*

laugardagur, 4. júlí 2020
Flýtival:
Innlent
|
Fólk
|
Erlent
|
Frjáls verslun
|
Sjónvarp
|
Neðanmáls
|
Staðreyndavogin
Tímabil:
|
|
|
|
|
|
|
|
|
|
|
|
|
|
|
|


júlí, 2007

 

Úrvalsvísitan hækkaði um 1,46% og er 8.631 stig við lok markaðar, samkvæmt upplýsingum frá Markaðsvakt Mentis. Veltan nam sjö milljörðum króna. Century Aluminium hækkaði um 4,55% í þremur viðskiptum, Föreya banki hækkaði um 2,82%, Eimskip hækkaði um 2,65%, Bakkavör Group hækkaði um 2,57% og Össur hækkaði um 2,33%. Eik banki lækkaði um 0,14%. Gengi krónu styrktist um 1,15% og er 113,3 stig.


 

Rekstrartekjur Kögunar jukust um 1.077 milljónir króna á fyrstu sex mánuðum ársins eða 33% frá sama tímabili 2006. EJS hf. bætist við samstæðuna þann 1. mars 2006. EBITDA af áframhaldandi starfsemi er 535 milljónir króna á fyrstu sex mánuðum ársins, eykst um 22% frá sama tímabili í fyrra. Framlegð jókst um 112 milljónir króna eða 12% frá sama tímabili árið 2006 og var nokkuð umfram áætlanir, ef marka má tilkynningu.Hagnaður nýrrar samstæðu fyrir skatta er 1.080 milljónir króna, hagnaður eftir skatta er 876 milljónir króna.


 

Heildarvelta Opin Kerfi Group á fyrri helmingi ársins 2007 var 6.245 milljónir króna, samanborið við 6.453 milljónir á sama tíma í fyrra.


 
Innlent
31. júlí 2007

Aðalskoðun seld

Ragnar Þórir Guðgeirsson hefur ásamt fleiri fjárfestum keypt Aðalskoðun hf. Seljendur eru rúmlega tuttugu núverandi og fyrrverandi starfsmenn Aðalskoðunar hf.


 

Hagnaður Glitnis fyrir skatta á öðrum ársfjórðungi nam 11,3 milljörðum króna, aukning um 34% frá fyrsta ársfjórðungi.Á fyrstu sex mánuðum ársins myndaðist 45% af hagnaði bankans fyrir skatta af starfsemi utan Íslands.Hreinar vaxtatekjur á öðrum ársfjórðungi voru 9,7 milljarðar og hækkuðu um 22% frá fyrsta ársfjórðungi.Þóknanatekjur á öðrum ársfjórðungi ársins námu 8,9 milljörðum og jukust um 22% frá fyrsta ársfjórðungi.Hagnaður á hlut var 0,66 krónur á fjórðungnum samanborið við 0,46 krónur á fyrsta ársfjórðungiHeildareignir voru 2.335 milljarðar en voru 2.246 milljarðar í ársbyrjun 2007.Eignir í stýringu námu 913 milljörðum en voru 541 milljarðar á 1. ársfjórðungi.Eiginfjárhlutfall á CAD grunni var 13,2%, þar af A-hlutfall 9,4%.Arðsemi eigin fjár er 24,2% .


 

Hagnaður Teymis nam 1.160 milljónum króna á öðrum ársfjórðungi.


 

Úrvalsvísitalan hefur hækkað um 1,64% og er 8.646 stig við hádegi, samkvæmt upplýsingum frá Markaðsvakt Mentis. Veltan nemur 4,3 milljörðum króna. Össur hefur hækkað um 3,26% en félagið birti uppgjör í morgun, Teymi hefur hækkað um 2,14% en félagið birti uppgjör í dag, Glitnir hefur hækkað um 2,03% en bankinn birtir í dag, Atlantic Petroleum hefur hækkað um 2,02%, Landsbankinn hefur hækkað um 1,92% ogExista hefur hækkað um 1,86%. Nýherji hefur lækkað um 1,43%, 365 hefur lækkað um 0,61% og Eik banki hefur lækkað um 0,14%. Gengi krónu hefur styrkst um 1,3% og er 113,2 stig.


 

Gnúpur fjárfestingafélag ræður yfir 0,52% hlut í Össuri, samkvæmt hluthafaskrá, og er markaðvirði hlutarins 223 milljónir króna. Fjárfestingafélagið birtist 28.júní í hluthafaskrá með þennan hlut sinn. Fjárfestingafélagið á 3,33% hlut í Kaupþingi banka og 19,84% í FL Group. Gnúpur er í eigu Kristins Björnssonar (46,5%), Magnúsar Kristinssonar (46,5%) og Þórðar Más Jóhannessonar (7%).


 

eiga einnig bifreiðaumboðið Ingvar Helgason


 

Hagnaður Össurar á öðrum fjórðungi var 1,5 milljónir Bandaríkjadala (94,4 milljónir íslenskra króna) samanborið við 2,1 milljón Bandaríkjadala á öðrum fjórðungi 2006. Hagnaður fyrir afskriftir, vexti og skatta (EBITDA) var 17,4 milljónir dala (110,4 milljónir íslenskra króna), jókst um 32% frá öðrum ársfjórðungi 2006. Sala var 88 milljónir Bandaríkjadala (5,6 milljarðar íslenskra króna), jókst um 34% frá öðrum fjórðungi 2006. Söluaukning vegna innri vaxtar var 8% og pro forma söluaukning var 7%. EBITDA hlutfall var 19,7%, samanborið við 20,1% fyrir sama tímabil í fyrra. "Við sjáum skýr merki um viðsnúning í Evrópu," segir Jón Sigurðsson, forstjóri félagsins í tilkynningu, "á meðan það er tímabundinn samdráttur í Bandaríkjunum vegna umfangsmikillar endurskipulagningar á sölukerfi fyrir spelkur og stuðningsvörur. Umbreytingin á sölukerfinu í Bandaríkjunum er lokaáfanginn í samþættingu á stuðningstækjafyrirtækjunum, sem keypt hafa verið í Norður- Ameríku, inn í sterka samstæðu Össurar. Við erum bjartsýn á að breytingarnar muni skila verulega jákvæðum áhrifum á næstu fjórðungum. Sala á stoðtækjum gengur vel og er í takt við markmið fyrirtækisins um 8-12% vöxt. Hátæknivörur Össurar halda áfram að fá verðskuldaða athygli í fjölmiðlum sem og hjá fagfólki og notendum.? Niðurstöður fyrir fyrstu sex mánuði ársins Sala var 168,4 milljónir Bandaríkjadala (11.1 milljarður íslenskra króna) á fyrstu sex mánuðum ársins, sem er aukning um 34% frá sama tíma fyrir ári. Söluaukning vegna innri vaxtar var 6% og pro forma söluaukning var 7%. Tap fyrstu sex mánuði árssins er 1,2 milljónir Bandaríkjadala (81.8 milljónir íslenskra króna) samanborið við 2,7 milljón dala hagnað fyrir sama tímabil 2006. Hagnaður fyrir afskriftir, vexti og skatta (EBITDA) var 27,6 milljónir dala (1,8 milljónir íslenskra króna), jókst um 27% frá sama tímabili 2006 . EBITDA hlutfall var 16,4%, samanborið við 17,3% fyrir sama tímabil í fyrra.


 

Viðræður eru hafnar á milli BYRS Sparisjóðs og Sparisjóðs Norðlendinga um mögulega sameiningu en markmiðið er að styrkja stöðu sparisjóðanna í harðnandi samkeppni á fjármálamarkaði, að því er segir í fréttatilkynningu.


 

Þýski bankinn IKB Deutsche Industriebank AG sendi frá sér afkomuviðvörun í gær vegna þróunar á markaði með áhættusöm fasteignalán í Bandaríkjunum (e. subprime mortgage) og tilkynnti að framkvæmdastjóri félagsins væri hættur störfum. Fram kom í tilkynningunni að tap vegna stöðutöku í áhættusömum fasteignalánum í Bandaríkjunum gerði það að verkum að tekjur ársins yrðu "umtalsvert lægri" en gert hefði verið ráð fyrir. Afkomuviðvörunin kemur aðeins tíu dögum eftir að forráðamenn félagsins staðfestu tekjuáætlanir ársins en þær námu 280 milljónum evra. Í kjölfar tilkynningarinnar féll gengi hlutabréfa bankans um tæp 17%. KfW, sem er þýskur ríkisbanki sem á 38% í IKB, tilkynnti jafnframt í gær að hann myndi verja IKB áhlaupi og tryggja greiðslugetu hans. Þýski bankinn er síðasta fórnarlamb hræringanna á bandaríska fasteignamarkaðnum. Margt bendir til þess að þeim eigi eftir að fjölga: Forráðamenn annars þýsks banka, Commerzbank, tilkynntu í gær að þeir væntu að niðursveiflan í markaðnum með áhættusöm fasteignalán í Bandaríkjunum kynni að kosta bankann áttatíu milljónir evra. Þrátt fyrir það telja þeir að afkoma bankans á árinu standist áætlanir. Áhættumat á skuldabréfum fyrirtækja eykst Nýleg gjaldþrot útlánafyrirtækja á þeim markaði ásamt aukinni áhættufælni hefur gert það að verkum að fjármálafyrirtæki og vogunarsjóðir sem hafa tekið stöðu í skuldasöfnum sem innihalda slík lán með einum eða öðrum hætti hafa tapað miklu fé. Þetta hefur meðal annars haft það í för með sér að áhættumat á skuldabréfum fyrirtækja hefur farið hækkandi að undanförnu þar sem fjárfestar leita í auknum mæli í ríkisskuldabréf. Bloomberg fréttastofan hefur eftir sérfræðingum Barclays-bankans að fjármagn hafi ekki leitað úr fyrirtækjaskuldabréfum yfir í ríkisskuldabréf í meiri mæli í sjö ár. Þessi þróun, ásamt ótta um að þróunin á bandaríska fasteignamarkaðnum kunni að smita út frá sér til annarra hagkerfa, endurspeglast meðal annars í mikilli hækkun á vísitölum sem mæla skuldatryggingaálag á skuldabréf fyrirtækja í evrum. Sjá nánar í Viðskiptablaðinu í dag


 

Stjórn ABN Amro hefur tekið þá ákvörðun að mæla hvorki með yfirtökutilboði Barclays né RBS-hópsins sem hafa verið gerð í hollenska bankann. Þangað til nú hefur ABN stutt vinveitt 67,5 milljarða evra tilboð breska bankans Barclays þrátt fyrir að það hafi verið heldur lægra heldur en tilboð RBS-hópsins, sem samanstendur af Royal Bank of Scotland, Fortis og Santander, sem hljóðaði upp á 71,1 milljarð evra og gerir jafnframt ráð fyrir því að hlutfall peninga verði 93%. Tilboð Barclays er hins vegar að 37% hluta í peningum en afgangurinn verður greiddur með nýjum bréfum í bankanum, en gengi þeirra hefur fallið mikið á undanförnum dögum. ABN Amro greindi einnig frá því í gær að hagnaður bankans á öðrum ársfjórðungi hefði dregist saman um 7,1% frá því á sama tímabili og í fyrra. Samtals nam hagnaðurinn 1,13 milljörðum evra, samanborið við hagnað upp á 1,21 milljarð evra fyrir ári. Engu að síður var afkoman umfram væntingar greiningaraðila sem höfðu að meðaltali spá hagnaði upp á einn milljarð evra. Talsmaður ABN sagði að sökum þess að tilboð Barclays væri talsvert lægra heldur en RBS-hópsins væri stjórn bankans komin í þá stöðu að geta ekki lengur mælt með því við hluthafa að greiða atkvæði með tilboði Barclays. Enda þótt Barclays hafi vonast eftir því að hljóta áfram stuðning stjórnar hollenska bankans við yfirtökuboð sitt, sagðist John Varley, framkvæmdastjóri Barclays, skilja þá viðkvæmu stöðu sem stjórn ABN stæði frammi fyrir. Það er talið að um 40% hlutafjárs ABN Amro sé í eigu vogunarsjóða, að því er kemur fram í frétt Financial Times. Ólíkt hefðbundnum fjárfestum gefa slíkir fjárfestingarsjóðir oftar en ekki minna fyrir meðmæli stjórnarinnar þegar kemur að því að ákveða hvort yfirtökutilboðið skuli fallast á.


 

Bandarísk stjórnvöld tilkynntu í gær að þau myndu veita Ísrael, Egyptalandi, Sádi-Arabíu og öðrum Persaflóaríkjum hernaðaraðstoð upp á að minnsta kosti 43 milljarða Bandaríkjadala til næstu tíu ára. Ávörðunin er liður í stefnu Bandaríkjanna að styrkja bandamenn sína í Miðausturlöndum til að draga úr áhrifum Írana á svæðinu, en þau hafa aukist verulega undanfarin misseri. Áform Bandaríkjanna gera ráð fyrir því að á næstu tíu árum muni Egyptar fá 13 milljarða dala aðstoð og Ísraelar samtals hljóta 30 milljarða dala, sem er 25% aukning frá því sem áður var. Að auki verður ótilgreindri upphæð varið til kaupa á hátæknivopnabúnaði til að styrkja varnir Sádi-Arabíu og fimm smærri nágrannaríki konungdæmisins við Persaflóa, en í frétt New York Times kemur fram að sú upphæð gæti að lokum numið í kringum 20 milljörðum dala. Hin fyrirhugaða hernaðaraðstoð mun þurfa að hljóta samþykki Bandaríkjaþings. Stjórnmálaskýrendur búast við andstöðu frá einhverjum þingmönnum, einkum varðandi aðstoðina til Sádi-Arabíu, en þarlend stjórnvöld hafa verið gagnrýnd fyrir að veita Bandaríkjamönnum ekki nægjanlega aðstoð í Írak. Forsætisráðherra Ísraels, Ehud Olmert, lýsti hins vegar yfir stuðningi við áform Bandaríkjanna um að styrkja "hófsamari" ríki Miðausturlanda.


 

Hlutabréf í fjármálafyrirtækinu HSBC hækkuðu í verði um 2,3% í gær eftir að félagið greindi frá því að hagnaður á fyrri helmingi ársins hefði aukist um 25% frá því á sama tímabili í fyrra. Samtals nam hagnaður HSBC 10,89 milljörðum Bandaríkjadala, sem skýrist meðal annars af auknum tekjum af starfsemi félagsins í Asíu, fyrirtækjaviðskiptum og fjárfestingarbankastarfsemi. Kostnaður vegna afskrifaðra útlána í Bandaríkjunum jókst hins vegar töluvert á tímabilinu.


 

Framkvæmdastjórn Evrópusambandsins ætlar að hefja rannsókn á hugsanlegu ólöglegu samráði þýska orkufyrirtækisins E.ON og Gaz de France. Framkvæmdastjórnin hefur grun um að félögin hafi komist að samkomulagi um að selja ekki metangas á heimamarkaði hvors fyrirtækis. Ef samkeppnisyfirvöld ESB komast að þeirri niðurstöðu að félögin séu sek gætu þau sektað fyrirtækin um allt að 10% af heildarsölutekjum þeirra, en sú upphæð myndi nema milljörðum evra.


 

Norska olíufyrirtækið Statoil greindi frá því í gær að hagnaður félagsins hefði aukist um 12% á öðrum ársfjórðungi. Aukin eftirspurn eftir gasi og lægri skattgreiðslur náðu að vega upp á móti lægra olíu- og gasverði á heimsmarkaði. Samtals nam hagnaður olíufélagsins 10,72 milljörðum norskra króna, samanborið við 9,56 milljarða norskra króna á sama tíma fyrir ári. Afkoman var töluvert yfir væntingum greiningaraðila sem höfðu að meðaltali spáð hagnaði upp á 9 milljarða norskra króna. Þetta mun vera síðasta uppgjör félagsins áður en Statoil sameinast Norsk Hydro þann 1. október næstkomandi.


 

Ákvörðun Cadbury Schweppes, stærsta sælgætisframleiðanda heims, síðastliðinn föstudag að fresta sölu á gosdrykkjaeiningu fyrirtækisins, gæti leitt til aukins þrýsting frá hluthöfum og skaðað rekstur félagsins, að því er Wall Street Journal hefur eftir heimildarmönnum sem vel þekkja til mála. Til stendur að selja meðal annars 7UP og Dr Pepper, en sökum þeirrar ólgu sem ríkir á fjármálamörkuðum hafa mögulegir kaupendur - tveir einkafjárfestingarsjóðir - átt í erfiðleikum með að sækja sér fjármagn á markaði. Á síðustu dögum hafa komið fram vísbendingar um að tilboð áhugasamra fjárfesta verði töluvert lægra heldur en þeir 8 milljarðar punda sem greiningaraðilar höfðu gert ráð fyrir.


 

Í júnímánuði voru fluttar út vörur fyrir 20,1 milljarð króna og inn fyrir 30,0 milljarða króna fob (32,6 milljarða króna cif). Vöruskiptin í júní, reiknuð á fob verðmæti, voru því óhagstæð um 9,9 milljarða króna. Í júní 2006 voru vöruskiptin óhagstæð um 13,5 milljarða króna á sama gengi, að því er kemur fram á vef Hagstofunnar. Á fyrri helmingi ársins nam útflutningur 140 milljörðum en innflutningur 180,5 milljörðum (fob). Vöruskiptahalli reiknaður á fob-verðmæti nam því rúmlega 40 milljörðum sem talsverður samdráttur frá því í fyrra, en á sama tímabili í fyrra á föstu gengi nam hallinn rúmum 73 milljörðum.


 

Úrvalsvísitalan lækkaði um 2,19% og er 8.507 stig við lok markaðar, samkvæmt upplýsingum frá Markaðsvakt Mentis. Veltan nam 9,4 milljörðum króna. Mosaic Fashions hækkaði um 1,18%, Atlantic Petroleum hækkaði um 0,37%, Eimskip hækkaði um 0,25% og Teymi hækkaði um 0,18%. Alfesca lækkaði um 4,04%, FL Group lækkaði um 3,85%, Century Aluminium lækkaði um 3,63%, Exista lækkaði um 3,1% og Straumur lækkaði um 2,77%. Gengi krónu veiktist um 1,1% og er 114,7 stig við lok markaðar.


 

kaupverðið er um 600 milljónir króna


 

Úrvalsvísitalan hefur lækkað um 2,19% og er 8.507 stig við hádegi, samkvæmt upplýsingum frá Markaðsvakt Mentis. Veltan nemur 3,4 milljörðum króna. Mosaic Fashions hefur hækkað um 1,18% og Össur hefur hækkað um 0,46%. FL Group hefur lækkað um 6,12%, Straumur-Burðarás hefur lækkað um 3,46%, Alfesca hefur lækkað um 2,69%, Bakkavör Group hefur lækkað um 2,65% og Exista hefur lækkað um 2,45%. Gengiu krónu hefur veikst um 1,33% og er 114,9 stig.


 

Eimskip Holdings Inc., dótturfélag Hf. Eimskipafélag Íslands og stjórn Versacold Income Fund, tilkynna að öll skilyrði yfirtökutilboðs Eimskips í Versacold Income Fund hafa verið uppfyllt. Öll tilskilin leyfi fyrir yfirtökunni hafa verið veitt, að því er fram kemur í tilkynningu.


 

Vísitala framleiðsluverðs lækkar um 0,1% á milli mánaða og mælist nú 118,2 stig samkvæmt upplýsingum Hagstofunnar. Vísitala framleiðsluverðs fyrir sjávarafurðir var 119,7 stig, lækkaði um 1,0% og vísitala fyrir stóriðju var 143,3 stig, lækkaði um 1,3%. Vísitalan fyrir matvæli lækkaði um 0,1% milli mánaða en vísitala fyrir annan iðnað hækkaði um 1,9% frá maí. Vísitala framleiðsluverðs fyrir vörur sem framleiddar voru og seldar innanlands hækkaði um 0,8% milli mánaða en fyrir útfluttar afurðir lækkaði hún um 0,7%. Undanfarið ár eða frá því í júní 2006 hefur vísitala framleiðsluverðs lækkað um 4,8%. Á sama tímabili hafa sjávarafurðir hafa lækkað í verði um 4,5% og afurðir stóriðju um 14,8% en matvæli hafa hækkað um 2,3%.


 

Úrvalsvísitalan hefur lækkað um 1,3% og er 8.682 stig við lok markaðar, samkvæmt upplýsingum frá Markaðsvakt Mentis. Veltan nam um níu milljörðum króna. Ekkert félagið hækkaði. Atlantic Petroleum lækkaði um 5,04%, Flaga Group lækkaði um 4,28%, Atorka Group lækkaði um 2,72%, Century Aluminium lækkaði um 2,43% og Bakkavör Group lækkaði um 2,16%. Gengi krónu styrktist um 0,7% og er 113,7 stig við lok markaðar.


 

Og fjarskipti ehf. (Vodafone), dótturfélag Teymis hf., hefur samið við Nova ehf. um samnýtingu farsímakerfa. Samningurinn felur í sér að Vodafone fær aðgang að nýju dreifikerfi Nova fyrir þriðju kynslóð farsíma (3G) og Nova fær aðgang að GSM farsímakerfi Vodafone, að því er fram kemur í tilkynningu. Stjórnir Og fjarskipta ehf. og Nova ehf. telja að samningurinn feli í sér verulegt hagræði fyrir bæði félögin. Samkomulagið er í samræmi við útboðslýsingu Póst- og fjarskiptastofnunar fyrir 3G tíðniheimildir sem veitir rétthöfum svigrúm til samnýtingar á dreifikerfum. Og fjarskipti (Vodafone) er fjarskiptafyrirtæki í eigu Teymis hf. Starfsmenn Vodafone eru um 350 talsins og þjónusta viðskiptavini á heimilum og hjá fyrirtækjum um land allt með farsíma, síma, nettengingar og sjónvarp. GSM þjónusta Vodafone nær til 98% landsmanna og með samstarfi við Vodafone Group, eitt öflugasta fjarskiptafyrirtæki í heimi, er viðskiptavinum Vodafone tryggð örugg farsímaþjónusta um allan heim.


 

Sala Skipta, eignarhaldsfélagi Símans, á fyrri helming ársins 2007 nam 15.514 milljónum króna, samanborið við 11.754 milljónir króna árið áður, sem er 32% aukning.


 

Úrvalsvísitalan hefur lækkað um 1,28% og er 8.684 stig við hádegi, samkvæmt upplýsingum frá Markaðsvakt Mentis. Veltan nemur 6,2 milljörðum króna. Össur hefur hækkað um 0,45% og Century Aluminium hefur hækkað um 0,15%. Flaga Group hefur lækkað um 4,28%, Bakkavör Group hefur lækkað um 2,88%, Atlantic Petroleum hefur lækkað um 2,83%, FL Group hefur lækkað um 2,24% og Eik banki hefur lækkað um 1,79%. Gengi krónu hefur veikst um 0,22% og er 113,2 stig.


 

Fjármálafyrirtækið Citigroup hefur hækkað markagengið sitt á Kaupþingi í 1.500 úr 1.275 krónum á hlut. Mælir bankinn áfram með kaupum í Kaupþingi eftir gott uppgjör fyrir annan ársfjórðung, sem birtist á miðvikudaginn síðastliðinn. Gengi Kaupþings hefur lækkað um 1,11% það sem af er degi og er 1.248 krónur á hlut, samkvæmt upplýsingum frá Markaðsvakt Mentis. Sérfræðingar hafa verið að velta því fyrir sér hvort verðmöt myndu hækka í kjölfar uppgjörsins á miðvikudaginn, að því er fram kom í Viðskiptablaðinu í gær. Það kom á daginn. Greiningardeild Landsbankans segir að það megi vænta nýju verðmati frá þeim.


 

Dohop-vefsíðan  hefur komist á lista Times Online  yfir bestu ferðasíðurnar. Íslenska fyrirtækið Dohop gerir notendum kleift að leita eftir flugferðum ókeypis á netinu á síðunni dohop.com. Dohop er af Times talin vera í hópi hundrað bestu ferðasíðna á netinu og mælir Times sérstaklega með síðunni. Farið var eftir útliti, notkunarmöguleikum og skilvirkni síðunnar í valinu. " Dohop er ótrúlega góð síða sem bíður manni hratt og vel upp á verðsamanburð á flugum víðsvegar að um heiminn. Dohop gerir ferðalöngum greiðara um vik að ferðast um heiminn," segir í umsögn Times um Dohop.


 

Hreiðar Már Sigurðsson, forstjóri Kaupþings, getur vel hugsað sér að bankinn fjárfesti frekar í Svíþjóð en þó ekki á íbúðalánamarkaðnum því hið ríkisstyrkta lánasjóðskerfi í Svíþjóð geri það ekki spennandi, ef marka frétt á vef sænska viðskiptablaðsins Dagens Industri."Við sjáum ekki marga möguleika á þessum markaði í Svíþjóð," segir hann í fréttinni en útilokar þó ekki að fjárfest verði í öðrum fyrirtækjum. "En það verður að vera fyrir rétt verð. Ef maður horfir á yfirtökurnar sem við fórum í á árunum 2003 til 2005 borguðum við 1,5 sinnum hið bókfærða virði. Í dag er verðið þrefalt til fjórfalt hið bókfæra virði."Kaupþing opnaði starfstöð í Stokkhólmi fyrir sjö árum og keypti árið 2002 sænsku fyrirtækin Aragon og JP Nordiska en bankinn hefur vaxið gríðarlega síðan þá.


 

Sænska fjármálafyrirtækið Invik & Co. AB sem er í eigu Milestone ehf., félags Karls Wernerssonar og fleiri, skilaði 1,4 milljarða íslenskra króna hagnaði á fyrri hluta ársins. Hagnaðaraukning frá fyrra ári nemur 42%. Karl Wernersson er stjórnarformaður félagsins. Guðmundur Ólason, forstjóri Milestone og Jóhannes Sigurðsson eru einnig í stjórn, auk þriggja Svía.


 

Gunnar Örn Kristjánsson, aðaleigandi Bræðranna ORMSSON, tók í gær við starfi framkvæmdastjóra ORMSSON, að því er fram kemur í tilkynningu frá fyrirtækinu. Hann var forstjóri SÍF í 12 ár, rak eigin endurskoðunarskrifstofu um áratuga skeið og er löggiltur endurskoðandi og viðskiptafræðingur. Gunnar er 52ja ára. 


 

Breska fjárfestingarfélagið Candover Investments hefur nú fallið frá skilyrðum um lágmarkseignarhlut í yfirtökuboði sínu í Stork, segir í frétt Het Financieele Dagblad. Candover hyggst leggja fram yfirtökuboð í Stork sem hljóðar upp á 47 evrur á hlut. En félagið hefur nú fellt niður skilmála sem segir til um að yfirtökuboðið sé ekki gilt nema að yfir 80% hluthafa samþykki það. Marel, sem á 20,2% hlut í Stork og Delta Lloyd, sem á 5,14% hlut, hafa bæði lýst því yfir að yfirtökuboðinu verði ekki tekið á genginu 47 evrur, þar sem það sé of lágt. Í fréttinni segir að með því að afnema þennan skilmála yfirtökuboðsins sé Candover að reyna að koma í veg fyrir að Marel og Delta nái að aftra því að yfirtökuboðið nái fram að ganga. Marel, eða öllu heldur Eignarhaldsfélagið LME ehf. (Landsbankinn, Marel, Eyrir) hefur verið að auka eignarhlut sinn í Stork að undanförnu og er nú stærsti hluthafi fyrirtækisins.


 

Seðlabanki Nýja-Sjálands hækkaði stýrivexti í 8,25% í gær og hafa vextir aldrei verið hærri þar í landi. Yfirlýsingar forráðamanna bankans samfara ákvörðuninni benda þó til þess að þeir hafi trú á því að ekki sé von á fleiri vaxtahækkunum á næstunni. Sérfræðingar telja þó of snemmt að spá að þenslutímabilinu sé lokið. Fyrir utan Ísland hefur ekkert þróað hagkerfi hærri vexti en Nýja-Sjáland og hefur gengi nýsjálenska dalsins haldist hátt, ekki síst vegna vaxtarmunaviðskipta. Í kjölfar yfirlýsingar Alan Bollard, seðlabankastjóra, um að eftirspurn eftir lánsfé í hagkerfinu færi minnkandi og að fjórar vaxtahækkanir í röð myndu væntanlega duga til þess að stemma stigu við verðbólguþrýstingi, féll gengi nýsjálenska dalsins gagnvart Bandaríkjadal. Það hafði náð tuttugu fimm ára hámarki á þriðjudag. Þrátt fyrir ummæli Bollards og viðbrögð markaðarins telja sérfræðingar að ekki sé útilokað að seðlabanki landsins neyðist til þess að hækka vexti enn frekar. Samkvæmt könnun Dow Jones Newswires þá telja hagfræðingar um fjórðungs líkur að seðlabankinn muni hækka vexti þann þrettánda september næstkomandi. Sex af þeim fimmtán hagfræðingum sem voru spurðir spáðu hinsvegar að þetta væri síðasta hækkunin í þessu vaxtarákvörðunarferli. Fréttastofan hefur eftir Cameron Bagrie, aðalhagfræðingi ANZ fjárfestingabankans, að megintíðindin varðandi ákvörðunin og yfirlýsingu seðlabankastjórans séu að jafnvægi sé komið á ástandið í hagkerfinu. Hann spáir því að vextir komi ekki til að breytast á næstunni og býst ekki við að vextir lækki fyrr en á næsta ári eða því þarnæsta.


 

Ákveðið hefur verið hætta prentútgáfu hins gagnmerka bandaríska vikublaðs Weekly World News í næsta mánuði. Blaðið er gefið út af American Media sem jafnframt gefur út blöð eins og National Enquirer. Útgefandi segir að útgáfunni verði hætt vegna aukinnar samkeppni á markaðnum en hann hafði áður tilkynnt að blaðið íhugaði að breyta um stefnu og einbeita sér að fréttum af frægu fólki og útgáfu lífstílstímarita. Í tæp þrjátíu ár hefur Weekly World News, sem segist vera eina áreiðanlega blað heimsins, þorað meðan aðrir hafa þagað og birt afhjúpandi fréttir af geimverum, draugum og ýmsum uppgötvunum læknavísindanna eins og lækningu við ástarsorg. Eitt frægasta "skúbb" blaðsins var um leðurblökudrenginn svokallaða en hann er að sögn blaðsins afkvæmi leðurblöku og manns og fannst í helli. Blaðið flutti reglulega fréttir af drengnum og sagði til að mynda fyrst blaða frá því að hann hafi aðstoðað Bandaríkjaher við leitina að hryðjuverkaforingjanum Osama bin Laden í Afganistan sökum þess hversu heimavanur hann var hellum.


 

Óvíst er hvort Delta Two, fjárfestingarsjóði í eigu stjórnvalda í Katar, mun takast að að yfirtaka bresku verslunarkeðjuna Sainsbury í kjölfar frétta um að Robert Tchenguiz, sem fer með um 10% hlut í félaginu, ætli væntanlega að hafna tilboðinu, að því er Financial Times greinir frá. Formlegt tilboð af hálfu katarska fjárfestingarsjóðsins, sem á fyrir um 25% hlutafjár í Sainsbury, hefur enn ekki verið gert en óformlegar viðræður um hugsanlega yfirtöku á bresku verslunarkeðjunni hafa átt sér stað undanfarin misseri. Fréttum ber hins vegar ekki saman um hvort Tchenguiz hyggst hafna tilboðinu. Reuters-fréttastofan hefur eftir heimildarmanni sínum sem vel þekkir til gangs mála að Tchenguiz ætli að samþykkja tilboðið að því gefnu að stjórn Sainsbury taki þá ákvörðun að mæla með því við hluthafa félagsins. Í frétt Financial Times segir að Tchenguiz, sem jafnframt er einn helsti samstarfsaðili Kaupþings á Bretlandseyjum og stjórnarmaður í Exista, telji að tilboð Delta Two, sem myndi meta Sainsbury á samtals 10,6 milljarða punda, sé ekki nægjanlega hátt; sanngjarnt og raunsætt verð fyrir félagið sé 610 pens á hlut - eða jafnvel meira - að mati Tchenguiz. Er Delta Two tilbúið að bjóða 625 pens fyrir hlutinn? Ef rétt reynist að Tchenguiz muni leggjast gegn tilboðinu yrði það verulegt áfall fyrir katarska fjárfestingarsjóðinn, en Sainsbury-fjölskyldan, sem á um 18% hlutafjár í verslunarkeðjunni, hefur nú þegar sett sig upp á móti yfirtöku Delta Two miðað við þá upphæð sem sjóðurinn hefur sagst ætla að bjóða. Ef þessir tveir aðilar - Tchenguiz og Sainsbury-fjölskyldan - fallast ekki á tilboðið útilokar það fyrirhugaða yfirtöku sjóðsins á félaginu, nema Delta Two geri breytingar á tilboði sínu, en það er sjóðnum nauðsynlegt að afla sér samþykkis 75% hluthafa við tilboðið til að geta skráð fyrirtækið af markaði. Síðastliðinn aprílmánuð runnu tilraunir einkafjárfestingarsjóðsins CVC um að kaupa Sainsbury fyrir 582 pens á hlut út í sandinn sökum andstöðu Tchenguiz og Sainsbury-fjölskyldunnar. Delta Two mun annað hvort þurfa að hækka fyrirhugað tilboð sitt eða lækka það hlutfall hluthafa sem þarf að samþykkja tilboðið - úr 75% niður í 50% - ef sjóðnum ætlar að takast ætlunarverk sitt, en slík breyting myndi hins vegar um leið verða til þess að gera fjármögnun tilboðsins mun dýrari heldur en ella. Sir Philip Hampton, stjórnarformaður Sainsbury, mun hitta forsvarsmenn Delta Two næstkomandi þriðjudag. Þrátt fyrir að Delta Two hækki tilboð sitt í 610 pens á hlut, líkt og Tchenguiz hefur mælt fyrir, þá er engu að síður ólíklegt að fjárfestingarsjóðnum takist að sannfæra Sainsbury-fjölskylduna til að fallast á slíkt tilboð. Fjölskyldan hefur áður gefið það í skyn að hún telji að tilboð upp á 625 pens á hlut sé nær lagi. Sérfræðingar telja sennilegt að Delta Two sé reiðubúinn til að fara svo hátt - en bréf Sainsbury stóðu í kringum 583 pens á hlut í gær. Áður en orðrómur um hugsanlega yfirtöku á bresku verslunarkeðjunni hófst í febrúar síðastliðnum stóðu bréfin 445 pens á hlut. Frá þeim tíma hafa fjölmörg félög verið orðuð við kaup á fyrirtækinu.


 

Bresk-hollenska olíufyrirtækið Royal Dutch Shell greindi frá því í gær að hagnaður félagsins hefði aukist um 18% á öðrum ársfjórðungi samanborið við sama tíma í fyrra. Samtals nam hagnaður Shell 8,67 milljörðum Bandaríkjadala, miðað við 7,32 milljarða dala fyrir einu ári. Félagið sagði að góður hagnaður af olíuhreinsunarstarfsemi hefði náð að vega upp á móti minnkandi framleiðslu í Nígeríu sökum tíðra árása herskárra hópa á olíumannvirki Shell þar í landi.


 

Nýjum atvinnuleysisbótaþegum í Bandaríkjunum fækkaði í síðustu viku um tvö þúsund, niður í 301 þúsund manns. Greiningaraðilar á Wall Street höfðu að meðaltali spáð því að nýjum umsóknum um atvinnuleysisbætur myndi þvert á móti fjölga um níu þúsund í vikunni. Þessar nýju tölur frá vinnumálaráðuneyti Bandaríkjanna gefa til kynna að vinnumarkaðurinn þar í landi sé enn öflugur.


 

Santander, stærsti banki Spánar að markaðsvirði, tilkynnti í gær að hagnaður bankans hefði aukist um 54% á ársfjórðungnum miðað við sama tímabil í fyrra. Nam hagnaður Santander samtals 2,66 milljörðum evra, sem var í takt við væntingar greiningaraðila, en samkvæmt skoðanakönnun Dow Jones-fréttaveitunnar var gert ráð fyrir hagnaði upp á 2,54 milljarða evra. Bankinn sagði að hagnaðaraukninguna mætti einkum skýra með mikilli lánastarfsemi Santander í Evrópu og Suður-Ameríku, auk fjármagnshagnaðar upp á 566 milljónir evra vegna sölu á hlut bankans í ítalska félaginu Intesa Sanpaolo.


