*

Bílar 31. júlí 2015

BMW opnar nýjan sýningarsal

Fyrsti salurinn í sögu BMW hérlendis sem er innréttaður algerlega eftir alþjóðlegum innréttingarstöðlum BMW.

BL opnaði á dögunum nýjan BMW sýningarsal í húsakynnum félagsins við Sævarhöfða 2. Nýji BMW salurinn er fyrsti salurinn, í sögu BMW hérlendis, sem innréttaður er algjörlega eftir alþjóðlegum innréttingastöðlum BMW. Framleiðendur lúxus bíla á borð við BMW gera sífellt meiri kröfur um að umhverfi viðskiptavina og þjónusta við þá sé eins á mill markaða.

BL færði á sama tíma þjónustumóttöku fyrir BMW viðskiptavini á sama stað og því koma BMW viðskiptavinir á einn stað með öll sín erindi varðandi bílinn.

„Við höfum í gengum árin lagt okkur fram um að uppfylla staðla BMW og innleiða allt það sem snýr að gæðum þjónustunnar en við höfum ekki gengið skrefið til fulls fyrr en nú með aðstöðuna eins og hún leggur sig. Samkeppni á bílamarkaði er hörð og ef við ætlum að halda áfram að vera leiðandi bílaumboð verðum við halda árvekni og bjóða viðskiptavinum persónulega þjónustu í aðlaðandi umhverfi," segir Loftur Ágústsson, markaðsstjóri BL.

,,Því er einnig við að bæta að BMW, eins og reyndar flestir þeir framleiðendur sem við erum með umboð fyrir, hefur aukið verulega vöruframboðið og það kallar á meira sýningarpláss."

 

Nýji BMW sýningasalurinn er tæplega 500 fermetrar með sýningarpláss fyrir allt að 12 bíla.

Stikkorð: BMW  • bílar  • BL