*

Tölvur & tækni 2. janúar 2014

Íslenskt app eitt af þeim bestu í heimi

Fyrirtæki í Kópavogi hefur um nokkurra ára skeið búið til hugbúnað sem slegið hefur í gegn.

Jón Aðalsteinn Bergsvein
 - jon@vb.is

Nýjasta útgáfan af hugbúnaðinum AirServer 5.0 er ein af tíu bestu smáforritum síðasta árs, að mati mati netmiðilsins TUAW. Þetta er einn af helstu netmiðlunum sem fjalla um vörur og hugbúnað sem tengist Apple. Til marks um gæði hugbúnaðarins er forritið Evernote frá samnefndu fyrirtækisins talsvert neðar á lista TUAW.

AirServer er hugbúnaður sem fyrirtækið App Dynamic í Kópavogi hefur búið til frá grunnið. Með forritinu, sem er jafnframt til fyrir Windows-stýrikerfið, er hægt að streyma efni frá símum og spjaldtölvum í gegnum tölvur sem tengdar eru við sjónvarp eða myndvarpa. Hugmyndasmiðurinn heitir Pratik Kumar og hefur hann í gegnum tíðina þróað fjölda forrita sem hafa slegið í gegn, s.s. í netverslun Apple, iTunes.  

Í umfjöllun TUAW segir að rúmlega ein milljón manna noti hugbúnaðinn á hverjum degi. 

Hér að neðan má sjá skýringarmyndband frá App Dynamic.

Stikkorð: App Dynamic  • Pratik Kumar  • AirServer  • AirPlay