 

Hagnaður British American Tobacco (BAT), næst stærsta alþjóðlega tóbaksfyrirtækisins í heiminum, jókst um 14% á öðrum ársfjórðungi og nam samtals 808 milljónum punda, samanborið við 709 milljóna punda hagnað á sama tímabili fyrir ári. Afkoman var eilítið hærri heldur en greiningaraðilar höfðu spáð fyrir um. BAT varaði hins vegar við því að vöxtur félagsins á seinni helmingi fjárhagsársins myndi minnka sökum hærri skattgreiðslna og aukinna fjárfestinga sem fyrirtækið hyggst ráðast í á árinu.


 

Úrvalsvísitalan lækkaði um 0,82% og er 8.797 stig við lok markaðar, samkvæmt upplýsingum frá Markaðsvakt Mentis. Veltan nam 15 milljörðum króna. Nýherji hækkaði um 2,44%, 365 hækkaði um 0,9% og Föreya banki hækkaði um 0,81%. Century Aluminium lækkaði um 3,65%, Eik lækkaði um 2,85%, Atorka Group lækkaði um 2,45%, Straumur-Burðarás lækkaði um 2,01% og FL Group lækkaði um 2,01%. Gengi krónu veiktist um 1,45% og er 113 stig við lok dags.


 

Meirihlutaeigendur Avion Aircraft Trading eru nú að kaupa eftirstandandi 49% eignarhlutinn í fyrirtækinu sem er í eigu Eimskipa. Arctic Parners, sem er í eigu Hafþórs Hafsteinssonar, stjórnarformanns AAT, Arngríms Jóhannssonar, stjórnarmanns í AAT og annarra stjórnenda AAT, keypti 51% hlut í fyrirtækinu á síðasta ári. Í ársuppgjöri Eimskipa 2006 kom fram að Arctic Partners hefði kauprétt að eftirstandandi hlutnum á 32 milljónir Bandaríkjadala, eða rúmlega 1,9 milljarða króna. "Kauprétturinn er þarna til staðar og er hagstæður, en stærsta ástæðan fyrir því að við erum að kaupa er að Eimskip hefur ákveðið að selja allar flugtengdar einingar sínar og er nú verið fylgja eftir þeirri áætlun. Það er því ákveðin þrýstingur á okkur að nýta þennan kauprétt á þessum tíma," segir Hafþór Hafsteinsson, stjórnarformaður Avion Aircraft Trading. Hann segir að engar breytingar séu fyrirhugaðar á rekstri fyrirtækisins í kjölfar kaupanna, en hugsanlega muni þau opna fyrir það að aðrir fjárfestar komi að félaginu, en það sé þó alveg óvíst. Hafþór segir að félagið sé nú orðið það sterkt að það hafi alla burði til að gera stóra samninga í sveiflukenndum bransa. "Á sínum tíma var mjög mikilvægt að hafa sterkan bakhjarl, til að mynda þegar við hófum kaup á Boeing 777 þotum árið 2005. En á þessu ári höfum við keypt átta Airbus þotur og kom þar ábyrgð frá Eimskipum hvergi inn í myndina," segir Hafþór.


 

Glitnir var þriðji stærsti verðbréfamiðlarinn á hlutabréfamarkaði OMX á fyrstu sex mánuðum ársins miðað við veltu á markaði, samkvæmt upplýsingum OMX Kauphallarinnar. Sameinuð markaðshlutdeild Glitnis og dótturfélagsins FIM á tímabilinu var 24,4% á Íslandi, 6,1% í Finnlandi, 6,1% í Svíþjóð, 5,8% í Noregi, 3,2% í Danmörku, 6,3% í OMX kauphöllinni og 6,2% á Norðurlöndunum. Lárus Welding, forstjóri Glitnis, segir að með öflugum vexti undanfarin ár hafi Glitnir fest sig í sessi sem einn af stærstu verðbréfamiðlurum á Norðurlöndunum. "Við höfum aukið við markaðshlutdeild okkar síðan á fyrsta ársfjórðungi, á markaði sem enn er að slá veltumet. Sterk staða okkar í verðbréfamiðlun styrkir svo stöðu okkar sem leiðandi fjármálaþjónustufyrirtæki á Norðurlöndunum," segir Lárus. Almar Guðmundsson, forstöðumaður Norðurlandadeildar Glitnis, segir að mikilvægur þáttur í stefnu Glitnis sé að bjóða upp á greiningar í hæsta gæðaflokki. "Við bjóðum nú upp á greiningu á 220 skráðum fyrirtækjum á Íslandi, Noregi, Svíþjóð, Finnlandi og Rússlandi og erum við stöðugt að styrkja greiningardeild okkar á Norðurlöndunum," segir Almar. Glitnir mun kynna sex mánaða uppgjör sitt 31. júlí næstkomandi.


 

365 mun hækka lítillega í verði næstu tólf mánuðina, en lagður var grunnur að talsverðum viðsnúningi á rekstrinum með sölunni á Hands Holding, endurfjármögnun og margvíslegri hagræðingu. Þetta kemur fram í nýrri fyrirtækjagreiningu frá Greiningu Landsbankans. Markgengi 365 að ári liðnu er talið vera 3,52 krónur á hlut, en við lok markaða í gær stóðu bréf félagsins í 3,32 krónum og höfðu þá lækkað um 0,6% frá opnun markaða.


 

Hagnaður Bakkavarar fyrstu sex mánuði ársins jókst um tæplega þrjátíu prósent milli ára og nam 3,2 milljörðum króna þrátt fyrr erfitt viðskiptaumhverfi í Bretlandi á árinu, en veðurfar og innkallanir á vöru Bakkarvarar höfðu áhrif á rekstur félagsins. Hagnaður Bakkarvarar á öðrum ársfjórðungi nam tveimur milljörðum og jókst um 11% milli fjórðunga. Hagnaður hluthafa þar sem af er ári 1,2 pens á hlut og hefur aukist um þrjú prósent frá því í fyrra. Arðsemi eigin fjár var 20,3 fyrstu sex mánuðina en minnkaði hún frá því á sama tíma og í fyrra en þá var hlutfallið 25,2. Arðsemi eigin fjár á öðrum fjórðung var 25% en 34,2 % á tímabili í fyrra. Heildarvelta félagsins fyrstu sex mánuði ársins var ríflega níutíu milljarðar króna og er um ræða tíu prósenta aukningu frá því fyrra. EBITDA, eða hagnaður fyrir afskriftir, skatta og fjármagnsliði, á tímabilinu var nánast óbreytt eða 5,1 milljarður en EBITDA fyrstu sex mánuði ársins er 9,1 milljarður króna en það er tólf prósent aukning frá í því fyrra. Undirliggjandi vöxtur í rekstri fyrstu sex mánuði ársins var tíu prósent en 6,4% á öðrum ársfjórðungi. Í uppgjöri félagsins er salan á vörum félagsins sögð góð. Mikilvægasta markaðssvæðið er Bretland en þaðan kemur 92% af veltu félagsins á þessu ári. Salan í Bretlandi var 83,1 milljörðum króna fyrstu sex mánuði ársins og er það 31% aukning frá því á sama tímabili í fyrra. Salan jókst um fjórðung milli ára á öðrum ársfjórðungi. Söluaukningin í Bretlandi á sér stað þrátt fyrir að veðurfar hafi verið óhagstætt en hækkandi hráefnisverð og aukinn orkukostnaður höfðu jafnframt áhrif á starfsemi félagsins. Þrátt fyrir mikilvægi Bretlands þá hefur Bakkavör verið að styrkja stöðu sína á öðrum mörkuðum og félagið jók umsvif sín á meginlandi Evrópu og í Kína með fjárfestingum í þremur fyrirtækjum á tímabilinu. Fram kemur í uppgjörinu að gert er ráð fyrir að viðskiptaumhverfið í Bretlandi verði áfram krefjandi það sem eftir lifir árs sökum hækkunar hráefniskostnaðar auk þess sem að vextir og verðbólga þar í landi hefur áhrif. Hinsvegar er gert ráð fyrir að eftirspurn eftir ferskum tilbúnum matvælum áfram að aukast og haft er eftir Ágústi Guðmundssyni, forstjóra, að félagið sé vel í stakk búið að nýta þau tækifæri sem í því felast.


 

Exista birtir árshlutauppgjör fyrir fyrstu sex mánuði ársins


 

Uppgjör á fyrri árshelmingi 2007


 

Arðsemi VBS fjárfestingarbanka 48% fyrir skatta


 

Úrvalsvísitalan hefur lækkað um 1,68% og er 8.721 stig við hádegi, samkvæmt upplýsingum frá Markaðsvakt Mentis. Veltan nemur sex milljörðum króna. Nýherji hefur hækkað um 2,44%, 365 hefur lækkað um 0,9%, Eimskip sem og Atlantic Petroleum hefur lækkað um 0,62% og Bakkavör Group hefur hækkað um 0,29%. Eik hefur lækkað um 2,98%, Atorka Group hefur lækkað um 2,65%, Straumur hefur lækkað um 2,46%, Exista hefur lækkað um 2,03% og Glitnir hefur lækkað um 1,81%. Gengi krónu hefur veikst um 0,66% og er 112,1 stig.


 

Breska ríkisstjórnin hefur sagt að hún sé ekki reiðubúin til að taka upp verndarstefnu í ríkara mæli undir því yfirskini að nýleg kaup svokallaðra ríkisfjárfestingarsjóða (e. sovereign wealth funds) á einkafyrirtækjum þar í landi ógni þjóðarhagsmunum. Þetta kom fram í fyrstu stóru ræðunni sem Alistair Darling, nýr fjármálaráðherra í ríkisstjórn Gordon Browns, flutti á breska þinginu í gær, að því er fram kemur í Financial Times. Darling sagði jafnframt að bresk stjórnvöld myndu standa í vegi fyrir öllum tilraunum sem miðuðu að því að torvelda erlendum aðilum að fjárfesta í breskum fyrirtækjum. Varað við uppgangi verndarstefnu Ummæli Darling koma í kjölfar þess að Kínverski þróunarbankinn (CDB), sem er í eigu þarlendra stjórnvalda, og Temasek, fjárfestingararmur ríkisstjórnarinnar í Singapúr, keyptu stóran hlut í breska bankanum Barclays síðastliðinn mánudag. Ákvörðun Barclays að leita til asískra fjárfesta um að kaupa hlutafjár í bankanum var gerð í því augnamiði að Barclays gæti hækkað yfirtökutilboð sitt í ABN Amro. Ef yfirtaka Barclays á hollenska bankanum verður að veruleika munu stjórnvöld í Kína og Singapúr eignast um 10% hlut í breska bankanum - hlutur Kínverja verður tæplega 8% - og ljóst að CDB yrði stærsti einstakaki hluthafinn í Barclays. Darling sagði í ræðu sinni að ekki væri von á stefnubreytingu breskra yfirvalda í þessum efnum þrátt fyrir atburði síðustu daga. Þvert á móti þá kom fram í máli Darling að stjórnvöld fögnuðu allri fjárfestingu erlendra aðila í bresku viðskiptalífi, en að sama skapi ítrekaði hann þá skoðun ríkisstjórnarinnar að sömu stjórnvöld og væru að kaupa eignir í Bretlandi þyrftu að opna sína eigin markaði heima fyrir. Sir John Gieve, aðstoðarseðlabankastjóri Englandsbanka, varaði hins vegar við því í gær að aukin völd og umsvif ríkisfjárfestingarsjóða á alþjóðlegum fjármálamörkuðum undanfarin misseri myndu leiða til pólitískrar spennu og auk þess setja þrýsting á stjórnmálamenn um að tala máli verndarstefnu í alþjóðaviðskiptum í auknum mæli. Sjá nánar í Viðskiptablaðinu í dag.


 

Kurbanguly Berdymukhademov, forseti Túrkmenistan, hefur tilkynnt um meiriháttar áform um uppbyggingu ferðamannaiðnaðar í landi sínu. Ríkisstjórn landsins hyggst verja einum milljarði Bandaríkjadala ásamt því að leitast eftir samstarfi við erlenda fjárfesta um uppbyggingu ferðamannastaðar við Kaspíahaf. Kurbanguly Berdymukhademov tilkynnti um áformin á dögunum en uppbyggingin mun fara fram í bænum Túrkmenabashi. Bærinn heitir í höfuðið á fyrrum forseta og einræðisherra landsins, Saparmurat Niazov sem féll frá síðastliðinn desember, en hann kallaði sig einatt föður allra Túrkmena. Stjórnvöld hafa nú þegar fengið til liðs við sig tyrknesk verktakafyrirtæki til þess að taka þátt í uppbyggingu í bænum. Áformin verða seint bendluð við dverghug: Reisa á tugi hótela, heilsuhæla, veitingastaða og skýjakljúfa sem að sögn Natalíu Antelava, tíðindamanns breska ríkisútvarpsins (BBC) í Miðasíu, líkjast einna helst fútúrískum geimförum. Ásamt því að verja fé til uppbyggingar hefur Berdymukhademov lýst því yfir að bærinn muni tilheyra fríverslunarsvæði og að stjórnvöld muni rýmka heimildir um vegabréfsáritanir handa erlendum gestum. Töluverð tíðindi felast í því þar semTúrkmenistan var eitt lokaðasta land heims í valdatíð Niazov. Jafnvel íbúar landsins þurftu heimild stjórnvalda til þess að ferðast milli héraða. Á þeim tíma voru erlendir ferðamenn sjaldséðir hvítir hrafnar og þeir fáu sem tókst að fá vegabréfsáritun til landsins komu gagngert til þess að upplifa þá sérstöku ríkisvæddu dýrkun á persónu þáverandi forseta, auk þess að sumum þótti forvitnilegt að taka þátt í hátíðarhöldum í tengslum við Melónudaginn svokalla. Segja má að nánast öll umræða landsins og menning hafi snúist um hina sérstöku persónu forsetans en frá því að Berdymukhademov tók við hefur borið á frjálsræðisgjólu í landinu. Svigrúm borgara til ferðalaga hefur verið aukið, ekki er lengur lagt bann við kennslu á erlendum tungumálum og íbúar landsins hafa nú að einhverju leyti aðgengi að Netinu. Stöðugleiki tekinn fram yfir glundroða En þrátt fyrir frjálsræðisgjólu undanfarinna mánaða verður ekki sagt að Túrkmenistan sé fyrirmyndarríki þegar kemur að mannréttindum þegna landsins. Fjölmiðlum er stjórnað af ríkisvaldinu að fullu og borgarar veigra sér við að gagnrýna stjórnarfarið. Hinsvegar hefur áðurnefnd Antelava eftir einum íbúa höfuðborgarinnar, Ashgabat, að þorri landsmanna kjósi frekar að ástandið þokist hægt en örugglega til frjálsræðisáttar þar sem að of mikið frelsi á skömmum tíma kynni að hafa í för með sér glundroða.


 

Bandaríska útgáfufélagið New York Times greindi frá því í gær að hagnaður fyrirtækisins hefði næstum tvöfaldast á öðrum ársfjórðungi. Samtals nam hagnaðurinn 118,4 milljónum Bandaríkjadala, eða 82 sentum á hvern hlut, samanborið við 59,6 milljónir dala á sama tímabili og í fyrra. Félagið sagði að hagnaðaraukningin skýrðist einkum af sölu á sjónvarpsstöðvum í eigu New York Times. Tekjur af auglýsingasölu drógust hins vegar saman á ársfjórðungnum um 6,9%, en samtals námu sölutekjur félagsins 788,9 milljónir dala, sem er 3,7% minna heldur en á sama tíma fyrir ári.


 

GlaxoSmithKline, annar stærsti lyfjaframleiðandi heims, tilkynnti í gær að hagnaður félagsins fyrir skatta á öðrum ársfjórðungi hefði numið 1,896 milljörðum punda, sem er nákvæmlega jafnmikið og á sama tímabili í fyrra. Félagið sagði að ástæðan fyrir því að hagnaðurinn hafi ekki aukist á milli ára væri meðal annars sú að sala á sykursýkislyfinu Avandia hefði minnkað. Lyfjaframleiðandinn hyggst hins vegar ekki breyta afkomuspá sinni fyrir núverandi ár og gerir ráð fyrir því að hagnaður á hvern hlut muni aukast um 8% til 10%. Gengi hlutabréfa í félaginu hækkaði um 3,9% í kjölfar afkomutilkynningarinnar.


 

Ryanair, stærsta lággjaldaflugfélagið í Evrópu, á í undirbúningsviðræðum við Spicejet um kaup á hlut í indverska félaginu, að því er Dow Jones-fréttastofan hefur eftir þremur heimildarmönnum sem vel þekkja til mála. Í kringum 60 milljónir Indverja ferðuðust með flugi á síðasta ári og gert er ráð fyrir því að sú tala muni hækka upp í 100 milljónir árið 2010. Af þeim sökum hafa erlend flugfélög horft hýru auga til indverska markaðins undanfarin misseri. Samkvæmt indverskum lögum mega hins vegar erlendir aðilar þó ekki eignast meira en 49% hlut í indversku flugfélagi.


 

Hagnaður bandaríska flugvélaframleiðandans Boeing á öðrum ársfjórðungi nam samtals 1,05 milljörðum Bandaríkjadala, eða 1,35 dölum á hvern hlut, samanborið við tap upp á 160 milljónir dala á sama tíma og fyrir ári. Sölutekjur Boeing hækkuðu einnig um 14% á milli ára og námu samtals 17,03 milljörðum dala. Greiningaraðilar höfðu að meðaltali gert ráð fyrir hagnaði upp á 1,16 dali fyrir hvern hlut og að sölutekjur Boeing myndu nema ríflega 16 milljörðum dala. Hlutabréf í félaginu hækkuðu um 3% í kjölfar afkomutilkynningarinnar.


 

Þýska fyrirtækið Siemens greindi frá því í gær að félagið hefði samþykkt að selja VDO einingu sína til Continental fyrir 11,4 milljarða evra og á sama tíma komist að samkomulagi um að kaupa Dade Behring fyrir 7 milljarða evra. Siemens, sem er stærsta tækni- og verktakafyrirtækið í Evrópu þegar horft er til sölutekna, tilkynnti einnig að hagnaður félagsins á þriðja ársfjórðungi á fjárhagsárinu hefði hækkað upp í 2,07 milljarða evra úr 1,34 milljörðum evra miðað við sama tíma í fyrra. Sölutekjur Siemens jukust einnig um 8% og námu samtals 20,18 milljörðum evra.


 

Straumur Fjárfestingabanki hf. birti afkomu á fyrstu sex mánuðum ársins 2007 í morgun. Hagnaður eftir skatta á öðrum ársfjórðungi árið 2007 er 94,19 milljónir evra, en var 3,51 milljón evra á öðrum ársfjórðungi árið 2006. Hagnaður eftir skatta á fyrri helmingi ársins 2007 var 163,35 milljónir evra, en var 221,01 milljón evra á fyrri helmingi ársins 2006. Tölur frá eQ fyrir einn mánuð birtast í reikningi en yfirtaka finnska bankans var kynnt í lok maí síðastliðins.


 

Century Aluminum tapaði 60,7 milljónum dollara (3,6 milljörðum króna) á öðrum ársfjórðungi en hagnaðist um 45,8 milljón dollara (2,7 milljarða króna) á sama tíma fyrir ári.


 

Ný stjórn var kjörin í Flugstöð Leifs Eiríkssonar ohf. á hluthafafundi síðastliðinn föstudag, að því er fram kemur í tilkynningu flugstöðvarinnar.


 

Áttatíu og tvær stórar flugvélar og þotur voru á skrá hjá Flugmálastjórn Íslands um síðustu áramót og 29 léttari vélar. Þá voru hátt í 300 litlar vélar í eigu ýmissa aðila. Alls voru 407 flugvélar á skrá í árslok og fjölgaði þeim um 10 á síðasta ári. Þetta kemur fram í nýrri ársskýrslu flugöryggissviðs Flugmálastjórnar Íslands þar sem greint er frá helstu atriðum í starfseminni á síðasta ári, en sagt er frá skýrslunni á heimasíðu samgönguráðuneytisins.


 

Fjárfestingafélagið FL Group er eina félagið sem greiningardeild Glitnis sér kauptækifæri í um þessar mundir því gengi annarra félaga á markaði eru um eða yfir sex mánaða markgengisspá. Kauptækifæri myndast, að mati greiningardeildarinnar, ef hún telur að gengi félags muni hækka umfram 10% til ársloka.


 

Lágfargjaldaflugfélögin Sterling, sem er í eigu Íslendinga, hið norska Norwegian og írska flugfélagið Ryanair lofa öll auknu framboði og samkeppni í Skandinavíu á næstunni og gæti því verið að stefna í svokallað verðstríð á þeim markaði. Þetta kemur fram á vef sænska viðskiptablaðsins Dagens Industri.


 

Baugur hefur byggt upp hlut í fyrirtækinu undanfarnar vikur og var greint frá því á mánudag að hluturinn væri kominn upp í 8,08%. Baugur mun hafa keypt hlutina á tæplega 22 Bandaríkjadali og er því heildarverðið um 250 milljónir Bandaríkjadala eða 14,7 milljarðar króna, að því er kemur fram í fréttinni.Gunnar Sigurðsson, forstjóri Baugs Group, segir að Baugur hafi áður lýst yfir áhuga á Bandaríkjamarkaði og sé nú fyrirtækið að skoða fjárfestingatækifæri þar, sem og annars staðar.


 

Eimskip hefur boðað hækkun á flutningsgjöldum frá og með næstu mánaðarmótum. Mest er hækkunin á milli Íslands og Norður-Ameríku eða um 10%. Sjóflutningsgjöld milli Íslands og Evrópu hækka um 4,7%, og þjónustugjöld Eimskips á Íslandi hækka um sömu prósentutölu og akstur innanlands hækkar um 3%.


 

Krónan mun að öllum líkindum haldast sterk út árið ef þróunin í vaxtamunarviðskiptum verður sú sem markaðurinn væntir. Þýska ríkið gaf út krónubréf í gær að andvirði þriggja milljarða króna, og hafði gengi krónunnar styrkst um 0,4% í kjölfarið við lokun markaða.


 

Fyrri spá Goldman Sachs um að olíuverð færi upp fyrir 100 Bandaríkjadali á fatið fyrir árið 2009 gæti orðið að veruleika mun fyrr - jafnvel innan næstu mánaða - að mati sérfræðinga um olíumarkaðinn. Jeffrey Currie, sérfræðingur hjá bandaríska fjárfestingarbankanum í London, segir í samtali við Bloomberg fréttaveituna að það sé alls ekki ósennilegt að fatið af Brent Norðursjávarolíu fari upp í 95 dali á þessu ári, nema ef svo vilji til að samtök olíuútflutningsríkja (OPEC) taki þá ákvörðun að auka verulega framleiðslu sína. Fleiri taka undir með Currie og telja líklegt að olíuverð muni ná hundrað dölum á árinu. Skemmdarverk herskárra hópa á mikilvægum olíumannvirkjum í Nígeríu eða Írak, auk hugsanlegra hernaðargerða gegn Írönum, eru á meðal þess sem gæti orsakað slíka hækkun á olíuverði á mjög skömmum tíma.


 

Hjalti Páll Ingólfsson, verkefnastjóri hjá Íslenskri Nýorku, segir að sífellt styttist í vetnisvæðingu Íslands og að frá og með næsta vori mun vetnisfólksbílum fjölga hratt á götum Reykjavíkur. Nú fyrir skömmu var fyrsti fólksvetnisbílinn afhentur en bíllinn er af Daimler Chrysler gerð og er búinn vetnisefnarafal.


 

Sampo Oyj sendi í dag flöggunartilkynningu til kauphallarinnar í Helsinki þess efnis að Exista hf. fari nú með A-hluti í Sampo sem nemur 19,93% af heildarhlutafé í félaginu. Þetta kemur fram í tilkynningu. Eins og fram kemur í tilkynningunni hefur Exista og samstæðufélög nýtt í dag réttindi samkvæmt afleiðusamningum sem áður höfðu verið tilkynntir og farið yfir 15% flöggunarmörk. Nemur hlutur félagsins nú 15,58% af útgefnu hlutafé í Sampo. í tilkynningunni kemur einnig fram að Exista Trading ehf., dótturfélag Exista, hefur gert sambærilega samninga sem gefur því tilkall til 4,35% hlutafjár í Sampo til viðbótar. Sampo Oyj á og stýrir tryggingarfélaginu If, sem er leiðandi skaðatryggingafélag á Norðurlöndum, og Sampo Life, sem starfar á sviði líftrygginga og lífeyrissparnaðar í Finnlandi og Eystrasaltsríkjunum. Sampo er jafnframt umsvifamikill fjárfestir á norrænum mörkuðum og er félagið skráð á OMX Nordic Exchange í Helsinki. Lýður Guðmundsson, stjórnarformaður Exista: ?Við lítum á Sampo sem kjölfestueign til langs tíma, en félagið er hlutdeildarfélag í reikningum Exista. Það er því rökrétt að við aukum hlut okkar í Sampo sem þessu nemur og undirstrikum þannig enn frekar trú okkar félaginu.?


 

Þrátt fyrir að verð á hráolíu sé nálægt sögulegu hámarki hefur kaupmáttur aðildarríkja Samtaka olíuútflutningsríkja (OPEC) í milliríkjaviðskiptum fallið um þriðjung vegna veikrar stöðu Bandaríkjadals gegn helstu gjaldmiðlum heimsins. Þessi staðreynd kann að ráða miklu um ákvörðunartöku samtakanna um framleiðslumagn á næstu misserum. Í frétt blaðsins Financial Times um þróun olíuverðs og gengi Bandaríkjadals kemur fram að útreikningar OPEC sýni að þrátt fyrir að heimsmarkaðsverð á olíufati sé nálægt sögulegu hámarki, eða 78,65 dölum en verðið fór upp í þær hæðir í ágústmánuði í fyrra, þá hefur raunvirði hráolíu fallið undanfarna tólf mánuði sé tekið tillit til gengisþróunar dalsins og verðbólgu. Hin vegna OPEC karfa verðþróunar á hráolíumörkuðum sýnir að meðalverð á hráolíufati nú er um 43,60 dalir miðað við 44,30 dali fyrir tólf mánuðum. Á síðasta fundi samtakanna, sem fór fram fyrir þremur mánuðum, lýsti forseti þeirra, Mohamed Bin Dhaen al Hamli, yfir áhyggjum yfir veikri stöðu dalsins á gjaldeyrismörkuðum og sagði ástandið hafa veruleg áhrif á kaupmáttargetu aðildarríkja OPEC í alþjóðaviðskiptum. Síðan þá hefur gengi Bandaríkjadals haldið áfram að veikjast gagnvart gjaldmiðlum eins og evrunni og sterlingspundinu. Ekki sér fyrir endann á þeirri þróun vegna væntinga um óbreytt vaxtastig í Bandaríkjunum og á sama tíma eru stýrivaxtahækkanir fyrirsjáanlegar bæði á evrusvæði og í Bretlandi. Í byrjun vikunnar var gengi dalsins í sögulegu lágmarki gagnvart evru og hafði ekki verið lægra gagnvart breska pundinu í tuttugu og sex ár. Vandinn er djúpstæðari en ella fyrir OPEC-ríkin þar sem að milliríkjaviðskipti þeirra hafa beinst í auknu mæli til aðildarríkja Evrópusambandsins (ESB). Ríki eins og Egyptaland og Súdan, sem flytja út töluvert magn af olíu en eiga ekki aðild að OPEC, standa jafnframt frammi fyrir sama vandamáli. Financial Times hefur eftir Eric Chaney, sem er hagfræðingur hjá Morgan Stanley, að útreikningar bendi til þess að tíu prósenta veiking á Bandaríkjadal gagnvart helstu gjaldmiðlum hafi í för með sér fimm prósenta kaupmáttarskerðingu í milliríkjaviðskiptum aðildarríkja OPEC. Sjá nánar í Viðskiptablaðinu í dag.


 

Pjongjang, höfuðborg Norður-Kóreu, er nú komin á stall með borgum eins og Reykjavík, New York og Dyflinni, en yfirvöld hafa bannað reykingar á veitinga- og skemmtistöðum í borginni. Hinsvegar eru það ekki heilbrigðissjónarmið sem ráða för heldur sú staðreynd að leiðtogi landsins, Kim Jong-il, hefur þurft að hætta reykingum að læknisráði. Kim Jong-il, eða "Leiðarstjarna 21. aldarinnar", eins og hann er iðulega kallaður í ríkisfjölmiðlum landsins, gekk undir hjartaaðgerð fyrir nokkru og læknar hans hafa ráðlagt honum að láta af reykingum og áfengisneyslu, en þrálátur orðrómur hefur verið um stórtæka neyslu hans á þessum vandmeðförnu neysluvörum. Sökum þess að einræðisherrann ákvað að fylgja ráði læknanna hafa reykingar verið bannaðar í öllum þeim opinberu byggingum og öðrum þeim stöðum sem hann leggur leið sína til. Norður-Kórea er eitt lokaðasta land heims og stopular fréttir berast þaðan. Breska blaðið Financial Times hefur eftir Jang Sung-min, ráðgjafa Kim Dae-Jung fyrrum forseta Suður-Kóreu og helsta arkitekt Sólskinsstefnunnar svokölluðu en svo nefnist viðræðustefna stjórnvalda í Seúl gagnvart Norður-Kóreu, að allir þurfi að taka tillit til bannsins og gildi einu hvort að um sé ræða háttsetta embættismenn eða venjulega borgara. Stjórnmálaskýrendur fylgjast grannt með fréttum af heilsufari Kim Jong-il en leitt er líkum að því að stjórnkerfi kommúnistaríkisins muni hrynja falli hann frá. Slíkt kynni að valda pólitískum landskjálftum á Kóreuskaga og í nágrannaríkinu Kína, en stjórnvöld í Peking óttast mjög hugsanlegt flóttamannavandamál í kjölfar slíkrar atburðarásar. Orðrómur um hjartaaðgerð Kim Jong-il komst í hámæli í maí og fjölluðu suður-kóreskir fjölmiðlar mikið um meinta rýrnun á holdafari hans og fölnandi ásjónu. Leyniþjónusta Suður-Kóreu fullyrðir að hann hafi gengið undir aðgerðina en hinsvegar er það mat sérfræðinga hennar að ástand hans sé ekki það alvarlegt að það kunni að óbreyttu að draga hann til dauða. Kim Jon-il er sextíu og fimm ára að aldri og þrátt fyrir að leiðtoginn sé þekktur fyrir óhóf hvað varðar mat, tóbak og drykk kann svo að fara að bjarmi "Leiðarstjörnunnar" muni ekki slokkna í bráð. Sérstaklega ef hann líkist föður sínum og forvera í embætti en hann lifði í ríflega áttatíu ár.


 

Hlutabréf hækkuðu um 5% og tyrkneska líran um 3% og hefur hún ekki verið hærri gagnvart Bandaríkjadal í tvö ár, í kjölfar stórsigurs Réttlætis- og þróunarflokksins (AKP) í þingkosningum síðastliðinn sunnudag. Recep Tayyip Erdogan, forsætisráðherra Tyrklands, hefur heitið því að gerðar verði málamiðlanir á hinum pólitíska vettvangi í því augnamiði að forðast átök við hin veraldlegu öfl í landinu og tyrknesk hernaðaryfirvöld, en jafnframt verður áfram unnið að því að ráðast í frekari umbætur í efnahags- og atvinnumálum. Stjórnmálaskýrendur gera ráð fyrir því að hin nýja ríkisstjórn Erdogans forsætisráðherra verði mynduð næstkomandi ágúst eftir að þing landsins hefur komið saman. AKP-flokkurinn, sem á rætur sínar að rekja til íslamskrar hugmyndafræði, jók fylgi sitt í kosningunum um 12% frá því í síðustu þingkosningum sem fram fóru árið 2002 og hlaut samtals um 47% greiddra atkvæða. Þrátt fyrir þá miklu fylgisaukningu fækkaði fulltrúum flokksins á þingi úr 352 í 340, sökum þess að fleiri stjórnmálaflokkum tókst að rjúfa 10% múrinn sem er forsenda fyrir því að fá fulltrúa kjörinn á þing. Pólitískur óstöðugleiki helsti ásteytingarsteinninn Sérfræðingar um tyrkneska markaðinn segja að sigur Erdogan hafi verið fjárfestum mjög að skapi, sem hafa undanfarin fimm ár - frá því að Erdogan tók við embætti forsætisráðherra - lagt mikið undir að haldið verði áfram á þeirri vegferð sem AKP-flokkurinn hefur markað í valdatíð sinni. Ein hættan er hins vegar sú að hin pólitíska spenna sem ríkti í Tyrklandi síðastliðið vor komi aftur upp á yfirborðið þegar tyrkneska þingið mun þurfa að velja nýjan forseta. Af þeim sökum telja margir stjórnmálaskýrendur að enda þótt fjárfestar hafi fagnað kosningasigri Erdogan hefðu þeir engu að síður kosið að sigur hans hefði verið minni, þar sem slík útkoma hefði væntanlega minnkað líkurnar á hugsanlegum átökum milli AKP-flokksins og hinna veraldlegu afla í stjórnmálalífi Tyrklands. Takist Erdogan aftur á móti það vandasama verk að útnefna mann í embætti forseta landsins sem breið sátt verður um á meðal helstu valdastétta í Tyrklandi, yrði það til þess að fjarlægja eina helstu hindrun þess að margir erlendir fjárfestar hafi verið reiðubúnir til að fjárfesta þar í landi - en það hefur verið sá óstöðugleiki sem löngum hefur ríkt í stjórnmálalífi Tyrklands. Flestir sérfræðingar eru á einu máli um að eftir sigur AKP-flokksins séu efnahagshorfur í Tyrklands góðar, ef gengið er út frá því sem vísu að ríkisstjórn Erdogans muni halda efnahagsumbótum sínum áfram. Sjá nánar í Viðskiptablaðinu í dag.


 

Norska olíu- og álframleiðslufyrirtækið Norsk Hydro tilkynnti í gær að hagnaður félagsins á öðrum ársfjórðungi hefði aukist um 2,1% frá því á sama tíma og í fyrra og nam hagnaðurinn samtals 5,95 milljörðum norskra króna. Afkoman var nokkuð yfir væntingum greiningaraðila, en samkvæmt skoðanakönnun sem Dow Jones-fréttastofan gerði á meðal hagfræðinga var gert ráð fyrir hagnaði upp á 4,78 milljarða norskra króna. Þrátt fyrir aukinn hagnað félagsins minnkuðu tekjur Norsk Hydro um 3,1% á ársfjórðungnum í 46,53 milljarða norskra króna, meðal annars sökum lægra olíuverðs á heimsmarkaði.


 

Ástralska námufyrirtækið BHP Billiton greindi frá því í gær að góðar framleiðslutölur hjá félaginu á fjórða ársfjórðungi fjárhagsársins gerðu það að verkum að félagið myndi tilkynna um methagnað á árinu í næsta mánuði. Forsvarsmenn BHP Billiton segjast búast við því samtals muni hagnaðurinn nema um 14 milljörðum Bandaríkjadala. Fyrirtækið sagði að vaxandi eftirspurn á heimsmarkaði hefði gert það að verkum að framleiðsla félagsins hefði aukist. Að meðaltali eiga greiningaraðilar von á því að hagnaður félagsins á árinu verði 14,4 milljarðar dala, en á síðasta ári nam hagnaður námufyrirtæksins 10,45 milljörðum dala.


 

Einkafjárfestingarsjóðurinn TPG hyggst gera yfirtökutilboð í Jagúar og Land Rover einingu bandaríska bílaframleiðandans Ford, að því er Dow Jones-fréttastofan hefur eftir heimildarmanni sem vel þekkir til mála. Það er gert ráð fyrir því að Ford muni formlega gera grein fyrir söluferlinu á fimmtudaginn. Á meðal annarra hugsanlegra kaupenda að Jagúar og Land Rover er Cerberus Capital Management, sem nýverið keypti 81% hlut í Daimler Chrysler Group.


 

Lyfjaframleiðandinn Merck hefur greint frá því að hagnaður félagsins á öðrum ársfjórðungi hafi aukist um 12% frá því á sama tíma og í fyrra. Samtals nam hagnaður félagsins 1,68 milljörðum Bandaríkjadala, eða 77 sentum á hvern hlut. Helsta ástæðan fyrir góðri afkomu fyrirtækisins er rakin til góðrar sölu á ofnæmis-, kólesteról- og bóluefnalyfjum. Sölutekjur Merck hækkuðu um 5,9% og námu samtals 6,11 milljörðum dala. Afkoman var vel yfir væntingum greiningaraðila.


