*

laugardagur, 4. júlí 2020
Flýtival:
Innlent
|
Fólk
|
Erlent
|
Frjáls verslun
|
Sjónvarp
|
Neðanmáls
|
Staðreyndavogin
Tímabil:
|
|
|
|
|
|
|
|
|
|
|
|
|
|
|
|


júní, 2007

 

Úrvalsvísitalan hækkaði um 11% á öðrum ársfjórðungi og slegið met daglega frá 19. júní, að sögn greiningardeildar Landsbankans. Frá áramótum hefur vísitalan hækkað um 30% og síðustu 12 mánuði um 53,3%. ?Það sem af er ári hefur Úrvalsvísitalan verið á stöðugri uppleið og hafa sveiflur á henni ekkert verið í líkindum við sveiflur síðasta árs. Hækkunin á öðrum ársfjórðungi var lægri en á þeim fyrsta en þá nam hækkunin, án tillits til minni arðgreiðslna, 17%. Hækkunin nú er þó mun hærri en á öðrum ársfjórðungi síðasta árs en þá lækkaði vísitalan um 7%. Frá því að vísitalan náði sínu lægsta gildi 27. júlí árið 2006 hefur hún hækkað um 41%,? segir greiningardeildin.


 

kaupverðið nemur 15 milljörðum króna


 

Gengi krónunnar styrktist um 4,5% á öðrum ársfjórðungi og fór gengisvísitalan úr 119,15 í lok mars í 114 stig í dag, að sögn greiningardeildar Landsbankans. ?Það sem af er ári hefur krónan styrkst um 13%. Krónan veiktist um rúm 4% á aðeins 6 dögum eftir að hafa náð sínu lægsta gildi á árinu eða 112,4 og síðan þá hefur gengið verið sveiflukennt. Á sama tíma fyrir ári hafði krónan veikst um 21% frá áramótum,? segir greiningardeildin.


 

Nýr styrktarsjóður hefur verið stofnaður við Háskóla Íslands, Rannsóknasjóður Ingibjargar R. Magnúsdóttur. Stofnskrá sjóðsins var undirrituð í dag af Kristínu Ingólfsdóttur rektor og Ingibjörgu R. Magnúsdóttur, stofnanda sjóðsins. Þetta kemur fram í tilkynningu.Rannsóknasjóður Ingibjargar R. Magnúsdóttur er fyrsti sjóðurinn á Íslandi sem veitir styrki til rannsókna í hjúkrunar- og ljósmóðurfræðum. Markmið sjóðsins er að efla rannsóknir í hjúkrunar- og ljósmóðurfræðum og verða veittir styrkir til hjúkrunarfræðinga og ljómæðra í doktorsnámi, sem falla að markmiði sjóðsins.


 

Fasteignafélagið Stoðir hefur gert yfirtökutilboð í Keops A/S, stærsta fasteignafélag Danmerkur fyrir 49,3 milljarða króna eða 4,4 milljarða danskra króna. Það er 24 danskar krónur á hlut. ?Tilboðið er 9% hærra en verð á bréfum í Keops við lokun markaða í gær,? segir greiningardeild Glitnis. ?Stærstu hluthafar í Keops, Fons eignarhaldsfélag og Baugur, sem samanlagt eiga 62% hlut í félaginu, hafa samþykkt tilboðið samkvæmt tilkynningu frá Stoðum. Stoðir þurfa hins vegar samþykki 90% hluthafa til að tilboðið nái fram að ganga og eftirlitsnefnd Keops ætlar ekki að mæla með tilboðinu fyrr en Stoðir hafa gert nánari grein fyrir því.? Stærsti eigandi Stoða er Baugur með 48,2% eignarhlut samkvæmt síðustu ársskýrslu félagsins.? Ef tilboðinu verður tekið verður Keops afskráð og Stoðir skráð á OMX Nordic Exchange á Íslandi innan 12 mánaða,? segir greiningardeildin.


 

FL Group hefur fært 632.698.239 hluti í Glitni til FL Group Holding Netherlands B.V. semer í 100% eigu FL Group hf. Þetta kemur fram í tilkynningu. Sameiginlegur eignarhlutur FL Group og dótturfélaga í bankanum er óbreyttur, þ.e. 31,97%.


 

Mosaic Fashions tapaði 4,8 milljónum punda (600 milljónir króna) fyrir skatta á fyrsta ársfjórðungi ársins, en félagið er með skakkt uppgjörsár, samanborið við 1,2 milljónir punda (150 milljónir króna) hagnað á sama tíma fyrir ári.Sala félagsins jókst um 95% á fyrsta fjórðungi í kjölfar yfirtöku á Rubicon Retail á þriðja fjórðungi síðasta árs en pro forma aukning nam 4%. Salan nam 98,4 milljónum punda (12,3 milljarðar króna)."Miklu munar um afskriftir af óefnislegum eignum félagsins eða um 1,4 milljón pund og virðast kaupin á Rubicon Retail hafa verið kostnaðarsamari en við áður áætluðum. Fjármagnsliðir voru í takti við væntingar okkar," segir greiningardeild Glitnis.


 

Úrvalsvísitalan hefur lækkað um 0,07% og er 8.317 stig við hádegi, samkvæmt upplýsingum frá Markaðsvakt Mentis. Veltan nemur 12,9 milljónum króna. Atorka Group hefur hækkað um 2,42%, Icelandair Group hefur hækkað um 0,9%, 365 hefur hækkað um 0,57%, Century Aluminium hefur hækkað um 0,54% og Eimskip hefur hækkað um 0,5%. Föreya banki hefur lækkað um 0,84%, Flaga Group hefur lækkað um 0,52%, Össur hefur lækkað um 0,47%, Bakkavör Group hefur lækkað um 0,43% og Teymi hefur lækkað um 0,2%. Gengi krónu hefur styrkst um 0,35% og er 114,3 stig.


 

ræða fjármögnun á hlutabréfaeign FL Group í Glitni banka


 

Sú staðreynd að Magnus Linklater blaðamaður breska blaðsins The Times hefur umfjöllun sína um Alistair Darling með því að benda á að það markverðasta við manninn sé að hann er Pink Floyd aðdáandi sem hefur nýlega tekið upp á því að hlusta á Coldplay bendir ekki til þess að þar sé ekki maður við suðumark á ferð. Enda er Darling sagður maður grandvar og varkár. Eflaust fagna fjárfestar því að ekki tilþrifameiri maður hafi tekið við embætti fjármálaráðherra Bretlands af Gordon Brown. Blaðamenn Financial Times gera svo mikið úr litleysi hans að þeir segja að hann komi fyrir eins róbot. Hinsvegar bæta þeir við að hann sé í raun bráðskarpur og fyndinn. Nánar um Darling í Viðskiptablaðinu í dag.


 

Christian Clausen forstjóri Nordea, sem er stærsti banki Norðurlanda með hliðsjón af markaðsvirði, segir að bankinn muni einbeita sér að innri vexti næstu árin og sameiningar komi ekki til greina á næstunni. Hann viðurkennir þó að samlegðaráhrif fengjust með sameiningu við sænska bankann SEB. Í samtali við finnska viðskiptablaðið Taloussanomat segir Clausen að Nordea stefni að því að vera virkur þátttakandi á markaðinum næstu árin og að hann muni vaxa um tíu prósent. Þegar þeim markmiðum verði náð sé tími til þess að fara á næsta stig. Slíkt myndi felast í kaupum eða yfirtöku á öðrum banka en ekki í því að Nordea verði seldur. Sænska ríkið hefur ákveðið að selja tæpan fimmtungs hlut sinn á Nordea á næstu árum og hefur sú ákvörðun kynt undir væntingar um samrunahrinu á norrænum bankamarkaði líkt og hefur verið að eiga sér stað annars staðar í Evrópu. Clausen segir það blasa við að norrænir bankar verði of smáir fyrir evrópskan bankamarkað eftir áratug og bætir því við að Nordea hafi búið sig undir slíkt með samrunum. Aðspurður um ummæli sem breska blaðið Financial Times hafði eftir honum fyrr í þessum mánuði um að "augljóst vit" felist í sameiningu Nordea og SEB segir hann að hann hafi einungis sagt að SEB væri góður banki og ítrekar að Nordea einbeiti sér að innri vexti um þessar mundir.


 

segir Jón Hjaltalín Magnússon hjá Arctus


 

Í maímánuði voru fluttar út vörur fyrir 20,5 milljarða króna og inn fyrir 31,2 milljarða króna (fob), að því er kemur fram hjá Hagstofu Íslands. Vöruskiptin í maí, voru því óhagstæð um 10,7 milljarða króna (reiknað á fob-verðmæti). Í maí 2006 voru vöruskiptin óhagstæð um 12,6 milljarða króna reiknað á föstu gengi. Fyrstu fimm mánuðina 2007 voru fluttar út vörur fyrir 119,9 milljarða króna en inn fyrir 150,5 milljarða króna (fob). Nokkur halli var á vöruskiptunum við útlönd (reiknað á fob verðmæti) sem nam 30,6 milljörðum en á sama tíma árið áður voru þau óhagstæð um 59,3 milljarða á sama gengi¹. Vöruskiptajöfnuðurinn var því 28,7 milljörðum króna hagstæðari en á sama tíma árið áður, en vöruskiptahalli ennþá umtalsverður.


 

Brynhildur Ólafsdóttir  fyrrum fréttamaður hefur verið ráðin forstöðumaður Samskiptasviðs hjá Saga Capital Fjárfestingarbanka. Hún mun hafa yfirumsjón með markaðsmálum bankans, almannatengslum hans og samskiptum við innlenda og erlenda samstarfsaðila. Þetta kemur fram í tilkynningu."Brynhildur hefur undanfarin 19 ár aðallega starfað við fjölmiðla, síðustu árin sem yfirmaður erlendra frétta á fréttastofu Stöðvar 2. Hún hefur jafnframt gegnt starfi forstöðumanns Alþjóðamálastofnunar Háskóla Íslands og sinnt stundakennslu í stjórnmálafræði. Brynhildur hefur víðtæka reynslu af alþjóðamálum og alþjóðasamskiptum og hefur meðal annars starfað sem fréttamaður fyrir íslenska, breska og bandaríska fjölmiðla í Mexíkó, á Kúbu og í Bosníu og sem sendifulltrúi Alþjóða Rauða krossins í Hondúras, Pakistan og Afganistan. Hún er útskrifaður stjórnmálafræðingur frá HÍ og er með mastersgráðu í alþjóðastjórnmálum og alþjóðasamskiptum frá Columbia háskóla í New York í Bandaríkjunum," segir í tilkynnngu.Saga Capital er alþjóðlegur fjárfestingarbanki sem stofnaður var á síðasta ári og starfar á afmörkuðum sviðum fjármála og veitir þjónustu á sviði fyrirtækjaráðgjafar, útlána og verðbréfamiðlunar til fyrirtækja og fagfjárfesta.Bankinn tók formlega til starfa í maí á þessu ári.  Eigið fé bankans er nú tæplega 11 milljarðar sem þýðir að Saga Capital er af svipaðri stærðargráðu og BYR og Icebank.


 

Héraðsdómur Reykjavíkur dæmdi í dag Jón Gerald Söllenberger í þriggja mánaða skilorðbundið fangelsi og Tryggva Jónsson, fyrrverandi aðstoðarforstjóra Baugs, í 12 mánaða skilorðsbundið fangelsi. Tryggvi hafði áður fengið níu mánaða dóm í Baugsmálinu þannig að þrír mánuðir bætast við hans refsingu.


 

Úrvalsvísitalan hefur hækkað um 0,78% og er 8.343 stig við hádegi, samkvæmt upplýsingum frá Markaðsvakt Mentis. Veltan nemur 6,4 milljarða króna. Atlantic Petroleum hefur hækkað um 2,83%, Century Aluminium hefur hækkað um 1,99%, Kaupþing, Föreya banki og Alfesca hafa hækkað um hækkað um 1,7%. 365 hefur lækkað um 1,65%, Össur hefur lækkað um 0,46%, Actavis Group hefur lækkað um 0,33% og Straumur-Burðarás hefur lækkað um 0,23%. Gengi krónu hefur styrkst um 0,38% og er 114,2 stig.


 

Stjórnir BYRS sparisjóðs og Sparisjóðs Kópavogs hafa skrifað undir áætlun um samruna sjóðanna og miðast samruninn við 1. janúar 2007. Gert er ráð fyrir að hlutur stofnfjáreigenda í BYR verði 87% í sameinuðum sjóði og hlutur stofnfjáreigenda í Sparisjóði Kópavogs verður 13%. Til að framangreint hlutfall náist verður stofnfé í BYR aukið um kr. 2.758.264 þús. áður en til samrunans kemur. Þetta kemur fram í tilkynningu frá sparisjóðunum tveimur.Með samrunanum verður til stærri og öflugri eining sem er vel í stakk búin til að takast á við ný og krefjandi framtíðarverkefni í síharðnandi samkeppnisumhverfi. Með sameiningunni aukast möguleikar til framþróunar og vaxtar og hefur sameinaður sparisjóður mun sterkari stöðu til sóknar en hvor sjóður fyrir sig hafði áður. Heildareignir sameinaðs sjóðs verða um 130 milljarðar króna.


 

Baugur Group hefur ákveðið að selja hlut sinn í raftækjakeðjunni Merlin til Árdegis hf. sem fjárfestahópur, undir forystu Árdegis hf. keypti í september 2005. Hópurinn samanstóð af Árdegi, Fjárfestingafélaginu Milestone og Baugi Group. Eftir kaupin var farið af stað með aðgerðaráætlun til að snúa við rekstri Merlin sem hafði um nokkurra ára skeið skilað umtalsverðu tapi. Nú þegar tvö ár eru liðin af þeim tíma sem ætlaður var til viðsnúnings, hefur Árdegi hf. keypt hlut Baugs Group. Þetta kemur fram í tilkynningu frá fyrirtækinu.


 

Vísitala framleiðsluverðs í maí 2007 er 118,3 stig (4. fjórðungur 2005 = 100) og lækkaði um 2,4% frá fyrri mánuði. Þetta kemur fram í tilkynningu frá Hagstofu Íslands. Vísitala framleiðsluverðs fyrir sjávarafurðir er 121,0 stig og lækkaði um 4,2% (vísitöluáhrif -1,6%) og vísitala fyrir stóriðju er 145,2 stig, lækkaði um 1,2% (-0,2%). Vísitalan fyrir matvæli var óbreytt milli mánaða en vísitala fyrir annan iðnað lækkaði um 2,4% frá apríl (-0,6%). Á sama tíma lækkaði verð á erlendum gjaldmiðlum um 3,4%. Vísitala framleiðsluverðs fyrir vörur sem framleiddar voru og seldar innanlands lækkaði um 0,5% (-0,2%) milli mánaða en fyrir útfluttar afurðir lækkaði hún um 3,5% (-2,2%). Frá maí 2006 hefur vísitala framleiðsluverðs lækkað um 2,1%; sjávarafurðir hafa lækkað í verði um 5,2%, afurðir stóriðju hafa hækkað um 3,7% og matvæli um 2,4%.


 

Greiningardeild Landsbankans metur gengi Bakkavarar Group á 67,5 og tólf mánaða markgengið á 74,8 krónur á hlut. Markaðsgengið er 69,9 krónur á hlut við lok markaðar, samkvæmt upplýsingum frá Markaðsvakt Mentis. Mælir hún með að fjárfestar minnki við sig í félaginu en markaðsvogi bréfin.?Við reiknum með áframhaldandi velgengni hjá Bakkavör og gerum ráð fyrir nokkuð sterkum öðrum fjórðungi.Páskarnir féllu á annan ársfjórðung að þessu sinni en að jafnaði er talsverð söluaukning í kringum páskana, auk þess sem vörur með háa framlegð seljast vel þá. Jafnframt var veður gott í Bretlandi á öðrum fjórðungi og því fylgir aukin sala á salötum og léttari réttum,? segir greiningardeildin.


 

Greiningardeild Landsbankans mælir með því að fjárfestar minnki við sig í Icelandic Group en markaðvogi bréfin. Metur hún gengi félagins á 6,22 og markgengið á 7,18 krónur á hlut. Markaðsgengið er 6,4 krónur á hlut, samkvæmt upplýsingum frá M5. "Endurskipulagning hefur staðið yfir á rekstri Icelandic Group á síðustu tveim árum og vonir standa til að árangur af henni skili sér fljótlega og hafi jákvæð áhrif á rekstrarafkomu á næstu árum. Við gerum ráð fyrir því að félagið dragi á næstu árum úr skuldsetningu sinni og minnki birgðir sem hefur jákvæð áhrif á sjóðstreymi og afkomu IG," segir hún.


 

Glitnir hefur aukið hlut sinn í Alfesa í 9,15% úr 3,26%, samkvæmt upplýsingum frá Kauphöllinni.


 

Dr. Finnur Oddsson hefur verið ráðinn framkvæmdastjóri Viðskiptaráðs Íslands. Finnur tekur við starfinu af Höllu Tómasdóttur sem lætur af störfum í haust til að stofna eigið fyrirtæki. Þetta kemur fram í tilkynningu Viðskiptaráðs.


 

Greiningardeild Kaupþings spáir 0,1% hækkun vísitölu neysluverðs (VNV) í júlí. Gangi spáin eftir mun tólf mánaða verðbólga mælast 3,6% samanborið við 4% í maí. ?Hækkunin í mánuðinum helgast fyrst og fremst af áframhaldandi hækkun fasteignaverðs,? segir hún. ?Útsöluáhrif vinna hins vegar á móti hækkandi fasteignaverði.? Að mati greiningardeildar er undirliggjandi verðbólga enn mikil og nægir að skoða fastskattsvísitölu Hagstofunnar, en samkvæmt henni hefði tólf mánaða hækkun VNV í júní mælst 5,8% ef ekki hefði komið til matarskattslækkana í mars. Hún gerir ráð fyrir að VNV hækki um 0,9% á næstu þremur mánuðum og um 3% á næstu tólf mánuðum. Að mati Greiningardeildar nær Seðlabankinn ekki markmiði fyrr en í fyrsta lagi á 3. ársfjórðungi 2008.


 

fjárfestar losa sig við verðbréf á nýmörkuðum


 

Það sem af er degi hafa hlutabréf í OMX Kauphölinni á Íslandi hækkað um 0,05%. Úrvalsvísitalan stendur nú í 8.283 stigum samkvæmt  upplýsingum úr Markaðsvakt Mentis.


 
Innlent
27. júní 2007

Hexa kaupir Fasa-Föt

Hexa hefur keypt rekstur Fasa-Föt ehf. Hexa  yfirtekur með  kaupunum alla gildandi þjónustusamning Fasa, m.a. við Icelandair og Cargolux svo sem og lager og tæki. Frá þessu er greint í fréttatilkynningu.


 

krónan niður um 0,86% í kjölfar umsagnar Hagfræðistofnunar um aflareglu


 

innlán erlendra aðila hafa aukist um 465% á tólf mánuðum


 

Það er óskynsamlegt að haga þorskveiðum eftir núgildandi aflareglu ef marka má útreikninga Hagfræðistofnunar Háskóla Íslands um þjóðhagsleg áhrif aflareglu, en stofnunin kynnti niðurstöður sínar fyrir fjölmiðlum í gær. Samkvæmt niðurstöðum Hagfræðisstofnunar er hagkvæmasta aflareglan, þ.e. er sú aflaregla sem fer nærri því að hámarka núvirði þjóðhagslegs arðs af þorskveiðum, ekki fasti eins og nú er, heldur breytileg. Hagkvæm aflaregla kveður á um að engar þorskveiðar verði leyfðar á næsta fiskveiðiári.


 

Kaupþing hefur ekki setið auðum höndum við fjármögnun að undanförnu og hefur það sem af er árinu safnað 320 milljörðum íslenskra króna með skuldabréfaútgáfu víða um heim. Þar af hafa 100 milljarðar verið tryggðir á undanförnum mánuði og 50 milljarðar í þessari viku einni saman.


 

Lífeyrissjóðir Bankastræti 7 hafa aukið hlut sinn í Bakkavör Group í 5,09% úr 3,8%, samkvæmt tilkynningu til Kauphallarinnar. Markaðvirði viðskiptanna er 1,9 milljarðar króna og var kaupgengið 69 krónur á hlut, samkvæmt upplýsingum frá Markaðsvakt Mentis. Um er að ræða 28.000.000 hluti en gengi viðskiptanna kemur ekki fram í tilkynningunni. Gengi Bakkavarar stóð í stað í dag og er 69,7 krónur á hlut.


 

Greiningardeild Landsbankans hefur lækkað verðmat sitt á Eimskipum í 39,6 krónur á hlut úr 40,5, sem stafar meðal annars af hækkandi vöxtum á markaði. Markaðsgengið 39,45, samkvæmt upplýsingum frá M5. Markgengið setur hún á 44,9. Mælir greiningardeildin áfram með yfirvogun á bréfum félagsins en hefur fært ráðgjöfina í ?halda? úr ?kaupa?. Er það meðal annars vegna þess að bréfin hafa hækkað um 21,4% það sem af er ári og 17% á fjórðungunum. Í verðmatinu kemur fram að sex mánaða uppgjörið hafi að mestu verið í samræmi við væntingar. ?Afkoman hafi verið ásættanleg en endurskipulagning hafi þó tekið lengri tíma en vænst var, sem þýði að fjármagnskostnaður félagsins hafi haldist hár lengur en ella. Þá segir að Eimskipafélagið sé orðið leiðandi á markaði og hafi yfirtekið hvert félagið á fætur öðru, þar með talið Atlas Cold Storage, auk þess sem yfirtaka á Versacold sé í burðarliðnum,? segir greiningardeildin.


 

Actavis hefur sett á markað í Bandaríkjunum forðalyfið Nifedipine XR og er dreifing þess þegar hafin. Þetta er fyrsta markaðssetning Abrika síðan Actavis keypti fyrirtækið í apríl síðastliðnum. Þetta kemur fram í fréttatilkynningu frá Actavis. "Nifedipine XR er samheitalyf Adalat® CC frá frumlyfjafyrirtækinu Bayer og er framleitt í 30mg og 60mg töflum. Lyfið er notað við háþrýstingi, ýmist eitt sér eða með öðrum blóðþrýstingslyfjum," segir í tilkynningu. Árleg sala lyfsins á Bandaríkjamarkað nam 143 milljónum Bandaríkjadala (9 milljörðum ISK) á 12 mánaða tímabili sem lauk í mars 2007, skv. tölum frá IMS health data. Actavis hefur nú markaðssett 6 ný samheitalyf í Bandaríkjunum frá áramótum, en alls er áætlað að þau verði á bilinu 18-20 á árinu 2007.


 

Úrvalsvísitalan stóð nánast í stað í dag en hún hækkaði um 0,01% og er 8.280 stig við lok markaðar, samkvæmt upplýsingum frá Markaðsvakt Mentis. Veltan nam 10,3 milljörðum króna. Straumur-Burðarás hækkaði um 1,62%, Atlantic Petroleum hækkaði um 1,42%, Flaga Group hækkaði um 1,06%, Mosaic Fashions hækkaði um 0,59% og Actavis Group hækkaði um 0,56%. Föreya banki lækkaði um 5,1%, Össur lækkaði um 1,36%, FL Group og 365 lækkuðu um 1,34% og Icelandair Group lækkaði um 1,26%. Gengi krónu hefur styrkst um 0,32% og er 114,4 stig.


 

Greining Glitnis telur að vísitala neysluverðs í júlímánuði muni dragast saman um 0,2%. Tólf mánaða verðbólga verði í kjölfarið 3,3% en er núna 4%. Samkvæmt spá Glitnis verður verðbólga þessa árs að meðaltali 3,5% og 4,8% á næsta ári. Mikil hækkun milli ára skýrist af gengislækkun sem greining Glitnis býst við á næsta ári. Glitnir býst við að verðbólga haldi áfram að dragast saman eftir sumri og lækki um 0,1% í ágústmánuði. Tólf mánaða verðbólga stendur þá í 3% en fer svo hækkandi eftir haustinu. Glitnir segir sumarútsölurnar muna mestu um minnkandi verðbólgu í sumar en spáin gerir ráð fyrir að fatnaður og skór lækki um 9% vegna útsöluáhrifa. Á móti vegur hinsvegar hækkandi húsnæðisverð og verðhækkanir á hótelum, veitingastöðum og almennum matvælum út úr búð.


 

Í tengslum við könnun á starfsumhverfi ríkisstarfsmanna árið 2006 var gerð úttekt úr launavinnslukerfi ríkisins á fjölda ríkisstarfsmanna. Fjöldi starfsmanna 1. október 2006 var um 21.600 í 19.600 stöðugildum.


 

Rannsóknarteymi deCODE hefur komist skrefi lengra í að koma hjartalyfinu DG041 á markað en jákvæðar niðurstöður hafa fengist í þróun lyfsins. Kári Stefánsson forstjóri deCODE tilkynnti þessar niðurstöður á fundi með fjárfestum og markaðsaðilum í gær.


 

Seðlabanki Íslands mun halda stýrivöxtum óbreyttum á næsta vaxtaákvörðunardegi þann 5. júlí næstkomandi og strangt aðhald verður áfram í peningastefnu, að því er kemur fram í nýrri gengis- og stýrivaxtaspá Glitnis.


 

Miklar hækkanir á íbúðaverði það sem af er ári gefa til kynna að enn ríki mikil eftirspurn á fasteignamarkaði, þrátt fyrir að greinendur séu almennt sammála um að þensluskeið undanfarinna ára sé nú á síðustu metrunum.


 

Gengi krónunnar er hátt um þessar mundir, bæði þegar litið er til langtímameðaltals raungengis og þess sem við teljum að tryggi ytra og innra jafnvægi þjóðarbúsins, að sögn greiningardeildar Glitnis. ?Mikill vaxtamunur ræður miklu um þessa sterku stöðu krónunnar. Munurinn endurspeglar hins vegar stöðu íslenska hagkerfisins í samanburði við önnur hagkerfi. Með áhrifum sínum á væntingar um vaxtamuninn hafa lækkandi verðbólga, lágar hagvaxtartölur og ráðleggingar Hafrannsóknastofnunar dregið einhvern þrótt úr því styrkingarferli sem einkenndi gengisþróunina í apríl og maí,? segir greiningardeildin. Hún gerir ráð fyrir að gengi krónu haldist hátt svo lengi sem vaxtamunur minnki ekki að neinu marki. ?Það verður því ekki fyrr en bratt vaxtalækkunarferli Seðlabankans færist nær í tíma að gengi krónunnar fer að lækka. Stór hluti stöðutöku með krónunni er til fremur skamms tíma, og má þar nefna bæði krónubréf og skammtímastöður þær sem endurspeglast í framvirkri gjaldeyrisstöðu bankanna.? Meðal þeirra landa sem eru með þróaðan gjaldeyrismarkað, segir greiningardeildin, eru skammtímavextir hér á landi nú þeir næsthæstu. ?Gangi stýrivaxtaspá okkar eftir eru hins vegar allar líkur á að hið mikla aðdráttarafl íslenskra skammtímavaxta hjaðni hratt, sér í lagi ef vextir í öðrum hávaxtalöndum haldast tiltölulega háir,? segir hún. Óvissan í spánni snýr að verulegu leyti að því samspili vaxta, gengis og verðlags sem getið er að ofan. ?Seðlabankinn lýsti í Peningamálum í mars hvernig brugðist yrði við snarpri gengislækkun með hærri stýrivöxtum. Þótt við teljum ólíklegt að bankinn muni beinlínis hækka vexti ef krónan gefur eftir á næstunni mun slík hreyfing líklega hægja á, eða jafnvel stöðva, lækkunarferli stýrivaxta, að minnsta kosti tímabundið,? segir greiningardeildin.


 

Úrvalsvísitalan hefur hækkað um 0,10% og er 8.287 stig við hádegi, samkvæmt upplýsingum frá Markaðsvakt Mentis. Veltan nemur rúmum þremur milljörðum króna. Atlantic Petroleum hefur hækkað um 4,72%, Straumur-Burðarás hefur hækkað um 1,39%, Flaga Group hefur hækkað um 1,06%, Mosaic Fashions hefur hækkað um 0,59% og Exista hefur hækkað um 0,3%. Föreya banki hefur lækkað um 1,57%, Össur hefur lækkað um 1,36% FL Group hefur lækkað um 1,01%, Atorka Group hefur lækkað um 0,98% og Alfesca hefur lækkað um 0,77%. Gengi krónu hefur veikst um 0,07% og er 114,9 stig.


 

ný verðbólguspá greiningardeildar Landsbankans


 

Glitnir Mosfellsbæ og Hestamannafélagið Hörður hafa endurnýjað styrktarsamning sín á milli fyrir árið 2007. Hjá félaginu er rekið öflugt æskulýðs- og unglingastarf og er styrkurinn hugsaður til að styrkja starfið enn frekar. Þetta kemur fram í frétt frá bankan Í fyrra var gerður samskonar samningur á milli Glitnis og Hestamannafélagsins og eru báðir aðilar afskaplega ánægðir yfir því hversu vel samstarfið hefur gengið. "Glitni er sönn ánægja að styrkja það kraftmikla starf sem rekið er hjá Hestamannafélaginu Herði og það er ánægjulegt að sjá hversu mikinn áhuga unga fólkið hefur á hestamennskunni,? sagði Arnheiður Edda Rafnsdóttir viðskiptastjóri Glitnis í Mosfellsbæ. Síðustu ár hefur æskulýðsstarf á vegum Harðar verið eflt stórlega og er nú rekið með myndarlegum hætti. Hið sama má segja um fræðslustarf sem alla tíð hefur verið fastur liður í starfseminni. Þungamiðja félagsstarfsins er í hesthúsahverfinu á Varmárbökkum og er þar að finna hina ágætustu aðstöðu til hestamennsku.


 

Sala á fasteignum í Bandaríkjunum dróst saman í síðasta mánuði og hafði ekki verið minni í fjögur ár. Salan dróst saman þriðja mánuðinn í röð og skiptust 5,99 milljónir fasteignir um hendur sem er aðeins meira en sérfræðingar höfðu spáð. Nemur þetta lækkun um 0,3% milli mánaða.Samkvæmt tölum Sambands bandarískra fasteignasala féll einnig meðalverð á fasteignum í síðasta mánuði og var 223,700 þúsund Bandaríkjadalir og er það 2,1% minna en fyrir ári síðan.


 

Seðlabankar heims munu þurfa að halda áfram að hækka stýrivexti til þess að stemma stigu við verðbólguþrýstingi vegna þess mikla hagvaxtar sem hefur einkennt hagkerfi heimsins undanfarin misseri. Þetta kemur fram í ársskýrslu Alþjóðagreiðslumiðlunarbankans (e. Bank for International Settlements) en ársfundur hans fór fram í Basel í Sviss um helgina.Sérfræðingar Alþjóðagreiðslumiðlunarbankans spá því að alþjóðahagkerfið muni vaxa meira en fjögur prósent fimmta árið í röð Fram kemur í skýrslunni að vöxturinn í alþjóðahagkerfinu hafi verið "ótrúlegur" og hafi bæði verið viðvarandi í ríkum og fátækum ríkjum.


 

Rússneski orkurisinn Gazprom skrifaði undir samkomulag við ítalska orkufyrirtækið Eni SpA varðandi lagningu 900 hundruð kílómetra leiðslu sem á að flytja gas frá Rússlandi til Ítalíu og Mið-Evrópu í gegnum Svartahafið.


 

Fréttir bárust af því í gær að framkvæmdastjórn Evrópusambandsins muni koma í veg fyrir yfirtöku lággjaldaflugfélagsins Ryanair á Aer Lingus og verði ákvörðunin opinberuð á morgun. Ef af samrunanum yrði myndu sameinað flugfélag hafa yfirburðastöðu á flugvellinum í Dyflinni.


 
Erlent
26. júní 2007

OMV fjárfestir í MOL

Austurríska orkufyrirtækið OMV hefur aukið hlut sinn í ungverska orkufyrirtækinu MOL Nyrt um 8,6% og ræður því yfir 18,6% hlut. Í kjölfar fregnanna hækkuðu hlutabréf í MOL um átta prósent.


 

Kaupþing banki hf. hefur gefið út víkjandi skuldabréf að fjárhæð 250 milljóna evra eða rúmlega 21 milljarður króna. Skuldabréfin teljast með eiginfjárþætti A (e. Tier 1) í samræmi við reglur nr. 156/2005 um viðbótareiginfjárliði fjármálafyrirtækja.


 

Glitnir hf. vinnur nú að því að því að móta framtíðarskipulag bankans í Noregi. Liður í því ferli er að sækja um leyfi til að samræma starfsemi á vegum Glitnis á norskum markaði, þar með talið að sameina Bolig- og Næringsbanken ASA og Glitnir Bank ASA. Engar formlegar ákvarðanir hafa samt verið teknar þar að lútandi. Þetta kemur fram í fréttatilkynnningu. Bolig- og Næringsbanken ASA mun halda norskum skuldabréfamarkaði og öðrum lánardrottnum sínum upplýstum um gang mála með reglubundnum hætti. Bolig- og Næringskreditt ASA verður áfram rekið sem sjálfstætt félag og engar breytingar verða gerðar á samþykktum þess.


 

Kaupþing hefur gefið út skuldabréf í ungverskum forintum að upphæð 6,2 milljörðum forrenta sem samsvarar til rúmlega 21 milljarði króna. Útgáfan er til þriggja ára samkvæmt frásögn fréttaveitunnar Reuters.


 

Óskýrður munur á föstum mánaðarlaunum karla og kvenna mælist 10-12% hér á landi árið 2006, samkvæmt niðurstöðum nýrrar rannsókn ar sem Hagfræðistofnun Háskóla Íslands vann í samvinnu við ParX viðskiptaráðgjöf, IBM og Samtök atvinnulífsins. Föst mánaðarlaun kvenna voru að meðaltali 18% lægri en karla, en þar af voru 6-8% skýrð með mun á menntun kynjanna, starfi, aldri eða starfsaldri.


 

Baugur hefur boðið í kvenfataverslanakeðjuna Viyella, að því er kemur fram í Mail on Sunday. Eigandi fyrirtækisins, Harris Watson, setti Viyella á sölu í maí eftir að hafa keypt merkið á 2,5 milljónir punda árið 2003.


 

Úrvalsvísitalan stóð í 8,278 stigum við lok markaða í gær og hækkaði um 0,5% yfir daginn. Hefur hækkun vísitölunnar það sem ef er ári verið 29,1%, að því er kemur fram hjá greiningu Landsbankans. Eftir nokkuð bakslag við aflatillögur Hafrannsóknastofnunar er vísitalan komin aftur á beinu brautina.


 

Úrvalsvísitalan hækkaði um 0,51% og er 8.279 stig við lok markaðar, samkvæmt upplýsingum frá Markaðsvakt Mentis.  Fjöldi viðskipta á íslenska markaðinum í dag  nam 604  í veltu sem nam 8,6 milljörðum íslenskra króna .


 

Bréf Straums-Burðaráss hafa hækkað mest í dag, eða um 1,17% og standa nú í 21.55, samkvæmt upplýsingum frá Markaðsvakt Mentis. Bréf Actavis fylgja í kjölfarið með 1,13% hækkun og standa nú í 89.5, sem er ívið lægra en núgildandi yfirtökutilboð Novators hljóðar upp á. Össur hefur hækkað um 0,92%, Exista um 0.45%, Landsbankinn um 0,39%, Atorka Group um 0,25%. Glitnir og Kaupþing hafa bæði hækkað um 0,18%. Bréf Atlantic Petroleum hafa lækkað um 0,44%, Eimskipafélagið hefur farið niður um 0,5% og mestu lækkun í morgun á FL Group, eða 0,68%.


 

Mikill slagur stendur nú yfir um tannlækningastofukeðjuna Oasis Healthcare í Bretlandi. Fram kemur í breskum fjölmiðlum að tveir aðilar, ADP sem er þriðja stærsta tannlækningasamstæða Bretlands og Duke Street Capital einkahlutafélag, berjist um hnossið. Kaupþing í Lundúnum er fjárhagslegur bakhjarl ADP, og hljóðar tilboð félagsins upp á 91 pens á hlut, sem er alls 86,9 milljónir punda og 11% hærra en tilboð Duke Street.


 

Færður hefur verið 9,71% hlutur Kjalar Invest B.V. í Kaupþingi sem og 0,17% hlutir Eglu í bankum yfir í nýstofnað eignarhaldsfélag, Egla Invest B.V. Þetta kemur fram í tilkynningu.Egla  Invest B.V. er hollenskt systurfélag Kjalar Invest B.V.Ólafur Ólafsson fjárfestir á Kjalar Invest að mestum hluta.


 

Mjög hefur hægt á útlánavextinum undanfarna tólf mánuði eftir afar hraðan vöxt tímabilið þar á undan, að sögn greiningardeildar Glitnis. ?Sé leiðrétt fyrir gengis- og verðlagshreyfingum jukust heildarútlán bankanna nokkuð í maí, en þó nokkuð minna en verið hefur,? segir greiningardeildin. Hún segir heildarútlán og markaðsverðbréf bankakerfis vera tæplega 4.188 milljarða króna í maílok, sem jafngildir 26% aukningu frá sama tíma í fyrra. Útlán til innlendra aðila voru alls 2.779 milljarða króna og jukust um 20% á milli ára. ?Dregið hefur úr útlánavexti bæði til fyrirtækja og heimila, og reyndist vöxtur útlána til fyrirtækja 28% á milli ára en útlán til heimila jukust um 16%. Geysihraður vöxtur útlána bankakerfis til heimilanna á seinni hluta 2004 og fyrri hluta 2005 skýrist raunar að mestu leyti af skuldbreytingum húsnæðislána eftir að bankarnir komu af fullum krafti inn á húsnæðislánamarkað,? segir greiningardeildin. Erlend lántaka heimila er að aukast. ?Ef leiðrétt er fyrir gengishreyfingum má sjá að erlendar skuldir heimilanna hafa aukist allhratt frá upphafi árs 2006 og nokkur aukning virðist hafa orðið í þeim útlánum í maí þrátt fyrir hækkandi gengi krónu, en í lok mánaðarins námu gengisbundnar skuldir heimilanna við bankakerfið 86 milljörðum króna sem jafngildir tæplega 12% af heildarskuldum þeirra við banka og sparisjóði,? segir hún. ?Erfitt er hins vegar að átta sig á hlutfalli erlendra skulda af heildarskuldum heimilanna við íslenska lánardrottna, bæði vegna þess að um helmingur húsnæðislána heimila er við aðra aðila en banka, sér í lagi Íbúðalánasjóð og lífeyrissjóðina, sem ekki lána í erlendir mynt. Á hinn bóginn hafa fjármálafyrirtæki önnur en viðskiptabankarnir verið að bjóða upp á erlend lán í síauknum mæli, auk þess sem bílafloti landsmanna er að töluverðu leyti fjármagnaður með slíkum lánum,? segir greiningardeildin.


 

Úrvalsvísitalan hefur hækkað um 0,41% og er 8.225 stig við hádegi, samkvæmt upplýsingum frá Markaðsvakt Mentis. Veltan nemur 3,2 milljörðum króna. Actavis Group hefur hækkað um 2,07%, Glitnir hefur hækkað um 1,24%, Teymi hefur hækkað um 1,19%, Össur hefur hækkað um 0,93% og Bakkavör Group hefur hækkað um 0,86%. Fl Group hefur lækkað um 1,01%, Eimskip hefur lækkað um 0,38%, Straumur-Burðarás hefur lækkað um 0,24% og Kaupþing hefur lækkað um 0,18%. Gengi krónu hefur veikst um 0,15% og er 113,8 stig.


 

Kaupþing mun líklega bjóða skuldabréf í jenum í Japan í næstu viku eða svo kölluð samúræjabréf. Guðni Aðalsteinsson, framkvæmdastjóri fjárstýringu Kaupþings, staðfestir það í samtali við Viðskiptablaðið í dag.Fyrr í vikunni sagði hann við Viðskiptablaðinu að Kaupþingi væri að hitta fjárfesta í Japan vegna þessa. Og eykur það landfræðilega dreifingu í skuldabréfaútgáfu bankans.DowJones telur að japanska skuldabréfa útgáfan muni nema 50 milljónum milljóna jena (e. Billion) til þriggja ára en Guðni segir að upphæðin verði ekki svo há.


 

Formlegt yfirtökutilboð hefur borist í Mosaic Fashions upp á 17,5 krónur á hlut, en það er 11,1% hærra verð en verið hefur síðustu sex mánuði, fram til 3. maí, að því er framk kemur í tilkynningu til Kauphallarinnar.  Gengið á markaði er 16,85 þegar þetta er skrifað, samkvæmt upplýsingum frá Markaðsvakt Mentis. Þeir sem leggja tilboðið eru F-Capital ehf. (í eigu Baugs Group), Kaupthing Bank, Gnúpur fjárfestingafélag, Kevin Stanford, Karen Millen, The Millen Life Interest Settlement, Don M Limited, Tessera Holding auk stjórnenda Mosaic Fashions; Derek John Lovelock, Richard Spencer Glanville, Margaret Eve Lustman, John Egan, Sharon OConnor og Hannah Russell Þessi hópur á 64,4% af hlutafé Mosaic Fashions. Í tilkynningu segir Gunnar Sigurðsson, forstjóri Baugs Group, að hann telji tilboðið gott fyrir hluthafa Mosaic Fashions og nefnir að tilboðið er 28,7% hærra en þegar félagið fór í útboð fyrir tveimur árum.


 

Bakkavör Group hefur keypt eftirstandandi hlutafé í kínverska salatfyrirtækinu Creative Foods í samstarfi við Glitni. Í tengslum við kaup á 40% hlut í félaginu í mars 2006 stofnuðu Bakkavör Group og Glitnir nýtt félag, Bakkavör China, sem einbeitir sér að fjárfestingum í Kína. Eftir kaupin á Bakkavör 80% hlut í Creative Foods og Glitnir 20%. Glitnir veitti ráðgjöf og fjármagnaði kaupin, en kaupverðið er trúnaðarmál. Kaupin munu hafa óveruleg áhrif á afkomu félagsins. Þetta kemur fram í tilkynninguCreative Foods ræktar og framleiðir ýmiss konar salöt, eða um 250 vörutegundir í fimm verksmiðjum fyrir stórmarkaði og veitingahúsakeðjur í Kína. Starfsmenn fyrirtækisins eru um 750 talsins. Á meðal helstu viðskiptavina fyrirtækisins er Yum! Brands, sem er ein stærsta veitingahúsakeðja í heimi og rekur meðal annarsKentucky Fried Chicken og Pizza Hut. Aðrir viðskiptavinir eru meðal annars Wal*Mart, Carrefour, Starbucks og Burger King.Einar Gústafsson, framkvæmdastjóri Bakkavör Asía sagði í tilkynningu: "Afkoma Creative Foods hefur verið yfir væntingum á undanförnum misserum og jókst proforma sala um 23% á árinu 2006 og um 15% á fyrsta ársfjórðungi 2007.


 

Viðskipti voru stöðvuð með Mosaic Fashions í Kauphöllinni í morgun, samkvæmt tilkynningu, og er þar segir að frétt er væntanleg. Stjórn Mosaic Fashions tók á móti óbindandi kauptilboði í alla útgefna hluti í félaginu frá Baugi Group í byrjun maí. ?Við teljum líklegt að nú sé um formlegt kauptilboð að ræða,? segir greiningardeild Glitnis. ?Baugur bauð hluthöfum 17,5 krónur á hlut í maí en verð félagsins stendur nú í 16,85 krónur á hlut. Ávöxtun á bréfum félagsins hefur verið undir væntingum fjárfesta og áhugi farið minnkandi eftir sveiflukennd uppgjör í kjölfar hraðs ytri vaxtar og meðfylgjandi skuldaaukningar,? segir greiningardeildin.


