milljarða punda í Somefield. Þar er því haldið fram að bræðurnir séu að ganga frá tilboði upp á 220 p. á hlut sem er 30 p. hærra en Baugur hefur boðið.


 

Breski fjölmiðlakóngurinn Rupert Murdoch er í þann mund að setja í gang fyrirtæki í samvinnu við China Central Television (CCTV), fjölmiðlaarm og áróðursdeild kínverska kommúnistaflokksins. Mun þetta verða fyrsta dæmið um hlutdeild útlendinga í útsendingum ríkisfjölmiðla á landsvísu í Kína. Er þetta gert samkvæmt nýjum reglum sem tóku gildi í Kína í fyrra og heimila aukna þátttöku útlendinga í fjölmiðlarekstri þar í landi eins og kemur fram í Viðskiptablaðinu í dag.


 

Fyrirtækið TM Software, áður TölvuMyndir, hefur í engu breytt áformum sínum um skráningu fyrirtækisins í íslensku Kauphöllina á þessu ári. Að sögn Friðriks Sigurðssonar, forstjóra TM Software, hefur ekki verið samið við verðbréfafyrirtæki um skráningarferlið og hann sagðist ekki treysta sér til að segja til um hvenær það yrði, skráning yrði þó á árinu. Þetta kemur fram í Viðskiptablaðinu sem kemur út í dag.


 

23% árleg raunávöxtun í Íslandsbanka


 

Í dag lækkuðu þrettán af fimmtán félögum í Úrvalsvísitölunni. Mest lækkaði Actavis um 9% en uppgjör fjórða ársfjórðungs var verulega undir væntingum. Önnur félög sem lækkuðu töluvert voru Landsbankinn og Burðarás um 3% og Össur og Bakkavör um 2,3%. Burðarás mun birta uppgjör á fimmtudaginn næstkomandi og spáum við að tap fjórða ársfjórðungs hafi numið 1.670 m.kr.


 

bankaráð verður að stjórn


 

fjörugur Viðskiptaþáttur á Útvarpi Sögu (99,4) kl. 16-17


 

Einar Sveinsson, stjórnarformaður Íslandsbanka, gagnrýndi Íbúðalánasjóð harðlega í ræðu sinni á aðalfundi Íslandsbanka sem nú stendur yfir. "Það sætir furðu að ríkisstofnunin Íbúðalánasjóður skuli bregðast við með þeim hætti sem raun ber vitni. Sá sjóður starfar eftir sérlögum, nýtur ríkisábyrgðar án þess að greiða fyrir það, og er í samkeppni við einkaaðila á ójöfnum forsendum. Það hlýtur að vera tímaspursmál hvenær síðustu afskiptum ríkisvaldsins af fjármálamarkaðnum lýkur og ótrúlegt að stjórnvöld hafi enn ekki áttað sig að fullu á þeim ávinningi sem frelsisvæðing fjármálakerfisins hefur skilað samfélaginu," sagði Einar í ræðu sinni.


 

Aðalfundur Íslandsbanka er í þann mund að hefjast og hefur verið lokað fyrir viðskipti með bréf félagsins. Rétt áður en fundur hófst barst tilkynning um að Helgi Magnússon hafi ákveðið að draga til baka framboð sitt til setu í bankaráði Íslandsbanka hf. fyrir aðalfund félagsins. Sjálfkjörið verður því í bankaráð.


 

Talsvert dró úr bjartsýni neytenda í febrúar samkvæmt Væntingavísitölu Gallup sem birt var í morgun. Vísitalan lækkaði um 7,8 stig og stendur nú í 121,2 stigum. Nær allar undirvísitölur væntingavísitölunnar lækkuðu á milli mánaða. Mest dró þó úr væntingum til efnahagsástandsins eftir sex mánuði.


 

Yfirlit Fjármálaeftirlitsins sýnir að hlutfall vanskila af útlánum hefur lækkað úr 2,4% í lok 3. ársfjórðungs 2004 í 1,6% í árslok 2004. Í árslok 2003 var hlutfallið 3,1%. Vanskilahlutfallið hefur ekki verið lægra á síðustu 4 árum. Á yfirlitinu eru ennfremur sýnd vanskilahlutföll með annars vegar eins árs tímatöf og hins vegar tveggja ára tímatöf og er þannig tekið tillit til áhrifa mikillar útlánaaukningar síðustu misseri á hlutfallstölurnar.


 

Fyrir helgi var úthlutað veiðileyfum vegna hreindýraveiða á Austurlandi næsta sumar. Í boði voru 800 veiðileyfi en alls bárust 1.600 umsóknir sem er óvenju mikill fjöldi. Mest er ásóknin í leyfi á svæðum 1 og 2, á Fljótsdalsheiði, en á velflestum svæðum er fjöldi umsækjenda vel yfir leyfum sem í boði eru.


 

Stjórn fjárfestingafélagsins Meiðs ehf. hefur samþykkt að kaupa hlutabréf í VÍS fyrir 105 milljónir króna að nafnvirði. Þetta svarar til hlutafjáraukningar sem hluthafar VÍS samþykktu nýlega í tilefni af því að félagið hefur að undanförnu fjárfest í fyrirtækjum sem falla vel að meginstarfssemi og stefnu þess á sviði trygginga-, fjármála- og öryggisþjónustu.Meiður eignast rúmlega 16% eignarhluta í VÍS og stefnir að því að eignast yfir 20% í félaginu.


 

fjórfalt fleiri konur með 600 þúsund eða meira árið 2004 en 2003


 

Íbúum í Hveragerði fjölgar hratt um þessar mundir. Á síðasta ári fjölgaði bæjarbúum um 135 manns eða sem nemur 7% af íbúafjölda fyrra árs. Svo virðist sem þessi þróun muni halda áfram af enn meira afli en hingað til næstu árin. Ef miðað er við fjölda íbúða í byggingu og fjölda lóða sem þegar hefur verið úthlutað má gera ráð fyrir um 600 íbúa fjölgun í bæjarfélaginu á næstu tveimur árum segir í frétt á heimasíðu bæjarins.


 

Síminn kaupir hlut í Fjarska


 

Í gær rann út frestur til að sækja um einbýlishúsalóðir við Valsheiði í Hveragerði sem auglýstar voru fyrir skemmstu. Viðbrögð við auglýsingunni hafa verið sterk og við lok umsóknarfrestsins í gær höfðu borist 101 umsókn í þær 16 lóðir sem til stendur að úthluta. Orri Hlöðversson, bæjarstjóri, segir í frétt á heimasíðu Hveragerðis ekki vera hissa yfir þessari útkomu.


 

Actavis birti eftir lokun markaða uppgjör fyrir síðasta fjórðung ársins 2004 og árið í heild. Tekjur fjórðungsins námu rúmum 111,9 milljónum evra samanborið við 110,4 milljóna spá greiningardeildar KB banka. EBITDA félagsins nam 26,1 milljón evra, eða 23,4% af tekjum. Í spá KB banka var gert ráð fyrir EBITDA uppá 29,2 milljónir evra eða 26,5% af tekjum og kemur lág framlegð nú nokkuð á óvart. Hagnaður félagsins á árinu nam 62,7 milljónum evra, þar af 14,6 milljónir á 4. ársfjórðungi sem er nokkuð undir 16,3 milljóna spá Íslandsbanka.


