*

Bílar 6. júlí 2015

4,2 sekúndur í hundraðið

Nýr GLE Coupe er sterklegur ásýndum og með aðlaðandi formlínum.

Róbert Róbertsson

Það kemur margt spennandi úr smiðju Mercedes-Benz um þessar mundir. Sportjeppinn GLE Coupe er væntanlegur í haust og með mörgum spennandi vélum. Öflugasta útfærslan er 63 AMG og þá kemur sportjeppinn einnig sem 450 AMG sem er frábær nýr valkostur. Auk þess verður GLE Coupe í boði sem 350d og þá með 260 hestafla díselvél.

Nýr GLE Coupe er sterklegur ásýndum og með aðlaðandi formlínum. Auk þess býðst hann með mikla breidd í búnaði og miklu afli undir vélarhúddinu.

63 AMG útfærslan er með 5,5 lítra,V8 vél með tveimur forþjöppum er aflmeiri en áður. Í grunngerð skilar vélin 557 hestöflum. Hröðun úr kyrrstöðu er 4,3 sekúndur sem eftirtektarvert í ljósi stærðar og þyngdar bílsins. Vélin er fáanleg enn aflmeiri í hinni feiknar sportlegu S-Model útfærslu og er þá heil 585 hestöfl. Við þetta fer hröðun úr kyrrstöðu 100 km niður í 4,2 sekúndur sem er á við fremstu sportbíla í fólksbílastærð. 

Undirvagni bílsins var einnfremur breytt í því augnmiði að skila enn betri aksturseiginleikum og snerpu. Viðbragð frá vél og gírskiptingu er sportlegra en nokkru sinni fyrr og undirstrikar vel aðalsmerki AMG Driving Performance. 

Stikkorð: Mercedes-Benz  • GLE Coupe