*

Tölvur & tækni 4. júní 2013

CCP bætir við EVE Online

Odyssey-viðbótin við EVE Online kemur út í dag. CCP ræðst í markaðsherferð víða um heim.

Tölvuleikjafyrirtækið CCP gaf í dag út nýja viðbót við tölvuleikinn EVE Online. Útgáfan heitir Odyssey og inniheldur fjölmargar nýjungar fyrir spilara leiksins sem tengist þema hennar um ævintýri, ferðalög og könnunarleiðangra í hinum gríðarstóra EVE alheimi. Heimur EVE Online samanstendur af 67.000 plánetum, rúmlega 340.000 tunglum og 7.929 sólkerfum.

Fram kemur í tilkynningu frá CCP að Odyssey er nítjánda viðbótin við EVE Online sem CCP gefur út á þeim tíu árum sem liðin eru síðan leikurinn kom út. Allt frá útgáfu EVE Online árið 2003 hefur heimur leiksins vaxið og spilurum hans verið kynntar ýmsar nýjungar gegnum umræddar viðbótar-útgáfur sem komið hafa út á hverju ári. Mikið af umræddum nýjungum eru þróaðar í samvinnu við spilara leiksins og lýðræðislega kjörið ráð þeirra, Council of Stellar Management (CSM). Fjöldi áskrifenda EVE Online hefur aukist ár frá ári allt frá útgáfu leiksins, og eru í dag yfir 500.000.

Viðbótin er kynnt með markaðsherferð í Evrópu, Norður-Ameríku og Japan. Sérstakt kynningarmyndband fyrir Retribution útgáfuna var sömuleiðis frumsýnt í dag. Það má sjá hér að neðan.

Stikkorð: EVE Online  • Odyssey
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is