*

Bílar 27. október 2016

Með ógnarkraft í vopnabúrinu

Nýr Mercedes-AMG E 63 verður frumsýndur í næsta mánuði.

Nýr Mercedes-AMG E 63 verður frumsýndur á bílasýningunni í L.A. í næsta mánuði. Þessi hraðskreiði lúxusbíll er með 4 lítra V8 vél með tveimur forþjöppum og með ógnarkraft í vopnabúrinu.

Hægt er að fá hann í tveimur útfærslum. Venjulega gerðin skilar alls 563 hestöflum og togið er 553 Nm. Bíllinn er 3,9 sekúndur úr kyrrstöðu í hundraðið þannig að þetta er alls enginn letingi. Í svaklegri S útfærslunni er bíllinn hins vegar enn aflmeiri. Þar eru alls 603 hestöfl undir húddinu og togið er 627 Nm. Í S útfærslunni er lúxuskerrann aðeins 3,3 sekúndur í hundraðið. Þetta er hraðskreiðasta gerðin af E-Class sem nokkru sinni hefur litið dagsins ljós. Bíllinn er hátæknivæddur eins og nýjasta kynslóð E-Class og með mikinn lúxus innanborðs. Í boði er 4MATIC fjórhjóladrifið frá þýska lúxusbílaframleiðandanum í Stuttgart.

Stikkorð: Mercedes-Benz  • frumsýndur  • AMG