 

Japansbanki álítur að það sé "töluverð óvissa" fyrir hendi um verðlagsþróun þar í landi á næstu misserum, að því er fram kemur í fundargerð stjórnar bankans frá síðustu stýrivaxtaákvörðun í síðasta mánuði, er bankinn ákvað einróma að halda vöxtum óbreyttum í 0,5%. Í frétt Financial Times er greint frá því að þegar rýnt sé í ummæli stjórnarmanna bankans komi í ljós að skiptar skoðanir eru uppi á meðal stjórnarmanna bankans um hversu mikil undirliggjandi verðbólguþrýstingur er í hagkerfinu. Fundargerðin, sem var gerð opinber á miðvikudaginn, sýnir að sumir stjórnarmenn eru á því að undirliggjandi verðbólguþrýstingur sé nú þegar til staðar, sem þeir segja að sé smám saman að aukast. Vísa þeir meðal annars til þess að matvörukeðjur í Japan séu farnar að hækka hjá sér verð, að hluta til vegna þess að innfluttur varningur hefur hækkað í verði, en jenið hefur sjaldan verið jafn lágt gagnvart helstu gjaldmiðlum heimsins eins og um þessar mundir. Flestir sérfræðingar í gjaldeyrismálum eiga fastlega von á því að jenið muni halda áfram að veikjast, sökum þess mikla vaxtamunar sem er á milli Japan og annarra landa. Að auki benda stjórnarmennirnir á að heimsmarkaðsverð á hráolíu - en sá liður er innifalinn í vísitölu neysluverðs - hefur farið hækkandi upp á síðkastið. Aðrir stjórnarmenn Japansbanka telja hins vegar að áhyggjur af verðbólguþrýstingi í hagkerfinu séu ofmetnar: Mikil samkeppni á milli fyrirtækja er ríkjandi í efnahagslífinu og japanskir neytendur bregðast skjótt við öllum tilraunum fyrirtækja í þá veru að reyna hækka hjá sér verðlag. Fulltrúi fjármálaráðneytisins sem hefur stöðu áheyrnarfulltrúa á fundi stjórnarinnar sagðist ekki sjá nein merki um undirliggjandi verðbólgu í hagkerfinu. Þvert á móti mælist verðbólga án orku, matvæla, áfengis- og tóbaksliða, svokölluð kjarnaverðbólga (e. core inflation), neikvæð; verðlag hefur lækkað síðustu fjóra mánuði, enda þótt lækkunin hafi aðeins numið 0,1% í maímánuði. Stjórn Japansbanka segir að helstu orsakir þessara lækkana megi rekja til lækkandi verðs á farsímum og flugfargjalda. Financial Times hefur það eftir sérfræðingum að fundargerðin endurspegli mismunandi viðhorf stjórnarmanna varðandi efnahagsþróunin í Japan. Þeir sem eru fylgjandi stífri peningamálastefnu vilja hækka stýrivexti um leið og tækifæri gefst til, þar sem þeir séu á þeirri skoðun að aukin hagvöxtur og sívaxandi fjárfesting í hagkerfinu muni óumflýjanlega leiða til verðlagshækkana. Aðrir stjórnarmenn bankans vilja fremur bíða þangað til að hagtölur sýni bersýnilega að verðlag sé í raun farið að hækka.


 

Bandaríska verðbréfaeftirlitið (e. Securities and Exchange Commission) ákvað á miðvikudaginn að stefna að því að heimila erlendum fyrirtækjum að greina frá fjárhagsgögnum sínum með því að notast við alþjóðlegar reikningsskilaaðferðir. Samkvæmt tillögu verðbréfaeftirlitsins myndi breytingin hins vegar eingöngu ná til félaga sem notast við reglur sem eru samþykktar af Alþjóðlegu reikningsskilanefndinni (e. International Accounting Standards Board). Markmiðið með þessari fyrirhugaðri lagabreytingu er að auka fjárfestingu beggja vegna Atlantsála. Verðbréfaeftirlitið hefur lagt það til að hætt verði að krefjast þess af erlendum félögum að þau aðlagi fjárhagsyfirlit sitt í samræmi við bandarískar reikningsskilaðferðir, en slíkt hefur hingað til verið nauðsynlegt til þess að geta skráð félög í kauphallir þar í landi. Í frétt International Herald Tribune segir að þessar breytingar gætu orðið að lögum í upphafi ársins 2009. Charlie McCeevy, yfirmaður framkvæmdanefndar Evrópusambandsins (ESB) um fjármálaþjónustu, hefur einnig heitið því að sambandið muni samþykkja notkun bandarískra reikningsskilaaðferða fyrir þann tíma. Christopher Cox, framkvæmdastjóri bandaríska verðbréfaeftirlitsins, sagði á fundi nefndar sem hefur málið til umfjöllunar að fyrirhuguð lagabreyting myndi hafa verulega þýðingu í átt að því að koma á einni samræmdri alþjóðlegri reikningsskilaaðferð á heimsvísu. Slíkt fyrirkomulag myndi gera það að verkum að fjárfestar ættu mun auðveldara með að öðlast betri og nákvæmari samanburð á félögum um heim allan. Ef erlendum félögum á bandarískum markaði verður gert heimilt að notast við alþjóðlega reikningsskilaaðferð myndi það hvetja þau til þess að selja hlutabréf í Bandaríkjunum að mati Cox, en núverandi reglur gera slíkt mjög kostnaðarsamt fyrir erlend fyrirtæki, að því er fram kemur í frétt á vefsíðu Bloomberg fréttaveitunnar.


 

Viðræður á milli Evrópusambandsins, Bandaríkjanna, Indlands og Brasilíu um hvort að hægt sé að endurvekja Doha-viðræður Alþjóðaviðskiptastofnunarinnar (WTO) runnu út í sandinn í gær. Sendinefndir Indlands og Brasilíu slitu fundinum og sagði utanríkisráðherra síðarnefnda landsins, Celso Anorim, þar hafa verið tilgangslausar. Eins og áður var steytti á ólíkum áherslum varðandi niðurgreiðslu landbúnaðarvara. Haft var eftir Susan Schwab, viðskiptafulltrúa Bandaríkjanna, að vissulega væri það vonbrigði að fundarhöldin hafi farið út um þúfur en ítrekaði að bandarísk stjórnvöld hefðu ekki gefist upp á þeirri viðleitni að endurvekja Doha-viðræðurnar. Viðræðurnar hófust í þýska bænum Potzdam á þriðjudag og áttu að standa fram til morgundagsins. Samkomulag milli þessara fjögurra ríkja er talið forsenda þess að hægt sé að endurvekja Doha-viðræðurnar sem snúast meðal annars um lækkanir á tollum á landbúnaðar- og iðnaðarvörum. Tekist er á um niðurgreiðslur á landbúnaðarafurðum og hversu opnaðir markaðir fyrir þessar vörur eigi að vera. Þróunarríki, eins og Brasilía og Indland, vilja að ríku löndin minnki eða láti af niðurgreiðslum til landbúnaðar og jafni þar með samkeppnisstöðuna. Á sama tíma þrýsta Evrópusambandið og Bandaríkin á aukið aðgengi að mörkuðum í þriðja í heiminum, sérstaklega þegar kemur að iðnaðar- og þjónustuvörum.


 

Evrópuþingið samþykkti í gær nýjar reglur sem eiga koma í veg fyrir ósanngjörn ríkisútboð. Þingið samþykkti tillögur framkvæmdastjórnarinnar sem voru settar fram í fyrra og voru þær samþykktar degi á eftir að skýrsla um útboðsmál var birt. Í henni kemur fram að aðildarríki Evrópusambandsins beiti sér fyrir því að fyrirtæki innan landamæra þeirra fái verkefni sem eru boðin út. Í reglunum á að felast hvati fyrir fyrirtæki til þess að taka þátt í útboðum í öðrum ríkjum.


 

Franska fjármálaeftirlitið, Autorité des Marchés, hefur sektað Deutsche Bank auk fjögurra vogunarsjóða um 6,25 milljónir evra í kjölfar rannsóknar á innherjaviðskiptum í tengslum við útboð á skuldabréfi franska margmiðlunarfyrirtækinu Vivendi. Deutsche Bank var sektaður um 750 þúsund evrur. Þrír vogunarsjóðir, GLG Partners, Meditor og UBS, voru hver og einn sektaðir um 1,5 milljón evra. Sá fjórði, Ferox, var sektaður um eina milljón evra. Franska fyrirtækið var jafnframt tekið til rannsóknar en ekki var ekki sektað.


 

Þýska orkufyrirtækið E.ON Ruhrgas mun taka þátt í samstarfsverkefni um lagningu gasleiðslu um Norðurlönd og hefur tryggt sér fimmtán prósenta hlut í verkefninu. Verkefnið hefur fengið nafnið Skanled og mun leiðslan flytja gas frá Noregi til Svíþjóðar og Danmerkur. Gert er ráðið fyrir að lagningin muni kosta um 900 milljónir evra. Tíu fyrirtæki koma að verkefninu og auk Þýskalands eru þau staðsett í Noregi, Svíþjóð, Danmörku og Póllandi.


 

Gengi hlutabréfa í ítalska fyrirtækinu Luxottica Spa hækkuðu mikið í kauphöllinni í Mílan í gær í kjölfar þess að tilkynnt var um að fyrirtækið hygðist kaupa annan gleraugnaframleiðanda, Oakley, fyrir um 2,1 milljarð Bandaríkjadala. Gengi bréfa félagsins hækkaði um 7% en fjárfestabankinn Merrill Lynch hækkaði markgengi Luxottica um þrettán prósent miðað við að af kaupunum verði.


 

Þeim sem nýlega hafa misst atvinnu fjölgaði í Bandaríkjunum í síðustu viku samkvæmt tölum um umsóknir um atvinnuleysisbætur. Fjöldi þeirra sem þáðu bætur fór upp í 324 þúsund og jókst um tíu þúsund frá vikunni þar undan og hefur ekki verið hærri í tvo mánuði. Ekki hafði verið búist við þessari fjölgun. Þrátt fyrir að dregið hafi úr vexti hagkerfisins undanfarin misseri hefur það ekki enn haft mikil áhrif á atvinnumarkaðinn.


 

Úrvalsvísitalan hækkaði um 0,05% og er 8.191 stig við lok markaðar, samkvæmt upplýsingum frá Markaðsvakt Mentis. Føreyja Banki hækkaði um 29% á sínum fyrsta degi í íslensku kauphöllinni frá útboðsgengi. Danska kauphöllin var ekki alveg samstíga en þar endaði gengið í 230, samkvæmt upplýsingum frá viðskiptablaðinu Börsen. Fjöldi viðskipta á íslenska markaðinum nam 241 í veltu sem nam 46,8 milljónum króna danskra, eða 526 milljónum íslenskra króna. Í Danmörk nam veltan 229 milljónum danskra króna eða 2,6 milljörðum króna. Össur hækkaði um 4,88% í veltu sem nemur 946 milljónum króna, Nýherji hækkaði um 3,78%, Alfesca hækkaði um 0,98%, Eimskip hækkaði um 0,76% og Kaupþing 0,73%. 365 lækkaði um 2,12%, Actavis Group lækkaði um 1,7%, Century Aluminum lækkaði um 1,23%, Landsbankinn lækkaði um 0,52% og Bakkavör Group lækkaði um 0,43%. Gengi krónu hefur veikst um 0,42% og er 113,6 stig.


 

Olíudreifing hefur samið við Vodafone um fjarskiptaþjónustu til næstu þriggja ára að því er segir í tilkynningu.


 

Nýherji hefur selt eigin bréf fyrir 384 þúsund krónur, samkvæmt upplýsingum frá Kauphöll. Um er að ræða 200.000 hluti, selda á genginu 19,2. Eftir viðskiptin á Nýherji 11.575.080 hluti af eigin bréfum.


 

Glitnir hefur keypt eigin bréf fyrir 4,8 milljarða króna, ef miðað er við lokagengið í dag en bankinn hefur keypt 171 milljón hluti af eigin bréfum, samkvæmt upplýsingum frá Kauphöll. Er það gert til að mæta kaupréttum sem bankinn hefur gert.


 

42 milljarðar króna að markaðsvirði


 

Bréf Føreyja Banka munu hækka á komandi dögum vegna mikillar eftirspurnar, að mati greiningardeildar Glitnis. Viðskipti hófust í dag með bréf félagsins og eru flest viðskiptin í Kauphöllinni með bréf Føreyja Banka.Eftirspurn í útboði eftir bréfum var 26 sinnum meiri en framboðið. ?Hluthöfum félagsins fjölgaði um 15.000 í kjölfar útboðsins þar af um 9.000 í Færeyjum. Yfir 50% þeirra hluta sem í boði voru enduðu hjá Færeyskum fagfjárfestum og einstaklingum,? segir greiningardeildin.Hún segir að í kjölfar mikillar eftirspurnar var ákveðið að verðið á hlut yrði 189 DKK. ?Vænt V/H hlutfall fyrir árið 2007 er 16,2 og V/I hlutfall 1,5. Í lok 1F 2007 námu heildareignir félagsins 82 mö.kr. og eigið fé nam 15 mö.kr. Staða eigin fjár er mjög sterk en eiginfjárhlutfall (e. CAD) bankans er 23% til samanburðar við markmið bankans um 12% eiginfjárhlutfall.Kennitölusamanburður við íslensku bankanna sýnir að V/I hlutfall Føroya Banka er mun lægra en íslensku bankanna en meginhluti tekna bankans kemur af útlánastarfsemi. Stefnt er að eflingu þóknanatengdrar starfsemi. V/H hlutfall Føroya Banka er hinsvegar nokkru hærra en þeirra íslensku,? segir greiningardeildin.


 

Evrópska fjárfestingarfélagið (e. privat equity) Candover hefur átt í viðræðum við Stork NV um mögulegt yfirtökutilboð í öll hlutabréf í Stork, segir greiningardeild Glitnis. Ef verður yfirtökutilboði Candover, verður boðið 47 evrur á hlut. "Gengi á bréfum Stork hækkaði um 9% við tíðindin á þriðjudag og er nú 46 evrur á hlut. LME eignarhaldsfélag (í eigu Landsbanka, Eyris og Marel Food Systems) á nú 11% í Stork en stærstu hluthafarnir eru bandarísku fjárfestingarsjóðirnir Paulson og Centaurus með tæplega þriðjung hlutafjár. Talsmenn LME, Paulson og Certaurus hafa ekki tjáð sig opinberlega um mögulegt yfirtökutilboð Candover. Alls hafa bréf í Stork hækkað um u.þ.b. 20% á öðrum fjórðungi. Gengishagnaður Marel, í gegnum LME, á fjórðungnum er rúmlega fjórar milljónir evra en gengishagnaður Eyris og Landsbanka tvöfalt hærri,? segir greiningardeildin. Í tilkynningu frá Stork NV kemur fram að Candover vilji halda áfram núverandi starfsemi samstæðunnar með innri og ytri vexti. ?Sú stefna er samhljóma skoðun æðstu stjórnenda Stork sem hafa ekki viljað skipta félaginu upp og selja stakar einingar. Paulson og Centaurus, stærstu hluthafarnir, vilja hins vegar skipta félaginu upp og selja ólíkar einingar. Marel hefur áhuga á að kaupa dótturfélag Stork NV, Stork Food Systems, en félögin hafa um skeið átt í samstarfi. Ekki er ljóst hvort Candover tekst að taka Stork samstæðuna yfir enda liggur ekki fyrir formlegt yfirtökutilboð og heldur ekki skoðun stærstu hluthafa. Með sameiningu Marel og Stork Food Systems gætu náðst fram samlegðaráhrif að okkar mati. Enn er þó óvissa um lyktir mála,? segir greiningardeildin.


 

Úrvalsvísitalan hefur lækkað um 0,14% og er 8.177 stig við hádegi, samkvæmt upplýsingum frá Markaðsvakt Mentis. Veltan nemur 15,7 milljöðrum króna en þar af eru 11,4 milljarðar með bréf Exista. Þetta er fyrsti dagur Föreya banka í Kauphöllinni og það hafa verið 113 viðskipti með bréf félagsins. Gengi félagsins í dag hefur verið frá 225 krónum á hlut í 240. Við hádegi er gengið 230. Þetta er mesti viðskiptafjöldinn í dag, til samanburðar kemur Glitnir næstur í röðinni með 30 viðskipti. Teymi hefur hækkað um 0,4%, Exista hefur hækkað um 0,3%, Atlantic Petroleum hefur hækkað um 0,27% og Straumur-Burðarás hefur hækkað um 0,24%. Mosaic Fashions hefur lækkað um 3,55%, 365 hefur lækkað um 1,32%, Eimskip hefur lækkað um 0,63%, Bakkavör Group hefur lækkað um 0,43% og FL Group hefur lækkað um 0,34%. Gengi krónu hefur veikst um 0,95% og er 114,2 stig.


 

Kista fjárfestingarfélag hefur keypt í Exista fyrir 11,4 milljarða króna, samkvæmt upplýsingum frá Kauphöllinni. Um er að ræða 338.615.637 hluti, keypta á genginu 33,55. Guðmundur Hauksson er stjórnarformaður í Kista-fjárfestingarfélagi ehf en hann er jafnframt stjórnarmaður í Exista. Eftirfarandi aðilar standa að Kistu - fjárfestingarfélagi ehf.: Sparisjóður Reykjavíkur og nágr. (eignarhlutur 41,56%), Sparisjóðurinn í Keflavík (eignarhlutur 27,85%), Sparisjóður Mýrasýslu (eignarhlutur 11,65%), Eyraeldi ehf., dótturfélag Sparisjóðs Vestfirðinga (eignarhlutur 6,14%), Þrælsfell ehf., dótturfélag Sparisjóðs Húnaþings og Stranda (eignarhlutur 4,83%) og Sparisjóður Svarfdæla (eignarhlutur 7,97%).


 

Sparisjóður Reykjavíkur og nágrennis hefur selt í Exista fyrir 5,8 milljarðar krónam, samkvæmt upplýsingum frá Markaðsvakt Mentis. Um er að ræða 173.105.649 hluti, selda á genginu 33,55. Eftir viðskiptin á sparisjóðurinn 3.504.198 hluti í bankanum. Guðmundur Hauksson, sparisjóðsstjóri Sparisjóðs Reykjavíkur og nágrennis, er stjórnarmaður í Exista.


 

Alfesca hefur ráðið Hrefnu Ingólfsdóttur í nýtt starf forstöðumanns samskiptasviðs félagsins og tekur hún strax til starfa í höfuðstöðvum Alfesca á Íslandi, að því er fram kemur í tilkynningu. Hrefna hefur víðtæka reynslu af almannatengslum og kynningar- og markaðsmálum en hún starfaði m.a. um langt skeið sem forstöðumaður kynningarmála Símans. Hrefna, sem er 41 árs, útskrifaðist með BA-próf í stjórnmálafræði og fjölmiðlun frá Háskóla Íslands 1990. Hún hefur einnig lokið fjölda námskeiða í stefnumótun, markaðsmálum og stjórnun. Áður en Hrefna kom til starfa hjá Alfesca útskrifaðist hún með MBA-gráðu frá Háskólanum í Reykjavík og síðasta sumar var hún við nám og störf hjá Sarasin Chiswell fjárfestingarbankanum í London með áherslu á fjárfestatengsl. Árin 2001-2005 starfaði hún sem sérfræðingur, ráðgjafi og upplýsingafulltrúi hjá sendiráði Japans í Reykjavík. Árin 1990-2001, starfaði hún fyrir Símann, lengst af sem upplýsingafulltrúi, og kom m.a. að endurskipulagningu og einkavæðingu félagsins. Um þriggja ára skeið var hún forstöðumaður ýmissa rekstrareininga, þ.á m. 118, Símaskrárinnar og Þjónustuvers Símans. Á námsárum sínum, 1983-1989, starfaði Hrefna sem blaðamaður á Morgunblaðinu og sem bankastarfsmaður hjá Búnaðarbankanum, nú Kaupþingi. Hrefna var formaður Barnamenningarsjóðs 1997-2001 og hefur tekið virkan þátt í ýmsum félags- og góðgerðarmálum og gegnt þar trúnaðarstörfum.


 

Breska blaðið The Times greindi frá því á miðvikudaginn að hlutabréfaverð íþróttavöruverslunarkeðjunnar Sports Direct hafi hækkað lítillega í kjölfar orðróms um að Baugur væri að íhuga kaup á hlut í fyrirtækinu, en tekið var fram að fréttin væri byggð á getgátum.


 

Kaupþing byrjar í dag að safna áskriftum fyrir væntanlega skuldabréfaútgáfu á Evrópumarkað. Að sögn Guðna Aðalsteinssonar, framkvæmdastjóra fjárstýringar bankans, verður stærð útgáfunnar í kringum 200 milljónir evra sem samsvarar til 16,6 milljarða íslenskra króna. Útboðinu mun að öllum líkindum ljúka á innan við viku en Citi Group, Credit Suisse, Deutsche Bank og HSBC hafa verið fengin til að sjá um útgáfuna og söfnun áskrifta. Um er að ræða víkjandi skuldabréfaútgáfu og getur Kaupþing kallað bréfin til baka eftir fimm ár. Að sögn Guðna er útgáfan aðallega ætluð minni fjárfestum (e. retail investors).


 

Føroya Banki var skráður í kauphöllina á Íslandi og kauphöllina í Kaupmannahöfn í dag og er 45. félagið sem er skráð í Nordic Exchange á þessu ári.  Þetta kom fram í fréttatilkynningu. Føroya Banki ? elsti bankinn á Færeyjum ? var stofnaður árið 1906. Árið 1994 sameinaðist P/F Sjóvinnubankin honum, en Føroya Banki starfaði áfram undir sama heiti. Bankinn þjónar bæði einstaklingum, fyrirtækjum og stofnunum. ?Við bjóðum Føroya Banki innilega velkominn í OMX Nordic Exchange á Íslandi. Það er afar ánægjulegt að öflugt fjármálafyrirtæki frá Færeyjum hafi slegist í hópinn hjá okkur. Einkavæðing bankans markar tímamót á Færeyjum og það eru spennandi tímar í vændum,? segir Þórður Friðjónsson, forstjóri OMX Nordic Exchange á Íslandi, í tilkynningunni. ?Þetta er stór dagur hjá okkur. Í júní urðum við aðilar að kauphöllinni á Íslandi og verðbréfamarkaður Færeyja tengist þeirri kauphöll. Í kjölfarið urðum við síðan aðilar að kauphöllinni í Kaupmannahöfn. Ég er sannfærður um að bæði skráningin og einkavæðingin mun stuðla að auknum vexti bankans jafnt innanlands sem á heimsvísu og við hlökkum til að starfa með hluthöfum okkar og skapa þeim verðmæti,? segir Janus Petersen, forstjóri Føroya Banki. Viðskiptalota hlutabréfa í Føroya Banki, sem hefur auðkennið FO-BANK, er 20 á Íslandi og 50 í Kaupmannahöfn. Félagið flokkast með meðalstórum félögum í fjármálageiranum


 

Ný skoðanakönnun sýnir að stuðningur almennings við Evrópusambandið hefur aukist verulega samhliða þeim efnahagsuppgangi sem hefur gert vart við sig á meðal Evrópuþjóða. Könnunin er vafalaust mikið fagnaðarefni fyrir marga stjórnmálamenn í Evrópu, en niðurstöður hennar birtast á sama tíma og tveggja daga leiðtogafundur ESB í Brussel hefst. Stuðningur almennings á meðal aðildarríkja Evrópusambandsins (ESB) hefur aukist mikið á skömmum tíma og hefur ekki mælst hærri síðan árið 1994. Þetta kemur fram í viðamikilli skoðanakönnun - úrtakið var 29.000 manns - sem framkvæmdastjórn ESB lét framkvæma og var gerð opinber í gær. Könnunin birtist aðeins degi áður en forystumenn ríkjanna 27 sem eiga aðild að ESB hittast á leiðtogafundi sambandsins sem fer fram í dag og á morgun. Að meðaltali mælist stuðningur almennings við aðild að ESB 57%, sem er fjórum prósentustigum meira heldur en niðurstöður sambærilegrar könnunar sýndu síðastliðið haust - en á Spáni, Þýskalandi, Póllandi og Bretlandi eykst stuðningurinn við Evrópusambandið jafnvel enn meira á tímabilinu. Fylgni á milli aukinnar hagsældar og stuðnings við ESB? Mestur er stuðningurinn við ESB í Hollandi - en almenningur þar í landi hafnaði stjórnarskrá sambandsins í þjóðaratkvæðagreiðslu árið 2005 - þar sem 77% aðspurðra sögðust telja að aðild þjóðarinnar að ESB væri "gott mál." Næst á eftir Hollendingum komu Spánverjar (73%), Pólverjar (67%) og Þjóðverjar (65%). Þrátt fyrir að stuðningur almennings í Bretlandi hafi aukist um fimm prósentustig frá því í haust á síðasta ári, þá mælist hann engu að síður aðeins 39%. Það er einvörðungu í Ungverjalandi, Lettlandi og Austurríki sem almenningur er neikvæðari á aðild þjóðarinnar að ESB. Þegar horft er til efnahagsmála í skoðanakönnuninni, þá vekur það sérstaka athygli að 99% Dana telja efnahagsástand landsins vera gott. Tæplega þrír af hverjum Þjóðverjum tóku undir þá fullyrðingu og sjötíu prósent Breta. Að meðaltali sögðust 52% íbúa í aðildarríkum ESB að efnahagsástand þjóðarinnar væri gott. Nýr forseti Frakklands, Nicolas Sarkozy, bíður hins vegar ærið verkefni við að reyna vekja upp bjartsýni á meðal almennings um efnahagshorfur landsins, en eingöngu 26% Frakka segja að efnahagsástand landsins sé gott. Vaxandi stuðningur almennings við evrópusamrunann má að sumu leyti rekja til þess efnahagsuppgangs sem ríkt hefur í mörgum aðildarríkjum ESB - ekki síst í Þýskalandi - að því er fram kemur í frétt Financial Times. Almenningur hefur minni áhyggjur af atvinnuleysi auk þess sem fleiri en áður er reiðubúnir til að opna landamæri sín fyrir nýjum og fátækari ríkjum í Evrópu. Margot Wallström, hinn sænski yfirmaður samskiptamála framkvæmdastjórnarinnar, segir hins vegar að meira komi til heldur en efnahagsbati margra þjóða í Evrópu; aukinn stuðningur almennings við Evrópusambandið endurspeglar einnig þá staðreynd að stjórnmálaleiðtogar aðildarríkja ESB eru að gera einhverja hluti rétt. Sjá nánar í Viðskiptablaðinu í dag.


 

Mervyn King, seðlabankastjóri Englandsbanka, varð undir í atkvæðagreiðslu nefndar um peningamálastefnu bankans í fyrsta skipti í meira en tvö ár, þegar meirihluti nefndarinnar ákvað að halda stýrivöxtum óbreyttum í 5,5% fyrr í þessum mánuði. Þetta kemur fram í breskum fjölmiðlum í gær eftir að fundargerð nefndarinnar var gerð opinber. Telja greiningaraðilar að þessar óvæntu fréttir auki verulega líkurnar á því að Englandsbanki muni hækka stýrivexti fyrr en búist hafði verið við - jafnvel strax í næsta mánuði - auk þess sem mun meiri hætta er á því að þeir verði orðnir sex prósent í árslok. King var einn af fjórum nefndarmönnum sem var hlynntur því að hækka stýrivexti í 5,75% en fimm manna meirihluti kom hins vegar í veg fyrir þá ákvörðun, sem hefði þýtt fimmtu stýrivaxtahækkun bankans frá því í ágústmánuði síðastliðnum. Howard Archer, hagfræðingur hjá ráðgjafafyrirtækinu Global Insight, segir í samtali við breska dagblaðið Daily Telegraph að það sé mjög sennilegt að stýrivextir bankans verði hækkaðir í 5,75% í næsta mánuði, sökum þess hversu naumur meirihluti hefði verið fyrir því að viðhalda óbreyttum vöxtum. Jafnframt bendir Archer á það að ef rýnt er í fundargerð nefndarinnar komi bersýnilega í ljós að þrátt fyrir ákvörðun meirihlutans um að halda stýrivöxtum óbreyttum um sinn, telji nefndarmennirnir fimm að það sé aðeins spurning um hvenær sé rétt að vextir verði hækkaðir, fremur en hvort.


 

Seðlabanki Svíþjóðar hækkaði stýrivexti um 25 punkta í gær, í 3,5%, eins og fastlega hafði verið gert ráð fyrir. Þetta er í áttunda skiptið sem bankinn hækkar vexti á síðastliðnum átján mánuðum. Í tilkynningu sem bankinn sendi frá sér kemur fram að það sé nauðsynlegt að stýrivextivextir verði orðnir í kringum 4% í lok þessa árs. Jafnframt segir stjórn bankans að það sé líklegt að vextirnir muni þurfa að hækka enn frekar á næstu árum. Seðlabankinn hafði áður spáð því að stýrivextir yrðu ekki hærri en 3,75% fram til fyrsta ársfjórðungs árið 2010. Aukinn verðbólguþrýstingur og vaxandi umsvif í efnahagslífi Svíþjóðar voru helstu orsakir þess að bankinn taldi rétt að hækka stýrivexti. Til lengri tíma litið myndi hins vegar hætta á launaskriði og losaralegri fjármálastjórn hins opinbera kalla á frekari stýrivaxtahækkanir. Lesa má í ummæli seðlabankans að von sé á stífari peningamálastefnu á næstu misserum heldur greiningaraðilar hafi búist við. Daragh Maher, sérfræðingur í gjaldeyrismálum hjá fjárfestingarbankanum Calyon, segir í samtali við Financial Times að fjárfestar hafi í gegnum tíðina vanist því að Seðlabanki Svíþjóðar hafi valið orð sín af mikilli vargætni í kjölfar stýrivaxtaákvörðunar. Slíkt hafi aftur á móti ekki átt við í þessu tilfelli og gæti haft víðtækar afleiðingar, að mati Maher. Hann spáir því að gildi sænsku krónunnar gagnvart evru verði komið upp í 9,1 krónu í árslok.


 

Launavísitala í maí 2007 er 316,9 stig, en var 314,6 í apríl, hækkunin er því 0,7% á milli mánuða, segir í tilkynningu Hagstofunnar.


 

Talsmaður Samtaka olíuútflutningsríkja (OPEC) hefur varað við því að ef framleiðsla á lífrænu eldsneyti (e. biofuel) muni stóraukast í fyrirsjáanlegri framtíð muni samtökin bregðast við því með því að draga úr fjárfestingu í aukinni framleiðslugetu. Í viðtali AFP-fréttastofunnar við Abdullah al-Badri framkvæmdastjóra OPEC kemur fram að samtökin hafi ekki áhyggjur af því að vægi annarra orkugjafa aukist á kostnað olíu, sérstaklega ef það verður til þess að sporna gegn hlýnun loftslags vegna losunar gróðurhúsalofttegunda. Hann bendir þó á að samtökin kunni að þurfa að bregðast við þeirri þróun. Al-Badri bendir á að sumar spár geri ráð fyrir að notkun á lífrænu eldsneyti verði orðin mikil árið 2030 og það þýði að eftirspurn eftir olíu verði minni. Taka verði tillit til þessa þegar kemur að ákvörðunum um fjárfestingu í framleiðslugetu olíuiðnaðar aðildarríkja OPEC. Aðildarríki Evrópusambandsins (ESB) og stjórnvöld í Bandaríkjunum stefna að því að draga úr olíunotkun um tuttugu prósent á næstu 23 árum. Framkvæmdastjórinn segir að OPEC virði rétt þeirra ríkja sem eru afar háð olíunotkun til þess að knýja áfram hjól atvinnulífsins til þess að leita annarra orkugjafa en segir samtökin séu algjörlega mótfallin því að skattalegum úrræðum verði beitt til þess. Slíkt sé dæmt til þess að falla um sjálft sig. Aðildarríki OPEC framleiða 30 milljónir fata af olíu á dag. Áform eru um að verja 130 milljörðum Bandaríkjadala til fjárfestingar í aukinni framleiðslugetu á næstu fimm árum. Auk þess er að ráðgert að fjárfesta enn frekar á tímabilinu 2012 til 2012. Þau áform gera ráð fyrir að verja 250 til 500 milljörðum dala í aukna framleiðslugetu. Gangi þetta eftir myndi framleiðslugeta OPEC verða 45 milljónir olíufata á dag. Al-Badri segir að ef eftirspurn eftir olíu taki að minnka muni þessi áform verða endurmetin og bendir á í því samhengi að aðildarríki samtaka geti til að mynda frekar varið fé til velferðarmála. Sjá nánar í Viðskiptablaðinu í dag.


 

Sænska þingið samþykkti í gær fyrirhugaða sölu ríkisstjórnarinnar á eignahlut hins opinbera í sex stórum fyrirtækjum, meðal annars vínframleiðandanum sem framleiðir Absolut Vodka. Salan hlaut samþykki 149 þingmanna, en 121 greiddi atkvæði gegn sölunnni. Önnur fyrirtæki sem ríkisstjórnin hyggst selja hluti sína í eru fjarskiptafyrirtækið Tele Sonera, Nordea bankinn, OMX kauphöllinn, fasteignafélagið Vasakronan og Veðlánafyrirtækið SBAB. Markaðsvirði þessara eignahluta ríkissins fyrirtækjunum sex er talin nema ríflega 36 milljörðum Bandaríkjadala, sem stjórnvöld hyggjast nota til að greiða niður skuldir.


 

Kauphöllin í London (LSE) og ítalska kauphöllinn Borsa sem staðsett er í Mílanó hafa komist að samkomulagi um að stefna að sameiningu kauphallanna, að því er Dow Jones fréttastofan hefur eftir heimildarmanni sínum sem vel þekkir til málsins. Ef rétt reynist staðfestir þetta frétt sem birtist fyrir skemmstu í franska dagblaðinu La Tribune þar sem greint var frá því að slíkur samruni væri í burðarliðnum. Það er búist við því að stjórn Borsa muni hittast á morgun þar sem væntanlega verður samþykkt að ganga til viðræðna við LSE.


 

Gengi bréfa í sænsku tískuvörukeðjunni Hennes & Mauritz (H&M) féllu um tæplega tvö prósent eftir að félagið tilkynnti í gær að hagnaður þess fyrir skatta á öðrum ársfjórðungi hefði aukist um 31% samanborið við sama tímabil og í fyrra. Samtals nam hagnaðurinn 731 milljónum Bandaríkjadala. Sala í maímánuði jókst hins vegar aðeins um tíu prósent, en greiningaraðilar höfðu gert ráð fyrir 14,4% söluaukningu.


 

Breska verslunarkeðjan Sainsbury greindi frá því í gær að sala á fyrsta ársfjórðungi þessa árs hefði aukist um 5,1% samanborið við sama tímabil og í fyrra, en greiningaraðilar höfðu gert ráð fyrir aðeins meiri sölu. Framkvæmdastjóri félagsins, Justin King, sagðist vera ánægður með afkomuna í upphafi ársins en varaði hins vegar við því að samkeppnisumhverfið á smásölumarkaðinum myndi verða erfitt á næstu misserum, meðal annars sökum þess að búist er við minnkandi einkaneyslu samhliða fyrirsjáanlegum stýrivaxtahækkunum Englandsbanka á árinu. Afkomutilkynning Sainsbury kemur aðeins degi eftir að keppinautur þess, Tesco, greindi frá því að sala í öðrum vörutegundum en mat hefði valdið vonbrigðum.


 

Þungavigtarmenn í bresku verkalýðshreyfingunni gagnrýndu harkalega lága skatta og skort á gegnsæi varðandi starfsumhverfi þeirra einkahlutafélaga sem sérhæfa sig í yfirtökum og uppstokkunum á fyrirtækjum. Þessi gagnrýni kom fram á fundi nefndar sem var skipuð til þess að kanna starfsumhverfi einkahlutafélaga í gær. Jack Dromey, aðstoðarframkvæmdastjóri Unite verkalýðshreyfingarinnar, sagði á fundinum að skuldsettar yfirtökur bitnuðu oft harkalega á starfsfólki þeirra fyrirtækja sem tekin eru yfir og gagnrýndi jafnframt skattalega meðferð þeirra. Mikill styr hefur staðið um slík fyrirtæki að undanförnu í Bretlandi og krefjast margir breytinga á skattaumhverfi þeirra.


 

Úrvalsvísitalan hækkaði um 0,09% og er 8.188 stig við lok markaðar, samkvæmt upplýsingum frá Markaðsvakt Mentis. Veltan nam 6,4 milljörðum króna. Alfesca hækkaði um 2,63% í 1,9 milljarða króna veltu, Century Aluminum hækkaði um 1,99%, Hampiðjan hækkaði um 1,45%, Marel hækkaði um 1,19% og Straumur-Burðarás hækkaði um 1,19%. Flaga Group lækkaði um 4,04%, Eimskip lækkaði um 2,7% en það birti uppgjör í dag, Atlantic Petroleum lækkaði um 2,47%, Icelandic Group lækkaði um 1,53% og Atorka Group lækkaði um 0,86%. Gengi krónu veiktist um 0,18% og er 113,4 stig.


 

Í kjölfar fyrirtækjakaupa og samþættingar hjá félögum í eigu Promens hf. hefur stjórn félagsins ákveðið nýtt skipurit fyrir samstæðuna sem tekur gildi 1. júlí. Markmiðið með nýja skipuritinu er að gera félagið skilvirkari og betur í stakk búið að stækka enn frekar á alþjóðavettvangi. Þetta kemur frám í tilkynningu til Kauphallarinnar. Stærsta breytingin á skipulagi félagsins felst í því að Polimoon Group AS, sem rekið hefur verið sem sjálfstæð eining innan Promens frá því félagið var keypt í desember 2006, verður nú rekið sem hluti af Promens samstæðunni. Stjórn Promens og Arne Vraalsen sem verið hefur forstjóri Polimoon hafa komist að samkomulagi um að hann láti af starfi forstjóra Polimoon 30. júní næstkomandi en haldi áfram sem ráðgjafi hjá félaginu til ársloka 2007. Í nýju skipulagi eru megin afkomusvið Promens þrjú: Umbúðir (Packaging), Hverfisteypa (Rotational molding) og Íhlutir (Components). Aukin áhersla verður lögð á innkaup, framleiðni og gæðamál og munu þau heyra undir sérstakt svið. Aðalskrifstofa Promens mun vera áfram á Íslandi en stoðdeild með fjármálastjórnun, upplýsingatækni, innkaupum, framleiðni og gæðastýringu verður komið á fót í Osló í Noregi. Eftirfarandi aðilar skipa nýja framkvæmdastjórn Promens: Ragnhildur Geirsdóttir sem tók við starfi forstjóra Promens í janúar 2006 mun áfram leiða samstæðuna. Fjármálastjóri samstæðunnar og yfirmaður upplýsingatækni verður Adrian Platt sem verið hefur fjármálastjóri Polimoon frá árinu 2000. Framkvæmdastjóri innkaupasviðs (Sourcing) verður Jón Sigurðsson sem verið hefur fjármálastjóri Promens frá stofnun 2005 og áður hjá Sæplast hf. frá 2004. Framkvæmdastjóri framleiðsluumbóta og gæðamála (Production Development and Quality) verður Thor Audun Saga sem gengt hefur svipuðu starfi hjá Polimoon frá árinu 2006. Framkvæmdastjóri hverfisteypusviðs (Rotational Moluding) verður Aart Fortanier sem stýrt hefur hverfisteypuframleiðslu Promens í Evrópu síðan félagið keypti Bonar Plastics árið 2005. Framkvæmdastjóri íhlutasviðs (Components) verður Erik Feijen sem gengt hefur því starfi hjá Polimoon frá árinu 2002. Framkvæmdastjóri umbúðasviðs (Packaging) verður Jeroen Hooft sem hefur verið framkvæmdastjóri umbúðasviðs Polimoon á meginlandi Evrópu frá 2002. ?Promens hefur vaxið hratt á síðustu misserum, sennilega hraðar en nokkuð annað fyrirtæki í plastiðnaði. En við hyggjumst ekki láta staðar numið hér. Promens hefur rétt hafið sína vegferð og í kjölfar þessara breytinga erum við komin með stjórnskipulag og stjórnunarteymi sem mun leiða fyrirtækið á komandi misserum og takast á við enn frekar vöxt og samþættingu.? segir Ragnhildur Geirsdóttir forstjóri Promens.


 

fjárfestar skráðu sig fyrir 26 sinnum fleiri hlutum en seldir voru í útboði


 

Kjartan Þór Þórðarson hefur verið skipaður framkvæmdastjóri Sagafilm ehf. Kjartan Þór tekur við af Kristjáni Grétarssyni sem gengt hefur starfinu frá 2005 segir í tilkynningu. Þar kemur fram að Kjartan Þór hefur víðtæka reynslu á sviði kvikmynda-, sjónvarps- og auglýsingaframleiðslu. Að undanförnu hefur hann verið einn af stjórnendum hjá dótturfélagi Sagafilm, breska kvikmyndagerðarfyrirtækinu 2AM films, sem starfrækt er í Bretlandi. 2AM films hefur sérhæft sig á sviði auglýsingagerðar en nýverið var stofnuð deild til framleiðslu á sjónvarpsefni og hefur sú deild nú þegar í þróun nokkur stór verkefni fyrir BBC. Áður var Kjartan Þór m.a. framkvæmdastjóri Storm ehf. sem sameinaðist Sagafilm árið 2005. Kjartan Þór hefur störf á næstu dögum.


 

The Times greindi frá því í gær að talið sé að Mosaic Fashions sé nú í viðræðum við Mike Shearwood, sem er forstjóri Inditex í Bretlandi, um að fá hann til liðs við fyrirtækið.


 

Century Aluminum Company, móðurfélag Norðuráls sem nýverið var skráð í Kauphöll Íslands, hefur undirritað viljayfirlýsingu við fjárfestingarfyrirtækið Guangxi Investment Group (GIG) um að framkvæma hagkvæmnirannsókn vegna álframleiðslu og tengdrar súráls- og báxítvinnslu í Kína, segir í frétt Market Wire. Verkefnið er staðsett í Laibin í sjálfsstjórnarhéraðinu Guangxi Zhuang, sem er það svæði í Kína sem er hvað ríkast af báxíti. Í verkefninu er innifalinn 500 þúsund tonna bræðsluofn sem yrði byggður í tveimur áföngum. Bræðsluofninn myndi leggja til ál í framleiðslueiningu sem GIG er nú að þróa sem framleiðir málmblöndur og íhluti fyrir flugiðnað. Logan W. Kruger, forstjóri Century, segist vera ánægður með samvinnuna með Guangxi Group. "Við sjáum mikla möguleika á þessu svæði í Kína og hlökkum til að skoða þetta verkefni sem myndi hagnast báðum aðilum," segir Kruger. Aðalframleiðsla Century er í Bandaríkjunum og á Íslandi, en fyrirtækið hefur einnig lýst yfir áhuga á súráls- og báxítfjárfestingum í Bandaríkjunum og á Jamaíka. Century Aluminum er skráð á bandaríska Nasdaq markaðinn og er fyrsta skráða fyrirtækið í Bandaríkjunum, sem skráð er á Íslandi. Áætlað er að nota meginhluta af afrakstri útboðsins til að fjármagna fyrirhugaða byggingu álvers í Helguvík. Reiknað er með að framkvæmdir geti hafist þar í byrjun næsta árs. Áður en fyrirhugaðar framkvæmdir hefjast í Helguvík verður andvirðið notað í áhættulitlar fjárfestingar og til að greiða niður skuldir, segir í tilkynningu.


 

Úrvalsvísitalan hefur hækkað um 0,05% og er 8.184 stig við hádegi, samkvæmt upplýsingum frá Markaðsvakt Mentis. Veltan nemur 3,4 milljörðum króna. Alfesca hefur hækkað um 2,83% í 1,9 milljarða króna veltu, Hampiðjan hefur hækkað um 1,45%, Marel hefur hækkað um 1,19, Straumur-Burðarás hefur hækkað um 0,71% og Century Aluminium hefur hækkað um 0,7%. Flaga Group hefur lækkað um 3,54%, Eimskip hefur lækkað um 2,58% en félagið birti sex mánaða uppgjör sitt í morgun, Atorka Group hefur lækkað um 1,1%, Icelandic Group hefur lækkað um 0,76% og Bakkavör Group hefur lækkað um 0,29%. Gengi krónu hefur styrkst um 0,04% og er 113,1 stig.


