*

Bílar 26. júlí 2019

Mercedes-Benz áfram söluhæsti lúxusbíllinn

Salan er 4,6% lægri hjá Mercedes-Benz miðað við sama tímabil í fyrra en þá setti þýski lúxubílaframleiðandinn sölumet.

Alls seldust 1.134.729 Mercedes-Benz bílar á heimsvísu á fyrri helmingi ársins 2019. Mercedes-Benz er því áfram mest selda bílamerkið í lúxusbílaflokki miðað við sölutölur fyrstu sex mánuði ársins þrátt fyrir talsverðar breytingar á módelum en nýjar kynslóðir bíla hafa verið að taka við hjá þýska lúxusbílaframleiðandanum að undanförnu. Salan er 4,6% lægri hjá Mercedes-Benz miðað við sama tímabil í fyrra en þá setti þýski lúxubílaframleiðandinn sölumet. 

,,Eftir erfiða byrjun á árinu í bílasölu hefur salan náð að rétta talvert úr kútnum. Við teljum að þetta sé mjög viðunandi árangur miðað við gang mála í bílasölu í heiminum. Við erum stolt og ánægð að Mercedes-Benz heldur efsta sætinu sem mest seldi lúxusbíll heims. Framundan eru spennandi tímar á árinu m.a. hinn nýi EQC rafbíll og auk þess kemur ný kynslóð af GLC sem hefur verið mest seldi sportjeppi Mercedes-Benz síðustu ár," segir Britta Seeger, stjórnarmaður hjá Daimler AG sem er eigandi Mercedes-Benz. 

Mercedes-Benz seldi alls 457.595 bíla í Evrópu á fyrstu sex mánuðum ársins. Mercedes-Benz setti sölumet í Frakklandi, Spáni, Póllandi, Kína og Víetnam á fyrri helmingi ársins. Mest seldu bílar Mercedes-Benz á þessu tímbili voru A-Class, B-Class og nýr CLA.

Mikil eftirvænting ríkir eftir komu rafbílsins EQC en hann verður kynntur á Íslandi nú í september. Ísland er meðal fyrstu markaðssvæða heims sem kynnir þennan hrein rafknúna sportjeppa sem verður með drægi upp að að allt 417 km miðað við nýja WLTP staðalinn og hröðunin úr kyrrstöðu í hundraðið er aðeins 5,1 sekúnda.