*

Bílar 26. ágúst 2015

Gjörbreyttur Hyundai Tucson

Nýr Hyundai Tucson var sérstaklega hannaður fyrir Evrópumarkað og ber þess greinileg merki.

Ný og gerbreytt gerð af fjórhjóladrifnum Hyundai Tucson sportjeppa veðrur kynnt næstkomandi laugardag hjá Hyundai í Kauptúni. Hönnun og þróun nýja bílsins fór fram í hönnunarmiðstöð Hyundai í Þýskalandi en framleiðslan fer fram í fullkomnustu bílaverksmiðju Hyundai sem staðsett er í Nosovice í Tékklandi. Nýr Tucson var sérstaklega hannaður fyrir Evrópumarkað og ber þess greinileg merki.

Við endurhönnum Tucson var mikil áhersla lögð á framsækið og nútímalegt útlit. Hér er á ferð einhver sú mesta breyting sem gerð hefur verið á bíl frá Hyundai á undanförnum árum. Þá hefur innréttingin einnig tekið stakkaskiptum og sama er að segja um búnaðarstig. Meðal nýjunga sem velja má um má nefna virkan akgreinavara sem með hjálp myndavéla aðalagar stýri ökumannsins eftir veglínu vegarins. Tucson er einnig fáanlegur með íslensku leiðsögukerfi svo fátt eitt sé nefnt.

Þrátt fyrir nýju 177 hestafla bensínvélina, sem er sparneytnari og aflmeiri en Hyundai hefur áður boðið upp á í þessum stærðarflokki, má búast við að áhugi viðskiptavina verði meiri á Tucson með dísilvél, sjálfskiptingu og fjórhjóladrifi. Dísilvélin er tveggja lítra og skilar 136 hestöflum. Samkvæmt uppgefnum viðmiðunartölum framleiðanda er eldsneytisnotkun hennar 6,1 l/100 km í blönduðum akstri.

Allar gerðir Tucson eru með sítengdu aldrifi sem er með sjálfvirka afldreifigu milli fram- og afturáss en þegar þörf krefur færist allt að 50% vélaraflsins til afturhjólanna. Hægt er að læsa drifbúnaðinum í 50/50 átaksstöðu til að auka drifgetu við erfiðar aðstæður. Aldrifsbúnaður Tucson er með nýrri skriðvörn sem kallast Advanced Traction Cornering Control eða ATCC sem eykur stöðugleika og öryggi í kröppum beygjum. Ný tveggja kúplinga 7 þrepa sjálfskipting er síðan fáanleg með nýrri 1,6 lítra bensínvél með forþjöppu sem skilar 177 hestöflum. Tveggja kúplinga sjálfskiptingar nýta afl og eldsneyti betur. Bíllinn er að sjálfsögðu einnig fáanlegur beinskiptur. Samkvæmt uppgefnum viðmiðunartölum framleiðanda er eldsneytisnotkun hennar 7,9 l/100 km með beinskiptingu og 7,6 l/100 km með sjálfskiptingu, hvort tveggja miðað við blandaðan akstur.

Stikkorð: Hyundai  • Hyundai Tucson