 

Úrvalsvísitalan hefur lækkað um 0,04% og er 8.900 stig, samkvæmt upplýsingum frá Markaðsvakt Mentis. Veltan nemur 289 milljörðum króna, þar af 280 milljarðar með Actavis Group sem verið er að afskrá. Föreya banki hefur hækkað um 3,13%, Eik banki hefur hækkað um 2,29%, Össur hefur hækkað um 0,9%, Landsbankinn hefur hækkað um 0,87% og Marel hefur hækkað um 0,87%. FL Group hefur lækkað um 1,67%, Straumur-Burðarás hefur lækkað um 1,33%, Icelandic Group hefur lækkað um 1,26%, Atlantic Petroleum hefur lækkað um 0,87% og Exista hefur lækkað um 0,76%. Gengi krónu hefur veikst um 0,44% og er 111,2 stig.


 

45,8 milljarða króna hagnaður


 

Skuldir heimilanna við bankakerfið jukust um tæplega tólf milljarða í síðasta mánuði, að því er kemur fram í Hálffimmfréttum frá greiningardeild Kaupþings. Heildarskuldir heimilanna við viðskiptabankana nema nú um 756 milljörðum króna samkvæmt talnaefni frá Seðlabanka Íslands.


 

Úrvalsvísitalan lækkaði um 0,69% og er 8.903 stig, samkvæmt upplýsingum frá Markaðsvakt Mentis. Veltan nam 14,1 milljarði króna. Eik banki hækkaði um 2,48%, Alfesca hækkaði um 1,54%, Teymi hækkaði um 0,53%, Icelandic Group hækkaði um 0,48% og Atlantic Petroleum hækkaði um 0,44%. Century Aluminum lækkaði um 1,97% en uppgjör fyrir annan ársfjórðung birtist fyrir opnun markaðar á morgun, Straumur-Burðarás lækkaði um 1,53%, Landsbankinn lækkaði um 1,35%, Icelandair Group lækkaði um 1,32% og Bakkavör Group lækkaði um 0,99%. Gengi krónu styrktist um 0,22% og er 110,8 stig.


 

Bank Nederlandse Gemeenten (BNG) tilkynnti um fimm milljarða króna útgáfu jöklabréfa með gjalddaga í febrúar 2009 og 12,25% ávöxtunarköfu í dag. Þetta kemur fram í Vegvísi Landsbankans.


 

Greiningardeild Landsbankans spáir að vísitala neysluverðs hækki um 0,3% í ágúst.


 

Úrvalsvísitalan hefur lækkað um 0,11% og er 8.955 stig við hádegi, samkvæmt upplýsingum frá Markaðsvakt Mentis. Veltan nemur 10,7 milljöðrum króna, þar af 7,9 milljarðar króna með bréf Actavis Group. Teymi hefur hækkað um 1,95%, Eik banki hefur hækkað um 1,38%, Eimskip hefur hækkað um 1%, Alfesca hefur hækkað um 0,68% og FL Group hefur hækkað um 0,67%. Straumur-Burðarás hefur lækkað um 1,09%, Landsbankinn hefur lækkað um 0,49%, Exista hefur lækkað um 0,38% og Landsbankinn hefur lækkað um 0,12%. Gengi krónu hefur styrkst um 0,64% og er 110,3 stig.


 

Ekkert félag kemur í stað Actavis Group sem fjarlægt var úr Úrvalsvísitölunni OMX15 í dag á þessu tímabili, sem nær frá 1. júlí til 31. desember, og eru nú fyrirtækin í Úrvalsvístölunni 13, samkvæmt upplýsingum frá greiningardeild Glitnis. Actavis Group var fjarlægt úr Úrvalsvísitölunni í kjölfar þess að fjárfestingarfélagið Novator var komið með yfir 90% af útistandi hlutafé í félaginu.


 

Eignaverðsvísitala Kaupþings hækkaði um 0,8% í júní. ?Það er talsvert minni hækkun en í síðasta mánuði er eignaverðsvísitalan hækkaði um 3,2% vegna mikillar hækkunar fasteignaverðs,? segir greiningardeild bankans. Fasteignaverð hins vegar um 0,5% í þeim mánuði, sem var nálægt væntingum greiningardeildarinnar. ?Hlutabréf hækkuðu um 1,6% í mánuðinum samkvæmt OMXI15 vísitölunni sem er einnig minni hækkun en í síðasta mánuði og hækkun skuldabréfa nam 0,8%. Fasteignir og hlutabréf höfðu því jafnmikil áhrif til hækkunar á vísitölunni að þessu sinni eða 0,3% hvort. Skuldabréf höfðu 0,2% áhrif til hækkunar. Ársbreyting vísitölunnar er nú komin í 10,9% og hefur ekki verið meiri frá því í apríl 2006.? Hækkun hlutabréfa mest áhrif á árinu Hlutabréf haft hafa mest áhrif til hækkunar á vísitölunni á árinu, eða 9,5% að raunvirði en raunhækkun bréfa á íslenskum hlutabréfamarkaði síðustu tólf mánuði var 47,6% ef miðað er við úrvalsvísitölu Kauphallarinnar, OMXI15, að sögn greiningardeildarinnar. ?Í júní hafði fasteignaverð haft næstmest áhrif til hækkunar vísitölunnar á árinu eða 9,5% en síðustu tólf mánuði var hækkun fasteignaverðs 5,2% að raunvirði. Skerfur skuldabréfahækkana til vísitölunnar er minnstur, aðeins um 0,1% í júní og er ársbreytingin 0,4%. Hækkun eignaverðs hefur m.a. verið að hafa áhrif til aukningar einkaneyslu síðustu mánuði og því verður forvitnilegt að fylgjast með þróun næstu mánaða,? segir greiningardeildin.


 

Flytur Kína út verðbólgu? er fyrirsögn greiningardeildar Kaupþings í Hálffimm fréttum, daglegum fréttamiðli greiningardeildarinnar. ?Í Bandaríkjunum hafa innfluttar vörur frá Kína hækkað um 0,3% milli mánaða síðustu tvo mánuði,? segir í fréttinni. ?Ýmsir óttast að Kína, sem hefur verið framleiðandi ódýrra vara síðustu áratugi, gæti aukið á verðbólguna í öðrum löndum í komandi tíð. Þetta gæti meðal annars þýtt aukinn kostnað við að halda niðri verðbólgu í formi hærri stýrivaxta.?


 

Landsbankinn hefur uppfært viðskiptaskilmála Einkabanka, sem er netaðgangur viðskiptamanna bankans að reikningum sínum, millfærslum og annarri þjónustu. Það vakti athygli margra að í 9. grein viðskiptaskilmálans, Þóknun og skuldfærsla, segir: "Notandi greiðir fyrir notkun Einkabankans samkvæmt gjaldskrá Landsbankans eins og hún er hverju sinni með gjaldfærslu af viðskiptareikningi, sbr. 15. gr. skilmála þessara. Landsbankinn áskilur sér fullan rétt til að breyta gjaldskrá sinni án fyrirvara."


 

Eimskip og Qingdao Port Group hafa samið um rekstur Eimskips á stærstu kæli- og frystigeymslu í Kína, sem verður við Qingdao-höfnina, en skrifað var undir samkomulagið hjá forseta Íslands á Bessastöðum í gær. Bygging kæli- og frystigeymslunnar stendur yfir og verður geymslan tekin í notkun í september.


 

Talsvert líf verið í Kauphöll Íslands að undanförnu, en venjulega er frekar dauft á þeim bænum yfir sumarmánuðina. Peningarnir sem losna við yfirtöku Novators á Actavis hafa án efa talsverð áhrif á veltu annarra skráðra félaga í Kauphöllinni.


 

Eins og kunnugt er standa vextir Seðlabanka Íslands nú í 13,3% og eru vextir hvergi jafn háir í Evrópu, að Tyrklandi einu undanskildu. Síðan vorið 2005 hefur Seðlabankinn hækkað vexti alls 16 sinnum til að bregðast við auknum umsvifum hagkerfisins. Greiningaraðilar höfðu búist við að svigrúm skapaðist í hagkerfinu fyrir vaxtalækkun seinni partinn á þessu ári en aukin þensla í hagkerfinu á síðustu mánuðum hefur komið í veg fyrir að svo verði.


 
Erlent
24. júlí 2007

Dalurinn veikist

Gengi Bandaríkjadals náði sögulegu lágmarki gegn evru á mörkuðum í gær og hafði ekki verið lægra gegn breska sterlingspundinu í tuttugu og sex ár.


 

Barclays hækkaði í gær yfirtökutilboð sitt í ABN Amro upp í 67,5 milljarða evra og tilkynnti jafnframt að hluti þeirrar upphæðar - 24,8 milljarðar evra - yrði greiddur með peningum, sökum þess að bankinn samþykkti að selja hlutafé að virði 13,4 milljarða evra til Kínverska þróunarbankans (CDB) og Temasek Holdings, sem er fjárfestingarfélag að hluta til í eigu stjórnvalda í Singapúr. Tilboð Barclays kemur í kjölfar þess að RBS-hópurinn, sem samanstendur af Royal Bank of Scotland, Santander og Fortis, lagði fram nýtt yfirtökuboð í ABN í síðustu viku upp á 71,1 milljarða evra, en 93% þeirrar upphæðar verða greidd með peningum. Fyrra tilboð Barclays í hollenska bankann hljóðaði hins vegar upp á 64 milljarða evra og átti að öllum hluta að vera fjármagnað með nýjum hlutabréfum í breska bankanum. Verða kínversk stjórnvöld stærstu hluthafarnir í Barclays? Með ákvörðun sinni að leita til kínverskra fjárfesta í því augnamiði að geta lagt fram betra yfirtökutilboð í ABN munu kínversk stjórnvöld í kjölfarið gerast stærsti einstaki hluthafinn í Barclays og ráða yfir 7,7% hlutafjár bankans. Það er hins vegar undir því komið samruni Barclays og ABN gangi eftir, en ef það verður ekki munu yfirvöld í Kína og Singapúr eignast minni hlut í Barclays en ella. CDB hefur engu að síður nú þegar fjárfest í Barclays fyrir 2,2 milljarða evra á meðan Temasek samþykkti að kaupa hlutafé fyrir 1,4 milljarða evra. Þær upphæðir gætu síðan aukist um 7,4 milljarða evra (frá CDB) og 2,2 milljarða evra (frá Temasek) ef samruni Barclays og ABN Amro verður að veruleika. Gjaldeyrisvaraforði kínverskra stjórnvalda um þessar mundir nemur í kringum 1,3 billjónum Bandaríkjadala, sem hefur hingað til að mestum hluta verið varið í að kaupa bandarísk ríkisskuldabréf. Á þeirri íhaldssömu fjárfestingarstefnu er hins vegar nú að verða breyting. Bandaríska einkafjárfestingarfélagið Blackstone, sem kínversk stjórnvöld keyptu nýverið hlut í upp á 1,5 milljarða dala, veitti CDB aðstoð við að ná samkomulagi við Barclays. Sjá nánar í Viðskiptablaðinu í dag.


 

Almenn andstaða er á meðal íbúa ríkustu þjóða heims við alþjóðavæðingu og gagnvart forustumönnum stærstu fyrirtækja atvinnulífsins. Stór meirihluti fólks í Bandaríkjunum og Evrópu (Bretlandi, Frakklandi, Spáni, Ítalíu og Þýskalandi) vill að hinir ríku séu skattlagðir í meira mæli en nú er gert og sett sá þak á launagreiðslur til framkvæmdastjóra í viðskiptalífinu. Þetta er á meðal þess sem kemur fram í skoðanakönnun sem Financial Times framkvæmdi nýverið. Samkvæmt niðurstöðum könnunarinnar kemur í ljós að almenningur í Bretlandi, Frakklandi, Bandaríkjunum og Spáni er þrisvar sinnum líklegri til að álíta að alþjóðavæðing sé að hafa neikvæðar efnahagslegar afleiðingar fremur en jákvæðar á land sitt. Álit almennings á leiðtogum í viðskiptalífinu mælist heldur ekki mikið. Færri en 5% Bandaríkjamanna og Evrópubúa (fyrir utan Ítala) segjast hafa mikla aðdáun á framkvæmdastjórum stórra fyrirtækja. Í þessum sömu löndum sögðust á bilinu 30% til 50% aðspurða ekki hafa neina aðdáun í garð leiðtoga viðskiptalífsins. Þrátt fyrir að Evrópubúar séu enn í miklum meirihluta á þeirri skoðun að "frjáls samkeppni" eigi að vera eitt af helstu markmiðum Evrópusambandsins (ESB), þá telja þeir engu að síður að stjórnvöld eigi að bregðast við í auknum mæli við vaxandi ójöfnuði og þeim ofurlaunum sem tíðkast í viðskiptalífinu í kjölfar alþjóðavæðingarinnar, með því að hækka skatta á þá ríku. Margir telja að hinar háu launa- og bónusgreiðslur séu óréttlætanlegar og endurspegli neikvæðar hliðar alþjóðavæðingarinnar. Að mati 60% almennings í fjórum Evrópulöndum - Bretlandi, Spáni, Ítalíu og Frakklandi - ætti að setja ákveðið launaþak á slíkar greiðslur til forystumanna í viðskiptalífinu. Í frétt Financial Times segir að niðurstaða könnunarinnar - en úrtak hennar var um þúsund manns í hverju landi fyrir sig - hljóti að vekja upp ákveðnar spurningar á meðal stjórnmálamanna og helstu leiðtoga viðskiptalífsins: Almenningur á meðal ríkustu þjóða heims virðist í sívaxandi mæli draga í efa þann efnahagslega ávinning sem opnun hagkerfa og aukin fríverslun undanfarin ár og áratugi hefur haft í för með sér fyrir lífskjör venjulegs fólks.


 

Olíuverð féll í gær sökum væntinga um að bandarískar olíuhreinsunarstöðvar myndu auka framleiðslu sína og einnig ummæla Mohammed al-Hamli, forseta samtaka olíuframleiðsluríkja (OPEC), um að OPEC væri reiðubúið til að framleiða meiri olíu ef þess yrði þörf. Fatið af Brent Norðursjávarolíu lækkaði í gærmorgun um 60 sent, niður í 77,04 dali, eftir að hafa jafnframt fallið í verði um 3% síðasta föstudag. Forseti OPEC segir að samtökin hafi áhyggjur af þeim afleiðingum sem hið háa olíuverð á heimsmarkaði gæti haft fyrir vöxt í alþjóðahagkerfinu, enda þótt OPEC telji að um þessar mundir séu litlar vísbendingar um að hátt orkuverð hafi hamlað hagvexti á heimsvísu. OPEC segir að ekki sé ljóst hvort þörf verði á framleiðsluaukningu af hálfu aðildarríkja samtakanna í lok þessa árs. Sérfræðingar telja hins vegar að ekki beri að draga of víðtækar ályktanir af þessum ummælum og ólíklegt sé að þau muni hafa mikil áhrif til lækkunar á olíuverði á næstu misserum.


 

Úrvalsvísitalan lækkaði um 0,34% og er 8.965 stig við lok markaðar, samkvæmt upplýsingum frá Markaðsvakt Mentis. Veltan nam fimm milljörðum króna. Alfesca hækkaði um 1,91%, Atorka Group hækkaði um 1,52%, Atlantic Petroleum hækkaði um 1,33%, Össur hækkaði um 0,91% og Eik banki hækkaði um 0,56%. Cenutry Aluminum lækkaði um 2,08%, Bakkavör Group lækkaði um 1,25%, Föreya banki lækkaði um 1,24%, Straumur-Burðarás lækkaði um 0,64% og Icelandair lækkaði um 0,49%. Gengi krónu styrktist um 0,3% og er 110,9 stig.


 

TBH Investments Limited hefur selt í FL Group fyrir um 2,4 milljarða króna.


 

Actavis Group hf.  mun verða fjarlægt úr Úrvalsvísitölunni á morgun. Þetta er gert með vísan til tilkynningar Novators fyrr í dag um að eigendur yfir 90% af útistandandi hlutafé í Actavis hafi samþykkt yfirtökutilboð félagsins, að því er fram kemur í tilkynningu.


 

Úrvalsvísitalan hefur hækkað um 0,12% og er 9.006 stig við hádegi, samkvæmt upplýsingum frá Markaðsvakt Mentis. Veltan nemur 2,5 milljörðum króna. Alfesca hefur hækkað um 1,57% en á föstudaginn lauk félagið við að endurfjármagna sig, Atorka Group hefur hækkað um 1,52%, Teymi hefur hækkað um 1,07%, Exista hefur hækkað um 0,62% og Atlantic Petroleum hefur hækkað um 0,44%. Eimskip hefur lækkað um 0,5% og Glitnir hefur lækkað um 0,16%. Gengi krónu hefur styrkst um 0,02% og er 111,2 stig.


 

Yfirtökutilboð Novator eignarhaldsfélags ehf. til hluthafa Actavis Group hf. rann út kl. 16:00 miðvikudaginn 18. júlí 2007. Þau skilyrði sem Novator eignarhaldsfélag ehf. setti fram í yfirtökutilboði sínu hafa verið uppfyllt og  er tilboðið hér með lýst óskilyrt af hálfu tilboðsgjafa. Þetta kemur fram í fréttatilkynningu. Að loknum tilboðsfresti hefur Novator tryggt sér hlutafé sem nemur kr. 1.895.316.722 að nafnverði eða 99,66% af heildarhlutafé Actavis Group hf., að meðtöldum hlutum í eigu tilboðsgjafa og tengdra félaga sem og eigin hlutum félagsins. Hluthafar sem samþykktu tilboðið fá greitt með reiðufé samkvæmt tilboðinu og fer greiðsla fram miðvikudaginn 25. júlí 2007.


 

í kjölfarið á framlengingu yfirtökutilboðs Stillu


 

tekjur á fyrri árshelmingi eru nokkuð umfram áætlanir


 

Tíðin var róleg á markaði í dag eftir mikil læti fyrr í vikunni og hækkaði Úrvalsvísitalan aðeins um 0,07% í dag og endaði daginn í 8.989 stigum.  Velta með hlutabréf var frekar lítill í Kauphöllinni í dag eða 5,5 milljarðar króna samkvæmt upplýsingum Markaðsvaktar Mentis.


 

Alfesca hefur lokið endurfjármögnun félagsins með alþjóðlegu sambankaláni upp á 280 milljónir evra. Í frétt félagsins kemur fram að nýja lánið styrkir fjárhagsstöðu Alfesca, myndar sveigjanleika og skapar betri aðstöðu til þess að efla félagið og stækka.


 

Lítið hefur verið að gerast á markaði í dag en úrvalsvísitalan er óbreytt í 8.989 stigum frá lokum markaða í gær. Viðskipti með hlutabréf nema alls 3,4 milljörðum króna samkvæmt upplýsingum frá Markaðsvakt Mentis.


 

Samkvæmt skoðanakönnunum mun Réttlætis- og þróunarflokkurinn (AKP), flokkur Recep Tayyip Erdogan, forsætisráðherra Tyrklands, verða sigurvegari þingkosninganna á sunnudaginn, en hins vegar gefa þær til kynna að sigurinn verði ekki jafn afgerandi og forystumenn AKP höfðu vonast eftir. Þegar litið er til sex skoðanakannana sem gerðar hafa verið undanfarnar þrjár vikur má gera ráð fyrir því að AKP-flokkurinn muni hljóta á bilinu 35% til 44% atkvæða, en í síðustu þingkosningum sem fram fóru árið 2002 fékk flokkurinn 34% fylgi. Þrátt fyrir væntanlega fylgisaukningu telja stjórmálaskýrendur að ólíklegt sé að úrslit kosninganna verði á þá leið að AKP takist að tryggja sér tvo þriðju hluta þeirra 550 fulltrúa sem sæti eiga á tyrkneska þinginu, sökum þess að búist er við því að fleiri stjórnmálaflokkum en áður takist að rjúfa 10% múrinn sem er forsenda fyrir því að fá mann kjörinn inn á þing. Í dag hefur AKP 353 fulltrúa á þingi en til þess að geta breytt stjórnarskrá landsins er nauðsynlegt að hafa stuðning tvo þriðju hluta þingmanna. Niðurstaða að skapi viðskiptalífsins? Kosningarnar hafa af mörgum stjórnmálaskýrendum verið taldar einar þær mikilvægustu í nútímasögu Tyrklands. AKP-flokkurinn tók þá ákvörðun í lok apríl að flýta fyrirhuguðum þingkosningum sem áttu að fara fram í nóvember í kjölfar þeirra deilna sem sprottið höfðu upp vegna ákvörðunar Erdogan að útnefnda Abdullah Gul, núverandi utanríkisráðherra, sem forsetaframbjóðenda AKP. Þrátt fyrir þá ákvörðun - að tilnefna Gul fremur en Erdogan sjálfan - hafi verið hugsuð sem málamiðlun af hálfu AKP fékk hún ekki þær viðtökur sem flokkurinn hafði vonast eftir. Enda þótt andstæðingar AKP hafi kunnað ívið betur við Gul heldur en Erdogan tortryggðu þeir hann engu að síður sökum þess að þeir deila með sér sömu hugmyndafræði í stjórnmálum - að mati andstæðinga þeirra - um að breyta hinu veraldlega þjóðskipulagi Tyrklands, sem komið var á fót árið 1923. Ef niðurstaða kosninganna verður á þá leið sem skoðanakannanir gefa til kynna er ljóst að slík úrslit myndu hugnast viðskiptalífinu sem óttast að of stór meirihluti AKP-flokksins gæti orðið til þess að endurvekja þá spennu sem ríkti fyrr á þessu ári á milli AKP og hinna veraldlegu afla í stjórnmálalífi landsins, þar á meðal tyrkneska hersins. Fjárfestar telja AKP líklegastan allra flokka til að fylgja stefnu sem er hliðholl viðskiptalífinu og halda áfram að vinna að aðildarviðræðum við Evrópusambandið (ESB) sem hófust formlega fyrir tveimur árum. Stjórnmálaskýrendur segja hins vegar að lítið sem ekkert hafi verið rætt um málefni Evrópusambandsins í aðdraganda kosninganna, sem endurspeglar þá staðreynd að stuðningur almennings við aðild Tyrklands að ESB hefur aldrei mælst minni í skoðanakönnunum. Sjá nánar í Viðskiptablaðinu í dag.


 

Hagvöxtur í Kína mældist 11,9% á öðrum ársfjórðungi þrátt fyrir aðgerðir ríkisstjórnarinnar til að reyna kæla hagkerfið, að því er fram kemur í opinberum hagtölum sem kínversk yfirvöld birtu í gær. Þetta er mesti vöxtur á einum ársfjórðungi sem mælst hefur í Kína síðan í árslok 1995, en þá stækkaði kínverska hagkerfið um 12,5%. Ráðamenn í Peking greindu frá því í gær að þeir hygðust ráðast í frekari stjórnvaldsaðgerðir til að koma í veg fyrir ofhitnun í hagkerfinu, en markmið ríkisstjórnarinnar gerir ráð fyrir 10% hagvexti. Það bendir fátt til annars en að hagvöxtur á núverandi ári verði meiri en 10% fimmta árið í röð. Hagfræðingar spá um 11% vexti á árinu en á fyrsta ársfjórðungi mældist hann 11,2%. Af þeim sökum styttist óðfluga í að Kína fari fram úr Þýskalandi og verði þriðja stærsta hagkerfi heimsins, á eftir Japan og Bandaríkjunum. Þjóðarframleiðsla í Kína á síðasta ári var 2,7 milljarðar Bandaríkjadala en í Þýskalandi nam hún hins vegar um 2,9 milljörðum dala. Vísitala neysluverðs hækkaði um 4,4% á ársgrundvelli í júní, sem er mesta hækkun þar í landi í meira en tvö ár, en verðbólgumarkmið stjórnvalda gerir ráð fyrir 3% verðbólgu. Stýrivextir í Kína hafa verið hækkaðir fjórum sinnum frá því í apríl á síðasta ári. Auk verðbólguþrýstings er ójafnvægi í milliríkjaverslun við helstu viðskiptalönd Kína og hátt orkuverð á heimsmarkaði meðal helstu áhættuþátta sem ógna stöðugleika í efnahagslífinu, að mati kínversku ríkisstjórnarinnar. Tim Condon, aðalhagfræðingur hollenska bankans ING í Asíu, segir í samtali við AP-fréttastofuna að þrátt fyrir hugsanlega hættu á að hagkerfið ofhitni séu þessar nýju hagvaxtartölur góðar fréttir. Condon segir jafnframt að fjárfesting í Kína vaxi umfram áætlanir hins opinbera þar í landi og bendir á að fjárfesting í verksmiðjum og öðrum fastafjármunum (e. fixed assets) hafi aukist um tæplega 26% á fyrstu sex mánuðum þessa árs, en það er engu að síður 3,9% minna miðað við sama tíma og í fyrra.


 

TPG-hópurinn, sem er að íhuga yfirtökutilboð í spænska flugfélagið Iberia, mun hefja áreiðanleikakönnun á fyrirtækinu á mánudaginn, að því er Dow Jones-fréttastofan hefur eftir heimildarmönnum. TPG lagði fram bráðabirgðatilboð upp á 3,41 milljarð evra í Iberia í mars síðastliðnum.


 

Bílaframleiðandanum Ford hafa borist nokkur tilboð í Jagúar og Land Rover einingu sína, að því er talsmaður félagsins greindi frá í gær. Hann bætti því hins vegar við að málið væri aðeins á undirbúningsstigi og salan á einingunum væri ekki yfirvofandi. Í gær rann út frestur fyrir fyrirtæki til að leggja fram snemmbúinn tilboð.


 

Seðlabankastjóri Bandaríkjanna, Ben Bernanke, sagði í vitnisburði fyrir bankanefnd öldungardeildar Bandaríkjaþings í gær, að hann teldi að gengi júansins hefði hækkað of lítið undanfarin misseri gagnvart Bandaríkjadal. Hann ítrekaði einnig skoðun sína um að sveigjanlegra júan myndi jafnframt þjóna kínverskum hagsmunum; með því að halda gengi kínverska gjaldmiðilsins of lágu væru stjórnvöld að skekkja markaðinn og reiða sig í of miklu mæli á kínversk útflutningsfyrirtæki. Bernanke bætti því jafnframt við að þessi skipan mála væri í raun óbein niðurgreiðsla til kínverskra fyrirtækja sem eigi í samkeppni við önnur fyrirtæki á alþjóðlegum markaði.


 

Fjarskiptafyrirtækið Motorola greindi frá því í gær að félagið hefði tapað um 28 milljónum Bandaríkjadala á öðrum ársfjórðungi. Sölutekjur Motorola drógust saman um 19% og námu samtals 8,73 milljörðum dala. Afkoman var í samræmi við þá afkomuviðvörun sem fyrirtækið sendi frá sér í síðustu viku. Samkeppni á farsímamarkaðinum reyndist Motorola áfram erfið á ársfjórðungnum og félagið gerir ekki ráð fyrir því að skila hagnaði á núverandi rekstrarári. Gengi hlutabréfa Motorola hækkuðu um eitt prósent í kjölfar afkomutilkynningarinnar.


 

Reykjavíkurborg hefur fyrir hönd Íþrótta- og tómstundaráðs auglýst eftir umsóknum áhugasamra aðila um þátttöku í þróunarverkefni um vatnagarð í Úlfarsárdal, ásamt því að koma að fjármögnun, framkvæmdum og rekstri viðkomandi mannvirkja. Í vatnagarðinum er gert ráð fyrir almenningssundlaug, aðstöðu til leikja fyrir börn og unglinga og vettvangi fyrir fjölskyldur til að dvelja saman í vatnagarði sem verður að hluta til yfirbyggður. Þar verður hægt að hvíla sig og slappa af eða taka þátt í hamaganginum. Einnig verður þar aðstaða fyrir skólasund, sund eldri borgara og ungbarnasund.


 

Við lokun markaða í gær hafði Úrvalsvísitalan hækkað um ríflega 40% frá áramótum, og í kjölfarið veltu ýmsir fyrir sér hvort markaðurinn væri hreinlega of hátt verðlagður eða ofmetinn. Í frétt Viðskiptablaðsins í gær kom fram að sérfræðingar teldu sölu Actavis og þá fjármuni sem losnuðu við hana vera eina af hinum augljósu ástæðum hækkunarinnar, en þó er hægt að tína til fleiri ástæður eins og auðsáhrif og miklar væntingar til afkomu, vaxtar og yfirtaka félaga í Kauphöllinni.


 

Vísitala byggingarkostnaðar, reiknuð eftir verðlagi um miðjan júlí, er 372,0 stig og hefur hækkað um 0,30% frá fyrra mánuði. Vísitalan gildir fyrir ágúst. Síðastliðna tólf mánuði hefur vísitala byggingarkostnaðar hækkað um 6,4%. Þetta kemur fram í tilkynningu frá Hagstofu Íslands.


 

Úrvalsvísitalan snéri við á uppleið sinni í dag og fór niður fyrir níu þúsund stigin á ný eftir að hafa brotið nýtt met í gær. Úrvalsvísitalan er nú í 8.989 stigum sem er lækkun um 0,3% síðan í gær. Velta með hlutabréf í Kauphöllinni nam samtals 12,4 milljörðum króna samkvæmt upplýsingum Markaðsvaktarinnar Mentis.


 

Hlutabréf halda áfram að hækka í Kauphöllinni í dag og stendur Úrvalsvísitalan nú í 9.088 stigum sem er hækkun um 0,79% frá lokun markað í gær. Velta með hlutabréf í Kauphöllinni það sem af er degi nemur 5,6 miljörðum króna samkvæmt upplýsingum frá Markaðsvakt Mentis.


 

Baugur Group og meðfjárfestar hafa lokið kaupum á bandarísku fréttaveitunni NewsEdge af kanadíska upplýsingafyrirtækinu The Thomson Corporation. Þetta kemur fram í fréttatilkynningu frá Baugi Group. Kaupverðið er ekki gefið upp. Starfsemi NewsEdge verður sameinuð frétta- og tæknifyrirtækinu Acquire Media, sem er staðsett í New Jersey-fylki í Bandaríkjunum. Sameinuðu fyrirtæki verður stýrt af núverandi stjórnendateymi Acquire Media. Thomas Naysmith, fyrrverandi framkvæmdastjóri frétta- og upplýsingafyrirtækisins M2 Communications, verður framkvæmdastjóri alþjóðadeildar í hinu sameinaða félagi. Stefnt er að bæta verulega þjónustu við núverandi viðskiptavini NewsEdge og mun fyrirtækið varðveita starfsemi þess í Massachusetts-fylki og í London. Höfuðstöðvar nýja fyrirtækisins verða staðsettar í New Jersey. Fyrirtækið sérhæfir sig í miðlun fjármálafrétta- og upplýsinga til stórfyrirtækja, banka og annarra fjármálastofnanna. Gunnar Sigurðsson, forstjóri Baugs Group, segir að Baugur hafi verið virkur fjárfestir í fjölmiðlum í mörg ár. ?Kaupin á NewsEdge opna nýja vídd á því sviði og sameiningin við Acquire Media skapar spennandi tækifæri í Bandaríkjunum, í samvinnu við sterkt stjórnendateymi.? Gunnar Jóhann Birgisson og Gunnlaugur Árnason, fjárfestingastjóri hjá Media & New Ventures sviði Baugs Group, munu taka sæti í stjórn félagsins, og verður Gunnar Jóhann stjórnarformaður, segir í tilkynningunni.


 

í kjölfar yfirtöku Novators á Actavis finna háar fjárhæðir sér nýjan farveg


 

Delta Two, fjárfestingasjóður í eigu stjórnvalda í Katar, íhugar leggja fram yfirtökutilboð í Sainsbury, þriðju stærstu verslunarkeðju Bretlandseyja. Tilboðið kemur þremur mánuðum eftir að stærstu eigendur verslunarkeðjunnar höfnuðu 10.1 milljarðs punda tilboði frá hópi einkafjárfestingasjóða. Ekki hefur verið staðfest hversu hátt tilboðið er en fjölmiðlar leiddu að því líkum að það yrði um tólf milljarðar punda ásamt yfirtöku skulda. Í stuttri tilkynningu til kauphallarinnar í London kom ekkert fram um hugsanlegt verð og þess var getið að viðræður Delta Two "kunni eða kunni ekki að leiða til formlegs tilboðs." Delta Two staðfesti jafnframt að viðræður hefðu farið fram um mögulegt tilboð. Gengi bréfa í Sainsbury hækkuðu 1,5% í kjölfar fregnanna og fór í 594,5 pens. Breska blaðið Financial Times sagði frá því í gær að Paul Taylor, forstjóri Delta Two, hefði fundað með meðlimum Sainsbury fjölskyldunnar, í síðustu viku og viðrað hugmyndir um yfirtökutilboð sem myndi meta fyrirtækið á 610 pens á hlut eða á tólf milljarða punda eins og fyrr segir . Samkvæmt frétt blaðsins var þeim hugmyndum ekki vel tekið af meðlimum fjölskyldunnar. Hinsvegar er ekki útilokað að hugsanlegt yfirtökutilboð geti verið mun hærra. Í frétt Reuters-fréttastofunnar um málið er haft eftir sérfræðingi hjá fjármálafyrirtækinu Numis að tilboðið gæti hugsanlega endað í 700 pensum á hlut. Reuters hefur hinsvegar eftir öðrum miðlara að líklegt sé að Sainsbury-fjölskyldan muni sætta sig við tilboð upp á 625 pens á hlut og Delta Two sé tilbúið að fara svo hátt. Hlutabréf í Sainsbury stóðu 445 pens á hlut í febrúar þegar fregnir tóku að berast um hugsanlega yfirtöku á verslunarkeðjunni. Síðan þá hafa fjölmörg félög verið orðuð við fyrirtækið. Beitt sér fyrir sölu fasteigna Hinsvegar fullyrðir blaðið að forráðamenn Delta Two, sem nú fer með fjórðung hlutabréfa, íhugi jafnframt að fá aðra hlutafjáreigendur með sér í lið og beita sér fyrir því að fasteignir Sainsbury verði aðskildar frá rekstri verslunarkeðjunnar og seldar. Áhugi fjárfesta á verslunarkeðjunni stafar ekki síst af hinu mikla undirliggjandi verðmæti sem felst í fasteignum í eigu hennar. Talið er að verðmæti fasteignanna nemi um 8,6 milljörðum punda. Til þess að Delta Two gæti beitt sér fyrir slíku en til þess þyrfti sjóðurinn meðal annars að fá fjárfestinn Robert Tchenguiz, helsta samstarfsaðili Kaupþings á Bretlandseyjum og stjórnarmann í Exista, í lið með sér en hann fer með um tíu prósent í Sainsbury. Hingað til hafa forráðamenn útilokað að selja fasteignir félagsins.


 

Sex stjórnarmenn af níu sem sitja í nefnd sem ákvarðar peningamálastefnu Englandsbanka greiddu atkvæði með stýrivaxtahækkun bankans í 5,75% fyrr í þessum mánuði, en þrír voru hins vegar á móti slíki hækkun. Þetta kemur fram í fundargerð nefndarinnar sem var gerð opinber í gær. Mervyn King, seðlabankastjóri Englandsbanka, var á meðal þeirra sex sem studdu hækkun stýrivaxta, en við síðustu vaxtaákvörðun varð hann undir í atkvæðagreiðslu stjórnar bankans. Klofningur innan nefndarinnar kom fæstum greiningaraðilum á óvart. Í skoðanakönnun sem Dow Jones fréttaveitan gerði á meðal hagfræðinga var því einróma spáð að sex stjórnarmenn bankans á móti þremur myndu greiða atkvæði með 25 punkta hækkun eins og varð raunin. Það var í fimmta skipti sem Englandsbanki hækkaði hjá sér stýrivexti frá því í ágúst á síðasta ári. Fundargerðin varpar hins vegar einnig ljósi á að ekki ríkir algjör eining á meðal þeirra sex sem kusu með vaxtahækkun. Sumir þeirra töldu að núverandi verðbólguþrýstingur gæfi tilefni til þess að hækka vexti í þetta skiptið, en engu síður þýddi það ekki að þörf væri á frekari stýrivaxtahækkunum í bráð. Þeir sem hafa aftur á móti verið talsmenn enn stífari peningamálastefnu af hálfu bankans sögðust sjá merki um að undirliggjandi verðbólga væri á uppleið í hagkerfinu. Af þeim sökum eru sumir sérfræðingar á þeirri skoðun að bankinn muni hækka hjá sér vexti um 25 punkta aftur í lok þessa árs. Meirihluti nefndarinnar taldi einnig að veikur vinnumarkaður um þessar mundir "endurspeglaði hugsanlega tímabundna aukningu í atvinnuleysi", fremur en að hann gæfi til kynna viðvarandi samdrátt í eftirspurn. Í fundargerðinni kemur jafnframt fram að þrátt fyrir að sú "hætta sé fyrir hendi að samdráttur verði á breskum fastaeignamarkaði og í einkaneyslu almennings, þá bendi hagtölur fyrir annan ársfjórðung ekki til þess að sú hætta hafi að einhverju marki aukist" að undanförnu.


