*

Menning & listir 18. janúar 2014

Harpa Einarsdóttir verður á Reykjavík Fashion Festival

Um tíma leit ekki út fyrir að Harpa næði að klára fatalínu frá Ziska í tæka tíð, en það mun takast.

Fatahönnuðurinn Harpa Einarsdóttir mun taka þátt í Reykjavík Fashion Festival, en Harpa er eigandi Ziska.

Í tilkynningu frá hátíðinni segir að í byrjun þessarar viku hafi verið óvíst hvort næðist að framleiða fatalínu frá Ziska í tæka tíð fyrir hátíðina, en það hafi nú fengist staðfest. Hönnuðir á RFF verða því átta talsins.

Í tilkynningunni segir að Harpa hafi lokið námi frá Listaháskóla Íslands árið 2005 og hafi tekið þátt í fjölda skapandi verkefna síðan þá. Var hún t.d. tilnefnd til norrænu Code hönnunarverðlaunanna fyrir hönnun og persónusköpun í tölvuleiknum EVE Online. Harpa hefur hannað fatalínur fyrir fyrirtækið E_Label og Gallerí 17.

Þátttakendur á RFF í ár verða:

  • Cintamani 
  • Ella 
  • Farmers Market 
  • JÖR by Guðmundur Jörundsson 
  • Magnea Einarsdottir 
  • REY 
  • Sigga Maija Ziska