*

Bílar 16. nóvember 2021

Heiðraður fyrir sjálfbærni flutningabíla

Scania 25 P BEV flutningabíllinn hlaut á dögunum sjálfbærniverðlaun á Sty 2022 verðlaunahátíðinni á Ítalíu.

Róbert Róbertsson

Scania hefur unnið nokkurra verðlauna að undanförnu fyrir sjálfbærni flutningabíla sinna. Nú hefur Scania 25 P BEV flutningabíllinn tryggt bílaframleiðandanum sjálfbærniverðlaunin á Sty 2022 verðlaunahátíðinni á Ítalíu.

Þetta er þriðji sigur Scania á verðlaunahátíðinni en verðlaunin þykja mjög eftirsótt. Scania 25 P BEV þótti standa sig framúrskarandi vel m.a. fyrir umhverfismilda vélina, öryggisbúnað, akstursþægindi og almenna sjálfbærni.

Dómnefndin sem var frá Vado e Torno tímaritinu og Sustainable Truck & Van hrósaði Scania flutningabílunum sagði m.a. í umsögn sinni að kolefnislaus flutningamáti er meira en bara möguleiki fyrir næstu kynslóðir ökumanna. Scania hefur sýnt fram á að fyrirtækið er með umhverfislausnir tilbúnar hér og nú.

Enrique Enrich, forstjóri Italscania, tók við verðlaununum fyrir hönd Scania og sagði að þessi verðlaun séu frekari staðfesting á þeirri öflugu tækniþróun sem Scania hefði náð í umhverfsimálum og sjálfbærni flutningum. „Rafrænar lausnir eru mikilvægar fyrir flutningageirann sérstaklega þar sem um er að ræða engan útblástur og enga hljóðmengun,“ sagði Enrich.

Scania vann í sumar hin virtu „Green Truck“ verðlaun og er það fjórða árið í röð sem atvinnubílaframleiðandinn nær þeim árangri. Framkvæmdastjórn ESB hefur staðfest að Scania stendur sig best meðal stórbílaframleiðenda í að draga úr losun koltvísýrings.

Stikkorð: Scania  • Scania 25 P BEV