 

Stjórn bandaríska fjölmiðlafélagsins Dow Jones, sem meðal annars gefur út viðskiptadagblaðið Wall Street Journal, hefur greitt atkvæði með fimm milljarða Bandaríkjadala yfirtökutilboði News Corporation fjölmiðlarisans sem er í eigu Ruberts Murdoch. Á fréttavef breska ríkisútvarpsins (BBC) er greint frá því að Dow Jones hafi staðfest að það sé reiðubúið til að samþykkja tilboðið og mæla með því við hluthafa félagsins. Tilboðið sem News Corp. lagði fram í síðastliðnum mánuði var 65% yfir markaðsvirði Dow Jones á þeim tíma. Málið er nú í höndum Bancroft fjöskyldunnar, sem á 24% hlut í Dow Jones en fer hins vegar með 62% atkvæða. Ef fjölskyldan, sem hefur verið eigandi að fyrirtækinu í meira en hundrað ár, ákveður að selja eignahlut sinn telja sérfræðingar að yfirtakan gæti haft miklar afleiðingar fyrir fjölmiðlalandslagið í Bandaríkjunum. Dagblaðið New York Post og Fox News sjónvarpsstöðin eru fyrir í eigu Murdoch, en auk þess ræður hann einnig yfir bresku dagblöðunum The Sun og The Times. Það sem hefur helst staðið í vegi fyrir því að stjórn Dow Jones væri tilbúin til að fallast á tilboð Murdoch voru áhyggjur hennar af ritstjórnarlegu sjálfstæði Wall Street Journal. Af þeim sökum hafa sumir meðlimir Bancroft fjölskyldunnar biðlað til ýmissa fjárfesta um að stíga fram og gera tilboð í félagið, til að koma þannig í veg fyrir yfirtöku Murdoch. Slíkt hefur hins vegar ekki borið árangur hingað til þar sem enginn fjárfestir hefur treyst sér til að koma með tilboð í líkingu við það sem Murdoch gerði, en það nam um 60 dölum á hvern hlut. Sátt náðist að lokum um hvernig ritstjórnarlegt sjálfstæði Wall Street Journal yrði tryggt. Komið verður á fót óháðri nefnd sem hefur það hlutverk að hvort tveggja ráða og reka starfsfólk á aðalritstjórn blaðsins og Dow Jones fréttaveitunnar.


 

Bandaríski fjárfestingarbankinn JPMorgan Chase greindi frá því í gær að hagnaður á öðrum ársfjórðungi félagsins hefði numið 4,23 milljörðum Bandaríkjadala, eða 1,2 dölum á hlut. Tekjur bankans hækkuðu um 25% á ársfjórðungnum upp í 18,91 milljarð dala. Afkoman var nokkuð yfir væntingum greiningaraðila á Wall Street. Hagnaður af einkafjárfestingarsjóðastarfsemi bankans tvöfaldaðist upp í 1,3 milljarða dala. Hlutabréf JPMorgan féllu engu að síður um 2% í kjölfarið.


 

Hollenski bankinn ABN Amro staðfesti í gær að honum hefði borist nýtt yfirtökutilboð frá RBS-hópnum upp á 71,1 milljarð evra. Næsta skref hjá stjórn bankans er að ræða við fulltrúa bankanna þriggja, en hópurinn samanstendur af Royal Bank of Scotland, Fortis og Santander. Í hinu nýja tilboði RBS-hópsins er gert ráð fyrir því að hlutfall peninga verði 93% í stað 70% áður. Tilboð keppinautarins Barclays er hins vegar um 63 milljarðar evra og greitt að öllum hluta í nýjum hlutabréfum í breska bankanum.


 
Erlent
19. júlí 2007

Bernanke bjartsýnn

Í vitnisburði fyrir nefnd öldungardeildar Bandaríkjaþings um fjármálaþjónustu í gær varaði seðlabankastjóri Bandaríkjanna, Ben Bernanke, við því að minnkandi verðbólguþrýstingur gæti verið aðeins tímabundinn, enda þótt hann ítrekaði fyrri skoðun sína um að á næstu mánuðum væri ekki ástæða til að hafa áhyggjur af slíkri þróun. Bernanke sagði jafnframt að hagvöxtur myndi taka við sér á næsta ári þrátt fyrir samdrátt á fasteignamarkaði undanfarin misseri. Sérfræðingar telja að ummæli hans gefi til kynna að mestar líkur séu á óbreyttum stýrivöxtum í 5,25% á næstunni. Vextir seðlabankans hafa haldist óbreyttir núna í meira en eitt ár.


 

Greiningardeild Kaupþings metur horfurnar framundan


 

Úrvalsvísitalan hefur aldrei lokað í eins háu gildi og í dag eða í 9.016 stigum og hafði þá hækkað um 1,58% innan dagsins. Veltan með hlutabréf nam alls 13,6 milljörðum rkróna í dag.


 

Jón Þórir Frantzson, framkvæmdastjóri Íslenska Gámafélagsins, hefur gert samning um kaup á rúmlega 90% hlut í fyrirtækinu. Kaupin eru gerð með aðstoð Saga Capital Fjárfestingabanka og er markmiðið að tryggja áframhaldandi uppbyggingu Íslenska Gámafélagsins. Jón Þórir mun áfram gegna stöðu framkvæmdastjóra fyrirtækisins. Þetta kemur  fram í tilkynningu. Íslenska Gámafélagið var stofnað árið 1999 og sinnir sorphirðu, flokkun og endurvinnslu sorps, leigu á sérútbúnum bifreiðum, hafnargerð, dýpkun hafna og efnistöku, götuhreinsun og hálkueyðingu á götum auk annarra verkefna.  Starfsmenn fyrirtækisins eru ríflega 200 og nam velta félagsins á síðasta ári var tæpum  2,2 milljörðum króna. Saga Capital Fjárfestingabanki sölutryggir lánsfjármögnun og hlutafé vegna kaupanna með það að markmiði að styðja við frekari uppbyggingu fyrirtækisins, einkum á sviði sorphirðu, flokkunar og endurvinnslu sorps. Kaupin eru gerð með fyrirvara um niðurstöðu áreiðanleikakönnunar


 

Það sem af er degi hafa hlutabréf hækkað skart í Kauphöllinni eða um 1,9% og stendur úrvalsvísitalan nú í 9.044 stigum. Úrvalsvísitalan hefur nú brotið 9 þúsund stiga múrinn en ekki er langt síðan að hún fór yfir 8 þúsund stig eða þann 15.maí síðastliðinn. Viðskipti dagsins með hlutabréf í Kauphöllinni nema það sem af er degi rúmlega ellefu milljörðum króna.Í gær hækkaði úrvalsvísitalan um 1,24% en þessar hækkanir í gær og í dag eru að mati sérfræðinga tilkomnar vegna sölu Actavis og væntinga um það mikla fjármagn sem mun losna út í hagkerfið þegar salan verður gerð upp í næstu viku. tæplega 200 milljarðar króna munu þá skipta um hendur og finna sér farveg í öðrum fjárfestingum


 

Það sem af er degi hafa hlutabréf hækkað skart  í Kauphöllinni eða um tæplega 2%. Úrvalsvísitalan hefur nú brotið 9 þúsund stiga múrinn en ekki er langt síðan að hún fór yfir 8 þúsund stig eða þann 15.maí síðastliðinn. Viðskipti dagsins með hlutabréf í Kauphöllinni nema það sem af er degi tæplega níu milljörðum króna.


 

Kaupþing hefur verið iðið við kolann það sem af er árinu við öflun fjármagns og hefur frá ársbyrjun safnað 320 milljörðum íslenskra króna með skuldabréfaútgáfu víða um heim. Stærstur hluti þessarar upphæðar hefur verið tryggður nú á sumarmánuðum. Fjárstýring Kaupþings er þrátt fyrir þennan árangur ekki í sumarfríi heldur stendur nú í ströngu við að kynna bankann fyrir fjárfestum í Ástralíu en undirbúningur svokallaðra kengúrubréfa, skuldabréfa í áströlskum dollurum, stendur nú yfir. Guðni Aðalsteinsson, framkvæmdarstjóri fjárstýringar Kaupþings, var staddur í Melbourne í Ástralíu í gær. "Við höfum verið í Sydney síðustu daga en munum nú hitta fjárfesta í Melbourne og síðar Brisbane. Við munum hitta um það bil 30 fjárfesta hér í Ástralíu og kynna fyrir þeim Kaupþing og aðstæður í íslensku hagkerfi. Eftir að þessum formlegu kynningum lýkur er næsta skref að meta viðbrögð og áhuga þeirra fjárfesta sem við höfum hitt og taka svo ákvörðun um hugsanlega útgáfu í framhaldi af því," segir Guðni. Hann segist búast við því að af útgáfu verði á þriðja ársfjórðungi þessa árs og að endanleg stærð fari eftir áhuga áströlsku fjárfestanna. "Okkur liggur í raun ekkert á að gefa út enda er lausafjárstaða bankans góð og fjármögnun hefur gengið vel að undanförnu. Engu að síður höfum við mikinn áhuga á að fylgja eftir þessari heimsókn með útgáfu kengúrubréfa," segir Guðni.


 

Samkvæmt upplýsingum Hagstofu Íslands nemur aflaverðmæti íslenskra skipa 32,3 milljörðum króna á fyrstu fjórum mánuðum þessa árs samanborið við 25,5 milljarða á sama tímabili 2006. Aflaverðmæti hefur því aukist um 6,9 milljarða eða 27% milli ára. Aflaverðmæti aprílmánaðar nam 7,2 milljörðum en í apríl í fyrra var verðmæti afla 6,2 milljarðar. "Aflaverðmæti botnfisks var í lok apríl orðið 24 milljarðar miðað við 20 milljarða á sama tíma árið 2006 og er um 20,1% aukningu að ræða. Verðmæti þorskafla var 13,5 milljarðar og jókst um 23,4%. Aflaverðmæti ýsu nam 4,9 milljörðum, sem er 27,9% aukning, og ufsaaflinn jókst að verðmæti um 15,5%, var 1,4 milljarðar króna. Verðmæti flatfiskafla dróst saman um 21,7%, nam 1,4 milljarði króna. Aflaverðmæti uppsjávarafla jókst um 96,3% og nam 6,9 milljörðum. Munar þar mestu um verðmæti loðnu sem nam 4,2 milljörðum samanborið við 2,2 milljarða í fyrra," segir í tilkynningu Hagstofunnar.  Þar kemur einnig fram að verðmæti afla, sem seldur er í beinni sölu útgerða til vinnslu innanlands, var 15 milljarðar króna, sem er auking um 4,8 milljarða eða 47,3%. Verðmæti afla sem keyptur er á markaði til vinnslu innanlands jókst um 37,2%, var 5,7 milljarðar. Aflaverðmæti sjófrystingar var 8,2 milljarðar og jókst um 1,3% frá fyrra ári. Verðmæti afla sem fluttur er út óunninn nam 2,8 milljörðum sem er 15,6% aukning.


 

Í dálknum The Sceptic sem birtist reglulega í Dow Jones Newswires, einni stærstu viðskiptafréttaveita heims, eru færð fyrir því rök að þróunin í íslenska hagkerfinu sé með þeim hætti að vart verði komist hjá því að sækja um aðild að Evrópusambandinu og taka upp hina sameiginlegu mynt bandalagsins. Í dálknum, sem birtist í gær, bendir viðskiptablaðamaðurinn Joel Sherwood á að Íslendingar hafi löngum verið fráhverfir aðild að ESB og upptöku evru vegna mikilvægis fiskveiða og nauðsynar á sjálfstæðri peningamálastefnu. Hinsvegar minnir Sherwood á að mikilvægi útvegsins fyrir hagkerfið fari minnkandi og bendir á að á næsta ári sé líklegt að útflutningur sjávarafurða verði ámóta og útflutningsverðmæti á áli. Sökum frekari uppbyggingar álvera mun enn frekar draga úr mikilvægi útvegsins. Sherwood telur að sökum íslensku útrásárinnar verði sífellt erfiðara fyrir Seðlabanka Íslands að halda úti sjálfstæðri peningamálastefnu vegna þess hve hagkerfið er samofið alþjóðahagkerfinu. Sherwood tekur fram að Seðlabankinn hafi hækkað vexti átján sinnum síðan um mitt ár 2004 til þess að slá á þenslu en áhrifin hafi verið lítil vegna aðgengis að ódýru erlendu lánsfjármagni. Á sama tíma hefur hið alþjóðavædda íslenska hagkerfi gert krónuna berskjaldaða fyrir hræringum á alþjóðamörkuðum. Vegna hárra vaxta hér á landi sé krónan vinsæl meðal þeirra sem stunda vaxtamunarviðskipti. Slíkt sé ekki vandamál er fjárfestar hafi trú á stöðugleika krónunnar, en Sheerwood rifjar upp afleiðingar þess þegar slíkt traust bíður hnekki eins og þegar krónan féll um þrjátíu prósent gegn evru í fyrra í kjölfar neikvæðra skýrslna erlendra matsfyrirtækja um íslenska hagkerfið. Það gengisfall leiddi til átta prósenta verðbólguskots. Sherwood fullyrðir að þrátt fyrir að krónan hafi síðan þá styrkt sig um þrettán prósent sé skyndileg veiking hennar helsti ógnin gegn verðstöðugleika. Ofangreindir þættir fá Sherwood til þess að álykta að Íslendingar ættu að huga aðild að ESB og horfa til upptöku evru í kjölfar þess. Þrátt fyrir að hann viðurkenni að það kunni að taka tíma að ljúka aðildarviðræðum þá segir hann að stjórnvöld hér á landi þurfi að huga að því hvernig megi draga úr þeirri ógn sem steðjar að íslenska hagkerfinu vegna óstöðugleika á fjármálamörkuðum.


 

Verðhækkanir vegna eftirspurnar eftir vörum eins og maís, sykri og hveiti á heimsmörkuðum sökum aukinnar framleiðslu lífrænu eldsneyti hafa sett mikinn verðbólguþrýsting á matvöru í heiminum og eru áhrif þessa farin að finnast víðsvegar um heim. Í byrjun árs brutust út óeirðir sumstaðar í Mexíkó sökum þess að helmings hækkun á heimsmarkaðsverði á korni hefur þrýst upp verði á algengustu uppistöðu í mat þarlendra, tortillu. Bjór hefur einnig hækkað í verði í Þýskalandi og nú síðast lýstu Samtök ítalskra pastaframleiðanda, samkvæmt frétt þýska blaðsins Der Spiegel, því yfir að fimmtungs verðhækkun á framleiðslu þeirra væri óumflýjanleg og þróunin kann að vera á þann veg að dagar þessa þjóðarréttar Ítala sem uppistaða fæðu ýmissa þjóðfélagshópa eins og fátækra stúdenta séu hugsanlega taldir. Umhverfisvakning vegna hlýnunar loftslags sökum losunar gróðurhúslofttegunda hefur gert það að verkum að mikill uppgangur er í framleiðslu á lífrænu eldsneyti víða um heim. Slík framleiðsla er niðurgreidd af stjórnvöldum í ríkjum eins og Bandaríkjunum og þar af leiðandi eru framleiðendur þess í mjög sterkri stöðu gagnvart matvælaframleiðendum varðandi yfirboð á markaði. Enda hefur verð á þeim afurðum sem eru notaðar til framleiðslunnar hækkað feikilega mikið undanfarin ár og vaxandi hlutfall af korn-, hveiti- og sykuruppskeru heimsins fer til framleiðslu á lífrænu eldsneyti. Afleiðingarnar eru meðal annars þær eru að hið háa verð er í auknum mæli farið að endurspeglast í hækkandi verði á matvöru. Auk þessa hefur veðurfar verið með þeim hætti að uppskera hefur verið dræm í stórum kornframleiðslulöndum eins og Bandaríkjunum, Kanada, Ástralíu, Marokkó, og Sýrlandi. Ljóst er að þetta ástand kemur vart til með að breytast á næstu misserum og verð á fyrrnefndum afurðum helst hátt. Sjá nánar í Viðskiptablaðinu í dag.


 

Framkvæmdastjórn Evrópusambandsins (ESB) varar við því að tillögur sem hafa komið fram á Bandaríkjaþingi kunni að grafa undan samkomulagi ESB og Bandaríkjastjórnar um aukið frjálsræði í flugsamgöngum yfir Atlantsála (e. open skies agreement). Flugfélög í Evrópu og Bandaríkjunum hafa sett sig í stellingar til þess að nýta sér möguleika samkomulagsins en það á að taka gildi í mars á næsta ári. Á sama tíma liggja fyrir samgöngunefnd fulltrúardeildar Bandaríkjaþings tillögur sem myndu takmarka eignarhald erlendra fjárfesta á þarlendum flugfélögum enn frekar. Slíkt myndi ganga í berhögg við yfirlýst markmið annars stigs samkomulagsins um aukið frjálsræði í flugsamgöngum milli aðildarríkja ESB og Bandaríkjanna. Fyrsta stig samningsins felur meðal annars í sér að evrópskum flugfélögum verður heimilt að fljúga til hvaða flugvallar sem er í Bandaríkjunum, frá hvaða stað sem er í Evrópu. Það sama gildir um bandarísk flugfélög auk þess sem að þau mega fljúga frjálst innan aðildarríkja ESB. Hinsvegar fá evrópsk flugfélög ekki aðgang að innanlandsmarkaðnum í Bandaríkjunum og samkomulagið felur ekki í sér breytingu á lögum um erlent eignarhald í flugrekstri þar í landi. Til stendur þó að tekið verði á þeim málum í öðru stigi samkomulagsins, en viðræður um útfærslu þess eiga að hefjast fljótlega. Samkvæmt bandarískum lögum mega erlendir fjárfestar ekki fara með meira en fjórðung atkvæðaréttar í þarlendum flugfélögum en fyrirheit um að tekið yrði á þeim málum í viðræðum um annað stig samkomulagsins var lykilatriði í að tryggja stuðning sumra aðildarríkja ESB við fyrsta stigið. Meirihluti demókrata í samgöngunefnd fulltrúardeildarinnar hefur hins vegar lagt fram tillögur sem meðal annars takmarka sjálfdæmi bandaríska samgönguráðuneytisins til þess að skilgreina hvenær flugfélög eru í raun og veru undir stjórn bandarískra ríkisborgara. Fram kemur í frétt Financial Times um málið að ákvæðið muni draga úr svigrúmi evrópskra flugfélaga til þess að starfa á Bandaríkjamarkaði en það gengur þvert á endanleg markmið samningsins um aukið frjálsræði í flugsamgöngum yfir Atlantsála. Sjá nánar í Viðskiptablaðinu í dag.


 

Úrvalsvísitalan hækkaði um 1,28% og stóð í 8.876 í lok dags, samkvæmt upplýsingum Markaðsvaktar Mentis, en vísitalan hefur aldrei verið hærri. Heildarveltan nam 14 milljörðum króna. Föryea Bank hækkaði um 2,59%, Landsbankinn um 2,25%, Glitnir um 1,53%, Kaupþing um 1,46% og Össur um 1,41%. Atlantic Petroleum lækkaði um 0,83%, Eimskipafélagið um 0,5% og Century Aluminum um 0,05%. Krónan hefur styrkst um 0,85% og stóð í 111 í lok dags.


 

Hlutabréf í OMX kauphöllinni á Íslandi hafa hækkað um 0,24% í dag og stendur úrvalsvísitalan nú í 8.785 stigum samkvæmt upplýsingum markaðsvaktar Mentis. Alls nemur velta með hlutabréf 2,8 milljörðum króna það sem af er dags.


 

Ágúst Hrafnkelsson hefur verið ráðinn nýr innri endurskoðandi Glitnis. Helga Harðardóttir, sem gegnt hefur starfi innri endurskoðanda Glitnis frá 2006 lætur af störfum að eigin ósk og gengur  til liðs við  KPMG þar sem hún starfaði áður. Þetta kemur fram í tilkynningu Glitnis til Kauphallarinnar.


 

Hlutabréf í bresk-ástralska námuvinnslufyrirtækinu Rio Tinto féllu um 4,2% á hlutabréfamarkaðnum í Ástralíu í gær í kjölfar vaxandi efasemda fjárfesta og sérfræðinga um yfirtökutilboð þess á kanadíska álfyrirtækinu Alcan. Tilboð Rio Tinto, sem er annað stærsta námuvinnslufyrirtæki heims, hljóðar upp á 38,1 milljarð Bandaríkjadala, auk yfirtöku á skuldum, og telja margir að það sé of hátt verð fyrir álfyrirtækið. Hinsvegar telja aðrir að samruni fyrirtækjanna feli í sér samlegðaráhrif og tekjujöfnun og benda á að ekkert sé óeðlilegt við lækkun hlutabréfa í Rio Tinto þar sem að þau hafi hækkað að undanförnu. Fjármálafyrirtæki eins og Citigroup og ABN Amro hafa breytt mati sínu á hlutabréfum í Rio Tinto úr yfirvogun yfir markaðsvogun. Í greiningu Citigroup á yfirtökutilboðinu kemur fram að þrátt fyrir að töluverð undirliggjandi verðmæti felist í eignum Alcan í báxít- og súrálsframleiðslu, auk þess að fyrirtækið hafi gott aðgengi að ódýrri orku og sé mjög hátæknivætt, sé mörgum spurningum varðandi yfirtökuna ósvarað. Dow Jones-fréttastofan vitnar í einn sérfræðings bankans sem veltir vöngum yfir af hverju Rio Tinto ræðst í fjárfestinguna nú og bendir á að hægt hefði verið að taka Alcan yfir á helmingi lægra verði fyrir tveimur árum. Að sama skapi benda sérfræðingar ABN Amro á að markaðsaðstæður á álmarkaði þurfi að haldast mjög hagstæðar til þess að yfirtakan borgi sig til lengri tíma litið. Sameinað fyrirtæki, en það mun bera nafnið Rio Tinto Alcan, mun taka við af rússneska álfyrirtækinu Rusal sem stærsti álframleiðandi heims. Thomas Albanese, forstjóri Rio Tinto, sagði í samtali við ástralska ríkisútvarpið, ABC, um helgina að hugsanlega yrðu ákveðnar rekstrareiningar seldar til þess að styrkja efnahag sameinaðs fyrirtækis. Hinsvegar mun Alcan eining sameinaðs fyrirtækis áfram einbeita sér að vinnslu báxíts, súráls og álbræðslu. Sjá nánar í Viðskiptablaðinu í dag.


 

Verðbólga jókst á Nýja Sjálandi á öðrum ársfjórðungi umfram væntingar seðlabanka landsins og eru afleiðingarnar meðal annars þær að gengi gjaldmiðils landsins hefur ekki verið sterkara gagnvart Bandaríkjadal í tuttugu og tvö ár. Vísitala neysluverðs jókst um eitt prósent milli fjórðunga og mælist verðbólga, þegar ekki er tekið tillit til verðþróunar sem stýrist af gengi gjaldmiðla og alþjóðlegu orkuverði, 4,1% á ársgrundvelli. Í ljósi þessa er talið líklegt að enn ein vaxtahækkunin sé yfirvofandi en næsti vaxtarákvörðunardagur er þann 26. júlí næstkomandi. Breska blaðið Financial Times hefur eftir Nick Tuffley, aðalhagfræðingi ASB Bankans í Auckley, að verðbólguþrýstingur sé mikill í "öllum þeim þáttum sem seðlabanki landsins hefur sérstakar áhyggjur af." Stjórnendur bankans horfa einkum til kjarnaverðbólgunnar í ákvörðunartöku sinni. Verðbólgumarkmið seðlabankans eru á bilinu 1 til 3%. Lækkandi orkuverð síðustu tólf mánuði og hátt gengi nýsjálenska dalsins hefur vegið upp á móti verðbólguþrýstingi. Hinsvegar hafa hækkanir á fasteignaáhrifum haft svokölluð auðhrif (e. wealth effect) sem hafa kynt undir eftirspurn í hagkerfinu. Þróunin á raforkuverði, matvöru, byggingarkostnaði og ýmissi þjónustu hefur einnig haft neikvæð áhrif á verðbólguþróunina. Stýrivextir í Nýja Sjálandi eru átta prósent og eru þeir hvergi hærri í þróuðum ríkjum fyrir utan Ísland. Flestir hagfræðingar telja einsýnt að seðlabanki landsins muni hækka þá um 0,25% í lok þessa mánaðar til þess að stemma stigu við verðbólguþrýstingi. Vaxtastigið í landinu hefur gert það að verkum að fjárfestar sem stunda vaxtarmunarviðskipti sækja mikið í nýsjálenska dalinn og hefur það innstreymi haldið gengi gjaldmiðilsins afar háu. Stjórnendur seðlabankans hafa lýst yfir áhyggjum af þróuninni enda er það mat þeirra að gengi gjaldmiðilsins endurspegli ekki undirstöður hagkerfisins. Bankinn greip meðal annars inn í gjaldeyrismarkaði í síðasta mánuði en þá hafði nýsjálenski dalurinn náð sínu hæsta gildi frá því að hann var látinn fljóta árið 1985. Ólíklegt þykir að yfirvofandi vaxtarhækkun dragi úr áhuga fjárfesta sem stunda vaxtarmunarviðskipti á nýsjálenska dalnum en gengi hans hefur hækkað um 27% á síðustu tólf mánuðum


 

RBS-hópurinn, sem samanstendur af Royal Bank of Scotland, Fortis og Santander, hefur lagt fram nýtt og betra yfirtökutilboð í ABN Amro í kjölfar þess að hollenskur dómstóll úrskurðaði að sala ABN á bandaríska bankanum LaSalle til Bank of America fyrir 21 milljarð Bandaríkjadala þyrfti ekki samþykki hluthafa hollenska bankans. Sú sala var hluti af samkomulagi ABN og Barclays sem gert var þann 23. apríl síðastliðinn. Hið nýja tilboð RBS-hópsins hljóðar upp á 71,1 milljarð dala - líkt og fyrra tilboð bankanna - en í þetta skiptið er gert ráð fyrir því að hlutfall peninga verði 93%, í stað 70% áður. Bankarnir þrír benda á að tilboð sitt sé 13,7% hærra heldur en tilboð Barclays, sem er auk þess að öllum hluta fjármagnað með nýjum hlutabréfum í breska bankanum. Þrátt fyrir að framkvæmdastjóri RBS, Fred Goodwin, viðurkenndi að bankinn hefði fremur kosið að eignast LaSalle, þá taldi hann engu að síður að yfirtaka á ABN væri skynsamlegt skref fyrir bankann. "Við erum að fá aðgang að nýjum mörkuðum og tækifæri til að útvíkka viðskiptastarfsemi okkar enn frekar," sagði Goodwin, en áform RBS gera ráð fyrir því að bankinn muni taki yfir núverandi starfsemi ABN Amro í Brasilíu og Asíu. Ákvörðun RBS-hópsins að koma fram með betra tilboð í ABN kom fæstum greiningaraðilum á óvart. Í frétt Dow Jones fréttastofunnar er haft eftir sérfræðingum hjá fjármálafyrirtækinu Bear Stearns að hópurinn sé núna kominn í lykilstöðu gagnvart Barclays, sem hefur litla möguleika á því að jafna hið háa hlutfall peninga sem tilboð RBS-hópsins gerir ráð fyrir því. Af þeim sökum telja þeir að réttast væri fyrir Barclays að draga tilboð sitt til baka, enda myndi slík ákvörðun væntanlega hafa jákvæð áhrif á gengi hlutabréfa bankans.


 

Heildarafli íslenskra skipa í nýliðnum júnímánuði var 6,4% meiri en í júní 2006, en það sem af er árinu hefur hann dregist saman um 1,6% miðað við sama tímabil 2006 samkvæmt upplýsingum frá Hagstofu Íslands. Aflinn nam alls 111.570 tonnum í júní 2007 samanborið við 135.515 tonn í júní 2006.Botnfiskafli jókst um rúm 2.900 tonn frá júnímánuði 2006 og nam tæpum 39.900 tonnum. Þorskafli jókst um tæplega 900 tonn, ýsuaflinn jókst um rúm 500 tonn og ufsaaflinn dróst saman um 1.000 tonn.Flatfiskaflinn var nánast óbreyttur milli ára. Afli uppsjávartegunda nam tæpum 67.300 tonnum og var að stærstum hluta síld og kolmunni. Samdráttur í uppsjávarafla nemur tæplega 27.600 tonnum. Skel- og krabbadýraafli var tæplega 2.000 tonn samanborið við tæplega 1.300 tonna afla í júní 2006.


 

Draumur Novators, fjárfestingafélag Björgólfs Thors Björgólfssonar, um að eignast samheitalyfjafyrirtækið Actavis rættist í gær, aðeins einum degi áður en yfirtökutilboð Novators sem hljóðaði upp á 1,075 evrur á hlut rann út. Novator náði í gær að tryggja sér samþykki yfir 94% hluthafa Actavis. Þar með hefur myndast skylda hjá þeim hluthöfum sem eftir sitja til að selja Novator hlut sinn. Með þessu er stærsta yfirtaka íslensk viðskiptalífs í höfn eftir rúmlega tveggja mánaða fremur stormasama aðsiglingu.


 

Úrvalsvísitalan stóð nánast í stað í dag og er nú 8.764 stig sem er 0,06% hækkun síðan í gær. Velta með hlutabréf í Kauphöllinni í dag nam tæplega 13 milljörðum króna.


 

Á hádegi stóð úrvalsvísitalan í 8.729 stigum er og er það lækkun um 0,34% frá lokun markaða í gær samkvæmt upplýsingum Markaðsvaktar Mentis. Alls nemur velta viðskipta með hlutabréf í Kauphöllinni það sem af er degi 3,4 milljörðum króna. Fimm félög hafa hækkað í Kauphöllinni, og varð mesta hækkunin á gengi færeyska olíufélagsin Atlantic Petroleum sem hefur hækkað um 2,83% en næst mest hefur Össur hækkað um 0,94%. Þá hefur Eimskipafélag Íslands, Tryggingamiðstöðin og Atorka hækkað lítillega í dag. Ellefu félög hafa lækkað í dag. Nýherji hefur lækkað mest eða um 1,52% þá hefur Færeyjabanki lækkað um 1,06% og Icelandair um 0,6%. Krónan stendur í stað í viðskiptum á gjaldeyrismarkaði og stendur gengisvísitalan nú í 111,7 stigum.


 

Athugun Samtaka atvinnulífsins á bakgrunni stjórnarmanna í 15 stórum fyrirtækjum á íslenskum hlutabréfamarkaði leiðir í ljós að yfir 95% stjórnarmannanna höfðu reynslu af setu í stjórnum eða reynslu af rekstri fyrirtækis. Reynsla af stjórnun er því grundvallarþáttur þegar kemur að því að skipa í stjórnir fyrirtækjanna segir í frétt SA..


 

FL Group og bandaríska fasteignafélagið Bayrock Group hafa eignast 30% hlut í ?Midtown Miami? fasteignaverkefninu. Verkefnið felst í þróun tæplega 500.000 fermetra landsvæðis í hjarta Miami á Flórída. Á svæðinu verða reist átta háreist íbúðahótel, skrifstofhúsnæði og fjölnota bygging að því er kemur fram í frétt FL Group.


 

Erla Þórarinsdóttir og Sævar Karl Ólason klæðskeri hafa selt eina þekktustu verslun landsins, Sævar Karl Bankastræti. Í frétt vegna kaupanna kemur fram að kaupendur eru Vesturhöfn ehf, í eigu Páls Kolbeinssonar og tengdra aðila og Arev N1 sem er einkafjármagnssjóður sérhæfður í smásölu.


 

Samtök evrópskra verðbréfamarkaða, Federation of European Securities Exchanges (FESE), veittu nýlega Úlf Viðari Níelssyni, Josseph de la Vega verðlaunin fyrir framúrskarandi rannsóknarverkefni sem tengist evrópskum verðbréfamarkaði. Er þetta í sjöunda skipti sem verðlaunin eru veitt en þau eru afhent árlega í tengslum við ráðstefnu evrópskra fjármálamarkaða segir í frétt Kauphallarinnar.


 

greining Kaupþings gerir ráð fyrir auknum bílainnflutningi


 

Thor Növig ráðinn framkvæmdastjóri


 

Á hádegi stóð úrvalsvísitalan í 8.753 stigum er og er það lækkun frá lokun markaða í gær. Átta félög hafa hækkað í Kauphöllinni, og varð mesta hækkunin á gengi Teymis hf, sem hækkaði um 1,25% og stóð í 5,66 krónur á hlut. Atorka hækkaði einnig um 1%, Bakkavör Group hækkaði um 0,56% og Alfesca um 0,51%. Landsbankinn, FL Group, Straumur-Burðarás og Icelandair Group hækkuðu lítillega. Atlantic Petroleum hefur lækkað mest allra félaga, um 1,4% niður í 1.060 krónur á hlut. Actavis lækkaði um 0,92% niður í 86,2 og Exista um 0,76%. Einnig voru lækkanir á Eik Banka (0,55%), Eimskipafélaginu hf (0,25%) og Kaupþingi (0,16%).


 

Það er mat Fjármálaeftirlitsins að lífeyrissjóðum sé ekki heimilt að stunda verðbréfalán á meðan ekki er að finna til þess heimild í lögum um skyldutryggingu lífeyrisréttinda og starfsemi lífeyrissjóða. FME hefur í dag birt á heimasíðu sinni túlkun á 36. gr. laga nr. 129/1997 um skyldutryggingu lífeyrisréttinda og starfsemi lífeyrissjóða sem kveður á um fjárfestingaheimildir lífeyrissjóða. Túlkunin lýtur að heimildum lífeyrissjóða til að stunda verðbréfalán (secruities lending) en í hugtakinu felst að verðbréf eru yfirfærð tímabundið frá eiganda verðbréfanna, lánveitanda, til lántaka gegn þóknun samkvæmt samningi þar um. Í 36. gr. laga nr. 129/1997 eru fjárfestingaheimildir lífeyrissjóða skýrt skilgreindar og tæmandi upp talið með hvaða hætti lífeyrissjóðum er heimilt að ráðstafa fjármunum sínum, sbr. 1. mgr. 20. gr. laganna. Þar er ekki að finna heimild til að stunda verðbréfalán og lífeyrissjóðum því ekki heimil slík viðskipti að mati Fjármálaeftirlitsins. Bent er á að löggjafinn hefur afmarkað fjárfestingaheimildir lífeyrissjóða með skýrum hætti í ljósi lögbundins og skýrt skilgreinds hlutverks þeirra sem er að tryggja öllu starfandi fólki lágmarksframfærslu eftir starfslok. Sjóðirnir þurfa því að gæta tilhlýðilegrar varkárni og horfa til langtímahagsmuna sjóðfélaga við ráðstöfun fjármuna. Að sögn Kristínar A. Birgisdóttur er það mat FME að nauðsynlegt sé að skýr rammi verði settur um verðbréfalán áður en lífeyrissjóðir hefja slík viðskipti þar sem fram komi m.a. hvert umfang viðskiptanna megi vera af hreinni eign sjóðanna, hvaða lágmarkskröfur tryggingar fyrir lánunum þurfi að uppfylla, hver tímalengd samninga megi vera og krafa um skriflegan samning um viðskiptin. ?Það er mat FME að lífeyrissjóðum sé ekki heimilt að stunda verðbréfalán á meðan ekki er að finna til þess heimild í lögum um skyldutryggingu lífeyrisréttinda og starfsemi lífeyrissjóða?, segir Kristín í fréttinni. 


