*

Bílar 22. nóvember 2013

Kia frumsýnir K900 í LA

Nýjasti lúxusbíllinn frá Kia er hlaðinn aukabúnaði. Þar á meðal eru 17 hátalarar í honum.

Kia mun kynna stóran lúxusbíl sem fengið hefur nafnið Kia K900 á bílasýningunni í Los Angeles. Þessi bíll er ekki alveg nýr af nálinni heldur þekktur sem Kia K9 í framleiðslulandinu S-Kóreu og fékk hugmyndaheitið Quoris í Bandaríkjunum en suður-kóreski bílaframleiðandinn hefur ákveðið að breyta nafni bílsins í K900 sem er meira grípandi. 

Kia K900 er afturhjóladrifinn bíll og verður boðinn með aflmiklar 6 og 8 strokka vélar. Sú minni verður með 3,8 lítra vél sem skilar 311 hestöflum og sú stærri verður með geysiöflugir 5,0 lítra vél sem afkastar 420 hestöflum. Báðar útfærslurnar verða með 8 hraða sjálfskiptingu. Bíllinn er hlaðinn lúxusbúnaði. Hann er einnig mjög tæknivæddur og er m.a. með 12,3 tommu snertiskjá, 360 gráðu myndavélakerfi og upplýsingum frá mælaborði er varpað uppá framrúðuna. Þá verður hægt að fá bílinn með tveimur 9,2 tommu skjám fyrir aftursætisfarþega og 17 Lexicon hljómkerfi með 17 hátölurum. Kia stefnir að því að setja bilinn á markað vestanhafs snemma á næsta ári

Stikkorð: Kia