*

Jólin 15. nóvember 2017

Fléttað jólabrauð

Margir hverjir eru farnir að huga að undirbúningi jólanna.

Jólavertíðin er svo sannarlega hafin þrátt fyrir að enn séu tvær vikur í aðventuna.


Þeir sem una jólunum hvað mest eru komnir á fullt við undirbúning jólanna, hvort sem það felur í sér að kaupa inn jólagjafir, gera heimilið jólalegt eða baka fyrir aðventuna. Eftir vinnu rak augun í þetta ljúffenga jólabrauð sem tilvalið er að baka í aðdraganda jólanna. Brauðið er fléttað og því einstaklega fallegt til þess að bera fram.

Brauðið má finna á heimasíðunni www.fallegtogfreistandi.is en þar er að finna skemmtilegan fróðleik um mat og bakstur og fjölda girnilegra uppskrifta.


1 pakki þurrger
2 dl mjólk
½ tsk kardimommur, muldar
½ tsk salt
2 msk sykur
1 egg
75 g smjör
450 g hveiti Fylling: 75 g smjör
1 dl sykur
150 g jarðaberjasulta frá Den Gamle Fabrik
100 g rifið marsipan


Egg eða mjólk til að pensla Aðferð: Hrærið gerið út í volga mjólk. Bætið kardimommum, salti, sykri og eggi út í og hrærið vel saman. Myljið smjörið út í helminginn af hveitinu og hrærið saman við gerblönduna. Setjið afganginn af hveitinu saman við í litlum skömmtum og hnoðið mjög vel – gjarnan í hrærivél með hnoðara ef slíkt er til staðar.  Leggið rakan klút yfir skálina og látið hefast í 45 mínútur. Hrærið smjör og sykur (í fyllingu) saman í mjúkan massa. Fletjið deigið út í stóran ferhyrning, ca. 30×40 cm. Smyrjið smjörmassanum yfir deigið og dreifið því næst sultu yfir. Stráið svo rifnu marsipani jafnt yfir, og rúllið upp í langa rúllu (frá langhliðinni). Skiptið deiginu í þrennt með því að skera eftir endilangri rúllunni, en gætið þess að skera ekki alla leið, deigið þarf að hanga saman svo auðvelt sé að flétta. Fléttið deigið í aflangt brauð og setjið á plötu með bökunarpappír. Penslið með eggi eða mjólk og látið hefast í 45 mínútur. Bakið brauðið í ca. 25 mínútur við 180°C og berið fram volgt