*

Sport & peningar 30. nóvember 2017

Jussi valdi 28 kylfinga í landsliðshóp GSÍ

Landsliðshópurinn gæti breyst á tímabilinu.

Jussi Pitkanen, afreksstjóri GSÍ, hefur valið þá leikmenn sem skipa landsliðshópa eldri og yngri kylfinga á árinu 2018. Atvinnukylfingar eru ekki í landsliðshóp Íslands þar sem landsliðin keppa á EM og HM áhugamanna. Alls eru 28 kylfingar í hópnum. Frá þessu greinir www.golf.is 

Landsliðshópurinn gæti breyst á tímabilinu og fer það eftir árangri og frammistöðu leikmanna sem eru í núverandi hóp og þeirra sem voru ekki valdir að þessu sinni.

Frammistaða leikmanna í landsliðshópnum verður metin með reglulegu millibili þar sem ýmsir þættir verða lagðir til grundvallar. Þar má nefna frammistöðu og framfarir á undanförnum tímabilum. Einnig eru framtíðaráform og markmið leikmanna sem ætla sér í fremstu röð í golfíþróttinni höfð til hliðsjónar

Leikmenn sem skipa yngri landsliðshóp GSÍ fá stuðning og leiðsögn frá kylfingum sem eru í Forskot afrekssjóði. Nánar verður greint frá þeirri tilhögun síðar.

Landsliðshópur Íslands er þannig skipaður: 
Konur:
Guðrún Brá Björgvinsdóttir, GK
Saga Traustadóttir, GR
Ragnhildur Kristinsdóttir, GR
Berglind Björnsdóttir, GR
Helga Kristín Einarsdóttir, GK. 

Karlar:
Gísli Sveinbergsson, GK
Bjarki Pétursson, GB
Aron Snær Júlíusson, GKG
Fannar Ingi Steingrímsson, GHG
Rúnar Arnórsson, GK
Ragnar Már Garðarsson, GKG
Henning Darri Þórðarson, GK
Vikar Jónasson, GK

Yngri landsliðshópur Íslands er þannig skipaður:
14 ára og yngri: 
Böðvar Bragi Pálsson, GR
Eva María Gestsdóttir, GKG
Kinga Korpak, GS

15-16 ára:
Sigurður Bjarki Blumenstein, GR
Dagbjartur Sigurbrandsson, GR
Sigurður Arnar Garðarsson, GKG
Hulda Clara Gestsdóttir, GKG
Andrea Ýr Ásmundsdóttir, GA
Jóhanna Lea Lúðvíksdóttir, GR

17-18 ára: 
Ingvar Andri Magnússon, GR
Viktor Ingi Magnússon, GR
Daníel Ísak Steinarsson, GK
Ragnar Már Ríkharðsson, GM
Andrea Björg Bergsdóttir, GKG
Amanda Guðrún Bjarnadóttir, GHD

Alls eru 13 leikmenn í landsliðshóp karla og kvenna, átta karlar og fimm konur.