*

Tíska og hönnun 17. júní 2020

Emma Watson fær sæti í stjórn Kering

Enska leikkonan mun einnig leiða sjálbærninefnd tískurisans.

Enska leikkonan Emma Watson hefur verið kjörin í stjórn franska tískurisans Kering, sem á meðal annars merkin Gucci, Saint Laurent og Balenciaga. 

Watson, sem er hvað frægust fyrir hlutverk sitt í Harry Potter, er þekkt fyrir að klæðast endurnýjanlegum fötum frá hátísku hönnuðum á rauða dreglinum og öðrum opinberum samkomum. 

Hún verður einnig formaður sjálfbærninefndar Kering en tískufyrirtækið hefur fengið gagnrýni fyrir frammistöðu sína í þeim efnum, að því er segir í frétt BBC. Hluthafar hafa samþykkt kjörið á Watson. 

Watson hefur tekið þátt í ýmsum herferðum en hún er til að mynda andlit Good On You vefsíðunnar, sem raðar tískumerkjum eftir siðferðis- og sjálfbærnimælikvörðum. Helstu tískumerki Kering fá slæmar einkunnir á síðunni. Gucci og Balenciaga eru bæði metin sem „á byrjunarreit“ en Saint Laurent fær einkunina „ekki nægilega gott“.  

Stikkorð: Gucci  • Kering  • Balenciaga  • Saint Laurent  • Emma Watson