 

Gengi krónunnar hækkaði um 0,9% í dag. Gengisvísitala krónunnar byrjaði í 110,70 og endaði í 109,70 vísitölustigum. Krónan byrjaði í miklum styrkingarfasa en lægst fór gengið innan dagsins í 109,35 en styrkingin í dag er rakin til 50 punkta hækkunar Seðlabanks á stýrivöxtum sem tilkynnt var um eftir lokun markaða á föstudag. Viðskipti á millibankamarkaði með gjaldeyri í dag námu 7,8 milljörðum.EURUSD 1,3063USDJPY 105,49GBPUSD 1,897USDISK 61,21EURISK 79,96GBPISK 116,20JPYISK 0,5803Nasdaq -0,13%S&P 0,07%Dow Jones 0,29%


 

fjörugur Viðskiptaþáttur á Útvarpi Sögu (99,4) kl. 16-17


 
Innlent
21. febrúar 2005

Edda kaupir Prentmet

Edda Printing and Publishing Ltd. hefur fyrir hönd óstofnaðs eignarhaldsfélags keypt Prentmet ehf. Fyrir á Edda PP allt hlutafé í Edda Printing LLC sem rekur eina stærstu og fullkomnustu prentsmiðju Pétursborgar í Rússlandi. Áætluð sameiginleg velta prentsmiðjanna á Íslandi og Rússlandi á yfirstandandi ári er vel á fjórða milljarð króna og þar af rúmlega helmingur ytra. Viðskipti þessi eru háð eðlilegum fyrirvara um niðurstöður áreiðanleikakönnunar. Kaupverð fyrirtækisins er trúnaðarmál.


 

Katrín Dóra Þorsteinsdóttir hefur verið ráðin starfsmannastjóri Norðlenska og mun taka við því starfi í maí n.k. og verður með aðsetur á aðalskrifstofu Norðlenska á Akureyri. Katrín Dóra er fædd árið 1965 á Akureyri. Hún lauk prófi í iðnrekstrarfræði frá Háskólanum á Akureyri árið 1993 og síðan viðskipta- og rekstrarfræði árið 2002 frá Háskólanum á Akureyri.


 

Rekstrartekjur samstæðu Opinna kerfa árið 2004 námu 14.763 milljónum króna og jukust um 26% frá árinu áður þegar þær námu 11.756 milljónum. Nokkrar breytingar hafa orðið á samstæðunni frá miðju ári 2003 og koma nú um 64% tekna félagsins erlendis frá.


 

Vísitala byggingarkostnaðar, reiknuð eftir verðlagi um miðjan febrúar, er 313,0 stig og lækkar um 0,10% frá fyrra mánuði samkvæmt upplýsingum frá Hagstofunni. Vísitalan gildir fyrir mars. Síðastliðna tólf mánuði hefur vísitala byggingarkostnaðar hækkað um 8,1%.


 

Á svæðinu milli Innstavogs og hesthúsahverfisins við Æðarodda á Akranesi voru fyrir nokkrum árum skipulagðar 17 svokallaðar smábýlalóðir. Fram til þessa hefur lítil eftirspurn verið eftir lóðunum en síðustu daga færðist skyndilegur vöxtur í umsóknir og hefur nú verið sótt um 6 lóðann að því er kemur fram í frétt Skessuhornsins.


 

Hagnaður Þormóðs ramma-Sæberg á fjórða ársfjórðungi nam 193 m.kr. Afkoman var í góðu samræmi við spá greiningardeildar Íslandsbanka sem var 198 m.kr. Á fjórðungnum var EBITDA-framlegðin 246 m.kr. eða 19,1% af rekstrartekjum en til samanburðar gerði Íslandsbanki ráð fyrir 18,4%. EBITDA-framlegð útgerðarinnar var 36% af tekjum sem er góð niðurstaða á mati greiningardeildar Íslandsbanka en framlegð vinnslunnar var neikvæð um 7% af tekjum. Fjármagnsliðir voru jákvæðir um 70 m.kr. vegna styrkingar krónunnar á fjórðungnum.


 

Hagnaður Landsafls á síðata ári, að teknu tilliti til matsbreytingar fjárfestingaeigna og reiknaðs tekjuskatts, nam 1.086 millj.kr. Hagnaður fyrir afskriftir og fjármagnsliði (EBITDA) nam 560 millj.kr. samanborið við 493 millj.kr. árið áður.Samkvæmt sjóðstreymi ársins var veltufé frá rekstri 280 millj.kr. samanborið við 224 millj.kr. árið áður. Handbært fé frá rekstri nam 340 millj.kr. samanborið við 188 millj.kr. árið áður.


 

Landsbankinn hefur ákveðið að hækka vexti á óverðtryggðum innlánum og útlánum þann 1. mars n.k. Seðlabankinn ákvað fyrir helgi að hækka stýrivexti sína um 0,5 prósentustig. Er Seðlabankinn þannig að bregðast við því að verðbólga hefur farið yfir þau þolmörk sem kveðið er á um í sameiginlegri yfirlýsingu ríkisstjórnarinnar og Seðlabankans frá mars 2001.


 

Hannes Guðmundsson hefur sagt sig úr stjórn Nýherja hf. Hannes tók í síðustu viku við starfi útibússtjóra hjá Íslandsbanka og hefur samkvæmt reglum bankans ekki heimild til setu í stjórn Nýherja. Guðmundur Jóh. Jónsson tekur sæti aðalmanns í stjórninni í hans stað.


 

Meirihluti þjóðarinnar vill geta keypt léttvín og bjór í matvöruverslunum. Samkvæmt niðurstöðum í nýjum Þjóðarpúls Gallup eru 59% fullorðinna Íslending hlynnt afnámi einkasölu ríkisins á smásölu léttvíns og bjórs. Þessi niðurstaða er sambærileg við fimm aðrar sambærilegar kannanir sem gerðar hafa verið síðastliðin fimm ár segir í frétt frá SVÞ.


 

matvælafyrirtæki heyra undir sjö ráðuneyti


 

kerfið hefur vakið athygli í stærstu fjölmiðlum landsins


 

Íslandsbanki hefur tekið ákvörðun um að símaskiptiborð bankans verði staðsett á Ísafirði. Tveir starfsmenn hefja störf við símaskiptaborðið á Ísafirði á næstu vikum og er gert ráð fyrir að stöðugildin verði orðin yfir tíu á fyrri hluta ársins 2006.


 

segir greiningardeild Landsbankans


 

Á morgun mánudaginn 21. febrúar mun samkeppni í smásölu lyfja aukast en þá opnar Lyfjaver fyrsta heimsendingarapótekið hér á landi sem sérhæfir sig í að afgreiða lyfseðilskyld lyf á hagstæðu verði heim til neytenda hvert á land sem er. Í tilkynningu Lyfjavers kemur fram að þeir hyggjast bjóða sama lyfjaverð og fría heimsendingu hvort sem neytandinn býr í miðborg Reykjavíkur eða á Þórshöfn á Langanesi.


 

Landsvirkjun, Fjarski og Síminn hafa gert með sér samning um samvinnu á sviði fjarskiptaþjónustu. Samstarfið felur í sér að Síminn veitir Landsvirkjun og Fjarska þá fjarskiptaþjónustu sem nauðsynleg er til að tryggja öryggi og skilvirkni í rekstri Landsvirkjunar. Samningur var einnig gerður á milli Fjarska og Símans um kaup hins síðarnefnda á sex pörum í ljósleiðarastreng Fjarska sem liggur á milli Hrauneyjafossstöðvar og Akureyrar. Samningurinn felur jafnframt í sér kaup Símans á fjórðungi hlutafjár í Fjarska.


 

Tap Smáralindar ehf. nam 43 mkr. á árinu 2004. Hagnaður fyrir afskriftir og fjármagnsliði (EBITDA) nam 601 mkr. sem er rúmlega 16% aukning frá fyrra ári. Veltufé frá rekstri nam 307 mkr. og handbært fé frá rekstri nam 209 mkr. Í lok tímabilsins var eiginfjárhlutfall félagsins 44% að teknu tilliti til víkjandi láns frá móðurfélaginu.


 

Mest viðskipti voru með hlutabréf í Landsbanka Íslands eða fyrir 993 milljónir króna. Gengi bréfanna hækkaði um 2% og var lokagengi 15,20. Þá voru einnig mikil viðskipti með bréf Íslandsbanka og KB banka.


