*

Bílar 23. desember 2016

Lúxus pallbíll með kraftalegar línur

Nýr pallbíll Mercedes-Benz hefur fengið heitið X-Class og þykir hönnun hans hafa tekist vel.

Mercedes-Benz kynnti nýjan pallbíl til leiks í Stokkhólmi í síðasta mánuði sem fengið hefur heitið X-Class. Bíllinn er enn á hugmyndastigi en hann mun fara í framleiðslu á næsta ári. X-Class verður með aflmiklum vélum og Mercedes-Benz ætlar að gera bílinn sérlega góðan hvað varðar aksturseiginleika og þægindi eins og við er að búast frá þýska lúxusbílaframleiðandanum.

Hönnun pallbílsins þykir hafa tekist mjög vel. Hann er kraftalegur en um leið með flottar línur. Að aftan eru LED-ljósin mjög áberandi. Bíllinn verður búinn miklum lúxus í innanrýminu og mun meira en venja er í þessum flokki bíla.

X-Class verður með sex strokka V6 dísilvél sem skilar 260 hestöflum. Hann mun hafa burðargetu upp á 1,1 tonn og dráttargetu upp á 3,5 tonn. Bíllinn verður í boði með 4MATIC fjórhjóladrifinu frá Mercedes-Benz.

Stikkorð: Mercedes-Benz  • Atvinnubílar  • Pallbíll