Matreiðslubókahöfundurinn og sælkerinn Linda Ben deilir hér með lesendum girnilegri grilluppskrift fyrir sumarið. Uppskriftin er ætluð fyrir þrjá og tekur um 40 mínútur að matreiða.
Innihald:
- Um 400 grömm stórar tígrisrækjur
- ¼ Ferskur ananas
- 50 g Smjör
- 1 dl Hunang
- 2 msk Soja Sósa
- 2-3 Hvítlauksgeirar
- Salt og pipar
- Kóríander (má sleppa)
- Grillpinnar
Aðferð
- Best er að láta grillpinnana liggja í bleyti í ca. 20 mín áður en matnum er raðað á pinnana.
- Setjið smjör, hunang og soja sósu ofan í lítinn pott og sjóðið saman, rífið hvítlauksgeirana út í og kryddið með salti og pipar, sjóðið þar til sósan hefur þykknað og líkist sírópi.
- Skerið ferskan ananas í bita, takið börkinn af. Raðið risa rækjum og ananas á pinnana til skiptis, penslið svolítið af sósunni yfir pinnana.
- Grillið pinnana á báðum hliðum í 3-5 mín á hvorri hlið eða þar til rækjurnar eru eldaðar í gegn, penslið meira af sósunni yfir pinnana á meðan verið er að grilla.
Fjallað var um málið í blaðinu Eftir vinnu, sem kom út í 11. maí.