 
Innlent
18. febrúar 2005

0,5% hækkun stýrivaxta

Bankastjórn Seðlabanka Íslands hefur ákveðið að hækka stýrivexti bankans um 0,5 prósentur frá og með 22. febrúar n.k., þ.e. úr 8,25% í 8,75%. Aðrir vextir bankans hækka um 0,5 prósentur frá 21. febrúar.


 

Tillaga þess efnis að breyta nafni Medcare Flögu í Flaga Group hf. mun verða sett fram á aðalfundi félagsins þann 4. mars n.k. Ætlunin er að félagið verði eignarhaldsfélag og hafi yfirumsjón með aðskildum rekstrareiningum. Til að byrja með verða rekstrareiningarnar tvær, Medcare sem sérhæfir sig í svefngreiningartækjum og SleepTech sem rekur svefnmælingastofur í 18 sjúkrahúsum í Bandaríkjunum.


 

en tryggingafræðileg staða fer versnandi.


 

Bæjarráð Akranes hefur samþykkt beiðni um staðsetningu á nýrri bensínafgreiðslustöð Atlantsolíu ehf. á lóðinni Kirkjubraut 39. Gert er ráð fyrir að um sjálfsafgreiðslustöð sé að ræða og að stöðuheimild fyrir afgreiðsluna verði á meðan núverandi hús (Málningarbúðin) stendur, en í núverandi skipulagsskilmálum fyrir byggingarreitinn er gert ráð fyrir að byggingin verði fjarlægð og þar rísi 3ja hæða verslunar- og skrifstofubygging eða stofnanabygging sem taki mið af Kirkjubraut 37 og Heiðarbraut 40 hvað hæð varðar.


 

Smásöluvelta dagvara að teknu tilliti til verðlagsbreytinga var um 3,1% meiri í janúar sl. en í sama mánuði árið 2004 samkvæmt nýrri smásöluvísitölu RSV-SVÞ. Áfengissmásalan á föstu verðlagi reyndist 1,8% minni en á sama tímabili og sala lyfjaverslana stóð í stað miðað við desember í fyrra. Verðhækkanir skv. Hagstofu Íslands í nóvember sl. miðað við sama mánuð á fyrra ári reyndust 2,1% í dagvörum, 1,0% í áfengi og 2,1% í lyfjasmásölu.


 

Íslensk fyrirtæki hafa verið dugleg við að fjárfesta í breskum skráðum félögum og hafa slíkar fjárfestingar oft endað með yfirtöku. Á undanförnum misserum hafa íslensk fyrirtæki yfirtekið þrjú félög sem skráð voru í Kauphöllina í London og eru tvö yfirtökuferli í gangi.


 

Stjórn sænska fjárfestingarbankans Carnegie mun mæla með Björgólfi Thor Björgólfssyni í stjórn. Í dag á Burðarás 20% hlut í Carnegie og ætlar að gefa kost á tveimur í stjórn.


 

Sex bankastjórar voru með 324 milljónir króna í laun og fjórir stjórnarformenn voru 180 milljónir króna á árinu 2004. Hreiðar Már Sigurðsson, forstjóri KB banka var launahæstur bankastjóranna með hátt í 100 milljónir króna í laun á síðasta ári, Sólon R. Sigurðsson var næsthæstur með 68 milljónir króna í laun á síðasta ári.


 

Mikil viðskipti voru með hlutabréf í KB banka í dag eða alls fyrir 2.043 milljónir króna. Hins vegar var lokaverð bréfanna 0,9% lægra en í gær eða 528 á hlut.


 

Burðarás er komið með 6,19% eignarhlut í Finnair, að því er fram kemur í Vegvísi greiningardeildar Landsbanka Ísland í dag. Tilkynnt hefur verið um eignarhlutinn í finnsku Kauphöllinni. Gengi Finnair endaði í 6,30 evrum og er markaðsvirði hlutarins því 33 m.EUR eða um 2,7 ma.kr.


 

Hagnaður Tryggingamiðstöðvarinnar árið 2004 var 1.980 mkr. eftir skatta, en var 1.424 mkr. árið áður. Í frétt frá félaginu kemur fram að vátryggingareksturinn hafi ekki gengið nógu vel á árinu. Megin skýringin á auknum hagnaði félagsins er óvenju mikill hagnaður af sölu fjárfestinga á árinu. Hagnaður af vátryggingarekstri er 202 mkr. en hagnaður af fjármálastarfsemi er 2.305 mkr.


 

Rekstrarreikningur ársins 2004


 

Gengi krónunnar hækkaði um 0,14% í dag í litlum viðskiptum. Gengisvístalan sveiflaðist á bilinu 110,80 til 111,15 en gengisvísitalan hefur verið að sveiflast á mjög þröngu bili síðustu daga. Gengisvísitala krónunnar byrjaði í 110,95 og endaði í 110,80 í 1,5 milljarða viðskiptum á millibankamarkaði með gjaldeyri.


 

hugmyndir uppi um að selja Ferrari


 

Ákveðið hefur verið að breyta nafni TölvuMynda í TM Software vegna mikillar aukningar í starfsemi félagsins erlendis, að því er fram kemur í tilkynningu félagsins. Fram til þessa hefur starfsemi og ímynd TölvuMynda hf. verið byggð upp sem fjölskylda félaga sem starfa á skilgreindum kjörsviðum. Dótturfélögin Libra, Maritech, Origo, Skyggnir, Theriak og Vigor hafa hvert um sig einbeitt sér að rekstri á skilgreindum sviðum undir eigin merkjum.


 

minnkaði um 1% á milli ára


 

Heildartekjur ríkissjóðs námu 280.696 milljörðum króna á liðnu ár sem er liðlega 21 milljarða króna eða 8,1% hækkun frá árinu á undan. Þetta er liðlega 1,3 milljörðum króna meiri innheimta en gert var ráð fyrir í fjárlögum ársins 2004.


 

Íslandsbanki hefur fengið bankaleyfi frá fjármálaráðuneytinu í Lúxemborg. Tilgangurinn með því er að víkka út starfsemina, þar með talið alþjóðlega einkabankaþjónustu og eignastýringu, og sníða þjónustuna að eignamiklum einstaklingum og fyrirtækjum. Gert er ráð fyrir að bankinn taki til starfa á vormánuðum 2005. Allan Strand Olesen, sem veitt hefur útibúinu í Lúxemborg forstöðu, mun stýra hinum nýja banka.


 
Innlent
17. febrúar 2005

SPRON með methagnað

82% aukning á milli ára


 

KB banki þarf, líkt og önnur skráð félög í evrópskum kauphöllum, að samræma reikningsskil sín, frá og með reikningsárinu sem hófst þann 1. janúar 2005, við alþjóðlega reikningsskila-staðla (IFRS), samþykkta af Evrópuráðinu, sem tóku gildi 1. janúar 2005.


 

nokkuð lakari afkoma en árið á undan


 

Jón Karl Ólafsson ráðinn forstjóri Icelandair


 

Alls gefa átta kost á sér í bankaráð Íslandsbanka á aðalfundi bankans 22. febrúar næstkomandi. Þetta þýðir að kjósa verður í bankaráðið.


 

Hlutabréfaviðskipti í Kuaphöllinni eru töluvert lífleg og hafa bréf fyrir um 2.600 milljónir króna skipt um eigendur. Mest eru viðskipti með bréf KB banka fyrir 840 milljónir og með bréf í Íslandsbanka fyrir 764 milljónir.


 

ásamt umfjöllun um Laugaveg, Íslenska markaðsdaginn og veiði


 

Meðal íbúðaverð í Englandi féll í desember um 0,7% samkvæmt frétt í netútgáfu breska blaðsins Guardian á mánudag og er þar vitnað til talna yfirvalda í Bretlandi. Meðalverð hafði þá fallið um 1.220 pund, frá fyrra mánuði og stóð þá í 178.906 pund, eða sem svarar til rúmlega 21 milljónar ísl.kr. Miðað við fréttir af fasteignamarkaði á Íslandi nú um helgina, bendir ýmislegt til að mettun sé að verða á markaði hérlendis sem gæti leitt til svipaðrar þróunar og í Englandi.Meðal íbúðaverð í Englandi féll um 0,7% á milli mánaðanna nóvember og desember á síðasta ári samanborðið við 2% hækkun íbúðaverðs á sama tíma árið 2003. Verðfallið var mest á einbýlishúsum eða 1,3% á meðan verð á raðhúsum féll um 0,6% og á íbúðum í fjölbýli féll um 0,8%.


