*

Bílar 30. mars 2020

306 hestafla RAV4

Nú kemur Toyota með plug-in hybrid útgáfu af vinsælum jepplingi, sem er 6,2 sekúndur í hundraðið og drífur 60 km á rafmagni.

Róbert Róbertsson

Toyota RAV4 í Plug in Hybrid útfærslu lofar góðu hvað kraftinn varðar. Toyota stendur fremst allra bílaframleiðanda í Hybrid tækninni og nú hefur bílaframleiðandinn ákveðið að koma með Plug-in Hybrid útfærslu af þessum vinsæla jeppling.

RAV4 er yfirleitt ekki að hamast í hraðakstri dags daglega en í þessari útfærslu skilar tengiltvinnvélin alls 306 hestöflum og gefur bílnum mikið afl.

Bíllinn er aðeins 6,2 sekúndur úr kyrrstöðu í hundraðið. RAV4 Pug-in Hybrid keyrir rúma 60 km á rafmagni. Síðan tekur við öflugt Hybridkerfi þannig að eyðslan er kannski í kringum 6 lítrar á hundraðið samkvæmt upplýsingum frá framleiðanda.

Bíllinn kemur á markað hér á landi á seinni hluta ársins samkvæmt upplýsingum frá Toyota Ísland. Þessi nýja og öfluga útfærsla af RAV4 hefur verið til sýnis hjá Toyota í Kauptúni undanfarna daga.

Stikkorð: Toyota  • RAV 4  • rafmagn  • plug-in hybrid