 

Áhugi erlendra fjárfesta á japönskum fyrirtækjum hefur aukist verulega undanfarin misseri, en hlutur þeirra á japanska hlutabréfamarkaðinum mældist 28% í mars síðastliðnum - úr 26% fyrir ári síðan - og hefur aldrei verið meiri, að því er fram kemur í nýjum tölum sem kauphöllinn í Tókýó ásamt fjórum öðrum minni kauphöllum sendu frá sér í gær. Í upphafi tíunda áratugarins var þetta hlutfall aðeins 4,7%. Í frétt Financial Times í gær segir að alþjóðlegir fjárfestar vonist eftir því að þessi þróun muni leiða til þess að áhrifa vestræns kapítalisma fari að gæta í auknum mæli í japönsku efnahagslífi, ekki síst þegar kemur að samskiptum hluthafa við stjórnir japanska fyrirtækja en í þeim efnum hafa japanskir hluthafar ekki vanist því að hafa jafn mikil afskipti af stjórnun fyrirtækjanna og þekkist á Vesturlöndum. Vonast eftir hugarfarsbreytingu hluthafa Fjárfestar eru að veðja á að japanska hagkerfið muni taka hressilega við sér á næstu árum eftir þá viðvarandi stöðnun sem hefur ríkt frá því í byrjun tíunda áratugarins þar í landi og að gengi undirverðlagðra fyrirtækja á hlutabréfamarkaði hækki jafnframt á næstunni. Í samtali við Financial Times segir Patrick Mohr, forstöðumaður greiningardeildar Nikko Citigroup, að útlendingar hafi einnig fjárfest í japönskum hlutabréfum sökum væntinga um að einkaneysla almennings fari að taka við sér samhliða því að hagvöxtur í landinu aukist - en slíkt á hins vegar enn eftir að gerast svo einhverju nemi. Bandaríski fjárfestingarbankinn Goldman Sachs hefur bent á það að evrópskir fjárfestar séu mun svartsýnni heldur en bandarískir og asískir fjárfestar um efnahagshorfur í Japan. Í LEX dálki Financial Times segir að fjárfestingar erlendra aðila á japanska markaðinum undanfarin misseri séu að mestu leyti byggðar á væntingum; markaðurinn er enn hlutfallslega fremur dýr og afkoman er sömuleiðis töluvert lægri samanborið við aðra hlutabréfamarkaði. Sumir fjárfestingarsjóðir hafa keypt japönsk hlutabréf í þeirri von að geta krafist hærri arðgreiðslna og þrýsta auk þess á stjórnir fyrirtækjanna til að skila meiri hagnaði. Að mati sérfræðinga um japanska markaðinn endurspeglar aukið hlutfall erlendra fjárfesta væntingar um að þær reglur og venjur sem gilda um hluthafa á Vesturlöndum fari von bráðar að festa rætur í japönsku efnahagslífi. Andrew Hunter, aðstoðarframkvæmdastjóri japanskra verðbréfa hjá UBS, segir í samtali við Financial Times að það sé aðeins eðlileg og óumflýjanleg þróun að hinir nýju erlendu hluthafar muni krefjast þess að stjórnun og rekstur japanskra fyrirtækja færist nær því sem þekkist í Bandaríkjunum og Evrópu, meðal annars aukin áhersla á að greiða hluthöfum hærri arðgreiðslur.


 

Útgáfufélagið Pearson, sem meðal annars gefur út breska viðskiptablaðið Financial Times, sagði í gær að félagið væri að skoða alla kosti, þar á meðal að selja einingu sína í Frakklandi, Les Echos, sem gefur út samnefnt viðskiptablað. Sölutekjur félagins á síðasta ári námu 126 milljónum evra og skilaði 10 milljónum evra í rekstrarhagnað. Sá orðrómur hefur verið á kreiki í vikunni að Pearson muni taka höndum saman við General Electrics og leggja fram yfirtökutilboð í Dow Jones útgáfufélagið, sem meðal annars gefur út viðskiptablaðið Wall Street Journal. Gengi bréfa Pearson féll um 2,32% í viðskiptum á hlutabréfamarkaði í London í gær.


 

Tesco matvörukeðjan greindi frá því í gær að nýtt fjárhagsár félagsins hefði byrjað vel, sem væri einkum að þakka betri sölutekjum af starfsemi félagsins á erlendum mörkuðum, en þar jókst salan um 22%. Á heimamarkaði Tesco í Bretlandi jókst salan um átta prósent á fyrsta ársfjórðungi samanborið við sama tímabil og í fyrra. Tesco, sem er stærsta smásölukeðja Bretlands að markaðsvirði og í sölu, sagði í tilkynningu sem fyrirtækið sendi frá sér að það myndi einbeita sér að vexti í Bandaríkjunum, en undanfarið hefur félagið beint sjónum sínum í miklu mæli að Evrópu og Asíu. Tesco starfrækir 2800 búðir á heimsvísu, þar af eru 1500 á Bretlandi. Gengi bréfa Tesco lækkaði um tæplega fimm prósent í viðskiptum á hlutabréfamarkaði í gær.


 

Breska sælgætis- og drykkjarvörufyrirtækið Cadbury Schweppes tilkynnti í gær að fyrirtækið hyggðist segja upp 7.500 starfsmönnum, en um þessar mundir starfa samtals 50 þúsund manns hjá Cadbury. Jafnframt býst félagið við því að selja drykkjarvöruframleiðslustarfsemi sína í Bandaríkjunum, en þar framleiðir fyrirtækið drykkina 7-Up, Dr Pepper og Snapple. Það er talið að söluverðið myndi verða í kringum 7,5 milljarðar punda. Í kjölfarið verður nafni fyrirtækisins breytt í Cadbury. Markmiðið með þessari uppstokkun á rekstri félagsins er að auka hagnað þess um tíu prósent fyrir mitt ár 2011, en ljóst er að sætindabransinn mun halda áfram að reynast fyrirtækinu erfiður á næstu árum og viðurkenndi framkvæmdastjóri Cadbury að von væri á enn frekari niðurskurði í rekstri fyrirtækisins.


 

Nafn Christine Lagarde var ritað í sögubækurnar þegar hún var skipuð fjármálaráðherra Frakklands í kjölfar enduruppstokkunar Nicolas Sarkozy, forseta, á ríkisstjórn landsins. Lagarde tekur við ráðherrastöðunni af Jean-Louis Borloo og verður hún fyrst kvenna til þess að gegna fjármálaráðherrastöðu í ríki sem tilheyrir sjö helstu iðnríkjum heims. Lagarde tók við embætti landbúnaðarráðherra þegar Sarkozy skipaði fyrsta ráðuneyti sitt í síðasta mánuði. Ráðherrauppstokkunin var gerð í kjölfar þess að flokkur forsetans, UMP, fékk ekki jafn góða útkomu í þingkosningunum um helgina og vænst hafði verið. Margir hafa viljað rekja þá niðurstöðu til frammistöðu Borloo í kosningabaráttunni en hann afhjúpaði að til skoðunar væri hjá stjórnvöldum að grípa til fimm prósenta hækkunar á virðisaukaskatti. Varð þetta til þess að stuðningur jókst við Sósíalista en margir kjósendur óttast að til standi að velta skattbyrðinni frá atvinnurekendum til neytenda. Fram kemur í breska blaðinu Financial Times að ráðherrum ríkisstjórnarinnar hafi verið gert að ræða ekki þessi áform fyrr en á næsta ári en í síðustu viku hafi Boroo gert þau mistök að minnast á þau. Boroo mun þó halda ráðherrasæti og mun gegna stöðu umhverfis og innanríkisráðherra. Skjótur frami Lagarde er ríflega fimmtug og frami hennar í frönskum stjórnmálum hefur verið furðuskjótur. Hún gegndi fyrst ráðherraembætti árið 2005 þegar hún tók við embætti viðskiptaráðherra. Hins nýbakaða fjármálaráðherra bíða hinsvegar vandasöm verkefni og brýn úrlausnarefni. Lagarde mun hafa yfirumsjón að hrinda efnahagsumbótastefnu forsetans í framkvæmd. Franska hagkerfið hefur vaxið hægt undanfarin ár og er þjakað af viðvarandi atvinnuleysi. Áætlanir forsetans fela meðal annars í sér innleiðingu aukins frjálsræðis á vinnumarkaðslöggjöf auk þess sem að grípa á til til skattalækkana til þess að örva hjól efnahagslífsins. Sjá nánar í Viðskiptablaðinu í dag.


 

Hollenski bankinn og tryggingafyrirtækið ING opinberaði í gær að hann hafi keypt tyrkneska bankann Oyak og hyggist með kaupunum auka markaðshlutdeild bankans með því að opna fleiri útibú, bæta markaðsmál og auka áherslu á netbankaþjónustu. Hollenski bankinn hefur verið í eldlínunni undanfarin misseri en forráðamenn hans gengu frá sameiningaviðræðum við ABN Amro í fyrra. ING mun kaupa allt hlutafé bankans og verða kaupin fjármögnuð með eigin fé bankans. Haft er eftir Michel Tilmant, aðalframkvæmdastjóra ING, í Financial Times að kaupin séu í takt við stefnu bankans um að leggja áherslu á vöxt með áherslu á netbankaþjónustu, lífeyrisstarfsemi og starfsemi á nýmörkuðum. Tilmant segir jafnfram að nú sé hárrétti tíminn til þess að koma sér fyrir á tyrkneska markaðinum og réttlætir verðlagninguna á kaupunum - V/H hlutfall hennar er 26,6 - með því að vísa í vaxtarmöguleika tyrkneska hagkerfisins. Hagvöxtur hefur verið mikill í Tyrklandi undanfarin ár og mældist meðal annars 6,1% á síðasta ári. Oyak bankinn var stofnaður árið 1984 og er meðal tíu stærstu viðskiptabanka landsins. Bankinn er með ríflega 1,2 milljónir viðskiptavina og um tíu þúsund lítil og meðalstór fyrirtæki í viðskiptum. Undanfarið hefur áhersla bankans tekið breytingum og á síðasta ári fjárfesti bankinn töluvert í einkavæðingu tyrkneskra stjórnvalda á stáliðjuverum. Fram kemur í frétt Dow-Jones Newswires-fréttastofunar að Oyak bankinn verði sameinaður í viðskiptabankastarfsemi ING og muni starfa á undir nafni hollenska bankans. Bankar og fjármálastofnanir á Niðurlöndum hafa í auknu mæli horft til Austur-Evrópu og Tyrklands í leit að vexti utan heimamarkaðar og hafa meðal annars Dexia og Fortis fjárfest í tyrkneskum fjármálafyrirtækjum á undanförnum tveim árum.


 

Sérfræðingar telja ólíklegt að eitthvað sé hæft í þeim fréttum að stærsta námuvinnslufyrirtæki heims, BHP Billiton, sé að undirbúa yfirtökutilboð í annað hvorn álrisann Alcoa eða Alcan. Í byrjun vikunnar sagði breska dagblaðið The Times frá því að forráðamenn BHP Billiton íhuguðu að leggja fram yfirtökutilboð í Alcoa sem mun hljóða upp á fjörtíu milljarða Bandaríkjadala. Einnig var fullyrt í frétt Reuters-fréttastofunnar að námuvinnslufyrirtækið hefði ráðið til sín fjárfestingabankann Merrill Lynch til þess að vera í ráðgefandi hlutverki varðandi hugsanlegt yfirtilboð í Alcan. Þeir sérfræðingar sem Dow Jones-Newswires fréttastofan hefur borið málið undir telja ekki mikið hæft í þessum fréttum. Að sögn Gavin Wendt, sem er sérfræðingur hjá ástralska greiningarfyrirtækinu Fat Prophets, er afar ólíklegt að BHP Billiton geri tilboð í Alcoa. Hann bendir á að Alcoa sé of stórt fyrirtæki og að framleiðsluvörur þess séu með þeim hætti að það blasi ekki við af hverju forráðamenn BGP Billiton ættu að hafa áhuga. Angus Aitken stjórnandi hjá Southern Cross Equities, sem er stærsta verðbréfamiðlun Ástralíu, tekur dýpra í árinni og segir fréttirnar beinlínis vera "þvaður." Samþjöppun meðal áframleiðslufyrirtækja sem og annarra hárvörufyrirtækja hefur mikið verið í deiglunni undanfarið. Alcoa lagði fram óvinveitt yfirtökutilboð í Alcoa á dögunum og stjórnendur Alcan hafa ekki útilokað að lagt verði gagntilboð í Alcoa. Fram kemur í frétt Dow Jones-Newswires að sérfræðingar telji meiri samlegðaráhrif felast í samruna Alcan og Alcoa og telja því líklegt að dragi til tíðinda verði Alcoa í einna bestri stöðu til þess að koma fram með hæsta tilboðið.


 

ZEW væntingavísitalan í Þýskalandi lækkaði óvænt í júni og lækkaði evran um 0,2% gagnvart bæði Bandaríkjadal og sterlingspundi í kjölfarið. Væntingavístilan lækkaði niður í 20,3 í júní, en 24,0 í maí, en þetta er fyrsta skiptið sem hún lækkar á síðustu sex mánuðum. Greiningaraðilar höfðu hinsvegar spáð því að hún mældist 29,0 í júní. Vísitala sem mælir viðhorf til núverandi efnahagsástands Þýskalands hækkaði hinsvegar og mældist 88,7, en Þýskaland er stærsta efnahagssvæði evruríkjanna. Greiningaraðilar segja að þessar upplýsingar muni hafa litla þýðingu fyrir peningamálastefnu evrópska seðlabankans. "Seðlabankinn mun ekki sjá neina ástæðu til að breyta efnahagsspá sinni og spáum við áfram hækkun stýrivaxta upp í 4,25% í september," segir Erik Sonntag, greiningaraðili hjá ING Financial Markets. Stuart Bennett, greiningaraðili Calyon tók í sama streng: "Þó að niðurstöður júnímánaðar hafi verið undir væntingum, er þriggja mánaða meðaltalið ennþá sterkt. Örlítil samdráttur í væntingavísitölunni þýðir ekki að meiriháttar hættur séu yfirvofandi í þýska efnahagskerfinu."


 

Hagnaður Eimskips eftir skatta á öðrum ársfjórðungi 2007 nam 0,2 milljónum evra eða 17 milljónum króna samanborið við tap upp á 34,6 milljónir evra eða tæpa þrjá milljarða á sama tímabili árið 2006, segir í tilkynningu. Rekstrartekjur félagsins á öðrum ársfjórðungi 2007 námu 397 milljónum evra eða 33 milljörðum króna samanborið við 173 milljónir evra eða 14,4 milljarða á sama tíma árið 2006 og jukust því um 130% milli ára, segir í tilkynningu. Rekstrargjöld námu 378 milljónum evra eða 31 milljarði króna samanborið við 170 milljónir evra eða 13 milljarða árið áður. Fjármagnsgjöld voru 14 milljónir evra. Mikill fjármagnskostnaður skýrist af skammtímaláni vegna yfirtöku félagsins á Atlas Cold Storage í upphafi ársins, eða um 50% af heildarfjármagnsgjöldum. Stefnt er að sölu fasteigna Atlas í lok rekstrarársins 2007 og andvirði sölunnar nýtt til að greiða niður skuldir, segir í tilkynningunni. ?Afkoma á öðrum ársfjórðungi var í takt við áætlanir og það sama má segja um fyrri árshelming í heild sinni. Velta á fyrri árshelmingi er tæpar 800 milljónir evra sem er meira en helmingur af áætlaðri veltu 2007 upp á 1.450 milljónir evra. EBITDA var 65 milljónir evra sem er um helmingur af settu marki fyrir allt árið. Þar af skilar flutningastarfsemi 60 milljónum evra og flugreksturinn fimm milljónum evra. Rekstur Eimskips einkenndist af miklum vexti í tekjum og betri afkomu,? segir Baldur Guðnason, forstjóri Eimskips.


 

Straumur-Burðarás Fjárfestingabanki hefur keypt 50% hlut í Wood & Company, leiðandi, fjárfestingarbanka í Mið- og Austur-Evrópu, og hefur kauprétt að eftirstandandi hlutum eigi síðar en fyrri hluta árs 2011, segir í tilkynningu til Kauphallarinnar.


 

Eik Banka P/F, sem áður hét Føroyja Sparikassi P/F, stefnir nú á skráningu í Kauphöll Íslands og Kauphöll Kaupmannahafnar. Föroya Banki er nú í skráningarferli. Megintilgangur útboðsins er að afla fjármuna sem notaðir verða til að kaupa danska hlut SkandiaBanken AB, að sögn greiningardeildar Kaupþings.


 

Úrvalsvísitalan hækkaði um 0,2% og er 8.180 stig við lok markaðar, samkvæmt upplýsingum frá Markaðsvakt Mentis. Veltan nemur 3,5 milljörðum króna. Atlantic Petroleum hækkaði um 2,25%, Aflesca hækkaði um 1,02%, Atorka Group hækkaði um 0,74%, Marel hækkaði um 0,48% og Kaupþing hækkaði um 0,46%. Flaga Group lækkaði um 2,46%, Icelandic Group lækkaði um 0,76%, Eimskip lækkaði um 0,73%, Teymi lækkaði um 0,6% og Össur lækkaði um 0,48%. Gengi krónu styrktist um 0,2% og er 113,4 stig.


 

Björn Þórir nýr sjónvarpsstjóri Skjásins


 

Dótturfélag Marel hf. hefur keypt dreifingar-og þjónustuhluta Maritech í Noregi af AKVA Group ASA. Framvegis mun Marel Food Systems sjálft dreifa vörum samstæðunnar í Noregi. Þetta kemur fram í fréttatilkynningu.


 

Kaupþing hefur verið í kastljósinu í þremur umtöluðustu viðskiptum í fjármálalífi London á síðasta hálfa mánuðinum, segir í frétt Financial Times. "Aðeins fjórum árum eftir að Kaupþing hóf starfsemi í Bretlandi, hefur stefna þeirra að starfa með auðugum athafnamönnum tekið að borga sig," segir í fréttinni. Fyrir skemmstu veitti Kaupþing stofnanda Sports Direct, Mike Ashley, ráðgjöf við yfirtökuboð hans í knattspyrnuliðið Newcastle United. Kaupþing veitti einnig fyrirtækinu Enic ráðgjöf og fjármögnun á kaupum á hlut Sir Alan Sugar í knattspyrnuliðinu Tottenham hotspur, en kaupin hljóðuðu upp á þrjá milljarða króna. Í síðustu viku veitti Kaupþing svo Exista og Chris Ronnie ráðgjöf í kaupum á 29% hlut í íþróttavöruverslunarkeðjunni JJB, en kaupin hljóðuðu upp á 24 milljarða króna. Og nú hefur Kaupþing aðstoðað Sir Tom Hunter í að stöðva yfirtökuboð Tesco í garðvöruverslunina Dobbies Garden Centres með því að veita honum aðstoð í að ná 20,6% hlut í félaginu. "Þetta verði að teljast tilkomumikil afrekaskrá, sem jafnvel keppinautar Kaupþings geti ekki annað en viðurkennt," segir í fréttinni. Kaupþing hóf starfsemi í London árið 2003. Árið 2005 keypti Kaupþing breska fjárfestingabankann Singer & Friedlander og voru starfsmenn bankans þá 60 talsins. Árið 2005 réði bankinn til sín Tim Cockroft, fyrrum framkvæmdarstjóra KBC Peel Hunt, til að fara fyrir hlutabréfamarkaðsstarfsemi Kaupþings og hafa yfir 50 manns verið ráðnir síðan þá, segir í fréttinni. "Við höfum fest okkur í sessi hér og skapað okkur sérstöðu með því að starfa með auðugum athafnamönnum," segir Ármann Þorvaldsson, forstjóri Kaupþings Singer & Friedlander. Hann segir að útibúið hafi þegar náð mörgum af sínum helstu markmiðum, en eigi enn eftir að byggja upp fjárfestingastarfsemi sína. Fyrir yfirtöku Kaupþings var arðsemi eigin fjár Singer & Friedlander 6-7% og við yfirtökuna var því lýst yfir að það yrði aukið upp í 15% og segir Ármann að því markmiði hafi verið náð á fyrstu fimm mánuðum ársins. Ármann segir að rekstrarhagnaður fyrsta ársfjórðungs hafi aukist um 35% á milli ára, að því er kemur fram í fréttinni.


 

Glitnir greiddi hinum norska Sveinung Hartvedt um 200 milljónir íslenskra króna í ráðningarbónus þegar hann var ráðinn til starfa sem framkvæmdastjóri markaðsviðskipta Glitnis, eftir því sem segir í frétt norska vefmiðilsins E24. Hartvedt var áður framkvæmdastjóri hlutabréfaviðskipta hjá DnB NOR Markets í Noregi og tók við starfinu hjá Glitni í maí síðastliðnum.


 

Góður tími er fyrir íslenska fjárfesta til kaupa á eignum í sænskum krónum þar sem meiri líkur en minni eru á að sænska krónan hækki gagnvart þeirri íslensku til lengri tíma litið, segir greiningardeild Glitnis. En gengi sænsku krónunnar hefur lækkað nokkuð ört gagnvart þeirri íslensku undanfarnar vikur. "Orsakast það bæði af gengishækkun íslensku krónunnar, og eins hinu að sænska krónan hefur gefið nokkuð eftir gagnvart ýmsum helstu gjaldmiðlum," segir greiningardeildin. Hún segir vexti í Svíþjóð nú þeir næst lægstu í Evrópu, eða 3,25%, og hafa svonefnd vaxtamunarviðskipti veikt krónuna þar töluvert að undanförnu í kjölfar þess að vaxtaferill seðlabanka Svíþjóðar hefur verið undir væntingum markaðsaðila.


 

Úrvalsvísitalan hefur hækkað um 0,19% og er 8.180 stig við lok markaðar, samkvæmt upplýsingum frá Markaðsvakt Mentis. Veltan nemur 2,2 milljörðum króna. Alfesca hefur hækkað um 0,82%, 365 hefur hækkað um 0,79%, Kaupþing hefur hækkað um 0,55%, Landsbankinn hefur hækkað um 0,26% og Marel hefur hækkað um 0,24%. Flaga Group hefur lækkað um 1,48%, Mosaic Fashions hefur lækkað um 1,18%, Teymi hefur lækkað um 0,8%, Eimskip hefur lækkað um 0,73% og Össur hefur lækkað um 0,48%. Gengi krónu hefur veikst um 0,04% og er 113,3 stig.


 

Í tilefni Kvenréttindadags Íslands hefur heimasíða Glitnis, www.glitnir.is, breytt um útlit, segir í frétt frá bankanum.


 

Jörð í Reykjanesbæ sem kölluð hefur verið "Nikel" jörðin hjá Miðnesheiði hefur verið sett í sölumeðferð hjá fjármálafyrirtækinu Virðingu. Það er Miðland ehf. sem er eigandi jarðarinnar, sem áður var notuð undir olíubirgðastöð hersins.


 

Rekstrarhagnaður dönsku stórverslunarinnar Magasin Du Nord í Danmörku nam 12,1 milljón danskra króna eftir skatta, eða sem svarar 141,6 milljónum íslenskra króna, að því er danska viðskiptablaðið Börsen greindi frá í gær. Stærsti eigandi Magasin Du Nord er Baugur Group.


 

Ágreiningur Egils Helgasonar og fjölmiðlafyrirtækisins 365 vegna fyrirhugaðra starfa Egils hjá RÚV hefur verið leystur með samkomulagi aðila og er hann nú laus undan samningsskuldbindingum sínum við 365, að því er fram kemur í tilkynningu. "Ég er sáttur við þau málalok sem hafa orðið í þessari deilu," segir Egill í tilkynningu.


 

Einar Kristinn Guðfinnsson, sjávarútvegsráðherra, hefur tekið aflaregluna til endurskoðunar og gæti því niðurskurður í þorskaflaheimildum orðið meiri en undanfarin ár þegar farið var eftir 25% veiðihlutfalli reglunnar. Hafrannsóknastofnun hefur í nokkur ár ráðlagt að veiðihlutfallið yrði lækkað niður í 20% af viðmiðunarstofni þorsks en samkvæmt þeirri reglu yrði þorskkvóti næsta fiskveiðiárs 130 þúsund tonn, samanborið við 178 þúsund tonn með núgildandi aflareglu.


 

General Electric (GE) mun taka um það ákvörðun á næstu dögum hvort félagið hyggist leita til Pearson, sem meðal annars gefur út Financial Times, um að leggja fram sameiginlegt yfirtökutilboð í Dow Jones útgáfufélagið, en í síðasta mánuði gerði Rubert Murdoch fimm milljarða tilboð í félagið, sem var um 65% yfir markaðsvirði Dow Jones. Í frétt Financial Times í gær segir að einn möguleikinn sem hafi verið ræddur á meðal GE, sem er eigandi að viðskiptasjónvarpsstöðinni CNBC, og Pearson, er að Bancroft fjölskyldan, sem fer með um 62% atkvæða í Dow Jones, yrði gerð að minnihlutaeiganda í útgáfufélaginu. Ein uppástungan gerir ráð fyrir því fjölskyldan myndi halda eftir um 20% hlut í Dow Jones - afgangurinn yrði í eigu GE og Pearson - og með því móti myndi henni takast að tryggja sér áframhaldandi ítök í félaginu sem það hefur verið eigandi að í meira en hundrað ár. Heimildarmenn Financial Times ítreka hins vegar að þessar umræður séu aðeins á byrjunarstigi og enn með öllu óljóst hvort af þeim verði. Hvorki GE og Pearson vildu tjá sig um þessar sögusagnir í fjölmiðlum í gær. Einn meðlimur Bancroft fjölskyldunnar sagði í samtali við Financial Times að Pearson og GE myndu "ná betur saman" á fjölmiðlalegum grundvelli við Dow Jones og Wall Street Journal, bandaríska viðskiptablaðið sem félagið er eigandi að, heldur en News Corp. fjölmiðlaveldi Murdochs myndi gera. Hann bætti því aftur á móti við að það væri enn nægur tími til stefnu og fjölskyldan myndi skoða alla kosti sem uppi væru gaumgæfilega áður en ákvörðun yrði tekin. Það er jafnframt hald manna sem vel þekkja til stöðu mála að það séu skiptar skoðanir uppi á meðal hluthafa Pearson hversu skynsamlegt það væri að ráðast í yfirtöku á Dow Jones. Simon Wallis, hjá verðbréfafyrirtækinu Collins Stewart, segir að hluthafar muni hafa af því töluverðar áhyggjur ef stjórnendur Pearson hyggjast leggja fram tilboð í Dow Jones sem er langt umfram markaðsvirði félagsins. "Margir fjárfestar myndu fremur vilja sjá Pearson selja Financial Times heldur en að veita meiri fjármunum til þess að efla blaðið enn frekar". Jeffrey Immelt, framkvæmdastjóri og stjórnarformaður GE, hefur einnig viðrað áhyggjur sínar um að yfirtaka Dow Jones, sökum þeirrar áhættu sem fylgir því að fara út í dagblaðarekstur. Hins vegar er það ávinningurinn af því að komast yfir vefsvæði Dow Jones á borð við WSJ.com er það sem GE lítur fyrst og fremst hýrum augum til. Sumir sérfræðingar hafa auk þess bent á að með því að sameina Wall Street Journal Europe, sem hefur stærri lesendahóp í Bandaríkjunum, við Financial Times, sem er stærra í Evrópu, yrði til mjög öflug dagblaðasamsteypa og hafa mikil samlegðaráhrif fyrir starfsemi beggja félaga.


 

Delta Two fjárfestingarsjóðurinn, sem er að stærstum hluta í eigu konungsfjölskyldunnar í Katar, hefur í hyggju að gera yfirtökutilboð í bresku verslunarkeðjuna Sainsbury í kjölfar þess að sjóðurinn jók eignahlut sinn í félaginu upp í 25% síðastliðinn föstudag. Þetta kemur fram í frétt breska dagblaðsins The Sunday Telegraph. Í frétt Telegraph er haft eftir heimildarmönnum blaðsins að ráðgjafar Delta, Dresdner Kleinwort og Credit Suisse, hafi verið að leita eftir áhugasömum fjárfestingarbönkum sem væru reiðubúnir til að fjármagna að hluta til hugsanlega yfirtöku á Sainsbury. Það er talið að viðræður þessa efnis hafi staðið yfir undanfarnar fjórur vikur, að því er fram kemur í frétt Telegraph. Hlutabréf í þessari þriðju stærstu matvörukeðju Bretlands hækkuðu fyrst í gærmorgun um 1,4% eftir að fréttir af hugsanlegri yfirtöku í félagið bárust, en stuttu áður en hlutabréfamarkaðir í London lokuðu í gær höfðu bréfin aftur á móti lækkað um tæplega eitt prósent í viðskiptum dagsins. Samtals hafa bréf Sainsbury hækkað um áttatíu prósent á aðeins einu ári. Í frétt Bloomberg fréttaveitunnar er haft eftir sérfræðingum að markaðsaðilar telji sennilegt að yfirtökutilboð Delta verði að veruleika. Hins vegar mun slíkt tilboð þurfa að vera ekki lægra heldur en 600 pens á hvern hlut í félaginu. Þreifingar einkafjárfestingarsjóðsins CVC - og annarra fyrirtækja sem voru í samstarfi við sjóðinn - um að yfirtaka Sainsbury í aprílmánuði fóru út um þúfur sökum þess að talið var að stjórnendur verslunarkeðjunnar vildu ekki samþykkja yfirtökutilboð undir 600 pensum á hlut, en tilboð CVC hljóðaði upp á 582 pens á hlut.


 

Fullyrt er í breska blaðinu The Times í gær að BHP Billiton, stærsta námuvinnslufyrirtæki heims, hyggist leggja fram yfirtökutilboð í bandaríska álfyrirtækið Alcoa. Tilboðið mun nema fjörtíu milljörðum Bandaríkjadala en Alcoa lagði fram á dögunum ríflega þrjátíu milljarða dala tilboð í kanadíska álfyrirtækið Alcan. Fram kemur í fréttinni að forráðamenn BHP Billiton hafi íhugað að leggja fram tilboð í Alcoa í febrúarmánuði en á endanum var fallið frá því. Sagt er að samfara mannabreytingum á yfirstjórn fyrirtækisins hafi málið komist á ný á dagskrá. Hinsvegar er þess getið í fréttinni að málið sé á frumstigi og að forráðamenn BHP Billiton hafi ekki sett sig í samband við forráðamenn Alcoa með formlegum hætti. The Times hefur jafnframt eftir talsmanni námuvinnslufyrirtækisins að fyrirtækið tjái sig ekki um orðróm á markaði en bætti þó við að það væri skylda stjórnenda þess að vera með augum opin fyrir mögulegum fjárfestingartækifærum. Sem kunnugt er var ríflega þrjátíu milljarða dala tilboði Alcoa í Alcan hafnað á dögunum. Hinsvegar telja margir sérfræðingar að þeim málum sé ekki lokið og von sé á frekari samþjöppun meðal álvinnslufyrirtækja.


 

Verkalýðsfélög í Nígeríu hafa kallað eftir allsherjarverkfalli í landinu til að mótmæla ákvörðun nígerískra stjórnvalda um að hækka bensínverð. Í tilkynningu sem verkalýðsfélögin sendu frá sér kemur fram að verkfallið muni vara þangað til að ríkisstjórn landsins dragi ákvörðun sína til baka. Verkfallið mun hefjast á miðvikudaginn og nær til fimm milljóna manna, meðal annars starfsmanna við olíuvinnslustöðvar í landinu.


 

Hlutabréf í rússneska flugfélaginu Aeroflot hækkuðu um fjögur prósent í gær eftir að rússneska fréttastofan Interfax greindi frá því að félagið hefði sagt sig frá slagnum um 49,9% hlut í ítalska flugfélaginu Alitalia. Talsmaður rússneska flugfélagsins vildi ekki staðfesta frétt Interfax, en ef rétt reynist þá þýðir þetta að AP Holding SpA er eina félagið sem hefur lagt fram tilboð í hluta ítalska ríkisins í Alitalia flugfélaginu sem er til sölu. AP Holding er móðurfélag Air One, næst stærsta flugfélags Ítalíu.


 

Rússneska olíufyrirtækið Rosneft sem er í eigu hins opinbera þar í landi greindi frá því í gær að hagnaður félagins á fyrsta ársfjórðungi þessa árs hefði dregist saman um 55%, sökum skattagreiðslna sem fyrirtækið þurfti að inna af hendi vegna Yuganskneftegaz framleiðslueiningar sinnar. Nam hagnaður fyrirtækisins samtals 358 milljónum Bandaríkjadala, en markaðsaðilar höfðu að meðaltali gert fyrir því að hagnaðurinn myndi vera ríflega 600 milljónir dala. Hins vegar sagðist fyrirtækið eiga von á því að fá um 10,1 milljarð dala vegna gjaldþrotaskipta á eignum Yukos orkufyrirtækisins.


 

Qatar Airways skrifaði í gær undir samkomulag við evrópska flugvélaframleiðandann Airbus um kaup á áttatíu flugvélum af gerðinni A350, þrjár A380 og þrjár A320. Samtals nemur kaupverðið um 16 milljörðum Bandaríkjadala. Á sama tíma hefur Emirates Airlines lagt inn pöntun á átta flugvélum af gerðinni A380, auk þess sem Wall Street Journal greinir frá því að US Airwys sé að leggja lokahönd á sjö milljarða dala kaup á þrjátíu vélum af gerðinni A350 frá Airbus.


 

Birtar hafa verið á vefsíðu Seðlabanka Íslands nýjar reglur um viðskipti fjármálafyrirtækja við Seðlabankann, reglur um viðskiptareikninga við Seðlabanka Íslands svo og auglýsing um vexti við Seðlabanka Íslands, að því er fram kemur í tilkynningu Seðlabankans.


 

Fasteignaviðskipti hafa verið með líflegasta móti undanfarnar vikur, að sögn greiningardeildar Landsbankans. ?Velta á fasteignamarkaði hefur aldrei verið meiri og gildir þá einu hvort litið er til 12 vikna eða hálfs árs meðaltals,? segir greiningardeildin. Hún segir að velta á fasteignamarkaði hafi aukist jafnt og þétt á árinu. ?Tólf vikna meðalvelta á fasteignamarkaði er nú 6.361 milljónir króna en til samanburðar var veltan um 4.220 milljónir króna fyrir ári síðan,? segir greiningardeildin. Aukningin nær einnig til fjölda þinglýstra samninga. ?Tólf vikna meðaltal fjölda samninga er 258 og hefur ekki verið meira síðan snemma árs 2005 og hefur meðalfjöldi samninga aðeins verið meiri en nú í lok árs 2004 og byrjun 2005,? segir greiningardeildin.


 

Ísland er mesta ferðaþjónustulandið á Norðurlöndunum. Þetta sést þegar bornar eru saman hagtölur. Þegar skoðað er hversu hátt hlutfall ferðaþjónusta er af þjóðarframleiðslunni, þá er Ísland langhæst með 4.5%, Noregur með 3.1%, Svíþjóð með 2.8% og Finnland og Danmörk með 2.4%. Þegar skoðað er hlutfall ferðaþjónustunnar í gjaldeyrissköpun þá er það hlutfall 12.6% á Íslandi en í hinum löndunum er hlutfallið alls staðar undir 5% samkvæmt upplýsingum frá Samtökum ferðaþjónustunnar.


 

Úrvalsvísitalan lækkaði um 0,15% og er 8.164 stig við lok markaðar, samkvæmt upplýsingum frá Markaðsvakt Mentis. Veltan nam 2,8 milljörðum króna. 365 hækkaði um 1,33%, Icelandair Group hækkaði um 1,27%, Straumur-Burðarás hækkaði um 1,2%, FL Group hækkaði um 1,2% og Alfesca hækkaði um 1,02%. Össur lækkaði um 0,96%, Actavis Group lækkaði um 0,56%, Glitnir lækkaði um 0,53%, Eimskip lækkaði um 0,49% og Marel lækkaði um 0,48%. Gengi krónu hefur veikst um 0,11% stig er 113,2 stig.


 

Glitnir fjármögnun hefur undirritað samning við Skýrr um prentun á öllu útsendu efni sviðsins á sviði breytilegrar prentunar, til dæmis reikninga og fylgiseðla. Þetta kemur fram í fréttatilkynningu Skýrr. "Skýrr bauð Glitni fjármögnun hagkvæma heildarlausn fyrir þessa prentþjónustu og snérsníður hana fyrir þarfir sviðsins. Skýrr hefur langt skeið boðið atvinnulífinu breytilega prentun og pökkun á einum stað og öll starfsemin er gæða- og öryggisvottuð samkvæmt ISO 9001," segir Þórólfur Árnason, forstjóri Skýrr. Viðskiptavinir Skýrr á sviði prentunar og pökkunar reikninga og breytilegrar prentunar eru mörg stærstu fyrirtæki landsins í fjármálageiranum, verslun, viðskiptum og þjónustu, ásamt íslenska ríkinu, ýmsum sveitarfélögum og opinberum stofnunum. Boðið er upp á margs konar gagna- og upplýsingaöflun og tengda prentun fyrir viðskiptavini. Þjónustan er öll á einum stað og fyllsta öryggis er gætt í dulkóðun gagna og aðgangsstýringu. Einnig er boðið upp á PDF-dreifingu, XML-þjónustu, uppflettikerfi og birtingu reikninga í netbönkum með beintengingu við RB. Þjónustan felur meðal annars í sér úrvinnslu gagna, það er að koma gögnum úr upplýsingakerfum á fyrirfram prentuð form, svo eru prentgögnin sett í umslög og skilað til póstsendingar segir í tilkynningu Skýrr.


 

Úrvalsvísitalan hefur lækkað um 0,13% og er 8.165 stig við hádegi, samkvæmt upplýsingum frá Markaðsvakt Mentis. Veltan nemur 1,6 milljarði króna. 365 hefur hækkað um 1,86%, Alfesca hefur hækkað um 1,65%, Straumur-Burðarás hefur hækkað um 1,2%, FL Group hefur hækkað um 1,02% og Teymi hefur hækkað um 0,2%. Össur hefur lækkað um 0,96%, Actavis Group hefur lækkað um 0,56%, Eimskip hefur lækkað um 0,49%, Atlantic Petroleum hefur lækkað um 0,45% og Landsbankinn hefur lækkað um 0,39%. Gengi krónu hefur veikst um 0,04% og er 113,1 stig.


 

Exista keypti eigin bréf fyrir um 28,9 milljónir króna á föstudaginn, samkvæmt upplýsingum frá Kauphöllinni. Um er að ræða 1.162.791 hluti, keypta á genginu 24. Markaðsgengi félagsins þegar þetta er skrifað er 33,45, samkvæmt upplýsingum frá Markaðsvakt Mentis. Ástæða viðskiptanna er sögð uppgjör á starfssamningi.


 

Ákveðið hefur verið að færa 9,71% hlut hollenska eignarhaldsfélagsins Kjalar Invest B.V. í Kaupþingi banka hf. (71.883.352 hlutir), undir nýtt óstofnað félag í eigu sömu aðila. Hið nýja óstofnaða félag verður hollenskt eignarhaldsfélag, sem verður systurfélag Kjalar Invest B.V. Þetta kemur fram í tilkynningu til Kauphallarinnar. Jafnframt hefur verið ákveðið að færa 0,17% hlut Eglu hf. í Kaupþingi banka hf. (1.270.000 hlutir) yfir í sama óstofnaða félag. Gert er ráð fyrir að stofnun félagsins og yfirfærslan á hlutunum, samtals 9,88%, muni eiga sér stað á næstu dögum. Hið nýja félag og Kjalar Invest B.V. verða bæði í 100% eigu Kjalar Holding B.V. Kjalar Holding B.V. er 99,99% í eigu Eglu hf. og 0,01% í eigu Kjalars hf., en Egla hf. er 100% í eigu Kjalars hf. Kjalar hf. er að meirihluta í eigu Ólafs Ólafssonar. Áður en yfirfærslan á sér stað mun Egla hf. hins vegar verða 100% eigandi að Kjalar Holding B.V. með kaupum á 0,01% hlut Kjalars hf. Eftir yfirfærsluna verður hið nýja félag skráður eigandi bréfanna í hlutaskrá  Kaupþings banka hf. í stað Kjalar Invest B.V. og Eglu hf. Raunverulegt eignarhald á bréfunum mun hins vegar ekki hafa breyst þar sem hið nýja félag er í eigu sömu aðila. Kjalar Invest B.V. og Egla hf. eru fjárhagslega tengd Hjörleifi Þór Jakobssyni, stjórnarmanni og fruminnherja í Kaupþingi banka hf., en hann er jafnframt framkvæmdastjóri Eglu hf. Hið nýja félag verður einnig fjárhagslega tengt Hjörleifi. Eftir yfirfærsluna munu aðilar fjárhagslega tengdir Hjörleifi, eftir sem áður, eiga 73.162.179 hluti í Kaupþingi banka hf., eða 9,88%. Hjörleifur á 12.788 hluti í bankanum.


 

FIM, finnski armur Glitnis, sér ýmis tækifæri á finnska markaðinum en hann hefur verið staðið sig hvað best evrópskra markaði undanfarið, að því er fram kemur í skýrslu um finnska hlutabréfamarkaðinn. ?Kjötframleiðandinn HKScan er spáð 132% vexti í sölu eftir vel heppnaða yfirtöku og stendur hann mjög sterkur eftir á sínum lykilmörkuðum og mælir FIM með kaupum á bréfum félagsins,? segir greiningardeild Glitnis. Markgengi (e. Target Price) Componenta, íhlutaframleiðanda fyrir þungaiðnað, er 28% yfir núverandi markaðvirði og bendir FIM einnig á þá sem vænlegan fjárfestingakost. ?Samsetning finnska fjárfestingamarkaðarins er fjölbreytt og um margt frábrugðin hinum evrópska. Upplýsingatæknigeirinn er mjög stór í Finnlandi og spilar alþjóðlegi símarisinn Nokia stórt hlutverk. Hrávöruframleiðsla er einnig umfangsmikil,? segir greiningardeildin.


 

Ávöxtun á norrænum hlutabréfamörkuðum er nokkuð jöfn nú þegar líður að lokum annars ársfjórðungs, að Íslandi undanskildu, að sögn greiningardeildar Glitnis. "Úrvalsvísitalan í Kauphöllinni á Íslandi hefur hækkað langmest eða um rúmlega 27% en bréf í Kaupþingi, Landsbankanum og Glitni vega um tvo þriðjuhluta af virði vísitölunnar. Norski markaðurinn hefur hækkað skarpt undanfarið og nemur ávöxtunin frá áramótum ríflega 14%. Hlutabréf skráð í Helsinki hafa einnig hækkað um 14%. Hlutabréf í Stokkhólmi hafa hækkað um 11% og um 10,5% í Kaupmannahöfn," segir greiningardeildin. Hún segir ávöxtun stærstu félaganna í Noregi misjöfn á árinu af ýmsum ástæðum. DnBNOR, sem lækkað hefur um 6,09%, hefur skilað lakari ávöxtun í ár en ýmis önnur félög, t.d. Hydro sem hækkað hefur um 16,25%, það sem af er ári. "Í Finnlandi hafa bréf í Nokia (+36%) hækkað myndarlega í ár og haft mest af segja um hækkun vísitölunnar þar í landi. Í Svíþjóð hafa bréf í Volvo hækkað mikið (+56%) en sænska úrvalsvísitalan hefur meðal annars liðið fyrir slaka ávöxtun bréfa í Ericson (-7%) og Nordea (+1,4%)," segir greiningardeildin.


 

Kaupþing banki hefur undirritað samning um kaup á 20% hlut í indverska fjármálafyrirtækinu FiNoble Advisors Private Ltd (FiNoble) að því er kemur fram í tilkynningu til Kauphallarinnar. Auk þess hefur bankinn rétt til að kaupa eftirstandandi 80% hlut í félaginu eftir 5 ár. Með þessari fjárfestingu hefur Kaupþing tryggt sér aðgang að hinum ört vaxtandi indverska fjármálamarkaði. Skrifstofur FiNoble, sem stofnað var árið 2004, eru í Nýju Delhi á Indlandi. Hjá félaginu starfa 25 manns og leggur það megináherslu á hefðbundna ráðgjöf í tenglum við yfirtökur og samruna fyrirtækja. Félagið sérhæfir sig í ráðgjöf til indverskra fyrirtækja í tengslum við yfirtökur þeirra á evrópskum og bandarískum fyrirtækjum sem og ráðgjöf til erlendra fyrirtækja við yfirtökur á Indlandi. Kaupþing greiðir inn fé í félagið með kaupum á hlut í eignarhaldsfélagi FiNoble sem mun verða hlutdeildarfélag í reikningum Kaupþings. Kaupin munu hafa óveruleg áhrif á afkomu bankans á árinu.


 

Actavis hlaut IR Nordic Awards 2007 fyrir bestu fjárfestatengsl stórra fyrirtækja á Íslandi. Það er fagtímaritið IR Magazine sem veitir verðlaunin, en verðlaunaathöfnin var haldin í Osló að þessu sinni. Actavis vann einnig til þessara sömu verðlauna árið 2004. IR Magazine hefur á undanförnum árum veitt félögum á Norðurlöndum verðlaun fyrir bestu fjárfestatengslin. Verðlaunin byggjast á meðal annars á viðtölum við yfir 200 fjárfesta, greiningardeildir og aðra markaðsaðila um hverjir skara fram úr í upplýsingagjöf og samskiptum við markaðinn. ?Síðastliðið ár hefur verið sérstaklega viðburðarríkt hjá Actavis. Við höfum tekið þátt í tveimur af stærstu yfirtökuferlum í okkar iðnaði og lukum við fjögur fyrirtækjakaup á síðasta ári. Þá vorum við fyrsta íslenska fyrirtækið til að fá erlendar greiningar frá stóru alþjóðlegu bönkunum og í dag eru fjórir erlendir aðilar sem greina félagið. Á tímum mikilla breytinga er mikilvægt að fjárfestar hafi góðan skilning á hvert félagið stefnir og hvernig mæla má árangur þess. Verðlaunin eru góð viðurkenning á þeirri vinnu," segir Halldór Kristmannsson, framkvæmdastjóri Innri og ytri samskipta um verðlaunin í tilkynningu félagsins.