 

Kanadíska fyrirtækið QuestAir Technologies Inc. greindi frá því á mánudag að það myndi útvega hreinsibúnað fyrir nýja vetnisstöð (AC Transit Hydrogen Energy Station) sem ChevronTexaco Hydrogen Company er að reisa í Oakland í Kaliforníu. Í þessari stöð verður framleitt vetni sem unnið er úr náttúrulegu gasi.


 

segir forstjóri Kauphallarinnar um hert ákvæði um yfirtökuskyldu


 

Þriðja sjálfsafgreiðslustöð Atlantsolíu mun opna innan nokkurra daga við Sprengisand á mótum Bústaðavegar og Reykjanesbrautar. Í samtali við Huga Hreiðarsson markaðstjóri Atlantsolíu kom fram að mikil eftirvænting ríkir meðal margra bíleigenda fyrir því að stöðin taki til starfa.


 

Hekla hf. skilaði 81 milljón króna hagnaði á liðnu ári eftir skatta. Framlegð fyrir afskriftir var nær 490 milljónir króna, en heildarvelta félagsins var 13.781 milljón króna. Framlegð jókst um nær 310 milljónir króna á milli ára. Tekjuaukning milli ára var 40%.


 

Úrvalsvísitalan hækkaði lítillega í dag eða um 0,21% og var í lok dags 3.856,84 stig. Hlutaqbréfaviðskipti námu alls 1.806 milljónum króna og voru mest viðskipti með bréf Landsbankans eða fyrir 493 milljónir króna. Fjöldi skráðra viðskipta var 263.


 

Sala bandaríska fyrirtækisins Dell, stærsta framleiðanda tölva til einkanota, á síðasta ársfjórðungi nam 13,46 milljörðum dollara og var lítillega undir 13,5 milljarða dollara markmiðinu sem fyrirtækið hafði sett sér. Hagnaður félagsins á fjórðungnum nam 667 milljón dollurum eða 26 sentum á hlut. Hagnaðurinn hefur því dregist saman um rúm 12% milli ára en til samanburðar var hagnaðurinn í fyrra 749 milljón dollarar eða 29 cent á hlut eins og kom fram í Vegvísi Landsbankans.


 

Norska olíufélagið Statoil er mesta peningamaskína á norðurslóðum að sögn Bergens Tidende. Er þar vísað til afkomu félagsins á árinu 2004, en methagnaður var fyrir skatta á árinu og nam hann 70,8 milljörðum norskra króna, eða sem svarar ríflega 682 milljörðum íslenskra króna. Er þessi afkoma miklu betri að sögn blaðsins en hjá nokkru öðru fyrirtæki á norðurslóðum.


 

Tekjur franska olíu- og orkufélagsins Total á nýliðnu ári námu tæpum 123 milljörðum evra eða sem nemur um 9000 milljörðum íslenskra króna sem er 17% aukning frá árinu áður og er hækkun olíuverðs að þakka. Olíuverð hélst hátt árið 2004 vegna mikillar eftirspurnar. Búist er við að Total birti afkomutölur fyrir fjórða ársfjórðung á morgun, fimmtudag, og mun þá koma fram að hreinn hagnaður tímabilsins verði á bilinu 49-62%. Sérfræðingar spá því að nettótekjur verði á bilinu 2,37-2,58 milljarðar evra á lokafjórðunginum, en á sama tímabili árið áður var hreinn afgangur 1,6 milljarður evra. Gangi það eftir nemur heildarhagnaður Total á nýliðnu ári um níu milljörðum evra, um 730 milljörðum króna.


 

Bílaframleiðandinn bandaríski, General Motors, hefur fallið frá því að kaupa fólksbílaframleiðslu Fiat eins og til stóð. GM og Fiat hafa átt í harðvítugum deilum undanfarna mánuði um útfærslu samstarfs þeirra sem nú hefur verið fallið frá. Rick Wagoner, stjórnarformaður og forstjóri GM, segir að það þjóni hagsmunum beggja fyrirtækja að uppræta bandalag þeirra.


 

Hagnaður Marels á liðnu ári nam alls 6,6 milljónum evra, eða 575 milljónum króna, sem er 75% aukning frá árinu áður.


 

806 milljónir eftir skatta


 

Hagnaður BNbank árið 2004 var rúmir 2 milljarðar ISK (NOK 209 milljónir), sem er 145 milljónum ISK (NOK 15 milljónum) meira en árið 2003. Hagnaður á hlut var NOK 21,45, en var til samanburðar NOK 19,89 árið 2003. Arðsemi eigin fjár eftir skatta var 10% og var arðsemi umfram áhættulausa vexti 8,7% eftir skatta. Á síðasta ársfjórðungi, lagði Íslandsbanki fram kauptilboð í öll hlutabréf í BNbank á verðinu NOK 340 á hlut. Að loknu tilboðstímabili höfðu handhafar 99,5% hlutafjár samþykkt tilboðið. Fjármálaráðuneytið í Noreg er nú með til umfjöllunar umsókn Íslandsbanka um kaup á öllum hlutabréfum í BNbank.


 

Ráðgert hafði verið að halda eitt námskeið á vegum Útflutningsráðs um símsvörun á ensku í febrúar en vegna mikillar eftirspurnar var þeim fjölgað í fjögur og er fullbókað á þau öll. Námskeiðin eru haldin í samstarfi við Mími-símenntun og er þetta annað árið sem slík námskeið eru haldin sérstaklega fyrir íslensk útflutningsfyrirtæki.


 

Mjög athyglisvert er að skoða og bera saman verðþróun helstu hlutabréfavísitalna í heiminum eins og bent er á í MP Molum sem MP Fjárfestingabanki sendir frá sér. Þar eru bornar saman 10 hlutabréfavísitölur frá því í upphafi ársins 2002 og fram í byrjun febrúar 2005. Íslenska Úrvalsvísitalan (ICEX 15) er þar á meðal. Íslenska Úrvalsvísitalan sker sig áberandi úr hvað varðar ávöxtun á tímabilinu. Fjárfestir sem í upphafi ársins 2002 fjárfesti í íslensku vísitölunni hefur á tímabilinu hlotið rúmlega 220% nafnávöxtun á meðan fjárfestingar á öllum helstu mörkuðum heimsins bera ýmist neikvæða nafnávöxtun eða mest 9% í KFX vísitölunni í Danmörku.


 

arðsemi eigin fjár 21,1%


 

Gengi krónunnar lækkaði um 0,27% í dag. Rólegt var á millibankamarkaði með gjalddeyri í dag og sveiflaðist gengisvísitalan á bilinu 111,10 til 111,50.Gengisvísitala krónunnar byrjaði í 111,10 og endaði í 111,40 í 3,9 milljarða viðskiptum á millibankamarkaði með gjaldeyri.EURUSD 1,2965USDJPY 105,05GBPUSD 1,8860USDISK 62,55EURISK 81,10GBPISK 118,10JPYISK 0,5955Nasdaq 0,10%S&P -0,05%Dow Jones -0,15%


 

í Viðskiptaþættinum FM 99,4 klukkan 16,


 

Verðbréfaþjónusta Sparisjóðsins hefur fengið heimild til að hefja viðskipti í viðskiptakerfi Kauphallar Íslands. Auðkenni Verðbréfaþjónustu Sparisjóðins í viðskiptakerfi Kauphallarinnar er VSP.


