*

Tíska og hönnun 19. febrúar 2014

Ellefu svefnherbergja höll í Dóminíkanska lýðveldinu

Í Dóminíkanska lýðveldinu er risastór eign til sölu á besta stað með útsýni yfir Karíbahafið.

Í hverfi sem heitir Casa de Campo í Las Colinas stendur falleg villa til sölu. Útsýnið er stórbrotið og er beint yfir Karíbahafið, Dye Fore golfvöllinn og stutt er í Altos de Chavon sem er vinsæll ferðamannastaður.

Nóg pláss er fyrir alla stórfjölskylduna eða heilt ættarmót ef því væri að skipta því villan er 2700 fermetrar. Í henni eru ellefu svefnherbergi, þrettán baðherbergi, þrjár sundlaugar, fjórir nuddpottar, gufubað og fleira huggulegt. Lóðin er næstum ein ekra og hún er fallega gróin.

Eignin kostar rúmar 800 milljónir króna en nánari upplýsingar má finna á fasteignavef Sotheby´s.