 

Aflaverðmæti íslenskra skipa á fyrsta ársfjórðungi nam 24,8 milljörðum króna, á á sama tímabili í fyrra nam aflaverðmæti 19,2 milljörðum. Aukning aflaverðmætis nemur því 5,6 milljörðum, eða um 29% milli ára, að því er kemur fram hjá Hagstofu Íslands. Aflaverðmæti botnfisks var í lok mars orðið 17,9 milljarðar miðað við 14,7 milljarða á sama tíma árið 2006 og er því um 21,6% aukningu að ræða. Aflaverðmæti ýsu nam 3,5 milljörðum, sem er 26,5% aukning, og ufsaaflinn jókst að verðmæti um 21,5%, var 896 milljónir. Verðmæti þorskafla var 10,6 milljarðar og jókst um 24,2%. Verðmæti afla, sem seldur er í beinni sölu útgerða til vinnslu innanlands, var 11,8 milljarðar króna, sem er auking um 3,7 milljarða eða 45,8%. Verðmæti afla sem keyptur er á markaði til vinnslu innanlands jókst um 43,8%, var 4,5 milljarðar. Aflaverðmæti sjófrystingar var 6 milljarðar og jókst um 1,8% frá fyrra ári. Verðmæti afla sem fluttur er út óunninn nam 2,1 milljarði sem er 20,2% aukning, segir í tilkynningu hagstofunnar.


 

LME eignarhaldsfélag ehf. hefur flaggað í hollenska fyrirtækinu Stork NV og er nú komið með 10,91% hlut í félaginu.  Þetta er í fyrsta sinn sem félagið fer yfir 10%.


 

Fulltrúaráðsfundur Eignarhaldsfélagsins Samvinnutryggingar ákvað í gær að ráðast í formbreytingu á félaginu. Breytingin felur í sér að nýtt hlutafélag tekur við öllum eignum og skuldum félagsins.  Hluthafar verða á fimmta tug þúsunda og eigið fé félagsins losar rúma 30 milljarða króna. Eignarhlutirnir í hinu nýja félagi verða ekki afhentir fyrrum tryggingatökum fyrr en í fyrsta lagi í október næstkomandi að því er segir í tilkynningu.


 

markaðsvirðið um 4,4 milljarðar


 

Úrvalsvísitalan hækkaði um 0,14% og er 8.176 stig við lok markaðar, samkvæmt upplýsingum frá Markaðsvakt Mentis. Og er það nýtt met, að sögn greiningardeildar Landsbankans. Frá áramótum nemur hækkunin 27,6%. "Lægsta lokagildi ársins var fyrsta viðskiptadaginn en vísitalan hefur hækkað jafnt og þétt frá byrjun ársins. Þennan dag í fyrra stóð vísitalan í 5.413 stigum og hefur því hækkað um 51% á einu ári," segir greiningardeildin. Mosaic Fashions hækkaði um 4,3%, 365 hækkaði um 2,17%, Atlantic Petroleum hækkaði um 1,83%, Atorka Group hækkaði um 1% og Actavis Group hækkaði um 0,79%. Teymi lækkaði um 0,79%, Icelandair Group lækkaði um 0,54%, Straumur-Burðarás lækkaði um 0,48%, Marel lækkaði um 0,47% og Alfesca lækkaði um 0,21%. Gengi krónu styrktist um 1,02% og er 113,1 stig.


 

yfir 40% fjölgun á fjórum árum


 

Samkvæmt upplýsingum danskra fjölmiðla er talið að kaupverð verslunarrisans Intersport Danmark A/S geti verið nálægt einum milljarði danskra króna, eða um 11 milljörðum króna. Engin staðfest tala hefur komið frá keupendum eða seljendum. Samkvæmt vefmiðlinum Business.dk hefur Intersportkeðjan verið að skila á milli 4% og 10% EBITDA framlegð síðustu fimm árin. EBIT í fyrra mun hafa numið 100 milljónum danskra króna. Á sama tíma hefur keðjan opnað margar nýjar verslanir og aukið veltu sína um 50% og nam velta félagsins um það bil einum milljarði danskra króna á síðasta ári. Hluthafar Intersport Danmark A/S hafa nú samþykkt tilboð íslensks fjárfestahóps í félagið. Tilboðið er tvískipt, annars vegar er boðið í Intersport-fyrirtækið og hins vegar í verslanir félagsins. 100% hluthafa í fyrirtækinu samþykktu tilboðið og 89% hluthafa í verslunarrekstrinum. Allt síðan 1992 hefur félagið verið rekið sem verslunarsamlag í eigu verslunareigenda. Intersport Danmark A/S er í eigu 44 verslunarmanna sem eiga samtals 84 verslanir undir nafni Intersport. Hjá þeim vinna um það bil 650 starfsmenn. Áætlanir eru um að opna fjórar nýjar verslanir á þessu ári. Á heimsvísu eru reknar um það bil 4.500 verslanir undir nafni Intersports. Fjárfestahópurinn samanstendur af fjárfestingarsjóðnum Kcaj og Straumi-Burðarás Fjárfestingabanka. Kcaj er fjárfestingarsjóður í umsjón fjárfestingarfélagsins Arev sem er að stærstum hluta í eigu Jóns Schevings Thorsteinssonar. Kcaj hefur fjárfest töluvert í smásöluverslun í Bretlandi og meðal eigenda eru Máttur og JST Holding ehf.


 

Úrvalsvísitalan hefur hækkað um 0,24% og er 8.185 stig við hádegi, samkvæmt upplýsingum frá Markaðsvakt Mentis. Veltan 3,7 milljarðar króna. 365 hefur hækkað um 1,63%, Landsbankinn hefur hækkað um 0,92%, Actavis hefur hækkað um 0,79%, Teymi hefur hækkað um 0,59% og Straumur-Burðarás hefur hækkað um 0,48%. Eimskip hefur lækkað um 0,49%, Glitnir hefur lækkað um 0,35% og Marel hefur lækkað um 0,24%. Gengi krónu hefur styrkst um 0,54% og er 113,6 stig.


 

Gunnar Sigurðsson, forstjóri Baugs, vildi ekki útloka yfirtöku félagsins á bresku verslanakeðjunni Debenhams. Þetta kemur fram í dag í breskum fjölmiðlum í dag. Baugur hefur á síðustu dögum byggt upp sífellt stærri hlut í Debenhams, og nú er svo komið að félagið ræður yfir 5% hluta í bresku keðjunni. Gunnar hermdi að framtíðaráætlanir fyrirtækisins með Debenhams væru "opnar og sveigjanlegar."Unity Investments, sem er sameiginlegt fjárfestingafélag Baugs, FL Group og Keven Stanford stendur að kaupunum í Debenhams. Gunnar sagði að Unity væri að ná bréfunum á góðu verði, og langtímaáætlanir væru óákveðin.


 

Að sögn Karls Wernerssonar, stjórnarformanns Milestone ehf., er yfirtaka þeirra á sænska fjármálafyrirtækinu Invik samkvæmt áætlun. Félagið ákvað að framlengja tilboð sitt til hluthafa Invik að beiðni sænska fjármálaeftirlitsins en að öðru leyti sagði Karl að hlutirnir væru að ganga eins og áætlanir gerðu ráð fyrir. Tilboð Milestone er gert í nafni Racon Holdings og hefur það verið framlengt til 29. júní næstkomandi en fyrra tilboðið rennur út í dag. Þetta kemur fram í Viðskiptablaðinu í dag. Í sænskum fjölmiðlum hafa verið vangaveltur um það hvort tilboð Milestone nái að ganga fram þar sem það stríði gegn reglum Kauphallarinnar þar sem tilboð til eigenda A og B hlutdeildar bréfa er ólíkt en boðið er 10% hærra verð fyrir A-bréfin. Aðspurður sagði Karl að þetta væri ekki mikið mál í þeirra huga. Þeir færu með 63% atkvæðaréttar og væru þannig komnir með alla stjórn á félaginu. Yfirtökutilboð þeirra til annara hluthafa væri þar að auki langt yfir síðasta markaðsvirði segir í frétt Viðskiptablaðsins. Í sænska viðskiptablaðinu Dagens Industri kom fram í gær að hópur fjárfesta teldi að það ekki góða siði að gera ólík tilboð í A og B hluta. Þar fara fyrir stofnannafjárfestarnir Alecta, Fjärde AP-sjóðurinn, Nordea sjóðurinn og Swedbank Robur sjóðurinn og hafa þeir skrifað sænska fjármálaeftirlitinu bréf og lýst yfir áhyggjum sínum. Til samans fara þeir með um 20% hlut í Invik. Sumir þeirra áttu hlut að máli þegar sala TraudeDoubler til AOL var stöðvuð í mars síðastliðnum. Stærsti eigandi Invik, Stenbecksfären, hefur tekið tilboði Milestone. Að sögn Guðmundar Ólasonar hjá Milestone kemur ekki til greina af þeirra hálfu að hækka tilboðið. Milestone ehf. keypti í lok apríl ráðandi hlut í sænska fjármálafyrirtækinu Invik & Co. AB og gerði öðrum hluthöfum um leið yfirtökutilboð. Heildarvirði viðskiptanna er um 70 milljarðar íslenskra króna. Invik & Co. er fjármálafyrirtæki með víðtæka starfsemi á sænskum trygginga- og fjármálamarkaði, auk þess sem félagið rekur sérhæfða bankastarfsemi í Lúxemborg.


 

Tekjuafgangur hins opinbera nam 22,2 milljörðum króna á fyrsta ársfjórðungi 2007, samanborið við 16,6 milljarða króna á sama tímabili í fyrra, að því er kemur fram í Hagtíðindum Hagstofunnar.Sem hlutfall af landsframleiðslu mældist tekjuafkoman 1,7% og sem hlutfall af tekjum hins opinbera 15,1%. Þessi hagstæða afkoma skýrist fyrst og fremst af góðri tekjuafkomu ríkissjóðs en tekjuafkoma sveitarfélaganna var einnig viðunandi og mældist 9,4% af tekjum sveitarfélaganna á þessum ársfjórðungi samkvæmt áætlun, segir Hagstofan. 


 

Fjórir háttsettir öldungardeildarþingmenn repúblikana og demókrata kynntu á miðvikudaginn frumvarp sem miðar að því að beita Kínverja refsiaðgerðum fyrir að stunda ósanngjarna viðskiptahætti, einkum þegar kemur að gjaldeyrisstefnu þarlendra stjórnvalda. Þingmennirnir eiga von á því að löggjöfin verði samþykkt af bandaríska þinginu síðar á þessu ári, þátt fyrir að Bandaríkjastjórn muni beita neitunarvaldi sínu, að því er fram kemur í frétt New York Times. Bush stjórnin hefur nú þegar gefið til kynna að hún sé mótfallinn frumvarpinu, en það mun líkast til auka á spennu í samskiptum þjóðanna á sama tíma og fjármálaráðherra Bandaríkjanna, Henry Paulson, hefur reynt að nota "strategískar viðræður" (e. strategic dialouge) til að þvinga fram breytingar á efnahagsstefnu Kínverja. Í frétt Wall Street Journal segir talsmaður fjármálaráðuneytisins, Ann Marie Hauser, að Bandaríkjastjórn deili sömu markmiðum og flutningsmenn frumvarpsins, þrátt fyrir að stjórnin telji slíka lagasetningu ekki vera réttu leiðina. "Okkar afstaða er sú að það sé árangursríkari leið að eiga í öflugum viðræðum við kínversk stjórnvöld og ná þannig að knýja þá til stefnubreytingar." Frumvarpinu er ekki síst ætlað að þrýsta á Kínverja til að breyta gengi júansins gagnvart Bandaríkjadal, en flutningsmenn löggjafarinnar telja að kínversk stjórnvöld handstýri gengi gjaldmiðilsins í því augnamiði að gera kínverskar útflutningsvörur ódýrari á heimsmarkaði en ella. Í frétt Financial Times segir að frumvarpið myndi gera það að verkum að deilur þjóðanna um gjaldeyrismál færu fyrir Alþjóðaviðskiptastofnunina (WTO), þar sem Bandaríkjastjórn myndi neyðast til þess að meðhöndla deiluna á þann veg að um væri að ræða ósanngjarnar niðurgreiðslur kínverskra stjórnvalda til útflutningsfyrirtækja þar í landi. Þrátt fyrir að gjaldmiðill Kínverja sé helsta skotmarkið í fyrirhugaðri löggjöf, þá er einnig kallað eftir því að Bandaríkjamenn geri breytingar á gjaldeyrisstefnu sinni. Ef frumvarpið verður að lögum myndi fjármálaráðuneytið þurfa að eiga í samstarfi við Seðlabanka Bandaríkjanna til að geta gripið inn í á alþjóðlegum gjaldeyrismörkuðum þegar gengi gjaldmiðla annarra þjóða hefur orðið "bjagað" gagnvart Bandaríkjadal, eins og segir í frumvarpinu. Að auki myndi löggjöfin veita Bandaríkjaþingi meiri völd til að hafa áhrif á hlutverk fjármálaráðuneytisins í því ferli. Sjá nánar í Viðskiptablaðinu í dag.


 

Smásala í Bretlandi jókst meira í maímánuði heldur en búist hafði verið, sem er vísbending um að stýrivaxtahækkanir Englandsbanka hafi ekki náð að halda aftur af kaupgleði almennings þar í landi. Söluaukningin nam 0,4% á milli mánaða - sem er um 3,9% á ársgrundvelli - en í aprílmánuði hafði hins vegar smásala dregist saman um 0,1%. Greiningaraðilar höfðu að meðaltali gert ráð fyrir því að smásala myndi aukast um 0,3%. Söluaukningin í maímánuði þýðir að smásala hefur aukist um 1,1% undanfarna þrjá mánuði, sem er 4,4% meiri sala heldur en á sama tímabili og í fyrra. Á fréttavef breska ríkisútvarpsins (BBC) er haft eftir Peter Newlands, hagfræðingi hjá verðbréfafyrirtækinu Lehman Brothers, að hann búist við því að einkaneysla muni hægja meira á sér á seinni hluta þessa árs. Sala í öllum smásölugeirum jókst í síðasta mánuði, ef undan er skilið vefnaðarvörur, föt og skófatnaður, en sala í þeim vörutegundum dróst saman um 2,5% frá því í aprílmánuði. Mesta söluaukningin var hins vegar í heimilisvörum þar sem salan jókst um 2,9%. Sérfræðingar gera fastlega ráð fyrir því að þessar nýju tölur um aukningu í smásölu muni hafa sitt að segja þegar kemur að næstu stýrivaxtaákvörðun Englandsbanka. Stýrivextir í Bretlandi eru nú 5,5%, en bankinn hefur hækkað vexti fjórum sinnum frá því í ágúst á síðasta ári, um 25 stig í hvert skipti. Í samtali við breska blaðið Financial Times segist Howard Archer, hjá ráðgjafafyrirtækinu Global Insight, spá því að stýrivextir Englandsbanka muni hækka upp í 5,75% í síðasta lagi í ágústmánuði næstkomandi. Einkaneysla almennings er þó ekki eina áhyggjuefni Englandsbanka. Sumir sérfræðingar telja að væntingar almennings séu þær að verðlag muni hækka umfram verðbólgumarkmið stjórnvalda um tvö prósent og af þeim sökum eigi fólk eftir að bregðast við með því að krefjast hærra launa og þar með auka enn frekar á undirliggjandi verðbólguþrýsting sem er til staðar.


 

Guy de Rothschild gekk á vit feðra sinna á þriðjudag þá 98 ára að aldri. Eins og eftirnafnið afhjúpar þá tilheyrði hann einni valdamestu fjölskyldu síðari tíma og var eins og forfeðurnir umsvifamikill athafnamaður sem þurfti að fást við erfiða andstæðinga sem meðal annars birtust í gervi nasisma og sósíalisma. Fjármálaveldi Rothschild fjölskyldunnar má rekja til Mayer Amschel Rothschild sem fæddist í gyðingagettóinu í Frankfurt í Þýskalandi árið 1744. Mayer hóf fjármálavafstur í borginni sem gekk vel en lykillinn að hinu mikla fjármálaveldi sem síðar varð fólst í því að hann sendi syni sína til þess að gæta hagsmuna fjölskyldunnar í fimm helstu borgum Evrópu. Þar með var lagður grunnur að hinu mikla fjármálaveldi sem flétti saman hagkerfi álfunar. Ættföðurinn var frumkvöðull að því leyti að hann áttaði sig á því að upplýsingar eru verðmæti. Hann byggði upp umsvifamikið net sendiboða og heimildamanna sem notuðu bréfdúfur sem komu til hans upplýsingum sem aðstoðuðu hann við fjárfestingar. Staða Rothschild sem meiriháttar fjárfestis varð tryggð á tímum Napóleonstyrjaldanna árin 1813 til 1815. Hagnaður af stríðsbrölti Hann fjármagnaði stríðsrekstur breska heimsveldisins auk þess að hafa milligöngu um að koma styrkjum frá því til bandamanna sinna á meginlandinu. Þjóðsagan segir að aðrir fjárfestar hafi fylgst grannt með stöðutökum Rothschild meðan á bardaganum við Waterloo stóð í júnímánuði 1815. Var það hald manna að Rothschild yrði fyrstur til þess að vita hvernig bardaginn fór. Þetta nýtti hann sér og tók að selja hlutabréf sín. Þetta varð til þess að aðrir töldu að Wellington hertogi hafi lotið í lægra haldi fyrir herjum Napóleon. Þeir fylltust skelfingu við þá tilhugsun að Napóleon hefði öll völd í hendi sér og tóku að seldu öll sín hlutabréf og markaðurinn hrundi. Þetta nýtti Rothschild sér og keypti þau hlutabréf sem hinir skelfdu fjárfestar voru að selja og hagnaðist feiknarlega. Sjá nánar í Viðskiptablaðinu í dag.


 

Mikill meirihluti þeirra forstjóra fyrirtækja sem hafa umsvif í Rússlandi búast við að auka við þau fremur en að draga þau saman á næstu misserum þrátt fyrir auknu spennu í samskiptum stjórnvalda í Moskvu við Vesturlönd. Þetta kemur fram í könnun sem gerð var af The Economist Unit fyrir Clifford Change, sem stærsta lögfræðistofa heims og tóku 455 stjórnendur þátt í henni.. Fram kemur í könnuninni að stjórnendur þeirra alþjóðafyrirtækja sem hafa ekki enn fjárfest í Rússlandi hafi áhyggjur af stjórnmálaáhættu en hafi tilhneigingu til að vanmeta áhrif flókins skattkerfis, skorti á mannauði og óskilvirkri skrifræðiskerfi. Könnunin var gerð áður en koma til snarpra skeytasendinga milli stjórnvalda í Moskvu og London fyrr í þessum mánuðum. Eru niðurstöður hennar birtar í kjölfar umkvartana ýmissa þungavigtarmanna í bresku atvinnulífi yfir stefnu ríkisstjórnar Tony Blair gagnvart stjórnvöldum í Moskvu en hún hefur gengið svo langt að vara við þeirri stjórnmálaáhættu sem fylgir því að fjárfesta í Rússlandi. Fram kemur að 53% stjórnanda þeirra fyrirtækja telja þá áhættu ráða miklu um að þeim finnst Rússland ekki aðlaðandi kostur á meðan 40% stjórnenda þeirra fyrirtækja sem eru nú þegar starfa í landinu segja hann. Í könnuninni kemur fram að stjórnendur telja fjárfestingu í Rússlandi vera vænlegri til árangurs en í Brasilíu. Hinsvegar taka þeir Kína og Indland fram yfir Rússland. Að sögn Michael Cuthbert, sem starfar Mið- og Austur-Evrópuskrifstofu Clifford Change, vekur athygli að stjórnendur þeirra fyrirtækja sem nú þegar starfa í Rússlandi er bjartsýnni á framtíð landsins en þeir sem standa fyrir utan. Hann bendir á að stjórnendur fyrirtækja sem til að mynda selja neytenda- og fjármálaþjónustu starfi á býsna frjálsum og opnum markaði í Rússlandi og eigi möguleika að hagnast meira en til að mynda á mörkuðum í Evrópu.


 

Í dag var Aerocrine, smærra félag í heilbrigðisgeiranum, skráð í kauphöllinni í Stokkhólmi. Aerocrine er fertugasta* félagið sem er skráð í Nordic Exchange á þessu ári að því wer kemur fram í frétt Kauphallarinnar. 


 

Margir velta því nú fyrir sér hvað Baugur ætli sér með 4,87% eignarhlut sínum í Debenhams. Í grein Andrew Hill í Financial Times, veltir hann því fyrir sér hvort um áhrifafjárfestingu, spákaupmennsku eða fyrsta skref í átt að yfirtöku sé að ræða og telur alla möguleikana jafn líklega. Hann nefnir að Jón Ásgeir Jóhannesson, stjórnarformaður Baugs, eigi nú mikinn fjölda minnihlutaeigna í smásölufyrirtækjum. "Stundum selur Baugur og stundum kaupir fyrirtækið allt félagið, eins og varð tilfellið með House of Fraser," segir Hill. Hann segir yfirtökuna á House of Fraser vega á móti líkindum þess að Baugur geri tilraun til yfirtöku á Debenhams, þar sem HoF þurfi alla einbeitingu fyrirtækisins. En Jón Ásgeir hefur raunar sjálfur lýst því yfir í Financial Times. Hill segir hins vegar að yfirtakan á HoF gefi Baugi ákveðinn stökkpall inn í verslunarumhverfi Bretlands og þannig hafi fyrirtækið ef til vill öðlast betri skilning um hvað mætti betur fara í rekstri Debenhams. Einnig eigi Baugur þegar reynsluríkt starfsteymi sem hafi aukna getu til að takast á við stærri áskoranir í smásöluumhverfinu. "Það sem meira er, eiga gömlu eigendur Debenhams næstum 30% hlut í fyrirtækinu og væri sala á þeim hlut hreinn hagnaður, hvað svo sem söluverðið væri. Eigendurnir höfðu þegar hagnast á fjárfestingunni, sem umdeilt er, með skuldsettri endurfjármögnun skömmu áður en fyrirtækið var skráð á markað. Með öðrum orðum ætti yfirtaka ekki að standa á þessu," segir Hill. Yfirtökuboð í House of Fraser barst innan við mánuði eftir að Baugur festi kaup á hlut í fyrirtækinu. En Hill segir að þar sem hlutabréf í Debenhams hafi lækkað svo mikið frá því að fyrirtækið var skráð hafi Jón Ásgeir nú nægan tíma til þess að ákveða næsta leik, þó svo að hluthafar Debenhams bíði átekta með mikilli eftirvæntingu. Við skráningu voru bréf Debenhams á verðinu 195 pens á hlut. Í nóvember fóru bréfin yfir 200 pens á hlut, en eftir það tók að halla undan fæti. Eftir kaup Baugs tóku bréfin að hækka á ný og stóðu í 139,25 um miðjan dag í gær.


 

Baugur Group hefur keypt í Teymi fyrir 763 milljónir króna, samkvæmt upplýsingum frá Kauphöllinni. Um er að ræða 120.953.520 hluti og fóru viðskiptin fram á genginu 6,31. Fyrir viðskiptin átti 24,47% hlut í Teymi, samkvæmt upplýsingum frá hluthafaskrá. Um leið og Baugur Group keypti 3,37% í Teymi seldi Baugur Group hluti áfram til Landsbanka Íslands. Samhliða sölu hlutabréfanna gerir Baugur Group afleiðusamning við Landsbanka Íslands samkvæmt afleiðusamningnum ber Baugur Group hf. fjárhagslega áhættu og nýtur fjárhagslegs ávinnings af gengi umræddra hlutabréfa í Teymi. Þórdís J. Sigurðardóttir er stjórnarformaður Teymis en hún er framkvæmdastjóri hjá Baugi Groupi.


 

Ávöxtunarkrafa 10 ára ríkisskuldabréfa hefur hækkað (gengið lækkað) umtalsvert síðastliðnar vikur. Lars Christensen, hagfræðingur hjá Danske Bank, segir mikla fylgni hafa verið milli gengi bréfanna og íslensku krónunnar síðastliðið ár, þannig að  þegar ávöxtunarkrafan hækki hafi gengi krónan lækkað.


 

Diskurinn ehf., sem er Sverrir Berg Steinarsson er stjórnarformaður fyrir, hefur selt 6,64% hlut sinn í 365 til Baugs Group fyrir 980 milljónir króna, samkvæmt frétt til Kauphallarinnar. Um er að ræða 227.848.591 hluti og gengi viðskiptanna er 4,3.


 

Úrvalsvísitalan hækkaði um 0,65% og er 8.165 stig við hádegi, samkvæmt upplýsingum frá Markaðsvakt Mentis. Veltan nam 7,6 milljörðum króna. Þetta var fyrsti dagur Century Aluminum Company á First North markaði íslensku Kauphallarinnar en auðkenni félagsins er Cenx. Nam veltan með bréf þess 40,5 milljónum króna í sex viðskiptum. Atlantic Petroleum hækkaði um 3,77%, Landsbankinn hækkaði um 1,47%, Kaupþing hefur hækkaði um 1,11%, FL Group hækkaði um 0,86% og Atorka Group hækkaði um 0,75%. Mosaic Fashions lækkaði um 4,12% í veltu sem nemur 81,5 þúsund krónum, Össur lækkaðu um 0,95%, Eimskip lækkaði um 0,61%, Straumur-Burðarás lækkaði um 0,48% og Teymi lækkaði um 0,4%. Gengi krónu styrktist um 0,46% og er 114,2 stig.


 

Á morgun opnar Flügger sína áttundu verslun hér á landi undir nafninu Flügger litir. Nýja verslunin er staðsett í  nýbyggingu að Ögurhvarfi 2 í austurhluta Kópavogs og er um 250 fermetrar að flatarmáli að því er kemur fram í tilkynningu.


 

Aukin samkeppni er á innlánavörumarkaði á netinu í Bretlandi og segir á fjármálavefsíðunni Moneyexpert.com að verðstríð sé í uppsiglingu, sem muni verða til þess að innlánavextir á netinu muni fara yfir sex prósentu markið. Sigurjón Þ. Árnason, bankastjóri Landsbankans, segist í samtali við Viðskiptablaðið sem kom út í dag ekki sjá ástæðu til að taka þátt í slíku verðstríði og að Icesave muni halda sig við þá hugmyndafræði sem lagt var upp með í byrjun.Sigurjón segist ekki hafa sérstakar áhyggjur af þessari þróun á markaðinum og bætir við því til stuðnings að talið sé að Icesave fái nú nærri 40% af öllu því sem myndast á innlánaviðskiptum í Bretlandi á internetinu fyrir utan ávöxtun. "Okkar hugmynd er mjög einföld, við bjuggum til mjög góða vöru í upphafi sem selst og við munum bara halda okkur við hana, við erum ekki að fara í verðstríð við einn né neinn. Okkar hugmyndafræði er að hafa þetta einfalt og þægilegt, vera ekkert að hringla mikið í þessu heldur fylgja eftir vel skilgreindum reglum sem við gáfum út í upphafi," segir Sigurjón.Stýrivextir Seðlabanka Englands voru síðast hækkaðir í byrjun maí og eru nú 5,5%, en þeir hafa ekki verið hærri í sex ár. Framkvæmdarstjóri Moneyexpert.com, Sean Gardner, segir að svo virðist sem langt sé síðan 6% innlánavextir voru við lýði í Bretlandi, en þeir muni snúa aftur af miklum krafti á næstu vikum. "Það hafa verið að koma nýjir aðilar inn á innlánamarkaðinn sem hafa boðið upp á betri vexti en aðrir, síðan hafa stýrivextir hafa verið hækkaðir í þokkabót og hefur þetta orðið til þess að nú eru nokkrir innlánareikningar farnir að bjóða upp á 6% vexti," segir Gardner.


 

Frá 1998 til 2007 hafa árleg útgjöld til heilbrigðismála aukist um 34 milljarða króna á föstu verði að því er kemur fram í vefriti fjármálaráðuneytisins. Það jafngildir 57% raunaukningu.


 

Skuldabréfamarkaðurinn var líflegur í gær í kjölfar birtingar Hagstofunnar á tölum um landsframleiðslu á fyrsta ársfjórðungi, segir greiningardeild Glitnis. Landsframleiðsla var nánast óbreytt á fyrsta ársfjórðungi samanborið við sama ársfjórðung árið áður. ?Af viðbrögðum á skuldabréfamarkaði má ráða að markaðurinn geri ráð fyrir lægri stýrivöxtum en áður var reiknað með. Ávöxtunarkrafa bæði verðtryggðra og óverðtryggðra skuldabréfa lækkaði í töluverðum viðskiptum. Krafa ríkisbréfa lækkaði um 2-10 punkta, mest á stysta flokknum RIKB 08 0613. Krafa íbúðabréfa lækkaði um 1-12 punkta, mest á stysta flokknum HFF 14 eða um 12 punkta. Fjárfestar brugðust tiltölulega sterkt við fréttinni því krafa á markaði lækkaði töluvert við opnun en hluti lækkunarinnar gekk til baka þegar líða tók á daginn,? segir greiningardeildin. Hún segir að nýjar landsframleiðslutölur höfðu einnig áhrif á gengi krónunnar. ?Strax við opnun markaða í gær veiktist hún um 1,3%. Sú veiking gekk fljótt til baka og við lokun gjaldeyrismarkaðar í gær nam veikingin aðeins 0,2%. Það sem af er degi hefur krónan styrkst um 0,3% og er gengi krónu nú nánast það sama og var fyrir birtingu landsframleiðslutalnanna. Hins vegar draga hinar nýju tölur úr líkum á að krónan styrkist verulega á ný. Einhver hluti fjárfesta hefur undanfarið gert ráð fyrir að vextir Seðlabanka yrðu óbreyttir fram á næsta ár en það má nú telja mun ólíklegra en áður,? segir greiningardeildin. Stýrivaxtaspá greiningardeildar er óbreytt þrátt fyrir að tölur um landsframleiðslu hafi verið lítillega undir væntingum. ?Ýmsar vísbendingar eru um að hagvöxtur muni heldur taka við sér á örðum ársfjórðungi. Í því sambandi má nefna að greiðslukortavelta hefur aukist, auk þess sem talsverð spenna er enn á vinnumarkaði og fátt sem bendir til að það breytist á næstu mánuðum. Einnig er líklegt að samdráttur í bílainnflutningi verði ekki eins mikill það sem eftir lifir árs eins og var fyrstu mánuði ársins. Síðast en ekki síst er íbúðamarkaður enn líflegri en flestir gerðu ráð fyrir. Allt þetta bendir til að enn sé töluverður eftirspurnarþrýstingur til staðar í hagkerfinu. Við það bætist að undirliggjandi verðbólguþrýstingur er heldur meiri en Seðlabankinn gerði ráð fyrir í síðustu þjóðhags- og verðbólguspá sinni,? segir greiningardeildin.


 

Úrvalsvísitalan hefur hækkað um 0,58% og er 8.160 stig við hádegi, samkvæmt upplýsingum frá Markaðsvakt Mentis. Veltan nemur 5,4 milljónum króna. Í dag er fyrsti dagur Century Aluminum á First North Iceland, sem er hliðarmarkaður fyrir lítil og meðalstór fyrirtæki. Tvö viðskipti hafa verið með félagið og nemur veltan 10,6 milljónum króna. Atlantic Petroleum hefur hækkað um 4,72%, Landsbankinn hefur hækkað um 1,33%, Atorka Group hefur hækkað um 0,75%, Kaupþing hefur hækkað um 0,74% og FL Group hefur hækkað um 0,68%. Össur hefur lækkað um 0,48%, Bakkavör Group hefur lækkað um 0,29%, Teymi hefur lækkað um 0,2%, Icelandair Group sem og Icelandair Group hafa lækkað um 0,18%. Gengi krónu hefur styrkst um 0,34% og er 114,3 stig.


 

Í viðtali við Viðskiptablaðið í dag segist Björgvin G. Sigurðsson viðskiptaráðherra stefna að endurskoðun allrar neytendalöggjafar í landinu.  "Eins og ég nefndi áðan þá eru neytendamálin einn þeirra þátta sem ég ætla mér að efla mjög verulega í þessu ráðuneyti. Ég ætla í fyrsta lagi að endurskoða alla neytendalöggjöf í landinu með það að markmiði að þeir verði mun upplýstari um lagaleg réttindi sín," segir Björgvin í Viðskiptablaðinu.


 

Heildarafli íslenskra skipa í nýliðnum maímánuði var 11% minni en í maí 2006 og það sem af er árinu hefur hann dregist saman um 3% miðað við sama tímabil 2006, sé hann metinn á föstu verði. Þetta kemur fram í tilkynningu frá Hagstofunni. Aflinn nam alls 142.064 tonnum í maí 2007 samanborið við 180.631 tonn í maí 2006. Þorskafli dróst saman um tæplega 300 tonn, ýsuaflinn dróst saman um 1.700 tonn og ufsaaflinn jókst um rúmlega 1.000 tonn, og heildarafli botnfiska dróst saman um tæp 5.900 tonn frá maímánuði 2006 og nam tæpum 48.300 tonnum.


 

Í opnu bréfi sem 57 hagfræðingar skrifuðu til forseta Írans, Mahmoud Ahmadinejad, er efnahagsstefna ríkisstjórnar hans harðlega gagnrýnd fyrir að setja "velferð til skemmri tíma" í forgang í stað þess að móta raunverulega stefnu sem myndi skapa forsendur fyrir stöðugum og viðvarandi hagvexti í landinu til lengri tíma litið. Í staðinn hefur Ahmadinejad iðulega tekið þann pól í hæðina að ráðast fremur í illa undirbúin skammtímaverkefni til að skapa sér vinsældir og pólitískan stuðning á meðal almennings. Sumir hagfræðingarnir sem settu nafn sitt við bréfið gegndu háttsettum stöðum innan embættismannakerfisins í valdatíð forvera Ahmadinejad, Mohammad Khatami, sem var forseti Írans á árunum 1997 til 2005. "Kostnaðurinn af því að framfylgja núverandi efnahagsstefnu - sem er ekki byggð á neinum vísindalegum grunni - hefur verið gríðarlega hár og er óafturkallanlegur", segir í bréfi hagfræðinganna. Þrátt fyrir að opinberar tölur segi að verðbólga hafi mælst 13,6% á síðasta ári þá efast margir stórlega - meðal annars hagfræðingarnar - um hversu áreiðanlegar þær tölur séu. Í frétt Financial Times í gær er greint frá því að það sé nær að halda því fram að verðbólga sé yfir tuttugu prósent, á meðan atvinnuleysi háskólamenntaðra er í kringum 25%. Falsaðar hagtölur stjórnvalda Í gagnrýni hagfræðinganna er sagt að ríkisstjórn Ahmadinejad hafi virt að vettugi öll einföldustu lögmál hagfræðinnar. Spá þeir því að ef ekki verði gerð breyting á núverandi efnahagsstefnu hennar muni það aðeins enda á einn veg; með alvarlegri efnahagskrísu. Á fréttavef breska ríkisútvarpsins (BBC) segir að húsnæðisverð í Íran hafi næstum tvöfaldast í verði á síðasta ári, auk þess sem matarverð hækki umtalsvert í hverri viku. Hagfræðingarnar segja að í stað þess að birta rétta greiningu á efnahagsástandi landsins þá neiti stjórnvöld að horfast í augu við stærð vandans og birti fremur sínar eigin hagtölur, í því augnamiði að gefa upp skakka mynd af veruleikanum. Það hefur engu breytt - jafnvel gert ívið verra ef eitthvað er - þótt olíutekjur íranska ríkisins hafi aukist umtalsvert á undanförnum tveimur árum vegna hækkandi heimsmarkaðsverðs. Ráðamenn í Teheran hafa haldið því fram að í valdatíð Ahmadinejad hafi skapast tvær milljónir nýrra starfa. Hagfræðingarnar benda hins vegar á að öll þau störf hafi verið búin til með því að stjórnvöld hafi veitt almenningi niðurgreidd lán til að koma á fót litlum fyrirtækjum. Í frétt Financial Times segir að fjölmargir bankar í Íran hafi miklar áhyggjur af áætlun þarlendra stjórnvalda um að skylda bæði banka í eigu hins opinbera og einkabanka til að veita lán á alltof lágum vöxtum: Ahmadinejad hefur krafist þess að ríkisbankarnir lækki vexti sína úr 14% í 12% og að einkabankar lækki þá í sömu tölu úr 17%. Þessi vanhugsaða efnahagsstefna stjórnvalda hefur gert það að verkum að mikið af fjárfestum hefur kosið að setja fjármuni sína í fasteignir og gull, auk þess sem margir hverjir hafa einfaldlega tekið þá ákvörðun að flytja fjármagn sitt úr landi. Sjá nánar í Viðskiptablaðinu í dag.


 

Barclays vinnur að því þessa dagana að undirbúa áætlun sem miðar að því að legga fram nýtt og betra yfirtökutilboð í ABN Amro, sem mun innihalda ákveðið hlutfall peninga. Frá þessu greinir Financial Times í gær, en í yfirtökutilboði breska bankans sem ABN samþykkti 23. apríl síðastliðinn var einungis gert ráð fyrir því að fjármagna yfirtökuna á ABN með því gefa út ný hlutabréf í Barclays. Stjórnendur Barclays vildu ekki tjá sig um málið, að því er fram kemur á fréttavef breska ríkisútvarpsins (BBC). Barclays gerir sér grein fyrir því að hann mun líkast til þurfa að endurskoða tilboð sitt í ABN til að sigra RBS-hópinn - Royal Bank of Scotland, Fortis og Santander - í baráttunni um að ná yfirráðum í hollenska bankanum. Tilboð RBS-hópsins var um ellefu prósentum hærra heldur en tilboð Barclays og einnig var gert ráð fyrir því að það yrði fjármagnað að 79% hluta með peningum. Hins vegar verða stjórnendur Barclays einnig að hafa í huga viðvaranir sumra hlutahafa bankans undanfarin misseri um að það væri mjög óráðlegt að leggja fram hærra tilboð í ABN, en þeir óttast að verðstríð á milli Barclays og RBS-hópsins yrði til þess að skaða bankann. Stjórnendur Barclays telja sig vera að koma til móts við þá hlutahafa sem hafa lagst gegn því að bankinn geri hærra tilboð í ABN, með því leggja það til að breyta tilboðinu í þá veru að koma inn með peninga í stað þess að fjármagna það einvörðungu með nýjum bréfum í Barclays. Þetta hefur Financial Times eftir heimildarmönnum sínum sem vel þekkja til málsins. Leita að samstarfsaðila? Það er ekki búist við því að Barclays taki ákvörðun um að endurskoða tilboð sitt fyrr en það verður ljóst hvort yfirtökutilboð RBS-hópsins getur orðið að veruleika - en það veltur á því hvort hópnum takist að leysa deiluna við Bank of America (BofA) um framtíð LaSalle, sem er bandarískur smásölubanki í eigu ABN. Hollenski bankinn hafði samþykkt að selja LaSalle til BofA fyrir 21 milljarð Bandaríkjadala sem hluta af samkomulaginu við Barclays, en hluthafar ABN snérust síðan gegn þeirri sölu. Það er núna undir hollenskum dómstól komið hvort hluthafar ABN fái tækifæri til að greiða atkvæði um söluna á LaSalle og má vænta úrskurðar þess efnis um miðjan júlímánuð. Ef dómstóllinn úrskurðar hluthöfum ABN í hag er talið næsta víst að stjórnendur Barclays telji sig knúna til að leggja fram nýtt tilboð í ABN Amro. Sérfræðingar telja að með því að koma inn með peninga í yfirtökutilboð sitt í ABN gæti Barclays tekist að höfða til þeirra vogunarsjóða sem eiga stóra hluti í bankanum. Í frétt Dow Jones-fréttastofunnar í gær er hins vegar á það bent að það sé ólíklegt að öðrum en skammtímafjárfestum á borð við vogunarsjóði þykji slíkt tilboð sérstaklega spennandi í ljósi þess hversu mun betra tilboð RBS-hópsins er. Af þeim sökum hafa sumir greiningaraðilar velt því fyrir sér hvort Barclays muni íhuga að leita að samstarfsaðila sem myndi gera bankanum kleift að leggja fram verðmætara tilboð heldur en það sem RBS-hópurinn hefur gert.


 

Hlutabréf hækkuðu í Kauphöllinni í New York eftir að markaðir opnuðu í gær í kjölfar þess að hagtölur sýndu mun meiri aukningu í smásölu í maí en væntingar voru um. Á sama tíma jafnaðist ávöxtunarkrafan á tíu ára ríkisskuldabréf en hún hafði hækkað deginum áður og hafði ekki verið hærri í fimm ár. Sú þróun varð til þess að hlutabréf lækkuðu sama dag. Smásala jókst um 1,4% í maí og almennt hafði verið gert ráð fyrir 0,7% vexti og hefur ekki hækkað meira síðan að hún jókst um 3,3% í janúar í fyrra. Hækkunin varð til þess að slá á ótta manna að neysla kynni að dragast saman á næstu mánuðum sökum samdráttar á fasteignamarkaði og vegna hins háa orkuverðs. Neysla stendur undir tveimur þriðju af þjóðarframleiðslu Bandaríkjanna. Ávöxtunarkrafan á tíu ára ríkisskuldabréfum var í um 5,23% í gær og er um að ræða lækkun frá því á þriðjudag. Sérfræðingar telja að hræringarnar á ávöxtunarkröfunni á tíu ára bréfunum megi rekja til að hún hafi einfaldlega verið of lág um að leiðréttingu hafi verið að ræða og núverandi gildi endurspegli betur hagkerfið. Áframhaldandi stefna á fjármálamörkuðum kann að ráðast á föstudag en þá verður nýjasta verðbólgumæling í Bandaríkjunum. Mat manna á því hvert stýrivextir kunni að stefna næstu misseri munu ráðast af þeim tölum. Financial Times hefur eftir Marc Pado, aðalmarkaðssérfræðing Contor Fitzgerald, að margir hafi trú á því að ávöxtunarkrafan á skuldabréfunum hafi náð hámarki. Hann segir jafnframt að nýjustu tölurnar um neyslu sýni að hlutabréf þoli hærri ávöxtunarkröfu á skuldabréfum. Hinsvegar bendir hann á að þróunin kann að verða önnur sýni hagtölur á föstudag að verðbólgustigið sé umfram væntingar.


 

Kanadíska álfyrirtækið Alcan íhugar nú meðal annars að gera gagntilboð í samkeppnisaðilann Alcoa og koma þannig í veg fyrir að óvinveitt yfirtökuboð Alcoa, sem hljóðar upp á um 1.750 milljarða króna, nái fram að ganga, segir í frétt Dow Jones. Forstöðumaður framkvæmdasviðs Alcan, Christel Bories, sagði að gagntilboð væri einn þeirra möguleika sem fyrirtækið væri nú að skoða, en tók jafnframt fram að fjölmargir möguleikar væru nú í stöðunni. Meðal þeirra möguleika munu vera að ganga til liðs við önnur fyrirtæki í samruna og hafa BHP Billiton, Rio Tinto og Norsk Hydro verið nefnd í því samhengi. Hún sagði þá að tilboð Alcoa væri ekki hagstætt og að málið snúist ekki einungis um verð. Hún segir tilboðinu fylgja íþyngjandi skilyrði og á framkvæmd samrunans væru margir fyrirvarar, jafnvel þótt viðurkennt sé að samlegðaráhrif séu til staðar. Hún nefnir í því samhengi að skörun sé í starfsemi fyrirtækjanna og að vandamál kunni að koma upp hjá samkeppnisyfirvöldum. Samruni þessara tveggja félaga, sem bæði eru með starfsemi hér á Íslandi, myndi gera það að verkum að til yrði langsamlega stærsta álfyrirtæki heimsins: Ársvelta sameinaðs fyrirtækis myndi vera um 54 milljarðar dollara, framleiðslugetan væri um 30 milljónir tonna af áli og starfsmenn yrðu 188 þúsund talsins í 67 löndum. Alcoa lagði fram yfirtökuboð í Alcan þann 7. maí síðastliðinn sem hljóðar upp á 58,6 Bandaríkjadali og 0,4108 hlut í Alcoa fyrir hvern hlut í Alcan og metur það fyrirtækið nú á um 1.750 milljarða króna. Tilboðið rennur út 10. júlí. Framkvæmdarstjóri Alcoa, Alain Belda, hefur gefið til kynna að fyrirtækið hafi lítinn vilja til að hækka yfirtökuboðið. "Í augnablikinu tel ég að tilboðið sé sanngjarnt og væri mér meinilla við að það yrði hækkað á þessu stigi máls," segir Belda. Hann segir að hlutabréfaverð Alcan sé of hátt núna og muni leiðréttast á næstunni. Því segist hann muni láta málið spilast út og hann sé nokkuð sannfærður um að yfirtakan takist. Hann segir einnig að hækkun hlutabréfaverðs sem verður iðulega í kjölfar yfirtökutilboðs, hafi þegar verið innifalin í gengi Alacan þegar tilboðið var lagt fram, þar sem orðrómur um yfirtöku á bæði Alcan og Alcoa hafi verið í gangi mörgum mánuðum áður.


