Arkitektahátíðin
Architecture
MasterPrize
(
AMP
) er nýafstaðin. Á verðlaunahátíðinni, sem haldin var í
Guggenheim
-safninu í
Bilbao
á Spáni, hlaut
The
Retreat
, hótel Bláa lónsins, arkitektaverðlaun ársins (e.
Architectural
Design
of
the
Year
). Er þetta í fyrsta sinn sem Íslendingar vinna til þessara verðlauna.
The
Retreat
er hannað af Basalt arkitektum en
innanhúshönnun
þess er unnin í samstarfi við
Design
Group
Italia
, sem sá einnig um
upplifunarhönnunina
. Lýsingarhönnuðir eru Liska og verkfræðingar eru Efla verkfræðistofa.
AMP þykja ein virtustu arkitektaverðlaun heims og eru veitt einstökum verkum sem hafa verið byggð eða reist á síðustu fimm árum. Þau falla í skaut einstaklinga eða hópa sem hafa þótt sýna afburðagæði í arkitektúr , innanhúss- eða landslagshönnun.
Í rökstuðningi dómnefndar segir: „Hlutverk arkitektanna var, í samspili náttúru,
arkitektúrs
og upplifunar, að skapa stað þar sem gestum finnast þeir vera í beinum tengslum við íslenska náttúru. Byggt í 800 ára gömlu hrauni í hjarta Reykjaness Jarðvangs UNESCO, nær
The
Retreat
að sameina heilsulind, jarðhitalón og 62 herbergja hótel sem hinn einstaki jarðsjór Bláa Lónsins umlykur. Fjársjóður landsvæðisins, hið steinefnaríka vatn, harðgerða hraun og aldagamall mosi – verður þungamiðja allrar byggingarinnar.“
The
Retreat
hefur unnið til á þriðja tug alþjóðlegra verðlauna frá því að það opnaði á páskadag í fyrra þar á meðal hin þekktu
Red
Dot
-verðlaunin sem það hlaut í sumar.