 

Landsbankinn hefur sent London Stock Exchange tilkynningu þar sem bankinn lýsir því yfir að gilt samþykki hafi borist á yfirtökutilboðinu (?tilboðinu?), sem HSBC hefur gert fyrir hönd Landsbanki Holdings (UK) plc (?Landsbanki UK?), hlutafélags að fullu í eigu Landsbankans, í allt útgefið hlutafé og það hlutafé er stendur til að gefa út í Teather & Greenwood Holdings plc (?Teathers?) sem er ekki þegar í eigu Landsbankasamstæðunnar, vegna 23.142.658 hluta í Teathers, sem samsvarar samtals um 40,3 % af þegar útgefnu hlutafé í Teathers.


 

Í kjölfar hækkandi lánshæfismats ríkissjóðs fékk Íbúðalánasjóður hærra lánshæfismat vegna ríkisábyrgðar, hjá matsfyrirtækinu Standard & Poor"s. Hins vegar var sjóðurinn settur á athugunarlista fyrir langtíma skuldbindingar í innlendri mynt og eru horfurnar neikvæðar. Undir innlendar langtíma skuldbindingar flokkast meðal annars innlend skuldabréfaútgáfa sjóðsins þ.e. íbúðabréf.


 

stefnumótunarvinna næstu sex mánuði


 

heildareignir um 51 milljarður króna


 

10% til 15% íbúa sækja vinnu á höfuðborgarsvæðið


 

Undirritaður hefur verið samningur á milli Atvinnuþróunarfélags Eyjafjarðar f.h. Vaxtarsamnings Eyjafjarðar og þriggja stofnana Háskólans á Akureyri um stjórnun og skipulagningu þriggja af fjórum klösum í Vaxtarsamningi Eyjafjarðar.


 

Sala bandaríska fyrirtækisins Dell, stærsta framleiðanda tölva til einkanota, á síðasta ársfjórðungi nam 13,46 milljörðum dollara og var lítillega undir 13,5 milljarða dollara markmiðinu sem fyrirtækið hafði sett sér. Hagnaður félagsins á fjórðungnum nam 667 milljón dollurum eða 26 sentum á hlut. Hagnaðurinn hefur því dregist saman um rúm 12% milli ára en til samanburðar var hagnaðurinn í fyrra 749 milljón dollarar eða 29 cent á hlut eins og kom fram í Vegvísi Landsbankans.


 

Árið hefur farið mjög vel af stað á hlutabréfamarkaðnum og þegar 29 viðskiptadagar eru liðnir hefur Úrvalsvísitalan hækkað um 15,1%. Flugleiðir hafa hækkað langmest allra félaganna í vísitölunni eða um tæp 44%. Þeir dagar sem af eru árinu hafa verið mjög viðburðarríkir í rekstri Flugleiða en félagið hefur verið að hasla sér völl á sviði flugvélaleigu auk þess sem góður hagnaður hefur verið af hlutabréfaeign félagsins í easyJet. Landsbanki og KB banki hafa báðir hækkað um yfir 20% og má m.a. rekja þá hækkun til góðra ársuppgjöra. Þá hefur Og Vodafone einnig verið að hækka töluvert upp á síðkastið eins og bent er á í Vegvísi Landsbankans.


 

hagnaður ÍV eftir skatta nam 233 milljónum kr.


 

Úrvalsvísitalan lækkaði lítillega í dag eða um 0,18% og endaði daginn í 3.868,23 stigum. Alls námu hlutabréfaviðskipti 2.660 milljónum og voru mest viðskipti með bréf Burðaráss, en verð þeirra var óbreytt.


 

Hagnaður ársins eftir skatta nemur 101,5 m.kr. samanborið við 43,6 m.kr. á árinu 2003. Eigið fé í árslok var 339,4 m.kr. (256,8 m.kr. í árslok 2003) og eiginfjárhlutfall 81% (76% árið 2003). Rekstrartekjur jukust um 17% milli ára eða úr 532,6 m.kr. í 622,3 m.kr. Rekstrargjöld á árinu voru 514,6 m.kr. samanborið við 483,0 m.kr. árið 2003 og nemur aukningin því tæpum 7%.


 

Lánshæfismatsfyrirtækið Standard & Poor's (S&P) tilkynnti í gær um hækkun á lánshæfismati Landsvirkjunar. Hækkunin kemur í kjölfar hækkunar á lánshæfi ríkissjóðs.


 
Innlent
11. febrúar 2005

FTSE 100 yfir 5000 stig

FTSE 100 hlutabréfavísitalan fór yfir 5.000 stig í fyrsta skipti í tvö og hálft ár. Vísitalan hækkaði um 9,6 stig eftir að sjö af stærstu fyrirtækjunum kynntu rekstrarafkomu og ljóst var að Englandsbanki myndi halda stýrivöxtum óbreyttum.


 

Matsfyrirtækið Standard & Poor's hefur hækkað lánshæfiseinkunn ríkissjóðs á langtímaskuldbindingum í erlendri mynt í AA- úr A+ og fyrirtækið staðfesti einnig lánshæfis­einkunnina AA+ fyrir langtímaskuldbindingar í íslenskum krónum og A-1+ fyrir skammtímaskuldbindingar í erlendri mynt og íslenskum krónum. Horfur fyrir matið eru stöðugar.


 

samkvæmt frumvarpi viðskiptaráðherra


 
Innlent
10. febrúar 2005

Hlutabréf hækka

Viðskipti í Kauphöllinni námu alls 8.927 milljónum króna í dag. Mest voru viðskipti með hlutabréf fyrir um 3.619 milljónir en viðskipti með ríkisbréf námu 2.717 milljónum.


 

þrátt fyrir meiri verðbólgu


 

Á síðasta ári fjölgaði umsóknum um bætur vegna sjúklingatryggingar um 71% frá árinu 2003, að því er Tryggingastofnun ríkisins greinir frá. Alls bárust TR áttatíu og fjórar umsóknir árið 2004 en 49 umsóknir árið 2003. Sjálfstæð lög um sjúklingatryggingu tóku gildi 1. janúar 2001 og samkvæmt þeim eru þeir sjúklingar tryggðir sem verða fyrir líkamlegu eða geðrænu tjóni í tengslum við rannsókn eða sjúkdómsmeðferð.


 
Erlent
10. febrúar 2005

Forstjóri HP hættir

Carly Fiorina, forstjóri og stjórnarformaður bandaríska tölvuframleiðandans HP, tilkynnti á miðvikudag að hún segði af sér báðum störfunum. Þetta kemur fram í yfirlýsingu frá félaginu. Þar kemur fram að Robert Wayman, fjármálastjóri HP, muni taka tímabundið við forstjórastarfinu og Patricia Dunn tekur við embætti stjórnarformanns.


 

Hagnaður Vinnslustöðvarinnar á liðnu ári nam 547 milljónir króna og jókst um 298 milljónir króna frá fyrra ári þegar hann var 249 milljónir króna. Þetta er mun betri afkoma en áætlun félagsins gerði ráð fyrir en reiknað var með 272 milljóna króna hagnaði. Samkvæmt áætluninni var gert ráð fyrir stöðugu gengi íslensku krónunnar á árinu og er mismunur á raun og áætlun vegna styrkingarinnar sem varð á henni á tímabilinu.


 

hefur einnig áhrif á Samherja


 

verðhækkun á húsnæði drifkraftur verðbólgu


 

ásamt umfjöllun um Össur, Actavis og þekkingarverðmæti


 

Um 509 m.kr. hagnaður varð af rekstri Og fjarskipta hf. (Og Vodafone) árið 2004 fyrir skatta samanborið við 570 m.kr. tap árið áður. Sé tekið tillit til reiknaðs tekjuskatts nam hagnaður félagsins 416 m.kr. árið 2004 samanborið við 445 m.kr. tap árið áður. Vöxtur félagsins heldur áfram en tekjur námu 6.927 m.kr. á liðnu ári borið saman við 6.205 m.kr. árið áður. Þetta er 12% veltuaukning milli ára.


 

Stjórn Somerfield hefur staðfest að Baugur hafi áhuga á að gera yfirtökutilboð í fyrirtækið og er miðað við að kaupverðið sé um einn milljarður punda eða hátt í 120 milljarða íslenskra króna.


