Hygge Coffe & Micro Bakery
Eins og nafnið gefur til kynna þá er Hygge bæði notalegt kaffihús og lítið bakarí. Staðurinn er að danskri fyrirmynd og var opnaður hérlendis í ársbyrjun 2022. Bakararnir á Hygge eru óhræddir við að leika sér með hráefnið og bjóða upp á nýtt bakkelsi. En allt bakkelsið er bakað á staðnum.
Sandholt
Sandholt er eitt elsta bakarí landsins en dyr þess voru opnaðar 1920. Frá upphafi hefur stefna Sandholts verið að bjóða upp á heimalagað bakkelsi úr fersku hráefni. Sandholt býður ekki bara upp á súrdegisbrauð og bakkelsi eins og önnur bakarí. Einnig er hægt að nýta sér veisluþjónustu fyrirtækisins þar sem hægt er að fá m.a. snittur, pinntamat og kökur.
BakaBaka
BakaBaka opnaði í byrjun árs 2022 og er bæði bakarí og veitingastaður. Frá morgni til eftirmiðdags býður staðurinn upp á brauð og bakkelsi líkt og önnur bakarí en um helgar breytist bakaríið í ítalskan veitingastað. Þá er m.a. í boði að fá eldbakaðar pítsur og pastarétti.
Deig
Inn af veitingastaðnum Le Kock er að finna bakaríið Deig. Bakari staðarins ólst upp í Bandaríkjunum svo bakkelsið er mjög innblásið þaðan. Upphaflega var ekki planið að opna bakarí en vinsældir bakkelsis og baksturs Markúsar Inga bakara á Le Kock urðu til þess að ákveðið var að opna bakarí inn af staðnum. Á boðstolnum á Deig eru m.a. fjölbreytt úrval beygla og kleinuhringja.