 

Skandinavíska flugfélagið SAS tilkynnti í gær að það hyggðist selja eignahluti sína í þremur flugfélögum: Spanair, bmi og Air Greenland. Er þessi ákvörðun gerð með það að markmiði að hagræða í rekstri flugfélagsins, en áætlun fyrirtækisins gerir ráð fyrir því hagnaður SAS fyrir skatta upp hækki í 4 milljarða sænskra króna allt til ársins 2011og á sama tíma að draga úr rekstrarkostnaði um 2,8 milljarða sænskra króna. Margir greiningaraðilar hafa mælt með því að SAS, fimmta stærsta flugfélagið í Evrópu miðað við farþegafjölda, beindi sjónum sínum í ríkara mæli að skandinavíska markaðinum. Það er talið að fyrirhuguð sala félagsins á eignahlutunum þremur muni veita SAS um 5 til 6 milljarða sænskra króna, en sú fjárhæð ætti að duga langt til þess að greiða niður skuldir og endurnýja gamlan flugvélaflota. Að auki er gert ráð fyrir því skera niður í stjórnunarkostnaði og flytja höfuðstöðvar félagsins frá Stokkhólmi, en ekki hefur hins vegar enn verið gefið upp hvar hinar nýju höfuðstöðvar muni verða.


 

Santander Central Hispano, stærsti bankinn að markaðsvirði á Spáni, staðfesti í gær að hann hyggðist selja fasteignir sínar á Spáni. Markaðsvirði fasteignanna - um fjörutíu talsins - er í kringum fjórir milljarðar evra. Höfuðstöðvar bankans sem eru til húsa í miðborg Santander er eina byggingin sem ekki er gert ráð fyrir að verði seld. Santander hefur greint frá því að áætlunin sé liður í því að fjármagna yfirtökutilboð - sem bankinn tekur þátt í ásamt Royal Bank of Scotland og Fortis - í hollenska bankann ABN Amro.


 

Smásala í Bandaríkjunum jókst um 1,4% í maímánuði, eftir að hafa dregist saman um 0,1% í aprílmánuði. Þetta kom fram í tölum sem viðskiptaráðuneyti Bandaríkjanna birti í gær. Þessi aukning var nokkuð umfram væntingar greiningaraðila, en hagfræðingar höfðu að meðaltali spáð því að smásala myndi aukast um 0,7%. Ekki hefur verið jafn mikill vöxtur í smásölu síðan í janúar á þessu ári, sem gefur tilefni til bjartsýni um að hjöðnun á fasteignamarkaði og hækkandi eldneytisverð muni ekki hafa veruleg áhrif á smásölu þar í landi.


 

Hluthafar danska verslunarrisans Intersport Danmark A/S hafa samþykkt tilboð íslensks fjárfestahóps í félagið. Tilboðið er tvískipt, annars vegar er boðið íIntersport-fyrirtækið og hins vegar í verslanir félagsins. 100% hluthafa í fyrirtækinu samþykktu tilboðið og 89% hluthafa í verslunarrekstrinum. Þetta kemur fram í Viðskiptablaðinu í dag. Fjárfestahópurinn samanstendur af fjárfestingarsjóðnum Kcaj og Straumi-Burðarás Fjárfestingabanka. Kcaj er fjárfestingarsjóður í umsjón fjárfestingarfélagsins Arev sem er að stærstum hluta í eigu Jóns Schevings Thorsteinssonar. Elín Jónsdóttir, framkvæmdastjóri Arev verðbréfa hf., staðfest niðurstöðuna í samtali við Viðskiptablaðið í gær en að sögn hennar er framundan áreiðanleikakönnun sem getur tekið nokkurn tíma þar sem hún nær til hverar og einnar verslunar. Að tilboðinu koma 45 eigendur sem eiga 87 verslanir Intersport í Danmörku. Intersport hefur verið í söluferli undanfarið og eftir að nokkrir aðilar lýstu yfir áhuga sínum var ákveðið að ganga til viðræðna við íslensku fjárfestana. Kcaj hefur fjárfest töluvert í smásöluverslun í Bretlandi og meðal eigenda eru Máttur og JST Holding ehf., sem er í eigu Jóns Schevings Thorsteinssonar.


 

Íslenska farsímafélagið 09 MOBILE hyggst hefja farsímaþjónustu hér á landi og boðar umtalsverða lækkun farsímagjalda. Í tilkynningu kemur fram að 09 sérhæfir sig í að bjóða ódýr farsímagjöld milli landa. 09 hefur nú þegar gengið frá reikisamningum sem tryggja viðskiptavinum 09 farsímagjöld frá 190 löndum sem eru allt að 80% lægri en almennt gerist auk þess sem notendur 09 þurfa ekki að greiða fyrir móttöku símtala í 140 löndum.


 

Í maí nam kreditkortavelta alls 23,8 milljörðum króna, sem jafngildir 7% raunaukningu frá sama mánuði í fyrra. Innlend kreditkortavelta jókst um 5,5% að raungildi en raunaukning erlendrar veltu var öllu meiri, eða ríflega 13%, segir Greiningardeild Glitnis.  Debetkortavelta í innlendum verslunum var rúmlega 17,8 milljarðar króna í maí og dróst saman um tæplega 7% að raunvirði frá sama mánuði í fyrra. Þetta segir Greiningardeildin góða vísbendingu um hvert einkaneysla stefnir. "Töluverðar sveiflur hafa verið milli mánaða í kortaveltu undanfarið, en sé miðað við þriggja mánaða hlaupandi meðaltal kemur í ljós að jafnt og þétt dró úr raunvexti kortaveltu á meginhluta síðasta árs og fyrstu mánuðum þessa árs, en hins vegar hefur orðið lítilsháttar raunaukning á veltunni nú á vordögum. Er það sterk vísbending um að einkaneyslan aukist nú að nýju," segir hún.


 

Vegna mikillar eftirspurnar eftir hlutabréfum í Føroya Banka hefur verið ákveðið að í dag, kl.15 að íslenskum tíma, verði lokað fyrir áskriftir að andvirði 2 milljónir danskra króna og minna.  Þetta kemur fram í tilkynningu.Lokun þessa hluta hlutafjárútboðsins í Føroya Banka er í samræmi við skilmála sem lýst er í útboðslýsingu og í fréttatilkynningu nr.1 frá 4.júní 2007. Þar kemur fram að loka megi fyrir áskriftir að andvirði 2 milljónir danskra króna og minna í almennum hluta útboðsins, óháð öðrum hluta þess, í fyrsta lagi 13.júní 2007.Gert er ráð fyrir að útboðstímabil fyrir stærri hluti í bankanum standi yfir til 19.júní 2007. Fyrirhugað er að upplýsingar um lokaverð í útboði og úthlutun bréfa verði veittar eigi síðar en 20.júní 2007. Gert er ráð fyrir að viðskipti með hlutabréfin í Kauphöll Íslands (ICEX) og hjá Copenhagen Stock Exchange (CSE) geti hafist í kringum 21.júní 2007.


 

segir Gunnar Smári Egilsson


 

Hótel Hvolsvöllur er nú í mikilli uppbyggingu og verið er að stækka hótelið um 26 herbergi á tveim hæðum á mettíma. Óli Jón Ólafsson hótelstjóri segir í samtali við Viðskiptablaðið í dag að mikill hraði sé á þessum framkvæmdum, en vinna hófst við að reisa stækkunina 7. maí og verður stækkunin tekin í notkun 25. júní.


 

Úrvalsvísitalan hefur lækkað um 0,28% og er 8.112 stig við hádegi, samkvæmt upplýsingum frá Markaðsvakt Mentis. Teymi hefur hækkað um 0,4%, Actavis hefur hækkað um 0,23% og Glitnir hefur hækkað um 0,18%. Atlantic Petroleum hefur lækkað um 7,08%, Alfesca hefur lækkað um 0,82%, 365 hefur lækkað um 0,81%, Straumur-Burðarás hefur lækkað um 0,71% og Bakkavör Group hefur lækkað um 0,57%. Gengi krónu hefur veikst um 0,57% og er 115,1 stig.


 

Hf. Eimskipafélag Íslands sendi í dag út formlegt yfirtökutilboð til allra hluthafa Versacold Income Fund að því er kemur fram í tilkynningu til Kauphallarinnar. Eins og áður hefur verið tilkynnt hyggst  félagið bjóða í allt útistandandi hlutafé Versacold fyrir 12,25 Kanadadollara á hlut í reiðufé.


 

Búið er að velja í Úrvalsvísitöluna (OMXI15) fyrir tímabilið 1. júlí 2007 til 31. desember 2007 eins og vakin er athygli á í Morgunkorni Glitnis. Þrjú ný félög koma inn í vísitöluna að þessu sinni; Exista hf., Icelandair Group hf. og Teymi hf. Út falla fjögur félög; 365 hf., Alfesca hf., Atlantic Petroleum P/F og Marel hf.


 

Það var fastlega búist við því að helstu ráðgjafar Bancroft fjölskyldunnar, sem fer með ráðandi hlut í Dow Jones fjölmiðlafyrirtækinu, myndu senda News Corporation, fjölamiðlarisa í eigu Ruberts Murdoch, endurskoðaðar tillögur í lok gærdagsins um hugmyndir að sérstakri stjórn sem hefði það verkefni að tryggja ritstjórnarlegt sjálfstæði Wall Street Journal (WSJ). Hins vegar er enn ekki ljóst hvort þessar tillögur nái að brúa þann ágreining sem ríkir um hvernig farið yrði að því að framfylgja þessum reglum, að því er fram kemur í frétt viðskiptablaðsins WSJ. Fjölskyldan á 24% hlut í Dow Jones en fer með um 62% atkvæða og það er því algjörlega í höndum hennar komið hvort gengið verði að tilboði Murdoch. Ef News Corp. samþykkir tillögur Bancroft fjölskyldunnar væri mikilvægum áfanga náð fyrir Murdoch. Frá því að fjölmiðlafélag hans lagði fram yfirtökutilboð í Dow Jones í síðasta mánuði, sem hljóðaði upp á fimm milljarða Bandaríkjadala og var um 65% yfir markaðsvirði félagins, þá hafa áhyggjur fjölskyldunnar af ritstjórnarlegu sjálfstæði WSJ helst staðið í vegi fyrir því að Murdoch myndi ná yfirráðum í Dow Jones. Bancroft fjölskyldan hefur hingað til sett það sem skilyrði fyrir því að viðræðunum yrði haldið áfram að náð verði samkomulag um formlegar reglur sem myndu vernda ritstjórnarlegt sjálfstæði WSJ, auk þess sem fjölskyldan hefur talað fyrir því að tryggt verði að fréttadeild blaðsins muni hafa öfluga rödd innan stjórnarinnar. Vilja ganga lengra en í tilfelli Times Náist samkomulag á milli Bancroft fjölskyldunnar og Murdoch um þessi tilteknu atriði verður fyrst hægt að fara að ræða önnur málefni - meðal annars um kaupverðið - og í kjölfarið gæti fjölskyldan beðið stjórn Dow Jones um að hefja formlegar yfirtökuviðræður við News Corp. Sjá nánar í Viðskiptablaðinu í dag.


 

Þungavigtarmenn í bresku viðskiptalífi hafa gagnrýnt Tony Blair, forsætisráðherra landsins, fyrir að hafa látið í ljós áhyggjur yfir fjárfestingaumhverfi Rússlands, jafnvel þótt að dæmi um séu um að stjórnvöld í Moskvu hafi söðlað undir sig eigur erlendra fyrirtækja í orkugeiranum. Í aðdraganda leiðtogafundar átta helstu iðnríkja heims (G8) í Þýskalandi í síðustu viku lét Blair þau orð falla að hætta væri á því að erlendir fjárfestar litu framhjá Rússlandi ef stjórnvöld í Moskvu tileinkuðu sér ekki vestræn lýðræðisgildi. Ekki er að sjá af ummælum þeirra fulltrúa alþjóðlegra stórfyrirtækja sem sóttu viðskiptaráðstefnu sem var haldin í St. Pétursborg um helgina að þeir deili áhyggjum Blairs. Haft er eftir Hans Jörg Rudloff, stjórnarformanni Barclays Capital, í Financial Times að breska ríkisstjórnin hefði rangt fyrir sér með því að lýsa opinberlega áhyggjum yfir stöðu mála í Rússlandi. Umbreyting Rússlands yfir í markaðshagkerfi hafi tekist og af þeirri braut verður ekki snúið. Peter Hambro, framkvæmdastjóri Peter Hambro Mining sem hefur mikil umsvif í Rússlandi, tekur í sama streng og segir ummæli Blairs hugsanlega skaðleg fyrir breska viðskiptahagsmuni í landinu. Hann segir að breska utanríkisþjónustan hafi skapað athafnamönnum vandræði undanfarnar vikur og bætir við að afstaða viðskiptalífsins til Rússlands sé allt önnur en Blairs. Eitthvað virðist vera til í því þar sem að fram kom í máli Vladímír Pútíns, forseta Rússlands, á viðskiptaþinginu að erlend fjárfesting hafi verið tæplega þrefalt meiri á fyrsta ársfjórðungi þessa árs en á sama tíma og í fyrra. Auk ummæla Blair hefur verið spenna á milli breskra og rússneskra stjórnvalda vegna rannsóknarinnar á dauða Alexander Lítvínenkó - en stjórnvöld í London vilja að Rússinn Andrei Lúgóvoj verði framseldur til Bretlands þar sem að þau segjast hafa næg sönnunargögn til þess að ákæra hann fyrir morð á fyrrum leyniþjónustumanninum. Sjá nánar í Viðskiptablaðinu í dag.


 

Jose Manuel Barroso, forseti framkvæmdastjórnar Evrópusambandsins (ESB), telur Bandaríki Evrópu vera óraunhæft markmið og að stjórnarskrá sambandsins fáist ekki samþykkt nema að hún verði einfalt plagg sem innihaldi engar vísanir í sameiginleg þjóðartákn. Í viðtali við blaðið International Herald Tribune, sem birtist í gær, spáir Barroso að stjórnarskrá sambandsins muni á endanum verða samþykkt. Hann sagði koma vel til greina að einstaka þjóðir gætu hafnað þátttöku í einstaka hlutum samkomulagsins að stjórnarskrárdrögunum en varaði ríkisstjórnir í löndum sem hafa verið tortrygginn gagnvart of djúpum samruna að skortur á vilja til þess að gera málamiðlanir kunni að grafa undan þeim þáttum Evrópusamrunans sem þau telja sig hagnast hvað mest á. Í viðtalinu kemur fram að Barroso notaði orðið "stjórnarskrá" samhliða orðinu "samningur" um væntanleg drög sem eiga meðal annars að einfalda ákvörðunartökuferli innan sambandsins. Hinsvegar sagði hann að ESB þættist ekki vera ríki og myndi ekki verða að slíku í fyrirsjáanlegri framtíð. Drögin að stjórnarskrá ESB, sem áttu að straumlínulaga ákvörðunartökuferlið og auka getu sambandsins til þess að mæla með einni röddu á vettvangi alþjóðamála, var hafnað í þjóðaratkvæðagreiðslu í Frakklandi og Hollandi árið 2005. Síðan þá hefur allt verið á huldu með framtíðarskipan sambandsins en flestir eru sammála um að til breytinga þurfi að grípa til þess að það geti starfað með skilvirkari hætti. Margir eru fullir efasemda um að rétt sé að fara þá leið að innleiða stjórnarskrá til þess að ná þeim markmiðum og telja samning, líkt og þann er kenndur er við Maastricht í Hollandi, geti náð fram þeim markmiðum. Þjóðverjar fara nú með forystu innan ESB og hefur Angela Merkel kanslari lagt mikla áherslu á að aðildarríkin komi sér saman um drög að nýjum samningi og að hann verði samþykktur á leiðtogafundi sem fer fram í Brussel 21.-22. júní. Sjá nánar í Viðskiptablaðinu í dag.


 

Eftirspurn eftir olíu í heiminum vex hraðar en gert hafði verið ráð fyrir og á sama tíma eykst framleiðsla þeirra ríkja sem ekki tilheyra Samtökum olíuútflutningsríkja (OPEC) ekki jafn hratt og búist var við. Þetta kemur fram í mánaðarlegri matsskýrslu Alþjóðaorkumálastofnunarinnar (IEA) á olíumarkaðnum. Í skýrslunni vara sérfræðingar við því að birgðastaða muni versna á síðari hluta ársins og hvetur OPEC til þess að bregðast við því með því að auka framleiðslu sem fyrst. Talsmenn OPEC hafa áður vísað á bug að ákvörðun verði tekin um framleiðsluaukningu áður en olíuráðherrar aðildarríkjanna funda í Vínarborg í Austurríki í marsmánuði. Hugsanlegt er þó að breyting verði á þeirri afstöðu því að Financial Times hafði eftir Abdalla El-Badri, framkvæmdastjóra samtakanna, að ákvörðun um framleiðsluaukningu á næstu misserum myndu velta á stöðu birgða.


 

Verðbólga hefur ekki mælst minni á Bretlandseyjum í átta mánuði samkvæmt hagtölum sem voru birtar í gær. Samkvæmt mælingunni var verðbólga milli apríl og maí 0,3% sem samsvarar 2,5% á ársgrundvelli en hún var í 2,8% í apríl. Samkvæmt hagstofu Bretlands má rekja lækkunina fyrst og fremst til lægra verðs á gasi til húshitunar og lægra raforkuverðs. Auk þess hafði lægra verð á matvörum, eins og grænmeti og kjöti, áhrif. Á móti kom að verð á flugfargjöldum, sérstaklega yfir Atlantshafið, fór hækkandi. Þrátt fyrir að verðbólga fari minnkandi telja flestir hagfræðingar að stjórnendur Englandsbanka muni hækka vexti á þriðja ársfjórðungi í 5,75%. Þeir hækkuðu vexti síðast í maí í 5,5% og hafa þeir ekki verið jafn háir í sex ár. Verðbólga er enn yfir 2% marki Englandsbanka og á fundi í Wales á mánudagskvöld sagði Mervyn King seðlabankastjóri að hann óttaðist að verðbólga yrði treg til þess að falla að 2% mörkunum nema að það hægði á þáttum eins neyslu, fjárfestingu og vexti peningamagns í umferð. Fleiri taka undir áhyggjur seðlabankastjórans. Financial Times hefur eftir Howard Archer, hjá greiningafyrirtækinu Global Insight, að breska hagkerfið sé ekki laust við verðbólguþrýsting inn og allar líkur séu á annarri vaxtahækkun og telur að hún gripið verði til hennar í síðasta lagi í ágúst.


 

Það kom í ljós í síðasta mánuði að þrír verðbréfamiðlarar norræna fjárfestingabankans Carnegie gáfu upp meiri hagnað af verðbréfaviðskiptum sínum en efni stóðu til á árunum 2005 til 2007, en á tímabilinum var uppgefinn hagnaður af viðskiptum þeirra 5,7 milljörðum króna hærri en raun var. Þetta varð til þess að Carnegie þurfti að viðurkenna að hafa ofáætlað hagnað sinn um tvo milljarða króna. Ríkisstjórn Svíþjóðar hefur af þessu tilefni skrifað bankanum formlegt bréf þar sem farið er fram á útskýringar á því hvernig þetta gat gerst og að tryggt sé að það muni ekki gerast aftur. Slíkar bréfaskriftir samræmast ekki hefðbundnum verkferlum og þykir undirstrika að ríkisstjórninni sé umhugað um tengsl sín við Carnegie í sambandi við einkavæðingarferli í Svíþjóð sem nú stendur yfir. Carnegie er einn af níu fjárfestingarbönkum sem ríkisstjórnin hefur fengið til liðs við sig til ráðgjafar í einkavæðingarferlinu, en fyrir það mun Carnegie fá rausnarlega þóknun. Bankinn veitti aðstoð við sölu á 8% hlut í fjarskiptafyrirtækinu TeliaSonera og hefur verið skipaður ráðgjafi við sölu á 6,6% hlut ríkisins í OMX kauphöllinni. En sem kunnugt er hefur Nasdaq gert yfirtökuboð í kauphöllina. Ráðgjafi ríkisstjórnarinnar í einkavæðingarferlinu, Karin Forseke, er fyrrverandi framkvæmdarstjóri Carnegie, en hún lét af störfum í mars á síðasta ári, sem þýðir að hún var við völd hluta þess tíma þegar brotin áttu sér stað. "Þetta er ömurlegt mál, bæði fyrir fyrirtækið og markaðinn, þetta skemmir fyrir öllum," segir Forseke, sem hefur boðist til að aðstoða við rannsóknina. Talsmenn bankans segja að málið sé nú efst í forgangsröðinni og að sérstök nefnd hafi verið sett til að fara yfir málið. Þá hafa átta helstu ráðamenn bankans gefið frá sér bónusgreiðslur ársins vegna málsins, en með því vonast þeir til að tryggja að starfsmenn yfirgefi ekki bankann. Miðlararnir þrír starfa ekki lengur hjá bankanum og hefur Carnegie lagt fram kæru á hendur þeim til lögreglu fyrir fjársvik. Fjármálaeftirlit Svíþjóðar hefur nú málið til rannsóknar og rannsakar meðal annars hvort brot hafi átt sér stað í innra öryggi fyrirtækisins. Ef fjármálaeftirlitið kemst að þeirri niðurstöðu að svo hafi verið, getur það þýtt að bankanum verði óheimilt að taka frekar þátt í einkavæðingarferlinu.


 

Ríkisstjórn Sameinuðu arabísku furstadæmanna vinnur nú að lagafrumvarpi sem myndi gera erlendum fjárfestum leyfilegt að eiga meirihlutaeign í fyrirtækjum þar í landi, fari frumvarpið í gegn, segir í frétt Financial Times. Í dag er erlendum fjárfestum ekki leyfilegt að eiga meira en 49% hlut í flestum tegundum fyrirtækja. Frekari takmarkanir eru svo á vissum tegunda fjármálafyrirtækja, til að mynda er hámarkseignarhlutur erlendra aðila í tryggingarfélögum 25%. Í Dubai og nokkrum öðrum stöðum í furstadæmunum eru þó þar til gerð fríverslunarsvæði sem gera erlendum fjárfestum kleift að fara að fullu með stjórn fyrirtækja sinna, segir í fréttinni. Fjármálaráðherra furstadæmanna, Sheikha Lubna al-Qasimi, segir að með þessum langþráðu fyrirtækjalögum verði fyrirtækjum innan vissra sviða þjónustugeirans leyfilegt að vera að öllu í eigu erlendra fjárfesta. Erlendum aðilum verður einnig heimilt að fara með stærri eignarhluti í fjármálafyrirtækjum. Sameinuðu arabísku furstadæmin hafa þrátt fyrir þessar takmarkanir náð nokkurri velgegni í að laða að sér erlenda fjárfesta fram að þessu. Af þeim erlendu fjárfestingum sem fóru fram í Mið-austurlöndunum árið 2005, nældu Sameinuðu arabísku furstadæmin sér í þriðjungshlut, eða sem samsvarar um 760 milljörðum króna. Stærri aðilar á borð við Alþjóðabankann hafa þó sagt að núverandi fyrirtækjalög þar í landi standi í vegi fyrir að fyrirtæki fari út í stærri fjárfestingar þar. Frumvarpið verður lagt fram til samþykkis í sumarlok og tæki þá gildi fyrir árslok, að sögn Sheikha Lubna. Ummæli Sheikha Lubna um frumvarpið þykja gefa til kynna að ríkisstjórnin sé nú ekki eins frábitin þeirri hugmynd að opna markaði sína. En frísverslunarviðræður milli Bandaríkjanna og Sameinuðu arabísku furstadæmanna skiluðu ekki árangri og slitnaði upp úr þeim fyrr á árinu. Fulltrúar Bandaríkjanna í samningaviðræðunum sögðu að málefni fjármála svo sem eignarhald fyrirtækja og aðgengi að mörkuðum, væru ástæður að baki því að ekki náðist samkomulag.


 

Utanríkisráðherra Írans, Manouchehr Mottaki, sagði í gær að Íranar myndu láta Bandaríkjamenn "iðrast" þess að hafa hneppt fimm landa sína í varðhald, en bandarísk stjórnvöld gruna þá um að hafa séð íröskum uppreisnarmönnum fyrir vopnum. Klerkastjórnin í Teheran heldur því hins vegar fram að mennirnir fimm hafi verið gestir íraskra stjórnvalda, sem hafa einnig kallað eftir því að þeim verði sleppt og Bandaríkjamenn greiði þeim skaðabætur. Mottaki sagði að Íranar væru engu að síður reiðubúnir til að halda áfram viðræðum við bandarísk stjórnvöld um málefni Íraks, sem hófust í síðasta mánuði í Bagdad. Sá fundur markaði fyrstu stjórnmálasamskipti ríkjanna í 27 ár.


 

Jeremy Heywood, yfirmaður fjárfestingabankastarfsemi Morgan Stanley í Bretlandi, hyggst segja skilið við bankageirann og gerast helsti ráðgjafi tilvonandi forsætisráðherra Bretlands, Gordon Brown, í innanlandsmálum. Heywood hafði starfað hjá Morgan Stanley frá því árið 2003, en áður hafði hann gegnt ýmsum háttsettum stöðum á vegum hins opinbera í Bretlandi, meðal annars sem helsti einkaritari Tony Blair á árunum 1999 til 2003.


 

Bandaríska verðbréfamiðlarafyrirtækið Lehman Brothers greindi frá því í gær að hagnaður félagsins á öðrum ársfjórðungi hefði aukist um 27% frá því á sama tíma og í fyrra. Samtals nam hagnaður fyrirtækisins 1,27 milljörðum Bandaríkjadala, eða 2,21 dölum á hvern hlut, og tekjurnar jukust um 25%, upp í samtals 4,97 milljarða dala. Mikill hagnaðar af verðbréfaviðskiptum náði að vega upp á móti minnkandi tekjum af fasteignaviðskiptum. Það er ekki talið líklegt að hjöðnun á fasteignamarkaði muni hafa mikil áhrif á aðra þætti í starfsemi fyrirtæksins. Afkoma Lehman Brothers var mun betri en gert hafði verið ráð fyrir, en að meðaltali höfðu greiningaraðilar spáð því að hagnaður félagins myndi nema 1,88 dölum á hlut. Hlutabréf í fyrirtækinu hækkuðu um tvö prósent í kjölfarið.


 

Bandaríski bílaframleiðandinn Ford staðfesti í gær að fyrirtækið hefðið ráðið til sín ráðgjafa til að aðstoða félagið við að koma Jagúar og Land Rover, sem Ford er eigandi að, í söluferli. Að sögn fyrirtækisins eru allir valkostir uppi á borðinu í því samhengi. Ford hefur ekki enn staðfest hverjir ráðgjafar fyrirtækisins eru, en sá orðrómur hefur verið uppi undanfarna daga að bílaframleiðandinn hafi ráðið til sín Goldman Sachs og Morgan Stanley í því augnamiði að svipast um eftir hugsanlegum kaupendum á Jagúar, Land Rover og einnig Volvo.


 

Netfyrirtækið Google, sem rekur hina vinsælu leitarvél, varði í gær stefnu sína um gagnaöflun fyrir ráðgjafahóp Evrópusambandins (ESB) sem krafðist þess að fá vita af hverju fyrirtækið varðveitti upplýsingar um perónulega leit einstaklinga í 18 til 24 mánuði. Google sagði að það færi að lögum í einu og öllu, en kvartaði jafnframt undan því hversu óskýr lög og reglur sem vörðuðu friðhelgi einkalífsins væru í Evrópu. Það væri því undir ESB komið að bæta úr því áður en Google myndi breyta stefnu sinni.


 

Landsframleiðsla er áætluð sem næst óbreytt að raungildi á 1. fjórðungi þessa árs frá sama tíma árið áður segir í samantekt Hagstofunnar.  Þjóðarútgjöld drógust saman um tæp 10% en útflutningur óx um 17% og innflutningur dróst saman um 12%.


 

Úrvalsvísitalan lækkaði um 0,02% og er 8.135 stig við lok markaðar, samkvæmt upplýsingum frá Markaðsvakt Mentis. Veltan nam 9,6 milljörðum króna. Eimskip hækkaði um 1,47%, FL Group hækkaði um 0,51%, Bakkavör Group hækkaði um 0,43%, Landsbankinn hækkaði um 0,27% og Teymi hækkaði um 0,2%. Atlantic Petroleum lækkaði um 1,83%, Össur lækkaði um 1,41%, Icelandair Group lækkaði um 0,36%, Straumur-Burðarás lækkaði um 0,24% sem og Marel gerði. Gengi krónu styrktist um 0,98% og er 114,4 stig.


 

SPRON hefur gengið frá samningi um stærsta sambankalán í sögu bankans fyrir samtals 200 milljónir evra til þriggja ára að því er kom fram í frétt félagsins.


 

Ljósmyndir og auglýsingar um ferðamannalandið Ísland munu síðar í mánuðinum þekja tveggja hæða almenningsvagn í Peking. Sendiráð Íslands í Peking komst nýverið að samkomulagi við fjölmiðlafyrirtækið Viavom Outdoor Ltd. um að fyrirtækið færði vagninn í íslenskan búning í tengslum við ferðakaupstefnuna Beijing International Tourism Expo (BITE), sem haldin verður dagana 21. til 23. júní næstkomandi.


 

Samkvæmt bráðabirgðatölum byggðum á innheimtu virðisaukaskatts frá Hagstofu Íslands var vöruskiptahallinn í maí 10,9 milljarðar króna sem er svipaður halli og í apríl en tæpum þremur milljörðum minna en á sama tíma í fyrra. Þetta kemur fram í Vefriti fjármálaráðuneytisins. Vöruútflutningur var um 20,3 milljarða króna virði og batnar lítillega sem má að mestu rekja til að álútflutningur virðist aukast á ný eftir að hafa verið í minna lagi í apríl. Þó nær álútflutningur ekki sama flugi og í febrúar og mars. Útflutningur nýrrar verksmiðju Alcoa á Reyðarfirði er hafinn og búist við að hann aukist hratt á árinu. Flutt var inn fyrir 31,2 milljarða króna, sem er aukning um tæpan milljarð frá síðasta mánuði. Bílainnflutningur jókst í maí ásamt eldsneytisinnflutningi en sá liður er mjög sveiflukenndur milli mánaða en einnig jókst matvælainnflutningur nokkuð. Innflutningur á hrá- og rekstrarvörum minnkar á milli mánaða en það má rekja til minni innflutnings á hráefnum til álframleiðslu, en sá liður er einnig sveiflukenndur milli mánaða. Innflutningur á fjárfestingarvörum er svipaður og í apríl, það sama á við um varanlegar og hálf-varanlegar neysluvörur (skór, fatnaður ofl.). Hins vegar eykst innflutningur á óvaranlegum neysluvörum (lyf, tóbak t.d.) lítillega. Innflutningur á skipum og flugvélum var enginn í maí en þeir liðir hafa verið óáreiðanlegir síðustu mánuði sem hefur kallað á leiðréttingar nokkra mánuði aftur í tímann, einkum út af síðbúinni upplýsingagjöf frá fyrirtækjum segir í vefritinu.


 

Polimoon, sem er að fullu í eigu Promens hf, hefur yfirtekið fyrirtækið Dekoplast í Frakklandi. Dekoplast, sem framleiðir umbúðir fyrir snyrtivöru- og lyfjaframleiðendur, er með árlega sölu yfir 17 milljón evrur eða um 1.450 milljónir króna. Yfirtakan er fjármögnuð með lánalínu hjá DnBNOR segir í frétt félagsins.  Rekstur Dekoplast hefur á síðustu misserum verið óviðunandi og fór félagið í greiðslustöðvun í árslok 2006. Dekoplast hefur verið með starfsemi í tveimur verksmiðjum í Frakklandi og hyggst Polimoon sameina starfsemi þeirra í eina. Samhliða þessu verður unnið að framleiðni aukningu í verksmiðjunni og vöruframboð hennar styrkt. Polimoon mun sameina rekstur Dekoplast annarri starfsemi félagsins í Frakklandi og sér mikil framtíðartækifæri í rekstri verksmiðjunnar innan núverandi rekstrar. Yfirtaka þessi styrkir stöðu Polimoon á meginlandi Evrópu enn frekar í framleiðslu plastumbúða segir í fréttinni. ?Ég er sannfærð um að yfirtakan á Dekoplast gefur okkur ýmis tækifæri til að efla starfsemi þess og auka framleiðni. Við munum sameina starfsemi fyrirtækjanna tveggja og styrkja hana með þeirri miklu þekkingu sem er til staðar hjá Promens og Polimoon. Það er því ánægjulegt að okkur tókst að ná samkomulagi um yfirtöku á Dekoplast og mun það efla Polimoon og Promens til lengri tíma litið?. segir Ragnhildur Geirsdóttir, forstjóri Promens í tilkynningu.  Yfirtakan tekur gildi 11. júní 2007. Promens er leiðandi fyrirtæki í plastframleiðslu í heiminum með yfir 60 verksmiðjur í Evrópu, Norður Ameríku, Asíu og Afríku. Fyrirtækið framleiðir mikið úrval umbúða þ.m.t. neytenda-, efna-, lyfja- og matvælaumbúðir auk þess að framleiða plastíhluti fyrir bíla-, þungavinnuvéla- og rafeindaiðnaðinn. Verksmiðjur Promens nýta flestar framleiðsluaðferðir sem þekkjast innan plastiðnaðarins í dag, s.s. sprautusteypu (injection molding), blástursmótun (blowmolding) og vakúmmótun (thermoforming) auk þess að vera stærsti framleiðandi herfisteyptra (rotomolded) plasteininga í heiminum í dag. Promens veltir um 710 milljónum Evra á ári og heildar fjöldi starfsmanna er um 5800. Helstu eigendur Promens eru fjárfestingafélagið Atorka Group hf. og Landsbankinn.


 

DeCODE genetics, móðurfélag Íslenskrar erfðagreiningar, hefur selt og endurleigt húsnæði félagsins í Woodridge í Illinois í Bandaríkjunum. Þessi viðskipti færa félaginu um 18,4 milljónir Bandaríkjadala eða um 1200 milljónir króna.


 

Landsbankinn er talinn hafa haft samband við forsvarsmenn Irish Nationwide Building Society (INBS) með það að augnamiði að bjóða í írska bankann, að því er kemur fram í dagblaðinu Irish Independent. Landsbankinn, sem keypti írska verðbréfafyrirtækið Merrion Capital árið 2005, hefur fengið breska bankarisann HSBC til ráðgjafar við hugsanleg kaup.


 

Úrvalsvísitalan hefur hækkað um 0,13% og er 8.147 stig við hádegi, samkvæmt upplýsingum frá Markaðsvakt Mentis. Veltan nemur 5,4 milljörðum króna. FL Group hefur hækkað um 0,51%, Landsbankinn hefur hækkað um 0,4%, Glitnir hefur hækkað um 0,35%, Exista hefur hækkað um 0,3% og Bakkavör Group hefur hækkað um 0,29%. Atlantic Petroleum hefur lækkað um 0,96%, Straumur-Burðarás hefur lækkað um 0,47% og Össur hefur lækkað um 0,47%. Gengi krónu hefur styrkst um 0,33% og er 115,1 stig.


 

Fjárfestingarsjóðurinn Arctic Ventures, sem að mestu í eigu Íslendinga og er stjórnað af Ragnari Þórissyni, hefur selt allan sinn hlut í sænska netauglýsingarfyrirtækið TradeDoubler. Félagið selur fyrir 215 krónur sænskar á hlut og fær 5 krónu arðgreiðslu til sín.


 

Sala er hafin á íbúðum í 2. áfanga í Skuggahverfi og þar er boðin til sölu 312 fermetra íbúð sem hefur viðmiðunarverðið 230 milljónir króna. Eftir því sem komist verður næst er þetta dýrasta íbúð Íslandssögunnar. Í þessum áfanga er um að ræða 13 íbúðir á efstu hæðum húsanna sem afhentar verða tilbúnar til innréttingar. Þetta kemur fram í Viðskiptablaðinu í dag.


 

afhent við konunglega athöfn í gær


 

Atticus Capital, bandarískur vogunarsjóður sem er talinn eiga um eitt prósent hlut í Barclays, hefur hvatt stjórn breska bankans til að draga yfirtökutilboð sitt í ABN Amro til baka. Ef stjórnin verður ekki við þeirri kröfu mun sjóðurinn greiða atkvæði gegn kaupunum og leggja sig fram um að sannfæra aðra hlutahafa um að gera slíkt hið sama. Í bréfi sem Financial Times komst yfir og birti um helgina, segir stjórnarformaður Atticus, Timothy Barakett, og varaformaður, David Slager, að sjóðurinn telji að tilboð Barclays í ABN sé langt umfram það sem geti talist eðlilegt. Frekari tilraunir Barclays í þá veru að reyna að yfirtaka ABN - með því að hækka tilboð sitt - myndu aðeins "skaða trúverðugleika stjórnenda Barclays og reita hluthafa bankans til reiði", segir í bréfinu. Ókyrrð á meðal hluthafa Barclays Í svari Barclays við bréfi bandaríska vogunarsjóðsins er hins vegar á það bent að skoðanir Atticus endurspegli ekki viðhorf meirihluta hluthafa, sem séu flestir hverjir hlynntir þeirri stefnu sem stjórnendur bankans hafi markað. Markaðurinn brást aftur á móti vel við þessum fregnum af mótmælum Atticus. Gengi bréfa Barclays hækkaði um þrjú prósent sökum þess að talið var að bankanum myndi núna reynast erfiðara en ella að sannfæra hluthafa um nauðsyn þess að leggja fram nýtt og hærra yfirtökutilboð í ABN Amro. Samkvæmt heimildarmönnum bandaríska dagblaðsins Wall Street Journal hafa stjórnendur Atticus tjáð Barclays þá skoðun sína að hlutabréf breska bankans séu vanmetin um þessar mundir, en ef Barclays myndi hins vegar falla frá tilboðinu í ABN væri sennilegt að það myndi gera það að verkum að bréf í félaginu hækkuðu. Nokkrir stórir hluthafar í Barclays á Bretlandi hafa að undanförnu varað stjórn bankans við því að hækka tilboð sitt í hollenska bankann. Í frétt Financial Times kemur fram að hluthafar sem taldir eru eiga yfir tíu prósenta hlut í Barclays hafi sagt stjórnendum bankans að enda þótt þeir séu ekki mótfallnir því yfirtökutilboði sem lagt var fram 23. apríl síðastliðinn, þá muni þeira engu að síður snúast gegn öllum tilraunum í þá veru að hækka það tilboð. Sú vaxandi ókyrrð sem er á meðal hluthafa Barclays endurspeglar þær efasemdir sem ríkja um getu bankans til að standa við yfirtökusamninginn, vegna þess að hann mun líkast til þurfa að hækka tilboð sitt til að sigra RBS-hópinn - Royal Bank of Scotland, Fortis og Santander - í baráttu þeirra um að ná yfirráðum í ABN Amro. Tilboð RBS-hópsins var um ellefu prósentum hærra heldur en tilboð Barclays í ABN sem hljóðaði upp á 64 milljarða evra og verður eingöngu greitt með nýjum bréfum í bankanum, á meðan tilboð keppinautarins er að 79% hluta í peningum. Fundað með hundrað hluthöfum En RBS-hópurinn glímir hins vegar einnig við sín vandamál. Til þess að tilboð bankahópsins geti orðið að veruleika verður að nást samkomulag við Bank of America (BofA) um framtíð bandaríska smásölubankans LaSalle, sem ABN hafði samþykkt að selja til BofA fyrir 21 milljarð Bandaríkjadala sem hluta af samkomulaginu við Barclays. Í síðustu viku slitu RBS og BofA viðræðum sem staðið höfðu á milli bankanna sökum þess að ekki náðist samkomulag um verð sem báðir aðilar væru reiðubúnir að fallast á. Það er núna undir hollenskum dómstól komið hvort hluthafar ABN Amro fái tækifæri til að greiða atkvæði um söluna á LaSalle til BofA og má vænta úrskurðar þess efnis í næsta mánuði. Í frétt Reuters fréttastofunnar er greint frá því að undanfarnar vikur hafi stjórnendur Barclays verið að funda með hátt í hundrað hluthöfum og reynt að sannfæra þá um kosti þess að yfirtaka ABN. Á fundi sem yfirmenn Barclays áttu með stjórnendum Atticus tókst þeim hins vegar ekki að fá sjóðinn til að skipta um skoðun. Financial Times hefur eftir Slager, varaformanni stjórnar Atticus, að sjóðurinn vilji fremur að Barclays fjárfesti í BarCap og BGI, en að öðrum kosti eigi bankinn að greiða hluthöfum sínum út meiri arð.


 

Warner Music Group er enn að íhuga hvort það eigi að leggja fram tilboð í breska hljómplötufyrirtækið EMI Group. Í frétt Dow Jones fréttastofunnar er haft eftir heimildarmanni sem vel þekkir til stöðu mála, að félagið muni væntanlega taka ákvörðun um framhaldið á næstu dögum. Hann neitaði jafnframt því sem komið hefur fram í fjölmiðlum undanfarna daga að hluthafar Warner væru mótfallnir að lagt yrði fram tilboð í EMI.


 

Ítalski bifreiðaframleiðandinn Fiat á ekki í viðræðum við bandaríska bifreiðaframleiðandann Ford vegna hugsanlegra kaupa á Jagúar og Land Rover einingum fyrirtækisins. Þetta staðfesti stjórnarformaður Fiat, Luca Cordero di Montezemolo, á fréttaráðstefnu í Mílanó í gær. Uppi hefur verið orðrómur um að Ford hafi ráðið til sín Goldman Sachs og Morgan Stanley í því augnamiði að svipast eftir hugsanlegum kaupendum á Jagúar, Land Rover og einnig Volvo. Einkafjárfestingarsjóðurinn Alchemy Partners neitaði jafnframt fréttum þess efnis að sjóðurinn væri að íhuga að leggja fram 3 milljarða punda tilboð í Land Rover og Jagúar.


 

Forsætisráðherra Belgíu, Guy Verhofstadts, baðst í gær lausnar úr embætti í kjölfar þess að samsteypustjórn hans - frjálslyndir og sósíalistar - biðu ósigur í þingkosningunum þar í landi um helgina fyrir kristilegum demókrötum. Verhofstadt viðurkenndi ósigur sinn á sunnudaginn og sagði að hann myndi núna hverfa úr embætti forsætisráðherra eftir átta ára valdasetu, sökum þess að ljóst væri að almenningur vildi nýjan meirihluta. Kristilegir demókratar fengu 40 sæti af 150 í þinginu og bættu við sig 11 mönnum. Flokkur Verhofstadts, frjálslyndir, tapaði hins vegar átta mönnum og fékk samtals 41 sæti á þinginu. Samstarfsflokkur frjálslyndra, Sósíalistaflokkurinn, hlaut mestu útreiðina í þingkosningunum og missti 14 þingsæti og fékk 34 þingmenn kjörna.


 

Bankastjóri Seðlabanka Evrópu, Jean-Claude Trichet, sagði í gær að aukinn verðbólguþrýstingur á evrusvæðinu ógnaði verðbólgumarkmiði seðlabankans. Í vitnisburði fyrir nefnd Evrópuþingsins um efnahags- og peningamál sagði Trichet að hækkandi heimsmarkaðsverð á olíu og hraðara launaskrið en bankinn hefði búist við, væru á meðal helstu áhættuþáttanna. Þessi varnaðarorð Trichet koma í kjölfar þess að stjórn bankans ákvað í síðustu viku að hækka stýrivexti úr 3,75% upp í 4%.


 

Bandaríska hugbúnaðarfyrirtækið IBM hefur lagt fram yfirtökutilboð í sænska hugbúnaðarfyrirtækið Telelogic, sem hljóðar upp á 745 milljónir Bandaríkjadala. Telelogic sérhæfir sig einkum í þjónustu við fyrirtæki í flugtæknigeiranum, varnar- og öryggismálum, fjarskiptatækni og bílaiðnaði. Samtals starfa um átta þúsund manns hjá Telelogic og á síðasta ári námu sölutekjur fyrirtækisins um 208 milljónum dala. Stjórn Telelogic hefur mælt með því við hluthafa félagsins að þeir gangist við yfirtökutilboði IBM.


