*

Bílar 9. júlí 2021

Krúttlegur rafsnattari

Ótrúlega lítill beygjuradíus gerir honum kleift að smjúga um götur borga og bæja og bregða sér í sjaldgæf, agnarsmá, bílastæði.

Krúttlegi rafsnattarinn Citroën AMI var kynntur í síðustu viku hjá Brimborg. Þessi litli bíll frá franska bílaframleiðandanum er sannkölluð bylting til snatts innan borga og bæja og smellpassar við aðra ferðakosti.

Citroën AMI er tveggja manna, fjórhjóla, rafdrifinn, yfirbyggður rafsnatti með 75 km rafmagnsdrægni og 45 km hámarkshraða. Hann er aðeins 2,41 m á lengd og 1,39 m á breidd. Hann er sérhannaður til borgaraksturs með hámarkshraða 45 km / klst., 75 km drægni á 100% hreinu rafmagni, 5,5 kWh drifrafhlöðu og 6 kW rafmótor og vegur aðeins 420 kg. Hann fullhleðst á þremur klukkustundum og ekki þarf sérstaka hleðslustöð heldur er innbyggða hleðslusnúran einfaldlega útdregin úr hurðarfalsi og stungið í samband við venjulegan tengil.

Ótrúlega lítill beygjuradíus gerir honum kleift að smjúga um götur borga og bæja og bregða sér í sjaldgæf, agnarsmá, bílastæði. Citroën AMI rafsnattinn er yfirbyggður með miðstöð með stórum gluggum og panorama þakglugga sem skapar mikið útsýni. Sæti eru fyrir bílstjóra og einn farþega, þeir sitja hátt og eru vel varðir fyrir óblíðu íslensku veðri.