*

Bílar 5. október 2021

Enn sportlegri BMW X3 kynntur

Nýr BMW X3 verður kynntur næstkomandi laugardag. X3 er einn söluhæsti fólksbíll BMW.

Róbert Róbertsson

Uppfærður og enn sportlegri BMW X3 verður kynntur hér á landi nk. laugardag. Hinn fjórhjóladrifni BMW X3 er einn söluhæsti fólksbíll þýska lúxusbíla framleiðandans.

BMW X3 hefur tekið fáguðum, en nokkuð ákveðnum breytingumbæði útlitslega og í farþegarými auk þess sem BMW býður nú aukið val í búnaðarútfærslum.

Sem dæmi um útlitsbreytingar á nýjum BMW X3, sem kom á síðasta ári í fyrsta sinn í tengiltvinnútfærslu bensínvélar og rafmótors (PHEV), má nefna nýja hönnun á sambyggðuframstykki stuðara og svuntu með lóðréttum loftinntökum til beggja hliða. Þá er grillið stærra en áður og nú hannað sem eitt stykki í stað tveggja aðskildra eininga. Í ljóðréttri miðjubrú grillsins er val um myndavél. Þá eru framljósin örlítið lægri en áður og nú eingöngu búin díóðum (LED). Að aftan eru komin sportlegri afturljós, þar sem díóðurnar eru einnig alls ráðandi, nýir sexhyrningslaga púströrsendar eins og á X5 í stað þeirra kringlóttu sem áður voru auk þess sem komin er hlífðarplata undir afturstuðara til hlífðar fyrir akstur á misjöfnbum vegslóðum. Útlitsbreytingarnar undirstrika sportlega eiginleika bílsins og getu X3 til að koma við á áfangastöðum utan helstu alfararleiða.

Farþegarýmið hefur einnig fengið ákveðna upplyftingu, m.a. með sinkhúðuðum römmum á lofttúðum, Þá hefursnertiskjárinn á ofanverðum miðjustokkinum stækkað,komin er ný hönnun á láréttan miðstutokkinn við breytta gírstöngina ásamt því sem staðsetning sumra stjórnhnappahefur breyst, svo sem á ræsihnappinum sem áður var á ofanverðum miðjustokkinum en er nú við hlið gírstangarinnar. Að síðustu má nefna mælaborðið framan við ökumann sem fengið hefur áþekka hönnun og er í X5, og vönduð sportsætin sem nú eru meðal staðalbúnaðar í X3.

BMW X3 PHEV er fáanlegur í tveimur útfærslum; annars vegar X-Line með 292 hestafla vél eins og áður og hins vegar M-Sport, sem einnig er með 292 hestafla vélinni. BMW X3 PHEV hefur allt að 43 km drægni á rafhlöðunni og er dráttargeta bílsins tvö tonn. BL við Sævarhöfða kynnir bílinn á laugardag, 9. október milli kl. 12 og 16.

Stikkorð: BMW