 

Jenið veiktist gagnvart helstu myntum á gjaldeyrismarkaði í gær í kjölfar þess að Japansbanki ákvað að halda stýrivöxtum óbreyttum í 0,5%. Þrátt fyrir að sú ákvörðun hafi verið viðbúin - meðal annars í ljósi þess að þingkosningar þar í landi fara fram 29. júlí - kom það greiningaraðilum engu að síður á óvart að aðeins einn af átta stjórnarmönnum bankans greiddi atkvæði gegn því að halda vöxtum óbreyttum. Af þeim sökum telja margir að minni líkur sé nú en áður á því að Japansbanki hækki stýrivexti í ágúst næstkomandi. Adrian Foster, sérfræðingur hjá fjárfestingarbankanum Dresdner Kleinwort, bendir á það í samtali við Financial Times að þrír stjórnarmenn bankans hefðu greitt atkvæði með stýrivaxtahækkun áður en meirihluti stjórnarinnar samþykkti að lokum að hækka vexti í 0,5% síðastliðinn febrúarmánuð. "Stýrivaxtahækkun á næsta fundi bankans er því ekki jafn sennileg", segir Foster. Í tilkynningu sem seðlabankastjóri Japansbanka, Toshihiko Fukui, sendi frá sér í gær í kjölfar stýrivaxtaákvörðunarinnar var lítið gefið upp um hvers má vænta á næsta fundi stjórnar bankans. Fukui sagði þó að hagvöxtur á öðrum ársfjórðungi ársins - sem flestir greiningaraðilar búast við að verði fremur veikur - muni ekki hafa úrslitaáhrif á þeim fundi. Peningamálastefna Japansbanka hefur verið umdeild á meðal hagfræðinga en margir telja að stýrivaxtahækkanir bankans séu ótímabærar sökum þess að japanska hagkerfið sé ekki enn fyllilega búið að ná sér eftir þá stöðnun sem ríkt hefur frá því í byrjun tíunda áratugarins. Einnig hefur verið á það bent að einkaneysla almennings hafi ekki tekið við sér þrátt fyrir að fólk hafi meira fé á milli handanna en áður. Flestir hagfræðingar eru hins vegar á þeirri skoðun að 0,5% stýrivextir hafi að mjög takmörkuðu leyti neikvæð áhrif fyrir áframhaldandi hagvöxt í Japan, sökum þess að flest fyrirtæki þar í landi eiga mikið fjármagn sem þýðir að þau hafa litla þörf fyrir að taka lán í bönkum.


 

Hollensk-belgíski bankinn Fortis hyggst selja hlut sinn í spænska félaginu Caifor fyrir næstum einn milljarð evra, einum degi eftir að bankinn tilkynnti um útgáfu skuldabréfa fyrir tvo milljarða evra. Báðar aðgerðirnar eru liður í áformum Fortis að ná sér aukið fjármagn á markaði sem er bankanum nauðsynlegt til þess að geta fjármagnað sinn hluta í yfirtökutilboði RBS-hópsins á hollenska bankanum ABN Amro, en sú upphæð nemur samtals 15 milljörðum evra. Hollenskur dómstóll mun fella þýðingarmikinn úrskurð í dag varðandi sölu ABN á bandaríska bankanum LaSalle til Bank of America fyrir 21 milljarð Bandaríkjadala, sem var hluti af samkomulagi ABN og Barclays. Ef niðurstaðan verður sú að salan hafi verið lögleg mun RBS-hópurinn líkast til þurfa að leggja fram nýtt og hærra tilboð í ABN.


 

Rússneska orkufyrirtækið Gazprom greindi frá því í gær að félagið hefði valið franska félagið Total sem samstarfsaðila sinn fyrir fyrsta áfanga á stóru gasvinnsluverkefni á Shtokman-svæðinu í Barentshafi. Fyrir Total er þetta mikilvægur áfangi þar sem fyrirtækið hefur hingað til ekki náð almennilegri fótfestu á rússneska markaðinum. Gazprom segist ætla að hefja gasframleiðslu á svæðinu í ársbyrjun 2013. Sérfræðingar telja að þróunarkostnaðurinn fyrir fyrsta áfanga verkefnisins sé á bilinu 12 til 18 milljarðar Bandaríkjadala.


 

Hagvöxtur á evrusvæðinu jókst um 0,1 prósentustig meira á fyrstu þremur mánuðum þessa árs heldur en áður hafði verið greint frá. Samkvæmt endurskoðuðum tölum nam hagvaxtaraukningin í ríkjunum þrettán sem hafa evru sem gjaldmiðil um 0,7% frá því á fjórða ársfjórðungi 2006 og 3,1% á ársgrundvelli. Hagfræðingar höfðu gert ráð fyrir óbreyttum hagvaxtartölum, en aukningina má einkum rekja til meiri einkaneyslu almennings.


 

Þeim sem hafa nýlega misst vinnu sína og sótt um atvinnuleysisbætur í Bandaríkjunum fækkaði - á ársgrundvelli - um 12 þúsund í 308 þúsund í vikunni sem lauk þann 7. júlí síðastliðinn. Slíkar umsóknir hafa ekki verið jafn fáar í tvo mánuði og var lækkunin mun meiri heldur en greiningaraðilar á Wall Street höfðu spáð fyrir um, en að meðaltali áttu þeir von á því að umsóknum myndi fækka um 3 þúsund.


 

Viðskiptahalli Bandaríkjanna í maímánuði jókst um 2,3% upp í 60,04 milljarða Bandaríkjadala frá því í apríl, þegar hallinn nam 58,67 milljörðum dala. Þetta kemur fram í hagtölum viðskiptaráðuneytis Bandaríkjanna, en aukningin var í samræmi við spár hagfræðinga á Wall Street samkvæmt skoðanakönnun sem Dow Jones fréttastofan gerði á meðal 27 hagfræðinga. Sérfræðingar segja þó að enn sé mikil eftirspurn eftir bandarískum vörum á heimsvísu sökum öflugs hagvaxtar í alþjóðahagkerfinu. Það er búist við því að aukning í milliríkjaviðskiptum Bandaríkjanna muni eiga sinn þátt í góðum hagvaxtartölum fyrir annan ársfjórðung á árinu, en þær tölur munu birtast 30. júlí næstkomandi.


 

Bresk-ástralska námufyrirtækið Rio Tinto gerði vinveitt yfirtökutilboð í kanadíska álfélagið Alcan í gær sem hljóðaði upp á 38,1 milljarð Bandaríkjadala, eða 101 dal fyrir hvern hlut, sem er 32,8% hærra verð heldur en 27,96 milljarða dala fjandsamlegt yfirtökutilboð Alcoa, sem lagt var fram 7. maí síðastliðinn. Stjórn Alcan hefur einróma mælt með því að hluthafar félagsins samþykki tilboð Rio Tinto, en gert er ráð fyrir því að það verði fjármagnað að öllum hluta með peningum, að því er fram kemur í frétt Financial Times um málið. Forsvarsmenn beggja félaga segjast vera þess fullvissir að sameining fyrirtækjanna muni verða að veruleika, enda þótt samningurinn þarfnist samþykkis samkeppnisyfirvalda víðsvegar um heim. Sameinað félag, sem mun heita Rio Tinto Alcan, yrði leiðandi fyrirtæki á heimsvísu í báxítuppgreftri, ál- og súrálframleiðslu. Dick Evans, núverandi framkvæmdastjóri Alcan, verður yfirmaður sameinaðs fyrirtækis og gert er ráð fyrir að höfuðstöðvar þess verði staðsettar í Montreal í Kanada. Yrði með ráðandi stöðu í áliðnaði Tilboð Rio Tinto, sem er annað stærsta námufyrirtæki heims, er lagt fram á sama tíma og eftirspurn eftir áli í heiminum fer ört vaxandi og umfram aðra málma á borð við kopar og járngrýti. Á síðustu tveimur árum hefur álverð á heimsmarkaði hækkað um 55%. Því er spáð að eftirspurn eftir áli muni aukast árlega um 6% á næstu fjórum árum. Rio Tinto Alcan hefði ráðandi stöðu í alþjóðlegum áliðnaði. Rio Tinto starfrækir málmbræðsluverksmiðjur í Ástralíu, Nýja Sjálandi og Bretlandi, auk þess að eiga báxítnámur og súrálhreinsunarstöðvar á Sardiníu og í Ástralíu. Sérfræðingar segja að einhver skörun muni verða á starfsemi fyrirtækjanna í Norður-Ástralíu, en búist er við því að Rio Tinto skeri niður í rekstri sínum þar til að ná markmiði sínu um heildarsparnað upp á 600 milljónir dala með samrunanum.


 

Greinargerð stjórnar Vinnslustöðvarinnar hf. (VSV) í tengslum við yfirtökutilboð Eyjamanna ehf. og Stillu eignarhaldsfélags ehf. hefur verið lögð inn í Kauphöllina. Hluti stjórnarinnar gerði samanburð á tilboðunum en treystir sér að öðru leyti ekki til að mæla með þeim. Athygli vekur að ekki er fjallað um ólík verðtilboð í greinargerðinni Þar sem Haraldur Gíslason aðalstjórnarmaður í VSV og Kristín Elín Gísladóttir varastjórnarmaður eru hluthafar í Eyjamönnum ehf. og Hjálmar Þór Kristjánsson aðalstjórnarmaður í VSV og Guðmundur Kristjánsson varastjórnarmaður eru hluthafar í Stillu eignarhaldsfélagi ehf. voru þau öll vanhæf til þess að taka þátt í afgreiðslu málsins. Meðferð stjórnar félagsins á yfirtökutilboðunum var því í höndum eftirfarandi stjórnarmanna VSV: Gunnars Felixsonar stjórnarformanns, Sigurjóns Óskarssonar og Leifs Leifssonar. Þrátt fyrir að stjórnin hafi talið sig ályktunarhæfa, sbr. 7. mgr. 41. gr. laga nr. 33/2003 um verðbréfaviðskipti, var með hliðsjón af aðstæðum ákveðið að fela Saga Capital fjárfestingarbanka hf. að leggja mat á yfirtökutilboðin sem fram voru komin í félagið og skilmála þeirra. Stjórnin fjallaði um yfirtökutilboðin. Um mat á verði tilboðanna vísast til álits Saga Capital fjárfestingarbanka hf., sem er meðfylgjandi. Áformum Eyjamanna ehf. og Stillu eignarhaldsfélags ehf. er lýst í tilboðsyfirlitum. Samkvæmt þeim eru ekki fyrirhugað að gera breytingar á tilgangi VSV, draga úr eða breyta kjarnastarfsemi þess eða nýta fjármunalegar eignir í öðrum tilgangi. Í tilboðsyfirlitunum kemur fram að félagið verði áfram rekið í Vestmannaeyjum. Í tilboðsyfirliti Eyjamanna ehf. kemur fram að ekki verði gerðar breytingar á störfum stjórnenda og starfsmanna félagsins eða starfsskilyrðum þeirra. Í tilboðsyfirliti Stillu eignarhaldsfélags ehf. er tekið fram að væntanleg yfirtaka muni ekki hafa áhrif á störf stjórnenda og annarra starfsmanna félagsins eða starfsskilyrði þeirra. Tilboðin eru því hliðstæð að þessu leyti segir í niðurstöðu Saga Capital. Í tilboðsyfirliti Eyjamanna ehf. er því lýst að í kjölfar yfirtökutilboðsins muni tilboðsgjafi og samstarfsaðilar fara fram á það við stjórn VSV að hlutabréf félagsins verði afskráð úr OMX/Kauphöll Íslands hf. Í tilboðsyfirliti Stillu eignarhaldsfélags ehf. er því lýst að tilboðsgjafi hyggi á áframhaldandi skráningu félagsins í OMX/Kauphöll Íslands hf. og að tilboðsgjafi áformi að selja stóran hluta kaupverðs til öflugra fjárfesta, m.a. í Vestmannaeyjum, þannig að eignarhald á hlutum í félaginu verði dreift. Stjórnin telur rétt að vekja athygli hluthafa á þessu enda getur afskráning hlutabréfanna haft áhrif á með hvaða hætti verður unnt að eiga viðskipti með þau. Að öðru leyti en að framan greinir tekur stjórnin ekki frekari afstöðu til tilboðanna. Stjórninni hefur ekki borist álit fulltrúa starfsmanna um tilboðin.


 

Niðurstöður úr evrópskri könnun á verði matvæla, áfengis og tóbaks, sem gerð var vorið 2006, hafa verið gefnar út og er að finna á vef Hagstofu Íslands. Í þeim ríkjum sem þátt tóku var hlutfallslegt verðlag matvæla á Íslandi hæst eða 61% hærra en að meðaltali í þeim 25 ríkjum sem tilheyrðu Evrópusambandinu. Í Noregi var verðlag 56% hærra, í Danmörku 39% hærra en tæpum 20% hærra í Svíþjóð og Finnlandi. Samanburðurinn náði til Íslands auk 36 annarra Evrópuríkja, það er 27 núverandi ríkja Evrópusambandsins, Noregs og Sviss, Albaníu, Bosníu Hersegóvínu, Króatíu, Makedóníu, Serbíu, Svartfjallalands og Tyrklands. Hagstofa Evrópusambandsins, Eurostat, hafði umsjón með könnuninni. Miklu máli skiptir fyrir niðurstöður samanburðarins hvaða tímabil er miðað við, sérstaklega á Íslandi þar sem gengi krónunnar breytist mikið og jafnframt hefur lækkun virðisaukaskatts 1 mars 2007 áhrif. Í könnuninni var miðað við meðalverðlag og meðalgengi ársins 2006. Verð á matvælum lækkaði um 2,7% frá árinu 2006 til maí 2007 en gengi íslensku krónunnar hækkaði um 3,2% á sama tímabili. Miðað við þessar forsendur ásamt verð- og gengisþróun í hinum löndunum, var hlutfallslegt verðlag á Íslandi heldur lægra í maí 2007 en það var í könnuninni árið 2006, eða 57% hærra en að meðaltali í 25 ríkjum Evrópusambandsins.


 

Kaupþing banki hefur verið valinn besti bankinn á Norðurlöndum og einnig besti bankinn á Íslandi af alþjóðlega viðskiptatímaritinu Euromoney. Ármann Þorvaldsson forstjóri Kaupþings Singer & Friedlander tók við verðlaunum Euromoney, fyrir hönd bankans, við hátíðlega athöfn í Lundúnum í kvöld, 12.júlí.


 

M. Kristinsson Danmark A/S, sem er í eigu Magnúsar Kristinssonar eiganda Toyota á Íslandi, hefur fest kaup á danska fyrirtækinu Krogsgaard Jensen, stærsta söluaðila Toyota í Danmörku. Magnús Kristinsson og Kresten Krogsgaard-Jensen, undirrituðu samninga þessa efnis í dag segir í frétt félagsins. 


 

Stjórn OSPAR samningsins um verndun Norðaustur-Atlantshafsins ákvað nýverið á fundi í Ostend í Belgíu að leyfa dælingu og geymslu koltvísýrings í neðansjávarjarðlögum. Á fundinum voru einnig samþykktar reglur um hvernig dælingu og geymslu koltvísýrings skuli háttað. Ákvörðun um þetta er tekin til að draga úr neikvæðum áhrifum loftslagsbreytinga á hafið. Þetta kemur fram í frétt á vef Umhverfisráðuneytisins.


 

Rekstrarhagnaður 22.813 fyrirtækja sem voru í rekstri bæði árin 2004 og 2005, paraður samanburður, nam 14,1% af tekjum árið 2005 en var 10,9% árið áður. Hagnaður af reglulegri starfsemi þessara fyrirtækja var 14,4% af tekjum árið 2005 og 11,3% árið 2004. Þetta kemur meðal annars fram í nýju hefti Hagtíðinda. Þegar litið er á afkomu allra fyrirtækja í gagnasafninu 27.629 árið 2005 og 29.352 árið 2004, er hún hlutfallslega mjög svipuð og afkoma þeirra sem voru í pöruðum samanburði. Á árinu 2005 nam rekstrarhagnaður þeirra 14,7% af tekjum en árið áður var hann 10,7%. Hagnaður af reglulegri starfsemi nam 14,9% af tekjum árið 2005 og 10,8% af tekjum árið 2004. Í yfirliti þessu eru fyrirtæki í öllum atvinnurekstri, að meðtöldum fyrirtækjarekstri hins opinbera, þ.m.t. fyrirtæki í eigu ríkis og sveitarfélaga, sem rekin eru í hlutafélags- eða samlagsformi og orku-, veitu- og fjölmiðlafyrirtæki, en önnur starfsemi hins opinbera er undanskilin. Starfsemi lífeyrissjóða er einnig undanskilin.


 

setja 25 milljónir í augnrannsóknir


 

Svo virðist sem Danir muni geta haldið áfram að nota kerfi sem bíður upp á A og B hlutdeildarskýrteini í félögum þrátt fyrir að ráðherrar Evrópusambandsins hafi tekið kerfið til skoðunar. Þess má geta að íslenskir fjárfestar í Danmörku hafa gagnrýnt nokkuð þetta kerfi. Þetta fyrirkomulag hefur lengi verið mönnum þyrnir í augum og Charlie McCreevy, einn af ráðherrum ráðherraráðsins og sá sem fer með málefni innri markaðar, tók málið til skoðunar að því er kemur fram í danska viðskiptadagblaðinu Børsen. Hann hafði hugmyndir um að hlutabréfakerfið danska yrði einfaldað þannig að aðeins yrði ein tegund hlutabréfa. Í skýrslu sem tekin var saman um málið kemur fram að í öllum þeim 16 löndum sem skoðuð voru hafi verið mismunandi kerfi.


 

Reykjanesbær, Hafnarfjarðarbær, Orkuveita Reykjavíkur og Geysir Green Energy ehf. hafa gert með sér samkomulag sem hluthafar í Hitaveitu Suðurnesja hf. (HS) segir í tilkynningu. Það er einróma álit samningsaðila að með þessu verði eignarhaldi HS komið í tryggar skorður og eru nýir hluthafar HS einhuga um að vinna ötullega að vexti og viðgangi fyrirtækisins sem sjálfstæðs og öflugs orkufyrirtækis. Höfuðstöðvar HS verða áfram í Reykjanesbæ.


 

Ekki er ástæða til þess að hafa áhyggjur af styrk evrunnar gagnvart Bandaríkjadal, en gengi hennar hefur aldrei verið hærra gagnvart dalnum, að mati Jürgen Stark, sem situr í framkvæmdastjórn Seðlabanka Evrópu. Ummælin benda til þess að deilur á milli stjórnvalda í Þýskalandi og Frakklandi um inntak peningamálastefnu bankans eigi eftir að harðna, en Nicolas Sarkozy nýkjörinn forseti Frakklands hefur ítrekað mælt fyrir að Seðlabankinn nýti hana til þess að örva vöxt í stað þess að halda niður verðbólgu. Þrátt fyrir það telja sérfræðingar ólíklegt að evran geti staðið undir því að fara yfir 1,40 dali til lengri tíma litið eins og hún stefnir í. Fréttir af stöðu mála á bandaríska fasteignamarkaðnum hafa gert það að verkum að evran hefur styrkst gegn Bandaríkjadal enn frekar það sem af er viku. Sérstaklega er horft til ástandsins á fasteignalánum til þeirra sem hafa slæma skuldastöðu eða lágar tekjur. Matsfyrirtækin Standard & Poors og Moodys lýstu því yfir fyrr í vikunni að þau væru að endurskoða mat sitt á bandarískum skuldabréfum tengdum fasteignalánum til þeirra sem hafa verra lánshæfismat en gengur og gerist fyrir samanlagt 17,7 milljarða Bandaríkjadala. Þetta grefur undan stöðu dalsins með tvíþættum hætti. Í fyrsta lagi eykur það líkurnar að Seðlabanki Bandaríkjanna þurfi að grípa til vaxtarlækkunar í fyrirsjáanlegri framtíð til þess að stemma stigu við niðursveiflu. Á sama tíma eru vaxtahækkanir yfirvofandi á evrusvæðinu. Í öðru lagi kynni endurskoðun matsfyrirtækjanna að leiða til þess að lífeyrissjóðir þyrftu að selja slík skuldabréf. Rættist það kynni það að hafa töluverð á skuldabréfamarkaðinn í heild. Áhrifa hræringa á skuldabréfamarkaðnum bandaríska hefur einnig gætt á hlutabréfamörkuðum beggja vegna Atlantsála. Fasteignamarkaðurinn ekki myllusteinn Þrátt fyrir að horfurnar virðist dökkar telja sérfræðingar ekki líklegt að ástandið verði viðvarandi. Dow-Jones fréttastofan hefur eftir Roberto Milalich, gjaldeyrissérfræðingi hjá Unicredit HVB í Mílanó, að ástandið á bandaríska fasteignamarkaðnum sé tímabundið. Hræringarnar megi rekja til fasteignalána til þeirra sem hafa slæmt lánshæfismat og það muni ekki reynast myllusteinn um háls bandaríska hagkerfisins. Hann telur ekki útilokað að gengi evru gagnvart dal verði á bilinu 1,30 til 1,35 fyrir árslok. Sjá nánar í Viðskiptablaðinu í dag.


 

Ali al-Naimi, olíumálaráðherra Sádi-Arabíu, segir Samtök olíuútflutningsríkja (OPEC) ekkert geta gert til þess að sporna við háu heimsmarkaðsverði á hráolíu þar sem það stýrist af öðrum skorti á framboði. Naimi, sem sat iðnaðarráðstefnu í Varsjá í Póllandi í gær, sagði við blaðamenn að ástæðu hins háa verðs væri að finna í ótryggu ástandi á vettvangi alþjóðamála auk flöskuhálsa í olíuhreinsunarstöðvum. Ummæli Naimi bergmála nýlegar yfirlýsingar Mohamed Al Hamli, forseta OPEC, um að aðildarríki samtakanna sjái enga ástæðu til þess að auka framleiðslu. Áður hafði Alþjóðaorkumálastofnunin hvatt samtökin til þess að gera einmitt það til þess að þrýsta niður verðinu á heimsmarkaði. Leitt hafði verið líkum að því að stjórnvöld í Sádi-Arabíu kynnu að auka framleiðslu á hráolíu en verðið á fatinu hefur hækkað um sex Bandaríkjadali síðasta mánuð og er nú í 73 dölum. Yfirlýsingar Naimi benda til þess að slík ákvörðun sé ólíkleg. Naimi benti á að Sádar, sem dæla um þessar mundir 8,6 milljónum fata á dag, gætu vissulega framleitt meira, en staðreynd málsins væri að eftirspurn eftir umframmagni af hráolíu væri ekki til staðar. Hann benti á að birgðastaðan hefði ekki verið meiri í fimm ár og að jafnvægi væri milli framboðs og eftirspurnar á heimsmarkaði. Aðildarríki OPEC hafa verið gagnrýnd fyrir að horfa of mikið á birgðastöðuna í Bandaríkjunum þegar kemur að ákvörðunartöku um framleiðslu. Bent hefur verið að birgðastaðan í ríkjum eins og Kína sé ekki góð og því sé ekki eingöngu hægt að horfa til slíkra þátta.


 

Dýrasta íbúðarhúsnæði Bandaríkjanna er nú falt en ásett verð þess er 165 milljónir Bandaríkjadala sem samsvarar 9.900 milljónum íslenskra króna. Eignin er í Beverly Hills hverfinu í Los Angeles í Kaliforníuríki. Í húsinu er tuttugu og níu herbergi, þrjár sundlaugar, tennisvellir, kvikmyndahús og diskótek og er landareignin 2,5 hektarar. Það er nú í eigu Leonard Ross en að sögn fasteignasala hans vill hann selja vegna þess að hann hyggst "breyta um lífsstíl." Húsið var reist árið 1920 og hefur það hýst margt stórmennið. Blaðakonungurinn William Randolph Hearst átti húsið á tímabili en hann keypti það fyrir 120 þúsund dali árið 1940. John F. Kennedy og Jacqueline eiginkona hans eyddu hveitibrauðsdögum sínum í því árið 1953. Kennedy hefur kunnað vel við sig þar en húsið var notað undir kosningamiðstöð hans á Vesturströndinni er hann bauð sig fram til forseta 1960. Fasteignin kemur einnig við sögu í kvikmynd Francis Ford Coppola The Godfather. Íbúðarhúsnæði hefur aldrei selst í Bandaríkjunum fyrir meira en hundrað milljónir dala. Hæsta verð sem hefur verið greitt fyrir slíka eign til þessa er 94 milljónir dala. Hinsvegar hefur framboðið á eignum sem kosta meira en hundrað milljónir dala aukist að undanförnu. Tíu herbergja í hús í Montana ríki er falt fyrir 155 milljónir dala. Skíðaáhugamenn geta einnig keypt eign í Aspen í Colorado. Hún er í eigu Bandar bin Sultan fursta, fyrrum sendiherra Sádi-Araba í Bandaríkjunum. Á hana er sett 135 milljónir dala en ugglaust er hægt að ná verðinu niður þar sem að hún er ekki enn seld ári eftir að hún var sett á sölu.


 

Bresk-ástralska námufyrirtækið Rio Tinto er að leggja lokahönd á yfirtökutilboð í kanadíska álfélagið Alcan upp á 34 milljarða Bandaríkjadala, að því er breska dagblaðið The Times greinir frá í gær. Sérfræðingar á Wall Street segjast gera ráð fyrir því að Rio Tinto, sem er annað stærsta námufyrirtæki heimsins, muni væntanlega gera formlegt tilboð í Alcan innan næstu tveggja vikna. Stjórnendur Alcan hafa unnið hart að því undanfarnar vikur og mánuði að hindra yfirtökuáform bandaríska álrisans Alcoa á félaginu, en þann 7. maí síðastliðinn lagði Alcoa fram 27,96 milljarða dala yfirtökutilboð í Alcan. Því tilboði var illa tekið af stjórnendum Alcan og ráðlögðu þeir hluthöfum að hafna því. Á mánudaginn ákvað Alcoa að framlengja tilboð sitt óbreytt fram til 10. ágúst næstkomandi. BHP Billiton horfir til Alcoa Þrátt fyrir að forsvarsmenn Alcan hafi ekkert viljað tjá sig um málið við fjölmiðla í gær gaf félagið það engu að síður í skyn að mikill skriður væri kominn í áformum þess að takast að fá önnur fyrirtæki til að gera vinveitt yfirtökutilboð í Alcan. Fram kemur í gögnum sem Alcan sendi bandaríska verðbréfaeftirlitinu (SEC) á mánudaginn að félagið hafi byrjað viðræður við annan aðila sem gæti verið hugsanlegur valkostur við yfirtökutilboð Alcoa, en ekki er greint frá því um hvaða félag er að ræða. Kanadíska dagblaðið The Globe and Mail fullyrðir hins vegar að hinn svokallaði "hvíti riddari" sé Rio Tinto og hefur blaðið jafnframt eftir heimildarmönnum sínum að námufyrirtækið hafi nú þegar ráðið til sín fjárfestingarbankann CIBC til að veita félaginu ráðgjöf við að undirbúa yfirtökutilboð í Alcan. Stærsta námufyrirtæki heims, BHP Billiton, sem oft hefur verið nefnt á nafn í þessu samhengi er aftur á móti nú talið hafa meiri áhuga á því að yfirtaka Alcoa. Sjá nánar í Viðskiptablaðinu í dag.


 

Hollensk-belgíski bankinn Fortis tók í gær fyrsta skrefið í viðleitni sinni til að sækja sér fjármagn á markaði sem bankanum er nauðsynlegt að komast yfir til að yfirtökutilboð RBS-hópsins svokallaða í ABN Amro geti orðið að veruleika. Þetta hefur bandaríska dagblaðið Wall Street Journal eftir heimildarmönnum sínum sem vel þekkja til mála, en hópurinn á harðri baráttu um yfirráð í hollenska bankanum við breska bankann Barclays. Ekki liggja fyrir nákvæmar upplýsingar um hvernig Fortis hyggst fara að því að sækja sér fjármagn, en meðal annars er rætt um að Fortis - ásamt hinum bönkunum - gefi út ný hlutabréf í bankanum sem yrðu seld til núverandi hluthafa á afslætti. Fjármagnssöfnun Fortis er engu að síður aðeins lítið hlutfall þeirrar upphæðar sem RBS-hópurinn, sem samanstendur einnig af Royal Bank of Scotland og Santander, þarfnast til að geta fjármagnað 71 milljarðs evra yfirtökutilboð sitt í ABN, en 79% þeirrar upphæðar verða greidd með peningum og afgangurinn með nýjum hlutabréfum. Það tilboð var jafnframt átta milljörðum evra hærra heldur en tilboð Barclays sem ABN samþykkti 23. apríl síðastliðinn. Sérfræðingar telja að framkvæmdastjóri Fortis, Jean-Paul Votron, sé að leggja mikið undir með því að taka þátt í yfirtökunni. Votron vonast hins vegar eftir því að samruni Fortis og ABN muni hjálpa bankanum við að stækka til muna í Evrópu og ná jafnframt yfirráðum á Benelux-svæðinu, en ABN hefur þar mjög sterka stöðu. Sjá nánar í Viðskiptablaðinu í dag.


 

Kevin Warsh, sem situr í stjórn bandaríska seðlabankans, telur að vandræði vogunarsjóða sem hafa tekið stöðu á fasteignalánamarkaði með láni til fólks með slæmt lánshæfismat, muni ekki hafa umsvifamikil áhrif á markaðnum. Þetta kom fram á fundi hans með fjármálanefnd bandarísku fulltrúardeildarinnar. Vogunarsjóðir eins og Bear Sterns hafa lent í vandræðum að undanförnu vegna þeirra hræringa sem hafa átt sér stað á þeim markaði. Einnig kom fram í gær að fjármálayfirvöld í Bandaríkjunum telji að Bear Sterns muni takast að vinda ofan af stöðum sínum á fasteignalánamarkaðnum.


 

Breska smásölukeðjan Sainsbury greindi frá því í gær að félagið væri á undan áætlun með markmið sitt um að auka sölutekjur félagsins um 2,5 milljarða punda á tveimur árum frá því mars 2005 síðastliðinn, en á síðasta fjárhagsári jukust sölutekjur Sainsbury um meira en einn milljarð punda. Stjórnarformaður Sainsbury, Philip Hampton, sagði einnig frá því í tilkynningu sem var send út í gær, að félagið hefði skipað tvo nýja menn í stjórnina, Mary Harris og Mike Coup.


 

Breska tískuvöruverslunarkeðjan Burberry greindi frá því í gær að sölutekjur félagsins á fyrsta ársfjórðungi, sem lauk 30. júní síðastliðinn, hefðu aukist um 30% miðað við sama tíma í fyrra.


 

Írönsk stjórnvöld sögðust í gær vera reiðubúin til að verjast árásum Al-Qaida hryðjuverkasamtakanna í kjölfar hótana þeirra um að heyja stríð gegn ráðamönnum í Teheran ef Íranar draga ekki stuðning sinn við Sjíta í Írak til baka. Abu Omar al-Baghdadi, leiðtogi regnhlífarsamtaka Al-Qaida í Írak, hótaði þessu í myndbandi sem sett var á internetið síðastliðinn sunnudag. Íranski innanríkisráðherrann, Minister Mostafa Pourmohammadi, sagði í samtali við íranska fjölmiðla að hótanir Al-Qaida væru engin nýmæli og að öryggis- og lögregluyfirvöld þar í landi myndu verjast slíkum árásum ef til þeirra kæmi.


 

Gjaldeyrisforði Kína stækkaði um 130,59 milljarða Bandaríkjadala á öðrum fjórðungi ársins og var metinn á 1,33 billjónir dala í lok júnímánaðar. Þessi aukning endurspeglar það gríðarlega mikla fjármagn sem flæðir inn í landið um þessar mundir, en síðastliðin þrjú ár hefur gjaldeyrisforði Kína stækkað um fimmtán til tuttugu milljarða dala í hverjum mánuði. Þar sem útflutningur Kínverja er mun meiri heldur en innflutningur, auk þess sem fjárfestingar Kínverja á erlendri grundu eru minni heldur en fjárfestingar erlendra aðila í Kína, þýðir það að erlendur gjaldeyrir safnast upp í landinu. Kínversk yfirvöld greindu einnig frá því í gær að hagvöxtur á öðrum ársfjórðungi hefði aukist um 11,1%, en stjórnvöld höfðu áður gert ráð fyrir 10,6% vexti.


 

Gagnaveita Skagafjarðar hefur hafið framkvæmdir við ljósleiðaravæðingu heimila á Sauðárkróki. Gagnaveitan hefur einnig ákveðið að taka þátt í uppbyggingu á háhraðaneti í dreifbýli Skagafjarðar. Hefur fyrirtækið sent inn upplýsingar til Fjarskiptasjóðs og afmarkað sér svæði innan héraðsins þar sem það hyggst byggja upp háhraðanettengingar. Þarf því að vera lokið fyrir 1. júlí 2008 segir í frétt félagsins.Gagnaveita Skagafjarðar var stofnuð árið 2006. Eigendur hennar eru Sveitarfélagið Skagafjörður, Skagafjarðarveitur, Kaupfélag Skagfirðinga, Byggðastofnun, Fjölnet og smærri aðilar. Tilgangur Gagnaveitunnar er að leggja ljósleiðara inn á hvert heimili á Sauðárkróki og víðar í þéttbýli eftir því sem aðstæður skapast og taka þátt í uppbyggingu á háhraðatengingum í dreifbýli Skagafjarðar.Í drögum að framkvæmdaáætlun hefur bænum verið skipt upp í fjögur verksvæði; Túnahverfi, Hlíðahverfi, syðribæ og útbæ. Hafist verður handa í Túnahverfi í sumar og er áætlað að þar verði öll hús tengd í haust. Því næst verður haldið í Hlíðahverfi, þá syðribæinn og loks útbæinn. Áætlað er að ljúka þessu verkefni 2009. Verður Sauðárkrókur þar með kominn í hóp þeirra þéttbýlisstaða sem tekið hafa forystu í möguleikum í nýtingu á upplýsingatækni.


 

Velta í dagvöruverslun jókst um 10,9% í júní síðastliðnum miðað við sama mánuð í fyrra, á breytilegu verðlagi. Á föstu verðlagi og árstíðarleiðrétt nam hækkunin 16,6%. Á sama tímabili lækkaði verðlag á dagvöru um 2% samkvæmt dagvöruhluta neysluverðsvísitölu Hagstofu Íslands. Ástæða veltuaukningarinnar er því ekki hærra verðlag segir í frétt frá Rannsóknarsetri verslunarinnar.


 

segja verktakar


 

Fjárfestirinn Niels K. Thygesen hefur selt 6,3% hlut sinn í Keops fjárfestingafélaginu. Að því er kemur fram í danska viðskiptablaðinu Børsen þá er fasteignafélagið Stoðir kaupandi. Stoðir hafa sem kunnugt er lýst yfir vilja sínum til að yfirtaka Keops og afskrá félagið úr dönsku kauphöllinni. Kaupin á hlut Thygesen, sem var áður stjórnandi hjá Keops, verða að skoðast sem liður í því.


 

Nokkrar hækkanir voru í Kauphöllinni í dag og hækkaði Teymi mest allra félaga, eða um 3.56% og var dagslokagengi bréfa Teymis 5.53. Bréf Nýherja hækkuðu um 3.13% og við lok markaða stóðu bréf félagins í 19.80. Exista hækkaði um 2.22%, en félagið hefur verið að styrkjast nokkuð síðustu daga og stendur nú á genginu 39.20. Af öðrum hækkunum má nefna Föroya Bank (1.7%), Kaupþing (1.23%), Marel (0.65%), Bakkavör Group (0.57%), Alfesca (0.52%) og Icelandair Group (0.49%). Einnig hækkuðu Glitnir og Straumur Burðarás lítillega. Athygli vekur að dagslokagengi Actavis var 86 krónur á hlut, en það er nokkuð undir yfirtökutilboði Novators. Flaga Group lækkaði um 1.06%, Össur lækkaði um 0,92% og endaði í 107.5, FL Group og Atorka lækkuðu bæði um 0.67%. Aðrar lækkanir: Eimskipafélagið (0.38%), Century Aluminum (0.22%), Tryggingamiðstöðin hf. (0.13%). Við lok markaða hafði krónan veikst um 1.13%. Lokagildi úrvalsvísítölunnar var 8.721.


 

Hver ertu?


 

Samkvæmt frétt Ferðamálastofu má gera ráð fyrir að næstu vikur verði þær annasömustu í íslenskri ferðaþjónustu frá upphafi. Fer þar saman mesti sumarleyfistími Íslendinga og toppur ársins í komu erlendra gesta. ?Mér sýnist að við séum að fá um 40.000 erlenda gesti hingað á næstu tveimur vikum þessa háannatíma auk mikils fjölda Íslendinga á ferð um landið. Þetta skapar eðlilega mikil viðskipti og skilar þjóðarbúinu verulegum tekjum," segir Magnús Oddsson ferðamálastjóri í fréttinni..


 

Bakkavör Group hefur keypt 51% hlut í tékkneska matvælaframleiðandanum Heli Food Fresh og þar með styrkt stöðu sína enn frekar á meginlandi Evrópu. Félagið mun kaupa eftirstandandi hlutafé í fyrirtækinu í apríl 2010 segir í frétt félagsins. Heli Food Fresh sérhæfir sig í að framleiða tilbúna rétti, súpur og sósur fyrir austur evrópskan markað. Velta fyrirtækisins er 298 milljónir króna (3,6 milljónir evra) og helstu viðskiptavinir þess eru leiðandi evrópskir stórmarkaðir. Fyrirtækið er staðsett suður af Prag og er með 76 starfsmenn í vinnu. Kaupin voru fjármögnuð úr sjóðum félagsins en kaupverðið er trúnaðarmál. Kaupin munu hafa óveruleg áhrif á afkomu félagsins. ?Kaupin í Heli Food Fresh eru liður í því að styrkja stöðu okkar á meginlandi Evrópu. Markaðurinn fyrir tilbúna rétti hefur vaxið hratt í austur Evrópu og þessi kaup gefa okkur tækifæri til að styðja við útrás viðskiptavina okkar á þessu markaðssvæði, en Heli Food Fresh á nú þegar í viðskiptum við marga af lykilviðskiptavinum okkar," segir Ágúst Gudmundsson forstjóri í tilkynningunni.


