Audi e-tron 55 er algengasti ráðherrabíllinn í dag og jafnframt bíll forsætisráðherra. Eru sex e-tron bílar í þjónustu ráðherranna. Þrír Volvo XC90 í flotanum sem er næst algengastur, auk tveggja Merceces-Benz jeppa og BMW X5 jeppa.

Í dag hefur Umbra – þjónustumiðstöð Stjórnarráðsins umsjón með kaupum á ráðherrabílunum og rekstri þeirra. Í svari við fyrirspurn Viðskiptablaðsins segir Viktor Jens Viktorsson, framkvæmdastjóri Umbru, að bifreið sé úthlutað til ráðuneyta til lengri eða skemmri tíma og eru færðar á milli ráðuneyta eftir hentugleika.

Elstu ráðherrabílarnir eru frá árinu 2016 og því í kringum sjö árin. Á síðustu árum hafa ráðherrabílarnir smækkað, þeir hafa verið endurnýjaðir örar og þeir eru allir með tvinnvélum eða að fullu rafdrifnir.