*

Bílar 18. desember 2013

BMW stefnir á M útgáfu af sjöunni

Bílasmiðirnir hjá BMW velta því fyrir sér að stíga á bensíngjöfina í samkeppni við Audi og Mercedes Benz.

BMW hugleiðir nú alvarlega að bjóða aflmeiri útgáfu af 7-seríunni sem á þá að etja kappi við öflugar útgáfur af lúxusbílum hinna þýsku lúxusbílaframleiðandanna Audi og Mercedes-Benz. BMW hefur einhverra hluta vegna ekki enn séð ástæðu til að bjóða kraftaúitgáfu af sjöunni, en það gæti breyst á næstunni því yfirmaður M-deildar BMW vill ólmur bjóða M útgáfu af bílnum.

Audi framleiðir mjög öfluga útgáfu af sínum stærsta fólksbíl S8 og Mercedes-Benz býður kraftmikinn S63 AMG S-línunnar. Jaguar er arna inni líka með XJR bílinn sem hefur krafta í kögglum.

Ekki er þó ljóst hversu öfluga vél bæverski lúxusbílaframleiðandinn ætlar að setja í M útgáfu sjöunnar, en víst er að hún verður öflug ef af verður. BMW framleiðir marga af sínum bílum í M-útgáfum, þar á meðal M3, M4, M5 og ætlar einnig að bjóða jepplingana X3 og X4, sem og jeppana X5 og X6 í M-útgáfum. 

Stikkorð: Audi  • Mercedes Benz