 

Líftæknifyrirtækin Urður, Verðandi, Skuld (UVS) og SEQUENOM í Bandaríkjunum hafa gert með sér samstarfssamning um rannsóknir á krabbameini. SEQUENOM hefur skilgreint ákveðna erfðabreytileika sem tengjast aukinni áhættu á krabbameini í brjósti og blöðruhálskirtli og staðfest þær niðurstöður í nokkrum mismunandi þjóðfélagshópum. Markmiðið með samstarfsverkefni UVS og SEQUENOM er að kanna hlutverk þessara erfðaþátta í íslenskum sjúklingum sem tekið hafa þátt í Íslenska krabbameinsverkefninu. Vísindasiðanefnd og Persónuvernd hafa veitt leyfi til rannsóknanna.


 

Íslandsbanki spáir mikilli bílasölu í ár. Í Morgunkornum Greiningar Íslandsbanka kemur fram að árið fer afar vel af stað en seldir voru 80% fleiri nýjar bifreiðar nú í janúar en í sama mánuði í fyrra. Svo virðist sem sterk króna sé þar að skila sér í aukinni bifreiðasölu. Sagan kennir að afar náið samhengi er á milli þróunar kaupmáttar ráðstöfunartekna heimilanna og sölu nýrra bifreiða. Bifreiðasalan er þannig ágætist hitamælir á hagkerfið - í uppsveiflunni er salan mikil en lítil í niðursveiflunni.


 

Alþjóðlega lyfjafyrirtækið Actavis Group hefur aukið umsvif sín á Indlandi með kaupum á lyfjarannsóknafyrirtækinu Lotus Laboratories (?Lotus") fyrir um 1,6 milljarða ísl. króna, eða um 20 milljónir evra. Kaup Actavis eru ákveðnum skilyrðum háð, en gert er ráð fyrir að gengið verði frá kaupsamningi á næstu vikum. Þá hefur Actavis greint frá samstarfssamningi við indverska samheitalyfjafyrirtækið Emcure Pharmaceuticals (?Emcure") um framleiðslu á samheitalyfjum, þróuð af Actavis.


 
Innlent
8. febrúar 2005

Nýr forstjóri Granda

Eggert Benedikt Guðmundsson, sem verið hefur markaðsstjóri, verður forstjóri HB Granda hf. Sturlaugur Sturlaugsson, sem verið hefur forstjóri, og Kristján Þ. Davíðsson, sem verið hefur aðstoðarforstjóri, láta af störfum hjá fyrirtækinu.


 

ásamt umfjöllun um Viðskiptaþing og fríverslun


 

Fyrir skömmu festi BYKO-LAT, eitt af fyrirtækjum Norvik-samstæðunnar, kaup á breska fyrirtækinu Wayland Timber Products Ltd. Wayland er rótgróið fyrirtæki sem sérhæfir sig í framleiðslu og sölu á unnum timburvörum einkum fyrir garða og girðingar fyrir breskan markað. Norvik er eignarhaldsfélag BYKO-heildarinnar.


 

Aðalfundur samþykkir tillögu um að eftirtaldir einstaklingar verði kjörnir aðal- og varamenn í bankaráð Landsbanka Íslands hf. fram til næsta aðalfundar. Forfallist aðalmaður tekur varamaður viðkomandi aðalmanns sæti í bankaráði en að þeim varamanni frágengnum taka varamenn sæti í þeirri röð sem tillagan greinir.


 

Búist er við olíuverðslækkunum á næstunni en meirihluti sérfræðinga, sem tóku þátt í könnun Bloomberg, spáðu því að olíuverð lækki í þessari viku. Þessi könnun hefur reynst nokkuð vel til að spá fyrir um þróun olíuverðs enda hefur hún verið sannspá í þrettán af síðustu átján skiptum sem hún hefur verið framkvæmd. Þetta kemur fram í Vegvísi Landsbankans.


 

Emil Grímsson lætur af störfum sem forstjóri hjá P. Samúelssyni hf. frá og með 7. febrúar n.k. Stjórnarformaður fyrirtækisins Úlfar Steindórsson mun frá sama degi taka við starfi framkvæmdastjóra fyrirtækisins. Emil hefur starfað hjá fyrirtækinu í 16 ár og vill stjórn félagsins þakka honum hans þátt í velgengni félagsins. Hann hefur á sama tíma selt hluti sína í bæði P. Samúelssyni hf. og Eignarhaldsfélaginu Stofni ehf. og jafnframt hefur hann keypt Arctic Trucks ehf., sem var í eigu Stofna ehf. Arctic Trucks ehf. verður fyrst um sinn til húsa að Nýbýlavegi 2, en mun flytja í eigið húsnæði innan 6 mánaða. Páll Samúelsson tekur við starfi stjórnarformanns P. Samúlessonar hf., af Úlfari frá sama tíma.


 

Hluthöfum í Eignarhaldsfélagi Húsasmiðjunnar ehf. hefur nú fjölgað og eru þeir þessir: Baugur Group hf. 45%, Saxhóll ehf. 18,3%, Fjárfestingarfélagið Prímus ehf. 18,3% og Byggingarfélag Gylfa og Gunnars ehf. 18,3%. Þá hefur félagið keypt hlutafé Baugs Group í Húsasmiðjunni hf. og þar með eignast allt hlutafé félagsins.


 

Félagið Shoe Studio Group, sem að hluta til er í eigu Baugs og KB banka, hefur gengið frá kaupum á breska félaginu Rubicon. Kaupverð Rubicon, sem meðal annars á tískuverslanirnar Principles og Warewouse, er 140 milljón punda eða sem nemur 16,3 mö.kr. Í byrjun nóvember á síðasta ári var fjallað um möguleg kaup SSG á Rubicon í Vegvísi Landsbankans og var þá haft eftir breska blaðinuThe Daily Telegraphað kaupverðið yrði 170 milljónir punda.


 

Hagnaður samstæðu Jarðborana á árinu 2004 var ríflega 430 milljónir króna, samanborið við 225 milljónir á sama tíma árið áður. Nam hagnaðurinn eftir skatta um 11,2% af heildartekjum fyrirtækisins.Rekstrartekjur félagsins námu 3.871 milljón króna, en voru 1.753 milljónir árið 2003. Rekstrargjöld með afskriftum voru 3.140 milljónir, borið saman við 1.450 milljónir á sama tíma á fyrra ári. Afkoman er í samræmi við þá niðurstöðu sem félagið gerði ráð fyrir þegar gengið var frá rekstrarmarkmiðum ársins.


 

arðgreiðsla Burðarás 700 milljónir


 

Markaðsvirði skráðra félaga í Kauphöll Íslands jókst um 105,02 ma. kr. í janúar og nam 1.189 mö. kr. í lok mánaðarins. Með þessari hækkun varð heildar markaðsvirði félaganna í Kauphöllinni hærra en það hefur áður verið en fyrra metið var frá lokum september 2004 en þá var það 1.142 ma. kr. Hlutfallslega hækkaði markaðsvirði Flugleiða mest í janúar eða um 38%, úr 25 mö. kr. í 34,5 ma. kr. segir í Hálffimm fréttum KB banka.


 

Í dag undirrituðu iðnaðarráðherra og sjávarútvegsráðherra samkomulag á Ísafirði um að vinna sameiginlega að því að efla rannsóknar og þróunarstarfsemi í sjávarútvegi. Samkvæmt samkomulaginu munu iðnaðarráðuneytið og sjávarútvegsráðuneytið vinna sameiginlega að tveimur verkefnum á Ísafirði á árinu 2005. Annað verkefnið er á sviði veiðarfærarrannsókna en hitt varðar þorskeldi í sjókvíum.


