*

Heilsa 7. október 2013

Æfingar hvar og hvenær sem er

Það þarf ekki að taka langan tíma til að gera styrktaræfingar fyrir kvið og bak. Stofugólfið er hinn fullkomni staður fyrir leikfimisæfingar.

Edda Hermannsdóttir

Það er hægt að gera einfaldar og fljótlegar æfingar hvar og hvenær sem er. Tuttugu mínútur á dag á stofugólfinu er betra en ekki neitt.

Hjónaleikfimi: Þegar börnin sofna er auðvitað ekki í boði að henda sér á sófann ef æfingu dagsins er ekki lokið. Hér er gott að rýma til á stofugólfinu og klæða sig í betri gallann. Takið meðalstórt handklæði og snúið upp á það svo úr verði stór kaðall. Setjið handklæðið utan um mjaðmirnar á maka ykkar eða félaga (alls ekki um kvið) og látið hann draga ykkur um stofuna og togið vel í kaðalinn á móti. Helst að fara áfram beina leið ef það er mögulegt.

Á leiðinni til baka notar félagi ykkar beinar hendur á axlirnar á ykkur og reynir að ýta ykkur til baka. Hér streitist þið á móti. Þetta er ljómandi góð æfing fyrir kvið og fætur en alls ekki sniðug ef þið eruð veik fyrir í hnjám eða baki. Hér er tilvalið að stilla börnunum sem vildu ekki sofna upp í sófanum, poppa fyrir þau og láta þau hvetja ykkur áfram.

Í nýjasta tölublaði Eftir vinnu má finna fleiri æfingar sem eru sniðnar að þörfum þeirra sem hafa ekki endilega tíma til að fara í ræktina á hverjum degi.  Fylgist með Eftir vinnu hér á Facebook.

Stikkorð: Stuð  • Líkamsrækt  • Gaman  • Fjör
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is