 

Rússlandsforseti mælti fyrir því á sunnudag að helstu fjármála- og viðskiptastofnanir heims yrðu stokkaðar upp þannig að skipulag þeirra endurspeglaði í auknum mæli vaxandi mikilvægi nýmarkaða í alþjóðahagkerfinu. Pútín let ummælin falla á viðskiptaráðstefnu í St. Pétursborg um helgina en hana sóttu fleiri en sex þúsund manns og meðal þeirra um hundrað stjórnendur frá stærstu fyrirtækjum heims. Forsetinn gerði að umræðuefni það kerfi alþjóðaviðskipta sem var sett á laggirnar eftir síðari heimstyrjöldina og byggir á stofnunum eins Alþjóðabankanum, Alþjóðagjaldeyrissjóðnum (IMF) og Alþjóðaviðskiptastofnuninni (WTO). Í ræðu sinni sagði forsetinn að núverandi skipulag alþjóðaviðskipta væri "fornt, ólýðræðislegt og þungt í vöfum." Máli sínu til stuðnings benti hann á að fyrir hálfri öld hefðu sjö helstu iðnríki heims staðið fyrir um sextíu prósentum af allri framleiðslu í heiminum, en nú sé sama hlutfall framleitt utan hagkerfa sjö helstu iðnríkjanna. Á sama tíma endurspeglist það hlutfall ekki í stofnunum alþjóðahagkerfisins. Hann sagði að umhverfi alþjóðaviðskipta ætti að byggjast í auknu mæli á svæðisbundnu samstarfi ríkja í stað stofnanavæðingar og að slíkt myndi endurspegla aukna vigt ríkja eins og Rússlands, Brasilíu, Kína og Indlands í alþjóðahagkerfinu og minna vægi Bandaríkjanna, Japans og helstu hagkerfa Evrópu. Auk þess hvatti hann seðlabanka heimsins til þess að halda gjaldeyrisforða sinn ekki eingöngu í evrum og Bandaríkjadölum. Skipulag stofnana eins IMF hefur sætt gagnrýni fulltrúa ýmissa ört vaxandi þróunarhagkerfa að undanförnu sökum þess að valdahlutföllin innan þeirra hafa ekki þótt endurspegla vaxandi vægi hagkerfa eins og þess kínverska og indverska. Margir sérfræðingar telja að verði ekki skipulag þeirra aðlagað að breyttum veruleika muni það verða til þess að grafa undan núverandi mikilvægi þeirra. Lífleg vika Ummæli Pútíns um nauðsyn á breytingu á skipulagi umhverfis alþjóðahagkerfisins komu í kjölfar þess að hann stal senunni á fundi átta helstu iðnríkja heims (G8) í Þýskalandi í síðustu viku. Hann uppskar fordæmingu stjórnmálamanna víðsvegar um heim eftir að hann hótaði því að Rússar myndu beina kjarnorkueldflaugum sínum að skotmörkum í Evrópu á ný létu Bandaríkjamenn ekki af fyrirætlunum sínum um uppsetningu gagneldflaugakerfis í Póllandi og Tékklandi. Mikil spenna ríkir vegna þeirra fyrirætlana en rússnesk stjórnvöld telja að slíku kerfi sé beint gegn þeim. Á sjálfum fundinum stakk Pútín upp á óvæntri lausn á deilunni með því að lýsa því yfir að Rússar gætu sætt sig við að gagneldflaugakerfið yrði staðsett í Aserbaídsjan. Tíu prósenta risi á morgum sviðum En þrátt fyrir að borið hafi á frosthörkum í samskiptum rússneskra stjórnvalda við mörg ríki á Vesturlöndum að undanförnu vegna deilna um eldflaugavarnir og áhyggna manna yfir stöðu lýðræðis í landinu var ekki að sjá á ráðstefnuhaldinu um helgina að forkólfar stórfyrirtækja óttuðust að fjárfesta í landinu. Um hundrað stjórnendur hjá helstu stórfyrirtækjum heims sóttu ráðstefnuna í Pétursborg og funduðu meðal annars fyrir luktum dyrum með Pútín á laugardag. Fram kemur í fréttum erlendra fjölmiðla að skilaboð forsetans til viðskiptaleiðtoganna hafi verið skýr: Rússland er aðlaðandi staður fyrir fjárfestingu. Með þessu er forsetinn að svara þeim sem vara við fjárfestingu í landinu en meðal þeirra sem hafa haft um slík ummæli er Tony Blair, forsætisráðherra Bretlands. Varnaðarorðin eru meðal annars komin til vegna áðurnefndar spennu í samskiptum stjórnvalda í Moskvu við Vesturlönd og vegna þess hve mikil ítök ríkisvaldið hefur í veigamiklum geirum. Aðstoðarforsætisráðherra landsins, Sergei Ívanov sem hefur verið nefndur sem líklegur eftirmaður Pútíns og forsetastól, var einnig á ráðstefnunni. Haft er eftir honum í International Herald Tribune að hann telur að Rússar muni standa un undir tíu prósentum af heimsframleiðslu í geirum eins og kjarnorku, flugtækni, skipasmíði, hugbúnaðarframleiðslu og nanótækni á næstu áratugum en þótt að ríkisvaldið sé að koma á laggirnar fyrirtækjum til þess að leiða þá þróun muni þau samt sem áður eiga gott samstarf með erlendum fyrirtækjum.


 

Japanska hagkerfið óx hraðar en hagkerfi evrusvæðisins og Bandaríkjanna á fyrsta fjórðungi þessa árs samkvæmt endurskoðaðri hagvaxtarmælingu stjórnvalda. Telja sumir sérfræðingar þetta hafa í för með sér auknar líkur á að Japansbanki hækki vexti á næstu mánuðum en aðrir benda á að of langur tími sé liðinn frá fjórðungnum til að tölurnar hafi áhrif á mat stjórnenda Japansbanka. Hlutabréfavísitölur hækkuðu í kauphöllinni í Tókýó í kjölfar þess að það var staðfest að vöxtur hefði verið meiri en fyrstu mælingar gáfu til kynna. Hagvöxtur var um 0,8% á fjórðungnum eða um 3,3% á ársgrundvelli. Fyrstu hagvaxtarmælingar fyrir fjórðunginn sýndu 0,6% vöxt eða um 2,4% hagvöxt á ársgrundvelli en í ljós kom að fjárfesting var meiri en áætlað var í fyrstu og er það var hún sem knúði áfram hagvöxtinn á tímabilinu. Afkoma japanskra fyrirtækja hefur verið góð að undanförnu auk þess sem að fjármagnskostnaður þeirra er lágur og hafa stjórnendur þeirra fjárfest mikið í rekstrinum og það hefur knúið áfram lengsta samfellda hagvaxtarskeið í Japan frá og með lokum seinni heimstyrjaldarinnar. Einkaneysla óx um 0,8% á tímabilinu en hún stendur undir ríflega helmingi af allri þjóðarframleiðslu. Þetta er litlu minna en fyrstu mælingar bentu til en þá mældist vöxtur hennar 0,9%. Gert er ráð fyrir að það hægi um í japanska hagkerfinu á yfirstandandi fjórðungi en hinsvegar er búist við hagkerfið nái að vaxa um 2,1% á árinu.


 

Skotland er það smáríki í Vestur-Evrópu sem stendur sig verst þegar kemur að auðsköpun, menntun, heilsufari og atvinnuþátttöku. Þetta kemur fram í mælingu á svokallaðri velgengnivísitölu sem var gerð fyrir hagsmunasamtök eigenda smárra fyrirtækja á Bretlandseyjum (e. Federation of Small Business [FSB]). Skotland fellur einnig um sæti í lista Efnahags- og framfararstofnunarinnar (OECD) yfir þróuðustu ríki heims og er í því sautjánda. Velgengnivísitalan mælir stöðu mála þegar kemur að auðsköpun, menntun, heilsufari og ástandi á atvinnumarkaði í nokkrum löndum í tíu Evrópuríkjum sem hafa færri en níu milljónir íbúa. Haft er eftir John McLaren, sem gerði úttektina, á fréttavef breska ríkisútvarpsins (BBC) að ástæðuna fyrir slakri frammistöðu Skota megi fyrst og fremst rekja til bágs heilsufars og lágs meðalaldurs íbúa landsins í samanburði við önnur lönd. En þrátt fyrir að heilsufarið sé tekið úr myndinni bendir McLaren á að Skotar yrðu neðarlega listanum eða í fimmta eða sjötta sæti. BBC hefur jafnframt eftir Andy Wilcox, sem starfar hjá FSB í Skotlandi, að niðurstaða úttektarinnar sýni svo ekki svo ekki verði um deilt að Skotland sé "versta smáríki í vesturhluta Evrópu" og brýn nauðsyn sé á því að grípa til aðgerða.


 

Vísitala neysluverðs í júní 2007 er 272,4 stig (maí 1988=100) og hækkaði um 0,52% frá fyrra mánuði. Vísitala neysluverðs án húsnæðis er 246,2 stig, hækkaði um 0,20% frá maí, að því er kemur fram á vef Hagstofunnar.. Síðastliðna tólf mánuði hefur vísitala neysluverðs hækkað um 4,0% en vísitala neysluverðs án húsnæðis um 1,7%. Fastskattavísitala neysluverðs hefur hækkað um 5,8% síðastliðna 12 mánuði. 12 mánaða verðbólga hefur ekki verið lægri síðan í ágúst 2005. Undanfarna þrjá mánuði hefur vísitala neysluverðs hækkað um 2,0% sem jafngildir 8,2% verðbólgu á ári, og 5,0% verðbólgu fyrir vísitöluna án húsnæðisliðar.


 

Forstjóraskipti hafa átt sér stað hjá hugbúnaðarfyrirtækinu HugiAX en Páll Freysteinsson, sem hefur gengt starfi forstjóra um skeið, hefur látið af störfum. Gunnar Ingmundarson hefur tekið við starfi hans. Gunnar hefur starfað sem forstöðumaður hjá félaginu.


 

Úrvalsvísitalan hefur hækkað um 1,18% og er 8.136 stig við lok markaðar, samkvæmt upplýsingum frá M5. Veltan nemur 6,7 milljörðum króna. Atlantic Petroleum hækkaði um 6,87%, Actavis Group hækkaði um 3,9%, FL Group hækkaði um 3,18%, Straumur-Burðarás hækkaði um 1,19% og Landsbankinn hækkaði um 0,94%. Bakkavör Group lækkaði um 0,43%, Alfesca lækkaði um 0,41% og 365 lækkaði um 0,27%. Gengi krónu styrktist um 0,7% og er 115,6 stig.


 

Actavis hefur markaðssett þvagfæralyfið Finasteride í 14 Evrópulöndum og er sala lyfsins nú þegar hafin. Actavis setti lyfið á markað í Þýskalandi, Bretlandi, Hollandi og Danmörku, um leið og einkaleyfið rann út. Actavis hefur markaðssett vel á annað hundrað samheitalyf á hina ýmsu markaði félagsins það sem af er ári, og að því er kemur fram í tilkynningu Actavis er stefnt að því að markaðssetja yfir 500 lyf á árinu öllu. Actavis selur Finasteride undir eigin merkjum í 12 löndum beggja vegna Atlandshafs, en lyfið er einnig selt til þriðja aðila í átta löndum, þar sem það er markaðssett í umbúðum annarra lyfjafyrirtækja. Finasteride, sem er í styrkleikanum 5 mg í töfluformi, er samheitalyf frumlyfsins Proscar® frá frumlyfjafyrirtækinu MSD, en lyfið er notað við góðkynja stækkun í blöðruhálskirtli. Lyfið var þróað á Íslandi, frásogsprófanir voru gerðar í Suður-Afríku og töflurnar eru framleiddar á Indlandi.


 

Fjármálaeftirlitið undirritaði í dag samstarfssamning við bankaeftirlitið í Kína (China Banking Regulatory Commission). Samningurinn tekur til samstarfs um eftirlit og upplýsingaskipti og er annar samningurinn sem Fjármálaeftirlitið gerir við eftirlitsaðila utan EES. Samningurinn er til komin vegna starfsemi Glitnis banka hf. í Kína, en tekur til almenns samstarfs milli eftirlitanna tveggja.


 

Þegar horft er til framtíðar ættu bankar og eftirlitsstofnanir að beina sjónum sínum einkum að útlánaáhættu. Útlán vaxa enn mjög hratt og þótt hlutfall vanskila sé enn lágt getur hraður útlánavöxtur verið vísbending um framtíðarútlanatap. Þetta kom fram á fundi sendinefndar Alþjóðagjaldeyrissjóðsins á fundum með fulltrúum stjórnvalda og atvinnulífsins en sendinefndin hefur verið hér síðustu daga. Almennt er umsögn nefndarinnar um íslenskt viðskiptalíf nokkuð jákvæð.


 

Úrvalsvísitalan hefur hækkað um 0,95% og er 8.118 stig við hádegi, samkvæmt upplýsingum frá Markaðsvakt Mentis. Veltan nemur 3,7 milljörðum króna. Atlantic Petroleum hefur hækkað um 5,85%, Actavis hefur hækkað um 2,72%, FL Group hefur hækkað um 2,65%, Straumur-Burðarás hefur hækkað um 0,96% og Landsbankinn hefur hækkað um 0,94%. Bakkavör Group hefur lækkað um 0,43%, Alfesca hefur lækkað um 0,41% og 365 hefur lækkað um 0,27%. Gengi krónu hefur styrkst um 0,57% og er 115,8 stig.


 

365 hefur selt eigin bréf fyrir 120 milljónir króna, samkvæmt upplýsingum frá Kauphöllinni, til Disksins ehf. en fyrir viðskiptin skipaði Diskurinn ehf. sjötta sætið yfir stærstu hluthafa félagsins.Er þetta í tengslum við það að stjórn 365 ákvað 26. janúar 2007 að auka hlutafé vegna kaupa á Senu ehf. í febrúar 2006.Um er að ræða 24.650.657 hluti, selda á genginu 4,87. Eftir viðskiptin á 365, 104.664.569. hluti.


 

Gnúpur Fjárfestingafélag hefur aukið hlut sinn í FL Group í 20,05% úr 19,69%, samkvæmt upplýsingum frá Kauphöllinni.Um er að ræða 28.440.000 hluti en kaupgengið kemur ekki fram. Lokagengið á föstudaginn var 28,3 og má ætla að verðmæti viðskiptana sé um 805 milljónir króna.Við þetta verður Gnúpur Fjárfestingarfélag stærst í FL Group en Oddaflug, félag í eigu Hannes Smárasonar, forstjóra, ræður yfir 19,8% hlut.BG Capital, félag í eigu Baugs Group, ræður yfir 18,4% hlut. Jón Ásgeir mun setjast í stjórnarformannssæti FL Group en tilkynnt var um það á föstudag. Samhliða því verður hann jafnframt starfandi stjórnarformaður Baugs Group.Hluthafar Gnúps eru eftirtaldir:- Fjárfestingafélagið Brekka í eigu Þórðar Más Jóhannessonar 7,1%


 

Fons Eignarhaldsfélag hefur aukið hlut sinn í Teymi fyrir um 381 milljón króna að markaðsvirði, samkvæmt upplýsingum frá Kauphöllinni. Um er að ræða 76.525.210 hluti, keypta á genginu 4,98 krónur á hlut. Fons og fjárhagslega tengdir aðila eiga 353.952.426 hluti í Teymi. Pétur Már Halldórsson, starfsmaður Fons, situr í stjórn Teymis.


 

Landsbankinn hefur aukið hlut sinn í Teymi í 10,74% úr 9,89%, samkvæmt upplýsingum frá Kauphöllinni. Um er að ræða 30.097.847 hluti en kaupgengið kemur ekki fram. Ef miðið er við lokagengið á föstudag, 5,02, er kaupverðið um 151 milljón króna. Af eignarhlut Landsbankans eftir viðskiptin er um 7,59% eignarhlutur, vegna framvirkra samninga, eða 271.068.727 hlutir.


 

kaupverðið nemur 24 milljörðum króna


 

Vísitala heildarlaunakostnaðar á fyrsta ársfjórðungi þessa árs hækkaði um 2,1% í byggingarstarfsemi og mannvirkjagerð samanborið við sama tímabil árið áður. Vísitalan  lækkaði hinsvegar í verslun og ýmissi viðgerðarþjónustu um 1,7%, í samgöngum og flutningum  um 0,9% og í iðnaði um 0,4%. Þetta kemur fram í tilkynningu frá Hagstofu Íslands.Á sama tímabili hækkaði vísitala heildarlaunakostnaðar án óreglulegra greiðslna um 3,8 % til 5,4%, mest í samgöngum og flutningum en minnst í verslun og ýmissi viðgerðarþjónustu.


 

Stjórn Actavis telur að tilboð Novators, fjárfestingarfélags Björgólfs Thors Björgólfssona, endurspegli ekki raunverulegt virði félagsins og framtíðarmöguleika þess. Þetta kemur fram í tilkynningu til Kauphallarinnar.


 

Úrvalsvísitalan hækkaði um 0,03% og er 8.041 stig við lok markaðar, samkvæmt upplýsingum frá Markaðsvakt Mentis. Veltan nam 11 milljörðum króna. Össur hækkaði um 0,95%, Teymi hækkaði um 0,8%, Atlantic Petroleum hækkaði um 0,65%, Atorka Group hækkaði um 0,25% og Glitnir hækkaði um 0,18%. Alfesca lækkaði um 1,6%, Icelandair Group lækkaði um 1,08%, Eimskip lækkaði um 0,61%, 365 lækkaði um 0,54% og Straumur-Burðarás lækkaði um 0,48%. Gengi krónu veiktist um 0,56% og er 116,5 stig.


 

Persónuvernd hefur veitt Icelandair ehf. leyfi til að miðla ýmsum persónuupplýsingum farþega sinna til heimavarnarráðuneytis Bandaríkjanna. Heimildin er veitt tímabundið og gildir til 31. júlí 2007 að því er kemur fram í frét á heimasíðu Persónuverndar.


 

Fjármálaeftirlitið stendur fyrir morgunverðarfundi næstkomandi mánudag, 11. júní, á Hotel Nordica um útrás íslenskra fjármálafyrirtækja. Í tilefni heimsóknar kínverska bankaeftirlitsins verður sérsaklega fjallað um möguleika og umgjörð kínverska bankamarkaðarins. Formaður kínverska eftirlitsins mun ávarpa fundinn og fjalla um bankastarfsemi í Kína. Lárus Welding, forstjóri Glitnis, mun fjalla um starfsemi Glitnis í Kína og þá möguleika sem bankinn sér á þeim markaði. Jónas Fr. Jónsson, forstjóri FME, mun fjalla um þau áhrif sem útrás fjármálafyrirtækja hefur haft á starfsemi FME og kynna stefnu FME um erlenda starfsemi íslenskra fjármálafyrirtækja. "FME starfar orðið í mjög alþjóðlegu umhverfi. Íslensk fjármálafyrirtæki starfa víða og það gerir auknar kröfur til FME?, segir Jónas Fr. Jónsson ítilkynningu eftirlitsins. "Það er engin spurning að samræmd löggjöf á EES svæðinu auðveldar eftirlitsþáttinn vegna fjármálastarfsemi í Evrópu, hinsvegar eykst flækjustigið þegar fjármálafyrirtækin færa sig inn á aðra markaði þar sem regluumhverfið er ólíkt því sem gerist í Evrópu, td. eins og í tilfelli Kína. Í slíkum tilfellum gera eftirlitsaðilar landanna með sér samstarfssamninga um eftirlit og upplýsingaskipti og er stefnt að því að undirrita einn slíkan með fulltrúum kínverska bankaeftirlitsins nú eftir helgi."


 

Ákveðið hefur verið að auka eigið fé Stoðir Group um 40 milljarða króna frá því sem nú er og stefnt er að skráningu félagsins á OMX Nordic Stock Exchange á næstu tólf mánuðum. Þetta kemur fram í tilkynningu Baugs vegna skipulagsbreytinga.


 

Exorka hefur gengið frá kaupum á þremur leyfum fyrir jarðvarmavirkjanir í Bæjaralandi í Þýskaland. Exorka er dótturfélag Geysir Green Energy en fyrirtækið Exorka var á sínum tíma stofnað af VGK (nú VGK-Hönnun), Útrás og Tækniþingi. Með hin nýju leyfi að vopni getur Exorka byggt orkuver í Þýskalandi með framleiðslugetu upp á allt að 25 megavött á ári. Heildarfjárfesting gæti numið allt að 20 milljörðum króna. Sérstök lög til að stuðla að nýtingu jarðvarma til raforkuframleiðslu voru sett í Þýskalandi árið 2004 fyrir tilstuðlan ríkisstjórnarinnar þar í landi. Samkvæmt lögunum er framleidd raforka með jarðvarma seld frá virkjun á 2,5-földu markaðsverði auk þess að vera niðurgreidd af hinu opinbera.


 

Gunnar S. Sigurðsson tekur við starfi forstjóra


 

Jón Ásgeir Jóhannesson hefur sest í stjórnarformannssæti FL Group, að því fram kemur í tilkynningu. Vegna breytinga á skipulagi Baugs Group hf. hefur Skarphéðinn Berg Steinarsson ákveðið að láta af störfum sem formaður stjórnar FL Group hf. Skarphéðinn mun áfram sitja í stjórn FL Group hf.FL Group er alþjóðlegt fjárfestingarfélag sem sérhæfir sig annars vegar í áhrifafjárfestingum og umbreytingarverkefnum þar sem áhersla er lögð á langtíma fjárfestingar í skráðum og óskráðum félögum og hins vegar í markaðsviðskiptum sem lúta að skammtíma fjárfestingum sem og framkvæmd afleiðu- og verðbréfaviðskipta tengdum eignasafni félagsins.Höfuðstöðvar FL Group eru í Reykjavík en félagið er einnig með skrifstofur í Kaupmannahöfn og London. Það fjárfestir einkum í Norður-Evrópu, aðallega á Norðurlöndum og Bretlandi, en vinnur þó einnig á öðrum mörkuðum. FL Group er skráð á OMX Nordic Exchange í Reykjavík (OMX: FL). Í lok mars 2007 námu heildareignir félagsins 303 milljörðum króna og markaðsvirði þess var 236 milljarðar.Stærstu hluthafar FL Group eru: Oddaflug B.V (19,8%), í eigu Hannesar Smárasonar, forstjóra félagsins; Gnúpur fjárfestingafélag (19,1%); Baugur Group (18,2%) og Icon og Materia Invest (10,7%). Í sumum tilvikum eru hlutir skráðir á nafn íslenskra fjármálafyrirtækja vegna framvirkra samninga.


 

Hlutabréfamarkaðir á Norðurlöndunum hafa lækkað það sem af er degi, samkvæmt upplýsingum frá Euroland. Danska kauphallarvísitalan OMXC hefur lækkað um 1,90% og er 457,3 stig, norska vísitalan OBX hefur lækkað um 1,43% og er 398,24 stig og sænska vísitalan OMXS hefur lækkað um 1,06% og er 400 stig. Viðskiptablaðið ritaði frétt um þetta klukkan hálf tíu í morgun og þá var staðan þannig að danska kauphallarvísitalan OMXC hafði lækkað um 1,61% og er 458,6 stig, norska vísitalan OBX hafði lækkað um 1,48% og er 398 stig og sænska vísitalan OMXS hafði lækkað um 0,64% og er 401,8 stig. Í gær lækkaði hlutabréfaverð í Norðurlöndunum í kjölfarið á ótta við verðbólgu og vaxtahækkanir, samkvæmt upplýsingum frá fréttastofu DowJones. Einnig var orðrómur á markaði um ansi svarta skýrslu frá Morgan Stanley. Íslenskir fjárfestar eiga töluvert undir sér á norrænum hlutabréfamörkuðum og hefur þetta mest áhrif á FL Group sem lækkaði um 2% í gær, samkvæmt upplýsingum frá Markaðsvakt Mentis, Straum Burðarás sem lækkaði um 0,5% og íslensku viðskiptabankana. Í gær lækkaði sænska kauphallarvísitalan lækkaði um 3,8% í gær, norska vístalan OBX lækkaði um 1,3% og stóð í 405 stigum og íslenska Úrvalsvísitalan lækkaði um 0,6% og lauk dagsverki sínu í 8.039 stigum, samkvæmt upplýsingum frá M5.


 

Úrvalsvísitalan hefur lækkað um 0,93% og er 7.964 stig, samkvæmt upplýsingum frá Markaðsvakt Mentis, en erlendir markaðir hafa einnig farið lækkandi. Í gær lækkaði hlutabréfaverð í Norðurlöndunum í kjölfarið á ótta við verðbólgu og vaxtahækkanir, samkvæmt upplýsingum frá fréttastofu DowJones. Einnig var orðrómur á markaði um ansi svarta skýrslu frá Morgan Stanley. Össur er eina félagið sem er grænt og nemur hækkunin 0,95%. Atlantic Petroleum hefur lækkað um 1,87%, Landsabankinn hefur lækkað um 1,62%, Alfesca hefur lækkað um 1,6%, Straumur-Burðarás hefur lækkað 1,43% og Kaupþing hefur lækkað um 1,02%. Gengi krónu hefur veikst um 0,98% um 117 stig.


 

Þegar álverið í Helguvík  verður komið í fulla stærð árið 2015 munu þar starfa 400 starfsmenn og má varlega áætla að auk þeirra myndist a.m.k. tvö afleidd störf utan álversins á móti hverjum starfsmanni í álverinu. Þetta er niðurstaða úttektar sem Samtök atvinnulífsins hafa gert og birt er á heimasíðu þeirra.


 

Í samræmi við starfskjarastefnu Glitnis banka hf., hefur stjórn félagsins samþykkt kaupréttarstefnu vegna þess sem eftir lifir ársins 2007 og ársins 2008. Þetta kemur fram í tilkynningu til Kauphallarinnar.


 

Framvirk staða viðskiptavina bankanna með krónunni jókst nokkuð í síðasta mánuði samfara 5% styrkingu krónunnar, segir greiningardeild Glitnis. ?Velta á gjaldeyrismarkaði var með minna móti í maí og hefur því aukin stöðutaka ef til vill haft meiri áhrif en ella. Seðlabankinn birti í gær tölur um gjaldeyrisjöfnuð bankastofnana og kemur þar fram að framvirk gjaldeyrisstaða bankanna var rúmir 669 milljarða króna í lok maí. Það jafngildir rúmlega 5% aukningu innan mánaðarins á föstu gengi. Krónan naut meðbyrs í mánuðinum enda skammtímavextir óvíða hærri og vaxtamunarviðskipti enn afar vinsæl meðal alþjóðlegra fjárfesta,? segir greiningardeildin. Þessar tölur ná einnig yfir nettóstöðu bankanna sjálfra, enda er tilgangur þeirra meðal annars að fylgjast með frávikum frá jöfnuði hjá bankastofnunum. ?Samkvæmt reglum Seðlabankans mega þessi frávik ekki nema meira en 30% af eigin fé bankanna, en þeir geta þó fengið undanþágu frá þeim mörkum, meðal annars til að verja eiginfjárstöðu sína. Nettóstaða bankanna í erlendum gjaldeyri óx hratt á síðasta ári en litlar breytingar hafa hins vegar orðið á henni það sem af er ári. Staðan nam 229 milljörðum króna í lok síðasta mánaðar, en það jafngildir um það bil fjórðungi af samanlögðu eigin fé viðskiptabankanna þriggja,? segir greiningardeildin.


 

Fer yfir Berlingske, B.T., og Extra Bladet


 

EFTA-löndin hafa gert fríverslunarsamning við KanadaÞetta er fyrsti fríverslunarsamningurinn sem Kanadabúar gera í sex ár, en til samanburðar hafa nágrannar þeirra í Bandaríkjunum gert tólf slíka á tímabilinu. Benedikt Jónsson sendiherra var aðalsamningarmaður Íslands, að því er segir í vefriti viðskiptasviðs utanríkisráðuneytisins. Samningurinn felur í sér niðurfellingu ýmissa tolla á iðnaðarvörur og ýmsum öðrum útflutningsvörum Íslands, til að mynda hrossum, mjólkurvörum og sjávarafurðir. Kanada mun njóta sömu undanþágu og ESB-ríki í útflutningi til Íslands á ýmsum landbúnaðarvörum. Athygli vekur að einnig er í samningnum ákvæði að frumkvæði Íslands, en það snertir tímabundinn aðgang og dvöl lykilstarfsmanna fyrirtækjum og starfsmönnum sem vinna við þjónustu í tengslum við vöruviðskipti. Samningurinn bíður nú undirritunar og fullgildingar á Íslandi sem og í hinum EFTA-ríkjunum.


 

Verðmat greiningardeildar Glitnis á Landsbankanum hækkar í 36 krónur á hlut úr 33 krónum á hlut, samkvæmt verðmati frá lok janúar. Sex mánaða markgengið er 39 krónur á hlut. ?Verðmatsgengið er 1,5% undir gengi á markaði (36,5). Ráðlegging okkar til fjárfesta er að halda bréfum í félaginu horft til langs tíma,? segir greiningardeildin. Hún segir helstu forsendur til hækkunar verðmatsgengis eru að gert er ráð fyrir að yfirtaka Bridgewell gangi eftir og gert er ráð fyrir lækkun eiginfjárbindingar frá og með árinu 2012.


 

OMX Nordic Exchange á Íslandi hefur samþykkt að Landsbanki Íslands verði viðurkenndur ráðgjafi (e. Certified Adviser, CA) á First North Iceland. Þetta kemur fram í frétt frá Kauphöllinni.


 

Velta í dagvöruverslun jókst um 8,8% í maí síðastliðnum miðað við sama mánuð í fyrra, á föstu verðlagi. Á breytilegu verðlagi nam hækkunin 13,2%. Þá nam veltuauking í dagvöruverslun á milli mánaðanna apríl og maí 3,4% á breytilegu verðlagi. Þessi hækkun í maí er athyglisverð því hún á sér stað þó svo að apríl hafi verið páskamánuður sem er alltaf söluhár mánuður í dagvöruverslun segir í frétt  Rannsóknaseturs verslunarinnar.


 

leitar heimildar Persónuverndar


 

Bresk stjórnvöld hafa varað viðskiptalífið þar í landi við þeirri áhættu sem fylgir því að fjárfesta í Rússlandi um þessar mundir. Þetta kemur fram í frétt Financial Times í gær, en yfirlýsing þessa efnis kemur í kjölfarið á því að ráðamenn í Moskvu eru að undirbúa aðgerðir sem miða að því að þjarma að starfsemi erlendra orkufyrirtækja þar í landi. Í sumum tilvikum er jafnvel um að ræða yfirtöku á eignum alþjóðlegra fyrirtækja. Að mati breska utanríkisráðuneytisins fylgir því mun meiri áhætta en áður fyrir bresk fyrirtæki að stunda viðskiptastarfsemi í Rússlandi og til vitnis um það sé fjölmargar vísbendingar. Opinberlega eru varnarorð bresku utanríkisþjónustunnar þau að fyrirtæki sem hyggjast fjárfesta í Rússlandi "ættu ekki að vanmeta þær hindranir sem eru til staðar á þeim markaði". Á sama tíma og Bretar vara fjárfesta við því að eiga í viðskiptum við Rússa, ætlar Tony Blair, fráfarandi forsætisráðherra landsins, að hitta Vladímír Pútín Rússlandsforseta á fundi G8 ríkjanna í Þýskalandi í dag og eiga við hann "hreinskilnar" viðræður, eins og hann orðaði það við fjölmiðla í vikunni. Í samtali við Financial Times sagði talsmaður Blair að það væri aðeins "heilbrigð skynsemi að fyrirtæki fjárfesti aðeins á þeim stöðum þar sem þau trúa því að fjárfestingar sínar séu öruggar." Hann bætti því jafnframt við að Evrópusambandið hefði komið þeim skilaboðum áleiðis til Rússa að þeir þyrftu að hafa lýðræðisleg gildi í hávegum. "Ef ekki, þá mun Rússland ekki laða til sín það erlenda fjármagn sem landið þarf á að halda". Að undanförnu hafa Kremlarbændur ráðist gegn starfsemi breskra orkufyrirtækja í Rússlandi: Ráðandi hlut olíufyrirtækisins Royal Dutch Shell í Sakhalin-2 olíu og gasframleiðsluverkefninu í austurhluta Rússlands sem er metið á 20 milljarða punda og auk þess hótað að segja upp leyfi British Petrol (BP) - og samstarfsfyrirtækja þess - um að vinna olíu og gas á stóru svæði í Síberíu. Það er fastlega gert ráð fyrir því að BP-hópurinn muni missa leyfi sitt í lok þessa mánaðar, þrátt fyrir að félagið vonist eftir því að samningar náist við Gazprom. Spenna í samskiptum þessa tveggja fyrrum heimsvelda hefur verið ört vaxandi eftir að bresk stjórnvöld kröfðu Rússa um að framselja athafnamanninn Andrei Lugovoj vegna morðsins á fyrrum leyniþjónustumanninum Alexander Lítvínenko. Rússar tóku hins vegar fálega í þær kröfur. Í frétt Financial Times er haft eftir einum háttsettum manni innan bankaheimsins að bresk yfirvöld hafi farið að vara bresk fyrirtæki um að stunda viðskipti Rússland í kjölfar þeirra deilna sem spruttu upp á milli þjóðanna vegna morðsins á Lítvínenko. Aukin áhætta við að fjárfesta í Rússlandi og versnandi samskipti ráðamanna í Kreml og Vesturlanda undanfarin ár hafa hins vegar alls ekki dregið úr áhuga erlendra fyrirtækja. Könnun sem hagsmunasamtök fyrir erlenda fjárfesta í Rússlandi létu gera á síðasta ári leiddi í ljós að tekjur þeirra af viðskiptastarfsemi þar í landi hefði aukist um 40% á árinu 2005 og hagnaður um þriðjungs fyrirtækja hefði jafnframt hækkað um 30% á sama ári.


 

Vladímír Pútín Rússlandsforseti sagðist í gær vera reiðubúinn að falla frá andstöðu sinni við fyrirhugað eldflaugavarnarkerfi Bandaríkjamanna í Evrópu ef kerfinu yrði fremur komið fyrir í Mið-Asíuríkinu Aserbaídsjan. Pútin tjáði George Bush Bandaríkjaforseta að hann myndi ennfremur í kjölfarið láta af hótun sinni um að beina kjarnorkuvopnum Rússlands að Evrópu á ný. Áætlanir Bandaríkjanna hafa hingað til miðað við það að eldflaugavarnarkerfið yrði sett upp í Tékklandi og Póllandi, en ráðamenn í Kreml hafa sett sig algjörlega upp á móti því og sagt að uppsetning þess myndi ógna öryggishagsmunum Rússlands. Tillaga Rússlandsforseta kom flestum stjórnmálaskýrendum nokkuð á óvart, en þjóðaröryggisráðgjafi Bush, Stephen Hadley, tók fremur vel í hugmyndir Pútíns og sagði þær vera "áhugaverðar".


 

Jaroslaw Kaczynsky, forsætisráðherra Póllands, hefur gripið fyrir hendur menntamálaráðherra landsins og þar með tryggt að nemendum þar í landi verði áfram skylt að lesa verk eftir meistara á borð við Franz Kafka og Fjodors Dostojevskí. Í síðustu viku tilkynnti Roman Giertych, menntamálaráðherra, að hann hygðist taka verk eftir höfunda eins og Kafka, Dostojevskí, Göethe og Josef Conrad úr kennsluskrá grunnskóla og leggja þess í stað áherslu á verk þjóðlegra eða þá kaþólskra höfunda á Henryk Sienkiewicz. Með þessu vildi hann efla innrætingu þjóðerniskenndar meðal grunnskólanema. Fram kemur í frétt þýska tímaritsins Der Spiegel að mikil reiði hafi brotist út vegna áformanna og gilti einu hvort um var að ræða menningarvita eða foreldra skólabarna. Þau voru sögð minna á þá ritskoðun sem var stunduð meðan kommúnistar voru við völd í landinu. Nú hefur forsætisráðherrann brugðist við og tilkynnt að ekkert verði af þessu. Í útvarpsviðtali í byrjun vikunnar lýsti hann yfir að hin sígildu verk meistaranna yrði áfram á námskránni og hafi áform menntamálaráðherrans verið tilraun til fyndni þá hafi hún mistekist. Giertych menntamálaráðherra tilheyrir stjórnmálaaflinu Samband pólskra fjölskyldna sem berst ákaft fyrir varðveislu íhaldssamra gilda - reyndar með svo miklum ákafa að mörgum þykir nóg um. Ráðherrann er umdeildur og hefur vakið upp reiði meðal margra fyrir að vilja algjört fóstureyðingarbann í landinu og fyrir að ræða um nauðsyn þess að uppræta menningaráhrif samkynhneigðra í grunnskólum landsins.


 

Lægra atvinnuleysi og aukning á ráðstöfunartekjum eru að auka á verðbólguþrýstingi á evrusvæðinu að mati Yves Mersch, sem situr í stjórn Seðlabanka Evrópu og er seðlabankastjóri Lúxemborgar. Þetta kom fram í viðtalið við hann sem birtist í blaðinu Luxemburger Wort. Haft er eftir honum að hraður vöxtur neyslu yki hættuna á verðbólgu. Jafnframt telur hann hagvöxtur á evrusvæðinu verði að meðaltali 2,5% næstu tvö ár. Hann telur áframhaldandi umbætur á hagkerfum svæðisins nauðsynlegar þar sem að framleiðni er ekki enn viðunandi.


 

Hópur einkafjárfestingasjóða hefur lagt 11,4 milljarða Bandaríkjadala yfirtilboð í stoðtækjafyrirtækið Biomet og mælir stjórn þess með að hluthafar taki tilboðinu. Einkafjárfestingasjóðirnir eru Blackstone Group, Goldman Sachs Capital Partners, Kohlberg Kravis Roberts & Co. og TPG.


 

Bandaríkjadalur styrkist lítillega gegn öðrum helstu gjaldmiðlum í gær í kjölfar þess hagtölur bentu til þess að bandarískur atvinnumarkaður stæði traustum stoðum. Tölurnar sýndu að umsóknir um atvinnuleysisbætur fækkaði aðeins vikuna sem endaði þann 2. júní. Dalurinn styrktist einnig aðfararnótt fimmtudags en þá styrkingu má rekja til að stjórnvöld í Suður-Kóreu opinberuðu að Norður-Kóreumenn hefðu gert eldflaugatilraunir á ný. Sérfræðingar benda á að óvissuástand í alþjóðamálum hafi tilhneigingu til þess að leiða til styrkingar dalsins.


 

Toyota bílaframleiðandinn tilkynnti í gær að hafa náð þeim árangri að selja fleiri en eina milljón tvinnbíla. Samkvæmt upplýsingum frá bílaframleiðandanum höfðu 1,047 milljónir bíla selst í maílok. Þriðjungur seldist í Japan og restin erlendis. Eftirspurn eftir tvinnbílum hefur aukist mikið að undanförnu vegna hins háa orkuverðs og aukinnar meðvitundar neytenda um umhverfismál.


 

PepsiAmericas og PepsiCo hafa keypt 80% í úkraínska drykkjarframleiðandanum Sandora en fyrirtækið er stærsti drykkjarframleiðandi landsins. Pepsi borgar 542 milljónir Bandaríkjadala fyrir hlutinn og mun kaupa hin tuttugu prósentin í nóvember. Hermt er að Pepsi hafi haft betur en Coca-Cola í tilboðinu um hlutinn Sandora. Úkraína er sá markaður fyrir drykkjarvörur sem vex hvað hraðast í Evrópu um þessar mundir en í landinu búa 48 milljónir manna.


 

Niðurstaða tveggja daga fundar peningamálanefndar Englandsbanka var að halda stýrivöxtum óbreyttum en þeir eru 5,5%. Fastlega var búist við að nefndin kæmist að þessari niðurstöðu. Hinsvegar búast margir við því að vextir á Bretlandi verði hækkaðir í 5,75% og að jafnvel verði gripið til hækkunarinnar í næsta mánuði.


 

Hlutabréfamarkaðir á Norðurlöndunum hafa lækkað það sem af er degi, samkvæmt upplýsingum frá Euroland. Danska kauphallarvísitalan OMXC hefur lækkað um 1,61% og er 458,6 stig, norska vísitalan OBX hefur lækkað um 1,48% og er 398 stig og sænska vísitalan OMXS hefur lækkað um 0,64% og er 401,8 stig.Í gær lækkaði hlutabréfaverð í Norðurlöndunum í kjölfarið á ótta við verðbólgu og vaxtahækkanir, samkvæmt upplýsingum frá fréttastofu DowJones. Einnig var orðrómur á markaði um ansi svarta skýrslu frá Morgan Stanley.Íslenskir fjárfestar eiga töluvert undir sér á norrænum hlutabréfamörkuðum og hefur þetta mest áhrif á FL Group sem lækkaði um 2% í gær, samkvæmt upplýsingum frá Markaðsvakt Mentis, Straum Burðarás sem lækkaði um 0,5% og íslensku viðskiptabankana.Í gær lækkaði sænska kauphallarvísitalan lækkaði um 3,8% í gær, norska vístalan OBX lækkaði um 1,3% og stóð í 405 stigum og íslenska Úrvalsvísitalan lækkaði um 0,6% og lauk dagsverki sínu í 8.039 stigum, samkvæmt upplýsingum frá M5.


 

Umsókn um heimild til losunar á koldíoxíði barst í gær til Umhverfisstofnunar frá Járnblendiverksmiðjunni á Grundartanga, viku of seint, en eins og skýrt var frá í Viðskiptablaðinu síðastliðinn þriðjudag skilaði verksmiðjan ekki inn umsókn um heimild til losunar innan tilskilins tíma. Þetta kemur fram í Viðskiptablaðinu í dag.


 

miðlun upplýsinga og viðskipta með óskráða fjármálagerninga


 

Úrvalsvísitalan lækkaði um 0,59% og er 8.039 stig, samkvæmt upplýsingum frá Markaðsvakt Mentis. Veltan nam 5,5 milljörðum króna. Marel hækkaði um 0,47% og er eina félagið sem er grænt í dag. Atlantic Petroleum lækkaði um 2,37%, Teymi lækkaði um 1,97%, Icelandic Group lækkaði um 1,49%, Eimskip lækkaði um 0,97% og Össur lækkaði um 0,94%. Gengi krónu hefur veikst um 0,84% og er 115,7 stig.


 

Samkomulag hefur verið áritað milli EFTA ríkjanna og Kanada um fríverslunarsamning milli ríkjanna. Í vefriti utanríkisráðuneytisins kemur fram að samningurinn er hagstæður fyrir Ísland. Samkomulag varð um niðurfellingu tolla á öllum iðnaðarvörum og ýmsum öðrum vörum sem Ísland framleiðir og flytur út. Sem dæmi má nefna sjávarafurðir, hross, lambakjöt, skyr, útivistarfatnað, fiskikör og aðrar vörur úr plasti, vogir, sem og vélar og tæki.


 

Lækkunin í norrænum kauphöllum hefur talsverð áhrif á hlutabréfastokka íslenskra fjárfesta sem gefur að skilja en þeir hafa verið mjög iðnir við að fjárfesta þar. Líklegt er að fyrsta kastið geti þetta haft mest áhrif á FL Group, Straum Burðarás og hina íslensku bankanna.


 

sömuleiðis miklar lækkanir


 

Tryggvi Jónsson hefur fest kaup á ríflega 28% hlutabréfa í Humac ehf., sem á og rekur Apple á Íslandi og á Norðurlöndunum. Þetta kemur fram í tilkynningu. Kaupverðið er ekki gefið upp en Sanderson ehf., sem er félag í eigu Tryggva, kaupir út hluthafana F. Bergsson, Holding ehf. og Hlunn ehf.


 

Landsbankinn hefur aukið hlut sinn í búlgarska símafyrirtækinu BTC og á nú 18,5% hlut í félaginu. Það er Landsbankinn Luxemburg sem er skráð fyrir hlutnum en félagið átti 13,4% samkvæmt hluthafaskrá 28. maí síðastliðin að því er kemur fram í Bulgarian News Digest.


 

Úrvalsvísitalan hefur lækkað um 0,5% og 8.043 stig við hádegi, samkvæmt upplýsingum frá Markaðsvakt Mentis. Veltan nemur 1,7 milljörðum króna. Straumur-Burðarás hefur hækkað um 0,47%, Icelandair Group hefur hækkað um 0,36% og Exista hefur hækkað um 0,3%. FL Group hefur lækkað um 1,38%, Össur hefur lækkað um 0,94%, Landsbankinn hefur lækkað um 0,8%, Kaupþing hefur lækkað um 0,64% og Teymi hefur lækkað um 0,59%. Gengi krónu stendur í stað og er 114,7 stig.