 

Hagnaður Fjárfestingarfélagsins Atorku hf liðlega sexfaldaðist á milli ára og óhætt að segja að félagið hafi tekið stakkaskiptum. Til að ræða þessar miklu breytingar og hvað framundan er hjá Atorku kemur Styrmir Þór Bragason, framkvæmdastjóri félagsins, í Viðskiptaþáttinn á Útvarpi Sögu (99,4) í dag.


 

Lánshæfismatsfyrirtækið Moody"s staðfesti í dag óbreytt A3/P-1/C lánshæfimat Landsbankans með jákvæðum horfum í kjölfar þess að bankinn tilkynnti um yfirtöku á breska verðbréfafyrirtækinu Teather & Greenwood. Þetta kemur fram í tilkynningu til Kauphallarinnar.


 

Fleiri fyrirtæki hyggjast auka fjárfestingar sínar á árinu en á sama tíma í fyrra, samkvæmt könnun Samtaka atvinnulífsins meðal aðildarfyrirtækja. 27% fyrirtækja hyggjast fjárfesta meira í ár en á síðasta ári og sama hlutfall hyggst fjárfesta minna. 46% hyggjast fjárfesta álíka mikið og á síðasta ári. Í sambærilegri könnun fyrir ári síðan hugðust hins vegar 22% fjárfesta meira en árið áður en 31% hugðust fjárfesta minna.


 

Gengi krónunnar hefur styrkst verulega, einkum í kjölfar hækkunar stýrivaxta Seðlabankans í byrjun desember sl. Fyrstu 11 mánuði ársins 2004 var gengið tiltölulega stöðugt og gengisvísitala krónunnar að jafnaði 121,6. Frá því í desember hefur vísitalan hins vegar lækkað og var komin í 110,3 í byrjun þessa mánaðar. Þessi þróun miðar að því að verðbólgumarkmið Seðlabankans fái staðist, sem er mikilvægt.


 

verðmatsgengið úr 4,5 í 13,9


 
Innlent
3. febrúar 2005

Krónan er ofmetin

segir greiningardeild Íslandsbanka


 

svipaðrar þróunar gætir hér


 

Um þessar mundir hafa efnahagsráðgjafar ríkisstjórnar Þýskalands sem og sérfræðingar þýska seðlabanks lagt til að eftirlaunaaldurinn verði hækkaður úr 65 árum í 67 ára aldri. Hver kona í Þýskalandi eignast nú að meðaltali um 1,3 börn sem er nokkuð undir 1,5 barna meðaltali Evrópusambandsins, en t.a.m. eignast bandarískar konur um 2,1 barn að meðaltali á ári. Þýska þjóðin líkt og flest önnur Evrópuríki eru að eldast, það eru færri starfandi einstaklingar á hvern eftirlífeyrisþega eins og bent er á í Hálffimm fréttum KB banka.


 

Í nýlegri skýrslu Ernst & Young og Centre for European Economic Research um meðaltalsraunskattbyrði í hinum nýju aðildarríkjum ESB vekur sérstaka athygli að það er Litháen sem kemur best út. Litháen er með lægstu skattprósentu þessara ríkja og jafnframt fæstu sérreglurnar. Skiptir þá ekki máli hvort miðað er við skattareglur fyrir árið 2003, forsendur miðað við boðaðar lækkanir á skattprósentu einstakra ríkja eða miðað við að fjárfestir sé erlent fyrirtæki (þýskt).


 

besti janúarmánuður frá upphafi mælinga


 

Hlutabréf netfyrirtækisins Google, sem starfrækir vinsælustu leitarvélina á Netinu, hækkuðu um allt að 14% í dag, en uppgjör fjórða ársfjórðungs, sem var yfir væntingum, birtist eftir lokun markaða í gær. Í Hálffimm fréttum KB banka er bent á að verð hlutabréfa fyrirtækisins hefur tvöfaldast síðan að frumútboð þess fór fram í ágúst á seinasta ári. Hlutabréf netfyritækisins Yahoo, sem starfrækir næst vinsælustu leitarvélina, hafa hækkað um 24% á sama tíma. Samkvæmt gögnum sem fréttastofan Bloomberg tók saman í morgun ráðleggja 13 sérfræðingar kaup á hlutabréfum Google, 12 að halda þeim og einn að selja þau.


 

Gengi krónunnar hækkaði lítillega í dag eða um 0,06%. Gengisvísitalan byrjaði í 110,12 en endaði í 110,05 í 4,6 milljarða viðskiptum. Vaxtaákvörðunarfundur er í Bandaríkjunum kl. 19:15 í kvöld. Almennt er búist við 25 punkta hækkun og stýrivextir í USD fari úr 2,25% í 2,50%. Rólegt hefur verið á gjaldeyrismörkuðum í dag m.a. vegna vaxtaákvörðunarfundarins.EURUSD 1,3030USDJPY 103,80GBPUSD 1,8840USDISK 61,50EURISK 80,20GBPISK 115,95JPYISK 0,5930Brent olía 45,90Nasdaq 0,20%S&P 0,20%Dow Jones 0,20%


 

Fyrir skömmu var eintakafjöldi Fréttablaðsins, sem dreift er á landsbyggðinni, skorinn niður um allt að helming í sparnaðarskyni. Til Ísafjarðar koma aðeins um 300 eintök sem duga aðeins fyrir um fjórðung heimila segir í frétt á vef Bæjarins besta. "Margir lesendur blaðsins grípa því í tómt þegar þeir reyna að nálgast blaðið," segir í frétt BB.


 

Bandaríska tölvufyrirtækið Apple er talið vera áhrifamesta vörumerki heims um þessar mundir, samkvæmt árlegri könnun sem vefritið Brandchannel.com gerði meðal lesenda sinna. Athygli vekur að arabíska sjónvarpsstöðin Al-Jazeera er í 5. sæti í könnuninni.Síðasta ár var Apple gjöfult og vörur á borð við iPod og iMac seldust eins og heitar lummur.


 

Í Skessuhorni sem kemur út í kvöld er sagt frá því að Borgarland, eignarhaldsfélag sem að stærstum hluta er í eigu Kaupfélags Borgfirðinga og á húsnæði Hyrnutorgs í Borgarnesi, hefur stór áform um byggingarframkvæmdir svæðinu handan götunnar við Hyrnutorg. Í viðtali við Skessuhorn segir Guðstein Einarsson, framkvæmdastjóri Borgarlands, að félagið áformi að byggja eitt til þrjú, fimm til sex hæða hús á lóðinni gegnt Hyrnutorgi við Borgarbraut.


 

Ríkiskaup fyrir hönd Framkvæmdasýslu ríkisins og Landspítala - háskólasjúkrahúss auglýstu um síðustu helgi eftir teymum sérfræðinga til að taka þátt í samkeppni um gerð deiliskipulags og nánari útfærslu spítalastarfseminnar ásamt starfsemislýsingu bygginga og innri tengslum þeirra fyrir Landspítala- háskólasjúkrahús við Hringbraut í Reykjavík.


 

Verð á mjólkurkvóta hefur aldrei verið hærra en um þessar mundir og eru dæmi þess að kvóti hafi verið að seljast allt upp undir 400 krónur lítrinn. Að sögn Garðars Eiríkssonar, skrifstofustjóra hjá Mjólkurbúi Flóamanna, hefur reyndar heldur hægt á verðhækkunum undanfarið eftir miklar hækkanir undanfarin misseri. "Það má segja að eftirspurn sé ríkjandi á markaði og því freistandi fyrir marga að selja frá sér kvóta," sagði Garðar í Viðskiptablaðinu í dag.


 

Gengisvísitala krónunnar endaði í 110,12 stigum í gær og fór rétt undir 110 stig innan dagsins. Krónan hefur nú ekki verið sterkari síðan í júní 2000. "Mikill munur innlendra og erlendra skammtímavaxta og væntingar um að hann muni aukast enn á næstu mánuðum samhliða frekari vaxtahækkunum Seðlabankans er það sem stuðlað hefur að hækkun gengis krónunnar að undanförnu," segir í Morgunkorni Íslandsbanka.


