*

Bílar 4. janúar 2016

Audi kemur fram með Q6 vetnisbíl

Audi mun frum­sýna Q6 h-tron vetn­is­bílinn á bíla­sýn­ing­unni í Detroit síðar í þessum mánuði.

Audi mun frum­sýna Q6 h-tron vetn­is­bílinn á bíla­sýn­ing­unni í Detroit síðar í þessum mánuði. Þessi nýi sportjeppi kemur í kjölfar hugmyndabílsins e-tron Quattro sem vakti mikla athygli á bílasýn­ing­unni í Frankfurt í haust. 

Samkvæmt breska bílatímaritinu Autocar er í aðal­atriðum um sama bíl­inn að ræða nema þeir verða knún­ir ólík­um afl­rás­um. Q6 h-tron verður með vetnisvél og e-tron Quattro með rafrás. Q6 e-tron verður mjög sportlegur í útliti og með coupé lagi sem er alltaf flott.

Audi er að bæta talsvert í sportjeppaflóruna því þýski lúxusbílaframleiðandinn er að undirbúa komu hins nýja smájepplings Q2 sem væntanlegur er síðar á árinu. Audi er líka að huga að framleiðslu Q4 sportjeppans sem einnig verður með coupé lagi eins og Q6. 

Audi ætlar síðan að setja sinn fyrsta rafmagnsbíl á markað árið 2018 og verður hann að öllum líkindum byggður á Audi e-Tron Quattro. Ekki er enn ljóst hvenær vetnisbíllinn Q6 h-tron kemur á götuna en stefnan hjá Audi er að e-tron Quattro verði settur á markað árið 2018.

Stikkorð: Audi  • Bílar  • Detroit  • Rafbílar  • Vetnisbílar  • Audi Q6