Atvinnubíladeild Daimler, sem framleiðir Mercedes-Benz atvinnubíla, hefur fjárfest í bandaríska fyrirtækinu Proterra. Þetta var tilkynnt á IAA atvinnubílasýningunni í Hannover fyrir stuttu.

Proterra er leiðandi fyrirtæki í framleiðslu rafmagnsstrætisvagna. Fyrirtækið var stofnað árið 2004 og er með höfuðstöðvar í Greenville í Suður-Kaliforníu. Fyrirtækið hefur náð miklum árangri í framleiðslu á rafknúnum strætisvögnum.

Daimler mun nota nýjustu rafhlöður og tæknivæddan drifbúnað frá Proterra í atvinnubíla Mercedes-Benz. Samstarfið mun m.a. fela í sér framleiðslu á rafknúnum skólabílum fyrir Bandaríkjamarkað. Mikill hugur er í atvinnubíladeild Daimler hvað varðar rafknúna framtíð atvinnubíla Mercedes-Benz og fyrirtækið hefur nú þegar byrjað framleiðslu á fyrstu rafknúnu atvinnubílum sína eCitaro og eActros.