*

Hitt og þetta 16. nóvember 2020

Hetjurnar sem gerðu ekkert

Þýsk stjórnvöld skora á yngri kynslóðina að drýgja hetjudáð í faraldrinum með því að hanga upp í sófa.

Hver kynslóð þarf að takast á við sínar áskoranir og raunir. Yfirvöld í Þýskalandi brýna ungt fólk til góðra verka með skemmtilegri sjónvarpsauglýsingu. 

Þar rifjar gamall maður upp hvernig hann stóð sína plikt sem ungur verkfræðinemi árið 2020 í kórónuveirufaraldrinum. Athygli þjóðarinnar hafi verið á hans kynslóð sem sinnt hafi skyldu sinni — með því að gera ekki neitt. Þolinmæði var helsta vopnið enda hafi þau hangið í sófanum öllum stundum og gert sem minnst. Þannig hafi tekist að vinna bug á veirunni.

Það er ekki bara í Þýskalandi sem ungir sem aldnir eru hvattir til að gera svo gott sem ekki neitt enda er útgöngubann við lýði víða heiminum nú um stundir.

Hægt er að horfa á auglýsinguna hér að neðan: