Um 1,4 ferkílómetra eyja við Flathead stöðuvatnið í Montana ríki í Bandaríkjunum er nú auglýst til sölu á 70 milljónir dollara, um 9,4 milljarða króna.
Á eyjunni má finna 4.500 fermetra villu sem þó er ekki að búið að ljúka framkvæmdum á samkvæmt umfjöllun WSJ . Seljandi er Anne Brockinton Lee, ekkja Roberts M. Lee, stofnanda tösku- og leðurvörumerkisins Hunting World en hjónin festu kaup á eigninni árið 1989. Hjónin rákust á eyjuna, sem er um fimm kílómetrar,i í veiðiferð um vatnið, en stöðuvatnið er um 510 ferkílómetrar að stærð.
Anne Lee segir að eiginmaður sinn hafi verið sérvitur snillingur sem hafi viljað að húsið stæðist bæði fárviðri og jarðskjálfta. Því hafi það verið steypt en ekki gert úr timbri og svo klætt með kalksteini.
