*

Tölvur & tækni 4. ágúst 2013

Google kynnir síma sem „ávallt hlustar“

Motorola kynnir fyrsta nýja símann eftir að Google keypti fyrirtækið. Moto X er raddstýrður og ávallt vakandi.

Farsímaframleiðandinn Motorola, sem er í eigu Google, hefur tilkynnt komu nýs síma sem „ávallt hlustar“. Síminn ber heitið Moto X og fylgir honum nýtt stýrikerfi sem ekki krefst snertingar og hlustar sífellt eftir leiðbeiningum.

Orðin „OK Google now ... “, eða á móðurmálinu „Allt í lagi, Google, núna ...“, munu virkja hið nýja kerfi.

Síminn verður framleiddur í Bandaríkjunum og er sá fyrsti sem Motorola framleiðir eftir að Google keypti fyrirtækið í fyrra.

Hér má umfjöllun um hinn nýja síma í þættinum Street Smart á sjónvarpsrás Bloomberg fréttaveitunnar:

Stikkorð: Google  • Motorola  • Moto X