*

Bílar 29. apríl 2018

11,9% samdráttur í bílasölu

11,9% samdráttur var í bílasölu í marsmánuði samanborið við sama mánuð árið 2017.

11,9% samdráttur var í bílasölu í marsmánuði samanborið við sama mánuð árið 2017, en alls voru skráðir 1.833 nýir fólksbílar í mars síðastliðnum samkvæmt fréttatilkynningu frá Bílgreinasambandinu. Nýskráðir fólksbílar í mars sl. voru 1.833 bílar á móti 2.081 bílar í sama mánuði árið 2017. Þetta er samdráttur um 248 bíla eða 11,9%.

Á fyrstu þremur mánuðum ársins hafa verið nýskráðir 4.615 fólksbílar eða 42 bílum færri en á sama tímabili á síðasta ári. Af þessum 4.615 fólksbílum eru 1.685 bílar sem skráðir hafa verið sem bílaleigubílar eða liðlega 36% af heildinni. Toyota er sú tegund sem mest er skráð af eða 938 bíla. Í öðru sæti er Kia með 552 bíla og í því þriðja er svo Nissan með 412 bíla samkvæmt upplýsingum frá Bílgreinasambandinu.