 

Að sögn Jóhönnu Sigurðardóttur félagsmálaráðherra þarf að gera margvíslegar breytingar og lagfæringar á íbúðalánakerfinu hér á landi, meðal annars vegna nýlegrar kæru frá ESA og þarfar á að bæta félagslegt hlutverk sjóðsins. Hún segir þó að hlutur bankanna sé orðinn stór og því ábyrgð þeirra mikil. Þetta kemur fram í ítarlegu viðtali við Jóhönnu í Viðskiptablaðinu í dag.


 

Vísitala neysluverðs í júlí 2007 er 273,0 stig (maí 1988=100) og hækkaði um 0,22% frá fyrra mánuði. Vísitala neysluverðs án húsnæðis er 245,9 stig, lækkaði um 0,12% frá júní, að því er kemur fram á vef Hagstofunnar. Sumarútsölur eru víða í gangi og lækkaði verð á fötum og skóm um 9,3% (vísitöluáhrif -0,44%). Kostnaður vegna eigin húsnæðis jókst um 1,7% (0,31%), aðallega vegna hækkunar á markaðsverði húsnæðis. Síðastliðna tólf mánuði hefur vísitala neysluverðs hækkað um 3,8% en vísitala neysluverðs án húsnæðis um 1,2%.


 

Nicolas Sarkozy Frakklandsforseti stóð frammi fyrir harðvítugri gagnrýni á mánudagskvöldið vegna áforma hans um að ráðast í skattalækkanir heima fyrir sem ógna markmiði ríkja á evrusvæðinu um að ná jafnvægi í ríkisfjármálum sínum fyrir árið 2010. Þetta kemur fram í frétt Financial Times í gær, en mánaðarlegur fundur fjármálaráðherra aðildarríkjanna 27 í Evrópusambandinu (ESB) fór fram á mánudag og þriðjudag í vikunni. Fjármálaráðherra Þýskalands, Peer Steinbruck, var fremstur í flokki þeirra sem gagnrýndu áform Sarkozy og gerði hann jafnframt lítið úr hugmyndum Frakklandsforseta um að grípa þyrfti til aðgerða til að halda gengi evrunnar niðri til að verja hagsmuni útflutningsfyrirtækja á evrusvæðinu. "Ég hef ekki áhyggjur af sterkri evru - ég elska sterka evru," sagði Steinbruck, en mikill uppgangur er hjá þýskum útflutningsfyrirtækjum um þessar mundir. Auk Þýskalands voru Austurríkismenn, Finnar og Hollendingar á meðal þeirra þjóða sem töluðu hvað harðast gegn stefnu Sarkozy í ríkisfjármálum. Sarkozy sagði að umbótastefna sín - eins og hann kallaði hana - gerði ráð fyrir nauðsynlegum skattalækkunum sem réttlættu það að Frakkar þyrftu hugsanlega fresta því til ársins 2012 að ná jafnvægi í ríkisfjármálum sínum, en á þessu ári er spáð 2,4% halla á rekstri ríkissjóðs þar í landi. Það eru aðeins þrír mánuðir síðan Frakkland, ásamt öðrum ríkjum á evrusvæðinu, samþykkti að ná því markmiði fyrir árið 2010 að rekstur ríkissjóðs yrði hallalaus. Sjá nánar í Viðskiptablaðinu í dag.


 

Írska lággjaldaflugfélagið Ryanair hefur hótað því að fara í mál við framkvæmdastjórn Evrópusambandsins (ESB), að því er fram kemur í frétt Financial Times. Ryanair segir ástæðuna vera að meira en ár sé liðið frá því að félagið lagði fram kvörtun til framkvæmdastjórnarinnar þar sem óskað var eftir því að hún myndi grípa til aðgerða gegn ýmsum ríkjum sem Ryanair telur að veiti flugfélögunum Air France-KLM, Lufthansa, Alitalia og Olympic Airways ólöglega ríkisstyrki. Forsvarsmenn Ryanair segja að framkvæmdastjórnin hafi ekki enn séð ástæðu til að grípa til aðgerða og nú sé þolinmæði fyrirtækisins á þrotum. Upphæðirnar sem stjórnvöld hafa borgað umræddum flugfélögum til að niðurgreiða rekstur sinn skipta hundruðum milljónum evra, að mati Ryanair. Írska flugfélagið heldur því meðal annars fram að frönsk stjórnvöld veiti afslátt af gjaldtöku í innanlandsflugi þar í landi sem Air France hagnist einkum á. Auk þess hefur Ryanair bent á að flugvellinum í München sé heimilað að vera rekinn með tapi á meðan verið sé að byggja nýja flugstöð, en slíkt þjónar hagsmunum Lufthansa. Þetta er hins vegar ekki eini ágreiningur Ryanair og Evrópusambandsins um þessar mundir. Í lok síðasta mánaðar kom framkvæmdastjórn ESB í veg fyrir yfirtöku flugfélagsins á Aer Lingus upp á 1,48 milljarða evra og sagði að slík sameining myndi leiða til einokunar á markaði. Sameinað félag myndi ráða um 80% af öllu flugi til og frá flugvellinum í Dublin og Evrópu. Micheal O´Leary, framkvæmdastjóri Ryanair, sagði í kjölfar úrskurðarins að samkeppnisyfirvöld ESB hefðu beinlínis rangt fyrir sér í þessu máli og benti á því til vitnis að þau hafi samþykkt samruna Air France og hollenska flugfélagsins KLM. Ryanair hefur heitið því að það muni áfrýja úrskurðinum.


 

Bandaríski álrisinn Alcoa hefur framlengt 27,93 milljarða Bandaríkjadala yfirtökutilboð sitt í Alcan fram til 10. ágúst næstkomandi og veitir þar með samkeppnisyfirvöldum og hluthöfum kanadíska álfélagsins meiri tíma til að fara yfir tilboðið, sem helst óbreytt frá því sem Alcoa lagði fram 7. maí síðastliðinn. Þrátt fyrir það þá fer sá orðrómur vaxandi á degi hverjum að von sé á hærra tilboði frá Alcoa innan skamms. Alcoa, sem er annað stærsta álfélag heims á eftir rússneska fyrirtækinu Rusal, greindi jafnframt frá því á mánudaginn að hagnaður félagsins á öðrum ársfjórðungi hefði dregist saman um 3,9% og numið samtals 715 milljónum dala. Afkoman var í takt við það sem helstu greiningaraðilar höfðu gert ráð fyrir. Í tilkynningu frá Alcoa eru helstu ástæðurnar fyrir minni hagnaði fyrirtækisins sagðar vera hækkandi olíuverð og eilítið lægra álverð á heimsmarkaði. Sumir sérfræðingar hafa bent á að þetta muni - ef eitthvað er - auka líkurnar á því að Alcoa taki ákvörðun um að hækka yfirtökutilboð sitt í Alcan. Margir bíða hins vegar enn eftir því að námufyrirtækin Rio Tinto og BHP Billition - og jafnvel brasílíska félagið CVRD - blandi sér í slaginn um kanadíska álfélagið. Í frétt bandaríska dagblaðsins Wall Street Journal í gær segir að sumir sérfræðingar um áliðnaðinn telji að í ljósi þess að slík barátta geti leitt til verðstríðs þá sé líklegast að Rio Tinto muni halda að sér höndum af fyrirtækjunum þremur. Forsvarsmenn Alcan og Rio Tinto hafa ítrekað neitað að tjá sig opinberlega um þær sögusagnir að félögin eigi um þessar mundir í viðræðum sem miði að því að ná samkomulagi um sameiningu fyrirtækjanna.


 

Fjármálaráðherrar Evrópusambandsins (ESB) hafa náð samkomulagi um að styðja sósíalistann og fyrrum fjármálaráðherra Frakklands í ríkisstjórn Lionel Jospin á tíunda áratugnum, Dominique Strauss-Kahn, í embætti framkvæmdastjóra Alþjóðagjaldeyrissjóðsins. Hugmyndin að því að tilnefna Strauss-Kahn kom frá Nicolas Sarkozy Frakklandsforseta og telja stjórnmálaskýrendur að stuðningur annarra leiðtoga í ESB við útnefninguna sé mikill diplómatískur sigur fyrir Sarkozy. Ef skipun Strauss-Kahn verður að veruleika munu Frakkar eiga yfirmenn hjá þremur stórum alþjóðastofnunum: Seðlabanka Evrópu, Alþjóðaviðskiptastofnuninni og núna hjá Alþjóðagjaldeyrissjóðnum.


 

Viðskiptaafgangur Kína í júnímánuði var yfir spám greiningaraðila og gefur til kynna að von sé á jafnháum - ef ekki hærri - hagvaxtartölum fyrir annan ársfjórðung eins og í þeim fyrsta. Á fyrstu sex mánuðum þessa árs nam viðskiptaafgangur Kína samtals 112,5 milljörðum Bandaríkjadala. Á öðrum ársfjórðungi mældist afgangurinn ríflega 66 milljarðar dala, sem var aukning um 43% frá því á fyrsta ársfjórðungi þegar hann nam 46,4 milljörðum dala. Ben Simpfendorfer, hagfræðingur hjá RBS í Hong Kong, segist búast við því að þessi gríðarmikli viðskiptaafgangur muni aðeins halda áfram að aukast. Á síðasta ári nam afgangurinn samtals 177,5 milljörðum dala, en sérfræðingar gera ráð fyrir því að á þessu ári muni hann líkast til verða í kringum 320 milljarðar dala.


 

Vextir á verðtryggðum innlánum hækka um allt að 0,50 prósentustig. Þannig hækka vextir á verðtryggðum Bústólpareikningi úr 6,50% í 7,00%. Vextir á Framtíðarreikningi og Lífeyrisbók hækka úr 6,60% í 7,10%. Auk þess hækka breytilegir kjörvextir verðtryggðra skuldabréfalána um 0,50 prósentustig, úr 8,00% í 8,50% segir í tilkynningu félagsins. Hækkun á verðtryggðum vöxtum er gerð í ljósi þess að raunstýrivextir Seðlabankans, miðað við verðbólgu, hafa hækkað mikið. Þessi þróun kemur vel fram í hækkun á ávöxtunarkröfu skammtíma verðtryggðra íbúðabréfa að undanförnu. Vextir á íbúðalánum Kaupþings breytast ekki en þeir eru 5,20%.


 

Í dag verður Eik Banki frumskráður í OMX Nordic Exchange Iceland og um leið í OMX Nordic Exchange Copenhagen. Eik er fimmtugasta og sjöunda félagið sem slæst í hóp félaga hjá Nordic Exchange það sem af er árinu segir í tilkynningu OMX Nordic Exchange Iceland. Eik Banki P/F, sem er móðurfélag Eik Group og stærsti banki í Færeyjum, var stofnaður árið 1832. Grundvallarstefna Eik Banki P/F er að auka starfsemi sína á alþjóðavettvangi og útvíkka starfsemina í þeim tilgangi að dreifa áhættu og auka hagnað. Helmingur af tekjum bankans árið 2006 var upprunninn utan Færeyja. Innan Eik Group starfa 17 útibú í Færeyjum og eitt dótturfélag í Kaupmannahöfn í fullri eigu, Eik Bank Danmark A/S, og Inni P/F, færeysk fasteignasala í fullri eigu. Auk þess vinnur Eik Bank Danmark nú að kaupum á SkandiaBanken AB í Danmörku sem er stærsti netbankinn þar í landi. Því til viðbótar á Eik Group 9,94 % hlutafjár í SPRON og 29 % hlutafjár í danska fyrirtækinu Investea. Meginþættir í starfsemi Eik Banki P/F eru viðskiptabankaþjónusta, fyrirtækjaráðgjöf, verðbréfaviðskipti, eignastýring, lífeyrissparnaður og fjárfestingarbankastarfsemi. ?Það er okkur sönn ánægja að bjóða Eik Banka velkominn í fjármálageira Nordic Exchange. Eik Banki er áhugaverð viðbót við geirann sem fyrir er afar sterkur á Íslandi. Íslenski markaðurinn hefur verið góð uppspretta fjármagns fyrir ört vaxandi banka og Eik Banki mun án efa hagnast á þessu mikilvæga skrefi í þróun sinni,? segir Þórður Friðjónsson, forstjóri OMX Nordic Exchange Iceland í tilkynningunni.  ?Eik Banki er þegar aðili að OMX Nordic Exchange og í kjölfar örrar þróunar hjá félaginu hefur það kosið að vera skráð bæði á Íslandi og í Kaupmannahöfn. Þar kemur fram jákvæð þróun markaðarins en einnig viðurkenning á skipulagi og tilvist Nordic Exchange,? segir Jan Ovesen, forstjóri OMX Nordic Exchange Copenhagen. ?Eik Banki er nýjasta og, vegna 175 ára sögu sinnar, líklega einnig elsta skráða félag í kauphöllum OMX á Íslandi og í Danmörku. Þegar Eik Banki var breytt úr sparisjóði í hlutafélag árið 2002 kom fram í samþykktum þess að stjórn félagsins gæti skráð hlutabréf félagsins. Skráningin hefur því verið í bígerð í langan tíma og það er trú mín að hún muni verða til hagsbóta, jafnt fyrir Eik Banki, alla hluthafa hans og færeyskt samfélag í heild,? segir Marner Jacobsen, forstjóri Eik Banki. Eik Banki er meðalstórt (Mid Cap) félag og mun tilheyra MidCap+ vísitölu Nordic Exchange Copenhagen. Viðskiptalota hlutabréfa í Eik Banki, sem hefur auðkennið FO-EIK á Íslandi og FO-EIK CSE í Kaupmannahöfn, er 10. Félagið tilheyrir fjármálageiranum.


 

Breskir fjölmiðlar telja að ráðning Mike Shearwood til Mosaic Fashion sé vísbending um að ætlunin sé að skrá félagið að nýju á London Stock Exchange. Ráðning Sherwood vakti nokkra athygli en hann hefur stýrt tískuverslunarkeðjunni Zara í Bretlandi. Samkvæmt frétt breska dagblaðsins Daily Mail þá mun Shearwood varða forstjóri félagsins og núverandi forstjóri, Derek Lovelock, mun færast upp í starf stjórnarformanns en Stewart Binnie hefur gegnt því starfi frá því Mosaic var skráð í Kauphöll Íslands í júní 2005. Heimildir Daily Mail segja að þetta sé vísbending um að ætlunin sé að fleyta félaginu aftur á markað og telja líklegt að það verði gert innan tveggja ára. Sjá nánar í Viðskiptablaðinu í dag.


 

Kaupþing banki er í 142. sæti yfir stærstu banka í heimi samkvæmt árlegri úttekt alþjóðlega fjármálatímaritsins ?The Banker?. Kaupþing er eini íslenski bankinn sem er meðal 200 stærstu banka í heimi en Landsbankinn er í 202 sæti og hefur færst upp um 34 sæti, mikið til vegna innri vaxtar.Í fyrra var Kaupþing banki í 177. sæti og hefur því hækkað sig um 35 sæti milli ára. Röðun á listann byggist á svo kölluðum eiginfjárþætti 1 (e.tier 1). Meðal banka sem eru neðar á listanum má nefna; DEPFA Bank á Írlandi (152), Bradford & Bingley á Bretlandseyjum (189) og Caixa Catalunya á Spáni (196).


 

Ákveðið hefur verið að flytja hlutabréfaeign First Island Trustees (Guernsey) Limited fyrir hönd Liveras Family Trust (80.269.613 bréf) yfir til nýstofnaðs dótturfélags sem er 100% í eigu First Island Trustees (Guernsey) Limited fyrir hönd Liveras Family Trust að því er kemur fram í tilkynningu til Kauphallarinnar. Hið nýstofnaða félag heitir Lauren & Alysia Investments (Luxembourg) S.A. Markaðsvirði hlutarins er 5,6 milljarðar króna. Meðal rétthafa Liveras Family Trust er Dion Liveras stjórnarmaður í Bakkavör Group hf. Eftir yfirfærsluna mun skráður eigandi hlutabréfanna vera hið nýstofnaða dótturfélag í staðinn fyrir First Island Trustees (Guernsey) Limited. Eftir yfirfærsluna mun eign aðila fjárhagslega tengdum Dion Liveras ekki breytast þar sem hið nýstofnaða félag er í eigu sömu aðila.


 

Novator hefur sent frá sér tilkynningu þar sem kemur fram að um 87% hluthafa í Actavis höfðu við lokun markaðar í gær tekið tilboði Novators í allt hlutafé félagsins. Af um 4200 hluthöfum í félaginu höfðu nærri 3450 svarað tilboðinu og því voru um 750 hluthafar sem ekki höfðu svarað.


 

Íslenskir fjárfestar hafa verið nefndir til sögunnar sem hugsanlegir kaupendur að nokkrum niðursuðuverksmiðjum á fiski í Lettlandi að því er kemur fram í dagblaðinu Dienas bizness. Fjórar til fimm af 25 stærstu niðursuðuverksmiðjum Lettlands eru til sölu en erfiðleikar hafa verið í þessum geira samkvæmt frétt blaðsins.


 

Úrvalsvísitalan lækkaði í dag eftir stöðugar hækkanir síðustu daga. Vísitalan endaði í 8.867 stigum sem er 0,17% lækkun frá því í gær. Föroya Bank hækkaði mest allra félaga, eða um 2.61% og var gengi bréfa bankans við lok markaða 236. Össur hf. hækkaði eftir nokkrar lækkanir á undanförnum dögum, fór upp um 1,4% og endaði í 108,5. 365 hækkaði um 0,89%, Marel um 0,87% og Glitnir um 0,17%. Nokkuð mörg félög lækkuðu í dag, og mestu lækkunina átti FL Group um 1,33% og endaði á genginu 29,7. Century Aluminum lækkaði um 1,18%, Icelandair Group um 0,97%, Teymi um 0,93% og Atlantic Petroleum um 0,92%. Önnur félög sem lækkuðu minna en hin ofantöldu eru Flaga, Straumur-Burðarás, Bakkavör Group, Atorka, Kaupþing og Eimskipafélagið, Gengi krónunnar veiktist um 0,94% og var gengisvísitalan 112,8 við lok markaða.


 

Nokkrar sviptingar hafa verið í Kauphöllinni það sem af er degi og hefur gengi bréfa félaganna sveiflast nokkuð. Þetta hefur meðal annars haft í för með sér að Landsbanki Íslands og Exista hafa bitist um það að vera næst verðmætasta félagið í Kauphöllinni, næst á eftir Kaupþing banka. Landsbankinn hefur vinninginn þessa stundina.


 

Kaupþing banki er í 142. sæti yfir stærstu banka í heimi samkvæmt árlegri úttekt alþjóðlega fjármálatímaritsins ?The Banker?. Kaupþing er eini íslenski bankinn sem er meðal 200 stærstu banka í heimi.


 

Hlutafé lettneska bankans Norvik Bank, áður Lateko Bank, hefur verið aukið um átta milljónir lats eða 11,38 milljónir evra. Það jafngildir um 940 milljónum króna. Að sögn Jóns Helga Guðmundssonar, stjórnarformanns Norvik Bank, er þetta í samræmi við þá stefnu eigenda bankans að styðja jöfnum höndum við útvíkkun bankans með aukningu hlutafjár. Þetta kemur fram í Viðskiptablaðinu í dag.


 

Aflaverðmæti síðast árs var rúmir 76 milljarðar króna og jókst um 12,1% frá fyrra ári. Þetta kemur fram í ritinu Afli, aflaverðmæti og ráðstöfun afla 2006 sem Hagstofan gefur út. Í ritinu kemur m.a. fram að á árinu 2006 var afli íslenskra skipa tæp 1.323 þúsund tonn, 346 þúsund tonnum minni, en árið 2005.


 

Ríkisstjórnin tilkynnti um ýmsar mótvægisaðgerðir samhliða ákvörðun um aðeins 130 þúsund tonna þorskafla á næsta fiskveiðiári. Samtök atvinnulífsins telja hins vegar að mikilvægasta mótvægisaðgerðin fyrir sjávarútveginn og landsbyggðina værir lægra gengi krónunnar.


 

Samkvæmt frétt sem Actavis hefur sent til kauphallarinnar hafa allir  framkvæmdastjórar Actavis Group hf. tilkynnt Novator um samþykki sitt við sölu á öllum hlutum í eigu þeirra og tengdra aðila til Novator samkvæmt þeim tilboðsskilmálum sem fram koma í tilboði Novator. Tilboðsverð Novator er EUR 1,075 pr. hlut og eru fyrirvarar samkvæmt tilboði Novator í gildi þannig að sala hlutabréfanna hefur ekki átt sér stað.


 

Dominique Strauss-Kahn er nú nefndur sem líklegur eftirmaður Rodrigo de Rato í embætti framkvæmdastjóra Alþjóðagjaldeyrissjóðsins (IMF) í kjölfar þess að Nicolas Sarkozy Frakklandsforseti lýsti yfir stuðningi við hann í viðtali við franska tímaritið du Dimanche um helgina. Strauss-Kahn gegndi stöðu fjármálaráðherra í ríkisstjórn Lionel Jospin í lok tíunda áratugarins en þurfti að segja af sér sökum ásakana um fjármálahneyksli. Stuðningsyfirlýsing Sarkozy kemur mörgum á óvart sökum þess að Strauss-Kahn hefur löngum verið einn af hans helstu keppinautum á hinum pólitíska vettvangi í Frakklandi. Sú staðreynd breytti þó ekki því að Sarkozy sagðist telja að þessi fyrrum fjármálaráðherra Frakklands væri "hæfileikaríkastur" til þess að verða framkvæmdastjóri IMF. Í frétt Financial Times á sunnudaginn segir að Frakklandsforseti sé nú þegar búinn að afla sér stuðnings leiðtoga Bandaríkjanna, Spánar, Ítalíu og Bretlands. Þýski fjármálaráðherrann, Peer Steinbruck, hefur einnig sagst styðja Strauss-Kahn og lýst honum sem "góðum evrópskum frambjóðenda". Maður með reynslu, trúverðugleika og tungumálakunnáttu Stuðningur ítalskra stjórnvalda við Strauss-Kahn er nokkuð óvæntur ef rétt reynist, en í síðustu viku greindi bandaríska dagblaðið Wall Street Journal frá því að Ítalar hefðu gert kröfu um að þarlendur ríkisborgari myndi verða skipaður í stöðu yfirmanns sjóðsins í fyrsta skipti. Í viðtali við du Dimanche sagði Sarkozy að sá frambjóðandi sem myndi hreppa stöðu framkvæmdastjóra IMF þyrfti að vera gæddur ýmsum kostum, meðal annars að vera álitinn trúverðugur, hafa ómælda reynslu og tala fjölmörg tungumál. "Og Strauss-Kahn hefur alla þessa hæfileika", sagði Sarkozy. Það er aftur á móti enn óljóst hvort Strauss-Kahn hafi einhvern áhuga á starfinu. Hann hafði hugsað sér að taka þátt í komandi forystuslag Sósíalistaflokksins á næsta ári og fara þar með í forsetaframboð gegn Sarkozy árið 2012. Sumir stjórnmálaskýrendur telja af þessum sökum að það hafi ekki verið nein tilviljun að baki þeirrar ákvörðunar Sarkozy að lýsa yfir stuðningi við Strauss-Kahn: Með þessu móti tekst honum að losa sig við hugsanlega öflugan mótframbjóðanda úr röðum sósíalista. Fjármálaráðherrar aðildarríkjanna 27 í Evrópusambandinu (ESB) munu á mánaðarlegum fundi sínum sem hófst í gær ræða nöfn hugsanlegra frambjóðenda í stöðu framkvæmdastjóra sjóðsins.


 

Orkufyrirtækið Gazprom segist vera "mjög nálægt" því að ná samkomulagi um gasvinnslu á hinu gríðarstóra Shtokman-svæði í Rússlandi. Milvægur liður í átt að því voru tilslakanir sem félagið gerði við erlend orkufyrirtæki um að heimila þeim að vera samstarfsaðilar að verkefninu, að því er Financial Times hefur eftir Alexander Medvedev, aðstoðarframkvæmdastjóra Gazprom. Erlendu orkufyrirtækin sem um ræðir eru Statoil og Norsk Hydro (sem eru í samrunaferli um þessar mundir), Total of France og ConocoPhilips frá Bandaríkjunum. Ef af samkomulagi félaganna við Gazprom verður yrði mikilvægum áfanga náð, en það er talið að kostnaður verkefnisins sé í kringum tuttugu til þrjátíu milljarðar Bandaríkjadala. Ummæli Medvedev benda til þess að Gazprom hafi breytt um skoðun varðandi aðkomu erlendu fyrirtækjanna að verkefninu, en í október á síðasta ári sagði Medvedev að þau gætu ekki fengið beina hlutafjáreign í Shtokman-verkefninu, heldur einungis unnið að því sem verktakar. Á þessu hefur hins vegar nú orðið breyting. Í samtali við Financial Times segir Medvedev að Gazprom sé í viðræðum við erlendu fyrirtækin um nýtt módel að samvinnu sem myndi heimila þeim að vera "samstarfsaðilar og um leið njóta hins efnahagslega ávinnings, útvega stjórnendur og deila hinni fjármála- og viðskiptalegu áhættu" með Gazprom að verkefninu. Þarfnast sérfræðiþekkingar erlendu félaganna Ein útfærsla sem um hefur verið rætt í þessu samhengi er að veita félögunum hlutafjáreign í fyrirtækinu sem yrði stofnað í kringum verkefnið, í stað dótturfélags Gazprom sem á leyfið til að vinna gas á Shtokman-svæðinu. Medvedev segist búast við því að gasframleiðsla á svæðinu geti hafist í ársbyrjun 2013. Sumir sérfræðingar telja slíkt aftur á móti vera töluverða bjartsýni. Jonathan Stern, yfirmaður rannsókna við orkustofnun Oxford háskóla, er einn þeirra og segir að þrátt fyrir þátttöku erlendu fyrirtækjanna að verkefninu sé ólíklegt að gasframleiðsla verði hafin fyrir árið 2013. Tilslökun Gazprom um að veita erlendu félögunum leyfi til að eiga hlut í verkefninu er að mati orkusérfræðinga talin endurspegla þá staðreynd að Gazprom þarfnast sárlega þeirrar sérfræðiþekkingar sem þau hafa upp á að bjóða til að geta unnið þetta erfiða verkefni.


 

Einkafjárfestingafyrirtækið CVC Capital er að leggja lokahönd á að kaupa Univar, sem er staðsett í Hollandi og en er jafnframt stærsta efnadreifingarfyrirtækið í Norður-Ameríku, fyrir samtals 2,2 milljarða Bandaríkjadala. Það er um 36% yfir markaðsvirði félagsins miðað við gengi þess þegar hlutabréfamarkaðir lokuðu fyrir helgi. Ef yfirtakan verður að veruleika mun CVC flytja starfsemi Univar til Bandaríkjanna. Sérfræðingar telja að kaupin séu til vitnis um þá stefnu CVC að færa út kvíarnar, en þrátt fyrir að einkafjárfestingafyrirtækið sé vel þekkt í Evrópu, er það enn fremur óþekkt á bandaríska markaðinum.


 

Alþjóðaorkumálastofnunin (IEA) segir í nýrri skýslu sem birtist í gær að framboð á olíu og gasi á næstu árum muni dragast saman, sem geti haft neikvæðar afleiðingar fyrir frekari vöxt í alþjóðahagkerfinu. Samkvæmt skýrslu IEA mun framboð á olíu og gasi verða minna en stofnunin hafði áður gert ráð fyrir. Þrátt fyrir að IEA spái ekki fyrir um þróun olíverðs þá gefa niðurstöður skýrslunnar til kynna að það séu litlar líkur á því að verðið muni lækka á næstu árum. Talið er að eftirspurn eftir olíu muni aukast um 1,9 milljónir tunna á dag, eða 2,2% á ári að meðaltali, og ná 95,8 milljónum tunna á dag árið 2012, samanborið við 86,13 milljónir tunna á dag um þessar mundir. Þær forsendur sem liggja að baki spánni eru að hagvöxtur á heimsvísu verði að meðaltali 4,5% á ári á næstu fimm árum.


 

Bifreiðasala þýska bílaframleiðandans Volkswagen hefur aukist um 8% á fyrri hluta þessa árs, miðað við sama tíma og í fyrra. Þetta hefur Dow Jones fréttastofan eftir tveimur heimildarmönnum sem vel þekkja til stöðu mála. Volkswagen hafði áður greint frá því að salan á fyrstu fimm mánuðum ársins hefði aukist um 7,6% og numið samtals 2,53 milljónum bíla. Eining félagsins í Bandaríkjunum tilkynnti hins vegar fyrr í þessum mánuði að salan þar hefði dregist saman um 1%.


 

Bresk-hollenska orkufyrirtækið Royal Dutch Shell hefur skrifað undir samkomulag um samvinnu við rússneska orkufyrirtækið Rosneft um olíu- og gasframleiðslu í Rússlandi og öðrum ríkjum. Samningurinn kemur í kjölfar þess að Shell missti réttindi sín til að vinna olíu og gas í tengslum við Sakhalin verkefnið. Sérfræðingar telja að þetta endurspegli þá staðreynd að Rússar séu enn að leitast eftir erlendum fjárfestum til að vera minnihlutaeigendur í olíu- og gasverkefnum þar í landi.


 

Campbell súpuframleiðandinn, sem er stærsta fyrirtæki sinnar tegundar í heiminum, hefur í hyggju að sækja inn á markaði í Rússlandi og Kína. Markaðsherferðin sem Campbell mun fara í inniheldur auglýsingar í prent- og ljósvakamiðlum, auk auglýsinga á internetinu. Fyrirtækið vildi hins vegar ekki upplýsa hversu miklum fjármunum það ætlaði að eyða í herferðina. Kínverjar neyta um 320 milljarða súpuskammta á hverju ári, á meðan Rússar borða um 32 milljarða skammta árlega. Til samanburðar neyta Bandaríkjamenn aðeins 14 milljarða súpuskammta á ári.


 

Stjórn Mosaic Fashion hefur fengið MP Fjárfestingabanka hf. til að meta yfirtökutilboð í Mosaic og skilmála þess. Það kemur til vegna þess að meirihluti stjórnarmanna Mosaic Fashion eru vanhæfir til að meta yfirtökutilboðið. Gert er ráð fyrir að helstu niðurstöður úr skýrslu MP Fjárfestingabanka hf. verði gerða opinberar fyrir 31. júlí næstkomandi. Samkvæmt fyrirliggjandi yfirtökutilboði, sem gert í nafni Tessera Holding ehf., er boðið 17,5 krónur fyrir hvern hlut í Mosaic. Það er 7,4% yfir lokagengi þann 3. maí 2007 en þá tilkynnti Mosaic Fashion að félaginu hefði borist tilkynning um viðræður milli Baugs Group hf. Og annarra aðila sem voru tengdir hugsanlegu tilboði. Þetta verð er einnig 11,1% yfir meðaltals lokagengi síðustu sex mánaða til og með 3. maí 2007 sem var 15,8 kr. á hlut. Einnig var það 12,0% yfir meðaltals lokagengi síðustu þrjá mánuði fyrir 3. maí sem var 15,6 kr. á hlut. Tilboðið felur einnig í sér EV/EBITDA margfaldara 9,3x pro-forma EBITDA fyrir reikningsárið sem lauk í janúar 2007


 

Gunnar Ingimundarson hefur verið ráðinn nýr framkvæmdastjóri HugarAx að því er kemur fram í frétt. Síðastliðið ár hefur Gunnar gegnt starfi forstöðumanns sviðs Eigin Lausna hjá HugAx. Gunnar var einn stofnenda Hugar hf. sem sameinaðist Ax hugbúnaðarhúsi á síðasta ári undir nafninu HugurAx. Gunnar tekur við af Páli Freysteinssyni, sem hefur verið framkvæmdastjóri HugarAx frá sameiningu Hugar hf. og Ax hugbúnaðarhús í júní 2006. Gunnar segir í tilkyningunni að mjög ánægjulegt sé að taka við starfi framkvæmdastjóra HugarAx. ,,Fyrirtækið er í mjög góðum rekstri, er með öflugan hóp starfsmanna og stóran viðskiptavinahóp. Sameiningin á síðasta ári við Ax hugbúnaðarhús tókst mjög vel. Það eru mörg áhugaverð verkefni framundan.?? HugurAx er eitt stærsta hugbúnaðarfyrirtæki landsins, en áætluð velta fyrirtækisins á árinu er um 1,4 milljarðar. Viðskiptavinir HugarAx eru um 4.000 talsins, þar á meðal mörg af stærstu og öflugustu fyrirtækjum landsins. Hjá HugAx starfar um 135 manna hópur metnaðarfullra starfsmanna, sem hefur víðtæka þekkingu og reynslu á sviði upplýsingatækni. HugurAx býður kröfuhörðum viðskiptavinum fjölbreyttar lausnir og þjónustu m.a. á sviði viðskiptalausna, stjórnendalausna, starfsmannalausna, lausna fyrir orkugeirann og sérlausna segir í tilkynningu. 


 

hluthafar komnir með yfirtökutilboð í hendurnar


 

Greiningardeild Kaupþings banka spáir því að samanlagður hagnaður félaga í afkomuspá þeirra nemi 55,4 milljörðum króna á öðrum ársfjórðungi 2007.  Það er rúmlega 600% aukning frá öðrum ársfjórðungi 2006 en þá nam hagnaður félaganna um 7,6 milljörðum króna. Skýrist hækkunin af væntingum um aukinn hagnað hjá fjármálafyrirtækjunum sex, en Greiningardeild gerir ráð fyrir að hann verði um 52 milljörðum króna á öðrum ársfjórðungi 2007. Það er aukning um 1.215% frá sama tíma í fyrra.


 

Íslenska hlutabréfavísitalan hefur hækkað meira frá áramótum en velflestar aðrar vísitölur og samkvæmt spám íslensku greiningadeildana gera þær ráð fyrir áframhaldandi hækkunum.


 

Novator eignarhaldsfélag ehf. hefur ákveðið að framlengja yfirtökutilboð sitt í hlutafé Actavis Group hf. Gildir yfirtökutilboðið nú til kl. 16:00 miðvikudaginn 18. júlí 2007 að því er kemur fram í tilkynningu til Kauphallarinnar. Í tilkynningunni kemur fram að í ljósi þess hversu vel hluthafar í Actavis Group hf. hafa tekið yfirtökutilboði Novators í Actavis og þess hversu nálægt Novator er markmiði sínu um 90% samþykki hluthafa, er yfirtökutilboðið framlengt til þess að gefa hluthöfum lengri frest til þess að ganga frá sölu nú yfir sumarleyfistímann. Framlenging á gildistíma yfirtökutilboðsins hefur engin áhrif á þá sem þegar hafa samþykkt tilboðið og þurfa því þeir hluthafar sem þegar hafa skilað inn samþykki sínu ekki að aðhafast neitt. Framlenging á gildistímanum felur ekki í sér breytingar á yfirtökutilboði Novators eignarhaldsfélags ehf. í Actavis Group hf. Uppgjör samkvæmt tilboðinu framlengist samhliða til 23. júlí 2007.


 

Exista hækkaði mest allra félaga í Kauphöllinni í dag, bréf félagsins hækkuðu um hvorki meira né minna en 4.78% og var dagslokagengi bréfanna 38.35. Icelandair Group hækkaði um 3,67% og við lok viðskipta stóðu bréf félagsins í 31.10 Kaupþing hækkaði nokkuð hressilega, eða um 2,69%. Century Aluminum hækkaði um 2,25%, Teymi um 2,08%, Landsbankinn um 2,06% og Straumur-Burðarás um 1,78%. Af öðrum hækkunum má nefna Alfesca (1,39%), Marel (1,1%), Föroya Banki (1,09%), Bakkavör Group (1,0%), FL Group (0,67%) og Glitnir (0,52%). Fjögur félög lækkuðu, og mesta lækkunin varð á bréfum Össurar hf, eða 2.27%. Eimskipafélagið lækkaði um 0,63%, Atlantsolía 0,46% og Actavis lækkaði um 0,11% og endaði á genginu 88,90. Gengi krónunnar styrktist og stóð gengisvísitalan í 111,9 við lokun markaða. Úrvalsvísitalan fór yfir 8.700 stigin og endaði í 8.702 sem er hæsta gildi hennar fyrr og síðar.


