*

Bílar 14. janúar 2022

Megane með allt að 470 km drægni

Ný kynslóð af hinum vinsæla Renault Megane er væntanleg til landsins í sumar, en forpantanir eru þegar hafnar hjá BL.

Róbert Róbertsson

Ný og gjörbreytt kynslóð hins vinsæla Renault Megane er væntanleg til landsins í júní. Bíllinn hefur þegar verið kynntur á sýningum víða á meginlandinu og sló strax í gegn hjá til að mynda Top Gear í Bretlandi sem útnefndi hann fjölskyldubíl ársins 2022.

Ekki aðeins hefur Megane verið endurhannaður frá grunni að utan sem innan heldur kemur Megane í fyrsta sinn í alrafmagnaðri útfærslu sem ber heitið Megane E-Tech.

Ytri hönnun Megane E-Tech er með nokkuð sérstöku útliti og lengra hjólhaf en áður ásamt flötu gólfi sem skapar meira og þægilegra rými fyrir farþega og ökumann. Bíllinn verður boðinn með vali um 40 kWh eða 60 kWh rafhlöðu við 160 kW rafmótor sem gefur annars vegar 130 hestöfl og allt að 300 drægni og hins vegar 220 hestöfl og allt að 470 km drægni. Bíllinn tekur mismunandi hleðslukosti, þar á meðal 22 kWh AC hleðslu, DC hleðslu og allt að 130kW hraðhleðslu í vönduðustu útgáfu bílsins.

Megane E-Tech verður boðinn í þremur búnaðarútfærslum, Equilibre, Techno og Ioniq og kostar grunnútgáan með 40 kWh rafhlöðunni 4.990.000 kr. Forpantanir eru þegar hafnar hjá BL.

Stikkorð: Renault  • Renault Megane