*

Bílar 25. júní 2013

Braggi Jóns Baldvins breyttist í jeppa - svo í Audi

Jón Baldvin Hannibalsson sagðist ekki ætla að notast við ráðherrabíl þegar hann varð fjármálaráðherra 1987.

Þegar Jón Baldvin Hannibalsson varð fjármálaráðherra í ríkisstjórn Þorsteins Pálssonar árið 1987 lýsti hann því yfir að hann ætlaði ekki að nota ráðherrabíl í ríkiseigu heldur kaupa sér sjálfur Citroën 2CV en bíllinn er í daglegu tali nefndur Bragginn.

Í samtali við DV sumarið 1987 sagði Jón aðspurðurum hvenær hann fengi Braggann:

„Hann er ekki kominn til landsins ennþá en fyrst þú ert að spyrja um Braggann þá er höfuðkostur hans sá að það er hægt að skrúfa hann sundur og saman með einum skiptilykli.“

Aldrei var Bragginn keyptur. Jón notaðist hins vegar við Mitsubishi Pajero sem var í eigu fjármálaráðuneytisins.

Þegar hann varð utanríkisráðherra fékk hannsvo Audi 200 bíl sem Þorsteinn Pálsson hafði haft sem forsætisráðherra.

Þegar ríkisstjórn Davíðs Oddssonar tók við á Bessastöðum vorið 1991 mætti Jón Baldvin Hannibalsson, þá orðinn utanríkisráðherra, á Bragga sem hann hafði fengið að láni frá ljósmyndara Morgunblaðsins.

Nánari umfjöllun um umtalaða ráðherrabíla er í Bílum, sérblaði Viðskiptablaðsins sem kom út á fimmtudag. Áskrifendur geta nálgast blaðið hér.


25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is