 

Novator hefur á hádegi í dag fengið samþykki eða vilyrði fyrir tæplega 80% af virku hlutafé að teknu tilliti til hlutafjár í eigu aðila tengdum Novator. Þetta kemur fram í tilkynningu félagins til Kauphallarinnar.


 

Miklar hækkanir hafa orðið það sem af er degi í Kauphöllinni en úrvalsvísitalan hefur hækkað um 1,67% og stendur nú í 8.689 stigum. Gengi bréfa Icelandair hefur styrkst mest eða um 4.17% og stendur í 31,25. Exista og Kaupþing hafa einnig styrkst nokkuð og standa í 37,75 og 1,216. Landsbanki Íslands hefur styrkst um ríflega 2%, Straumur Burðarás um 1,56% og Teymi um 1,33%.


 

Fjárfestingafélagið Arev, sem er undir stjórn Jóns Schevings Thorsteinssonar, er í lykilstöðu til þess að eignast verslunarfyrirtækið Mountain Warehouse sem sérhæfir sig í útivistarvörum á afsláttarkjörum. Að því er kemur fram í frétt breska dagblaðsins The Daily Telegraph er Arev við það að loka samninum um kaup á Mountain Warehouse sem rekur 33 verslanir vítt og breitt um Bretland.


 

um 80% hluthafa hafa tekið því


 

flugvélin var frumsýnd í Seattle núna um helgina


 

Farþegum um Flugstöð Leifs Eiríkssonar fjölgaði um rúm 7% í júní miðað við sama tíma í fyrra, úr tæpum 240 þúsund farþegum árið 2006 í rúmlega 257 þúsund farþega nú að því er kemur fram í frétt flugstöðvarinnar.


 

Björn Hallgrímsson ehf. hefur keypt hlut Ernu ehf. í Árvakri hf., útgáfufélagi Morgunblaðsins og Blaðsins að því er kemur fram í frétt Morgunblaðsins.Björn Hallgrímsson ehf. átti fyrir 8,4% í félaginu og hefur nú keypt jafnstóran hlut Ernu ehf. Nemur eignarhlutur Björns Hallgrímssonar ehf. nú 16,74%.Eigendur Björns Hallgrímssonar ehf. eru systkinin Kristinn Björnsson, Emilía B. Björnsdóttir, Áslaug Björnsdóttir og Sjöfn Björnsdóttir.


 

Úrvalsvísitalan hækkaði um 0,31% og stóð í 8.546 í lok dags, að því er kemur fram í upplýsingum frá Markaðsvakt Mentis. Heildarvelta nam 4,9 milljörðum í 496 viðskiptum. Century Aluminum hækkaði um 2,74%, Icelandair Group um 2,22%, Atlantic Petroleum um 2,16%, Össur um 1,85% og Marel um 1,12% Föryoa Bank lækkaði um 2,96%, 365 um 0,88%, Eimskipafélag Íslands um 0,5%, Teymi um 0,38% og Atorka um 0,22% Gengi krónunnar styrktist um 0,063% og stóð í 112,6 stigum.


 

Gengisvísitalan stóð í 112,5 kl. 15.30 í dag og hafði krónan styrkst um 0,79% frá opnun markaða að því er kemur fram í Vegvísi Landsbankans. Í gær nam veltan alls 14,8 milljörðum króna og styrktist krónan um 0,97% yfir daginn og stóð vísitalan í 113,3 stigum við lokun markaða.


 

Greiningardeild Glitnis telur að kauptækifæri séu í 8 félögum á markaðinum en þeir telja að gengi þeirra muni hækka um meira en 10% fyrir árslok. Þessi félög eru Kaupþing, Landsbankinn, Glitnir, Straumur-Burðarás, Exista, EL Group, Atorka Group og Icelandair Group. Af þessum félögum telja þeir að Kaupþing og Icelandair Group muni hækka mest á seinni helmingi ársins.


 

Kepler Landsbanki er næst besti greiningaraðili fyrir stærstu fyrirtækin á svissneska hlutabréfamarkaðnum árið 2007. Þetta kemur fram í úttekt stærsta fjármáladagblaðs Sviss, Finanz und Wirtschaft; Félags fjármálagreiningaraðila í Sviss og alþjóðlega upplýsingafyrirtækisins Thomson. Þetta kemur fram í frétt frá Landsbankanum.


 

Í yfirlýsingu sem Árni Oddur Þórðarson, stjórnarformaður Marel Food Systems hf., hefur sent frá sér til Kauphallarinnar vegna kaupa á hlutum LME ehf. í Stork N.V. kemur fram að félagið mun ekki taka yfirtökutilboði á genginu 47 og hyggst LME á næstu vikum ræða við alla hagsmunaaðila sem málið varðar um lausn og hvernig framtíð félaganna verður best háttað.


 

Greiningardeild Landsbankans spáir því að hækkanir haldi áfram á íslenska hlutabréfamarkaðinum en að þær verði mun minni en hingað til. Þeir spá því að Úrvalsvísitalan, OMXI15, verði um 8.750 stig í lok árs og hafi þá hækkað um 37% á árinu.


 

Greining Glitnis spáir 45% hækkun á Úrvalsvísitölu Kauphallarinnar á árinu 2007. Á fyrsta fjórðungi hækkaði Úrvalsvísitalan um 16,8% og á öðrum fjórðungi um 10,8%. Greining Glitnis telur að vísitalan hækki um 12% til viðbótar á árinu.


 

0,7% samdráttur landsframleiðslu


 

Á fyrri helmingi ársins, eða til loka júní, hafa rúmlega 943 þúsund farþegar farið um Keflavíkurvöllinn. Er þetta tæplega 9% fjölgun á milli ára. gera má ráð fyrir að nú hafi tæplega ein milljón ferðamanna komið til landsins.


 

Evrópusambandið (ESB) hyggst ekki gefa eftir rétt sinn til að skipa nýjan framkvæmdastjóra Alþjóðagjaldeyrissjóðsins (IMF), en heimildir herma að ítölsk stjórnvöld hafi gert kröfu um að þarlendur ríkisborgari verði skipaður í stöðuna í fyrsta skipti, að því er fram kemur í frétt bandaríska dagblaðsins Wall Street Journal í gær. Fráfarandi framkvæmdastjóri sjóðsins, Rodrigo de Rato, ákvað fyrir skemmstu - nokkuð óvænt - að segja starfi sínu lausu eftir að hafa gegnt því undanfarin þrjú ár. Seðlabankastjóri Ítalíu segist ekki hafa áhuga Samkvæmt óformlegu samkomulagi Bandaríkjanna og Evrópu er gert ráð fyrir því að framkvæmdastjóri IMF komi frá Evrópu, en í staðinn fá stjórnvöld í Washington að skipa yfirmann Alþjóðabankans, systurstofnunar IMF. Þessi skipan mála hefur undanfarin misseri sætt vaxandi gagnrýni af hálfu margra þjóða, einkum frá stórum þróunarlöndunum sem telja þetta samkomulag vera úr sér gengið í kjölfar breytinga á valdahlutföllum í alþjóðahagkerfinu. Í ljósi þess að Bandaríkin ákváðu í síðasta mánuði að notfæra sér rétt sinn til að skipa Robert Zoellick í embætti framkvæmdastjóra Alþjóðabankans er hins vegar talið ólíklegt annað en að Evrópa muni gera slíkt hið sama. Fjármálaráðherrar ESB munu væntanlega ræða nöfn hugsanlegra frambjóðenda í stöðuna á reglulegum fundi sínum í Brussel í byrjun næstu viku. Í samtali við Dow Jones fréttastofuna segir þýski fjármálaráðherrann, Peer Steinbruck, að það sé nú þegar komið upp ákveðið nafn í umræðuna sem mikil samstaða sé um á meðal Evrópuþjóða. Flestir telja að um sé ræða Ítala enda þótt enn sé ekkert eitt tiltekið nafn sem er talið líklegra en annað í þeim efnum. Mario Draghi, formaður bankastjórnar Seðlabanka Ítalíu og fyrrum framkvæmdastjóri Goldman Sachs, sem hefur lengi notið mikillar virðingar innan hins alþjóðlega fjármálaheims er oft nefndur í umræðunni, en talsmaður hans ítrekaði það engu að síður í vikunni að Draghi hefði ekki áhuga á starfinu. Aðeins Bretland getur gert tilkall á sömu forsendum og Ítalía, en breskur ríkisborgari hefur aldrei gegn stöðu framkvæmdastjóra IMF frá stofnun sjóðsins árið 1945. Þeir sem vel þekkja til gangs mála telja hins vegar slíka niðurstöðu ólíklega, að hluta til sökum þess að flestar þjóðir Evrópu telja bresk stjórnvöld vera of nánir bandamenn Bandaríkjanna í alþjóðamálum.


 

Englandsbanki hækkaði stýrivexti sína um 25 punkta í gær - upp í 5,75% - og hafa vextir bankans ekki verið hærri frá því í marsmánuði árið 2001. Þetta er jafnframt í fimmta skipti sem bankinn hækkar hjá sér stýrivexti síðan í ágúst á síðasta ári. Flestir markaðsaðilar höfðu gert ráð fyrir stýrivaxtahækkun, en í könnun sem Dow Jones fréttastofan gerði á meðal fjórtán hagfræðinga í síðustu viku, spáðu allir því að bankinn myndi hækka vexti um 25 punkta. Í tilkynningu sem stjórn Englandsbanka sendi frá sér kemur fram að undirliggjandi verðbólguþrýstingur fari vaxandi. Af þeim sökum hafi verið nauðsynlegt fyrir bankann að taka þá ákvörðun að hækka stýrivexti ef hann ætlaði að ná markmiði sínu um að halda verðbólgu undir 2%. Verðbólga í maímánuði mældist 2,5% og hafði þá lækkað nokkuð frá því í mars þegar hún var 3,1%. Þrátt fyrir að Englandsbanki viðurkenni að ekki sé um að ræða launaskrið í Bretlandi um þessar mundir, þá sé viðskiptalífið engu að síður ekki almennilega í stakk búið til að mæta hugsanlegum launahækkunum á næstunni, en hættan á slíkri þróun er fyrir hendi að mati stjórnar bankans. Enda þótt stýrivaxtahækkun Englandsbanka hafi verið viðbúin brást viðskiptalífið fremur illa við ákvörðuninni. Steve Radley, aðalhagfræðingur EEF, sem eru hagsmunasamtök breskra iðnaðarfyrirtækja, segir í samtali við Financial Times að "fyrri stýrivaxtahækkanir bankans hafi verið nauðsynlegar til að halda verðbólgunni þar í landi í skefjum. Hins vegar teljum við að í þetta skiptið hafi bankinn farið fram úr sér og í kjölfarið aukið að óþörfu hættuna á samdrætti í efnahagslífinu."


 

Seðlabanki Evrópu ákvað á fundi sínum í gær að halda stýrivöxtum óbreyttum í 4%. Ákvörðunin kom fæstum á óvart í kjölfar þess að bankinn hækkaði stýrivexti í síðasta mánuði um 25 punkta, en sérfræðingar gera hins vegar ráð fyrir að minnsta kosti einni vaxtahækkun til viðbótar á árinu - hugsanlega strax í septembermánuði, að því er fram kemur í Financial Times. Á fjölmiðlafundi sem haldinn var í Frankfurt í gær, þar sem höfuðstöðvar bankans eru til húsa, ítrekaði Jean Claude Trichet seðlabankastjóri að hann teldi að stýrivextir bankans væru enn nægilega lágir til að styðja við frekari hagvöxt á evrusvæðinu. Trichet sagði jafnframt að í ljósi þess hversu mikið af peningum væri í umferð í hagkerfinu og aukningar í útlánum bankanna væri augljós verðbólguhætta til staðar. Seðlabankastjórinn bætti því einnig við að launaskrið og frekari verðhækkanir á olíu á heimsmarkaði væru mikill áhættuþáttur í þessu samhengi. Verðbólga á evrusvæðinu mældist 1,9% í síðasta mánuði, en verðbólgumarkmið seðlabankans er "undir en í kringum" 2%. Hagvaxtarspá Seðlabanka Evrópu gerir ráð fyrir 2,6% vexti á árinu, en á síðasta ári nam hagvöxturinn 2,7% sem var það mesta í sjö ár. Seðlabankinn hefur iðulega hert mjög fljótt á peningamálastefnu sinni um leið og hagvöxtur kemst á skrið; á fyrsta ársfjórðungi þessa árs mældist vöxturinn 0,6% sem var töluvert meira heldur en greiningaraðilar höfðu spáð fyrir um. Evrópski seðlabankainn hefur hækkað stýrivexti bankans átta sinum - í öll skiptin um 25 punkta - frá því að hann hóf að fylgja stífri peningamálastefnu í desember árið 2005. Stýrivextir bankans hafa ekki verið hærri frá því árið 2001.


 

Fatið af Brent Norðursjávarolía hækkaði um einn Bandaríkjadal þegar markaðir opnuðu í London í gærmorgun og var verðið rétt undir 74 dölum um hádegi. Olíuverð hefur ekki verið hærra í tíu mánuði og telja sérfræðingar um olíumarkaðinn stutt í að verðið fari yfir 75 dali, en það sem af er árinu hefur olíuverð hækkað um meira en tuttugu prósent. Fatið af hráolíu í kauphöllinni í New York hefur jafnframt ekki verið jafn hátt í tíu mánuði og stendur um þessar mundir í tæplega 72 dölum. Í frétt Dow Jones fréttastofunnar í gær segir að margar ástæður séu fyrir hækkununum undanfarin misseri; meðal annars væntingar um að olíubirgðir Bandaríkjanna fari minnkandi, stöðugar árásir herskárra hópa á olíuvinnslustöðvar erlendra fyrirtækja í Nígeríu, auk þess sem framleiðslugeta breskra olíuvinnslustöðva hefur ekki náð að standa undir markmiði þarlendra stjórnvalda um þriggja milljóna fata framleiðslu á dag.


 

Drykkjarvörufyrirtækið Coca-Cola hefur leitað til ýmissa einkafjárfestingasjóða (e. private equity) varðandi möguleika á því að leggja fram sameiginlegt yfirtökutilboð í bandarísku drykkjarvörueininguna Cadbury Snapple. Slík yfirtaka myndi fjölga verulega þeim drykkjartegundum sem Coca-Cola framleiðir, en fyrirtækið telur mikilvægt að styrkja stöðu sína á markaði með því að bjóða upp á ýmiss konar heilsudrykki, safa og vatn.


 

Þeim sem hafa nýlega misst vinnu sína og hafa sótt um atvinnuleysisbætur fjölgaði lítillega í Bandaríkjunum í síðustu viku. Umsóknum um slíkar bætur fjölgaði lítillega frá því í vikunni áður - um tvö þúsund - og námu samtals 318 þúsundum. Þessi aukning var að mestu leyti í takti við væntingar greiningaraðila á Wall Street og endurspegla nokkuð gott ástand vinnumarkaðarins þrátt fyrir að dregið hafi úr hagvexti þar í landi að undanförnu.


 

Framkvæmdastjóri ítalska bankans UniCredit, Alessandro Profumo, sagði í gær að stefna bankans væri sú að halda áfram að útvíkka starfsemi sína í Austur-Evrópu með áframhaldandi yfirtökum á öðrum bönkum á svæðinu. Hann sagði jafnframt að UniCredit teldi að mikil vaxtartækifæri væru fyrir hendi í Rússlandi, Kasakstan, Tyrklandi, Rúmeníu og Úkraínu. Tekjur ítalska bankans af viðskiptastarfsemi sinni í Mið- og Austur-Evrópu, Póllandi, Austurríki og Þýskalandi telja núna um 54% af heildartekjum bankans. Profumo upplýsti að um þessar mundir stæðu yfir viðræður um yfirtöku á öðrum banka, en hann vildi hins vegar ekki greina frá því í hvaða landi sá banki væri, nema að það væri ekki í Evrópusambandinu.


 

Nordea Bank Danmark A/S aðili að hlutabréfamarkaði Kauphallarinnar OMX Nordic Exchange Iceland hf. (Kauphöllin) hefur samþykkt aðild Nordea Bank Danmark A/S að hlutabréfamarkaði Kauphallarinnar, að því er kemur fram í tilkynningu Kauphallarinnar. 


 

Í dag hefjast viðskipti með hlutabréf Griffin IV Berlin í OMX Nordic Exchange í Kaupmannhöfn. Griffin IV Berlin er tuttugusta og annað félagið sem fer á aðalmarkað Nordic Exchange á árinu 2007. Enn fremur hefjast viðskipti með hlutabréf adServing International á First North í Danmörku að því er kemur fram í frétt Kauphallarinnar. 


 

Sænska dagblaðið, Svenska Dagbladet, fjallaði síðastliðin þriðjudag um íslensku fasteignafélögin Keops, sem er í meirihlutaeigu Fons, og Stoðir, dótturfélag Baugs Group, og um tildrög þess að Stoðir buðu í allt hlutafé Keops í síðustu viku. Um þetta er fjallað í Viðskiptablaðinu í dag. Í greininni er haft eftir ónafngreindum heimildum að danskur banki hafi nýlega neitað að fjármagna kaup Fons á þriðjungshlut í Keops og innkallað lán sín til fyrirtækisins. Því hafi Stoðir verið kallaðar til og ástæða yfirtökutilboðsins hafi því í raun verið að bjarga Fons frá vandræðum. Þessa lýsingu á atburðarásinni segir Pálmi Haraldsson vera kolranga í samtali við Viðskiptablaðið. "Fyrir það fyrsta þá komu danskir bankar hvergi við sögu við fjármögnun á kaupum Fons á þriðjungshlutnum í Keops. Þá hef ég aldrei tekið lán í Danmörku né Svíþjóð þannig að danskir bankar geta ekki innkallað neinar skuldir hjá mér," segir Pálmi, sem segist hafa talað við blaðamann Svenska Dagbladet og leiðrétt þennan misskilning. Kaupin hafi verið fjármögnuð á Íslandi og veðin á bakvið lánin hafi verið meiri og betri en gengur og gerist í slíkum viðskiptum.


 

Hluthafafundur var haldinn í Marel síðdegis í gær, en þar var tilkynnt að Marel, eða öllu heldur Eignarhaldsfélagið LME ehf. (Landsbankinn, Marel, Eyrir) hefur aukið hlut sinn í Stork úr 16,9% í tæp 19,5%. Einnig var samþykkt á fundinum heimild til hlutafjáraukningar. Árni Oddur Þórðarson, stjórnarformaður Marels, segir að markaðsvirði hlutar LME í Stork sé nálægt 300 milljónum evra og félagið sé orðið stærsti einstaki hluthafinn í Stork. "Hlutur Marels í því dæmi er um 60 milljónir evra. Það kom einnig fram á fundinum að við munum segja nei við Candover tilboði ef það verður lagt fram sem ekki hefur verið gert formlega." Segir Árni að sú neitun verði gerð á þeim grunni að Stork sé meira virði en sem nemur 47 evrum á hlut. Árni segir að Marel sé búið að eiga 8 ára mjög gott samstarf við Stork en viðræður hafi verið í gangi milli félaganna í um 19 mánaða skeið og að þær hafi hafist í desember 2005. Í framhaldinu hafi verið Stork verið gert tilboð í Stork Food Systems. Árni segir að hluthafar hafi verið upplýstir um að nú verði talað við alla hlutaðeigandi, bæði stjórn Stork og þá sem lýst hafi áhuga á félaginu eins og Candover sem og aðra hluthafa um framtíð Stork. "Við höfum getu til 400 milljóna fjárfestingu með núverandi fjárhagsstyrk. Við óskuðum eftir samþykkt á hlutafjáraukningu upp á 100 milljónir að nafnvirði sem gæfi þá samtals rúmlega 100 milljónir evra." Árni segir að ef farið yrði í hlutafjárútboð þá væru allar líkur á að núverandi hluthafar myndu þó njóta þess.


 

Gengi bréfa deCODE genetics hafa lækkað um 3% það sem af er degi á Nasdaq og er gengið núna 3,88. Ekki eru mikil viðskipti að baki þessari breytingu. Um leið hefur gengi flugfélagsins AMR lækkað um 0,71% og er nú 28,16.


 

Úrvalsvísitalan lækkaði um 0,25% og stóð í 8.520 í lok dags, að því er kemur fram í upplýsingum frá Markaðsvakt Mentis. Heildarvelta dagsins nam 17,6 milljörðum króna. Atorka hækkaði um 4,52%, Marel um 4,19%, Föryoa Bank um 1,5%, Össur um 1,41%, og Icelandair Group um 1,38%. 365 lækkaði um 1,45%, Landsbankinn um 1,28%, FL Group um 0,83%, Alfesca um 0,69% og Actavis um 0,67%. Gengi krónunnar styrktist um 0,84% og stóð í 113,4 stigum.


 

Kaupþing banki hefur ákveðið að hækka vexti á nýjum Íbúðalánum um 0,25 prósentustig frá 6. júlí 2007. Í tilkynningu bankans kemur fram að ákveðið hefur verið að hækka fasta vexti á nýjum Íbúðalánum Kaupþings úr 4,95% í 5,20% frá og með 6. júlí 2007. Síðasta vaxtabreyting á Íbúðalánum Kaupþings var í desember 2006 en frá þeim tíma hafa verðtryggðir vextir Íbúðabréfa (HFF) á markaði hækkað umtalsvert. Þessi vaxtahækkun nú er til að fylgja þeirri þróun eftir. Vaxtabreytingu þessari er einnig ætlað að mæta þeim mikla mun sem myndast hefur á óverðtryggðum og verðtryggðum vöxtum í kjölfar lækkandi verðbólgu. Vaxtahækkunin nú tekur aðeins til nýrra lánveitinga og gildir ekki fyrir þegar veitt lán þar sem þau lán eru með fasta vexti út allan lánstímann segir í tilkynningunni.


 

Hækkun húsnæðisverðs hefur öðru fremur knúið verðbólguna áfram undanfarin ár segir í nýjum leiðara Samtaka atvinnulífsins. Þar er bent á að vísitala neysluverðs hækkaði um 21% frá janúar 2003 til júní 2007 en um einungis 11% þegar hækkun húsnæðisverðs er undanskilin. Á þessum fjórum og hálfa ári hefur verðbólgan verið 4,4% á ári að jafnaði en 2,4% ef hækkun húsnæðisverðs er undanskilin.


 

Glitnir Property Holding AS hefur í dag lokið kaupum á 91% hlut í Leimdörfer Holding AB. Leimdörfer erleiðandi ráðgjafafyrirtæki á sænska og finnska fasteignamarkaðnum að því er kemur fram í tilkynningu til kauphallarinnar. Fyrir kaupin átti Glitnir Property Holding 100% hlut í Glitnir Property Group, sem er leiðandi ráðgjafafyrirtæki á norska fasteignamarkaðnum með aðsetur í Osló.


 

Úrvalsvísitalan hefur lækkað um 0,06% og stóð í 8.536 á hádegi í dag, samkvæmt upplýsingum frá markaðsvakt Mentis. Mest hækkun var í bréfum Marels eða 3,95%, Atorka hækkaði um 1,74%, Össur hækkaði um 1,41%, Teymi um 1,33% og Staumur-Burðarás um 0,9% Föroya Banki lækkaði um 2,15%, Actavis um 0,67%, FL Group um 0,5%, Kaupþing um 0,34%, Glitnir um 0,17% og Landsbankinn um 0,13%. Gengi krónunnar styrktist um 0,85% og stóð í 113,3.


 

Hf. Eimskipafélag Íslands hefur samið um lánsheimild upp á allt að 300 milljónir evra til fimm ára eða sem samsvarar um 25 milljörðum íslenskra króna við ABN AMRO Bank í London. Lánsheimild þessi er sú stærsta sem Hf. Eimskipafélags Íslands hefur stofnað til segir í frétt félagsins.


 

komið með nærri 20% hlut


 

Bjarki Guðmundsson hefur verið ráðinn framkvæmdastjóri fasteignasviðs Flugstöðvar Leifs Eiríkssonar hf. og tekur við starfinu 1. september næstkomandi að því er kemur fram í tilkynningu.


 

ekki hægt að lækka stýrivexti fyrr en á næsta ári


 

Bankastjórn Seðlabanka Íslands hefur ákveðið að stýrivextir bankans skuli vera óbreyttir. Þeir verða áfram 13,30% . Í Peningamálum sem bankinn birtir á heimasíðu sinni eftir kl. 11 í dag eru færð rök fyrir ákvörðun bankastjórnar. Greining Glitnis segir að ákvörðunin sé í samræmi við væntingar á markaði og spá þeirra. Gengi krónu hefur enda lítið breyst það sem af er degi.


 

Danska fasteignafjárfestingarfélagið, Property Group A/S, hefur fest kaup á 39 fasteignum í Danmörku að því er segir í tilkynningu. Seljandi er SAMPENSION fyrir hönd lífeyrissjóða dönsku sveitarfélaganna (Kommunerner Pension Forsikring (KP). Heildarstærð eignanna er um 106,959 fermetrar. Straumur var ráðgjafi kaupanda.Property Group A/S er öflugt fasteignafjárfestingarfélag sem leggur áherslu á fasteignakaup í Danmörku, Svíþjóð, Noregi, Finnlandi, Þýskalandi og Austur Evrópu. Áhersla félagsins er á þróun aðlaðandi fasteignaverkefna fyrir einka- og fyrirtækjafjárfesta. Markmið Property Group A/S er að verða eitt af öflugustu fasteignafjárfestingarfyrirtækjum á Norðurlöndum innan fimm ára segir í tilkynningu.


 

Marel er nú komið með næstum 20% hlut í hollensku iðnfyrirtækjasamsteypunni Stork, að því er kemur fram í dagblaðinu Het Financieele Dagblad og er þar vitnað til ónefndra heimildarmanna á Íslandi. Í blaðinu segir að Marel sé nú að undirbúa tilboð í Stork, sem muni vera hærra en yfirtökutilboð breska fjárfestingafélagsins Candover sem hljóðar upp á 47 evrur á hlut, eða alls um 1,5 milljarða evra. Fyrir skömmu jók Marel við hlut sinn í Stork,úr 10,9% í 16,9%.


 

Framkvæmdastjóri Alcoa, Alan Belda, gaf það í skyn í bréfi sem hann sendi Dick Evans, framkvæmdastjóra Alcan, í síðasta mánuði að bandaríski álrisinn væri reiðubúinn til þess að hækka fjandsamlegt yfirtökutilboð sitt í Alcan upp á 28,6 milljarða Bandaríkjadala sem var gert 7. maí síðastliðinn. Stjórn Alcan óskaði hins vegar eftir því við hluthafa sína að þeir myndu ekki samþykkja tilboðið á sínum tíma. Í frétt bandaríska dagblaðsins Wall Street Journal í gær er sagt frá þeim bréfaskiptum sem áttu sér stað á milli Belda og Evans í júnímánuði, en þau voru gerð opinber vegna tilkynningarskyldu bandaríska verðbréfaeftirlitsins (SEC). Þar kemur meðal annars fram að Belda hafi spurst fyrir um hvort það væri rétt sem fjölmiðlar hefðu greint frá, að Alcan væri að safna saman gögnum og upplýsingum sem þeir myndu veita þeim félögum aðgang að sem hefðu áhuga á að leggja fram tilboð í Alcan. Belda segir í bréfi sínu til Evans að aðgangur að slíkum upplýsingum myndi ákvarða það hvort Alcoa væri reiðubúið til þess hækka tilboð sitt í Alcan. Framkvæmdastjóri kanadíska álrisans sagði hins vegar í svari sínu til Belda að Alcoa yrði einungis veittur aðgangur ef það myndi samþykkja að skrifa undir samkomulag þar sem bæði álfyrirtækin lofuðu því að kaupa ekki bréf í hvor öðru í tiltekin tíma. Belda vildi ekki ganga að slíkum samningi nema tekið yrði tillit til þess að Alcoa hefði nú þegar lagt fram tilboð í Alcan. Að mati sérfræðinga um álmarkaðinn er búist við því að Alcan muni taka stefnumarkandi ákvörðun á næstu vikum: Hvort félagið vilji áfram vera sjálfstætt, leita til þriðja aðila um að leggja fram tilboð í félagið, eða reyna að komast að vinsamlegu samkomulagi við Alcoa. Síðastnefndi möguleikinn virðist aftur á móti harla ólíklegur um þessar mundir. Sjá nánar í Viðskiptablaðinu í dag.


 

Hinn nýskipaði franski fjármálaráðherra, Christine Lagarde, sagðist í gær ætla að "fylgjast náið" með yfirtöku Kraft Foods á kexkökueiningu Danone, enda þótt samningurinn væri aðeins á milli fyrirtækja í einkaeigu. Fjármálaráðherrann lét hafa þetta eftir sér í viðtali við frönsku sjónvarpsstöðina iTele í gær. "Ég held að við séum ekki reiðubúin til þess að setja tómatsósu á kexkökuna okkar," sagði Lagarde í gríni. Lagarde sagði jafnframt að fjármálaráðuneytið ætlaði að tryggja að yfirtakan kæmi ekki niður á réttindum starfsmanna Danone. "Við óskum eftir því að starfsmönnum verði ekki fækkað, að verksmiðjurnar muni áfram verða starfræktar í Frakklandi og að skuldbindingar Kraft verði í samræmi við hagsmuni launþega," sagði Lagarde.


 

Starfsemi olíufyrirtækisins Royal Dutch Shell í Soku Field í Nígeríu hefur verið hætt tímabundið í kjölfar þess að herskár hópur réðst á könnunarbúnað Shell á svæðinu. Talsmaður Shell, Eurwen Thomas, sagði að fimm starfsmönnum á vegum verktakafyrirtækisins Lonestar Drilling hefði verið rænt af árásarmönnunum. Í ljósi þess að aðeins var um að ræða árás á starfsemi fyrirtækisins þar sem verið er að leita að olíu, mun þetta ekki hafa áhrif á framleiðslugetu Shell á svæðinu, sagði Thomas.


 

Fjöldi hagnaðarviðvarana sem bresk smásölufyrirtæki sendu frá sér á öðrum ársfjórðungi þessa árs næstum tvöföldaðist og hafa þær ekki verið fleiri í fimmtán mánuði. Neikvæðar afkomutilkynningar voru birtar hjá nítján prósentum af þeim smásölufyrirtækjum sem eru skráð í kauphöllina í London, samanborið við tíu prósent félaga í ársfjórðungnum þar áður. Frá þessu greindi endurskoðunarfyrirtækið Grant Thornton í gær. David Bush, sérfræðingur hjá Grant Thornton, sagði að þessar tölur endurspegluðu það að stýrivaxtahækkun Englandsbanka í maímánuði væri nú þegar farin að hafa áhrif á smásöluverslun þar í landi, auk annarra vaxtahækkana frá síðastliðnu sumri. Fastlega er gert ráð fyrir því að bankinn muni hækka stýrivexti sína í 5,75% í dag og jafnvel hækka þá aftur síðar á árinu.


 

Atvinnuleysi í þeim þrettán ríkjum sem notast við evruna sem gjaldmiðil heldur áfram að minnka, en samkvæmt nýjum tölum sem voru birtar í gær mældist það sjö prósent í síðastliðnum maímánuði, sem er 0,1 prósentustigi minna en í apríl. Fyrir þremur árum mældist atvinnuleysið hins vegar 8,9%. Seðlabanki Evrópu telur ljóst að þessi þróun muni halda áfram og í kjölfarið eigi einkaneyslu almennings eftir að aukast verulega, sem aftur muni auka hættuna á verðbólguþrýstingi. Sumir hagfræðingar eru hins vegar ekki jafn sannfærðir um að laun og einkaneysla muni hækka jafn hratt og seðlabankinn gerir ráð fyrir. Þeir benda á aukna atvinnuþátttöku innflytjenda frá Austur-Evrópu í því samhengi, en sú þróun hefur gert það að verkum að launahækkanir á evrusvæðinu hafa ekki verið jafnmiklar og ella.


 

Bandaríska fjárfestingarfélagið Blackstone hefur samþykkt að kaupa Hilton hótelkeðjuna fyrir 1.250 milljarða króna ásamt skuldum, segir í frétt Reuters. Blackstone mun greiða 47,50 Bandaríkjadali á hlut í reiðufé, sem er 32% hærra en lokagengi bréfanna í Kauphöllinni í New York á þriðjudaginn. Skömmu áður en tilkynnt var um tilboðið hækkuðu bréfin um 6,4% og luku í 36,05 Bandaríkjadölum. Á fyrsta ársfjórðungi greindi Hilton frá því að skuldir fyrirtækisins næmu 433 milljörðum króna. Blackstone aflaði sér 250 milljarða króna þegar fyrirtækið var skráð á hlutabréfamarkað í síðasta mánuði. Fyrirtækið segist ætla að fjárfesta í eignum og vörumerki með það að markmiði að auka við vöxt fyrirtækisins. Hóteliðnaðurinn hefur verið í miklum vexti undanfarin ár, þar sem stóraukin eftirspurn hefur gert hótelum kleift að hækka verðskrár sínar. Þar sem bygging nýrra hótela hefur verið takmörkuð hafa hótel orðið ákaflega eftirsótt markaðsvara. Greiningaraðilar telja að enn sé rúm til vaxtar á hótelmarkaði Bandaríkjanna, sem þekktur er fyrir hringamyndun. Í eignasafni Blackstone er fyrir mikill fjöldi hótela, með yfir 100 þúsund herbergi í Evrópu og í Bandaríkjunum. Hilton hótelkeðjan var stofnuð árið 1919 af Conrad Hilton. Dótturfélög Hilton Hotels eru meðal annars: Conrad Hotels & Resorts, Doubletree, Embassy Suites, Hampton Inn, Hilton Garden Inn, Hilton Grand Vacations, Homewood Suites og Waldorf-Astoria.


 

Einkafjárfestingarsjóðurinn Kohlberg, Kravis, Roberts & Co (KKR) hefur ákveðið að fara í opinbert hlutafjárútboð, sem gæti haft mikil áhrif á Wall Street vegna þessarar auknu samkeppni við stærstu bankana sem þar eru fyrir, að því er fram kemur í bandaríska dagblaðinu Wall Street Journal. Þetta 31 árs gamla fyrirtæki sækist eftir 1,25 milljörðum Bandaríkjadala, sem opnar möguleika annarra á því að komast inn í félög sem hafa ítök í fyrirtækjum sem eru meira en 100 milljarða dala virði, með um samtals 560 þúsund starfsmenn. Félagið mun fá nýtt nafn og heita KKS & Co LP. Þó fyrirtækið hafi ekki verið fyrirferðamikið, hafa samkeppnisaðilar eins og Blackstone Group verið að þrýsta á um að KKS færi á markað, eins og Blackstone gerði nýlega. KKR ætti með hlutafjárútboðinu að geta, líkt og Blackstone gerði á sínum tíma, laðað að toppstjórnendur með möguleikum á kaupréttum á hlutabréfum, en einnig er þetta tækifæri fyrir tvo stærstu hlutafana, Henry Kravis og George Roberts, til að losa um fjármagn. Hins vegar hafa þeir sagst ekki hafa nein áform um að selja hluti sína, líkt og eigendur Blackstone gerðu; þeir ætla fremur að einbeita sér að því að selja vaxtaráætlun fyrirtækisins með því að víkka starfsemina og bjóða viðskiptavinum upp á umfangsmikla eignastýringu undir KKS nafninu. KKR hefur aukið eignir sínar gríðarlega undanfarin ár, úr 18,3 milljörðum dala í árslok 2002 í 53,4 milljarða dala í dag, sem er þó mun minna en Blackstone sem hefur yfir um 88 milljörðum dala að ráða.


 

Bankastjórn Seðlabanka Íslands hefur ákveðið að stýrivextir bankans skuli vera óbreyttir og verða þeir því áfram 13,30%, segir í tilkynningu Seðlabankans.


