*

Bílar 31. október 2019

Kia XCeed frumsýndur

Frumsýning á nýjum borgarjepplingi frá Kia verður á laugardaginn, og er forsala á tengitvinnútfærslu þegar hafin.

Róbert Róbertsson

Kia XCeed er glænýr bíll úr smiðju suður-kóreska bílaframleiðandans sem verður frumsýndur í Kia húsinu nk. laugardag klukkan 12-16. XCeed er borgarjepplingur (crossover) og er afar sporlegur í útliti. Forsala á XCeed í rafmagnaðri tengiltvinn útfærslu með 58 km drægi er þegar hafin.

Hönnunin á XCeed er lagleg og sportleg. Bíllinn er með með 184 mm veghæð og ökumaður hefur því góða yfirsýn. Umgengni um bílinn er góð og ökumaður og farþegar sitja hátt í bílnum. Bíllinn er með 426 lítra farangursrými með aftursætin uppi. XCeed er einn tæknivæddasti bíllinn í sínum flokki og má þar nefna 10,25“ upplýsingaskjá og 12,3“LCD mælaborð.

Þá er XCeed í boði með tæknivæddu UVO kerfi sem bætir enn frekar tengimöguleika varðandi afþreyingu og akstursupplýsingar og gefur ökumanni enn betra aðgegni að umheiminum og því sem er að gerast í kringum hann í akstrinum.

Kia hefur lagt mikið í að gera XCeed sem bestan í aksturseiginleikum og þæginda- og öryggisstuðullinn er einnig hár. Þannig er bíllinn búinn öllum nýjasta öryggis- og aðstoðarbúnaði frá suður-kóreska bílaframleiðandanum. XCeed þykir afar vel heppnaður í útliti en bíllinn er hannaður í hönnunarmiðstöð Kia í Frankfurt í Þýskalandi undir handleiðslu Gregory Guillaume, aðstoðarforstjóra hönnunardeildar Kia Motors í Evrópu.

XCeed verður fyrst fáanlegur með 1,4 bensínvél, 2WD og 7 þrepa DCT sjálfskiptingu, en á næsta ári kemur XCeed í rafmagnaðri tengiltvinnútfærslu sem verður án efa mjög vinsæl útfærsla af bílnum. Á næsta ári mun Askja einnig fá Ceed Sportswagon Plug-in Hybrid.

Samhliða frumsýningunni á XCeed nk laugardag mun Askja opna á forpantanir á þessum tveimur tengiltvinnbílum. Áætluð drægni þeirra er 58 km á rafmagni. Bílaumboðið Askja frumsýnir nýjan Kia XCeed í Kia húsinu að Krókhálsi 13 nk. laugardag klukkan 12-16.

Stikkorð: bílar  • rafmagn  • Kia húsið  • Kia XCeed