*

Menning & listir 15. febrúar 2014

Glæpurinn - Ástarsaga í bíó

Marteinn Þórsson mun skrifa handrit og leikstýra mynd eftir skáldsögu Árna Þórarinssonar.

Kvikmyndafyrirtækið Tenderlee MPC hefur tryggt sér kvikmyndarétt skáldsögunnar Glæpurinn – Ástarsaga eftir Árna Þórarinsson að því er fram kemur á vef Forlagsins.

„Tenderlee á að baki vinsælar kvikmyndir á boð við Rokland og XL en Árni er líklega best þekktur fyrir bækur sínar um rannsóknablaðamanninn Einar,“ segir á vef Forlagsins.

Marteinn Þórsson mun skrifa handrit myndarinnar auk þess að leikstýra en ráðgert er að hún verði tekin upp 2015. Þeir Árni og Marteinn auk Jóhanns Páls Valdimarssonar, útgefenda Glæpsins, undirrituðu samninginn um sölu kvikmyndaréttarins á skrifstofu Forlagsins fyrir skömmu.