15 staðir tilnefndir til lambaverðlauna

Tilkynnt hefur verið hvaða veitingastaðir eru tilnefndir til Icelandic Lamb Award of Excellence 2020, en viðurkenningarnar verða afhentar fimmtudaginn 28. maí 2020. 

Þetta er í fjórða sinn sem Markaðsstofan Icelandic Lamb veitir þessar viðurkenningar, en þær eru veittar veitingastöðum sem þykja hafa skarað fram úr á liðnu ári í framreiðslu á íslensku lambakjöti.

Eliza Reid, forsetafrú, ávarpar samkomuna og veitir viðurkenningarnar, við hátíðlega athöfn í Vinnustofu Kjarvals í Austurstræti og hefst athöfnin kl. 14:30. Veittar verða viðurkenningar í þremur flokkum; Sælkeraveitingastaðir, Bistro og götumat. 

Hér er yfirlit yfir þá veitingastaði sem eru tilnefndir í flokkunum þremur:

Sælkeraveitingastaðir (Fine Dining):

• Fiskfélagið
• Hótel Geysir
• Hver
• Geiri Smart
• Silfra

Bistro:

• Forréttabarinn
• Heydalur
• Kaffi Krókur
• Lamb Inn
• Mímir

Götumatur (Street Food):

• Fjárhúsið
• Icelandic Street Food
• Lamb street food
• Le Kock
• Shake and pizza