*

Bílar 2. júní 2020

Mercedes-Benz EQV kominn í sölu

Nýr Mercedes-Benz EQV rafbíll er kominn í sölu hjá Bílaumboðinu Öskju en hann verður frumsýndur síðar í sumar.

Nýr Mercedes-Benz EQV rafbíll er kominn í sölu hjá Bílaumboðinu Öskju en hann verður frumsýndur síðar í sumar. Nú þegar hefur verið mikil eftirspurn eftir EQV sem er stór lúxusbíll og rúmar allt að 8 farþega.

EQV er hreinn rafbíll með engan útblástur og raunar rafmögnuð útgáfa af V-Class sem hefur notið mikilla vinsælda. Hann er með 90 kWh litíumíonrafhlöðu undir gólfinu sem skilar bílnum 204 hestöflum og drægnin er um 366 km. samkvæmt af WLTP staðli. Hámarkstog bílsins er 362 Nm. Hægt verður að hlaða bílinn upp í allt að 80% rafhlöðu á innan við 45 mínútum.

EQV er tæknivæddur í innanrýminu sem er vel búið þægindum og lúxus. Bíllinn er búinn hinu margrómaða MBUX margmiðlunarkerfi og er með stóru, stafrænu mælaborði. Þá er hann einnig búinn allra nýjustu aksturs- og öryggiskerfum frá Mercedes-Benz. Hægt er að breyta sætauppstillingum að vild en bíllinn er bæði ætlaður til einkanota og fyrirtækjareksturs.

EQV er annar bíllinn í EQ fólksbílalínu Mercedes-Benz en sportjeppinn EQC var frumsýndur á síðasta ári og hefur fengið mjög góðar viðtökur. eVito Tourer bætist svo við EQ línuna í nóvember á þessu ári. eVito Tourer er einnig 100% rafbíll og hefur sæti fyrir 7-8 farþega.

Stikkorð: Mercedes-Benz  • EQV