 
Innlent
2. febrúar 2005

Lágafellslandið selt

Hópur fjárfesta hefur keypt Lágafellsland í Mosfellsbæ. Um er að ræða 45 hektara spildu í kringum Lágafellskirkju en þar er óbyggt landssvæði.  Framangreint landsvæði er samkvæmt aðalskipulagi skilgreint sem íbúðarsvæði. Að sögn Jóns G. Sandholt fasteignasala hjá fasteignasölunni Stóreign ehf. er hér um að ræða einstaklega fallegt landsvæði með útsýni til suð-vesturs.


 

Í höfuðstöðvum sænska ríkisfyrirtækisins Absolut Vodka var á dögunum haldið upp á að milljarðasta flaskan hafi selst en drykkurinn hefur slegið í gegn um allan heim svo ekki sé meira sagt. Farið var hratt af stað og hefur mikil áhesla verið lögð á öfluga markaðssetningu frá upphafi en drykkurinn kom fyrst á markað árið 1979. Af áfengum drykkjum er Absolut þriðji vinsælasti í heiminum og jókst sala þess í ár um 7% frá fyrra ári. Helstu keppinautar eru Smirnoff og Bacardi sem einnig hafa sótt á undanfarin ár með góðu gengi.


 

viðskiptaþing Verslunarráðs Íslands


 

Gengi krónunnar hélt áfram að hækka í dag en hækkun innan dagsins nam 0,5%. Gengisvísitalan endaði í 110,15 stigum en gengisvísitalan fór niður í 110 stig innan dagsins. Velta á millibankamarkaði með gjaldeyri í dag var í hærra lagi eða 8,3 milljarðar.EURUSD 1,3004USDJPY 104GBPUSD 1,8792USDISK 61,7EURISK 80,21GBPISK 115,92JPYISK 0,5929Brent olía 45,87Nasdaq 0,22%S&P 0,29%Dow Jones 0,28%


 

Sjóvá hefur undanfarið gengið í gegnum stefnumótunarvinnu þar sem ætlunin er að skerpa á áherslum félagsins og efla framtíðarsýn þess. Um leið hefur nafni og merki Sjóvá verið breytt. Til að ræða þetta og nýlegt uppgjör félagsins kemur Þorgils Óttar Mathiesen, forstjóri Sjóvá, í Viðskiptaþáttinn á Útvarpi Sögu (99,4).


 

Landsbanki Íslands hefur í dag keypt samtals 5,321,495 hluti í Teather & Greenwood en það samsvarar um það bil 9,3% útgefins hlutafjár í félaginu. Til viðbótar þessu þá hafa eigendur 27,388,652 hluta í Teather & Greenwood eða um það bil 48% útgefins hlutafjár í félaginu nú þegar skuldbundið sig til að samþykkja yfirtökuboð Landsbankans eða á annan hátt lýst yfir stuðningi við það í samræmi við skilmála þess.


 

Framkvæmdir standa nú yfir af miklum krafti við viðbyggingu verslunarmiðstöðvarinnar við Sunnumörk í Hveragerði en hún var reist á síðasta ári. Um er að ræða um 240 fermetra viðbót til austurs við húsnæðið sem reist var á síðasta ári. Ástæða þess að ráðist var í viðbygginguna er sú að eftirspurn eftir plássi í Sunnumörk hefur verið mikil frá ýmsum rekstraraðilum og færri komist að en viljað.


 

Samkvæmt tölum Aðfangaeftirlitsins sem byggðar eru á leyfisveitingum stofnunarinnar árið 2004 var heildarmagn innflutts áburðar 54,1 þúsund tonn. Langstærsti hluti þessa áburðar er notaður í hefðbundnum landbúnaði eða 99,4%. Þegar miðað er við árið 2003 er um 20% aukningu að ræða.


 

Ásókn fjárfesta í erlend verðbréf jókst verulega 2004 og hafa nettókaupin aldrei verið svo mikil frá því kerfisbundið var byrjað að safna upplýsingum um erlend verðbréfakaup árið 1994. Nettókaup á erlendum verðbréfum jukust um 19,8 ma.kr. milli áranna 2002 og 2003 og þótti mikið. Aukningin í nettókaupum á erlendum verðbréfum milli áranna 2003 og 2004 er mun meiri eða sem nemur 30,7 ma.kr.Í samantekt tölfræðisviðs Seðlabanka Íslands kemur fram að nettókaup erlendra verðbréfa voru samtals 10.885 m.kr. í desember samanborið við nettókaup fyrir um 5.760 m.kr. í sama mánuði árið 2003.


 

Í nýlegri afkomuspá Greiningardeildar Íslandsbanka var spáð að Úrvalsvísitala Kauphallar Íslands (ICEX-15) myndi hækka um 15% á árinu. "Við áttum von á að markaðurinn færi hægar af stað en raunin hefur verið en Úrvalsvísitalan hækkaði um 10% í janúar. Flugleiðir hafa hækkað mest það sem af er ári eða 37% og Landsbankinn kemur næstur með 19,7% hækkun," segir í fréttum Íslandsbanka.


 

Benedikt Sveinsson hefur látið af störfum sem forstjóri Iceland Seafood Corporation, dótturfélags SÍF hf. í Bandaríkjunum. Hættir Benedikt að eigin ósk segir í tilkynningu til Kauphallarinnar. Benedikt á að baki nærri 30 ára starfsferil tengdum sölu og vinnslu sjávarafurða en hann hefur verið forstjóri Iceland Seafood Corporation frá ársbyrjun 1999.


 

kaupverðið um 5 milljarðar kr.


 

Í dag voru staðfestir samningar um sölu á Iceland Seafood Corporation, dótturfélagi SÍF hf. í Bandaríkjunum. Kaupandi er Sjóvík ehf. Söluverð félagsins er 26,5 milljónir evra, en að auki tekur kaupandi yfir vaxtaberandi skuldir að fjárhæð 22 milljónir evra. Áður var tilkynnt um sölu félagsins til Sjóvíkur ehf. í tilkynningu SÍF hf. þann 27. október sl.


 

Stærsta lágfargjaldaflugfélag Evrópu, Ryanair, birti í gær uppgjör sitt fyrir síðasta fjórðung ársins 2004. Uppgjörið kom greiningaraðilum á óvart en það var mun betra en gert hafði verið ráð fyrir. Hagnaður félagsins nam 34,5 milljónum evra en miðgildi í spám greiningaraðila var 23,5 milljónir. Þessi hagnaður er þó 16% lægri en á sama tímabili árið 2003 en þá var hagnaðurinn tæplega 41 milljón evra. Stjórnendur félagsins segja að lægri hagnaður nú skýrist m.a. af háu eldsneytisverði og mikilli samkeppni á flugmarkaði segir í Hálffimm fréttum KB banka.


 

Arðsemi eigin fjár hefur aldrei verið betri hjá bönkunum þremur en á árinu 2004. Arðsemi Landsbankans var mest eða 50%, arðsemi Íslandsbanka var 40% og KB banka 22,6%. Á árinu 2003 var arðsemi eigin fjár þessara banka 30,1% hjá Íslandsbanka, 10,24% hjá Landsbankanum og 23,0% hjá KB banka. Markmið bankanna er að arðsemi eigin fjár sé ekki lægri en 15%.


 

Í kjölfar stefnumótunarvinnu hjá Sjóvá-Almennum tryggingum hf. hefur verið ákveðið að félagið muni nú vera markaðssett undir heitinu Sjóvá og hefur merki þess verið endurhannað og fært í nútímalegra horf. Félagið mun þó áfram heita Sjóvá-Almennar tryggingar hf. Hlutverk Sjóvá hefur verið skilgreint ?að tryggja verðmætin í lífi fólks". Til framtíðar verður lögð áhersla á að efla þjónustu við viðskiptavini félagsins enn frekar. Hleypt hefur verið af stokkunum nýju útliti á heimasíðu Sjóvá, sjova.is.


 

arðshlutfallið lækkar milli ára


Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.