*

Bílar 23. mars 2013

Chevrolet Impala með 303 hestafla vél

Tíunda kynslóð Chevrolet Impala kynnt til leiks og kemur á markað núna í vor.

Chevrolet Impala var ein af táknmyndum Bandaríkjanna þegar hann kom fram á sjónarsviðið 1958 - stór, aflmikil amerísk drossía. Nú er Chevrolet að kynna tíundu kynslóð bílsins og verður hún einn af senuþjófunum á bílasýningunni í New York sem er að hefjast.

Bíllinn byggir á sterkri arfleifð Impala í gegnum áratugina og býr um leið yfir allri þeirri tækniframþróun sem orðið hefur á þessum tíma. Hann er 5,13 m á lengd og hjólhafið er hvorki meira né minna en 2,84 m.

Impala kemur á 20 tommu álfelgum og undir vélarhlífinni er 3,6 l, V6 vél sem skilar 303 hestöflum. Með þessari vél og sex þrepa sjálfskiptingu hraðar þessi stóri bíll sér í 100 km hraða á 6,8 sekúndum. Vélin býr líka yfir gríðarlegu togi eða 358 Nm við 5.200 snúninga á mínútu. Engu að síður er eyðslan hófleg með nýrri spartækni sem stuðst var við í vélarhönnuninni.

Bíllinn er vel  búinn búnaði. Að framan er hann með upphituðum körfusætum sem eru stillanleg á tíu vegu og hann kemur leðurklæddur með fullkomnu loftfrískunarkerfi og hljómtækjum með raddstýrikefi, lyklalausu aðgengi og ræsingu, hraðastilli með aðlögunarhæfni, tíu öryggispúðum, blindblettvara, svo fátt eitt sé nefnt. Impala kemur á markað núna á vordögum.

Stikkorð: Chevrolet Impala
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is