 

Rekstrarniðurstaða Sandgerðisbæjar samkvæmt samanteknum ársreikningi A og B hluta, var neikvæð um 91,7 milljón krónur en rekstrarniðurstaða A hluta var neikvæð um 19,7 milljónir króna samkvæmt ársreikningi. Eigið fé sveitarfélagsins í árslok 2006 nam 400,7 milljónir króna samkvæmt efnahagsreikningi, en eigið fé A hluta 749,8 milljónir króna. Þetta kemur fram í tilkynningu. Starfsemi Sandgerðisbæjar er skipt í tvo hluta. Annars vegar A hluta sem er starfsemi sem að hluta eða öllu leyti er fjármögnuð með skatttekjum og hins vegar B hluta sem eru fyrirtæki að hálfu eða meirihluta í eigu sveitarfélagsins og eru rekin sem fjárhagslega sjálfstæðar einingar. Rekstrartekjur sveitarfélagsins á árinu 2005 námu 773,4 milljónir króna en á árinu 2006 urðu þær 879,9 milljónir króna samkvæmt ársreikningi fyrir A og B hluta, en þar af námu rekstrartekjur A hluta 753,0 milljónir króna. Álagningarhlutfall útsvars var 12,7% en lögbundið hámark þess er 13,03%. Fjölgun íbúa var í Sandgerðisbæ á síðasta ári en á árinu 2005 var hún 9.8% en er nú 8,3%. Í tilkynningu segir að mikil uppbygging er í sveitarfélaginu hjá einstaklingum og fyrirtækjum og munar þar mestu uppbygging við Flugstöð Leifs Eiríkssonar. Um 120 íbúðir eru í byggingu og eru miklar framkvæmdir við vegagerð samfara uppbyggingunni. Fyrirhuguð er viðbygging við íþróttahús og nýbygging 25m útisundlaugar á árunum 2007 og 2008.


 

Mest hætta er á fjármálakreppu á Íslandi af öllum nýmörkuðunum sem greiningardeild fjárfestingarbankans Lehman Brothers fylgist með Þetta kemur fram í nýlegri skýrslu deildarinnar þar sem áhætta á nýmörkuðum er metin á svokölluðum Demóklesarskala (e. Democles index). Ísland hlýtur einkunnina 89 á skalanum, en einkunnin 75 þýðir að þriðjungslíkur séu á fjármálakreppu og 100 helmingslíkur. Næst á eftir Íslandi er Rúmenía sem hlýtur einkunnina 67, en meðaltalseinkunnin er 16. Þetta kemur fram í Viðskiptablaðinu í dag.


 

Leiðandi fjárfestingarbankar á heimsvísu glíma við vaxandi erfiðleika sökum manneklu í kjölfar þeirru miklu fjölgunar sem hefur orðið í samrunum og yfirtökum á fjármálamarkaði. Þetta kemur fram í frétt Financial Times í gær þar sem jafnframt er haft eftir háttsettum framkvæmdastjórum á Wall Street að þessi þróun hafi verulega aukið líkurnar á því að til kostnaðarsamra mistaka muni koma, sökum aukins vinnuálags og þess að lægra settir starfsmenn séu í auknum mæli farnir að taka á sig ábyrgð sem sé langt umfram það sem gæti talist eðlilegt í ljósi lítillar reynslu þeirra.Bankarnir hafa látið hjá líða að ráða til sín nægilega mikið af starfsfólki, meðal annars vegna þess að þeir höfðu ekki trú á því að sá mikli vöxtur sem hefur einkennt fjármálamarkaði undanfarin misseri myndi vara jafn lengi og raunin hefur orðið. Um þessar mundir viðurkenna margir stjórnendur sín á milli að sú staðreynd hafi leitt til þess að skortur sé á hæfu starfsfólki innan bankanna. Þrátt fyrir að vandamálið sé alvarlegt í New York og London, þá segja bankarnir að ástandið sé jafnvel enn verra á mörgum stöðum í Evrópu og Asíu.Financial Times hefur eftir forstjóra hjá einum helsta fjárfestingarbankanum á Wall Street að hann hafi áhyggjur af því að þetta ástand muni gera það að verkum að fólk fari að stytta sér leiðir og hætti að gera viðunandi áreiðanleikakannanir. Slíkt myndi skaða orðspor fyrirtækjanna til lengri tíma.Aukin samkeppni einkafjárfestingar- og vogunarsjóða


 

Milljarðamæringur frá Kaliforníu, Ron Burkle að nafni, hefur stigið fram á sjónarsviðið sem hugsanlegur keppinautur Ruperts Murdoch um að ná yfirráðum í Dow Jones útgáfufélaginu, sem meðal annnars gefur út dagblaðið Wall Street Journal. News Corp., fjölmiðlafélag í eigu Murdoch, lagði fram yfirtökutilboð í Dow Jones í síðasta mánuði, sem hljóðaði upp á fimm milljarða Bandaríkjadala og var um 65% yfir markaðsvirði félagsins. Fréttir af hugsanlegri innkomu Burkle í slaginn um Dow Jones koma degi eftir að Murdoch og fyrirtæki hans hittu í fyrsta skipti fulltrúa á vegum Bancroft fjölskyldunnar, sem á 24% hlut í Dow Jones og fer með 62% atkvæða í félaginu, til að ræða tilboð hans. Í frétt dagblaðsins New York Times er sagt að stærstu starfsmannasamtök Dow Jones hafi átt frumkvæði af því að leita til Burkle. Samtök starfsmanna útgáfufélaga og fjármálaráðgjafi þess, Ownership Associates, höfðu samband við einkafjárfestingarfyrirtæki Burkle, Yacapia Companies, fyrir nokkrum dögum og hefur blaðið eftir heimildarmönnum sem vel þekkja til málsins að Burkle hafi sýnt mikinn áhuga á því að aðstoða samtökin við að finna annan valkost við Murdoch til að leggja fram tilboð í Dow Jones. Hins vegar er enn ekki fyllilega ljóst hvort Burkle sjálfur sé reiðubúin að yfirtaka útgáfufélagið. Burkle hefur náin tengsl við Clinton fjölskylduna - hann hefur til dæmis nú þegar veitt mikla fjármuni í kosningasjóð Hillary Clinton - og auðgaðist í viðskiptum sínum á stórvörumörkuðum. Það er einungis nýverið sem Burkle hefur farið að sýna dagblaðastarfsemi einhvern áhuga. Í frétt Financial Times segir að Burkle sé einn af nokkrum öðrum milljarðamæringum, meðal annars Warren Buffet, sem starfsmannasamtök Dow Jones hafi sett sig í samband við undanfarna daga og vikur til að koma í veg fyrir að Murdoch takist ætlunarverk sitt að yfirtaka félagið. Áhyggjur samtakanna eru fyrst og fremst fólgnar í því að þau óttast að Murdoch muni skipta sér í of miklu mæli af fréttamennsku Dow Jones, með það að leiðarljósi að vinna að pólitískum og viðskiptalegum markmiðum sínum. Tíminn er aftur á móti að verða knappur fyrir samtökin. Fundi Murdoch með fulltrúa Bancroft fjölskylduna í gær var lýst sem "uppbyggilegum" og ræddar voru hugsanlegar leiðir til að "tryggja ritstjórnarlegt sjálfstæði" Wall Street Journal og annarra dagblaða sem Dow Jones er eigandi að. Ef Burkle lætur verða af því að blanda sér í slaginn um Dow Jones við Murdoch yrði það ekki í fyrsta skipti sem þessir menn eiga í átökum á opinberum vettvangi. Á síðasta ári lenti þeim saman í kjölfar þess að Burkle sakaði slúðurdálkahöfund New York Post - sem er í eigu fyrirtækis Murdoch - um að hafa krafst peningagreiðslu frá honum í skiptum fyrir jákvæða umfjöllun um hann á slúðursíðu blaðsins.


 

Breska smásölukeðjan Woolworths hefur greint frá því að afkoma félagsins það sem af er nýju fjárhagsári - sem hófst 3. febrúar síðastliðinn - lofi góðu. Þetta kemur fram í frétt Dow Jones-fréttastofunnar, en Woolworths, sem Baugur á 28% hlut í gegnum Unity-fjárfestingarfélagið, sem einnig er í eigu FL Group, sendi frá sér tilkynningu í gær og í henni varar stjórnarformaður fyrirtækisins, Gerald Corbett, engu að síður við því að samkeppnisumhverfið á smásölumarkaði muni halda áfram að reynast félaginu erfitt. Markmið Woolworths næstu misseri verði að hagræða enn frekar í rekstri; auka greiðsluflæði, minnka kostnaðarútgjöld og bæta hagnaðarhlutfall félagsins. Heildarsala Woolworths af öllum þeim vörutegundum sem það býður upp á jókst um ellefu prósent á fyrstu sautján vikum fjárhagsársins miðað við sama tímabil árið á undan. Sérfræðingar sögðu að afkomutölur félagsins væru betri í afþreyingarstarfsemi heldur en búist hafði verið við, sem hefði vegið upp á móti verri afkomu í smásölu. Í síðasta mánuði greindi Woolworths frá því að afþreyingardeild fyrirtækisins hefði gert bráðabirgðarsamning við Asda Group um að sjá fyrirtækinu fyrir vörum á borð við geisladiska, tölvuleiki og DVD-diska. Asda, sem er í eigu bandaríska smásölurisans Wal Mart, er næst stærsta smásölufyrirtæki Bretlands, en aðeins Tesco er stærra. Góð afkoma af afþreyingarstarfsemi Trevor Bish-Jones, framkvæmdastjóri Woolworths, sagði að heildsala af afþreyingarstarfsemi félagsins hefði aukist um 28% og gert væri ráð fyrir því að tekjurnar af henni myndu fara yfir 1,5 milljarða punda á núverandi fjárhagsári. Framkvæmdastjórinn sagði jafnframt að afþreyingardeild Woolworths hefði vaxið verulega á undanförnum átján mánuðum; úr því að vera nánast engin í það að verða fjórði eða fimmti stærsti dreifingaraðili Bretlands. Þrálátur orðrómur hefur verið á kreiki um hugsanlegt yfirtökutilboð í Woolworths undanfarin misseri og í þeim efnum hefur einkum verið rætt um að Baugur muni yfirtaka félagið, en hlutur þess er í kringum tíu prósent. Í síðasta mánuði gagnrýndi Jón Ásgeir Jóhannesson stjórnendur Woolworths og sagði þá þurfa að taka betur á vandamálum félagins; ef ekki yrðu gerðar verulegar breytingar á rekstrinum væri sennilegt að vandræðin yrðu enn meiri. Í marsmánuði tilkynnti Woolworths að hagnaður þess fyrir skatta og óregluleg gjöld hefði lækkað um 62% á síðasta fjárhagsári og numið 21,8 milljörðum punda. Sú afkoma var félaginu mikil vonbrigði og skýrðist hagnaðurinn auk þess að stórum hluta til - um 9 milljarðir punda - vegna breyttrar uppgjörsaðferðar Woolworths, en fjárhagsár fyrirtækisins taldi 53 vikur og lauk 2. febrúar síðastliðinn. Hlutabréf Woolworths hækkuðu fyrst í gærmorgun um 1,8% í kjölfar frétta af afkomu félagsins en þegar líða tók á daginn tók gengið að lækka. Stuttu áður en hlutabréfamarkaðir lokuðu í London í gær hafði gengi bréfanna lækkað um tæplega 0,6%. Hlutabréf Woolworths hafa samtals lækkað um tólf prósent á einu ári, en afkoma fyrirtækisins hefur verið verri heldur en hjá flestum samkeppnisaðilum í þeim vörutegundum sem Woolworths selur.


 

Seðlabanki Evrópu ákvað á fundi sínum í gær að hækka stýrivexti um 0,25 stig - upp í 4% - eins og fastlega hafði verið gert ráð fyrir. Þegar lesið er í yfirlýsingu seðlabankastjóra bankans, Jean Claude Trichet, þegar hann rökstuddi ákvörðunina er sennilegt að von sé á enn frekari vaxtahækkunum á þessu ári, en Trichet sagði að vextir bankans væru enn nægilega lágir til að styðja við frekari hagvöxt á evrusvæðinu. Bankinn varaði þó við hættunni á auknum verðbólguþrýstingi og launaskriði á evrusvæðinu. Trichet sagði á fjölmiðlafundi að hagvöxtur á öðrum ársfjórðungi þessa árs hefði haldið áfram að aukast, sökum aukinnar innlendrar og erlendar eftirspurnar. Í máli Trichet kom fram að peningamálastefna bankans væri farin að skila árangri sem sæist í því að útlán væru farin að dragast saman á evrusvæðinu. Sérstaklega var eftir því tekið að Trichet sagði að Seðlabanki Evrópu myndi fylgjast "náið" með verðlagsþróun en ekki "mjög náið" líkt og bankinn hefur orðað það í fyrri tilkynningum sem hann hefur sent frá sér. Sumir markaðsaðilar túlkuðu þau ummæli seðlabankastjórans á þá leið að þrátt fyrir að peningamálstefnu bankans yrði enn haldið óbreyttri, þá væri ekki von á annarri stýrivaxtahækkun fyrr en í fyrsta lagi í september á þessu ári. Í kjölfarið hækkuðu þýsk ríkisskuldabréf og evran lækkaði gagnvart Bandaríkjadal. Seðlabankinn hefur núna hækkað stýrivexti sína átta sinnum - í öll skiptin um 0,25 stig - frá því að hann hóf að framfylgja stífri peningamálastefnu í desembermánuði árið 2005. Stýrivextir bankans hafa núna ekki verið hærri frá því árið 2001. Bankinn hækkaði auk þess hagvaxtarspá sína fyrir núverandi ár. Hin nýja spá seðlabankans gerir núna ráð fyrir því að hagvöxtur á evrusvæðinu á þessu ári verði um 2,6%, sem er hækkun um 0,1 prósentustig. Evrópski seðlabankinn hefur iðulega hert á peningamálastefnu sinni þegar hagvöxtur á evrusvæðinu kemst á skrið, en vöxtur á fyrsta ársfjórðungi ársins mældist 0,6%, sem var nokkuð yfir spám greiningaraðila.


 

Lýbísk stjórnvöld greindu frá því í gær að þau hefðu selt meirihluta sinn í evrópska hreinsunar- og markaðsfyrirtækinu Tamoil til bandaríska einkafjárfestingafyrirtækisins Colony Capital LLC. Söluverðið er í kringum fjóra milljarða Bandaríkjadala, segir í tilkynningu sem stjórnvöld í Lýbíu sendu frá sér. Hins vegar munu stjórnvöld enn halda eftir 35% hlut í félaginu. Salan er jafnframt liður í áformum ríkisstjórnarinnar um ráðast í umfangsmiklar markaðsumbætur á efnahagslífi landsins og markar ákveðinn sigur fyrir stuðningsmenn þeirra sem vilja að Líbýa verði að virkari þátttakanda í alþjóðahagkerfinu.


 

Meiri samdráttur í bandarísku efnahagslífi á fyrsta ársfjórðungi þessa árs leiddi til þess að Bandaríkjastjórn ákvað að endurskoða hagvaxtarspá sína fyrir árið. Í stað þess að hún búist við því að hagvöxtur á árinu verði 2,9% gerir stjórnin núna ráð fyrir því að vöxturinn verði einungis 2,3%. Þrátt fyrir það sagði fjármálaráðherrann Henry Paulson að vöxtur á síðari hluta þessa árs myndi taka við sér; staðan á vinnumarkaði væri góð og lítil hætta væri á verðbólguþrýstingi. Hagvaxtarspá stjórnvalda fyrir árið 2008 var hins vegar óbreytt, eða 3,1%.


 

Nokkur þúsund tyrkneskir hermenn fóru yfir landamæri í norðurhluta Íraks í gær til að veita kúrdískum skæruliðum eftirför. Þetta staðfesti háttsettur embættismaður í tyrkneska hernum við AP fréttastofuna. Hins vegar var því neitað að hér væri um einhvers konar innrás að ræða, líkt og ýmsir stjórnmálaleiðtogar í Tyrkalandi hafa talað fyrir undanfarna daga. Tyrkneski herinn hefur beðið stórnvöld um að þau veiti samþykki sitt fyrir stærri hernaðaraðgerðum gegn kúrdísku skæruliðunum ef til átaka kemur. Stjórnvöld hafa ekki enn gefið þeim formlegt leyfi.


 

Saga Capital Fjárfestingarbanki hf. og Icelandair Group hf. hafa gert samning sín á milli um að Saga Capital gerist viðskiptavaki með hlutabréf í Icelandair Group hf., fyrir eigin reikning Saga Capital. Þetta kemur fram í tilkynningu til Kauphallarinnar. Þar kemur fram að tilgangurinn með viðskiptavakt Saga Capital er að efla viðskipti með hlutabréf í Icelandair Group og stuðla að skilvirkri og gegnsærri verðmyndun hlutabréfa í félaginu. Hlutabréf Icelandair Group eru skráð á OMX Nordic Exchange á Íslandi. Samningurinn tekur gildi í dag og er ótímabundinn en uppsegjanlegur með eins mánaðar fyrirvara. Skilmálar viðskiptavaktarinnar eru eftirfarandi: - Saga Capital mun setja daglega fram kaup- og sölutilboð í hlutabréf Icelandair Group (ICEAIR) að lágmarki 1.000.000 að nafnverði á verði sem Saga Capital ákveður í hvert skipti. - Hámarksmunur á kaup- og sölutilboðum skal ekki vera meiri en 1,0%; - Frávik frá síðasta viðskiptaverði ekki meira en 3%; - Hámarksfjárhæð heildarviðskipta dag hvern skal vera kr. 100.000.000,- að markaðsvirði.


 

Sprotafyrirtækið Saga Medica ehf. hefur nú bæst í hóp fyrirtækja á Frumkvöðlasetri Impru að því er kemur fram í frétt Viðskiptablaðsins í dag. Fyrirtækið framleiðir vörur sem byggðar eru á rannsóknum á íslenskum lækningajurtum, sem fengar eru úr íslenskri náttúru. Í upphafi hefur verið notast við hvönn (Angelica archangelica), en ætlunin er að safna, rækta og notast einnig við aðrar íslenskar jurtir. Fyrsta varan kom á markað árið 2002 og er stöðug vöruþróun í gangi.


 

bankTrelleborg A/S verður í dag skráður í Kauphöllina í Kaupmannahöfn og er þetta 11. félagið sem skráir bréf sín í Nordic Exchange á þessu ári. Þetta kemur fram í fréttatilkynningu. 152 ára saga bankTrelleborg hófst í Slagelse. Í gegnum tíðina hafa 16 útibú verið opnuð ? í Hellerup, Hillerød og Óðinsvéum svo nokkur séu nefnd. Á árinu 2007 verða fleiri útibú opnuð, til dæmis í Árósum og Køge, og metnaður bankans stendur til þess að verða fjármálastofnun á landsvísu. Starfsmenn bankTrelleborg eru um 200, og veita þeir ráðgjöf á breiðu sviði fjármála. Í mars 2007 var bankTrelleborg breytt í hlutafélag og hlaut þá nafnið bankTrelleborg A/S. Undanfarin 10 ár hefur bankinn gengið í gegnum mikla endurnýjun og þróast umtalsvert. Undir hinu nýja nafni er bankinn nú skráður í Kauphöllina í Kaupmannahöfn til að styðja við og styrkja frekari þróun hans. Bankinn mun áfram gefa upprunastað sínum gaum og styðja menningar- og íþróttastarfsemi þar. ?Það er okkur sönn ánægja að bjóða bankTrelleborg velkominn í Nordic Exchange. Félagið hjálpar til við að styrkja kauphöllina enn frekar, sem 151. félagið í fjármálageiranum,? segir Jan Ovesen, forstjóri OMX Nordic Exchange í Kaupmannahöfn. Viðskiptalota hlutabréfa í bankTrelleborg, sem hefur auðkennið BANKTR, er 50. bankTrelleborg er meðalstórt félag (Mid Cap) sem tilheyrir fjármálageiranum.


 

Að sögn Kristins Vilbergssonar, forstjóra Pennans, er unnið að því að einfalda rekstur dótturfélaga fyrirtækisins í Eystrasaltinu. Eftir kaup á lettneska rekstrarvörufyrirtækinu AN Office og rekstrarvörukeðjunni Daily Service, sem starfar í Eistlandi, Lettlandi og Litháen, er félagið orðið umsvifamesta rekstrarvörufyrirtækið í Eystrasaltslöndunum. Lætur nú nærri að heildarvelta félaga á þeirra vegum sé um 45 milljónir evra eða rúmlega 3,7 milljarðar króna. Velta Daily Service jókst um 11,9% á síðasta ári. Þetta kemur fram í Viðskiptablaðinu í dag. Penninn keypt allt hlutafé í rekstrarvörukeðjunni Daily Service í apríl síðastliðnum. Fyrirtækið er með 320 starfsmenn og ársveltu sem nemur tveimur milljörðum króna. Á síðasta ári keypti félagið 73% hlut í lettneska rekstrarvörufyrirtækinu AN Office í gengum AN Holding sem stofnað var sérstaklega í kringum kaupin. Að sögn Kristins er líklegt að af sameiningu fyrirtækjanna verði í framtíðinni. Fyrstu skrefin eru hins vegar þau að taka starfsemi Daily Service í Lettlandi og leggja hana inn í AN og öfugt. "Þetta snérist alltaf um það að sameina þessar minni einingar og gera eina stóra. Við horfum í dag á þetta allt sem sjálfstæðar einingar. Í dag fer hins vegar mesta vinnan í að sameina þetta í hverju landi fyrir sig." Hérlendis rekur Penninn fjölda verslana um land allt undir eigin nafni auk Griffils, Eymundssonar og bókabúðar Máls og menningar við Laugaveg. Fyrir skömmu var tilkynnt um kaup Pennans á kaffiframleiðandanum Melna Kafija, í samstarfi við Te & kaffi.


 

Úrvalsvísitalan lækkaði um 0,17% og er 8.087 stig við lok markaðar, samkvæmt upplýsingum frá Markaðsvakt Mentis. Veltan nam 8,8 milljörðum króna. Mosaic Fashions hækkaði um 1,19%, Exista hækkaði um 0,75%, Bakkavör Group hækkaði um 0,57% og Tryggingamiðstöðin hækkaði um 0,13%. Altantic Petroleum lækkaði um 6,72%, Eimskip lækkaði um 1,55%, Össur lækkaði um 1,39%, 365 lækkaði um 0,8% og Alfecsa lækkaði um 0,79%. Gengi krónu styrktist um 0,38% og er 114,7 stig.


 

Össur Skarphéðinsson iðnaðarráðherra hefur ákveðið að ráða dr. Þorstein Inga Sigfússon prófessor sem forstjóra Nýsköpunarmiðstöðvar Íslands. Hún verður til við sameiningu Iðntæknistofnunar og Rannsóknastofnunar byggingariðnaðarins 1. ágúst næstkomandi að því er kemur fram í tilkynningu ráðuneytisins.Þorsteinn Ingi Sigfússon er 53 ára; fæddur í Vestmannaeyjum 4. júní 1954. Hann lauk doktorsprófi í eðlisfræði frá Cambridge háskóla árið 1983 og hefur áratuga reynslu af tæknirannsóknum og nýsköpunarstörfum. Hann hefur unnið með nemendum sínum að hagnýtingu háskólarannsókna, sem m.a. hefur leitt til stofnunar 7 sprotafyrirtækja og Nýsköpunarverðlauna forseta Íslands.Þekking Þorsteins á tæknirannsóknum og nýsköpun hefur nýst vel á innlendum og alþjóðlegum vettvangi, m.a. í störfum fyrir iðnaðarráðuneyti en fyrir þess hönd hefur hann verið framkvæmdastjóri alþjóðlegrar nefndar um málefni vetnissamfélagsins. Þorsteinn Ingi hefur verið formaður stjórnar Rannsóknaráðs Íslands, stjórnarformaður Raunvísindastofnunar Háskóla Íslands og setið í stjórnum nýsköpunarfyrirtækja.Fyrir fjölbreytt störf sín hefur Þorsteinn Ingi hlotið fjölda viðurkenninga: Hann hlaut m.a. viðurkenningu Vísinda- og Nýsköpunarráðuneytis Rússlands í janúar 2006 og tekur laugardaginn 9. júní næstkomandi á móti alþjóðlegum orkuverðlaunum ? Global Energy International Prize ? í St. Pétursborg.Þorsteinn mun koma til starfa í næstu viku og vinna að undirbúningi og stefnumótun fyrir hina nýju stofnun ásamt starfsmönnum Iðntæknistofnunar og Rannsóknastofnunar byggingariðnaðarins o.fl.Alls bárust 36 umsóknir um starfið.


 

Actavis hefur opnað skrifstofu í Tirana, höfuðborg Albaníu. Samkvæmt frétt frá Factiva fréttaþjónustunni eru áform um að skrifstofan þar sinni nálægu landssvæði. Þar er einnig haft eftir Vladimir Afenliev, þróunarstjóra Actavis í Mið- og Austur-Evrópu, að félagið sé að undirbúa skráningu og sölu ríflega 250 nýrra lyfja á þessu svæði.


 

Að teknu tilliti til afskrifta og fjármagnsliða var bókfærður hagnaður Sorpu 10 milljónir króna á síðasta ári. Framlag fyrir afskriftir og fjármagnsliði var 178,3 milljónir króna sem er 15,15% af veltu án endurvinnslustöðva.


 

horfur stöðugar


 

greiðir með nýju hlutafé í Hf. Eimskipafélag Íslands


 

Oddatá ehf. og Fiskvinnslan Kambur ehf. hafa gert með sér kaupsamning þar sem Oddatá ehf. kaupir allar fasteignir og tæki Kambs á Flateyri. Tilkynning um það hefur verið send út til fjölmiðla. Þar kemur fram að Oddatá ehf. er félag að stærstum hluta í eigu og undir stjórn Kristjáns Erlingssonar.


 

Stilla eignarhaldsfélag ehf., í eigu bræðranna Guðmundar Kristjánssonar og Hjálmars Þórs, hefur lagt fram formlegt samkeppnistilboð í Vinnslustöðinni hf. Þetta kemur fram í tilkynningu til Kauphallarinnar. Áður hefur verið greint frá því að félagið hyggist gera samkeppnistilboð. Eyjamenn ehf., sem Sigurgeir B. Kristgeirsson, framkvæmdastjóri Vinnslustöðvarinnar, er í forsvari fyrir, lagði fram yfirtökutilboð í félagið í kjölfar þess að stjórnendur og hluthafar sem eiga 50,4% hlut í Vinnslustöðinni bundust böndum. Þeir meta félagið á um sjö milljarða króna en bræðurnir bjóða þrettán milljarða. Stilla og tengd félög ráða samtals yfir samtals 31,72% hlutafjár í Vinnslustöðinni hf.


 

Úrvalsvísitalan hefur lækkað um 0,32% og er 8.074 stig við hádegi, samkvæmt upplýsingum frá Markaðsvakt Mentis. Veltan nemur 1,4 milljörðum króna. Atorka Group hefur hækkað um 1%, Exista hefur hækkað um 0,6%, Bakkavör Group hefur hækkað um 0,29%, Marel hefur hækkað um 0,24% og Glitnir hefur hækkað um 0,18%. Atlantic Petroleum hefur lækkað um 9,28%, Össur hefur lækkað um 1,39%, Actavis Group hefur lækkað um 1,18%, Eimskip hefur lækkað um 0,95% og FL Group hefur lækkað um 0,86%. Gengi krónu hefur styrkst um 0,57% og er 114,5 stig.


 

Umsóknarfrestur um losunarheimildir á koldíoxíði rann út um síðustu mánaðamót án þess að Járnblendiverksmiðjan á Grundartangi sækti um heimild til losunar eins og kemur fram í fréttt Viðskiptablaðsins í dag. Orku- og iðnfyrirtæki sem losa meira en 30 þúsund tonn af koldíoxíði árlega þurfa að sækja um sérstakar losunarheimildir til Umhverfisstofnunar. Fjögur fyrirtæki sóttu um heimildir vegna áætlaðrar losunar koldíoxíðs á tímabilinu 1. janúar 2008 til 31. desember 2012.


 

Aðalsteinn Helgason hefur látið af störfum sem framkvæmdastjóri Síldarvinnslunnar hf. og í stað hans hefur Gunnþór Ingvason verið ráðinn framkvæmdastjóri. Jóhannes Pálsson hefur einnig verið ráðinn framkvæmdastjórierlendrar starfsemi ásamt því að hafa umsjón með markaðs, sölumálum og vinnslu.


 

Velta á hlutabréfamarkaði í maí nam 165,3 milljörðum króna, samkvæmt upplýsingum frá greininardeild Glitnis. "Veltan á markaðnum var því nánast óbreytt frá sama mánuði í fyrra. Frá áramótum nemur uppsöfnuð velta á markaðnum 1.239 milljörðum króna og hefur vaxið um 28% frá sama tímabili í fyrra," segir greiningardeildin. Hún segir haldi áfram sem horfir stefnir því í ágæta veltuaukningu á markaðnum í ár. "Undirliggjandi veltuaukning er þó undir meðaltali síðustu ára sem nam 63% á tímabilinu 2002-2006. Fyrirsjáanleg afskráning Actavis af markaði mun þó skekkja myndina nokkuð og leiða til þess að mæld velta verður hærri en ella," segir greiningardeildin.


 

KG. fiskverkun, sem er fjárhagslega tengd Hjálmari Þ. Kristjánssyni stjórnarmanni í Vinnslustöðinni, hefur keypt í útgerðinni fyrir 127,7 milljónir króna, að því er fram kemur í tilkynningu til Kauphallarinnar í dag. Um er að ræða tvo kaup, annarsvegar 14.944.929 hluti og hinsvegar 82.075 hluti, keypt á genginu 8,5. Í gær var tilkynnt um að KG. fiskverkun hafi keypt í Vinnslunnistöðinni fyrir 1,4 milljónir króna. Bræðurnir Guðmundur Kristjánsson og Hjálmar Þór berjast um yfirráð í félaginu við Eyjamenn ehf., sem Sigurgeir B. Kristgeirsson, framkvæmdastjóri Vinnslustöðvarinnar, er í forsvari fyrir. Eyjamenn ehf. lögðu fram yfirtökutilboð í félagið í kjölfar þess að stjórnendur og hluthafar sem eiga 50,4% hlut í félaginu bundust böndum. Þeir meta félagið á um sjö milljarða króna en bræðurnir bjóða þrettán milljarða.


 

Byggðastofnun hefur selt eignarhlut sinn í nýsköpunarfyrirtækinu Rennex á Ísafirði. Rennex hefur sérhæft sig í framleiðslu á renndum og fræstum íhlutum bæði úr plasti og málmi, fyrir tækjabúnað í matvælaframleiðslu. Í frétt á heimasíðu Buyggðastofnunar kemur fram að rekstur félagsins hefur gengið vel, en meðal stærstu viðskiptavina má nefna fyrirtækin 3xStál, Marel og Sæplast. Þekktasta framleiðsluvara fyrirtækisins er þó án efa fyrsta íslenska fluguveiðihjólið, sem náð hefur miklum vinsældum meðal stangveiðmanna. Kaupandi að hlut Byggðastofnunar er 3xStál.


 

Japanska matsfyrirtækið Rating and Investment Information (R&I) tilkynnti í dag að það hefði gefið Kaupþingi banka hf. lánshæfiseinkunnina A+. Að mati R&I eru horfur fyrir lánshæfiseinkunn bankans stöðugar. Þetta kemur fram í tilkynningu til Kauphallarinnar. Í tilkynningu R&I segir að einkunnin endurspegli sterka stöðu Kaupþings banka á innanlandsmarkaði sem og dreifðari tekjumyndun og útlánaáhættu í kjölfar útrásar til Bretlands og Norðurlanda. Að auki er litið til góðrar arðsemi og trausts eignasafns. Einkunnin tekur ennfremur mið af hinu litla og sveiflugjarna íslenska hagkerfi og fjármálamarkaði, áhættu af rekstri bankans í Bretlandi og mögulegrar áhættu samhliða hröðum vexti bankans.R&I nefnir einnig að þrátt fyrir lítinn innlánagrunn og mikilvægi heildsölumarkaða í fjármögnun bankans, hafi stjórnendur hans lækkað verulega endurfjármögnunaráhættuna í fyrra með aukinni fjölbreytni í fjármögnun, lengri meðallíftíma skulda og varfærinni lausafjárstýringu.R&I er þriðja matsfyrirtækið sem metur Kaupþing banka. Bankinn er með langtímaeinkunn frá Moodys Investor Service, Aa3, og Fitch Ratings, A.


 

Í dag verður DK Trends Invest A/S skráð í Kauphöllina í Kaupmannahöfn. DK Trends Invest er smærra fyrirtæki (Small Cap) sem tilheyrir fjármálageira Nordic Exchange. DK Trends Invest er nýtt danskt fjárfestingarfélag sem fjárfestir í hlutabréfum og öðrum völdum fjárfestingarkostum að því er kemur fram í tilkynningu kauphallarinnar. 


 

Á fimmta tug fyrirtækja mun kynna starfsemi sína á sýningunni Árborg 2007 sem fram fer um helgina í íþróttahúsinu við Vallaskóla á Selfossi. Á fréttavefnum sudurland.is kemur fram að skipuleggjendur hátíðarinnar segja að aðsókn fyrirtækja sé samkvæmt væntingum. Líklegt sé að sambærileg hátíð verði haldin annað hvert ár á Selfossi. Hátíðin opnar formlega á laugardag klukkan 11 og stendur til klukkan 18. Á sunnudag er opið frá klukkan 12 ? 18.


 

Royal Bank of Scotland (RBS) á ekki í viðræðum við Bank of America (Bofa) um þessar mundir vegna bandaríska smásölubankans LaSalle. Frá þessu greindi framkvæmdastjóri RBS, Sir Fred Goodwin, í gær og sagði að viðræðum bankans við BofA væri lokið í kjölfar þess að þeim hefði ekki tekist að ná samkomulagi um verð sem báðir aðilar væru reiðubúnir að fallast á. Þessi ummæli Goodwin komu markaðsaðilum nokkuð á óvart í ljósi þessu hversu miklu máli skiptir fyrir RBS að leysa þá deilu sem stendur um LaSalle eftir að RBS-hópurinn svokallaði - sem samanstendur einnig af Santander og Fortis - lagði fram yfirtökutilboð í síðustu viku í ABN Amro. Það tilboð hljóðaði upp á 71,1 milljarð evra og 79% þeirrar upphæðar verða greidd með peningum, en afgangurinn með nýjum hlutabréfum í RBS. Bankarnir þrír lögðu hins vegar tilboðið fram með því skilyrði að LaSalle bankinn yrði ekki seldur til Barclays, eins og samkomulag ABN við breska bankann þann 23. apríl síðastliðinn gerði ráð fyrir. Hluthafar ABN voru aftur á móti andsnúnir því tilboði og tókst að fá hollenskan dómstól til að úrskurða um að fresta bæri sölunni á LaSalle þangað til að samþykki hluthafa ABN Amro lægi fyrir. Financial Times hefur það eftir Goodwin að hann sé "hæfilega bjartsýnn" varðandi möguleika RBS-hópsins um að ná samkomulagi við ABN um yfirtöku á bankanum. Ef samruni bankanna verður að veruleika verður um að ræða stærsta samning í sögu bankageirans. Þrátt fyrir að viðræður RBS og BofA um framtíð LaSalle hafi ekki skilað neinum árangri hingað til sagðist Goodwin ekki hafa teljandi áhyggjur af því máli og að breski bankinn væri jafnframt opinn fyrir því að taka upp viðræður á ný. Framtíð LaSalle gæti ráðist í næsta mánuði Í frétt Reuters fréttastofunnar kemur fram að hollenskur dómstóll muni úrskurða um hvort hluthafar ABN Amro eigi að greiða atkvæði um söluna á LaSalle til BofA og það megi vænta úrskurðar þess efnis í næsta mánuði. BofA hefur hótað ABN lögsókn ef bankinn stendur ekki við skuldbindingar sínar. Stjórnendur RBS sögðu frá því í síðustu viku að bankinn hygðist halda eftir um 2,5 milljörðum Bandaríkjadala vegna hugsanlegs kostnaður sem myndi hljótast af lögsókn BofA. Í gær staðfesti Goodwin að bankinn myndi hins vegar skila þeirri upphæð til hluthafa ABN ef yfirtökutilboð RBS-hópsins gengi eftir. Það sem greinir einna helst á milli yfirtökutilboða RBS-hópsins og Barclays eru áætlanir þess fyrrnefnda að skipta ABN Amro upp á milli bankanna þriggja með það að markmiði að endurskipuleggja allan rekstur ABN. Í frétt breska dagblaðsins Times er greint frá því að RBS ætli aðeins að segja upp tvö þúsund manns á Bretlandi, á meðan áætlanir Barclays geri ráð fyrir því að ellefu þúsund manns missi vinnu sína. Hlutabréf RBS hafa lækkað nokkuð frá því að bankinn hóf baráttu sína um yfirráð í ABN Amro í aprílmánuði, en það sem af er þessum mánuði hefur gengi bréfanna hækkað lítillega og rétt áður en markaðir lokuðu í gær höfðu þau hækkað um tæplega 0,7%.


 

Nicolas Sarkozy Frakklandsforseti hefur hvatt tilvonandi forsætisráðherra Bretlands, Gordon Brown, til að skilja eftir sínar "úr sér gengnu" hugmyndir um Evrópusambandið (ESB) þegar hann tekur við af Tony Blair í næsta mánuði. Frá þessu greindi Sarkozy í samtali við Financial Times á mánudaginn. Föðurlegar ábendingar Sarkozy voru hins vegar ekki það eina sem hann hafði um Brown að segja, en að mati hins nýkjörna forseta Frakklands er Gordon Brown einn af "stórkostlegustu" fjármálaráðherrum Evrópu. "Undanfarin tíu ár sem Brown hefur gegnt embætti fjármálaráðherra hefur breska hagkerfið verið í framrás og nútímavæðst til muna. Ég vonast eftir því að í kjölfar þess að hann færir sig úr Downingstræti 11 yfir í Downing stræti 10 muni hann skilja að Evrópa er ekki úr sér gengin". Efasemdarmaður í garð Evrópusamrunans Stjórnmálaskýrendur telja að ummæli Sarkozy endurspegli þá undirliggjandi óvissu sem ríkir á meðal margra leiðtoga innan ESB um hvers konar Evrópustefnu Brown muni framfylgja þegar hann kemst til valda og hvort hann verði reiðubúinn að gera breytingar á stjórnkerfi og ákvörðunartökuferli sambandsins. Sem fjármálaráðherra lagði Brown ríka áherslu á að halda sér í ákveðinni fjarlægð frá Brussel til að skaða ekki pólitíska stöðu sína innanlands og hefur ræktað með sér það orðspor að hann sé efasemdamaður í garð Evrópusamrunans. Á þeim eina mánuði sem liðinn er frá því að Sarkozy sigraði í forsetakosningunum í Frakklandi hefur hann lagt mikla áherslu á að endurlífga umræðuna um stjórnarskrá ESB, en henni var hafnað af Frökkum í þjóðaratkvæðagreiðslu árið 2005. Í frétt Financial Times er haft eftir Sarkozy að hann vonist eftir því að Brown muni fallast á einfaldari útgáfu af hinni upphaflegu stjórnarskrá fyrir ESB. Sarkozy hefur jafnframt beitt sér fyrir því að stjórnarskráin verði lögð fyrir franska þingið til að hljóta samþykki í stað þess að efna til þjóðaratkvæðagreiðslu. Sarkozy hefur haldið því fram að Tony Blair - sem var fyrsti stjórnmálaleiðtoginn í Evrópu til að hitta Sarkozy eftir kosningasigur hans - væri tilbúinn til að samþykkja nýja og styttri útgáfu af stjórnarskrá fyrir ESB á leiðtogafundi aðildarríkjanna 27 sem mun fara fram 21. og 22. júní næstkomandi. Bæði Sarkozy og Angela Merkel, kanslari Þýskalands sem um þessar mundir fer með forystu í ESB, hafa talið mikilvægt að ná samkomulagi á þeim fundi um nýja stjórnarskrá fyrir sambandið áður en Gordon Brown tekur við embætti forsætisráðherra af Blair.


 

Forseti Írans, Mahmoud Ahmadinejad, sagði í gær að það væri "of seint" að stöðva kjarnorkuáætlun Írana og varaði Bandaríkin og bandamenn þess um að þrýsta á enn frekari refsiaðgerðir á vettvangi öryggisráðs Sameinuðu þjóðanna. Helsti samningamaður Írana í kjarnorkudeilunni við Vesturveldin, Ali Larijani, mun hitta utanríkisráðherra Þýskalands á meðan fundur leiðtoga átta helstu iðnríkja heimsins í Heiligendamm í Þýskalandi stendur yfir í þessari viku. Stutt er síðan Larijani lét hafa það eftir sér að hægt væri að leysa kjarnorkudeiluna á næstu vikum ef öryggisráðið léti af fyrirhuguðum áætlunum sínum um að krefjast frekari refsiaðgerða gegn Írönum.


 

Hlutabréf írska lággjaldaflugfélagsins Ryanair féllu um næstum fimm prósent í kjölfar þess að félagið greindi frá því að hagnaður myndi dragast saman á þessu ári. Helsta ástæðan er sögð vera lægri sölutekjur, en það var viðbúið að farþegum myndi fækka á þessu ári eftir að tekjur félagsins höfðu aukist til muna á síðasta fjárhagsári. Ryanair sagði að minna væri um farþegabókanir fram í tímann, sem þýddi að félagið myndi þurfa að selja fleiri sæti með afslætti en ella. Að meðaltali mun fargjald lækka um fimm prósent á árinu.


 

Írska ríkisrekna flugfélagið Aer Lingus mun tilkynna í dag um stóran samning um kaup á flugvélum sem félagið hefur gert við evrópska flugvélaframleiðandann Airbus. Dow Jones-fréttastofan hefur þetta eftir heimildarmanni sem vel þekkir til stöðu mála. Á sama tíma sagði framkvæmdastjóri Airbus, Louis Gallois, að hann byggist við því að að ný pöntun myndi fljótlega berast í A350 XWB þotu félagsins. Hann vildi hins vegar ekki greina frá því hver viðskiptavinurinn væri.


 

Ummæli Vladímírs Pútíns um að Rússar neyðist til þess að miða kjarnorkuvopnum sínum að skotmörkum í Evrópu á ný hafa verið fordæmd víða. Eflaust mun þau bera á góma þegar þeir George Bush, Bandaríkjaforseti, funda í tengslum við ráðstefnu átta helstu iðnríkja heims. Það er ekki nema von að stjórnmálaskýrendur og álitsgjafar líki ástandinu í samskiptum bandarískra og rússneskra stjórnvalda við þann tíma sem kalt stríð geisaði. Spennan í samskiptum ríkjanna hefur farið stigvaxandi undanfarin misseri og náði nýjum hæðum vegna ummæla Vladímír Pútíns, Rússlandsforseta, um að rússneskum kjarnorkueldflaugum yrði á ný beint að skotmörkum í Evrópu, yrði ekki fallið frá þeim áformum Bandaríkjamanna að koma sér upp eldflaugavarnakerfi í Evrópu. Það skal engan furða að ummælin hafi uppskorið fordæmingu þungavigtarmanna í stjórnmálum á Vesturlöndum og ljóst er að þegar fundum þeirra Pútíns og George Bush, Bandaríkjaforseta, ber saman á ráðstefnu leiðtoga átta helstu iðnríkja heims í Þýskalandi í vikunni mun hann markast af þeirri staðreynd að samband ríkjanna hefur ekki verið jafn þrungið spennu síðan á tímum kalda stríðsins. Önnur deilumál, eins og ólík afstaða til framtíðarskipunar mála í Kosovo, kjarnorkuáform klerkastjórnarinnar í Íran og vaxandi gagnrýni ráðamanna í Washington á ástand mannréttinda og lýðræðis í Rússlandi, gefa tilefni til þess að samband ríkjanna kunni að versna enn frekar. Tíu gagneldflaugar og hið mikla vopnabúr Rússa Bandarísk stjórnvöld hafa ítrekað vísað þeirri ásökun á bug að eldflaugavarnakerfi þeirra sé beint gegn Rússum. Það miðist við að granda hugsanlegum eldflaugaárásum útlagaríkja á borð við Íran og Norður-Kóreu. Máli sínu til stuðnings benda talsmenn Bandaríkjastjórnar á að stjórnvöld í Kreml geti vart haldið því fram að þeim standi ógn af eldflaugavarnakerfi í Evrópu sem samanstendur af tíu gagneldflaugum í Póllandi og radarstöð í Tékklandi: Slíkt kerfi má sín lítils gegn voldugu kjarnorkueldflaugavopnabúri Rússa. Til þess að afvopna tortryggnina hafa bandarískir ráðamenn lýst sig viljuga til þess að veita stjórnvöldum í Kreml upplýsingar um eðli kerfisins. Fram til þessa hafa þau tilboð litlu skilað og afstaða Rússa harðnar. Þeir hafa hótað að segja upp tveimur afvopnunarsamningum til þess að auka svigrúm sitt til að bregðast við uppsetningu eldflaugavarnarkerfisins og boða að hún geti leitt til nýs vígbúnaðarkapphlaups. Stjórnmálaskýrendur benda á að einörð afstaða stjórnvalda í Kreml sé til marks um aukið sjálfstraust þeirra í alþjóðamálum en það byggist á efnahagslegri uppbyggingu í landinu í krafti hins háa orkuverðs undanfarin ár. Þetta sjálfstraust endurspeglast meðal annars í því að teikn eru á lofti um að ráðamenn í Moskvu telji sig í minni mæli undir hælnum á Vesturlöndum en á tíunda áratugnum, þegar Atlantshafsbandalagið (NATO) var stækkað til austurs án þess að þau fengju við því spornað. Í krafti þessa telja þau afar brýnt að tryggja áhrif sín á nágrannalöndum sem hugsanlega gætu fengið aðild að NATO í framtíðinni og hafa meðal annars notað mikilvægi rússnesks orkuútflutnings fyrir ríki Evrópu til þess að reka fleyg í samstöðu þeirra gegn slíkum tilburðum. Það blasir við að hörð mótmæli þeirra gegn eldflaugavarnarkerfi í Póllandi og Tékklandi eru liður í þessari stefnu, enda fæst varla séð hvernig slíkt kerfi ógni almennum hernaðarhagsmunum Rússa. Stefnan kann að grafa undan stöðu Rússa Vissulega er staða Rússlands sterk gagnvart Evrópu um þessar mundir en hinsvegar getur þessi stefna grafið á endanum undan áhuga bæði stjórnvalda álfunnar og Bandaríkjamanna á samstarfi við Rússa og leitt til einangrunar þeirra á alþjóðavettvangi. Þrátt fyrir að nýleg varnaðarorð Pútíns um þá ógn sem alþjóðakerfinu stafi af tilvist aðeins eins ofurveldis kunni að eiga hljómgrunn meðal sumra stjórnmálamanna í vesturhluta Evrópu blasir við að núverandi stefna Rússlandsstjórnar á alþjóðavettvangi hlýtur að gera það að verkum að áhugi þeirra á eflingu Atlantshafstengslanna eflist fremur en hitt. Yfirlýsingar þess efnis að bandarískt eldflaugakerfi í Austur-Evrópu hljóti að kalla á aðgerðir sem miðast við að bregðast við nýju valdajafnvægi í álfunni eru líklegar til að falla í grýttan jarðveg í Evrópu. Varla verður séð að uppsetning slíks kerfis sé til marks um breytt valdajafnvægi - það er einungis staðfesting á því valdahlutfalli í alþjóðamálum sem nú ríkir - og varla hafa ríki Evrópu mikinn áhuga á að breyta því.


