Myndir: Grillað gaman í frum­kvöðla­hraðli

Startup Supernova hraðalinn er í fullum gangi og var annar viðburður sumarsins haldinn í Grósku fimmtudaginn seinasta. Icelandic Startups keyra hraðalinn en bakhjarlar verkefnisins eru Nova og Gróska auk þess sem Huawei styrkti sérstaklega teymið FOMO.

Í þetta sinn var komið að seinni fimm teymunum að kynna sína hugmynd og höfðu þau til þess eina mínútu. Fjöldi fjárfesta og áhugasamra voru á staðnum og var grillað í lok viðburðar.

Það fer að hylla undir lok hraðalsins og er lokahnykkurinn fjárfestadagurinn sem haldinn verður í Grósku þann 13. Ágúst næstkomandi.

Emil Ásgrímsson og Jósep Þórhallsson alsáttir með sæmundarvatnið.

Athafnamennirnir Haukur Guðjónsson, Haraldur Húgósson og Eggert Claessen í skýjunum með að hafa fengið hamborgara.

Svavar Berg Jóhannsson og Elsa Bjarnadóttir nældu sér í drykk en sögur fara ekki af því hvort þær Ása Þórhallsdóttir og Sunna Halla Einarsdóttir gerðu s líkt hið sama.

Freyr Friðfinnsson, verkefnastjóri hjá Icelandic Startups, Stefán Darri Þórsson handboltakempa og COO hjá Swapp Agency, Sunna Halla Einarsdóttir, fjármálastjóri Icelandic Startups, Davíð Rafn Kristjánsson, framkvæmdastjóri Swapp Agency og Börkur Atlas Davíðsson, krútt.

Allir góðir viðburðir eiga það sameiginlegt að bjóða upp á grillaða djammborgara.

Valentina Klaas, meðstofnandi Surova, leikur á alls oddi

Hönnuðirnir Emil Ásgrímsson, Kristbjörg María Guðmundsdóttir og Ragna Margrét Guðmundsdóttir voru kampakát með viðburðinn.

Auður Nanna Baldvinsdóttir, meðstofnandi IDUNN H2, átti í litlum erfiðleikum með þetta erindi.