*

Bílar 19. febrúar 2021

258 hestafla MG frumsýndur

Nýr tengiltvinnbíl, EHS Plug-in Hybrid, frá bílaframleiðandanum MG verður frumsýndur hér á landi á laugardag.

Nýr tengiltvinnbíl, EHS Plug-in Hybrid, frá bílaframleiðandanum MG verður frumsýndur hér á landi á laugardag.

Í nýjum MG EHS er 1,5 lítra snörp, 162 hestafla bensínvél með forþjöppu og 122 hestafla rafmótor við 10 þrepa rafstýrða skiptingu. Saman skilar mótorarnir 258 hestöflum og 370 Nm hámarkstogi enda fer MH EHS úr kyrrstöðu í 100 km/klst. á aðeins 6,9 sekúndum, sem er mesta hröðun í flokki sambærilegra bíla. Bíllinn er rúmgóður enda með mikið hjólhaf og háa yfirbyggingu. Farangursrýmið er allt að 1275 lítrar og bíllinn er með 1.500 kg dráttargetu. MG EHS er vel búinn öryggis- og þægindabúnaði, er með sjö ára ábyrgð og kemur í tveimur útfærslum, Comfort og Luxury.

Í farþegarými hefur verið vandað til verka til að skapa þægindi og gæði. Þetta blasir einkum við þegar litið er til sæta, en líka almenns frágangs, efnisvals og skipulags í innréttingunni og er Luxury útgáfan m.a. búin stillanlegri stemningslýsingu og stórum rafstýrðum þakglugga úr gleri. Í innanrýminu er 12,3 tommu stafrænt mælaborð og rúmlega 10“ snertiskjár er í miðju mælaborði og auðvelt er að stjórna upplýsinga- og afþreyingarkerfinu sem m.a er búið leiðsögukerfi með Íslandskorti, og tengist auðveldlega Apple CarPlay eða Android Auto svo fátt eitt sé nefnt.

Uppgefin eyðsla MG EHS við blandaðan akstur er 1,8l/100km og drægi hans er 52 km á rafmagninu samkvæmt WLTP mælingum. Bíllinn hleður á 3,7 kW sem þýðir að það tekur aðeins um það bil 4 og hálfa klukkustund að fullhlaða 16,6 kWh Li-ion raflöðuna í heimahleðslu. Þá er bíllinn ennfremur búinn endurheimtarbúnaði fyrir hemlaorku sem endurnýtir orkuna við hraðaminnkun og hleður á rafhlöðuna. Bíllinn verður frumsýndur hjá BL við Sævarshöfðu kl. 12-16 á laugardag.