Manchester City, ríkjandi Englandsmeistarar í knattspyrnu, mun fá um 4,5 milljónir punda eða hátt í 800 milljónir króna frá Alþjóðaknattspyrnusambandinu, FIFA, vegna þátttöku 16 leikmanna liðsins á heimsmeistaramótinu sem fer nú fram í Katar. Ekkert lið í heiminum fær hærri fjárhæð. The Times greinir frá.
FIFA mun úthluta 169 milljónum punda eða hátt í 30 milljarða króna til knattspyrnuliða í gegnum Club Benefits Programme, samstarfsverkefni FIFA og Samtaka evrópskra knattspyrnufélaga (ECA).
Fyrir hvern dag sem hver leikmaður er á mótinu fær knattspyrnuliðið sem hann leikur fyrir um 10 þúsund dali eða um 1,4 milljónir króna. Úthlutunarfjárhæð veltur á fjölda daga sem hver leikmaður er á mótinu.
Úthlutun til Barcelona er því minni en til Manchester City þrátt fyrir að leikmenn katalónska liðsins á HM voru 17 talsins. Átta þeirra voru í liði Spánar sem féll úr leik í 16 liða úrslitum gegn Marokkó.
Breska dagblaðið The Times tók saman úthlutun til allra liða ensku úrvalsdeildarinnar.
| Úthlutun |
| £4,5m |
| £2,92m |
| £2,47m |
| £2,33m |
| £2,11m |
| £1,55m |
| £1,38m |
| £1,15m |
| £1,13m |
| £1,08m |
| £1,02m |
| £0,9m |
| £0,8m |
| £0,79m |
| £0,78m |
| £0,76m |
| £0,5m |
| £0,29m |
| £0,29m |
| £0,29m |
