*

Bílar 26. ágúst 2020

457 hestafla Explorer PHEV

Ford kynnir nýjan tengiltvinn bíl sem er með drægni upp á 42 km á hreinu rafmagni og með rými fyrir sjö manns.

Glænýr rafmagnaður tengiltvinn Ford Explorer PHEV er kominn til landsins og verður frumsýndur hjá Brimborg á næstunni.

Hann er búinn öflugri tvinnaflrás sem er samsett af 3,0 lítra EcoBoost V6 bensínvél auk rafmótors og 10 gíra sjálfskiptingu og 13,1-kWh rafhlöðu og skilar samanlagt 457 hestöflum og 840 Nm af togi. Explorer er 7 sæta lúxusjeppi sem hentar einstaklega vel í lengri ferðir á fjöll, veiði, skíði eða í önnur ævintýri enda með góða veghæð eða 20cm. og dráttargetu upp á 2.500 kg. En jafnframt er nýi Explorer hentugur í borgarakstur á hreinu rafmagni með drægi upp á 42 km og auðvelt og fljótlegt að hlaða bæði heima og í vinnu.

Nýr Ford Explorer PHEV er endurhannaður frá grunni með nýju og laglegu útliti. Ford Explorer er rúmgóður og með rými fyrir 7 manns í þremur sætaröðum og því er nóg pláss fyrir alla og risastórt farangursrými. Þegar aftasta sætaröðin er felld niður þá mælist farangursrýmið 2.274 lítrar. 

Nýr Ford Explorer PHEV kemur í tveimur útgáfum, Platinum og ST-Line útgáfu. Báðar þessar útgáfur eru hlaðnar ríkulegum staðalbúnaði. Hann er með 10,1 tommu snertiskjá, nýjustu útgáfuna af SYNC 3, með FordPass Connect tengingu, B & O hljóðkerfi með 14 hátölurum og nudd í framsætum. Að auki er 360° myndavél með tvískiptum skjá, BLIS með aðvörun fyrir hliðarumferð, umferðaskiltalesara og veglínuskynjara, árekstrarvara að framan sem skynjar einnig gangandi og hjólandi vegfarendur til að tryggja öryggi ofl. Ford Explorer PHEV kostar 11.990.000 kr.

Stikkorð: Ford  • PHEV  • Explorer