Fjöldi fólks á bílasýningunni „Allt á hjólum" - myndir

Um 20 þúsund gestir heimsóttu bílasýningu Bílgreinasambandsins ,,Allt á hjólum" í Fífunni um helgina. Mikið var af glæsilegum bílum í Fífunni og margar frumsýningar hjá bílaumboðunum. Meðal stjarna sýningarinnar voru Jaguar F-Type, Mercedes-Benz S-Class í Plug-in Hybrid útfærslu, glænýr Audi TT og Porsche Targa.

„Bílasýningin heppnaðist mjög vel og við erum afskaplega ánægð og stolt að geta boðið upp á svona glæsilega sýningu. Við lögðum mikinn metnað í sýninguna ásamt bílaumboðunum og fleirum tengdum bílgreininni.

Um 20 þúsund gestir komu í heimsókn sem er svipaður fjöldi og árið 2013 þegar síðasta sýning var. Það er mjög gott að fá liðlega 6% af þjóðinni á bílasýningu sem stendur yfir í tvo daga.

Það sýnir sig enn og aftur að það er mikill áhugi á bílum meðal þjóðarinnar. Það voru margir í kauphugleiðingum sem kemur svo sem ekkert á óvart þar sem bílafloti landsmanna er orðinn mjög gamall og kominn tími til að yngja upp," segir Özur Lárusson, framkvæmdastjóri Bílgreinasambandsins.

Özur Lárusson, framkvæmdastjóri Bílgreinasambandsins.

Mercedes-Benz S-Class Plug-in-hybrid.

Land Rover Discovery Sport

Audi A6

Bílabúð Benna sýndi úrval bíla frá Porsche.

Brimborg sýndi Ford Cobra.

Nýr veltibíll frá á sýningunni.

Pétur Jóhann var einn af 20 þúsund gestum sýningarinnar.

Volkswagen Caravelle.

Plug-in-hybrid útgáfa af Porsche Cayenne.