*

Sport & peningar 24. janúar 2014

Bræður kepptu í hjólreiðaeinvígi

Bræðurnir Óskar og Ingvar Ómarssynir kepptu í úrslitum hjólreiðaeinvígis á Skólavörðustíg í kvöld.

Haldið var hjólreiðaeinvígi á Skólavörðustíg í kvöld, en þetta er í annað sinn sem keppnin er haldin. Spyrnt var upp stíginn en brautin var einungis 70 metra löng. Útsláttarfyrirkomulag á keppnini þannig að sigurvegarinn fer í gegnum allar umferðir taplaus.

Í karlaflokki voru það bræðurnir Ingvar óg Óskar Ómarssynir sem háðu loka einvígið um fyrsta sætið og hafði Ingvar betur annað árið í röð. Í þriðja sæti hafnaði Emil Þór Guðmundsson.

Í kvennaflokki sigraði Alma María Rögnvaldsdóttir, Evgenia Ilyinskaya var í öðru sæti og í þriðja sæti varð María Ögn Guðmundsdóttir. Keppnin er hluti af Reykjavíkurleikunum.