 

Álverð í júnímánuði var tæplega 10% lægra en þegar það var hæst í janúar sl. og um 5% lægra en í sama mánuði á síðasta ári. Örn Klausen á hagfræðisviði Seðlabanka Íslands segir að lækkunin sé helst rakin til gríðarlegrar framleiðniaukningar í Kína, þar sem framleiðslugeta á ársgrundvelli hefur aukist um 40% á milli mánaða það sem af er árinu. "Síðastliðin tvö ár hefur notkunin aukist nokkuð hraðar en framleiðslan sem skýrir hvers vegna álverðið hefur sögulega verið tiltölulega hátt. Almennt er nú talið að verðið sé á hægri niðurleið og þannig verði þróunin næstu tvö ár. Telja menn að um frekar litlar lækkanir sé að ræða og engar stórvægilegar sveiflur séu í spilunum. Framleiðsluaukningin í Kína á árinu hefur verið um 40% í hverjum mánuði, sem er gífurlega mikil aukning. Á móti kemur að ekki nema lítill hluti af framleiðslunni er til útflutnings en bróðurparturinn er notaður í Kína. Eins og staðan er í dag er því framboð lítillega meira en eftirspurn og það hefur dempandi áhrif á hækkanir síðustu ára. Þegar menn horfa til lengri tíma er því hins vegar spáð að þessi staða muni breytast þegar fer að líða á árið 2010 og því er ástand álmarkaðarins til lengri tíma litið tiltölulega gott," segir Örn. Ásgeir Jónsson, forstöðumaður Greiningardeildar Kaupþings, segir breytingar á álverði ekki hafa jafnmikil áhrif á vöruskiptajöfnuð og ætla mætti í fyrstu. "Lægra álverð þýðir eðlilega að útflutningstekjur dragast saman, en á móti kemur að flytja verður inn súrál til framleiðslunnar hér á landi, sá innflutningur dregst þá jafnframt saman og áhrifin á vöruskiptajöfnuðinn verða því miklu minni en ella," segir Ásgeir.


 

Undanfarna daga hefur úrvalsvísitalan hækkað allmikið og rauf hún 8.400 stiga múrinn í fyrradag. Greiningaraðilar höfðu spáð því að vísitalan næði 8.400-8.500 stigum á þessu ári, en fyrst því takmarki er náð í upphafi þriðja ársfjórðungs velta margir fyrir sér hvort fótur sé fyrir þessum miklu hækkunum, og hverjar líkurnar séu á auknum hækkunum. Þess má geta að 8.000 stiga múrinn var rofinn þann 15. maí síðastliðinn. Að sögn Jónasar Gauta Friðþjófssonar, sérfræðings á Greiningu Glitnis, eru hækkanirnar eðlilegar: "Við höfum verið að endurskoða ýmislegt og gera afkomuspár, og sjáum fyrir okkur að áframhald verði á núverandi þróun. Það er full innistæða fyrir þessum hækkunum." Jónas Gauti segir horfur hafa verið góðar, og að mikil stemmning ríki á markaðnum: "Við erum ekki að sjá úrvalsvísitöluna ná hámarki í dag, ég tel að hún eigi enn töluvert inni," segir hann. Sjá nánar í Viðskiptablaðinu í dag.


 

Einn lykilmanna á fyrirtækjasviði í írska hlutabréfafyrirtækinu Merrion Capital, sem er í eigu Landsbankans, mun yfirgefa fyrirtækið og stofna sinn eiginn rekstur, að því er kemur fram í frétt Sunday Business Post. Fregnir herma að hann muni vera hjá Merrion einhverjar vikur í viðbót, en hafi gefið til kynna að hann hyggist stofna sitt eigið fjárfestingarfyrirtæki. Friel hefur haft umsjón með ýmsum fjölmiðlasamningum á undanförnum árum og hefur tekið þátt í vinnu við söluferli á Emaps útvarpsstöðvum, sem hljóðar upp á 16,9 milljarða króna. Hann mun hugsanlega halda áfram hjá fyrirtækinu þar til þeim samningi verður lokið, að því er kemur fram í fréttinni. Talið er að Friel sé í samstarfi um stofnun fyrirtækisins með Mark O?Donovan, sem nýverið sagði upp starfi sínu sem yfirmaður fyrirtækjasviðs Goodbody Stockbrokers. Báðir aðilar hafa sérfræðiþekkingu í tækni- og upplýsingaiðnaði, en þó er ekki talið að nýja fyrirtækið verði einskorðað við það, en heimildir fregna að það verði fremur smátt í smíðum. Landsbankinn keypti Merrion Capital árið 2005 fyrir um fjóra milljarða króna. Félagið skilaði 24 milljarða evra hagnaði á síðasta ári, sem var rúmlega þrefalt meira en á árinu áður og fór fram úr björtustu vonum Landsbankans.


 

"Íslendingar geti ekki lengur skorast undan að taka þátt í því eftirlitshlutverki sem lýtur að björgunarmálum og vörnum Íslands sem og eftirliti með hafsvæðinu og lofthelginni umhverfis landið," segir Georg Kr. Lárusson, forstjóri Landhelgisgæslu Íslands.Eftirlitshlutverkið sé að vaxa hröðum skrefum hvort sem mönnum líki það betur eða verr. Það sé fyrst og fremst vegna aukinna krafna frá alþjóðasamfélaginu. Landhelgisgæslunni hefur verið falin stóraukin ábyrgð í þessu máli og það kallar á veruleg fjárútlát sem hæglega geta hlaupið á tugum milljarða. Þar er um að ræða upphæðir sem Íslendingar eiga ekki að venjast að settar séu í þennan málaflokk.Ekki eru ýkja mörg ár síðan harðvítugar deilur voru um kaup á einni björgunarþyrlu fyrir Landhelgisgæsluna. Var þar deilt um upphæðir og ekki síður um hvort kaupa ætti bandarískar þyrlur, breskar þyrlur eða "kommúnistavélar" frá Frakklandi. Fyrir þrem árum var fátt annað en mikill samdráttur í spilunum hjá Landhelgisgæslu Íslands. Þá var gert er ráð fyrir að Gæslan héldi aðeins úti tveim varðskipum auk flugvélakosts sem samanstóð þá af tveim þyrlum og einni gamalli Fokker Friendship F-27 vél.Þegar Bandaríkjamenn kölluðu allan sinn herviðbúnað frá Íslandi á síðasta ári breyttist heimsmynd Íslendinga og urðu þá góð ráð sannarlega dýr. Hérlendis höfðu menn vanist því að Bandaríkjamenn borguðu að stórum hluta brúsann af eftirliti með íslensku lögsögunni sem og að tryggja björgunarviðbúnað með því að hafa hér staðsetta þyrlubjörgunarsveit með fimm þyrlum. Allur þessi viðbúnaður hvarf úr landi og við því varð að bregðast með hraði og það hefur nú verið gert, - en aðeins til bráðabirgða. Að mati forstjóra Gæslunnar liggur fyrir að taka þarf á næstu árum mjög stórar pólitískar ákvarðanir um tækjakaup.Hlutverk Gæslunnar er sannarlega viðamikið í að sinnan björgun og eftirliti, en efnahagslögsaga Íslands er um 700 þúsund ferkílómetrar. Björgunarsvæði Gæslunnar er hins vegar tæpar tvær milljónir ferkílómetra. Því svæði verður greinilega ekki sinnt á árabátum eða svifdrekum. Að vísu má halda því fram að allar fjárhæðir varðandi tækjakaup Gæslunnar séu afstæðar. Þar er m.a. bent á að ein stór björgunarþyrla er talin kosta um 2,2 milljarða króna, eða svipaða upphæð og ein einkaþota af fínustu gerð í ört stækkandi flugflota íslenskra auðmanna.


 

Millilandaflug um Keflavíkurflugvöll jókst um 7,2% á fyrri helmingi þessa árs miðað við sama tíma í fyrra. Flugvélum í almennu flugi fjölgaði um 13% en viðkoma herflugvéla hefur minnkað um 45% að því er kemur fram í frétt á heimasíðu FLE.


 

Fjármálaeftirlitið samþykkti í dag fyrir sitt leyti samruna VBS fjárfestingarbanka hf. og FSP hf. (Fjárfestingarfélag Sparisjóðanna), undir nafni VBS fjárfestingarbanka hf., segir í tilkynningu. 


 

Alþjóðlega matsfyrirtækið Fitch Ratings hækkaði í dag stuðningseinkunn (e. support rating) Kaupthing Singer and Friedlander (KSF), dótturfyrirtækis Kaupþings í Bretlandi, í ?2? en KSF hafði áður stuðningseinkunnina ?3,? segir í tilkynningu. 


 

Úrvalsvísitalan fór í fyrsta skiptið yfir 8.500 stiga múrinn í dag, en hún hækkaði um 1,59% og stóð í 8.541 í lok dags, samkvæmt upplýsingum frá markaðsvakt Mentis. Mest hækkun var Alfesca eða 3,96%, Exista hækkaði um 3,61%, Icelandair Group um 3,21%, Kaupþing um 2,85% og Straumur-Burðarás um 1,6%. Föreya Banki lækkaði um 1,69%, Atlantic Petroleum um 1,3% og Mosaic Fashion um 0,59%. Gengi krónunnar veiktist um 0,18% og stóð í 114,4.


 

Fjármálaeftirlitið hefur gert úttekt á framkvæmd reglna um verðbréfaviðskipti hjá NordVest Verðbréfum hf. Það er niðurstaða FME að umgjörð um regluvörslu NordVest Verðbréfa hf. hafi verið ófullnægjandi og fór Fjármálaeftirlitið fram á úrbætur er skyldi vera lokið innan nánar tiltekinna fresta.


 

Langstærstur hluti hluthafa og rétthafa finnska bankans eQ hefur samþykkt yfirtökutilboð Straums í allt hlutfé og kauprétti bankans, segir í fréttatilkynningu.


 

Úrvalsvísitalan hefur hækkað um 1,01% í dag og stóð í 8.493 á hádegi í dag, samkvæmt upplýsingum frá markaðsvakt Mentis. Mest hækkun var í ICEQ Verðbréfasjóði, eða 2,52%, Icelandair Group hækkaði um 2,14%, Exista um 2,02%, Kaupþing um 1,99% og Alfesca um 1,44% Föreya Banki lækkaði um 1,27%, Atlantic Petroleum um 0,93%, Eimskipafélagið um 0,25% og Glitnir um 0,17% Gengi krónunnar veiktist um 0,02% og stóð í 114,2.


 

Danski drykkjavöruframleiðandinn Royal Unibrew, sem FL Group á 24,4% hlut í, hefur samþykkt kaup á 52% hlut í bruggverksmiðjunni St. Vincent Brewery, sem er á eyjunni St. Vincent í Karíbahafinu, segir í tilkynningu. Kaupin hljóða upp á 575 milljónir króna og er því heildarverðmæti fyrirtækisins 1,1 milljarður króna. Fyrir kaupin átti Royal Unibrew, sem er annar stærsti drykkjarvöruframleiðandinn á Norðurlöndunum, 24% hlut í St. Vincent Brewery og á því nú 76% hlut. Eftirstöðvarnar eru að mestu í eigu innlendra fjárfesta. Fjárfestingin markar áframhaldandi sókn á þessu svæði, en Royal Unibrew hefur undanfarið keypt í drykkjavöruframleiðslu á eyjunum Antigua og Dominicu. Með kaupunum mun Royal Unibrew tryggja sér leiðandi stöðu í landinu og styrkja stöðu fyrirtækisins á öllu svæðinu. Með kaupunum mun fyrirtækið fá aðgengi að góðum vörumerkjum og sterku eignasafni. Samlegðaráhrif liggja í sparnaði sem verður í innkaupum, framleiðslu, sölu, markaðssetningu, dreifingu og stjórnun, segir í tilkynningunni. St. Vincent Brewery er að mestu skuldlaust og námu tekjur fyrirtækisins um 930 milljónum króna á síðasta ári og var hagnaður fyrir skatta um 120 milljónir króna. Fyrirtækið áætlar að tekjur þessa árs verði svipaðar og árinu áður, en að hagnaður verði minni vegna samrunakostnaðar og virðisaukaskatts. Talið er að rekstur St. Vincent Brewery verði talinn með í uppgjöri Royal Unibrew frá og með 1. júlí 2007.


 

Olíuleitarfyrirtækið GeysirPetroleum hf., sem skráð er í firmaskrá á Íslandi, tilkynnti í gær um olíufund við boranir í Norðursjó innan lögsögu Bretlands.Gunnlaugur Jónsson, fjárhagslegur ráðagjafi Norvest, sem er stærsti einstaki eigandinn í GeysirPetroleum, segir fundinn afar mikilvægan og góða viðbót við þann olíufund sem staðfestur var á sama svæði í fyrra. Það er samstarfsaðilinn og borfyrirtækið Antrim Energy Inc. sem annast boranir á svæðinu. Olían fannst þegar borað hafði verið niður á 3.340 metra í svokallað Mið-Jurassic Brent sandsteinslag."Þetta eru mjög góðar fréttir og framhald á olíufundinum frá því í fyrra. Við vorum að bora á nýjum stað á sama svæði og höfum fundið þar olíu. Mælingar eru í gangi og niðurstöðu að vænta um magn og flæði innan tveggja vikna.Þetta þýðir að félagið er enn verðmætara en áður og meiri staðfest olía sem búið er að finna. Áhættan í fjárfestingunni er því minni þar sem sjóðstreymisþátturinn er orðinn stærri."Sjá nánar í Viðskiptablaðinu í dag.


 

Félagsmálaráðherra hefur undirritað reglugerð sem kveður á um að hámarkslánshlutfall Íbúðalánasjóðs skuli lækkað úr 90% í 80%. Hámarkslán helst óbreytt 18 milljónir króna. Greiningardeild Kaupþings telur aðgerðirnar jákvæðar og muni draga úr verðbólguþrýstingi.


 

Hin nýskipaða ríkisstjórn Verkamannaflokksins undir forystu Gordon Brown forsætisráðherra hyggst notfæra sér það sem margir hverjir hafa skynjað sem áhugaleysi David Cameron, leiðtoga Íhaldsflokksins, í garð breskra atvinnurekanda með því að bæta til muna tengsl stjórnvalda og viðskiptalífsins. Þetta kemur fram í viðtali við John Hutton, nýjan viðskiptaráðherra ríkisstjórnarinnar, í Financial Times á mánudaginn, en þetta er fyrsta viðtalið sem Hutton veitir eftir að hann var skipaður ráðherra. Hutton ásakaði David Cameron um að hafa gert "mikil mistök" í viðleitni sinni til að umbreyta Íhaldsflokknum frá því að vera talinn fyrst og fremst flokkur viðskiptalífsins og gagnrýndi það sem hann kallaði "heimskulegar tillögur" Cameron í því samhengi, meðal annars hugmyndir hans um kolvetniskvóta sem hann féll síðar frá. Viðskiptaráðherrann sagði að í kjölfarið væri núna kominn upp ákjósanleg staða fyrir Verkamannaflokkinn til að taka við af Íhaldsflokknum sem hinn "eiginlegi flokkur viðskiptalífsins." Þessi ummæli Hutton komu aðeins degi áður en fjórir framkvæmdastjórar fjárfestingarsjóða og einkahlutafélaga mættu á fund sérstakrar nefndar á vegum fjármálaráðuneytisins, sem hefur það verkefni að endurskoða skattaumhverfi einkahlutafélaga (e. private equity), en þau hafa sætt vaxandi gagnrýni undanfarin misseri af stjórnmálamönnum þar í landi. Hutton vildi ekki tjá sig sérstaklega um hvort slík fyrirtæki greiddu of lítið hlutfall af hagnaði sínum í skatta, en hins vegar lagði hann áherslu á það framlag sem þessi geiri viðskiptalífins legði til samfélagsins. Þau ummæli viðskiptaráðherrans eru talin endurspegla viðleitni stjórnvalda til að stíga varlega til jarðar við að ráðast í aðgerðir sem myndu setja íþyngjandi regluverk í kringum starfsemi slíkra félaga - þau gætu annars einfaldlega flutt starfsemi sína til annarra landa. Sjá nánar í Viðskiptablaðinu í dag.


 

Stórir erlendir fjárfestingabankar skiluðu metafkomu af starfsemi sinni í Japan á síðasta ári, að stærstum hluta til vegna aukinna tekna af verðabréfastarfsemi, þrátt fyrir hlutabréfamarkaðurinn þar í landi eigi enn eftir að taka við sér eftir áratugalanga stöðnun, - Nikkei 225 hlutabréfavísitalan hefur aðeins hækkað um 13% frá því í janúar árið 2006 - að því er fram kemur í frétt Financial Times. Tekjur bandaríska fjárfestingabankans Morgan Stanleys jukust um 21% á árinu og námu samtals 1,95 milljörðum Bandaríkjadala, sem er metafkoma hjá bankanum. Ekki langt á eftir kom Goldman Sachs, en tekjur bankans af starfsemi sinni í Japan hækkuðu um fjögur prósent á milli ára og námu 1,89 milljörðum dala. Bankarnir Merril Lynch, Deutsche Securities og UBS tilkynntu einnig allir um mettekjur af starfsemi sinni í Japan. Sérfræðingar segja að þessi góða afkoma erlendra banka af verðbréfastarfsemi í Japan sé einkum athyglisverð fyrir þær sakir að Nikkei 225 hlutabréfavísitalan féll um næstum tuttugu prósent síðasta sumar, sem hrakti margra smáa fjárfesta frá hlutabréfamarkaðinum. Hins vegar tókst bönkunum að auka tekjurnar með því að beina sjónum sínum í auknum mæli að fagfjárfestum, bjóða upp á nýja fjármálagerninga - meðal annars verðbréfun (e. securitisation) - og veita fyrirtækjum ráðgjöf við samruna og yfirtökur þar í landi. Sjá nánar í Viðskiptablaðinu í dag.


 

Verðbólga í ríkjunum þrjátíu sem eru aðilar að Efnahags- og framfarastofnuninni (OECD) mældist 2,2% í maímánuði og hélst þar með óbreytt frá því í aprílmánuði. Minni hækkanir á matarverði náðu að vega upp á móti verðhækkunum á olíu á heimsmarkaði, að því er fram kemur í hagtölum frá OECD.


 

Hollenski bankinn ABN Amro gerir ráð fyrir því að tekjur af starfsemi bankans í Kína muni þrefaldast á næstu fimm árum. Þetta kom fram í máli Qiu Zhizhong, stjórnarformanns ABN í Kína, í gær en bankinn hyggst efla verulega starfsemi sína í landinu á næstu árum. ABN Amro starfrækir nú þegar fjórtán banka í Kína þar sem um þúsund manns starfa, en samkvæmt áformum bankans er gert ráð fyrir því að bankarnir verði orðnir tuttugu í lok næsta árs. Zhizhong sagði jafnframt að Kína yrði væntanlega stærsti markaður ABN Amro í Asíu innan fimm til tíu ára.


 

Orkumálaráðherra Venesúela, Rafael Ramirez, greindi frá því í gær að ríkisstjórn landsins hefði samþykkt að selja bensín til Írans, að ósk þarlendra stjórnvalda. Ramirez vildi hins vegar ekkert segja til um hversu mikið bensín Íranar hefðu óskað eftir því að kaupa af Venesúela. Samkomulag Venesúela og Írans kemur í kjölfar þess að stjórnvöld í Teheran tóku þá óvinsælu ákvörðun að skammta almenningi bensín, en þrátt fyrir gríðarlegar olíuauðlindir þá flytja Íranar engu að síður inn um fjörutíu prósent af öllu því bensíni sem þeir nota.


 

Hagvöxtur á fyrsta ársfjórðungi þessa árs í Tyrklandi jókst um 6,8%, sem var um þriðjungi meira heldur en hagfræðingar höfðu að meðaltali gert ráð fyrir. Ef áframhald verður á þessari þróun á árinu mun hagvöxtur í Tyrklandi verða umtalsvert meiri heldur en markmið stjórnvalda um að stefna að fimm prósent vexti. Helstu ástæðurnar fyrir þessum aukna hagvexti eru sagðar vera aukinn útflutningur iðnaðarfyrirtækja og opinberra útgjalda, sem vegur upp á móti samdrætti í einkaneyslu almennings. Sérfræðingar segja að ef hagvöxtur á árinu verði í kringum 6,5% muni það minnka verulega líkurnar á því að Seðlabanki Tyrklands lækki stýrivexti. Bankinn hækkaði síðastliðið sumar stýrivexti upp í 17,5%, en verðbólga í Tyrklandi mælist um þessar mundir 9,2%.


 

Um næstu áramót má búast við því að nýr, íslenskur sælkerabjór verði á boðstólum hér á landi. Fyrirtækið Ölvisholt Brugghús á Íslandi hefur gengið til samninga við danska sælkerabjórframleiðandann Gourmetbryggeriet sem setur upp fullkomna bjórverksmiðju á bænum Ölvisholti í Flóanum.Þetta verður fyrsti íslenski sælkerabjórinn. "Það koma með okkur öflugir aðilar, sem hafa áratugareynslu frá Danmörku, í það að setja upp fyrsta flokks brugghús á Ölvisholti. Þarna ætlum við að framleiða svokallaðan sælkerabjór," segir Bjarni Einarsson, einn af eigendum hins nýstofnaða Ölvisholts Brugghúss.Verksmiðjan verður sett upp í hlöðu á bænum Ölvisholti. Þar var búskapur lagður niður fyrir nokkru og verið er að finna ný not fyrir þær byggingar þar eru og hefja útrás í landbúnaði með framleiðslu á landbúnaðarafurðinni sem bjór vissulega er.Sjá nánar í Viðskiptablaðinu í dag


 

Kaupþing undirbýr nú fjárfestakynningar í Ástralíu til að mæla eftirspurn eftir mögulegri skuldabréfaútgáfu í áströlskum dölum, eða svokölluðum kengúrubréfum, segir í frétt Reuters. Það eru ANZ Investment Bank og RBC Capital Markets sem sjá um kynningarnar sem hefjast þann 16. júlí og munu meðal annars eiga sér stað í Sydney, Brisbane og Melbourne. Kaupþing gaf einnig út skuldabréf í Eyjaálfu árið 2005, fyrstur íslenskra banka. Það sem af er árinu hefur Kaupþing þegar safnað sér 130 milljörðum króna í skuldabréfaútgáfu víða um heim. Í samtali við Viðskiptablaðið í síðasta mánuði sagði Guðni Aðalsteinsson, forstöðumaður fjárstýringar Kaupþings, að fjármögnuninni væri hvergi nærri lokið og að bankinn íhugaði að gefa út kengúrubréf. "Stundum er ástandið gott á markaðnum og stundum slæmt og við verðum einfaldlega að hamra járnið á meðan það er heitt," sagði Guðni.


 

Fyrirtækin Marel og Delta Lloyd hafa lýst yfir óánægju með yfirtökutilboð breska fjárfestingafélagsins Candover í hollensku fyrirtækjasamsteypuna Stork og hafa nú komist í þá stöðu að geta fellt yfirtökutilboðið.


 

Iceland Express mun hefja flug til Luxemborgar í haust og er sala í ferðirnar nýhafin, segir í fréttatilkynningu.Að sögn Matthíasar Imsland, forstjóra Iceland Express, er ástæða þess að félagið hefur flug til Luxemborgar mikil eftirspurn frá viðskiptavinum, auk þess sem staðsetningin hafi átt stóran þátt í ákvörðuninni.


 

Úrvalsvísitalan hækkaði um 1,08% og stóð í 8.408 í lok dags, samkvæmt upplýsingum frá markaðsvakt Mentis. Heildarvelta nam 5,95 milljörðum króna í 558 viðskiptum. Mest hækkun var í Förya Banki P/F, eða 3,04%, Teymi hækkaði um 2,34%, Kaupþing um 2,21% og Atorka um 2,15%. Atlantic Petroleum lækkaði um 1,82%, Eimskipafélagið um 0,5% og Glitnir um 0,17% Gengi krónunnar styrktist um 0,49% og var 114,2 stig.


 

Geysi Petroleum ehf. hefur sent frá sér tilkyningu um olíufund í Norðursjó. Það er félagið Antrim Energy, sem Geysir á 10% hlut í, sem hefur greint frá olíufundi á ríflega 3.300 metra dýpi. Lindin er á Gauseway svæðinu.


 

Greiningardeild Glitnis spáir því að Seðlabanki Íslands haldi stýrivöxtum sínum óbreyttum í 13,3%, en sýrivaxtaákvörðun bankastjórnarinnar verður tilkynnt á fimmtudaginn.


 

Portúgal tók við formennsku Evrópusambandsins í gær og mun gegna stöðunni út árið. Meðal stærstu áherslumála verður að leiða ríkjaráðstefnu Evrópusambandsins um nýjan sáttmála, þá verður áhersla lögð á að bæta samstarf sambandsins við Afríkuríkin, að því er kemur fram í frétt Financial Times. Jose Socrates, forsætisráðherra Portúgals, hóf formennskutíðina á því að fljúga rakleiðis til Afríku, sem þykir skýr merki um að hann hafi einbeittan vilja til að styrkja pólitísk og efnahagsleg tengsl þar á milli. Ofarlega á stefnuskránni verða þróunarmál, málefni ólöglegra innflytjenda frá Afríku og efnahagssamstarf. Socrates hyggst halda ráðstefnu í Lissabon í desember milli Evrópusambandsríka og Afríkuríkja, en það er fyrsta slíka ráðstefnan sem haldin er í sjö ár. Socrates fékk á sig gagnrýni í gær þegar hann neitaði að meina Robert Mugabe, forseta Zimbabwe, um aðgöngu. Glenys Kinnock, fulltrúi Verkamannaflokks Bretlands á Evrópuþinginu, segir að ráðstefnan gefi Mugabe færi á að spígspora um með bros á vör á meðan þegnar hans þjáist heima fyrir. Socrates segir á móti að nauðsynlegt sé að koma á viðræðum við álfuna í heild sinni og að finna verði heildarlausn um samskipti þeirra á milli. Viðhorf Evrópusambandsins til álfunnar hefur tekið miklum breytingum að undanförnu. Í síðustu viku kynnti Evrópusambandið skýrslu um að um samvinnu jafningja væri að ræða. Þessi breytta stefna kemur í kjölfar aukinnar starfsemi Kínverja í álfunni og aukinnar samkeppni um náttúruauðlindir sem þar er að finna, segir í fréttinni.


 

Nicolas Sarkozy, Frakklandsforseti, mun ganga á fund fjármálaráðherra Evrópusambandsins í næstu viku, en hann hefur boðað að Frakkland muni ekki ná markmiðum um fjárhagsstöðuleika sem samþykkt hafa verið. Portúgalar vara við því að viðbrögðin verði hörð. Nicolas Sarkozy Frakklandsforseti tilkynnti fyrir skömmu að tveggja ára töf yrði á því að áætlun sem miðar að því að rétta halla ríkissjóðs verði sett í gang, en Frakkland hafði heitið Evrópusambandinu því að það markmið myndi nást fyrir árið 2010. Portúgal, sem hefur nýverið tekið við formennsku Evrópusambandsins, segir að fjármálaráðherrar Evrópusambandsins muni ekki taka létt á þessu máli. Sarkozy hefur boðað til fundar með fjármálaráðherrum evruríkjanna til að ræða efnahagsáætlanir sínar á mánudaginn í næstu viku og segir fjármálaráðherra Portúgal, Fernando Teixeira dos Santos, að mikill þrýstingur verði settur á Frakkland þar. Fundarboðið þykir í hæsta máta óvenjulegt, þar sem æðstu ráðamenn aðildarríkjanna sækja ekki fundi fjármálaráðherra þeirra. Sarkozy heldur því fram að hrista þrufi upp í efnahag þjóðarinnar með skattalækkunum. Stjórnmálalegt vandamál Sarkozy mun væntanlega eiga von á hörðum viðbrögðum frá þýskum embættismönnum, en Þýskaland hefur lengi glímt við efnahagskreppu og er nú að stíga upp úr henni. Teixeira dos Santos segir að hann sé að reyna að senda út viðvörun um hvaða viðbragða gagnvart Frakklandi sé að vænta á fundinum í næstu viku. Fyrir aðeins þremur mánuðum síðan samþykktu öll 27 aðildarríki Evrópusambandssins markmið um að rétta af halla ríkissjóða sinna fyrir 2010 og óttast Teixeira dos Santos að samkomulagið glati gildi gangi einhver aðildarríkjanna á bak orða sinna. "Ef þjóðir vilja brjóta loforð sem gefin hafa verið, verður það ekki lagalegt vandamál, heldur af stjórnmálalegt," segir Teixeira dos Santos. Joaquin Almunia, framkvæmdarstjóri peningamála Evrópusambandsins, lýsti yfir miklum áhyggjum af efnahagsstefnu Ítalíu í síðustu viku, en Ítalir hafa seinkað markmiðum sem samþykkt voru að aðildarríkjunum um eitt ár. Almunia hefur einnig miklar áhyggjur af skuldastöðu ítalska ríkisins, sem eru meira en 100% meiri en þjóðarframleiðslan. Mistök tíunda áratugarins endurtekin Hann óttast að Evrópa sé nú að endurtaka mistök tíunda áratugarins þegar aðildarríkin beittu ekki aðhaldi á uppsveiflutímabili og lentu svo í efnahagskreppu sem hafi eyðilagt upphaflegt stöðugleikasamkomulag Evrópusambandsins. Hið endurskoðaða samkomulag leggur áherslu á fyrirbyggjandi aðgerðir og að ríkisstjórnir aðildarríkja haldi að sér höndum á góðæristímum svo skilið sé eftir sé svigrúm þegar næstu niðursveiflu ber upp á. Það að Frakkland gangi nú á bak orða sinna gagnvart aðildarríkjum Evrópusambandsins kann að koma mörgum á óvart, en Sarkozy hefur ítrekað lýst því yfir að auka þurfi samstarf evruríkjanna og efnahagsstjórn þeirra.


 

Boeing sér fram á að flugfélög í Austur-Asíu og Eyjaálfu muni sjá 6,3% árlega aukningu í flugferðum næstu 20 árin og að þau muni eyða meira en 62 þúsund milljörðum króna í flugvélar til að mæta þessari aukningu. Varaforstjóri markaðssviðs Boeing, Randy Tinseth, bendir á að spáð sé að árlegur vöxtur flugferða á heimsvísu verði 5% fram til ársins 2026 og að þeir horfi til Austur-Asíu og Eyjaálfu sem sterkasta markaðssvæðisins. Hann segir að á svæðinu muni verða þörf á um það bil 8350 þotum á næstu tuttugu árum, sem er næstum þrefalt meira en núverandi flugfloti á svæðinu. Tinseth segir að Kína sé nú tiltölulega smár markaður, en eftir tuttugu ár verði hann að svipaðri stærð og Bandaríkjamarkaður er í dag, en hann segir að í Kína muni verða þörf á yfir 3000 þotum á tímabilinu.


 

Aðildarríki Evrópusambandsins eru sein til við að tileinka sér lög um innri markaði aðildarríkjanna, en Ítalía, Lúxemburg og Portúgal eru þó mestu trassarnir. Í maí áttu Portúgalar eftir að setja 71 löggjafir í framkvæmd, eftir að lokafrestur til þess rann út. Í Lúxemburg voru 51 löggjafir eftir og 44 í Ítalíu. Framkvæmdarstjórn Evrópusambandsins hefur einnig lýst yfir áhyggjum vegna rangrar notkunar laganna. En nú eru 153 málsóknir á hendur Ítalíu inni á borði Evrópusambandssins fyrir ranga notkun á lögum um innri markaði, 108 gegn Spáni og 99 gegn Frakklandi.


 

Breska fjarskiptafyrirtækið Virgin Media hefur staðfest að tilboð hafi verið lagt fram í fyrirtækið og að nú væri verið að fara yfir það. Samkvæmt heimildarmönnum er það fjárfestingarfélagið Carlyle sem leggur tilboðið fram og mun það hljóða upp á 500-625 milljarða króna, en Virgin Media skuldar um 750 milljarða króna. Virgin Media er skráð á Nasdaq kauphöllina í New York, þrátt fyrir að starfa einungis í Bretlandi. Fyrirtækið hækkaði um 16% í kjölfar fregna af yfirtökuboðinu.


 

Höfuðstöðvar Citigroup í Bretlandi voru seldar fyrir 125 milljarða króna á mánudaginn og er það næst hæsta upphæð sem greidd hefur verið fyrir eina fasteign í Bretlandi. Um er að ræða 42 hæða háhýsi í Austur-London, en það er írski fasteignaauðkýfingurinn Derek Quinlan og festeignafélagið Propinvest sem keyptu af Royal Bank of Scotland Group. Húsnæðið verður leigt áfram til Citigroup næstu 25 árin.


 

Bankarnir Emirates Bank International og National Bank of Dubai frá Sameinuðu arabísku furstadæmunum eru nú skrefinu nær í átt að samruna, en stjórnir þeirra samþykktu samrunaáætlun á mánudag. Við samrunan yrði til stærsta lánastofnun Mið-Austurlanda og væru eignir sameinaðs bankans að andvirði þrjú þúsund milljarða króna. Viðskipti með bréf bankans voru stöðvuð í gær vegna "ráðfæringa við viðkomandi stjórnvöld," að því er kom fram í sameinaðri tilkynningu bankanna og er búist við að tilkynnt verði um samrunan eftir tvær vikur.


 

Seljanleiki hefur aukist á öllum mörkuðum Nordic Exchange á fyrstu sex mánuðum ársins 2007, að því er fram kemur í tilkynningu frá OMX Nordic Exchange. Þar segir að frá metveltuárinu 2000 hafi dagleg velta í Nordic Exhange aukist um 67%. Á fyrstu sex mánuðum ársins 2007 hefur veltumetið verið slegið fjórum sinnum og 54 félög hafa skráð bréf sín í Nordic Exchange en á sama tímabili á síðasta ári voru nýskráningar 43 talsins. Á öllum mörkuðum Nordic Exchange eru nú 834 skráð félög.


 

Greiningardeild Landsbankans gerir ráð fyrir viðsnúningi hjá 365 á öðrum ársfjórðungi, í kjölfar talsverðrar niðurgreiðslu lána, endurfjáfmögnun og hagræðingu í rekstri.


 

Greiningardeild Landsbankans gerir ráð fyrir bættri afkomu Tryggingarmiðstöðvarinnar á öðrum ársfjórðungi og að hagnaður tímabilsins nemi um 1,1 milljarði króna, þó svo að hagnaður TM hafi verið undir væntingum undanfarin misseri.


 

Mesta hækkun dagsins var á bréfum Atlantic Petroleum - dagslokagengi fyrirtæksins stóð í 1.100 sem er 10% hækkun. Mosaic Fashions hækkaði um 3.64% og endaði í 17.10, Alfesca hækkaði um 1.85% og endaði í 5.52. Nokkur hækkun varð á bréfum Landsbankans (0,26%) og Kaupþings (0,62%), en mest velta var með bréf í Glitni eða 9,83 milljarðar. Mest lækkun varð á bréfum í Össuri hf. eða 0,94% og enduðu bréf félagsins á genginu 105. Nokkur lækkun varð á bréfum í Föroya Bank, 0,86% og bréf í Straumi-Burðarási lækkuðu um tæplega hálft prósent. 365 hélt áfram að lækka og var dagslokagengi bréfa félagsins tæplega 3.43 sem er 0,87% lækkun frá dagslokagengi föstudagsins síðastliðins.


 

Greiningardeild Landsbankans gerir ráð fyrir batnandi afkomu á öðrum fjórðungi hjá Icelandic Group eftir tveggja ára endurskipulagningu.


 

Stjórn Orkuveitu Reykjavíkur samþykkti einróma á fundi sínum í dag samninga við Grindavíkurkaupstað og Hafnarfjarðabæ um kaup á hlutum í Hitaveitu Suðurnesja hf. að því er kemur fram í tilkynningu. Samkvæmt samningunum munu bæði sveitarfélögin nýta forkaupsrétt sinn á 15% hlut ríkisins og selja Orkuveitunni þá hluti. Jafnframt mun Grindavíkurkaupstaður selja Orkuveitunni 8,00% af 8,51% hlut sínum í HS.


 

Bréf í Marel hafa hækkað um 0,71% og standa nú í 85,30. Bréf Teymis hafa hækkað um 0,59%og síðustu viðskipti með hluti í félaginu voru 5,13 á hlut. Century Aluminum hefur hækkað um 0,29%. Nokkrar lækkanir hafa átt sér stað - 365 heldur áfram að lækka í verði og lækkaði mest allra eða um 0,87%. Föroya Bank lækkaði um 0.86%, Bakkavör um 0,58%, síðustu viðskipti með bréf Actavis voru á genginu 89,1 sem er 0,56% lækkun frá því á föstudag. Straumur-Burðarás og Landsbankinn hafa báðir lækkað, um 0,46% og 0,25%, og einnig hefur Icelandair lækkað um 0,54% og Exista um 0,44%.


 

Greiningardeild Glitnis segir væntingar um verðbólgu enn vera allháar í hagkerfinu, jafnt meðal almennings sem og forsvarsmanna fyrirtækja.


 

Heildarverðmæti seldra framleiðsluvara árið 2006 var 357 milljarðar og er það aukning um tæpan 61 milljarð frá árinu 2005, segir í tilkynningu Hagstofunnar.


Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.