Aron Einar Gunnarsson er næst launahæsti íslenski atvinnumaðurinn samkvæmt heimildum Viðskiptablaðsins. Aron Einar er með um 350 milljónir króna í árslaun hjá Al Arabi í Katar.
Aron Einar hefur leikið síðustu þrjú ár með Al Arabi og verið fastamaður í liðinu. Hann framlengdi samning sinn við katarska félagið í sumar til eins árs með möguleika á eins árs framlengingu til viðbótar. Aron er 33 ára og á að baki 97 landsleiki fyrir Ísland.
Fjallað er um íslenska atvinnumenn í íþróttum í Áramótum, tímariti Viðskiptablaðsins og Frjálsrar verslunar sem kemur út á morgun, 29. desember 2022. Áskrifendur geta lesið blaðið hér.