 

Flugfélög heimsins hækkuðu mat sitt á áætluðum hagnaði á þessum ári úr 3,8 milljörðum Bandaríkjadala í fimm milljarða dala, en nauðsynlegt þykir að skera upp herör gegn skuldum þeirra. Matið er unnið fyrir Alþjóðasamtök flugfélaga (e. International Air Transport Association) en um 250 flugfélög eiga aðild að samtökunum og standa þau undir 94% af heildarflugmarkaðnum. AFP-Fréttastofan hefur eftir Giovanni Bisignani, framkvæmdastjóra samtakanna, að hækkuð hagnaðarspá sé vissulega fagnaðarefni en hafa verði í huga að alþjóðlegur farþegaflugsiðnaður velti 470 milljörðum Bandaríkjadala og í því samhengi sé fimm milljarða hagnaður lítill. Iðnaðurinn þurfi í því samhengi að hagnast um fjörtíu milljarða Bandaríkjadala til þess að geta staðið staum af fjármagnskostnaði. Jafnframt er haft eftir honum að iðnaðurinn skuldi 200 milljarða Bandaríkjadala og þar af leiðandi sé það ögrandi verkefni að breyta hlutfallslega litlum hagnaði í mikinn. Jákvæðara mat Alþjóðasamtakanna rímar við mat fjármálafyrirtækja, en sérfræðingar þeirra telja að iðnaðurinn, sem nánast hrundi í kjölfar hryðjuverkaárásanna á New York og Washington þann 11. september árið 2001, sé batavegi. Þrátt fyrir að óhagstæðir þættir eins og hátt orkuverð skapi vanda í rekstri flugfélaga hafa þær hagræðisaðgerðir sem gripið hefur verið til í geiranum vegið þar upp á móti, en auk þess er það mat manna að iðnaðurinn sé í betri stöðu nú áður að verja sig rekstraráhættu vegna sveiflna á olíuverði.


 

Samtök olíuútflutningsríkja, OPEC, hyggjast ekki auka framleiðslu til skemmri tíma þrátt fyrir ítrekaðar óskir frá helstu innflutningsmörkuðum og hækkandi olíuverð. Breska blaðið Financial Times hefur eftir Abdalla El-Badri, framkvæmdastjóra samtakanna, að engin þörf sé á slíku þar sem að nægilega mikið af olíu sé nú þegar: Hátt verð megi fyrst og fremst rekja til spennu í alþjóðamálum og flöskuhálsa í bandarískum olíuhreinsunarstöðum. Í viðtali við blaðið kemur fram að útilokað sé að framleiðsluaukning verði rædd á næstunni. Alþjóðaorkumálastofnunin (International Energy Agency) hvatti Samtök olíuútflutningsríkja í síðasta mánuði til þess að auka framleiðslu áður en að sumarið gengi í garð til þess að svala "þyrstum markaði" eins og það var orðað. Stofnunin rökstuddi meðal annars bón sína með því að vísbendingar sæjust um að birgðastaða OPEC-ríkjanna færi minnkandi. Þrátt fyrir El-Badri útilokaði framleiðsluaukningu á næstunni útilokaði hann ekki slíkt þegar líða tæki á árið, sérstaklega ef birgðir héldu áfram að lækka og olíuverð hækkaði. Haft er eftir honum í blaðinu að bilið milli birgða verðs aukist á þriðja eða fjórða ársfjórðungi verði gripið til aðgerða. Aðildarríki OPEC framleiða um fjörutíu prósent af allri olíu heimsins. Samtökin drógu úr framleiðslu tvisvar á síðasta ári til þess að koma í veg fyrir áframhaldandi verðlækkanir. Verð féll úr 78,40 Bandaríkjadölum á fatið á síðasta sumri - og hafði þá ekki verið hærra - niður í 51,10 dali í byrjun þessa árs. Undanfarið hefur verð hækkað og hefur verið um sjötíu Bandaríkjadalir á fatið.


 

Íbúðalánasjóður hefur í kjölfar útboðs á íbúðabréfum ákveðið að útlánsvextir íbúðalána sjóðsins hækki. Útlánsvextir íbúðalána sjóðsins verða 4,70%, á lán með uppgreiðsluálagi, en 4,95% á lán án uppgreiðsluálags.


 

nýr fjárfestingasjóður að fæðast hjá Nýsköpunarsjóði


 

Stjórn Orkuveitu Reykjavíkur hefur samþykkt orkusölusamning við Norðurál vegna fyrirhugaðs álvers fyrirtækisins í Helguvík. Samningurinn er gerður í kjölfar viljayfirlýsingar sem Orkuveitan og Hitaveita Suðurnesja skrifuðu sameiginlega undir ásamt Norðuráli 1. júní 2006. Í apríl sl. luku Norðurál og Hitaveita Suðurnesja gerð formlegs samnings um sín raforkuviðskipti í samræmi við viljayfirlýsinguna. Í frétt OR kemur fram að umhverfismat vegna fyrirhugaðra framkvæmda Norðuráls og Orkuveitunnar stendur yfir en áformað er að afla raforku til rekstursins af Hengilssvæðinu, þar sem Orkuveitan rekur Nesjavallavirkjun og Hellisheiðarvirkjun. Samkvæmt samningnum mun Orkuveitan sjá Norðuráli fyrir 100 MW afli frá því um áramótin 2010/2011. Orkuveitan selur Norðuráli nú þegar raforku til reksturs álversins á Grundartanga.Fyrstu vélar hennar voru teknar í notkun í október síðastliðnum. Í næsta áfanga verður tekin í notkun 33 MW lágþrýstivél. Orka frá henni mun fara á almennan markað og mun þá um 30% raforkunnar frá Hellisheiði fara á almennan markað. Aflvélar númer fjögur og fimm verða teknar í notkun á næsta ári og framleiðsla á heitu vatni hefst síðan árið 2009. Virkjunin mun geta sinnt væntanlegri eftirspurn eftir heitu vatni á höfuðborgarsvæðinu til ársins 2025, en fullgerð mun Hellisheiðarvirkjun framleiða 270-300 MW af rafmagni og varmastöð sem afkastar allt að 400 MW. Guðmundur Þóroddsson, forstjóri Orkuveitu Reykjavíkur, segir í frétt OR að með samningnum sé orkusala frá fyrirhuguðum virkjunum tryggð. ?Það skiptir talsverðu máli fyrir hagkvæmni hitaveitunnar okkar að framleiða rafmagn samhliða heitavatnsframleiðslunni. Með þessari sölu tryggjum við að ný varmastöð á Hellisheiði með tilheyrandi u.þ.b. 30 kílómetra hitaveitulögn til borgarinnar mun ekki kalla á hækkun á heita vatninu.?


 

Sveiflur voru á skuldabréfamarkaði í síðustu viku og endurspegla skiptar skoðanir á skuldabréfamarkaði um þessar mundir, að sögn greiningardeildar Glitnis, sem telur að það verði nokkur óvissa um gengi krónunar næstu daga í kjölfar ráðgjafar Hafrannsóknarstofnunar um hámarksafla á komandi fiskveiðiári. Einnig birtar opinberar tölur um viðskiptahallan sem reyndist "töluverður".


 

Úrvalsvísitalan hækkaði um 0,13% og er 8.101 stig við hádegi, samkvæmt upplýsingum frá Markaðsvakt Mentis. Veltan nam 7,7 milljörðum króna. Actavis Group hækkaði um 1,19%, FL Group hækkaði um 0,69%, Landsbankinn hækkaði um 0,68% og Alfesca hækkaði um 0,6%. Atlantic Petrloeum lækkaði um 6,58%, Eimskip lækkaði um 1,06%, Össur lækkaði um 0,92%, Exista lækkaði um 0,6% og Atorka Group lækkaði um 0,5%. Gengi krónu veiktist um 0,6% og er 115,3 stig.


 

Núverandi rekstur Marel á Íslandi verður skilinn frá móðurfélaginu og um hann stofnað nýtt dótturfélag, Marel ehf. sem mun verða sjálfstæð viðskiptaeining innan samstæðunnar við hlið AEW Delford, Carnitech, framleiðslufyrirtækis í Slóvakíu og Scanvaegt. Þetta kemur fram í tilkynningu félagsins til Kauphallarinnar þar sem greint er frá skipulagsbreytingum hjá félaginu. 


 

Viðskiptajöfnuður var óhagstæður um 28 milljarða króna á fyrsta fjórðungi ársins sem er aðeins um helmingur þess sem var á sama tíma í fyrra en þá var hann um 57,3 milljarðar króna. Halli var á öllum liðum viðskiptajafnaðar, vöru, þjónustu, þáttatekna og rekstrarframlaga segir í frétt Seðlabankans.


 

mikið fjallað um málið í sænskum fjölmiðlum


 

Stjórn OMX hefur ákveðið að mæla með tilboði Nasdaq í kauphöllina að því er kemur fram í tilkynningu. 25. maí síðastliðin sendi Nasdaq inn tilboð í OMX sem miðast við 19% álag á síðasta lokaverð áður en tilboðið var gert.


 

Eydís Aðalbjörnsdóttir hefur verið ráðin sem verkefnastjóri til Samtaka ferðaþjónustunnar og hefur hún störf um miðjan júlímánuð. Eydís er landfræðingur að mennt og mun í þessum mánuði ljúka MBA námi í Háskólanum í Reykjavík.


 

Gistinætur á hótelum í apríl síðastliðnum voru 89.900 en voru 80.100 í sama mánuði árið 2006, sem er fjölgun um 9.800 nætur eða rúm 12% að því er kemur fram í tölum Hagstofunnar. Gistinóttum fjölgaði í öllum landshlutum. Aukningin var hlutfallslega mest á Norðurlandi þar sem gistinóttum fjölgaði um rúmlega helming, fóru úr 4.600 í 6.900 milli ára (51% aukning).


 

Úrvalsvísitalan hefur hækkað um 0,11% og er 8.099 stig við hádegi, samkvæmt upplýsingum frá Markaðsvakt Mentis. Veltan nemur um fimm milljörðum króna. FL Group hefur hækkað um 1,04%, Össur hefur hækkað um 0,92%, Landsbankinn hefur hækkað um 0,41%, Teymi hefur hækkað um 0,2% og Kaupþing hefur hækkað um 0,18%. Atlantic Petroleum hefur lækkað um 3,01%, Eimskip hefur lækkað um 1,06%, Bakkavör Group hefur lækkað um 0,57%, Tryggingamiðstöðin hefur lækkað um 0,26% og Straumur-Burðarás hefur lækkað um 0,24%. Gengi krónu hefur veikst um 0,79% og er 115,6 stig.


 

?Okkar fyrstu viðbrögð eru því að mæla með kaupum í bankanum,? segir greiningardeild Glitnis um Föroyja banki en Landstjórn Færeyja hyggst selja allt að 66% hlut í bankanum og skrá í Kauphöllina á Íslandi og Kaupmannahöfn. ?Að teknu tilliti til helstu kennitalna rekstrar og efnahags bankans virkar Føroya Banki spennandi kostur fyrir fjárfesta. Bankinn er að vísu lítill m.v. markaðsvirði en að okkar mati mun hann fyrr en seinna verða hluti af mun stærri banka og er þá líklegt að íslensku viðskiptabankarnir muni sýna honum talsverðan áhuga,? segir greiningardeildin. Hún segir heildarhlutafé bankans samanstandi af 10 milljón hlutum og verðið í útboðinu muni liggja á bilinu 162-189 danskar krónur á hlut. Miðað við miðgildið 175,5 danskar krónur á hlut er því virði eigin fjár bankans 1.755 milljónir danskra króna eða um 20 milljarðar króna. Eigið fé í lok mars nam 1.290 milljónir danskra króna og er því V/I hlutfall (e. P/B) að gefnu 175,5 dönskum krónum á hlut um 1,36. ?Fjárhagsleg markmið bankans hljóða upp á 10% árlegan innri vöxt hreinna vaxta- og þóknanatekna til ársins 2010, kostnaðarhlutfall undir 50%, CAD eiginfjárhlutfall 12% og 12% arðsemi eigin fjár eftir skatta,? segir hún.


 

K.G. fiskverkun, félag í eigu Hjálmars Þórs Kristjánssonar stjórnarsmanns í Vinnslustöðinni, hefur keypt í Vinnslustöðinni fyrir 1,4 milljónir króna, að því er fram kemur í tilkynningu til Kauphallarinnar. Um er að ræða 170.399 hluti, keypta á genginu 8,5. Stilla ehf., félag í eigu Guðmundar Kristjánssonar og Hjálmars Kristjánssonar, hefur ákveðið að leggja fram samkeppnistilboð í allt hlutafé Vinnslustöðvarinnar hf. vegna fram komins skyldutilboðs Eyjamanna ehf. til yfirtöku á félaginu til hluthafa í Vinnslustöðinni hf. sem kom fram 9. maí og gildir frá 13.maí 2007 til 11. júní 2007.


 

Í gær gekk Lýsi hf. frá kaupum á 53% hlut í fyrirtækinu IFEX ehf., en fyrir átti Lýsi 47% eignarhlut. IFEX er fyrirtæki sem frá árinu 2001 hefur sérhæft sig í framleiðslu fóðurs fyrir hunda og ketti. Hjá fyrirtækinu starfa 10 manns. IFEX rekur verksmiðju í Þorlákshöfn sem liggur vel að helstu fiskimiðum okkar. Ennfremur hefur fyrirtækið framleitt Harðbita og Snakkbita til manneldis. Um 95% framleiðslunnar hafa verið flutt úr landi til Bandaríkjanna, Evrópu og Asíu segir í frétt Lýsis. Vörurnar hafa hlotið góðar móttökur erlendis enda ekki mörg fyrirtæki sem framleiða hunda- og kattamat úr hreinum íslenskum fiski án allra aukaefna. Það hefur lagt metnað sinn í að framleiða eingöngu hágæðavöru unna úr íslensku hráefni. Lýsi er þekkt fyrir framleiðslu sína á einstökum hollustuvörum svo sem þorskalýsi og Omega 3 vörum sem framleiddar eru í fullkomnustu verksmiðju sinnar tegundar í heiminum. Var hún tekin í notkun árið 2005. En Lýsi framleiðir einnig fóðurmjöl og fóðurlýsi og sér aukin tækifæri með kaupunum. Katrín Pétursdóttir:? Við sjáum fyrir okkur margs konar samlegðaráhrif í þróun, framleiðslu og sölu vara beggja fyrirtækjanna. Unnt er auka verulega framleiðslu gæludýrafóðurs og Lýsi hefur þekkinguna á því hvernig nota má bætiefni til að ná fram enn meiri hollustu í fæði dýranna. Það fer vel á að Lýsi stuðli að því að hundar, kettir og önnur dýr eigi einnig greiðan aðgang að hollustufæði, ekki síður en mannfólkið. Bæði fyrirtækin eru með starfstöðvar í Þorlákshöfn sem auðveldar öll samskipti?.


 

Sjanghæ hlutabréfavísitalan í Kína féll um 8,3% í gær sem er næst mesta lækkun hlutabréfa þar í landi á einum degi í áratug, en gengi 818 félaga lækkaði á meðan aðeins sautján félög enduðu hærra. Þessi mikla lækkun á mörkuðum er rakin til þeirrar óvissu sem ríkir á meðal fjárfesta um hvort von sé á frekari aðgerðum stjórnvalda til að kæla hlutabréfamarkaðinn í Kína, en í síðustu viku ákvað ríkisstjórnin að þrefalda stimpilgjald sem lagt er á öll hlutabréfaviðskipti - úr 0,1% upp í 0,3% - og í kjölfarið féllu hlutabréfamarkaðir um meira en sex prósent. Í frétt Financial Times á sunnudaginn er greint frá því að sú ákvörðun kínverskra yfirvalda muni gera það að verkum að tekjur ríkisins muni aukast um 40 milljarða Bandaríkjadali, sem er ríflega sjö prósent af heildarútgjöldum ríkisstjórnarinnar. Óðagot smárra fjárfesta Frá því síðastliðinn þriðjudag hefur Sjanghæ vísitalan lækkað um 15,3% og endaði hún í 3.670 stigum þegar markaðir lokuðu í gær, sem er það lægsta síðan 25. apríl. Í frétt Reuters fréttastofunnar kemur fram að markaðsvirði fyrirtækja í Sjanghæ hlutabréfavísitölunni hafi minnkað um samtals 340 milljarða Bandaríkjadala á einni viku. Þrátt fyrir að flestir séu á einu máli um að kínversk hlutabréf muni halda áfram að lækka á næstunni, eru uppi skiptar skoðanir um hversu miklar þær lækkanir eigi eftir að verða. Sumir sjóðsstjórar og sérfræðingar telja að fátt standi í vegi fyrir því að Sjanghæ vísitalan lækki enn frekar á næstu dögum og vikum. Hins vegar sé ósennilegt að um verði að ræða einhvers konar frjálst fall á gengi hlutabréfa. Wang Jing, aðstoðarframkvæmdastjóri hjá Everbright Securities, segir í samtali við Reuters að einstaklingar og smáir fjárfestar hafi auðsýnilega tekið þá ákvörðun að selja hlutabréf sín í ákveðnu óðgoti, sökum þess að þeir hafi óttast hrun á mörkuðum og frekara inngrip stjórnvalda. Jing sagði að lækkanir síðustu daga væru eðlilegar í ljósi þess að hlutabréfamarkaðurinn hefði hækkað gífurlega undanfarin misseri - um meira en 60% á þessu ári og um tæplega 300% á síðastliðnum tveimur árum - og það þyrfti ekki að koma á óvart ef vísitalan færi niður fyrir 300 stig. Slík lækkun myndi þýða um 30% leiðréttingu á gengi hlutabréfa í Kína. Frekari stjórnvaldsaðgerðir ósennilegar Stjórnvöld reyndu á mánudaginn með áberandi hætti að fullvissa fjárfesta um að engin ástæða væri fyrir þá að fyllast einhverju óðagoti: Helstu dagblöðin í Kína - sem eru opinberar málpípur stjórnvalda - birtu leiðara þar sem því var haldið fram að horfurnar á mörkuðum væru góðar til lengri tíma litið. Ákvörðun kínverskra ráðamanna að hækka stimpilgjald á hlutabréfaviðskipti hafi einungis verið gerð með það að markmiði að minnka spákaupmennsku með hlutabréf. Þessi tilraun stjórnvalda mistókst aftur á móti: Milljónir einstaklinga og smærri fjárfesta sem hafa keypt hlutabréf undanfarna mánuði voru gripnir skelfingu í ljósi þess að þeir óttuðust að ávinningur þeirra á hlutabréfamarkaðinum yrði að engu á mjög skömmum tíma. Í nýlegri skýrslu bandaríska fjárfestingarbankans Morgan Stanley segir meðal annars að stór hluti þeirra Kínverja sem hafi keypt hlutabréf undanfarin misseri horfi ekki til lengri tíma í fjárfestingum sínum. "Þegar þeir byrja að selja er óumflýjanlegt að markaðurinn leiðréttist. Hvort sú lending verði hörð eða mjúk sé hins vegar erfitt að spá fyrir um." Flestir sérfræðingar um kínverska markaðinn hafa efasemdir um að stjórnvöld grípi til frekari aðgerða á næstunni. Helstu ráðamenn í Kína hafa ítrekað haldið því fram að öflugur hlutabréfamarkaður sé nauðsynlegur fyrir áframhaldandi efnahagsumbætur í landinu. Af þeim sökum sé ólíklegt að að stjórnvöld vilji stuðla að því að markaðurinn falli enn meira en nú þegar er orðið.


 

Fjárfesting japanskra fyrirtækja jókst um 13,6% á fyrsta ársfjórðungi þessa árs samanborið við sama tímabil í fyrra. Samtals nam hækkunin 145 milljörðum Bandaríkjadala, sem er það hæsta frá því að slíkar mælingar hófust árið 1960 og langt umfram það sem flestir greiningaraðilar höfðu gert ráð fyrir. Þetta kemur fram í nýjum opinberum tölum sem fjármálaráðuneytið birti í gær um starfsemi fyrirtækja þar í landi og er til marks um að fjárfesting sé í auknum mæli farin að stuðla að efnahagsbata í japanska hagkerfinu, en viðvarandi stöðnun hefur ríkt í efnahagslífi landsins frá því byrjun tíunda áratugarins. Undanfarin misseri hafa þó komið fram margar vísbendingar í þá veru að þetta næst stærsta hagkerfi heimsins sé farið að taka við sér, - meðal annars aukinn útflutningur og einkaneysla - enda þótt efnahagsleg viðreisn landsins muni eflaust taka lengri tíma en margir höfðu áætlað. Í ársfjórðungslegri könnun ráðuneytisins, sem byggir á svörum frá nítjánd þúsund japönskum fyrirtækjum, er einnig greint frá því að sölutekjur og hagnaður fyritækja fyrir skatta hafi hækkað verulega á milli ársfjórðunga. Hagnaður fyrir skatta nam samtals 137 milljörðum Bandaríkjadala og nam hækkunin á milli ársfjórðunga 7,4%. Í frétt dagblaðsins International Herald Tribune (IHT) í gær er sagt frá því að þetta sé nítjándi ársfjórðungurinn í röð sem japönsk fyrirtæki eru samanlagt rekin með hagnaði fyrir skatta, en það er jafnoft og á árunum 1965 til 1970 þegar japanskt efnahagslíf gekk í gegnum mikla uppsveiflu. Sölutekjur hækkuðu um 6,3% og námu samtals um 3,25 billjónum dala, sem er það hæsta frá því að mælingar hófust. Þessi mikla aukning í fjárfestingum japanskra fyrirtækja mun gera það að verkum að þarlend stjórnvöld þurfa að endurskoða bráðabirgðartölur sínar um 2,4% hagvöxt á fyrstu þremur mánuðum þessa árs. Takuji Aida, aðalhagfræðingur Barclays Capital í Japan, segir í samtali við IHT að hann búist fastlega við því að sú tala verði hækkuð upp í 2,9%. Að mati Naoki Murakami, hagfræðings hjá Goldman Sachs í Japan, má hins vegar gera ráð fyrir enn meiri hækkun. Murakami telur líklegt að endurskoðaðar tölur um hagvöxt á fyrsta ársfjórðungi verði um 3,3%. Fjárfesting í viðskiptalífinu telur um fimmtán prósent af árlegri þjóðarframleiðslu Japans. Af þeim sökum er ljóst að niðurstaða könnunar fjármálaráðuneytisins mun setja auking þrýsting á Japansbanka um að hækka stýrivexti sína á næstunni, en bankinn hækkaði síðast vextina í febrúarmánuði síðastliðnum upp í 0,5%. Í frétt Dow Jones-fréttastofunnar er hins vegar haft eftir seðlabankastjóra Japans, Toshihiko Fukui, að þessar nýju hagtölur hafi ekki komið á óvart og séu í takt við spár Japansbanka.


 

Spáð er að evrópski seðlabankinn muni hækka stýrivexti sína í 4% á morgun, en einnig er talið að hann muni hækka verðbólgu- og hagvaxtarspá fyrir evrusvæðið á sama tíma, sem eykur líkur á því að bankinn muni hækka vextina aftur á árinu, segir í frétt Financial Times. Olíuverð, launaþróun og hraðari hagvöxtur en spáð hefur verið munu liggja að baki endurskoðaðri verðbólguspá. Síðasta verðbólguspá bankans, sem kom út í mars, gerði ráð fyrir 1,8% verðbólgu, en verðbólgumarkmið bankans er "um, en undir, 2%." Endurskoðuð verðbólguspá myndi gefa til kynna að aukin hætta væri á því að það markmið næðist ekki. Í síðasta mánuði gaf Jean-Claude Trichet, seðlabankastjóri, sterklega til kynna að stýrivextir yrðu hækkaðir, en hann sagði að bankinn myndi standa sterkan vörð gegn verðbólgu, en það orðalag hefur hann notað áður þegar stýrivextir hafa verið hækkaðir. Evrópski seðlabankinn hefur iðulega hert á peningamálastefnu sinni, þegar hagvöxtur á evrusvæðinu kemst á skrið, en hagvöxtur á fyrsta ársfjórðungi mældist 0,6% sem var yfir spám greiningaraðila. Julian Callow, hagfræðingur hjá Barclays Capital, segir að ef bankinn varar við auknum verðbólguþrýstingi og hækki verðbólguspá sína á morgun muni það gefa til kynna að vextir verði hækkaðir í 4,5% eða jafnvel meira.


 

Fjárfestingarfélagið Litís hefur fest kaup á öllu hlutafé Atorku Group í Ilsanta UAB í Litháen. Ilsanta er umboðs- og markaðsfyrirtæki fyrir lækningatæki, hjúkrunarvörur og lyf í Eystrasaltslöndunum og eru höfuðstöðvar þess í Vilnius í Litháen. Ilsanta rekur auk þess markaðsskrifstofur í Riga í Lettlandi og Tallinn í Eistlandi. Hjá félaginu starfa nú 45 starfsmenn.


 

Bréf sænska fjármálafyrirtækisins Carnegie hækkuðu um 7% í sænsku kauphöllinni í dag en þrálátur yfirtökuorðrómur hefur verið í gangi í kringum félagið og íslensk félög verið nefnd í því sambandi. Í dag greindu sænskir fjölmiðlar frá því að starfsmönnum Kaupþings hefði verið bannað að kaupa bréf í Carnegie og skipti þá engu þó það væri fyrir viðskiptavini. Sænskir miðlar henda þeirri hugmynd á loft að Kaupþing hyggist taka yfir Carnegie.


 

Úrvalsvísitalan lækkaði um 0,6% og er 8.090 stig við hádegi, samkvæmt upplýsingum frá Markaðsvakt Mentis. Veltan nam 6,4 milljörðum króna. Actavis Group hækkaði um 1,82%, Össur hækkaði um 0,92% og Mosaic Fashions hækkaði um 0,6%. Atlantic Petroleum lækkaði um 10,16%, Flaga Group lækkaði um 1,46%, Alfesca lækkaði um 1,38%, Teymi hefur lækkað um 1,35%, Icelandair Group lækkaði um 1,24%. Gengi krónu veiktist um 2,15% og er 114,4 stig við lok markaðar. Sérfræðingar á markaði segja að ástæðuna megi rekja til nýrrar aflaráðgjafar Hafró. ?Ef farið verður að aflaráðgjöf Hafró fyrir næsta fiskveiðiár gæti útflutningsverðmæti sjávarafurða minnkað um allt að 25 milljarða króna,? segir greiningardeild Glitnis. Um þessa hröðu veikingu benda sérfræðingar á að krónan komi yfirleitt sterkari til baka.


 

Í morgun átti framkvæmdastjórn Samtaka atvinnulífsins fund með forsætisráðherra og utanríkisráðherra til að leggja áherslu á að ríkisstjórnin taki þegar á þeim vanda sem stjórn peningamála og hagstjórnin hefur ratað í. Í frétt SA kemur fram að þeir telja að aðgerðir Seðlabankans skaði atvinnulíf án þess að skila árangri á móti og að bankinn muni ekki að óbreyttu um fyrirsjáanlega framtíð eiga möguleika á því að lækka vexti.


 

Síðastliðinn föstudag, 1. júní, veitti Glitnir tíu framúrskarandi nemendum námsstyrki að heildarupphæð 3,4 milljónir króna en vel á fimmta hundrað umsóknir bárust að þessu sinni. Þetta kemur fram í frétt frá bankanumþ Veittir voru fjórir styrkir að upphæð 500 þúsund krónum hver til framhaldsnáms á háskólastigi, fjórir styrkir að upphæð 300 þúsund krónur hver til háskólanáms og loks tveir styrkir að upphæð 100 þúsund krónur hvor til framhaldsskólanáms. Dómnefnd skipuðu: Svafa Grönfeldt rektor Háskólans í Reykjavík, Ingjaldur Hannibalsson prófessor, formaður viðskiptaskorar og varadeildarforseti Viðskipta- og hagfræðideildar Háskóla Íslands, og Hafsteinn Bragason mannauðsstjóri Glitnis en hann var jafnframt formaður dómnefndar. Styrkhafar í ár voru: Áslaug Ósk Hinriksdóttir nemi við Menntaskólann í Kópavogi Frank Arthur Blöndahl Cassata tölvunarfræðinemi við Háskólann í Reykjavík Guðný Jónasdóttir sem mun hefja nám við Musikhochschule Lübeck í haust Hallfríður Kristjánsdóttir sem mun hefja nám í Carrol School of Management í Boston College í haust Henning Arnór Úlfarsson doktorsnemi í hreinni stærðfræði við Brown University Hildur Æsa Oddsdóttir vélaverkfræðinemi við Háskóla Íslands Páll Rafnar Þorsteinsson doktorsnemi í stjórnmála- og réttarheimspeki við Cambridge University Steingrímur Páll Þórðarson nemi við Menntaskólann á Akureyri Steinn Steingrímsson læknisfræðinemi við Háskóla Íslands Tinna Jökulsdóttir doktorsnemi við jarðeðlisfræðideild Háskólans í Chicago Í umsögn dómnefndar segir: Við valið hafði dómnefnd til hliðsjónar þætti eins og dugnað í íþróttum og listum, þátttöku í félagsmálum, vel framsetta umsókn og andstreymi í persónulegu lífi. Námsstyrkshafar Glitnis í ár eru metnaðarfullir einstaklingar með skýra sýn á framtíðina, námsmenn sem svo sannarlega munu efla og auðga íslenska menningu, vísindi og samfélagið í heild. Lárus Welding forstjóri Glitnis sagði við afhendinguna: ?Við eigum mikið af framúrskarandi fólki sem leggur stund á nám hérlendis sem erlendis og það er nauðsynlegt fyrir íslenskt samfélag að styðja vel við bakið á þessum einstaklingum. Við hjá Glitni lítum ekki einungis á það sem samfélagslega skyldu okkar að styrkja þetta kraftmikla fólk heldur er þetta einnig tækifæri fyrir okkur að styðja fólk sem ef til vill mun verða starfsfólk okkar í framtíðinni.? Nánari upplýsingar um styrkhafa Glitnis 2007: Styrkir til framhaldsskólanáms kr. 100.000 hvor Steingrímur Páll Þórðarson Steingrímur er nemandi á málabraut við Menntaskólann á Akureyri. Hann hefur náð góðum árangri í sínu námi og er virkur í félagslífi skólans. Áslaug Ósk Hinriksdóttir, Áslaug Ósk er nemandi í tölvu- og skrifstofunámi við Menntaskólann í Kópavogi. Hún hefur lengi átt sér þann draum að mennta sig en vegna langvarandi veikinda barns hefur hún þurft að fresta námi um nokkur ár. Með þessum styrk vill Glitnir veita henni stuðning og hvatningu í vegferð hennar til frekari mennta. Styrkir til háskólanáms kr. 300.000 hver Guðný Jónasdóttir Guðný er að hefja nám við Musikhochschule Lübeck með sellóleik sem aðalfag. Hún hefur nú þegar vakið mikla athygli fyrir hæfileika sína og samkvæmt Gunnari Kvaran sellóleikara er Guðný einn efnilegasti hljóðfæraleikari landsins. Frank Arthur Blöndahl Cassata Frank Arthur lýkur námi í tölvunarfræði við Háskólann í Reykjavík nú í sumar. Hann hefur ætíð haft mikinn áhuga á tungumálum og hefur m.a. unnið rannsóknarverkefni á því hvort hægt sé að beita vélrænum aðferðum til að búa til samheitaorðabækur fyrir íslensku á sjálfvirkan hátt. Frank mun hefja meistaranám við Háskólann í Reykjavík í tungutækni í haust. Steinn Steingrímsson Steinn stundar nám í læknisfræði við Háskóla Íslands og eru námslok áformuð 2009. Því næst stefnir Steinn á framhaldsnám í skurðlækningum. Hann vinnur nú að rannsókn á tíðni sýkinga í skurðsári eftir opnar hjartaskurðaðgerðir á Íslandi á árunum 1997-2004. Hildur Æsa Oddsdóttir Hildur Æsa klárar vélaverkfræði við Háskóla Íslands nú í vor og stefnir að því að klára BS í stærðfræði á næsta ári. Eftir það hyggur Hildur Æsa á meistara- og doktorsnám í hagnýtri stærðfræði. Styrkir til framhaldsnáms á háskólastigi kr. 500.000 hver Hallfríður Kristjánsdóttir Hallfríður hefur fengið inngöngu í meistaranám í fjármálum við Carroll School of Management í Boston College í Bandaríkjunum. Hallfríður útskrifaðist úr Háskólanum í Reykjavík, viðskiptadeild með meðaleinkunnina 9,2. Henning Arnór Úlfarsson Henning Arnór stundar doktorsnámi í hreinni stærðfræði við Brown University í Bandaríkjunum sem hann áætlar að klára 2009. Henning hefur sýnt afburðaárangur í námi á öllum skólastigum. Tinna Jökulsdóttir Tinna útskrifaðist frá Eðlis og jarðeðlisfræðideild Háskólans Íslands 2003. Hún er nú doktorsnemi við jarðeðlisfræðideild Háskólans í Chicago. Hún er á þriðja ári og beinast rannsóknir hennar að áhrifum koltvísýrings í andrúmslofti á jarð- og lífefnaferla í sjónum og þeim veðurfarsbreytingum sem áhrifin valda. Páll Rafnar Þorsteinsson Páll Rafnar stundar doktorsnám við Háskólann í Cambridge, í stjórnmála- og réttarheimspeki. Páll Rafnar er að skoða hvort réttarheimspeki Aristótelesar geti reynst viðlíka frjór jarðvegur fyrir fræðilega nýsköpun í nútímanum og hugmyndir hans um siðfræði og stjórnmál hafa verið á síðustu árum.


 

Úrvalsvísitalan hefur lækkað um 1,02% og er 8.056 stig við hádegi, samkvæmt upplýsingum frá Markaðsvakt Mentis. Veltan nemur 3,4 milljörðum króna.Actavis er eina félagið sem hækkað hefur og nemur hækkunin 0,61%.Atlantic Petroleum hefur lækkað um 8,57% en félagið hefur hækkað um 132% frá áramótum, Mosaic Fashions hefur lækkað um 3,29%, FL Group hefur lækkað um 1,89%, Teymi hefur lækkað um 1,89% og Bakkavör Group hefur lækkað um 1,28%.Gengi krónu hefur veikst um 2,01% og er 114,3 stig við hádegi. Sérfræðingar á markaði segja að ástæðuna megi rekja til nýrrar aflaráðgjafar Hafró.?Ef farið verður að aflaráðgjöf Hafró fyrir næsta fiskveiðiár gæti útflutningsverðmæti sjávarafurða minnkað um allt að 25 milljarða króna,? segir greiningardeild Glitnis.Um þessa hröðu veikingu benda sérfræðingar á að krónan komi yfirleitt sterkari til baka.


 

Ef farið verður að aflaráðgjöf Hafró fyrir næsta fiskveiðiár gæti útflutningsverðmæti sjávarafurða minnkað um allt að 25 milljarða króna. Munar þar mestu um þorskinn en minna um samdrátt í aflamarki í ufsa. Aðrar tegundir eru í góðu standi, t.a.m. síld, ýsa og humar. Minni útflutningur myndi hafa talsverð neikvæð áhrif fyrir minni sjávarbyggðir sem og á hagvöxt fyrir næsta ár segir Greining Glitnis.


 

Eyjamenn ehf. hafa framlengt tilboðsfrest sinn og gefa viðkomandi hluthöfum færi á að endurmeta samþykki við tilboði félagsins að því er kemur fram í tilkynningu til kauphallarinnar. Eyjamenn ehf. gerðu hluthöfum í Vinnslustöðinni hf. opinbert yfirtökutilboð í félagið 9. maí sl. þar sem boðnar voru 4,60 kr. á hvern hlut. Síðan hefur Stilla ehf. boðið 8,5 krónur á hlut. Í fréttakerfi OMX/Kauphallar Íslands hf. 31. maí sl. var tilkynnt um að Stilla ehf., félag í eigu Guðmundar Kristjánssonar og Hjálmars Kristjánssonar, hefði ákveðið að leggja fram samkeppnistilboð í allt hlutafé Vinnslustöðvarinnar hf. á grundvelli 45. gr. laga nr. 33/2003 um verðbréfaviðskipti. Boðnar yrðu 8,50 kr. á hvern hlut. Verði tilboð Stillu ehf. gert opinbert á gildistíma yfirtökutilboðs Eyjamanna ehf., þ.e. fyrir kl. 16:00 mánudaginn 11. júní nk., verður gildistími yfirtökutilboðs Eyjamanna ehf. framlengdur til samræmis við gildistíma samkeppnistilboðsins, sbr. 2. mgr. 45. gr. laga nr. 33/2003. Eyjamenn ehf. gerðu hluthöfum í Vinnslustöðinni hf. opinbert yfirtökutilboð í félagið 9. maí sl., eins og lög mæla fyrir um, þar sem boðnar voru 4,60 kr. á hvern hlut. Í tilefni af framangreindri tilkynningu um samkeppnistilboð Stillu ehf. hafa Eyjamenn ehf. ákveðið að gefa þeim hluthöfum í Vinnslustöðinni hf., sem samþykkt hafa tilboð Eyjamanna ehf. með formlegum hætti, kost á að endurmeta samþykki sitt við tilboðinu. Bréf þar að lútandi var póstlagt til viðkomandi hluthafa núna um helgina. Eyjamenn ehf. vilja jafnframt vekja athygli hluthafa Vinnslustöðvarinnar hf. á því að eftirfarandi kostir standa þeim meðal annars til boða: 1. Að selja Stillu ehf. hlutabréfin fyrir 8,5 kr. á hlut. 2. Að samþykkja kauptilboð Eyjamanna ehf. upp á 4,6 kr. 3. Að eiga hlutabréfin sín í Vinnslustöðinni hf. áfram, enda er hluthöfum ekki skylt að selja hlutabréf sín í félaginu. Eyjamenn ehf. hafa þegar ákveðið að taka ekki væntanlegu tilboði frá Stillu ehf.


 

Føroya Banki hefur gefið út útboðslýsingu vegna útboðs á hlutabréfum í fyrirtækinu og skráningu þess á markað hjá Kauphöll Íslands (ICEX) og Copenhagen Stock Exchange (CSE) í Danmörku. Føroya Banki er nú í eigu Financing Fund of 1992, en sá sjóður er í eigu stjórnvalda. Færeyska landsstjórnin hefur ákveðið að einkavæða bankann og verða 66% hlutabréfa í bankanum seld ? eða sem nemur 6.600.000 hlutum á 20 danskar krónur hver að nafnvirði ? í opnu útboði.


 

Eignarhaldsfélag í eigu Finns Ingólfssonar og fleiri fjárfesta hefur keypt allt hlutafé í fyrirtækjunum Frumherja hf. og Frumorku ehf. en seljandi er Óskar Eyjólfsson. Þetta kemur fram í tilkynningu en kaupverðið kemur þar ekki fram.


 

Fjárfestingarfélagið Litís hefur fest kaup á öllu hlutafé Atorku Group í Ilsanta UAB í Litháen að því er kemur fram í frétt frá félaginu. Ilsanta er umboðs- og markaðsfyrirtæki fyrir lækningatæki, hjúkrunarvörur og lyf í Eystrasaltslöndunum og eru höfuðstöðvar þess í Vilnius í Litháen. Ilsanta rekur auk þess markaðsskrifstofur í Riga í Lettlandi og Tallinn í Eistlandi. Hjá félaginu starfa nú 45 starfsmenn. Í tilkynningunni kemur fram að forsvarsmenn Litís telja mikla uppbygging framundan í heilbrigðisgeiranum í Eystrasaltslöndunum. Ilsanta hefur verið leiðandi félag á þeim markaði síðustu árin og sjá forsvarsmenn Litís fyrir mikil tækifæri með kaupunum, auk þess sem samlegðaráhrif munu verða við þann rekstur sem Litís er með í Litháen, en Litís starfrækir nú keðju 50 apóteka í Litháen. Áætluð velta Ilsanta á þessu ári er um 1,7 milljarðar króna og heildarársvelta allra hlutdeildar- og dótturfélaga Litís er áætluð tæpir 4 milljarðar króna. Mikill hagvöxtur hefur verið í Eystrasaltsríkjunum seinustu ár og er allt útlit fyrir áframhaldandi uppsveiflu þar sem og víðar í A-Evrópu þar sem Litís hyggst hasla sér enn frekari völl á næstu misserum. Fyrirtækjaráðgjöf Kaupþings var ráðgjafi kaupanda og Fyrirtækjaráðgjöf Landsbankans var ráðgjafi seljanda. Kaupverðið er trúnaðarmál. Framkvæmdastjóri Litís er Sigurður Ívarsson og stjórnarformaður er Ingi Guðjónsson.


 

Á síðustu árum hafa ýmis konar eftirlíkingar af framleiðsluvörum, flestar upprunnar í Kína, flætt yfir Vesturlönd. Í grein á vef Samtaka atvinnulífsins kemur fram að Ísland er þar ekki undanskilið en bæði er um að ræða dreifingu á eftirlíkingum af þekktum húsgögnum og einnig öðrum vörum sem eru merktar með vörumerkjum annarra aðila.


 

Eimskip mun ekki reyna að taka yfir eða kaupa hluti í Smyril-Line, eins og fregnir síðustu daga hafa hermt. Þetta segir Baldur Guðnason í samtali við Viðskiptablaðið í dag. Færeyskir fjölmiðlar héldu því fram í vikunni að Eimskip hefði reynt að taka yfir félagið, en hvorki TF Holding né Framtaksgrunnurin, sem eiga til samans meirihluta í Smyril-Line, hafi viljað selja.


 

Novator hefur óskað eftir fundi með stjórn Actavis þar sem félagið mun gera stjórn grein fyrir einstaka þáttum tilboðsins. Er þess vænst að sá fundur geti farið fram á mánudagínn kemur, þann 4. júní 2007 að því er segir í tilkynningu félagsins.


 

býður sama verð og áður, 85,23 kr. á hlut


 

Íslendingar eru Norðurlandameistarar í vexti smásölufyrirtækja samkvæmt nýrri skýrslu sem ráðgjafafyrirtækið Deloitte gaf út í dag og kynnt var á fjölmennri ráðstefnu í Stokkhólmi. Baugur Group og Norvik eru efst á lista yfir þau smásölufyrirtæki á Norðurlöndunum sem hafa vaxið hraðast.


Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.