*

Bílar 28. september 2018

70 ára afmælis Land Rover fagnað

Land Rover fagnar 70 ára afmæli á þessu ári og af því tilefni býður BL til afmælisveislu á morgun, laugardag.

Land Rover fagnar 70 ára afmæli á þessu ári og af því tilefni býður BL til afmælisveislu á morgun, laugardag, klukkan 12-16 í nýjum höfuðstöðum Jaguar Land Rover við Hestháls í Reykjavík.

Á sjö áratugum hefur Land Rover tekið sér bólfestu djúpt í vitund þjóðarinnar. Hann hefur í áratugi verið og er enn víða þarfasti þjónn íslenskra bænda við bústörfin, helsti ferðafélagi á fjöllum og „költið" í augum margra bílaáhugamanna og ferðaþjónustuaðila sem vilja helst ekki sjá neitt annað. Frumeintak Land Rover I Series fundið Fyrsti bíllinn með heitinu Land Rover var frumsýndur 30. apríl 1948 á bílasýningunni í Amsterdam. Frumeintakið hafði þá verið tilbúið frá árinu áður og er fyrsta árgerðin því oft miðuð við 1947. Bíllinn hafði skráningarnúmerið HUE166. Ekki alls fyrir löngu fundu starfsmenn Land Rover Classic Works í Solihull í Bretlandi þennan sama bíl eftir langa leit, enda hafði lítið til hans spurst í marga áratugi.

Bíllinn gekk kaupum og sölum fyrstu áratugina og 1955 var síðast vitað með vissu að hann væri enn á skrá, þá í Wales þar sem hann var í ein tuttugu ár áður en hann var seldur burtu. Eftir langa og stranga leit fannst bíllinn fyrir tilviljun í húsagarði og það sem meira er, í garði skammt frá Solihull þar sem hann var upphaflega framleiddur. Eftir ítarlega skoðun var staðfest að um frumeintakið væri að ræða; fyrsta Land Roverinn sem fyrirtækið smíðaði.

Í afmælinu á morgun verður boðið upp á veitingar auk þess sem til sýnis verða nokkur gömul og góð eintök af þarfasta þjóninum hér á landi, meðal annars einn sá elsti í íslenska flotanum sem er frá fyrstu árum framleiðslu Land Rover. Auk gömlu eintakanna verða allar nýjustu gerðir jeppanna frá Land Rover til sýnis á laugardag, vegleg afmælistilboð verða á völdum nýjum bílum og reynsluakstursbílar til reiðu.

Stikkorð: BL  • Land Rover
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is